رواية خادمة الصقر الجزء الثاني الفصل الثاني والخمسون 52 بقلم يوستينا سامى
رواية خادمة الصقر الجزء الثاني الجزء الثاني والخمسون
رواية خادمة الصقر الجزء الثاني البارت الثاني والخمسون
رواية خادمة الصقر الجزء الثاني الحلقة الثانية والخمسون
تيجوا نروح يوم الفرح 🔥🔥🔥
في اكبر قاعة في مصر كانت مليئه بالاعلاميين والصحفيين اللي بيغطوا اكتر يوم المميز و ده بسبب جواز ادهم الحديدي من جميلة الحديدي و جواز كارمن الحديدي …
اما كانت حديث الساعة هو جواز عاصي السيوفي من لارا بنت عساف وده كان اكتر خبر صدم الاعلاميين ..
و بعد فتره قليلة نزل كل من عساف و خالد و صقر وتمت كل اجراءات كتب الكتاب و بدا كل واحد يقدم بنته في منظر روعة اغلب الموجودين اتاثروا من كم المشاعر .. كانت مشاعر أبوية صادقة
وكانت كارمن ولارا وجميله برغم انهم بيلبسوا نفس اللون الابيض الا ان لكل واحده فيهم سحر خاص وطريقه براقه ظهرت بيها وخلتها مميزه في نظر نفسها وفي نظر زوجها ..
و اتقدم عاصي و عز و ادهم و كل واحد اخد عروسته و بداوا في رقصة علي اغنية عاصي كان مختارها للارا
عاصي هو واخد لارا في حضنه و بيبص في عينيها و هو متاثر / مش مصدق انك بين ايديا. خلاص كدة
لارا كانت بتدمع بفرحة / خلاص هنقول خلصت الحكاية يا عاصي .. معقول
عاصي مسح دموعها و باس راسها / لا هنقول الأغنية اللي هتشتغل دلوقتي .. ركزي في كل كلمة فيها
دي مني ليكي
و فعلا بعد ثواني اشتغلت اغنية اوعديني 🎁
🌸 اوعديني لو زعلتي مرة منى تعرفيني
لو جرحتك غصب عنى تحسسيني
ما تشليش جواكي حاجة تحكى ليا كل حاجة
لما هفهم هبقى أحسن صدقيني 🌸
✨اوعديني لو نسيت يا حبيبتي نفسی تفوقینی
لو خدتني الدنيا منك رجعينى ، لو في لحظة زاد غرورى
إشتكى لومي وثورى ،بس اوعى فى يوم تروحى وتسيبينى
إنتى قلبى وإنتي روحي وإنتي عيني ،حد عايز أعيش معاه لآخر سنيني ،إنتى بالنسبة لى مش حب في حياتي
إنتى كل حياتى فعلاً إفهميني 🔥
و وفاجاه عاصي شال لارا و بدا كل اللي موجودين يصقفوا بحراره و بفرحة ليهم و بدات كل اجواء الفرح و بعد فتره
من الرقص كل واحد فيهم اخد مراته و قعد في الكوشة
علي تربيزة كان صقر قاعد و معاذ جمبه هو و قمر
و اتفاجاوا بيه بيدمع و حاطط ايده علي وشه
معاذ ابتسم / في ايه بس يا صقر … هو مش انت قولتلي انك مطمن عليها و هي في عصمة ادهم
صقر بوجع/ اه يا معاذ بس مش مصدق ان العمر جري بيا اوي كدة .. جميلة اللي كانت بتنام في حضني سلمتها بايديا خلاص لجوزها .
بص صقر لقمر اللي كانت بتعيط بحرقة و اخدها في حضنه و ضحك جامد/ كبرتا يا قمر .. خلاص جوزناها
قمر بدموع / شكلها حلو اوي يا صقر .. شايف ابتسامتها
قلب امها فرحانة ربنا يبسطها كمان و كمان
صقر حط ايده علي كتف معاذ / انت الوحيد اللي ناقص
يا معاذ وانا لحد دلوقتي محترم رغبتك في انك متتكلمش بس برضو لازم اطمن عليك .
