روايات

رواية خادمة الصقر الجزء الثاني الفصل الخامس والأربعون 45 بقلم يوستينا سامى

رواية خادمة الصقر الجزء الثاني الفصل الخامس والأربعون 45 بقلم يوستينا سامى

رواية خادمة الصقر الجزء الثاني الجزء الخامس والأربعون

رواية خادمة الصقر الجزء الثاني البارت الخامس والأربعون

رواية خادمة الصقر
رواية خادمة الصقر

رواية خادمة الصقر الجزء الثاني الحلقة الخامسة والأربعون

في بيت كريم 💚
صحي الصبح علي تليفون من رقم غريب و رد عليه
و هو تقريبا شبه نايم ..
كريم / ايوة ..مين
سعيد / السلام عليكم استاذ كريم
كريم /ايوة انا .. خير في حاجة يا استاذ
سعيد / ايوة يا بيه .. استاذ يزن قالي اكلمك و اقولك العنوان كمان .. هو عندي في البيت
كريم بص ناحية السرير علي ياسمين اللي كانت نايمة بخوف و خرج بسرعة يتسحب من الاوضة وطلع علي البلكونة
في البلكونة ..

 

سعيد / الووو يا حج انت سامعني
كريم بصوت واطي / يزن عندك في الشرقية بينيل ايه يا راجل انت … ابني ماله انطق
و بدا سعيد يقوله اللي حصل باختصار و كريم كان مصدوم
و قاله بخوف / ايه الكلام اللي انت بتقوله ده. مستحيل حد يقدر يعمل كدة في يزن ده ابني وانا عارفة ..
وفاجأه بدا كريم يحس بالوجع و الخوف و قاله بكسره/ طب هو عامل ايه دلوقتي …بالله عليك قولي الحقيقة
سعيد / صدقتي هو اتكتبله عمر جديد يا سعادة البيه والله انا هقولك العنوان
و سعيد قال لكريم العنوان و قفل معاه و لسه هيخرج من البلكونة اتفاجاه بميرا واقفة علي باب البلكونة وعماله تعيط بخوف ..كريم ادرك انها سمعت اللي اتقال فقربها منه و اخدها في حضنه
كريم / اشششش بس يا ميرا احسن ياسمين تسمعنا هي مش ناقصة يا بنتي
ميرا بدموع / يزن يا عمي انا كان قلبي حاسس انه
مش كويس . والله كنت حاسة انا لازم اجي معاك انا مش هقدر استني هنا
كريم / طب روحي البسي بس منغير صوت خالص..وانا هاخد اي حاجة من هدوم يزن علشان مدخلش اصحي ياسمين . بسرعة يا ميرا
و دخلت ميرا جري تلبس واخدت تيشرت من هدوم يزن
و لبسته و كريم جهز و لكن قبل ما يمشي هو و ميرا كلم الدادة كريمة من فيلا صقر تيجي تقعد مع ياسمين لحد ما يرجعوا .
_______________________________________________

 

تاني يوم الصبح 🌼
كانوا كلهم بيفطروا في الجنينة و فرحانين جدا لان القضية اتحدد لها ميعاد بعد بكره
خالد كان متحمس جدا وقال / الحمدلله بعد بكره القضية هانت يا جماعة و باذن الله نخلص من عاصي و مختار
عساف / ايوا صح .. صقر معلش انا قررت اجيب عاصي هنا الفيلا امان لحد بكره بس
صقر / انت عبيط يا عساف .. انت بتستاذن كمان البيت بيتك يا ابني اعمل اللي يريحك المهم هيقعد في الجنينة مش كدة
عساف / اه طبعا.. متقلقش
عساف لقه تليفونه بيرن مسكه ورد على التليفون وسمع اسوء خبر ممكن يخطر على بال اي حد و في اللحظة دي ملامح عساف كلها اتبدلت و الخوف سيطر عليه
همس مسكت ايده / مالك يا حبيبي انت كويس
عساف بصدمة / العربية اللي فيها عاصي و الرجالة ولعت
و هما جواها .
صقر قام بخضه وقاله / ايه الكلام اللي انت بتقوله ده
يا عساف اكيد في حاجه غلط يعني والحرس اللي معاه
عساف غمض عينيه بوجع و قعد علي الكرسي و خط ايده علي راسه وقاله/ العربيه ولعت بيهم كلهم انا كنت عارف ان مختار مش هيسكت ..بس افتكرت اني هقدر احميه منه
همس حطت ايديها علي بقها بصدمة و قربت من بنتها و حضنتها بخوف اما نغم بدات تدمع بصدمة / يا ساتر يا رب طب ايه هو اتنقل المستشفى ولا حصله ايه بالضبط
خالد لاحظ دموع نغم وقرب منها وحط ايده على كتفها
و قربها لحضنه هي و كارمن

