رواية خادمة الصقر الجزء الثاني الفصل السابع والثلاثون 37 بقلم يوستينا سامى
رواية خادمة الصقر الجزء الثاني الجزء السابع والثلاثون
رواية خادمة الصقر الجزء الثاني البارت السابع والثلاثون
رواية خادمة الصقر الجزء الثاني الحلقة السابعة والثلاثون
في الشركة 💪
كريم بتوتر / انت عايز تهدده بالورق القديم ده .. خالد هو انت لسه محتفظ بورقة الجواز العرفي بتاعتك انت و اخت مختار
خالد اتوتر جدا / ليه بتفتح في الذكريات دي يا كريم دلوقتي انت عارف كويس اني مش بحب افتكرها .
كريم / بسال بس . يا ابني احنا مش عايزين ندخل مشاكل تانية احنا اسمنا في السوق مش قليل علشان نهدده بالمنظر ده و كمان عيالك كبروا فبلاش يعرفوا الماضي المنيل ده
خالد اتعصب اوي و قام من علي مكتبه / بقولك ايه يا كريم انا غلطت لما اتجوزت علي نغم بس معملتش حاجة حرام علشان اتكسف منها و انت عارف كويس قوي ان الجواز ده كان ليه سبب
كريم / طب اهدي كدة و اقعد بلاش عصبية مش مبرره .
اه هي اخت مختار ماتت و اخو مختار كمان مات لكن
الافعي لسه عايش .. مختار
و اللي عمله زمان علشان يكسرك قدام مراتك يا خالد و ياخد نغم منك ممكن يعملها تاني
و لسه خالد كان هيرد عليه اتفاجاه بالباب اتفتح و دخل فهد و هو لابس بدلة و ده نادرا لما بيحصل 😲
خالد ابتسم بتلقائية/ يا نعم يا فندم .. جاي الشركة يعني
في حاجة ولا ايه..
كريم / لا و كمان متشيك يا خالد انت مش واخد بالك
فهد و هو بيعدل البدلة بتناكة / اه و حاطط من الكريم بتاع معاذ علشان ابان ابن ناس و متربي اي رايكوا فيا
خالد و كريم ضحكوا علي طريقة كلامه
خالد بتريقة / باسم النبي حرسك وصينك فين امك علشان تبخرك يا واد .. المهم جاي الشركة ليه في حاجة ولا عايز فلوس مثلا
فهد وهو بيفتح زرار البدلة بثقة/ لعلمك انا ما اقبلش انك تكلمني باهانه وخصوصا لما اكون شريك في الشركه هنا
ثانيا انا نغم شافتني الصبح ملكش دعوة وبخرتني 😛
ثالثا و ده الاهم اتعودوا انكم تشوفوني هنا كل يوم لاني هاجي على طول ادير شغلي
كريم / ايه يا ابني كل الكلام ده معقوله فهد الحديدي بنفسه هيجي معانا الشركه لا لا ده النهارده عيد يا جماعه واضح
ان صقر استاذ بجد و عرف يربي .عقبال ابني
خالد بص لفهد بفرحة و قاله / بجد يا فهد هتيجي معانا الشغل ..طب و جامعتك
فهد بعقل / متخفشي هحاول اوفق ما بينهم المهم ابقي في ضهرك انت و صقر ما هو مش معقوله يعني معاذ اللي معيد في الكليه وتعبان في تحضير الدكتوراه يجي هو يقف معاك وانا لا
خالد بصله بفخر / خلاص النهارده هتروح انت تقعد في مكتب معاذ وكل يوم انا وعمك كريم هنقعد نتكلم معاك شويه في الشغل وتفاصيله لحد ما تتعلم كل حاجه اتفقنا
يا فهد
فهد بفرحة / اتفقنا .. بعد اذنكوا
و راح فهد مكتب معاذ موقتا و اول ما قعد و كان ببتفرج علي المكتب افتكر كلام صقر ليه ..
فلااااش باااااااك ✨
في الاوضة اللي في الجنينة.امبارح بليل
صقر دخل الاوضة و لقه فهد قاعد مضايق و مش عارف ينام .. قرب صقر جمبه و قاله / ايه مش عارف تنام يعني اتعود انها تبقي جمبك .