معاذ بتاثر / متقلقش عليا ده انا معاذ الحديدي على سن
و رمح … انا هروح اسلم علي صحابي و الضيوف
و راح معاذ يسلم علي اغلب الضيوف و اكبر رجال الاعمال في مصر و الوطن العربي و كريم و عساف كانوا معاه ..
اما خالد فمكنش فاضي تماما لانه كان بيجهز انه لازم يغني اغنية لكارمن بنفسه ….
(معلومة .. خالد صوته حلو اوي 🌸✨)
و تحت صدمة كل اللي موجودين ان خالد اخد المايك و بدا يغني و هو موجه عيونه مع كارمن و كانه بيوجه ليها هي الاغنية دي 🤧
«بنتي و حبيبتي و كل حاجة في الدنيا ديا ،معقول كبرتي
و العمر عدي بالسرعة ديا»
«انا لسه شايفك بالضفاير بتجري جمبي و تلعبي
انده عليكي بسرعة تجري في حضني تيجي و تهربي»
«واهو النهاردة بقيتي احلي عروسة ممكن تشوفها عيني»
واليوم ده اجمل يوم في عمري و حلمت بيه انا طول سنيني»
« ولو لقيتي دموع في عيني فده علشان هتمشي وتسيبيني»
كارمن مقدرتش تستحمل كلمات الاغنية و قامت و هي بتجري و بتترمي في حضن خالد اللي دمع بفرحة و حضنها بشوق لدرجة ان عز اتغاظ قرب علشان ياخد مراته
عز/ جرا ايه يا حمايا … عيب كدة والله دي مراتي وراعي مشاعري مش كدة انا بغير
خالد ضحك و بعد عن كارمن و قاله / يا واد دي قبل ما تكون مراتك دي بنتي .. فاتلم بدل ما اخدها و امشي
عز بضحك / لا وعلي ايه .. انا اروح اقعد جمب امي احسن
و بعدها عز اخد كارمن و رجعه قعدوا في الكوشة مع بعض
و بدات باقي فقرات الفرح و اشهر المطربين
اللي جوم يحيوا الفرح 🥰
بعيد عن الكوشة كان خالد واقف في ركن بعيد
و دموعه علي خده بوجع علي كارمن اللي خلاص بقت في عصمة راجل و لقه حد حط ايده علي كتفه بص لقه نغم اللي كانت بتبتسم .
نغم ببتسامة مداريه دموع / كنت عارفة انك هتبقي واقف هنا … ليه بتعيط
خالد بوجع / مش مصدق .. بس فرحان ليهم والله بس مصدوم يا نغم و خصوصا انها هتعيش مع عز و حماتها يعني مش هتبقي معانا
نغم/ ايوة بس هتبقي علطول معانا . و بطل بقي كلامك ده
و متخوفنيش و انا اصلا شارطة علي عز انه يقعدوا عندنا في الاجازة ..يلا تعالي اغسل وشك بقي
و راح خالد مع نغم و حاول انه يفرفش و ميبينش حزنه
________________________________________________
علي التربيزة ✨
قاعد يزن ومعاه ميرا وفهد ونسمه ووعد وتامر ..
يزن بضحك / انا والله ما مصدق ان التلاتة بيتجوزوا في فرح واحد حركه حلوه عجبتني
تامر / انا فرحانه قوي لعاصي انا حاسس ان الولد ناقص يقوم يرقص عشره بلدي من فرحته
وعد بفرحه / ايوة فعلا .. ولارا كمان مبسوطة هما بيحبوا بعض بس الاتنين دماغهم صعبة
فهد/ قصدك ان الاتنين دماغهم جزمه بعيد عنك
وفي الوقت اللي فهد وجه في كلامه الوعد تامر بصله بحده بسيطة لانه مكنش متقبله بسبب اللي عمله فيها ساعة خطف لارا
فهد رفع حجبه وقاله / ايه يا عم انت بتبصلي كدة ليه .. نظره الانتقام ما انت بتتكلم مع يزن عادي ولا هي يعني جت على القرمط … على فكره بقى يزن اللي كان مسلطني يعمل كده
يزن ساب كوبايه العصير وقاله/ يخرب بيتك في ايه بتبيعني في ثانيه كده وبعدين هو قافش منك انا مال امي.
