رواية خادمة الصقر الجزء الثاني الفصل الثالث والعشرون 23 بقلم يوستينا سامى
رواية خادمة الصقر الجزء الثاني الجزء الثالث والعشرون
رواية خادمة الصقر الجزء الثاني البارت الثالث والعشرون
رواية خادمة الصقر الجزء الثاني الحلقة الثالثة والعشرون
في بيت عساف 💪
دخل يزن متعصب اوي و قال بحده / هو عساف فين و ياريت محدش يقولي نزل انا روحتله مكتبه قالولي ما جاش
همس بخضة / لا يا ابني ..هو نايم جوا ادخله ما هي ناقصاك انت التاني
دخل يزن الاوضة و كان عساف بدا يروح في النوم و اتكلم بعصبية/ عساف والنبي فوقلي كده بقى عشان انا عايزك في موضوع مهم قوي
عساف قام مصدوم من على السرير وبص لقه يزن قدامه قال /هو انا كنت بحلم بفهد ولا هو جيه هنا فعلا . انتوا عايزين اي مني يا ولاد الجز*م
يزن بحده / عساف لو سمحت انا مش جاي اهزر معاك
وطلع ورقه من جيبه و قاله بتوتر / ممكن تبص في ورقه دي وتفهمني ايه اللي موجود هنا انا جدي كان مجرم ومحبوس علي ذمة قضيه… ايه الكلام ده
عساف حد ايده علي وشه و اتكلم بعصبيه / زيك زي ابوك بتحب تنخور في المشاكل ارتاحت انت كده لما عرفت الحقيقة
يزن بصدمة / عرفت الحقيقة .. يعني دي حقيقة مش تهمة متلفقة مثلا … اي ما ترد عليا سكت دلوقتي ولا بتفكر في كدبة زي عادتك
عساف اخد نفسه بالعافية و حاول يتحكم في اعصابه
وقاله / بص يا يزن انا بعاملك زي ابني و بحبك جدا بس لازم تعرف ان ورحمه ابويا كلمة زيادة و امسك الشبشب و اربيك طلاما ابوك فشل انه يربيك
يزن شوح بايده بعصبية / سيبك من الكلام ده انا مش متربي يا عساف و ريح نفسك .. بس انا عايز افهم .. انا من حقي افهم العيلة المقرفة اللي انا منها دي
عساف حاول يتحكم في غيظه و قال بغل / امشي يا يزن و الا اقسم بالله هعمل حاجة هتزعلك مني للابد
يزن/ بقولك مش همشي من هنا غير لما افهم الحقيقة كلها و انت اللي هتقولهالي يا عساف
في نفس الوقت بره كان فهد ونغم ونسمه ولارا وهمس واقفين و قلقانين من صوت العالي وحتى مش عارفين يخشوا يعرفوا المشكله
فهد بتريقة / هو اي جو عاد لينتقم ده ماله يزن بيزعق ليه هو حد قاله ان عساف اطرش
لارا بقلق / تفتكروا الحوار علي ايه اساسا انت بجد قلقت .. انا هدخلهم
فهد شد لارا من ايدها و نسمة اتضايقت منه اوي
فهد بهزار / لا لا تعالي يا لارا اقفي جمبي بدل ما ودنك تتطرش من صوتهم يا اختي
نسمة بغيظ / اه ده فهد بيعزك اوي …و بيخاف عليكي كمان سبحان الله يا لارا
فهد رفع حاجبه بغلاسة / اه طبعا هخاف عليها .. عندك مانع مثلا
همس / انتوا هتتخانقوا انتوا كمان مش كفاية اللي جوا
نغم حاولي تدخلي انتي سكره و هتعرفي تفضي الخناقة بينهم
نغم باندهاش / مين دي انا . سبحان انا ده انا عندي لسان يتميز انه بيتكلم لوحده و بيجيب المصايب لكل الناس
همس / انتي هتقوليلي . طب ايه ادخل انت يا فهد
فهد ابتسم بسماجة / والله انا مفرقش حاجة عن امي يا هموس صدقيني احنا الاحسن اننا نفضل هنا
نغم بعتتله بوسة في الهواء / قلب امك انت يا واد
بصوا احنا هنفضل واقفين هنا لحد ما حد فيهم يشتم التاني و ساعتها نبقي نشجع
همس / جاتك نيلة اهدوا بقي علشان نسمع هما بيتخانقوا ليه
نرجع تاني للاوضة 🤣