فهد قام علي السرير بغيظ / ايه و فيها ايه يعني هي مش مراتي .. ينفع اللي بتعمله فيا ده يا صقر
صقر ضحك اوي علي فهد و خصوصا لانه بيحسه طفل حتي في زعله .. صقر قرب و اخده في حضنه
صقر/ خلاص متزعلشي اوي كدة .. بس اثبتلي انك تستحقها و انا ارجعك تاني لاوضتك .. بذمتك مش عيب عليك تبقي راجل متجوز و لسه بتاخر مصروف
فهد اتحرج اوي / ما انا لسه بدرس يا صقر و ..
صقر قاطعه / قصدك بتسقط .. هو انت مش مستغرب ان اهل مراتك ما جوش لحد دلوقتي ولا طلبوا حتى ان هما ياخدوا نسمه ولا اي حاجه
فهد بص صقر باستغراب / اه ملاحظ فعلا ..هو انت اللي اتكلمت معاهم مش كدة
صقر / اه و قولتلهم ان بنتكم متجوزة راجل هيقدر يحميها
و يساعدها … و واقنعتهم انك هتقدر تتحمل مسؤوليه بيت وانهم ليهم حقهم يتدخلوا لما نسمه تشتكي منك فقط .. تفتكر يا فهد انا كدبت عليهم ولا لاء
فهد اتاثر اوي بكلام صقر وخصوصا ان صقر مش متعود يدي لحد كلمه من فراغ ..
وفضل فهد وصقر يتكلموا مع بعض كثير لحد مقتنع ان هو لازم يعتمد على نفسه لانه بقى زوج ومسؤول عن زوجه وعلشان يشيل الحمل عن ابوه وعمه ..
بااااااااك ✨
فهد / عندك حق يا صقر .. انا من النهاردة لازم اعتمد علي نفسي انا هويكن فهد الحديدي هيعمل ايه ..ربنا يستر 💪
________________________________________________
في مكتب عز 🌹
يزن كان بيشرب قهوة و بيتكلم مع عز و هو متغاظ
يزن / يعني مراد كان عارف ان خيري موجود في المكان
و مكلفش خاطره حتي انه يبعت حد
عز /لا ده حتي قالي اني مش هكمل في القضية دي و فعلا ده اللي حصل تاني يوم اللواء حمدي قالي اني هسيب القضية
يزن بغل / و كل اللي انت بتقوله ده مياكدشي ان مراد يبقي عين خيري هنا في القسم يا عز
عز / يا زفت انت وطي صوتك بقي الله بص يا يزن بصراحة كدة انا متعودتش اخبي عليك حاجة انا شاكك في اللواء حمدي كمان
يزن بصدمة / انت بتقول ايه لا مش للدرجة دي يا عز اكيد
و بعدين
عز/ وبعدين ايه يا يزن .. تقدر تفهمني يعني ايه القضية تسحب منك بالسهولة دي لا و كمان مافيش حد بيعمل تحريات عنه او عن اماكن تواجده و كأنهم بيخبوا عليه
يزن حط ايده علي راسه بصدمة/ اخدت بالي من كل الكلام ده بس مش قادر اصدق .. اللواء حمدي ده كان قدوتي يا عز ..و مش سهل عليا اصدق الاتهامات دي
عز / أستغفر الله العظيم يارب…انا مخي خلاص ساح بقولك ايه يا يزن ابعد بقي عن القضية دي احنا مش حمل مشاكل
يزن بصله بتعب و مردش عليه/ انا رايح مكتبي .