كريم قرب منهم و حط ايده علي كتف تامر و قال / لا
ولا هيبقى قفش منك ولا منه احنا خلاص بقينا اهل يا تامر ولارا دي تبقى اختهم علشان كده لازم تعذرهم .. ولا ايه
يا وعد لسه واخده على خاطرك
وعد بابتسامه / لا يا اونكل صدقني الموضوع خلص من بدري بس هو تامر اللي بيحب يغلس
تامر / يسلام.. مش مراتي لازم اغلس براحتي بقولك ايه
ما تيجي نرقص مع بعض
وقام تامر و وعد يرقصوا مع بعض و في نفس الوقت يزن بص لميرا وقالها/ ايه تيجي نرقص . الناس كلها بترقص مع بعض حتى كريم وياسمين قاموا رقصوا وانا وانتي قاعدين .
ميرا ضحكت جامد / لا بس مركزه مع ياسمين وكريم شايف بيبصوا لبعض ازاي .. وكان بجد العمر ماعداش .. بيحبوا بعض بجد يا يزن
يزن مسك ايديها و باسها/ يعني هما بيحبوا بعض بجد وانا وانتي ايه بقي … طب ده انا حتي عاملك حتة مفاجاه بعد الفرح هتحولك
ميرا قعدت تضحك / انت مش طبيعي حتي الفاظك بتموتني ضحك ..
يزن / طب يلا موت بموت .. تعالي نرقص …يلا يا سوسو
واخذ يزن ميرا وقعدوت يرقصوا مع بعض وبعد فتره مش قليله نزلوا كلهم واتبقى العرسان بس
تيجوا اخدكم في جولة رومانسية 💪✨
كارمن كانت بترقص مع عز ومبتسمه قوي و عز كان مصدوم من الابتسامه الغريبه
عز بهزار / انتي كويسه يا كارمن فيكي حاجه يا حبيبتي .. اوعى يكون حد من العيال الهبله اللي تحت شربك حاجه او اداكي حاجه
كارمن /ايه ده .. ايه الرخامه دي ما فيش حاجه بس مبسوطه قوي .. يا زوزي انت بقيت جوزي انت فاهم يعني ايه الكلمه دي .. ولا انت بقيت جوزي ياض
عز ضحك جامد / يخرب بيت عسلك يا شيخة ده انتي قمر ..وبعدين ما انتي كمان بقيتى مراتي
و غمزلها بعينيه و كارمن اتكسفت اوي وطت راسها
عز / يا خرابي يا خرابي على اللي بيتكسف يا ناس .. والنبي يا كارمن عايزك جريئه زي ما كنتي الاول لحد ما نروح عارفه لو روحنا الاوتيل وقلبتي قطه هزعلك
كارمن بكسوف/ بقولك ايه ما تلم نفسك بقى .. عز هو انا ينفع اسالك سؤال
عز /هو برغم ان ده مش وقت اسئله خالص بس مش مشكله اسألي يا حبيبي
كارمن / بص هو مش سؤال هو طلب ينفع تفضل تحبني كده على طول ولو في يوم حسيت انك زهقت مني او حبك قل تسيبني ما توجعنيش …ينفع يا عز
عز مقدرش يرد عليها لكن قربها لحضن قوي
وقالها / اوعي تقولي الكلام ده تاني . انا عمري ما هسيبك انا اصلا مش مصدق انك دلوقتي بين ايديا وفي حضني ده انا اللي بدعي ربنا اني ابقي زوج صالح ليكي
كارمن ابتسمت وقالتله /هتبقى والله يا عز تبقى احسن زوج في الدنيا دي كلها. بس المهم دلوقتي اني انا بحبك قوي بحبك قوي قوي قوي
عز ابتسم وشالها ولف بيها و الناس كلها كانت فرحانة بيهم
و يزن و فهد كانوا يصفروا ليهم بفرحة
ناحية ادهم و جميلة 🥰
ادهم كان بيضحك علي عز وبص لجميله وقالها / طب والله هيبقى عيب في حقي انا كمان عايز اشيل
جميله اتكسفت قوي قالتله /اوعى يا ادهم والله هزعل منك جدا بلاش تحرجني ..في ناس كثير قاعده غير ان في ناس بتصور وحياتي عندك ما تعمل كده
ادهم هو بيشد ايديها ناحيته / يا بنت انت مراتي بعدين
انا عايز ايه يعني ده انا كل اللي عايزه هو حضن واحد بس ..ايه حرام
جميله بكسوف / لا مش حرام بس انا بتكسف عشان خاطري ما تعملش كده مش هعرف ابص في وش اي حد منهم …
هو انت بتبصلي كده ليه اساسا
ادهم / اصل انت مش متخليه الرقه دي بتعمل فيها ايه بتموتني ..قدرني يارب
جميله بستغراب / يقدرك علي ايه .
