رواية خادمة الصقر الجزء الثاني الفصل السادس والأربعون 46 بقلم يوستينا سامى
رواية خادمة الصقر الجزء الثاني الجزء السادس والأربعون
رواية خادمة الصقر الجزء الثاني البارت السادس والأربعون
رواية خادمة الصقر الجزء الثاني الحلقة السادسة والأربعون
في المحكمة …
محامي مختار السيوفي كان بيحاول يثبت ان كلام عساف كله كدب و اتهامات بالباطل علي موكله و كان بيطلب من عساف انه يوضح دليل واحد علي مختار
عساف / والله انا كنت حاطط املي على شهاده واحد و بطلب من سيادة المحكمة انها تسمحله بالشهادة
المحامي بنبره تريقة/ هو حضرتك يا سيادة اللواء عندك شهود كمان . انا بحكم معرفتي أن مافيش غير شاهد واحد و هو عاصي السيوفي رحمه الله
مختار اتكلم بحزن / الله يرحمك يا عاصي
عساف ببتسامة / اه عندي شاهد قوي علي كلامي
و هو واقف براا
وفعلا سمحوا للشاهد انه يدخل وكانت الصدمه ان عاصي السيوفي داخل المحكمه بالكامل جرائته و معاه ادهم 🤷 ..
انت عاصي السوفي ..
عاصي بثقة / ايوة انا يا فندم عاصي السيوفي و سيادة اللواء عساف طلب مني اني اقول شهادتي
في المحكمة وانا كمان معايا الادلة و الاثباتات
مختار في اللحظة قام وقف بصدمة و هو مكنش مصدق عينيه و بص ناحية عساف بغل لكن عساف قابل نظرته دي بنظره انتصار و فرحة
المحامي بتاع مختار اتوتر وقال / ازاي إذا كان عاصي السيوفي مات اول امبارح بحادثه عربيه
عاصي بابتسامه/ هموت ازاي ما انا قدامك اهو حي اللي كانوا في العربيه كانوا حرس عساف باشا وتقريبا حصل لخبطه لان جثثهم كانت متفحمه يلا ربنا يرحمهم ويجعل مثواهم الجنه .
وبدات من هنا شهاده عاصي وبالفعل شهد على المختار بان هو اللي خطف لارا وحاول ان هو يبتز عساف و عاصي كان معاه تسجيلات بصوت مختار واللي فاجئ عساف اكثر في المحكمه ان عاصي طلب من امن بتوع فيلا الاسماعيليه ان هما يشهدوا معاه ضد مختار وده قوه جدا موقفهم في القضيه واتثبتت على مختار ان هو السبب في خطف بنت عساف و اتحكم علي مختار بالحبس …
______________________________________________
بره المحكمه كان الاعلام والصحفيين موجودين علشان يعرفوا ابعاد القضيه واتصدموا بان عاصي سيوفي على قيد الحياه ..
مختار وهو بيبص لعساف بغل و لسه هيخذوه عساف قرب منه قاله بشماتة / نظره الكسره اللي كان نفسك تشوفها في عيني انا شايفها ومستمتع بيها قوي يا مختار بس منك انت مش انا … مش عساف اللي يتكسر لا هو ولا بنته واوعى تكون فاكر ان القضيه دي هي النهايه لا دي بدايه … ورحمه ابويا لاخليك تعفن جوه السجن ويتمسح اسم مختار السيوفي من السجل والتاريخ كله وعلم على الكلام ..
مختار بغل / هنشوف يا عساف.. صبرك عليا
عساف ضحك بتريقة و سابه و مشي
وخرج هو وصقر وخالد من المحكمه واتحبس مختار ..
قدام المحكمة ..
عساف كان حاطط ايده على كتف عاصي والحرس بيحاولوا يبعدوا الاعلاميين عنهم وفجاه سمع عاصي سؤال من الصحفية / يا استاذ عاصي ايه احساسك وعمك اتحبس بسببك وليه طلعت اشاعه انك مت
عاصي بصلهم و هو مبتسم / معلومتك غلط ياريت تصلحيها .. انا ماليش عم اسمه مختار السيوفي اما اشاعه موتي يمكن تكون طلعت بهدف اني مجيش النهاردة و اشهد بالحق.