____________________________________________
في الجامعة 😲
معاذ كان متغاظ اوي من البنت اللي كلمته بالاسلوب ده و دخل اوضة الدكاتره و المعيدين
معاذ قعد جمب معيد زميله / بقولك ايه يا سامح في بنت كانت لابسة بدلة لونها ابيض كدة و شعرها طويل .. لا طويل اوي اصفر مين دي ؟
سامح بضحك / شعرها اصفر .. معرفش والله يا معاذ
قرب معيد تاني اسمه ماجد و هو بيضحك / اه انا شفتها و هي داخلة و عرفت ان اسمها سيلين بس معرفش اي صفتها هنا في الكلية الصراحة
معاذ بستغراب / سيلين . اممم ماشي
و بعد حوالي ربع ساعة اتفاجاوا بدكتور من الاداره داخل
مع سيلين الاوضة بتاعة الدكاتره
الدكتور / اعرفكوا علي سيلين العزازي معيدة معاكم هنا
معاذ اتصدم من جمالها و ثقتها و هي واقفة و كان موجه نظره عليها و فاق علي صوت الدكتور/ يا معاذ انت معايا
سيلين ابتسمت بتريقة/ واضح انه سرحان يا دكتور
معاذ / احم ايوة يا دكتور عثمان انا مع حضرتك
دكتور / بقولك ان سيلين هتبقي معاك .. ياريت توريها الجدول بتاعك و بتعرفها اماكن السكاشن لانها جديدة ..
معاذ / اه تمام.. حاضر يا دكتور
عثمان / اتفضلي يا سيلين و زي ما فهمت لو عوزتي حاجة معاذ موجود هو معيد و بيحضر الدكتوراه و هيساعدك جدا .. و انا برضو موجود في مكتبي ..بعد اذنكوا
خرج دكتور عثمان و ماجد و سامح كانوا بيبصوا لسيلين باعجاب و خصوصا انها ملفته لكن سيلين تجاهلتهم و اخدت كرسي جمب معاذ و قعدت عليه بغرورها اللي ادهش معاذ
سيلين بصوت واطي / صباح الخير يا معاذ تسمحلي اناديك باسمك اصل احنا معدين زي بعض
معاذ حب يتكلم بطريقتها وقالها بغرور / هو احنا اه معيدين بس مش زي بعض اصل معيد مبتدئ زيك غير معيد بيحضر الدكتوراه زي .. ولا انتي اي رايك
سيلين ابتسمت وقالتله / واضح ان احنا مش هنتفق مع بعض يا معاذ بس مش مشكله ممكن توريني جدول السكاشن لو سمحت
معاذ ابتسم / اه ممكن .. اتفضلي
ومد معاذ ايده بالورقه بتاعته و سيلين كانت هتاخدها لكن معاذ سحبها تاني وقالها / الاول قوليلي عرفتي ازاي اني معيد هنا شكلك تعرفيني
سيلين ابتسمت بغرور / هات يا معاذ الورقة وبطل لعب عيال
و سحبت سيلين الورقة و هي مبتسمة و معاذ كان مصدوم من جرائتها الغريبة و قعد يضحك عليها و هي كانت متبعاه بعنيها .
____________________________________________
في الجنينة 🌹
كارمن قاعده وهي ماسكه كوبايه العصير في ايديها
و قالتها / يا بنتي خنقتيني قاعدين وسايبين الغداء جوه بيجهز في ايه يا بنتي مالك
ميرا/ بقولك ايه يا كارمن عايزه تروحي تاكلي انتي انا ماليش نفس اكل بعد اذنك بلاش تضغطي عليا
كارمن باستغراب / اعوذ بالله .. في ايه يا بنتي هو انتي و يزن لحقته تتجوزوا علشان تبقي لابسة البوز ده و علي الصبح
ميرا بزعل /ما دي المشكله شايفة اخوكي فهد بيعمل ايه عشان بس يراضي صقر . نزل النهارده الشركه ومراحش الجامعه كل ده ليه عشان بس صقر يسيبه يقعد مع نسمه
وانا يزن وكانه ما صدق يبعد عني
كارمن قعدت تضحك/ علشان كده انتي متضايقه طب على فكره بقى يزن كان متغاظ النهارده الصبح وهو نازل ومولع من صقر لدرجه ان هو لا فطر معانا و لا صبح عليه .. بس هو كدة يزن مش بيحب حد يلوي دراعه
ميرا / لا يا كارمن هو مش بيحبني . هو مجبور عليا
بس انا اللي غلطانة انا رخصت نفسي اوي
كارمن/ يا خرابي علي كلام الافلام العربي القديمة الوحشة كمان .. يزن يا حبيبتي محدش بيجبره علي حاجة و لو مش عايزك عمره ما هيتجوزك
علي السفره 💪
كانوا قاعدين بتغدوا
صقر بستغراب / هي فين ميرا مجتش ليه تاكل و كارمن
قمر / ميرا شكلها مضايقة اوي يا صقر .. تخيل النهاردة الصبح كانت عايزة تمشي مع ياسمين لولا اني قولتلها ان عمك صقر هيضايق اوي
صقر / و ياسمين مشيت ليه اساسا ما احنا كنا مع بعض و البيت متونس بيهم و بعدين ما احنا متفقين نروح كلنا عند عساف النهاردة
نغم / مش مهم الكلام ده .. انا هروح اجيبها تاكل معايا صحيح هو فهد فين هو راح الجامعة
صقر بثقة / لااااا .. راح الشركة مع ابوه
نغم ابتسمت / والله يا صقر انت بتعمل المعجزات حقيقي .. انا هروح اجيب ميرا .