ادهم رفع حاجبه و قالها / علي كل خير .. خليكي انتي
في حالك .. دي حاجة بيني و بين ربي
اما بقي في الجانب التالت 😛
عاصي و لارا و دي كانت حكايتهم حكاية
عاصي كان حاضن لارا وبيرقصوا مع بعض و مش مركزين
مع اي حد تاني
لارا بضحك / ما فيش حد مصدق ان انا وانت اتجوزنا
انا نفسي مش قادره اصدق انك بقيت جوزي خلاص …
ياه معقوله
عاصي / وربنا نفسي اصرخ واقول لكل الناس ده حلم وتعبت قوي عقبال ما حققته ..بت ما تقربي كدة و تجيبي بوسه هو انا مش جوزك برضو ما تراضيني باي حاجه الهي ربنا يراضيكي
لارا / وانت جاي دلوقتي تتشطر ما تستنى لما نروح طيب وبعدين بص على عساف بيبصلك ازاي هياكلك بعنيه يا عاصي
عاصي بضحك / اسكتي واحنا في الاوضه فوق بنجهز
وانا بلبس جاكيت البدله وقالي لو فكرت تقرب منها هعلقك
يا عاصي ..ابوكي متغاظ مني قوي مش قادر يقتنع انك خلاص بقيتي مراتي
لارا اتكسفت من مخزي كلامه وقالتله /طب خاف بقى منه عشان عساف حالف لياخدني معاه وانا مروحه النهارده
عاصي وشه اتقلب و بص لعساف بخوف وقالها / والنبي ما توافقي ..والنبي يا لارا ده يوم اللي بستناه طول عمري اكيد مش هتيجي انتي وأبوكي و تبوظيه يعني
لارا بابتسامه /والله على حسب على فكره انت لحد دلوقتي ما قلتليش احنا هنقضي شهر العسل فين
عاصي يقرب منها وكان على وشك انه يبوسها
وقالها / في مكان هيعجبك قوي قوي قوي بس سيبي نفسك ليا
لارا بعدت وشها /ايه اللي انت بتعمله ده الناس حوالينا .. بطل يا عاصي احسن والله اسيبك وامشي
و ارقص انت بقي لوحدك
عاصي ضحك وقالها /ماشي بس لما نروح هيبقالنا كلام ثاني خالص يا بنت عساف
في الوقت ده كان عساف قاعد على الترابيزه وهو متغاظ قوي وعمال يخبط في رجله وهمس اخدت بالها و ضحكت وحطت ايديها على رجله
وقالتله / يا حبيبي بطل عصبيه ده جوزها والله العظيم جوزها كتبوا كتاب خلاص يا عساف
عساف بغيره /جوزها في عينه وعينها شايفه قريب منها ازاي …انتي عارفه انه هاين عليا اقوم امسكهم هما الاتنين اداب .. بصي الواد بيبصلي ازاي بيغيظني
همس /يا حبيبي والله مش بيغيظك هو بس فرحان بمراته والنبي عساف بطل تكشير احسن الناس هتفتكر ان انت مجبور على الجوازه
عساف / طب ما انا مجبور على الجوازه .. بنتي بتتاخد قدام عيني كده وهتروح مع واحد غريب انتي متخيله يا همس
فهد كان قاعد جنبهم وقعد يضحك على كلام عساف
وقاله /وهيتحمرش بيها كمان يا عم الحاج .. خاف بقي علي بنتك .. انا لو منك اخدها في ايدي وانا مروح اه …احسن الواد دوت انا مش مرتاحله
عساف بغيره / انا بقول كده انا برده مش مرتاحله على فكره طب اقولك حاجه الماذون لسه موجود يلا يطلقها .. انا مش موافق اساسا
وقام عساف من على الترابيزه وهو مستعد انه يجيب الماذون وفهد قعد يضحك وما كانش قادر حتى انه يقوم يمنعه ..