 

و قالهم / بس انتي وهي بتعيطوا على ايه ده عيل ابن كلب اصلا .. ده لما وافق يساعدنا ساومنا على 10 مليون جنيه
نغم وهي واخده كارمن في حضنها وبتعيط/ لا بس ده عيل يا خالد في عز شبابه يحصل فيه كده ليه
صقر / بس يا نغم اهدي وانتي قمر كمان انت وجميله اهدوا بقى يا جماعه مش كده سيبونا نعرف نتصرف في الكارثه اللي احنا فيها دي
وفي عز ما صقر ملهي في قمر وجميله وخالد بيحاول يهدي كارمن ونغم حتى فهد واخد نسمه في حضنه اللي كانت بتعيط بخوف
كانت لارا واقفه جنب همس وملامح الصدمه والزهول مرسومه على وشها وكانها ما سمعتش اي حاجه من كلامهم او يمكن سمعت بس مخها مش قادر يستوعب
عساف كانت عينه عليها وشايف ملامحها وقرب منها وحط ايده على راسها وقالها / لارا انتي كويسه يا حبيبتي … لارا ردي عليا انت كويسه …لارا
لارا بصت لعساف بنظره وجع نظره حرقت قلبه اوي عليها وفجاه لقاها وقعت بين ايديه باستسلام
همس بخوف / يا حبيبتي يا بنتي .. ردي عليا يا لارا احنا ايه اللي بيحصلنا ده بس ياربي
عساف / بس يا همس مش وقت الكلام ده .. اوعي
واخذ لارا وطلعها على اوضتها وجميله قعدت جنبها عشان تطمن عليها لحد ما تفوق و كلهم كانوا حواليها .
أما صقر وخالد وعساف وفهد دول اللي كانوا موجودين في الفيلا وهما اللي راحوا على المستشفى عشان يفهموا ايه اللي حصل ..
برا الفيلا .
فهد بحزن / هو بجد ممكن يكون مات … مش ممكن يعني الحادثه تكون عملتله اصابات بس

 

خالد حط ايده على كتف ابنه وقاله / يا ريت يا فهد يا ريت يا ابني يلا هنروح المستشفى نشوف ايه اللي حصل .. هما اتنقلوا كلهم
واتحركوا على المستشفى ومجرد ما وصلوا هناك اتفاجئوا بالاعلام والصحافه ماليه الشارع قدام المستشفى وعربيه مختار السيوفي والحرس بتوعه لسه واصلين برده
الاعلام كان ملفوف حوالين مختار السيوفي وحد ساله
و قاله / تفتكر مين ليه مصلحه في اللي حصل لابن اخوك عاصي السيوفي
مختار بيتاثر / ما اعرفش و لحد دلوقتي مش مستوعب اللي حصل ارجوكوا بلاش كلام دلوقتي .. ارجوكوا عايز اطمن عليه الاول
والحرس بعده الاعلام عن مختار اللي كان بيبص لعساف بالنظرات شماته وغدر ودخل المستشفى اما رجاله وحرس عساف والعيله بعده الاعلام تماما عنهم وقدروا ان هما يخشوا من مستشفى ولكن بصعوبه
______________________________________________
في المستشفى 💐
كانوا كلهم واقفين عند اوضة اللي محجوز فيها كل اللي كانوا في العربية اللي ولعت و عساف واقف مش علي بعضه
صقر بصوت واطي لعساف/ اهدي … اكيد ربك مش هيخذلك يا عساف
عساف بصوت مكسور / لو عاصي مات …انا كدة ابقي قضيت علي سمعة بنتي بايدي يا صقر مختار مش هيسمي علينا
خالد / لا متقولشي كدة .. كلوا هيعدي باذن الله
في الجانب التاني
مختار كان بيكلم واحد من رجالته وهو في غايه سعادته

 