و خرجت نغم الجنينة و شافت ميرا قاعدة مع كارمن و هي زعلانة اوي
نغم / اي ده بتعيطي ليه يا ميرا .. عملتلها اي يا اللي تنشكي في قلبك
كارمن / اعوذ بالله .. في ايه يا عيلة مناخوليا
الواحد يبقي قاعد لا بيه و لا عليه يلاقي الاتهامات بتتوزع كدة .. اقولك انا قايمة اتغدي مع عمي بلا وجع قلب يا شيخة
نغم مسحت الشبشب و حدفته عليها / يلا في داهية يا بنت خالد .. عليكي و علي ابوكي و اخوكي كمان
و قعدت نغم تتكلم مع ميرا و اقنعتها تدخل تتغدي معاها و قضوا اليوم مع بعض
_____________________________________________
في الجامعة 😲
بعد ما خلص معاذ المحاضرات اللي عنده و قرر انه يمشي بدري علشان عنده مذاكره كتير لرسالة الدكتوراه و لكن اول ما خرج برا الجامعة لقه سيلين واقفة محتاره و ماسكة التليفون و عمالة ترن علي حد
معاذ / احم اي مالك واقفة كدة ليه.. شكلك محتار يعني
سيلين بتوتر / افندم يا دكتور معاذ في حاجة ؟
معاذ رفع حاجبه بستغراب/ هيكون في ايه مثلا .. انا لقيتك واقفة محتاره فحبيت اساعد مش اكتر
سيلين بحده / اه الكلام ده لما اكون انا طلبت المساعدة يا استاذ معاذ .. و بعد اذنك بعد كدة متطفلش علي حياتي
معاذ اتغاظ جدا و اتعصب / انتي بتتكلمي كدة ليه يا استاذة انتي . ما براحة شوية..هو انا علشان ضحكت علي شوية دبش رمتيهم تفتكري ان ده عادي و هسكتلك بعد كدة
سيلين/ افندم ..
معاذ بغيظ / ايه اطرشيتي مثلا .. اسمعي انا مش بقبل بالاهانة و لا قلة الادب و يستحسن ميبقاش في كلام ما بينا نهائي بعد كدة .. و انا كلامي مع الدكتور عثمان . بعد اذنك
و مشي معاذ و هو متعصب جدا من فكره ان بنت تهينة او تقل منه و خصوصا انه عارف قيمة نفسه كويس اوي فهو دكتور معاذ الحديدي
_______________________________________________
في عربيه 🤬
معاذ كان قاعد متغاظ قوي ومش مصدق طريقه كلامها معاه
معاذ / بني ادمة مغرورة و تنكة .. انا مش فاهم علي ايه ولا علشان حلوة شوية .
و فاجاه و هو بياكلم لقه باب العربي بيتفتح و سيلين ركبت جمبه و بتتكلم بغرور / انا عربيتي مش عايزة تدور وانا مش عارفة اتصرف.. خدني في طريقك لحد برا و هركب تاكسي من اول الشارع
معاذ بصدمة / هو انتي بجد انسانة زينا .انتي راكبة جمبي عربيتي و بتامريني .. علفكره دي اسمها قلة ذوق
سيلين باحراج / اكيد مش قصدي امرك بس ده اسلوبي ..