وقرب عساف من الكوشه ووقف جنبهم وقال لعاصي
بحده / ابعد عن البنت وتعالى معايا عشان الماذون لسه موجود
عاصي باستغراب / ماذون ايه اللي لسه موجود ما احنا خلاص كتبنا كتاب .. في ايه عساف مالك ..هو انت بتبصلي كدة ليه ..هو انت هتقتلني يا عم
ولسه عساف هيرد عليه خالد قرب منه وقاله / تعالى معايا يا عساف ..استهدى بالله عيب كده الناس بتتفرج علينا تعالى .. تعالي و انتوا كملوا رقص
خالد اخذ عساف وخرج بره القاعه وعاصي بص لارا اللي كانت ميته على نفسها من الضحك وقالها / ابوكي ده متهور على فكره ومش مضمون ربنا يستر ..
________________________________________________
برا القاعة عساف كان بيشرب سجاره بغيظ و كريم و خالد واقفين جمبه قاعدين يضحكوا
عساف بعصبية/ انتوا بتضحكوا علي ايه .. يارب تكون الفقره عجبتكوا
كريم / استغفر الله العظيم يارب.. انا مش فاهم ليه كل العصبية دي انت ليه محسسني انها مصاحبة واحد ده جوزها
عساف بغيظ / محدش يقول الكلمة دي قدامي سامع
ولا لاء .. وبعدين هو انت عمرك ما هتحس باللي انا فيه
لانك مخلفتش بنات
كريم ببتسامة / هو انت بتذلني ولا ايه يا عم انت
وبعدين كويس اني ما جبتش بنت ما اديك شايف تربية يزن تفرح القلب .. بس خالد خلف البنت قولنا ايه احساسك
خالد ركز في كلامه وقاله /هو فعلا احساس صعب قوي
يا كريم انا مخي مش قادر يتقبل بس بقنع نفسي انها سنة الحياه .. يعني شر و لابد منه
عساف / وايه يبقي لابد منه انا اروح اخد بنتي واروح
و خلاص الموضوع يخلص
كريم وهو بيضحك /هو بمزاجك ولا انت فاكر ان لارا هتوافق .. انت مش شايف بصتهم لبعض عامله ازاي والله بيحسسوني بنظره مقاتل كسب الحرب
خالد / صح كريم بيتكلم صح هما يومين بس كده لحد ما نتعود زي ما قلتلك دي سنه الحياه يلا بقي نخش يلا
ودخل خالد وكريم مع عساف الفرح وقعدوا لحد ما الفرح خلص وكل واحد اخذ مراته وطلع على الاوتيل ايه اللي يعتبر مكان مؤقت لحد ما يسافروا شهر العسل ..
________________________________________________
قدام اوضة كارمن و عز 🤭
عز فتح الباب بيمسك ايد كارمن علشان يدخلها بس كارمن زقت ايده قالتله/ لا طبعا انا مش هخش كده لازم تشيلني
يا استاذ يا محترم
عز ضحك / يا بنتي .. ادخلي و جوا نعمل اللي احنا عايزينه
كارمن / لا تشيلني الاول ماليش فيه .. يلا بقي
عز ابتسم علي عقلها و شالها و دخل بيها الاوضة و هي كانت متشعلقة في رقبته بفرحة
جوا الاوضة عز بيحاول ينزل كارمن
عز/ خلاص يا كارمن انزلي انتي قافشة في رقبتي كدة ليه
كارمن كشرت / لا مش هنزل لف بيا شوية يا زوز انا فرحانة اوي .. لف بقي بروتة
عز رفع حاجبه / هو ايه اللي لف بيا سواق اجره انا انزلي
يا بت ايه هنضيع المجهود في الكلام الفارغ ده معقول يعني
و نزل كارمن على السرير اللي كانت متضايقه قوي مكشره و ربعت ايديها بعصبيه .. عز قرب و قعد جنبها / لا ما هو اكيد مش هنزعل من بعض النهارده ولا ايه يا ست كارمن ..