عساف بص العاصي بفخر وقاله / يلا نركب عربيه يلا
وركب عساف هو وعاصي وفهد في عربيه وخالد وصقر ومعاذ وادهم في عربيه تانيه وتحركوا لفيلا السيوفي اللي كان مختار حاطط ايده عليها بالعافيه ..و زي ما عساف وعد عاصي ان هو يرجعله ورث ابوه ..
وطبعا في خلال لحظات انتشر خبر بان عاصي السيوفي
على قيد الحياه 💪
_______________________________________________
في فيلا الحديدي 💪
كارمن كانت قاعده في الاوضه وبتقلب في الموبايل بتاعها واتفاجئت لايف قدام المحكمه و كان عاصي واقف جنب عساف اتصدمت جدا وقالت بفرحة / يا خبر ده عاصي عايش .. لارا ايوة اكيد هتتبسط اوي
و جريت كارمن علي اوضة لارا و اول ما دخلت لقتها قاعدة سرحانة علي السرير قربت منها و نطت علي السرير بفرحة
كارمن / شوفي المفاجاه دي .. بصي مين في الفيديو
لارا بستغراب / انا مش عايزة اشوف حاجة ..لوسمحتي ابعدي عني بقي انا مش ناقصة
كارمن / لا مش هبعد ..بقولك شوفي عاصي طلع عايش..بصي واقف اهوووو مع عساف قدام المحكمه و بيتكلم مع الاعلامين بس ايه طلع مز بجد
لارا بفرحة مسكت التليفون و بدات تتفرج على عاصي و مكنتش مصدقة / طب ازاي ..و ليه خبوا علينا حرام عليهم ده انا كنت هموت
كارمن/ صدقيني ما اعرفش بس اكيد هنعرف التفاصيل
لو مش دلوقتي بعدين .. بس هو انت لسه بتحبيه يا لارا
لارا بحزن / المشكله مش في انا لان عمري ما بطلت احبه حتى لما حاولت اني انزل تاني الورشه واشتغل وابني لنفسي شخصيه ما قدرتش انساه ده اول بني ادم انا حبيتك
كارمن/ امال المشكله في ايه .. في عساف علشان مش هيوافق صح
لارا /لا المشكله في عاصي نفسه لانه قالي انه مش بيحبني يا كارمن .
______________________________________________
في المستشفى عند يزن
كان ماسك تليفونه بيتكلم مع معاذ وعرف منه اللي حصل وكان مبسوط قوي
يزن / والله و عملتوها يا رجاله جدعان بجد اخيرا خلصنا من الكابوس اللي اسمه المختار ده
معاذ / اه يا اخي اخيرا خلصنا عقبال ما انت كمان تريح بالك من اللي اسمه خيري دوت ويغور في ستين داهية و ياكله قطر
يزن / قريب يا معاذ باذن الله قريب عموما ابقى طمني ايه اللي هيحصل في الاخر
معاذ / طمني انت الدكتور قال ايه هتخرج امتى و التفاصيل دي
يزن / الدكتور قال ان انا ممكن اخرج النهارده بس انا هطلع على بيت كريم محتاج ارتاح شويه
معاذ / هو ايه ده اللي محتاج ترتاح هو احنا فيلتنا فيها ناموس لامؤخده .. اسمع انا هقول لكريم انك تطلع على الفيلا عندنا . يا اخي ده حتى رمضان بكره وبعدين عشان نسلي بعض .. اتفقنا
يزن ابتسم اول ما افتكر رمضان وذكرياتهم مع بعض
وقال / اتفقنا يا باشا
وقف يزن التليفون وبص ناحيه ميرا اللي كانت قاعده مركزه في كلامه
ميرا / مالك الفرحه اترسمت على وشك ليه كده علفكرة انا كنت واثقه اصلا ان عساف هيكسب القضيه
يزن ببتسامه /يا سلام اشمعنا يعني ده انتي حتى ماتعرفيش عساف قوي
ميرا / بالعكس اعرفه طب اقولك حاجه انا بحس ان دماغك انت و هو شبه بعض اوي
يزن بتريقه / انا وعساف مستحيل بالعكس احنا شخصيتنا عكس بعض تماما بس يمكن لاننا بشتغل نفس الشغلانة. بس بقولك ايه ده مش موضوعنا انتي كنتي بتقوليلي ايه من شوية .. كنتي بتلبسي هدومي علشان ريحتي تبقي فيها
ميرا اتكسفت/ بلاش تغلس عليا بقي يا يزن .. الله
يزن ببتسامة / أنتي بتتكسفي مني .. يا ولية هو انا فيا حيل اعمل حاجة ده انا بقول كلام بس
ميرا بغيظ/ متقولش ما فيكش حيل دي تاني و انت هتقوم و تبقي زي الحصان و هتعمل كل اللي انت عايزه
يزن ضحك جامد/ طب انتي عارفة انا عايز ايه .. علشان كدة بتدعي بقلب اوي كدة
ميرا بدات تركز في كلامه و اتكسفت اوي و قالتله / تصدق انك فعلا قليل الادب و عمرك ما هتتغير حتي وانت تعبان ..