هاا هتوصلني لحد اول الشارع و لا انزل يا دكتور
معاذ بغيظ / لا هوصلك لحد باب بيتك كمان .. انا عندي اخوات بنات و اخاف عليهم بس هروح اجيب اختي في طريقي
سيلين قعدت ولا كان فيه حاجة و قالتله / عادي مش مشكلة بس لو سمحت بلاش تاخرني علشان جدتي متخفش عليا
معاذ بغل / يارب الرحمة من عندك .
و طلع معاذ بعربيته في تجاهه لمستشفى اخته بتدرب فيها الفتره دي
_____________________________________________
قدام المستشفى جميله كانت واقفه مع واحده صاحبتها واتفاجئت بواحد جيه وقف قدامها
قالها /حضرتك انسه جميله مش كده
جميله /ايوه انا في حاجه حضرتك
تامر ابتسم/ مالكخايفه كده ليه انا تامر بصي انا عارف ان انتي متعرفنيش بس انا كنت عايزك توصلي للارا الجواب دوت ولو سمحتي خلي الموضوع سر
وسابها ومشي وجميله كان الوقفه مش فاهمه ايه اللي بيحصل لكنها خبت الجواب فعلا شنطتها لحد
ما تقابل لارا وبعدها معاذ جاء اخذها ووصل سيلين لحد بيتها
______________________________________________
في الفيلا ❤️
وصل فهد و خالد بليل من الشركة لانه كان بيعرف فهد اغلب الصفقات الموجودة و ده خلي فهد راجع تعبان اوي من كتر الشغل و نسمة اول ما شافت فهد جريت عليه حضنته بلهفة و فرحة و فهد بادلها الحضن
خالد بهزار/ يا ستي اصبري الواد جاي خلصان . مافيهوش حيل حتي يحضن
فهد / يخربيت ام السمعة اللي بتطلعوها عليا انت و اخوك علفكرة انا كويس ابعدوا عينيكوا انتوا بس
نغم خرجت من المطبخ / حبيبي حمدلله علي السلامة تلاقيك جعان احضرلك الاكل
خالد رفع حاجبه بغيظ / يسلام .. ايه دلوع امه هو بس اللي هيبقي جعان و انا ايه اولع مثلا
نغم ببتسامة / بعد الشر عليك .. لا انا متاكدة انك هتاكل و محضرالك الاكل في الجنينة
خالد بهزار/ يسلام اهو ده الدلع.. طب يلا تعالي نقعد في الجنينة و خلي اي حد من الخدم يجيبوه علي برا
واخد خالد نغم و طلعوا برا و هو بيطلع لسانه لفهد بغلاسة و فهد بيضحك /الراجل بيشقط الست قدام ابنها سبحانك يارب
نسمة اتشعلقت في رقبه فهد بحب / وحشتني اوي معرفتش انام طول الليل يا فهد و انت مش جمبي
فهد بص شمال و يمين علشان يتاكد ان مافيش حد و قرب منها و باسها بحب / حقك عليا و ربنا صقر لو رفض اني انام في اوضتي النهاردة لنهرب انا و انتي من البيت ده
نسمة ببتسامة / امم و انا موافقة .. يلا ناكل انا معرفتش اكل و انت مش موجود
و خرجوا كلهم قعدوا ياكلوا مع بعض في الجنينة
في الجنينة 💐
خالد بضحك/لا يا نغم مشفتيهوش وانا بعرفه ورق الصفقات و العقود فاجاه احول مني ووشه احمر و قالي تو ماتش ضغوط علي كتكوت صغنطوت
نغم / يا قلب امك انت يا كتكوت
فهد ضحك جامد / ما بصراحة اوفر يا حاجة .. هو حد قالكوا عليا اني زويل انا بسقط كل سنة في الكلية اساسا
و فاجاه و هما بيتكلموا نسمة مسكت ايد فهد جامد وضغطت عليها بوجع و اول ما فهد بصلها اتفاجاه ان وشها اصفر اوي و حطت ايديها علي بوقها و بتجري علي الاوضة
خالد بخضة / بسم الله الرحمن الرحيم.. مالها مراتك يا فهد
فهد بخوف/ مش عارف دي مش اول مره.. انا هروح اشوفها يا بابا
و جري فهد عليها و لقاها في الحمام بترجع بتعب و فضل فهد جمبها و اول ما حس انها هديت غسل وشها و قعدت علي الارض بتعب و قعد هو كمان جمبها و اخدها في حضنه بهدوء