يلا بقي قومي غيري هدومك في الحمام يا كراميل قوم بقي
كارمن بصتله بخبث / لا انت اخرج غير هدومك بره في الصاله وانا لما اخلص هنادي عليك اتفقنا
عز قام من علي السرير و اخد البجامة بحماس/ اتفقنا اوي
يا قمر . بس بالله عليكي ما تتاخري علياا
وخرج عز يستنى كارمن في الصاله وقعد وقت طويل مستنيها وبرده ما خرجتش
عز كان بيكلم نفسه باستغراب / ايه ده لا تكون مش عارفه تغير الفستان ولا في ايه ..
وبص في الساعه لقه انها قاعده جوه فوق تقريبا الساعه وده اللي خلاه يقلق اكتر ودخل الاوضه وشاف منظر عمره
ما يتمناه لالد اعدائه ..
تفتكروا شاف ايه ؟
________________________________________________
في اوضة عاصي و لارا 👩❤️👨
لارا كانت غيرت هدومها من بدري و بتجري في الاوضة
و عاصي كان مصدوم من حركتها و بيجري وراها
عاصي بصدمة/ ايه هنفضل في فيلم توم اند جيري ده
لحد امتي بقي
لارا بتريقة / والله انت اللي اتحدتني البس بقي
عاصي / اتحديتك ايه بس حرام عليكي .. كل ده علشان ساعدتك في تغير الفستان ..يا ولية انا جوزك والله العظيم جوزك . تعالي بقي يا لارا الصبح قرب يطلع شكلي قدام نفسي بقي وحش اوي
لارا بدلع / لا برضوا مش هاجي ..عايزني يبقي اتعب شوية
و حاول تمسكني
عاصي / الله يخربيت دي جوازة كلها تعب .. هو مافيش حاجة بتيجي سهل ابدا عندكم في العيلة
لارا ضحكت جامد / يا عيني تصدق صعبت عليا اوي
عاصي و هو بيقرب ناحيتها / شوفتي والنبي انا طيب ازاي.. لا و اتحب بجد
و قرب عاصي من لارا و شالها و كان لسه هيطفي النور بصلها و قالها/ هطفي النور …مش هتجري يا لارا
لارا ابسمت و لفت دراعها حوالين رقبته و قالت بدلع / تؤتؤ اطمن انا اساسا فرهت
عاصي بصلها بخبث / اي ده هو احنا عملنا حاجة .. ده احنا لسه هنسمي يا بت
و طفي النور و بدات حياتهم كزوجين ❤️
________________________________________________
في اوضة كارمن و عز 😂
دخل عز الاوضة و اتصدم من اللي شافه ..شاف كارمن لابسة بجامة بيضاء ستان و نايمة علي السرير و واضح انها رايحة في النوم بجد
عز بصدمة قرب منها / لا اكيد دي تهيئات انا مش مصدق .. كارمن قومي .. كراميلا لا اكيد انتي مش هتعملي فيا كدة يوم دخلتي ..بت يا كارمن قومممي احسنلك ..
و حاول عز انه يقومها بس هي كانت نايمة جامد و ده خلاه يفقد الامل و قعد جمبها علي السرير و ابتسم علي طفولتها
و قال/ يمكن خافت مني و هربت بالنوم .. مش مشكلة الجايات اكتر من الريحات .. بس لما تصحيلي وربنا لانفخك
و قام عز و هو مغلول من السرير و طلع قعد في الصالة و كلم يزن اللي وقتها هو كمان كان حاجز اوضة في اوتيل يقضي فيه يومين هو و لارا .
في اوضة يزن 🤩
يزن و هو واخد ميرا في حضنه و بيهزروا مع بعض
لقه التليفون بيرن برقم عز
يزن بستغراب / اي ده .. ده عز بيرن عليا
ميرا بغيظ / ده وقته يعني .. هو مش برضو عريس
يزن / علشان كدة انا مستغرب انا هخرج ارد عليه و اجي
ميرا مسكت ايد يزن / يووه .. لا وحياتي ما تقوم من جمبي بص كنسل عليه و ابقي كلمة بعدين
يزن ابتسم و قرب من ميرا و باسها / مش هتاخر والله دقيقة واحدة و اجيلك
و خرج يزن يكلم عز ..