و قاله بشماته/ بعد الدقايق يا نبيل عشان يخرج الدكتور ويقولي انه مات نفسي اشوف نظره الكسره اكثر
على وش عساف
نبيل بتريقه / هو انت لسه هتشوفها يا باشا ما هي
مرسومه قدامك اهي
مختار بشماتة / لا هو بيحاول يداريها لكن لما يسمع خبر موته مش هيعرف يداريها و ساعتها لا صقر ولا خالد هيقدروا يساعدوه في حاجه حتى كريم مشغول باللي حصل لابنه ده لو لسه عايش اصلا
نبيل / عندك حق يا باشا بس ما تقلقش الدكتور هيخرج وهياكد ان عاصي مات متفحم
وللاسف في نفس اللحظه اللي نبيل بيتكلم فيها خرج الدكتور ونظرات الحزن على عينيه وقال / للاسف الثلاث افراد اللي كانوا في العربيه اتوفوا وهيتنقلوا حاليا من الاوضة لل ..
عساف قطعه في الكلام / ايه اللي انت بتقوله ده معقول ما فيش واحد فيهم اتنجي ..ازاي بس ارجوك يا دكتور اعمل اي حاجه انا يفرقلي انه يعيش
الدكتور حط ايده على كتف عساف باسف وقاله/ انا اسف جدا والله يا عساف باشا.. بس الجثث متشوهة من الحادثة و ..
عساف في اللحظه دي ما قدرش يتمالك اعصابه وجري على مختار و مسكه من هدومه وقاله/ حرام عليك يا اخي انت ايه ما عندكش قلب عشان العداوه اللي بيني وبينك تعمل فيه كده .. انت ايه يا اخي ….انت ايه
صقر مسك عساف هو وخالد عشان يبعدوه عن مختار والحرس كانوا بيحاولوا يحوشهم عن بعض
مختار بيمثل /حزن انت عايز تقول ان انا السبب في موت ابن اخويا للدرجه دي قلبك اسود .. و بعدين هستفيد ايه ده كان زي ابني .
عساف ما قدرش يسند طوله وقعد على الارض وسند راسه على الحيطه وكان خلاص حاسس ان الدنيا بتنتهي قدام عينيه .
صقر قرب منه و قاله / لاا قوم متتكسرش كدة قدامه
يا عساف مهما يحصل
عساف / خلاص يا صقر هو انا لسه هتكسر .. ما انا اتكسرت و اللي كان كان
وقعدوا في المستشفى كلهم فتره من الوقت ومختار استلم الجثه وراحوا عشان يدفنوها في مقابر عيله السيوفي
و الاعلام كان شاهد علي الدفنة بس طبعا من غير
ما يشوفوها تماما لانها كانت مشوهه ..

 

________________________________________________
في الشرقية 🤷
يزن كان قاعد على السرير وهو تعبان جدا ومريم كانت بتاكله وسعيد كان بيجيب كريم وميرا من على اول الطريق
يزن بتاع / انا متشكر قوي تعبتك معايا بس انا مش قادره اكل
مريم / صدقني يا يزن ما ينفعش انت تعبان ولازم تاكل دي امي عامله ليك الفرخه دي كلها لوحدك
يزن لف وشه الناحية التانية / ارجوكي سيبيني في حالي بقي.. هو فين عم سعيد
مريم / اسيبك في حالك ازاي بس وانت بالحاله دي انا قلت لامي ان انا قاعده جنبك لحد ما تاكل كل الاكل ..وبعدين ابويا راح عشان يجيب والدك تقريبا من على الطريق
يزن بصلها بفرحه / انتي بتتكلمي جد كريم خلاص وصل الشرقيه. الحمدلله سيبيني بقى في حالي وامشي
مريم /والله ما هيحصل غير لما تاكل .. صحيح هو انت
شغال ايه يعني .. اصل شكلك ابن ناس مش كده
يزن بوجع / انا شغال ضابط ..او كنت ظابط
ولسه مريم بترد عليه لقيت واحده دخلت جري الاوضه بلهفة و كانت ميرا اللي اول ما شافت يزن وهو بالحاله دي حطت ايديها على بقها بتحاول تكتم صوت عياطها كعادتها من وهي صغيره
يزن ابتسم بوجع و حاول يرفع نفسه / تعالي يا ميرا .. تعالي

 