عساف كان قاعد علي الكرسي و حاطط ايده علي راسه بتعب / خلاص خلصت كل كلامك .. طيب جابر جدك و مهما حصل زمان دي حاجة متخصكش لان ابوك سامحه و الكلام ده هيفتح جرح كبير يا ابني
يزن بحده / انا مش ابن حد ..و بعدين ما يفتح الجرح لانه اساسا متلوث ازاي كريم وافق يتجوزها بعد ما عرف كل الحقيقة دي عن ابوها … للدرجة دي الحب بيذل كدة
عساف/ يا ابن الكلـ*ب اللي وافق يتجوزها دي تبقي امك و بجد انا مش هستحمل منك كلمة زيادة ، أقولك يا يزن انت روح لابوك و قوله كل الكلام ده وواجه و شوف هيقولك ايه .. انا ماليش دعوة
يزن بكره / لا انا مش عايز اعرفكوا تاني كلهم .. مش انت برضو كنت صاحب يوسف و اتاثرت اوي لما جبت سيرته
و هو ضابط فاشل و مرتشي
هو انتوا ازاي كدة للدرجة دي معندكوش وعي مين كويس و مين وحش .. مش يوسف ده اللي برضو كان هيتحبس لولا ان ربنا اخده .. اي القرف اللي انتوا فيه ده
في اللحظة دي عساف فقد كل اعصابه و ضرب يزن بالقلم و من قوته يزن رجع لورا و هو مصدوم من عملته دي و كان مبرق جامد
عساف بصله بقرف/ يوسف ده اللي أمك كانت هتتجوزوا بكملت الفضايح بقي مش انت عايز تفتح في الجروح.. انا هفتحهالك يا يزن جدك فاسد و لولا القدر كان زمان يوسف
ده ابوك تخيل بقي
حاول عساف ياخد نفسه بصعوبة من شده العصبية
و قاله/ اطلع برا. انا مش عايز اشوف وشك هنا تاني
يزن خرج برا الاوضة و شافهم كلهم واقفين مصدومين من اللي سمعوه و خرج برا الشقة كلها و همس جريت علي الاوضة عند عساف
فهد بص لنسمة / لا الموضوع قلب غم اوي يا جماعة معلش يا لارا انا مضطر اخد امي و اختي و ارجع الفيلا
نغم بستغراب / مين دي اللي ترجع الفيلا انت عبيط و لا ايه انا عمري ما هرجع طول ما ابوك هناك
فهد بكدب / اي ده خالد اساسا سافر امبارح.. معقول ماقلكيش يا خساره .. تلاقيه بيلعب بديله كدة و لا كدة
نغم بغيظ / كمان سافر منغير ما يقولي . طب ده يومه اسود معايا .. استني طلاما مشي من الفيلا البس و اجي اطمن علي جميلة
و دخلت نغم تجهز و لارا دخلت اوضتها و نسمة كانت واقفة جمب فهد و هي مضايقة و بتنفخ
فهد / كفاية نفخ اي هتطلعي حريقة من بوقك ما تهدي علي نفسك شوية ده لسه عقابك مجاش
نسمة / والله ملكش دعوة بيا و خليك في حالك
فهد / طب ما انتي حالي يا هبلة .. هو مش انتي مراتي برضو و من حقي اربيكي كويس كمان
نسمة بغيظ / انا متربية علفكره . و بطل استفزاز
فهد بتريقة / طبعا و سايبة الواد يمسك ايدك و يسبلك يا نسومة و ناسية ان في شخص انتي متجوزاه و هيطلع عين اهلك بس لما يتقفل علينا باب
نسمة/ والله و انت اللي كنت بتسبل لارا و بتتكلم بحنية ده اسمه ايه ولا حلال ليك و حرام عليا
فهد/ اه هو حلال ليا و نار ليكي و اظبطي لاننا عند ناس و اما اقسملك بالله اقلب عليكي هنا عادي مجنون و اعملها
نسمة بغيظ سكتت لحد ما نغم جهزت و مشيوا
_______________________________________________
في فيلا الحديدي 💪
في الجنينة
خالد قاعد علي اللاب توب بتاعه بيتابع شغل ليه و فاجاه حس بالملل و قفله
خالد بدات يفكر في نغم و لقه نفسه تلقائي بيبتسم و بيقول لنفسه/ لما بتبقي معايا عمري ما كنت بتخنق .. هتفضلي بعيد لحد امتي يا نغم بس
و مسك موبيله و اتفرج على صورهم مع بعض و مع الولاد وهما صغيرين و سرح فيهم و فاجاه لقي جميلة قعدت قدامه