فهد / اششش اهدي .. احنا مش هينفع نسكت علي كدة .. ارتاحي شوية و نروح للدكتور نطمن
نسمة بتعب / فهد انا تعبانة اوي
فهد بخوف باس راسها و ضمها ليه اكتر/ معلش يا حبيبتي هنروح نكشف .. قومي معايا .. قومي
نغم دخلت الحمام و شافت نسمة بالمنظر ده اخدتها في حضنها / يا ضنايا يا بنتي . تعالي معايا نروح للدكتورة
يلا يا فهد جهز العربية عقبال ما نغير هدومنا
و فعلا اخدت نغم نسمة و ساعدتها تغير هدومها و راحوا هما التلاتة للدكتورة عزة دكتورة النسا و كانت نغم بتحبها اوي و خصوصا انها علي اسم صاحبة عمرها الله يرحمها عزة .
______________________________________________
في اوضة لارا 😑
همس بتعب / لا ما كدة مينفعش يا لارا .. انا قاعدة جمبك من الصبح يا حبيبتي.. ربنا يرضيكي و كلي المعلقة دي بس
لارا حركت ايديها بمعني لا .. و ده لانها من ساعة ما رجعت البيت و هي رافضة الكلام مع اي حد و حتي الاكل بتاكله بصعوبة و للاسف عساف كمان مدخلهاش الاوضة لحد دلوقتي .
همس / طيب بلاش الاكل يا بنتي .. خدي العصير ده اشربيه و انا هشغلك التليفزيون
لارا بصتلها بحزن و عيون دبلانة و اخدته منها / و بدات تشرب فيه بهدوء
همس سابتها و دخلت اوضة المكتب بتاعة عساف و شافت حالته و كان ميفرقش عن بنته كتير زي ما همس كانت بتقول ان عساف ولارا توام حتى في زعلهم لانه رافض يتكلم
همس قربت منه و حطت ايديها علي كتفه/ هتفضل لحد امتى زعلان كده يا عساف .. و هتفضل منفصل عننا انا لوحدي مش عارفة اتعامل
و بدات تعيط همس بحيره / طول عمرك انت اللي بتتصرف في اي مشاكل يا عساف .. انا بجد محتاره و مش عارفة اتصرف بنتي بتضيع قدام عيني و جوزي كمان ..انا تعبت بجد
عساف بصلها بحزن و اخدها في حضنه علشان يهديها و بدا يتكلم بوجع / غصب عني يا همس مش سهل عليا كل اللي حصل ده . و مش عايز اتكلم علشان خايف انفجر فيها
همس و هي في حضنه و بتعيط بوجع / يا عساف احنا مطلعناش من الدنيا دي الا بلارا واكيد مش هنرتاح واحنا شايفينها بتضيع ..انت مش شايف نفسيتها وحشه قوي ومحتاجاك جنبها لانها قريبه منك اكثر مني بكثير
عساف باس راس همس و قالها / اهدي يا همس .. اهدي
و كل حاجة هتتعدل باذن الله
________________________________________________
في عيادة الدكتورة 😲
فهد ماسك ايد نسمة بخوف / في ايه يا دكتور مالك واخدة وضع الصامت ليه .. مالها نسمة
نغم برقت / فهد اتلم .. معلش يا دكتورة خير طمنيني
الدكتورة / اطمني يا نغم مافيش حاجة .. انتي هتبقي جده برغم والله شكلك صغنن
فهد بصدمة ساب ايد نسمة/ لا سيبك من المجاملة دي .. قولي تاني كدة مين حامل
الدكتورة ببتسامة / نسمة يا استاذ فهد .. حامل
فهد بص لنسمة اللي كانت واخدة وضع الصامت زي ما فهد بيقول 😲😂
فهد مسك وشها بايده / انتي هتبقي ام .. انتي يا نسمة .. طب ازاي
نسمة بدموع / يعني انت المفروض تبقي اب .. ازاي برضو
فهد ضحك اوي بفرحة و شدها لحضنه/ خش في لحم اخوك يا عسل انت .. هتجبيلي عيل يا نسمة يطلع عين امي و يرد اللي بعمله في خالد و صقر
نسمة ضحكت اوي علي كلام فهد و حضنته بفرحة و نغم كانت فرحانة اوي ليهم ..و بعد ما اطمنوا علي نسمة. اخدت تعليمات من الدكتورة خرجوا كلهم .