و اقولك كمان انا هسيبك و امشي
يزن / استني بس .. انتي مش المفروض تساعديني اقلع هدوم المستشفى دي و البس هدوم تانية علشان نتحرك اول ما يجي كريم
ميرا بكسوف/ انا البسك ازاي بس اصلك مش لابس هدومك
يا يزن وانا هتكسف
يزن/ اي المعلومة الرهيبة دي يا شيخة . طب ما طبيعي علشان كدة بقولك تعالي ساعديني علشان انا تعبان
و مش قادر اتحرك حتي
ميرا / لا والنبي ما اقدر انت تستني كريم يجي و انا هستني برا كمان علشان بتحرجني
و فاجاه قبل ما تخرج من الاوضة لقت يزن ماسك مكان كتفه و بيصرخ بوجع و ميرا رجعتله تاني بخوف
ميرا / مالك يا حبيبي انت كويس .. حاسس بايه
يزن مسكها و قالها بخبث/ لازم امثل يعني علشان تقربي مني ده انتي حلالي يا بت
و لسه يزن بيقرب منها اتفاجاه بالباب بيتفتح و ببدخل عز اللي اول ما يشوفهم بالحالة دي بيضحك جامد
عز بتريقه /.يا سبحان الله حتى وانت في المستشفى مش عاتق نفسك يا ابني ارحم هو انت لا ترحم ولا تخلي رحمه ربنا تنزل
يزن بغيظ رمي عليه علبة الدواء / لا رحمة دي تبقي خالتك اللي هخليك تحصلها يا عز اول ما اخرج من هنا ..وبعدين يا بهيم مش هما مخترعين الابواب برده عشان البهايم اللي زيك يخبطوا قبل ما يدخلوا
ميرا وهي بتضحك على غيظ يزن / كويس اصلا انك جيت علشان تساعد يزن يغير هدومه وانا هقف استناك بره بعد اذنكم
وخرجت ويزن كان متغاظ جدا وعز فضل يضحك
بتريقة / واضح انها بتتعامل معاك كانها خطيبتك و بصراحه انا فرحان فيك قوي
يزن / ده في الاول بس وبعدين ده طبيعي عشان احنا ما لحقناش ناخد على بعض وبعدين ايه ده انت بتدخل ليه في حياتي يا ابني انت ما تخليك في حالك وما تدخلش في حاجه ما تخصكش
عز باستغراب/ انت اهبل يلا ما انت اللي مدخلني هو انا حتي طلبت منك . و بقولك ايه تعالى بقى البس عشان كريم قالي ان هو في الطريق .
يزن / ايوه هنروح كلنا على الفيلا بقولك ايه ما تيجي معايا تتسحر
عز و هو بيلبسه التيشرت / ده على اساس يعني ان انا وما عنديش ام .. يا ابني دي طالبه مني كميه طلبات لازم اجيبها قبل ما اطلع البيت علي البيت
وبدا يساعد عز يزن انه يلبس كل هدومه و يزن كان مبسوط انه ربنا كافئه بصاحب زيه .