ميرا قعدت تعيط جامد و قربت منه و كانت خايفة تقرب من جسمه تاذيه .
ميرا بصوت مبحوح / انت كويس .. عملوا فيك كدة ليه عمله فيك كدة بسببي انا.. كل اللي بحبهم بيتاذوا بسببي
. انا اسفة انا اسفة اوي يا يزن
و بغشومية اترمت عند كتفه تعيط و يزن رفع ايده بصعوبة
و اخدها في حضنه / بسس ..اششششش اهدي انا مش قادر اناهد و النبي اهدي
مريم / ايوة حرام عليكي انتي مش شايفة حالته عاملة ازاي ..ابعدي شوية عنه
ميرا لاحظت اصاباته و ان ايده و رجله و راسه ملفوفين و بعد عنه بخوف / انا اسفة .. انا وجعتك يا يزن
يزن بص لمريم / ملكيش دعوه بيها… تعالي يا ميرا قربي ده انا مصدقت اشوفك و اشم ريحتك
ميرا بدموع قربت من يزن براحة و باست ايده / هتبقي كويس صدقني هتخف يا يزن
يزن ابتسم بكسره و قالها / كريم فين يا ميرا
ميرا مسحت دموعها وقالتله / واقف بره مع رجاله الاسعاف هو مش قادر يدخل يشوفك وانت تعبان كدة .. ما تخافش رجاله الاسعاف هتنقلك من هنا لحد المستشفى في مصر ..
يزن / طب فين ياسمين عرفت حاجه
ميرا / لا لا ما عرفتش كريم خاف عليها تعرف يحصلها حاجة ما تفكرش في اي حاجه دلوقتي و اهدى
وبعد لحظات دخلوا ثلاث رجاله من الاسعاف والحرس بتوع كريم ملوا الاوضه ومريم كانت مصدومه هي وامها ان قد ايه يزن ده شكله ابن راجل اعمال تقيل .
كريم اتوجع اول شاف شكل يزن و قال لرجالة الاسعاف

 

بخوف / بالراحه عليه وانتوا بتنقلوه .. علي مهلكم
وبدا رجاله الاسعاف انهم ينقلوه بالراحه لعربية السعاف وميرا اصرت تركب معاه و اتحركت العربية ما كريمكان واقف يتكلم مع سعيد
كريم طلع كارت وقاله / ده عنواني … شركه الحديدي انا هستناك … لان اللي انت عملته مع ابني دوت ما يساويش أموال الدنيا كلها
سعيد بفرحه / يا باشا انا ما عملتش حاجه الا اللي كان المفروض يتعمل .. ربنا يطمنك عليه هو و كل عيالك
كريم بوجع / انا محلتش غيره والله يا عم سعيد
انا وامه ما خلفناش غيره …و الحمد لله انت انقذته ليا.
ما تنساش انا مستنيك في الشركه.. السلام عليكم
اول ما مشي كريم ركب مع الحرس وطلعوا يحصلوا عربية الاسعاف ومريم وامها قربوا من سعيد
مراه سعيد / ايه ده ده شكله ابن الناس قوي
مريم بزعل / يا خساره انا قلت غني بس مش للدرجه دي ….ايه ده
سعيد / ايوة فعلا شكلهم ناس محترمه قوي يا مريم
يلا يا ام مريم حضريلي الاكل
ودخل سعيد ومراته كمان بس مريم فضلت واقفه متحسره لانها تخيلت ان ممكن يعجب بيها و يحبها بس ما تعرفش ان يزن اصلا قلبه متعلق بميرا و انه متجوز
_______________________________________________
في فيلا الحديدي 💪
لارا كانت قاعده على السرير بتعيط بحزن ورافضه تتكلم مع اي حد وامها كانت واقفه على باب الاوضه وهي بتعيط ونغم بتحاول تواسيها
نغم / وبعدين بقى معاكي همس انت المفروض تهديها مش كده مش انت اللي تعيطي
همس / صعبانة عليا قوي هي وابوها كل ما اقول خلاص فاقوا رجعوا تاني للحياه يتعاملوا احسن تيجي حاجة تكسرهم هما الاثنين ..لارا لسه قلبها بتعلق بيه انا عارفه بنتي كويس
نغم بحزن / والله حتى لو مش متعلقه بيه هتعيط برده اصل ده شاب يا عين امه ممكن كان طايش بس مسيره يبقي كويس . ميستهلشي الغدر ده
على السرير
لارا كانت قاعده وجميله حضناها
جميله/ ادعيله بالرحمه يا لارا هو اترحم من الصراع اللي كان فيه اديكي شايفه مختار مكانش هيسيبه
لارا بدات تعيط بوجع / اعاااااااا .. لييييه يموت
عملهم ايه بس .. عملهم ايه علشان يموت موته زي دي .
حرام عليهم .. حرام عليهم الكفره اللي معندهمش لا قلب ولا دين … ربنا يرحمك يا عاصي .
و بدات تصرخ لارا و تشد في هدومها بانهيار و جميلة
و كارمن كان بيحاولوا يهدوها
كارمن بعياط / ربنا هينتقم منهم صدقيني . والله ربنا