جميلة/ كويس انك موجود اصلي زهقانة اوي و صقر نزل الشركة مع اونكل كريم
خالد ابتسم / وانا الوحيد الصايع اللي بتابع الشغل من البيت .. بس اقول ايه الواحد مبقاش في صحة للمرمطة
جميلة ربعت ايديها بحب / لا متقولشي كدة والله ده انت قمر و لسه شباب و حركات كدة يا خلودة
خالد ضحك و عينه وقعت علي مكان الجرح و اتحسر اوي و قالها بحزن/ للدرجة دي احنا كنا بعيد عنك يا حبيبتي … اقولك هاتي ايدك تعالي نعمل اي حاجة مجنونة في البيت ده
و اخدها خالد و دخل المطبخ و بعد غياب خالد زمن اي هوايته المفضلة و هي الطبخ.. اليوم هيسترجع كل ذكرياته و جاب كمان كارمن معاه و بداوا في رحلة الاختراع
في المطبخ 🤣
كارمن كانت واقفة بتلعب في الدقيق و بتنفخ فيه / تفتكر هنعرف نعمل بيتزا يا خالد و لا هنفضل نلعب هنا كتير
جميلة بصتلها و لقت وشها كله متبهدل بالدقيق و قعدت تضحك / يخربيت عقلك .. اي اللي انتي عملاه في نفسك ده
كارمن رفعت حاجبها/ مالي يعني ما انا زي القمر بس يا بت يا ملزقة انتي .. انت يا عم خالد قولي هتعملنا اختراع ايه
خالد بصلها باحتقار / عم خالد هو انا ببيع طماطم في السوق يا بت .. ده ابوكي بلا فخر صاحب اكبر سلسلة مطاعم
كارمن / مش دي اللي فلست برضو من سنتين
خالد مسك المعلقة الكبيره / بتفولي عليا يا بنت نغم
كارمن بضحك/ بهزر معاك يا كبير .. المهم انت جبتني من اوضتي و من علي سرير و تحت بطانيتي علشان اقف العب في الدقيق
خالد / لا دي كل واحدة فيكم هتعمل حاجة.. كارمن افرمي البصل ..و انتي يا جميلة اغسلي الطماطم و الخضار ده
كارمن طلعت لسانها بغيظ / والله و هشوفك بتشتغلي في المطبخ يا عروسة المولد انتي
جميلة بخبث بدات تمثل التعب / عمو انا مش هقدر اقف شكلي دوخت شوية . معلش انا ممكن اقعد اتفرج عليكم هنا
كارمن بتقلدها / اه دوخت الحقني يا خالد هتتشل فاجاه و هي واقفة .. قومي يا بت اغسلي الخضار بدل ما اقطع البصل في وشك انتي
خالد ضحك علي نقارهم / بت انتي و هي اقعدوا اتفرجوا عليا في صمت .. اتفقنا محدش يساعدني
و بدا خالد يطبخ باحترافية و هما كانوا مبهورين بفرحة و هيموتوا من الجوع 😉
______________________________________________
لارا في اوضتها ❤️
كانت ماسكة التليفون و بتكلم عاصي بصوت واطي / يا ابني يزن ده مافيش بيني و بينه اي حاجة ولا حتي معاذ
عاصي بعصبية / اولا انا مسميش يا ابني انا عاصي اما جو اخويا و قريبي ميكلش معايا
لارا بتريقة / يوووه ولا انا زهقت منك ده احنا مبقلناش غير حبة صغيرين مرتبطين اقولك تعالي نفركش
عاصي قام من علي سريره بغيظ / لا يا حبيبتي انا لازقة و طلاما اعترفتي انك بتحبيني يبقي هتكملي معايا لاخر يوم في عمري … فاهمة ولا لاء
لارا فرحت اوي و ابتسمت / و افرض بابا رفض يا عاصي هيبقي ايه الحل بقي
عاصي بثقة / ساعتها هخطـ*فك يا لارا و مش هيفرق معايا حد .. اعملي حسابك بكره لازم اشوفك
لارا بصدمة / ازاي بس .. عاصي انا بكره هيبقي معايا حراسة و ..
عاصي قاطعها في الكلام/ انا هتصرف . اوعي تشيلي هم طول ما انا معاكي .. يلا سلام يا روح قلبي
و قفل عاصي التليفون و لارا كانت فرحانة اوي و اخدت التليفون في حضنها و نامت علي السرير .