________________________________________________
في فيلا السيوفي 🌷
دخلوا كلهم وعاصي كان بيبص على الفيلا اللي هو اتربى فيها واتحرم ان هو يخشها وكانت مهجوره لان مختار فضاها تماما وقفلها
عاصي بوجع /ما كنتش مصدق ان انا ممكن اخش الفيلا دي تاني و وافتكرت اني اتحرمت منها زي ما اتحرمت من كل حاجه تخصني انا متشكر جدا يا عساف بجد متشكر
خالد بص عاصي وقاله / مين يقول لمين شكرا
صحيح انت ليه ما قلتش انك متفق مع بتوع الامن ومعاك كمان تسجيلات
عاصي ضحك جامد / علشان ما تفتكروش ان في شاهد تاني غيري وتستغنوا عني وانا كنت بجد محتاجكم علشان ارجع حقي
عساف بتريقة / اه يا ابن الجزمه طبعا ما انت برده عاصي السيوفي و واخد خبث عمك
عاصي ضحك بتريقة / يعني عايزني اجي اقولك اني معايا ادله تانيه تثبت ان مختار هو اللي خطف بنتك ..تقوم تاخدها مني وترميني انا وساعتها لا هعرف اوصل لحقي لا وكمان كان زماني ميت
فهد ضحك / لا طلع بيفهم مش عبيط .. طيب اعتقد بقى ان انا كده مهمتي خلصت صح يا صقر باشا اقدر بقى انا امشي . علشان عندي شغل
صقر ضحك / اه تقدر تمشي بس اعمل حسابك امك وقمر والعيله كلها هتكلمك عشان تعرف منك ايه حكايه ان عاصي عايش ده ….هتعمل ايه
فهد بتريقة / هعمل نفسي عبيط و دي جديدة علياا
يلا سلام عليكوووو ..
وقرب من عاصي قبل ما يمشي وقاله / مبروك لرجوع حقك واه انت ليك عندي اعتذار ده بسبب اللي عملته في اختك …لان انا اللي خطفتها
عاصي في اللحظه دي كشر جامد وقاله/ طب ليه بتفكرني .. ايه مش خايف علي نفسك مني
فهد ضحك/ لا انا مش بخاف انا بارد ..و بعدين بفكرك علشان زي ما ليك عندي اعتذار اني عملت كده في اختك .. انا ليا عندك حق ولازم اخده
مفاجاه فهد ضرب عاصي بالروسيه في راسه وقعوا على الارض جامد وقاله بابتسامه / كده انا اخذت حقي … يلا سلام عليكم
وخرج فهد من الفيلا وهو بيضحك وكانه ماحصلش حاجه وادهم حط ايده على وشه وكان عمال يضحك على فهد وعبطه
اما معاذ فقرب من عاصي وقومه من على الارض
وقاله / معلش معلش بنعالجه …قريب هيتعالج
عاصي بصدمه/ هو ده مجنون صح .. مخه مفوت يا عيني
خالد كان بيضحك وبصله وكشر / ولا احترم نفسك ده ابني هو اه عبيط بس واد جدعه وراجل كمان
ادهم وهو بيضحك / اصل انت مش عارف هو كان امبارح هيموت ويجي المخزن علشان بس يضربه ويروح ثاني بس ما اعرفش علشان حوار يزن
صقر / خلاص خلاص قفلوا على الموضوع ده. .. اعتقد ان احنا وجودنا هنا ما لوش لازمه كل واحد يروح شغله
و بص لعاصي وقاله / وانت ما ينفعش تقعد في الفيلا دي لوحدك انت لسه في خطر على حياتك لان احنا لسه في البدايه ومختار ممكن يوصي اي حد انه يخلص عليك
ومش معنى انك شهدت معانا اننا نرميك وخصوصا انك طلعت واد جدع
عساف بصدمه / جدع ايه وزفت ايه بس يا صقر ده عيل واطي واخد مني 10 مليون جنيه
عاصي و هو بيضحك / يخرب بيت ال 10 مليون جنيه هرجعهملك والله لارجعهملك صفي بقى نيتك من ناحيتي
عساف رفع حاجبه / اصفي نيتي من ناحيتك انت يالا ده انت اوطى خلق الله ده كان بيساوبني و احنا في امريكا …وكان بجح بجاحة
عاصي ابتسم / وما زلت على فكره بقولك ايه ماتعتبرني زي فهد وادهم عيالك .. اتبناني يعني انا ماليش حد خالص لا انا ولا وعد
عساف باستغراب / ايه ده هو رمي البلا .. ايع اللي انا فيه ده ..و بعدين هو في حد قالك ان انا اصلا طايقك يلا