 

ما هيسيب حق اي مظلوم يا لارا .
و قدرت كارمن تهدي لارا و تاخدها في حضنها و كانت لارا عاملة تحسبن عليهم حتي و هي نايمة .
وبعد يوم طويل من النكد والحزن على العيله الحديدي كلها عساف رجع تاني لفيلا وكان رافت يتكلم مع اي حد وطلع المكتب عند صقر يفكر في مشكله القضيه
_______________________________________________
الجنينه خالد وصقر كانوا واقفين متوترين جدا
خالد بص لصقر / تفتكر ايه اللي اخره كده
صقر / ما اعرفش يا خالد ربنا يستر بقولك ايه انت عرفت حوار يزن واللي حصله …كريم قالك
خالد حط ايده على وشه بتعب / اه عرفت ما هو كده المصيبه بتحب تحصلنا بتحصلنا بالجملة
عموما انا بعت فهد يبقى مع كريم ومعاذ وادهم لما يرجعوا هخليهم برده يروحوا انا مش قادر اقف علي رجلي
وهم بيتكلموا دخل معاذ اللي كان شكله متبهدل وقال / تمام يا صقر .الحمد لله كل حاجه تمام
صقر اخد نفسه بتعب / الحمد لله ..روح ربنا ينتقم منك يا مختار ربنا يهدك يا اخي
معاذ اقرب من صقر اللي كان شكله تعبان جدا وقاله / بابا على فكره انت لازم ترتاح انت مش شايف شكلك عامل ازاي
خالد / معاذ بيكلم صح شكلك تعبان قوي يا صقر . تعالي اسند عليا .. لازم ترتاح شوية
وانت يا معاذ روح عند كريم المستشفى عشان تطمن علي يزن و ابقي طمني بس اوعي تقول لاي حد تماما
معاذ/ ما تقلقش يا خالد لو حصل اي جديد هبقى اكلمك
على فكره ادهم في مشوار و مش هيقدر يجي دلوقتي
وطلع خالد وهو بيسند صقر علشان يرتاح شويه ومعاذ راح المستشفى لكريم عشان يبقى معاه اما عساف فضل في الاوضه ما خرجش منها وللاسف كان الجو حزين جدا وكئيب في فيله الحديدي وعدى اليوم بصعوبه جدا
________________________________________________
تاني يوم الصبح 🌼
في المستشفى كان الدكتور غير ليزن على الجرح و اطمن علي وضع ايده و رجله لانها كانت متجبسة و كان عنده خلع في الكتف اليمين
كريم / يعني كدة تمام يا دكتور .. اصل الجبس والحاجات دي كلها اتعملت في الشرقيه فانا عايزه اطمن احسن تكون الدكاتره مش كويسه هناك

 