في التليفون..
يزن بحده / انت عبيط يلا في حد بيكلم حد في يوم زي ده
عز بغل / لا ما انا لقيت نفسي فاضي قولت اكلمك اضيع وقت بقي …. بدل ما اقعد اعد النجوم
يزن بستغراب / يعني ايه فاضي مش فاهم ..هو في حاجة حصلت ولا ايه
عز / لا خالص مافيش اي حاجة دي حتي كارمن نامت بس
بقولك ايه ما تيجي نروح نقعد علي اي قهوة
يزن قعد يضحك/ والله كارمن دي مسخره .. وبعدين ننزل ايه انت عبيط
عز / يا عم انا فاضي والله
يزن/ بس انا مش فاضي والله .. وخلي عند امك دم
و مترنش تاني .. علشان انا مشغول
و قفل يزن التليفون و سابه برا علشان عز ميزعجوش
و دخل لميرا 🤭
عز حط ايده علي خده / اه يا ابن المحظوظة . يعني يا ربي يزن يكون مضيقها و انا العريس العروسة تنام مني. فوضت امري لله والله
________________________________________________
في اوضة ادهم و جميلة …
دول في حتة تانية من العالم والله 🤭🥰
جميلة نايمة في حضن ادهم علي السرير و هو قاعد بيشرب سيجاره و كانت بتبص لملامح ادهم بحب و كل ما تفتكر اللي حصل بتكسف و تخبي وشها في دراعه
ادهم / ايه عمالة تبصيلي اوي ليه كدة دي نظرات اعجاب صح .. قولي قولي متتكسفيش
جميلة ضحكت جامد / ادهم هو انت مصدق اللي احنا فيه ده انا و انت مع بعض دلوقتي
ادهم ساب السجاره و نام جنبها علي السرير و باس
راسها / انا عن نفسي مصدق .. و مصدق اوي و باماره انك في حضني دلوقتي .. يعني بعد ما اصبر كل ده عايزاني كمان مصدقش .
جميلة قربت و باسته في خده / بحبك اوي يا ادهم
لو كنت بعدت عني كنت هموت
ادهم قرب و باسها / بعد الشر عليكي متقوليش كدة تاني .. انا مش هقدر هستحمل بعدك انتي يا جميلة
بقولك ايه ما تسيبك من الكلام الغلس ده و تعالي نكمل كلامنا المهم
جميلة ضحكت جامد / ده بعينك والله .. اوعي
و حاولت تقوم من علي السرير بس ادهم شدها ناحيته
و طفي النور و قالها / لا والنبي ليحصل
و هنسيبهم برضووووو. 🤭😛
________________________________________________
في بيت عساف 🔥
كان فهد قاعد معاه و بيحاول يهديه ..
فهد /ما خلاص بقى يا عم عساف اهدى شويه ده جوزها .. وبعدين انا جايلك في مصيبه وانت عمال تتكلم في الكلام الفارغ ده
عساف باستغراب/ مصيبه ايه ده النهارده فرح بنتي سيبني انا محروق دمي لوحدي
فهد ضحك / ده بدل ما تقولي فرح بنتي وانا فرحان
بس مش وقته الكلام ده … اسمع يا عساف انا بقالي كتير ساكت من ساعه العيد لحد دلوقتي … بس الموضوع موترني وومش قادر اقول لخالد
عساف اتوتر قوي و كانه كان عارف حاجة و قام وقف
و قال / لا استنى كده وفهمني بقى ايه الحوار بالضبط… مالك يا فهد انت بقالك كام يوم فعلا متغير
فهد بستغراب / في ايه مالك اتخضيت ليه كدة .. احنا اتبعتلنا فيديو بتاع الحادثه كامل ولحد دلوقتي انا وهي قاعدين مستنيين نعرف مين اللي بعته و هنتجنن ..
ولسه فهد ما كملش كلام ولقه بوكس في وشه من عساف
و ييشده من هدومه /انت غبي ازاي ما تقوليش وانا بقول برده ازاي خيري بيهددني بالثقه دي اتاريه ماسك عليك حاجه يا غبي .