________________________________________________
في اوضه عساف
همس كانت قاعده جنبه بتحاول تهديه وبتقوله بهدوء / برده يا عساف ما كانش ينفع تضربه هو مش عيل صغير ده راجل ملوي هدومه و ضابط
عساف بعصبيه / راجل على نفسه و وبعدين هو هيكبر عليا انا .. قال راجل قال
الراجل ما يغلطش لكن يزن دوت كل حاجة عنده غلط في غلط و بعد اللي عمله النهارده ده انا مش عايز اعرفه تاني ولا اتكلم معاه
همس حطت ايدها علي كتف عساف / طيب ممكن حبة هدوء بقي علشان ضغطك بقي عالي اوي .. وحياتي عندك قوم معايا نقف في البلكونة شوية
عساف بوجع/ همس انا حقيقي تعبان اوي و يزن و لارا بنتك مش هيهدوا غير لما يفتحوا في الماضي
همس قربت منه و حضنته / متخفشي صدقني بكره يتلهوا في حياتهم و ينسوا كل اللي حصل .. يلا قوم معايا بقي ..
واخذته همس ودخل البلكونه علشان يتكلموا مع بعض في هدوء وحاولت ما تفتحش موضوع يزن تاني .
________________________________________________
في الفيلا
دخلت نغم مع فهد ونسمه واتفاجئوا بان في الجنينه محطوط ترابيزه وكراسي و عاملين قاعدة عربي
نغم بانبهار / الله اي الجو الجامد ده .. هي قمر هتستفرد بصقر لوحده ولا ايه .. شقية قمر برضو
فهد ضحك من قلبه / ايوة بقي و يجيبه حتة عيل لمعاذ و يدخلوه الجيش علشان يتبهدل شوية
و فاجأه و هما بيتكلموا خرجت كارمن وجميله و بيحطوا اطباق الاكل اللي كان شكلها تحفه و اصناف من بلاد مختلفة وخالد خرج بعدهم
خالد بفرحة/ اي ده مش تقول إن عندما ضيوف يا واد يا فهد
نغم ضربت فهد في كتفه جامد / كداب زي ابوك .. بقي ده اللي مسافر يا جزمة
فهد ضحك / الله ليه كدة بس يا حجة.. ده برضو جوزك يعني.. خالد انت اللي عامل الاكل ده شكله يجنن اخيرا اترحمنا من أكل قمر
قمر خرجت و معاها باقي الاكل/ سمعاك يا واد يا فشار. يا خرابي علي ابنك يا نغم كداب كدب
نغم بحسره / ما انت كنت حاطة خالد قدامي هدف علشان اجيب عيل شبه في كل حاجة
خالد وقف جمب نغم و ابتسم بخبث / و حققتي الهدف يا ام فهد .. عقبال الهدف الجديد .. تعالي يلا اقعدي ناكل مع بعض ده انا ماصدقت شوفتك
نغم حاولت تداري ابتسامتها / ماشي هقعد مع عيالي اي المشكلة يعني ما دي فيلا صقر برضو وهو قالي اجي في اي وقت احبه
خالد بخبث / اه ما انا عارف .. يلا و عايزك تقوليلي اي اكتر حاجة عجبتك في الاكل برغم اني واثق انه هيعجبك كله
نغم بخبث / يسلام .. واثق انت اوي من نفسك عموما انا مش بكلمك اساسا و هقعد جمب ابني حبيبي
و قعدوا كلهم ياكلوا و هما بيهزوا مع بعضرو بعد اقل من عشر دقايق دخل معاذ و هو ماسك شنطة هداية كبيره
معاذ / الله الله .. متجمعين عند النبي انشاء الله
ايه العزومة الحلوة دي .. لا واضح ان خالد دخل المطبخ
خالد بثقة و هو بيبص لنغم / انا مش بحب اتكلم عن نفسي كتير .. اي الشنطة اللي في ايديك دي ياض
معاذ / دي حاجة لجميلة و كارمن . بس بعد الاكل لاني هموت من الجوع. و النبي يا خالد هات الطبق اللي قدامك ده شكله جاحد
خالد / خد يا مفجوع.. عينك دايما راشقة في اكلي
و كملت القاعدة اول ما دخل صقر هو كمان بعد معاذ و كانت القاعدة حلوة اووووي ❤️💐
كانت نقصاكم يا جماعة والله 😉❤️🤣
و فاجاه و هما قاعدين دخل حددددد 😲🌼
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خادمة الصقر)