الدكتور/ صدقني مفيش اي حاجه اطمن يا كريم انا عملت اشاعه علي كتفه علشان اطمن اكتر والجرح غيرتله عليه المهم دلوقتي انه يرتاح وما يتعصبش خالص لان جسمه في جروح كثير واي عصبيه او نرفده ممكن تفتح اي جرح
ميرا و هي قاعدة جمبه علي السرير / لا اطمن يا دكتور لا هيتعصب ولا هيتنرفز .. استاذ يزن هيدلع بس
فهد ببتسامه / يا بختك يا عم يزن هتدلع بس
طب يا عمي انا هروح اشوف معاذ لان تحت في الحسابات
سلامتك يا عم يزن
يزن/ ربنا يخليك يا فهد تعبتك معايا حقك عليا والله
فهد/ انت عبيط يالا انت اخويا اي نعم مش من امي ولا ابويا بس اخويا برضوو … يلا حاول ترتاح و انا هبقي اعدي عليك
وخرج فهد وراح لمعاذ اللي كان في الحسابات
كريم جاب كرسي و قعد جمب يزن / طمني عامل ايه دلوقتي احسن مش كدة
يزن / امم المسكن هدي معايا كتير .. انا مش عارف اقولك ايه تاعبك معايا من وانا صغير حتي بعد ما بقيت راجل
و متجوز قارفك برضو بمشاكلي
كريم حط ايده علي وش يزن / هو انا لو متعبتش ليك انت هتعب لمين .. هو انا حيلتي غيرك يا يزن ده انت حتة مني.
احم يلا مش عايزين نكد اقعد مع مراتك شوية و انا هروح لياسمين لانها متعرفش حاجة و قلقانة اوي
خلي بالك منه يا ميرا
ميرا ببتسامة / عيب يا كيمو ده في عيوني . ده جوزي برضو يعني
يزن ابتسم علي طريقتها و فرحتها اللي مرسومة في عينيها و علي وشها و قالها/ انتي فرحانة ليه كدة ..
ميرا ببتسامة/ علشان انت معايا دلوقتي .. ما تجيب بوسة
و انت كيوت كدة
يزن بصله بصدمة و ابتسم / بتيجي انتي في اوقات غلط خالص و بعدين عندك حق والله كيوت ما انا اتكسرت خلاص .
ميرا قربت منه و باسته من خده / و ايه مشكلة اديك بتتصلح تاني اهووة .. كام شهر و ترجع زي الاول و تقرفنا تاني بصوتك العالي و عصبيتك
يزن / اممم عصبيتي . هو انا وحش اوي كدة

 

ميرا/ ده انت زفت يا يزن والله بس الواحد محرج بقولك
يزن ابتسم / طب مكملة معايا ليه… اه صحيح انا نسيت انك كنتي طالبة الطلاق اصلا
ميرا كشرت و اتكلم بخوف / انا مطلبتش الطلاق
انا مش هعرف ابعد عنك يا يزن . انا خلاص مبقاش عندي حد غيرك .. يمكن كيمو قال كدة علشان يحسسك بقيمتي كان خايف عليا منك
يزن/ خايف عليكي مني انا .. انا لو قسيت علي الدنيا كلها عمري ما هقسي عليكي انتي .. انتي مراتي يعني. بقيتي نصي التاني يا ميرا
ميرا وطت راسها و اتكلمت بوجع / بس انت وجعتني قوي
يا يزن ..ساعه وفاه مامتي كان نفسي تقرب مني وتحضني وتحتويني انا ما كنتش مستنيه منك انك تفكرني باللي هي عملته فيا لاني اصلا ما نسيتوش .. بس يمكن كنت مستنيه حضن يطمني ويهديني ويحسسني اني لسه ليا سند وظهر
يزن / عشان انا غبي ومتسرع وافتكرتك هتبقي زي .. افتكرتك هتشتري اللي اشتراكي وتبيعي اللي تخلي عنك .. عملت معادله بين الصحاب وبين الاهل نسيت ان مهما عملت فيكي فهتفضل برده امك من حقك انك تزعلي عليها ..انا اسف بجد اسف
ميرا قربت مني وحطت راسها على كتفه السليم
و قالتله / وانا مش زعلانه منك كفايه انك معايا دلوقتي الحمد لله صحتك احسن ممكن بقى ترتاح شويه لاني عايزة انام زيك
يزن ابتسم وقالها / حاضر يا ستي هنام
______________________________________________

 