ادهم قرب من عساف و باسه / خلاص بقى عساف مابتبقاش قلبك اسود احنا هناخده ونربيه من اول وجديد .. شكله غلبان
خالد/ اه والله عساف شكله واد غلبان و بعدين هينفعك … اعتبره المرمطون بتاعك
اتصدم من كلمه خالد بس قاعد يضحك وقاله/ انا موافق والله
خالد / شفت طلع كمان ما عندوش دم يعني هيتجاوب جدا مع فهد .. خلاص نجيبه عندنا الفيلا ده حتي رمضان بكره
صقر / طب والله فكره حلوه و الاوضة اللي في الجنينة هنفضيها وينام فيها
عساف كان بيبصلهم بصدمه وحاسس ان كلهم يتفقوا
عليه / انت هتلبسوني في عيل مش ابني
في ايه مالكم يا عيلة الحديدي ما تظبطوا كدة
معاذ قرب ناحيه عساف / والله ابدا طب ده معروف حتى ان عساف اب لكل الناس يعني انا ويزن وفهد وادهم بنجريلك في اي مشكله وبتلحقنا يرضيك ترمي الواد غلبان … شوف شكله غلبان ..غلبان يعني
عساف بستغراب / هو في ايه بجد انتم متفقين عليا ليه وبعدين ما انت عندك صقر وخالد اشمعنا انا يعني
عاصي قرب من عساف ومسك ايده و عساف برق من حركته دي ومن جراءته
عاصي/ بصراحه ومن غير مقدمات انت جدع قوي
يا عساف .. انا عارف اني كنت في نظرك ندل وحقير وانت عندك حق في كل كلامك ده .. بس كان غصب عني
عساف بتريقه / كنت في نظري حقير لو مازلت يا حبيبي والله انت لو فتحت قلبي كده هتلاقيه جوه بيتف عليك .
عاصي / ايه القرف ده .. ليه بتقفلني من الحياه
عموما انا كدة كدة جاي معاك و وعد هترجع من السفر هجوزها لتامر وهنعيش برده معاك انت عشان كده انا شايف ان البيت مش هيسعنا فالاحسن ان انت تجيب فيلا صغيره عشان تبقى اوضه لوعد وتامر لما يتجوزوا واوضه ليا انا ولارا و اوضة ليك انت و مراتك
في اللحظه دي عاصي كان داس على الوتر الحساس عند عساف ومسكه من قفاه وقاله/ لارا دي لو اسمها جه على لسانك هقطعهولك .. سامع يلا ولا مش سامع وبعدين تقعد معاك في اوضه واحده ليه يا روح امك
ادهم وهو بيفك عاصي من ايد عساف وقاله / في اعتبار ما سوف يكون اصل احنا نسينا نقولك ان عاصي طلع بيحبها وطالبها للجواز ..
عساف بصدمه / وانت موافق يا سبع الرجال .. تعالي يا ادهم ده انت هتاخد بالجزمة .. وحياه امك لاضربك يا ادهم
وبدا يجري ادهم وعساف يجري وراه وفي الاخر استخبى ادهم ورا صقر وقاله/ على فكره انت عمي و حمايا المفروض تحميني منه
صقر بجدية / ممكن بس بقى هزار ..مش وقته الكلام ده والكلام اللي انت قلته يا عاصي ده سابق لاوانه قوي وما ينفعش يتقال دلوقتي … احنا دلوقتي هنتحرك على الفيلا
عساف بص لصقر بصدمه/ برده يا صقر
صقر بحده / انا قلت ما اسمعش صوت حد فيكم النهارده هنتسحر مع بعض عشان بكره هيبقى اول يوم رمضان وانا ما عنديش اي استعداد ان اقضي شهر رمضان في الصراعات اللي بتعملوها دي
وخرج صقر و خالد ومعاذ وادهم خرج وراه اما عاصي هو وعساف فضل واقفين بيبصوا لبعض ولسه عساف هيتحرك ويخرج بره الفيلا عاصي جري ناحيته وقاله / يلا بينا قولي بقى فيلا صقر ديت حلوه و واسعه كدة ولا ضيقة كدة
عساف بص ليدو اللي ماسكها وقاله/ واسعه قوي قوي تعالي يا حبيبي تعالى ده انت هيطلع عين امك
وطبعا الحلاوه كلهم لفيلا الحديدي وعساف كان متوتر جدا من دخول عاصي تاني لحياه لارا بس ما كانش عارف يعمل ايه وقلبه بيقوله انه عاصي فعلا مظلوم
وعقله بيقوله بلاش تقرب الجاز جنب الكبريت وبعد صراع طويل قلبه هو اللي انتصر عليه ووافق ان عاصي يروح معاهم الفيلا ..