فهد بصدمه / انا مش فاهم اي حاجه ايه علاقه خيري بمشكلتي انا هو مش خيري دوت اللي كان عايز يتجوز
ميرا مرات يزن …هو في ايه ايه القرف ده
عساف قعد على الكنبه وهو بياخد نفسه بصعوبه
وقاله / حوارات كبيره قوي … خيري ده يبقي شريك مختار في كل حاجه ودراعه اليمين. . واللي كنت شاكك فيه ساعه مشكلتك انت و نسمة اتاكدت منه امبارح
لما خيري كلمني وبدا يساومني اني اهربه بره مصر علشان عيله الحديدي ما تبقاش فضيحه الموسم استغربت وقلت في سري ايه اللي تحت ايده يهددنا بيه و خوفنا وزودنا الحراسه على الفرح بدل الطاق ثلاثه واربعه ..
فهد قعد جنب عساف على الكنبه وقاله/ انا لازم افهم ايه علاقه خيري دوت بيا والفيديو ده وقع تحت ايده بالغلط
ولا هو اللي قاصد يعمل كده
عساف /مختار هو اللي كان عايز يكسر خالد و يكسرني
انا كمان فبعت عاصي للارا علشان يكسر عيني ….ووصى ان يتصورلك انت الفيديو ده عشان تتفضح بيه
ده التفسير الوحيد اللي عندي
فهد بصدمة/ معقووول.. طب ليه كل العداوة دي ليه
واوعى تقولي ان دي مشاكل في الشغل … يا اخي غور ده شغل بيدمر عائلات وبيكسرهم احنا ليه بيحصل فينا كده
عساف حط ايده على كتف فهد عشان يهديه وقاله /لا مش شغل ..ده غل وكره قديييم اوي عايز تعرف السبب مش كده …
فهد بحده /يعني اضر بسبب الغل ده و كمان معرفش
عساف/ ماشي يا فهد.. اسمع يا سيدي مختار كانت عينه على نغم وهيموت ويطلق خالد منها ورمى اخته علي ابوك علشان توقعهم في بعض
فهد بصدمة / مختار رمي اخته .. اللي هي عمه عاصي
عساف بتريقة / اه متستغربش كده و ابوك اتجوزها عرفي لانه كان فاكر ان مختار بيعمل حوار بسبب الصفقات القديمة
بس مكنش يعرف نية مختار الحقيقة
وحصلت مشاكل كبيره قوي ولما خالد عرف قرر انه يكسر المختار نهائي وده اللي عمله وانا ساعدته فيه.
فهد بفرحة / والله العظيم مختار ده يستاهل الشنق ..
المهم عمل ايه خالد
عساف ابتسم و هو بيسترجع الذكريات / ابوك خرب بيته وفضحه وانا حبسته واتذل .. شاف ذل في الحبس مشفهوش في كل حياته يا فهد و ساعتها ادخل صقر و صالح السيوفي ابو عاصي و قدروا يهدوا الدنيا
و من ساعتها و خصوصا وبعد ما مات صالح السيوفي وهو بقى حاطط هدف قدامه ان هو هيكسرنا علشان كده سلط عاصي على لارا و انتوا حد يصوركم .
فهد كان قاعد مصدوم /ايه القرف ده ..انامش مصدق
طب والحل دلوقتي يا عساف انا مش فارق معايا الا نسمه دي بتدمر كل يوم قدام عيني وهي حامل ونفسيتها وحشه وده غلط عليها و علي اللي في بطنها
عساف/ ما تقلقش يا فهد انا مش هسكت على الموضوع ده وهعرف كويس قوي مين اللي وراء اسامه سواء بطريقه قانونيه او مش قانونية
استوووووووووووووووووووووووووووووووووب
احم احم انا عارفه اني كتير اتلخبط بس اوعوا تقلقوا 😂
كده انتم عرفتوا ان خيري هو اللي سلط اسامه انه يصور
فهد ونسمه امال ايه دخل عمر في الموضوع 🤯🥹
وتفتكروا اصلا ايه اللي ممكن يحصل
وهل فهد ممكن يتفضح ولا لا ؟؟
و اي رايكم في المشاهد الرومانسية … انفع صح 🥹😂
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خادمة الصقر)