في الشارع قدام المستشفى 🤯
خرج معاذ وفهد ومعاهم كريم اللي كان ميعرفش حاجه عن موضوع عاصي واتفاجئ بالاعلام انهم واقفين قدام المستشفى
كريم بصلهم باستغراب / هما عرفوا باللي حصل ليزن ولا ايه
فهد/ لا الموضوع اكبر من كده بكثير .. استني هفهمك بعدين
وشاور فهد للحرس انهم يجوا يبعدوا الاعلاميين والصحفيين عشان يعرفوا يتحركوا وده اللي حصل وركبه كلهم عربيه كريم …
في عربية كريم
معاذ كان هو اللي سايق
معاذ بارهاق/ تقدر تقول انا بقالي 48 ساعه مطبق انا مش فاهم ايه اللي بيحصل ده بجد
كريم / معلش يا ابني احنا لازم يحصلنا كده قبل رمضان مصايب وكان حد بصصلنا في الفرحة
فهد / ايوه صح ده رمضان بعد بكره .. رمضان كريم
كريم ابتسم/ شوف احنا بنتكلم في ايه وهو بيتكلم في ايه ..الله اكرم يا سي فهد جبت لمراتك فانوس رمضان
فهد وهو بيتمطع بهزار / لسه ما جبتش والله يا كريم بس هجيب طبعااا، عارفين اكثر حاجه صعبانه عليا هي لارا ..
معاذ بص لفهد في المرايه وقاله/ ما يصعبش عليك غالي هتنساه وقفل بقى على الكلام ..
وفعلا كريم روح البيت وطمن ياسمين على يزن اللي صممت انها تروحله المستشفى مخصوص وقضت معاه اليوم ..
اما في فيلا الحديدي كان الوضع سيء قوي واول ما فهد ومعاذ رجعوا الاثنين قرروا ان هما يدخلوا يناموا بسبب ارهاق الايام اللي فاتت وعلشان يقدروا يستعدوا لقضيه بكره
_______________________________________________
في اوضه معاذ كان لسه معاذ هينام لا التليفون بيرن وبص لقى سيلين
معاذ / الو يا سيلين ازيك يا حبيبتي عامله ايه
سيلين / عامله ايه لسه فاكر يا معاذ انا من صباحيه ربنا عمال اكلمك نفسي اسمع صوتك واطمن عليك هو ايه اللي حصل ده الدنيا مقلوبة
معاذ قاطعها في الكلام بعصبية/ ايوه سمعت وشفت الاعلان بيتهم عساف ان هو السبب في موت عاصي سيوفي برغم ان لو بني ادم واحد عنده عقل هيعرف انه مالوش مصلحه في كده وان الي ليه مصلحه في كده هو مختار السيوفي عمه
سيلين / طب اهدى بس انت متعصب ليه كده عشان خاطري اهدي يا معاذ لو سمحت
معاذ بوجع/ انتي مش عارفه احنا عايشين في ايه ياسيلين .. عساف ده يا ابويا هو اللي رباني وبنته دي انا بعتبرها اختي الصغيره معزتها من معزه جميله ومع ذلك شايفها قدامي تتقطع ومش عارف اعمل لها حاجه .. ومش عارف الاتهامات اللي بتترمي بالباطل دي ليه

 

سيلين / طب عشان خاطري حاول تهدى
معاذ فكر انك دلوقتي اكبرهم ولازم تبقى في ظهرهم كلهم وخصوصا اني عرفت كمان اني يزن ابن كريم صاحب والدك تعب وفي المستشفى عشان كده كنت هموت واطمن عليك
معاذ ابتسم / انا كويس ما تقلقيش بس محتاجه انام شويه ربنا وحده اللي يعلم ايه اللي ممكن يحصلنا بكره …وخصوصا ان ما فيش حد في العيله يعرف القضيه اللي رافعها عساف دي هتوصل لاي بعد موت عاصي .
سيلين فضلت تهدي معاذ وسابته بعدها عشان ينام وفعلا نام ..
_______________________________________________
في الجنينه 👀
كان عساف قاعد لوحده ورافض يتكلم مع اي حد قرب خالد منه
همس / فهمني انت بتفكر في ايه … انت عارف بكره هتقول ايه في المحكمه ولا المحامي ..
عساف بحده / همس انا مش عايزه اسمع ولا كلمه سيبوني في انا بفكر فيه .. بعد اذنكم بقى
وسابها ودخل المكتب بتاع صقر يقعد فيه وخرجت كارمن وقعدت معها / ما تزعليش يا هموسه اللي حصل ده مكانش سهل واكيد دماغه متشتته معلش
همس / عادي يا بنتي انا متعوده اصلا على كده طمنني على لارا هي نايمه
كارمن/ اه يا حبيبتي ما تقلقيش و جميلة نايمه جنبها وخالد ونغم برده ناموا ممكن تطلعي انتي ترتاحي شويه بكره احنا ما نعرفش ايه اللي ممكن يحصل
همس / عندك حق يا بنتي والله طب تعالي انا وانتي نطلع نرتاح مع بعض انا اصلا مش هيجيلي نوم
كارمن / لا اصل انا عندي مكالمه مهمه هخلصها واطلع وراكي ..
وطلعت همس اوضه عشان تنام اما كارمن فطلعت موبايلها وكلمت عز عشان تطمن عليه
كارمن / اي عز كل دوت انا قلتلك اول ما توصل عند يزن طمني عليه وخليني اكلمه .. تقوم تتاخر كدة خضتني عليك يا حيوان
حنان ابتسمت / لا بس انا مش عز والله .. هو فعلا راح عندي يزن المستشفى علشان يطمن لكن نسي تليفونه في البيت بس قالي هيجي ياخده بس انا فرحانه اني سمعت صوتك يا كارمن