احم احم ممكن اتكلم انا بقي 😂
طبعا كلكم عرفتوا تخمنوا ان عاصي عايش واكيد انا مش هنكد عليكم في رمضان واموته بس تيجوا نعرف ازاي ده حصل 👀👀
قبل يوم الحادثه
عساف عرف ان مختار حط عاصي في دماغه ومصمم انه يقتله وده اللي خلاه يفكر ازاي يخفي عاصي لحد ميعاد المحكمه .. و خصوصا لما كمان عرف ان مختار مكلف الرجاله تراقب عاصي و موصي انم يفجروا العماره اللي هو عايش فيها
فلاااااااش باك
في الشركه
عساف وخالد وصقر وفهد كانوا قاعدين بيتكلموا مع بعض في الشركه بالليل قبل يوم الحادثه
فهد باستغراب/ يعني كدة ممكن العماره كلها تنفجر علشان بس عاصي يموت يا ساتر يارب
عساف / ايوه علشان كده انا فكرت ان انا انقل عاصي من العماره دي للفيلا واكيد هو هيحاول يخلص منه وهو في العربيه عشان مش هيعرف يوصله وهو في فيلا صقر
صقر/ و انت طبعا عايز العربيه تولع بالرجاله عشان مختار يعرف ان عاصي مات طب ودي نعملها ازاي
خالد / ايوه فعلا نعملها ازاي دي يا عساف… ما لو العربيه ولعت وعاصي مش فيها رجاله مختار هتبلغه بده و هيبقي باين اوي
عساف بتفكير / ما هو ده اللي انا بفكر فيه . وبعدين انا مش هعرف اضحي برجالتي برضوو
صقر بتفكير / يبقى اللي جوه العربيه يتبدلوا
عساف بستغراب / ايه يتبدلوا ..يعني ايه يا صقر
صقر بتفكير / يعني رجاله مختار اللي تحت البيت بيراقبوهم اللي متكلفين انهم يولعوا في العماره هما اللي يركبوا عربيه دي و تولع بيهم
فهد بتركيز/ والله العظيم فكره جامده ايه الدماغ دي يا صقر
عساف/ هي فعلا فكره حلوه بس كده مختار هيشك ان رجالته حصل فيهم حاجه وخصوصا ان هم مش هيكلموه
فهد / دي سهله جدا الرجاله قبل ما تتثبت انها تخش العربيه هناخد تليفوناتهم ويتبعت لمختار او لحد من رجالته ان هما لازم يختفوا خوفا من القلق
عساف خبط بايده على الترابيزه /طب والله فكره بس محتاجه تتعمل صح قوي ولازم انا وخالد وصقر ما نبقاش موجودين في مكان الحادثه دي نهائي
صقر /ومش بس كده لازم ما فيش مخلوق يعرف بالكلام ده غيرنا ولا حتى البنات ولا لارا علشان احنا مش ضامنين ان ممكن في الفيلا عندنا يبقى في جواسيس زي مافي فيلا مختار في جواسيس
فهد / ايوه بس معاذ وادهم لازم يعرفه امال مين هيساعدنا
صقر /طبعا هيعرفه انا عايزكم كلكم ايد واحده لان انتوا اللي هتعملوا كل حاجه … جه الوقت بقى ان احنا نتسند عليكم بجد .
وفعلا ده اللي حصل ومعاذ هو اللي كان متكلف هو والرجاله ان العربيه تتبدل ورجاله مختار يركبوا في العربيه اللي هتتفجر واتاخدت كل تليفوناتهم
اما ادهم هو خد عاصي لمخزن قديم علشان ما يبقاش ليه اي اثر للوجود …
اما فهد فهو كان بيتابع معاهم كل حاجه من بعيد لبعيد وهو اللي بعت الرسائل عن طريق تليفوناتهم لمختار ورجالته وكان مع عساف وصقر وخالد عشان يبين ان كل حاجه تمام و مافيش حد فيهم غايب .
يووووووووم الحدثة بليل في المخزن 😟
بعد ما الجرايد كلها كتبت عن موت عاصي ..
ادهم كان قاعد بره المخزن وبيتفاجئ من الكلام المكتوب في الصحافه ان يزن تعب جدا واتنقل المستشفى وده صدمه لانه ما كانش يعرف اي حاجه
ادهم بخوف طلع تليفونه وكلم فهد اللي كان وقتها في المستشفى عند يزن و كريم اللي محدش فيهم يعرف حاجة
في التليفون .
ادهم بغيظ / انت حيوان يالا انا مستنيك من الصبح علشان تيجي ونبدل اماكن و تقعد انت مع عاصي وفي الاخر اتفاجئ من الاعلان والصحافه ان يزن في المستشفى تعبان … انت ازاي ما تقوليش
فهد هو في المستشفى وبيتكلم بصوت واطي / يا بني ادم اهدى انا نفسي ما اعرفش اللي حصل ليزن الا النهارده بعد خبر موت عاصي .. اسمع انا في المستشفى دلوقتي عند يزن اول ما ارجع الفيلا هفهمك كل حاجه يلا سلام
و قفل ادهم معاه الخط و دخل لعاصي اللي كان قاعد في مكان متبهدل جدا
ادهم بتريقه /حمد لله على السلامه يا مرحوم
عاصي قام من مكانه وهو عمال يكح /والله العظيم حرام اللي انتم بتعملوه فيا ده .. انا اتخنقت انا قاعد بقالي هنا كذا ساعه والجو تراب ويقرف
ادهم/ مش بنحميك اصلا لولانا كان زمان العربيه مولعه وانت فيها بجد … بص جرايد النهارده كاتبة عليك ايه
عاصي مسك جرايد من ادهم وبدا يقرا الكلام اللي مكتوب وما كانش مصدق قد ايه على عساف حبك الموضوع قوي والناس كلها صدقت بموتوا
عاصي / انا نفسي صدقت اني ميت .. عساف ده دماغه سم قوي انا بدات اخاف منه
ادهم بغل / لا ما هو انت المفروض تخاف منه ومن اي حد يخصنا انت اه ساعدتنا بس ده ما يمنعش ان احنا لينا حق عندك
عاصي /ما بلاش بقى الغل اللي شايفة في عينيك دوت واهدى على نفسك كده وقول هديت ..امال لو كنت تعرفني
ادهم قرب منه ومسكه من الجاكيت بتاعه وقاله / انت كسرت لارا ولارا دي تعتبر اختي واقرب كمان وحقها هاخده من عينك بس نخلص المشكله اللي احنا فيها الاول
عاصي زق ايده جامد وقاله / انا عمري ما حبيت ان انا اجرح لارا او اكسرها ولو قلتلك اني بجد ندمان اني عملت كدة مش هتصدق … انا بجد بحبها
ادهم ضحك بتريقة / حب ايه اللي انت جاي تقول عليه .. بقولك ايه ما تقفل علي الموضوع ده لاني مش ناوي خالص اموتك دلوقتي قبل ما القضية تخلص
عاصي قعد علي الكرسي / ليك حق متصدقنيش . لاني انا نفسي مش مصدق نفسي .. بس علفكره
انا مش بكدب و ماليش اي مصلحة لكدة
وصدقني لارا دي انضف واحده انا عرفتها .
ادهم بغل / انا واثق من كدة يا بابا . و هي علشان نضيفة عمرها ما هتبص لوسخ زيك . اقعد كوول وانا هقف برا لاني مش طايق اشوف وشك
عاصي / يعني مش هتساعدني ارجعلها تاني يا ادهم
ادهم سمع كلامه و حس انه ممكن يكون ندمان علي اللي عمله و قعد يتكلم معاه وعاصي تقريبا حكاله عن كل ذكرياته وتعلقه ببنت اللي في الاخر خذلته عشان اتاخد منه الورث وده اللي خلاه رافض يقع في حب لارا بس اكتشف انه فعلا بيحبها ..
احم فلاش باااااااك كان طويل نرجع تاني للواقع ❤️
في فيلا الحديدي 🙊
دخلوا كلهم و كانت نغم و همس و قمر في الجنينة
و شافوا عاصي و هو داخل .
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خادمة الصقر)