في العربية ..
فهد بفرحة كان مشغل اغاني السبوع و نسمة و نغم كانوا بيضحكوا عليه جدا
نسمة / انت مشغل اغاني السبوع ليه يا فهد.. هو لسه اتولد اصلا
فهد بفرحة/ يالهوي يااما .. انا مش مصدق نفسي و بعدين
يا بت بستعدله .. نغم بالله عليكي فكري معايا لو بنت اسميها ايه
نسمة بستغراب / يسلام .. طب ما ممكن يكون ولد
فهد بزعل بسيط / لا انا عايز بنت .. البنت حبيبة ابوها انتي مش شايفة كارمن قلب خالد ازاي و بعدين انا عايزها شبهك كدة
نسمة ابتسمت بحب لانها اول مره تحس ان فهد بيكلمها بجد مش مجرد مجاملة قالها ليها نسمة بصت لنغم بفرحة و لقتها بتبص لابنها و كانها بتقول يااه علي الزمن اللي بيمر بسرعة البرق و فضله علي الفرحة دي لحد ما وصلوا الفيلا .
في الفيلا
دخل يزن و هو بيطنط من الفرحة و بيغني / يا خالد يا خالد … يا كارمن يا كارمن تعالوا تعالوا .. في مفاجاه
صقر كان نازل علي السلم و بيضحك علي طريقته
و قاله/ مالك ياض في ايه .. انت كويس يا فهد
فهد بفرحة اطفال / في نونو جديد هيجي العيلة و هيبقي ابن فهد خالد الحديدي .. شوفت بقي اني راجل .. اتاكد ولا كان لازم اجيبلك الدليل
صقر فرح و قرب من فهد بلهفة و باسه و حضنه / يا حبيبي اخيرا حد في البيت ده هيجيبلنا حفيد مبروك يا حبيبي الف مبروووك ..
و سابه و قرب من نسمة و باس راسها / الف مبروك يا اجمل نسمة
نسمة بكسوف / شكرا يا اونكل .
فهد جري و طلع لخالد اوضته و لقاه نايم نط علي السرير بفرحة/ انت نايم.. قوم بذمتك في جد ينام دلوقتي … قوم يا خلود بقي
خالد بنوم / في ايه يا فهد ..انت اتجننت ولا ايه
فهد بفرحه / انا فعلا هتجنن من الفرحه نسمه حامل
هيجيلك حفيد .
خالد / ده بجد .. راجل يلاا زي ابوك. هات حضن يا واد
و طبعا فهد نشر الخبر في البيت كله و اتملي فرحة ومباركات لفهد و نسمة . و لكن حكم صقر منزلش ان نسمة هتنام جمب ميرا و برضو مش جمب فهد .
____________________________________________
في اوضة نسمة و ميرا كانوا نايمين جمب بعض و الساعة كانت قربت من 12 و كل اللي في البيت ناموا . فاجأه باب اوضة بتاعتهم بيتفتح بهدوء و بيدخل ….
استوووووووووووووووووووووووووووووووووب
تفتكروا ايه اللي هيحصل و ممكن مين يدخل عليهم الاوضة ؟؟؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خادمة الصقر)