 

كارمن كانت مكسوفة جدا و حاطة ايديها على وشها/ انا اسفه يا طنط والله بس ما كنتش اعرف ان هو نسي تليفونه .. اسفة علي الازعاج انا هقفل
حنان / تقفلي ايه بس ده انا مصدقت اسمع صوتك انا عز حكالي عنك كثير قوي .. و شوفت صورتك
كارمن بكسوف / ربنا يخليكي يا طنط بجد شكرا
بابا انت بتنادي ..حاضر يا حبيبي جايه مع السلامه
يا طنط
وقفلت كارمن مع حنان وحطت ايديها على قلبها بخوف وقالت / يا لهوي ربنا ينتم منك يا عز
_______________________________________________
في المستشفى عند يزن
عز/ لا لا وانا ما اقولكش بقى انا اول ما عرفت ان انت في المستشفى سبت الغداء ونزلت جري ورغم ان انت عارف اني ضعيف قدام المحشي
يزن ابتسم/ بصراحه عنده حق محشي طنط حنان
ميتعوضش يا بخت كارمن بجد
عز / احم احم اللي انت بتقوله ده يخرب بيت اهلك
انا جاي اطمن عليك تقوم تعمل كده .. انا مش عارف اللي كسر دراعك ما عرفش يبرد لسانك ليه
يزن بتريقه / معلش معرفش ينشل صح يا لذيذ
ياسمين/ ما خلاص بقى بطلوا غلاسه على بعض هو انتم مولودين فوق رؤوس بعض ..
كريم / لا ازاي يزن لو مرخمش على عز يحصله حاجة
عز بص ليزن برخامه وقاله/ شوف هو ابوك بس سبحانك يا رب بيشهد معايا لانه عادل سامع يا حيوان .. على فكره بقى كارمن كانت عايزة تطمن عليك بس انا نسيت تليفوني ابقى اكلمها يا كريم لو سمحت
كريم / حاضر يا حبيبي هكلمها عشان كمان نطمن على لارا وعساف
وبعد حوالي ساعه استاذن عز ان هو يمشي عشان شغله المتاخر وروح اخذ التليفون ورجع على شغله لكن كان جواه غلي واصرار ان اللي حصل ليزن ده مش هيعدي بالساهل ابدا .
________________________________________________

 

في فيلا مختار
المحامي بفرحه / اعتقد بقى يا مختار باشا ان احنا كده عدانا العيب وازح كمان وعاصي بح ما بقاش موجود يعني عساف ده خسران القضيه خسرانها وبعد كده نرفع احنا قضية عليه نتهمه فيها انه عايز يسوء سمعتك
مختار و هو بيشرب سيجاره بغل / انا مش عارف اوصف فرحتي ازاي وانا شايف عينيه وهي مكسوره قدامي في المستشفى .. منظر كنت بتمناه من 10 سنين وقت ما حبسني ظلم بسبب خالد الحديدي بس الايام بتلف وبترجع تاني .. و انشاء الله هشوف نفس المشهد ده في خالد وهو بيتقطع قدامه لما يخسر كل حاجه ..
وكان مختار سعيد جدا جدا باللي حصل ومن فرحته معرفش ينام لحد ثاني يوم القضيه
وفي المحكمه كانوا منتظرين الادله اللي بتثبت كلام عساف تفتكروا بقى عساف هيكون معاه دليل ثاني غير عاصي ولا لا

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية خادمة الصقر)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى