رواية خادمة الصقر الجزء الثاني الفصل الرابع عشر 14 بقلم يوستينا سامي
رواية خادمة الصقر الجزء الثاني الجزء الرابع عشر
رواية خادمة الصقر الجزء الثاني البارت الرابع عشر
رواية خادمة الصقر الجزء الثاني الحلقة الرابعة عشر
في المستشفى 🏥
..لارا كانت قاعدة جمب عاصي و ماسكة ايده بعد ما اخد الرصاصة في جمبه و فاجاه دخلت عليها وعد و هي بتعيط
وعد بخوف / ماله .. عاصي ايه اللي حصلك بس يا حبيبي رد عليا
لارا بغيظ/ اهدي يا حبيبتي علي نفسك و قولي هديت دلوقتي هيفوق و هيبقي كويس . ده زي القطط
بسبع ارواح يعني
وعد ركزت في شكلها و طريقة كلامها / معقول انتي لارا الميكانيكية
لارا بحده / اي ميكانيكية دي ما تظبطي يا بت بدل ما ارقدك جمبه
وعد بخوف / خلاص خلاص انا اسفة .. بس عاصي كان بيقول كدة .. سوري
لارا بغيظ / طيب لما يفوقلي هبقي اوريه الميكانيكية هتعمل اي فيه
…و قعدت وعد علي الكرسي جمب عاصي في هدوء و لارا استغربت انها خافت فعلا منها برغم انها كانت بتهزر .. ودي للاسف شخصية وعد بتخاف جدا تتعامل مع اي شخص جديد و هنعرف الاسباب بعدين
________________________________________________
في فيلا الحديدي 💪
ادهم دخل اوضة خالد لقاه قاعد علي السرير و شكله مرهق جدا و حزين قرب ادهم منه
و قاله / ليه يا عمي عملت كدة ده فهد كان محتاجك اوي جنبه دلوقتي
خالد بوجع / وانا كمان عايز ابقي معاه بس بعد اللي عمله ده مش بس كسر ثقتي فيه لا كسرني انا مبقتش عارف ارفع عيني في حد .. حتي نغم خسرتها
ادهم بستغراب / مالها نغم خسرتها ليه علشان هي زعلت منك و مشيت من الفيلا صح اصل انا شفتها هي و كارمن عند عساف
خالد بندم / لا هي مش زعلانه مني انا طلقتها .
..ادهم اتصدم و مكمش مصدق اللي بيسمعه و ايه التسرع ده و قرر انه يتكلم معاه و يحاول يثبتله حقيقة برائة فهد
________________________________________________
في اوضة يزن
ميرا كانت بتتفرج علي صور يزن اللي في كل مكان في البيت و مستغربة ضحكته اللي في الصورة
كريم/ احم ايه مالك سرحانة ليه كدة .. اكيد مش سرحانة في يزن ده عيل رخم
ميرا بحرج ابتسمت و قعدت علي الكرسي بادب
كريم قعد قدامها و قالها بهدوء/ بصي يا بنتي انا راجل صريح و السوق علمني كتير و خلاني اعرف الناس من بس عينيها ..و انتي عنيكي بتقول انك فعلا غلبانة و الدنيا جاية عليكي ولكن في وراكي سر
ميرا رفعت وشها وبصت لكريم و ردت برقة
كعادتها / حضرتك عايز تتاكد لو كلامك صح او لا … فاه يا اونكل انا في حاجة مخبياها عن يزن و مسيري اقولهاله لكن مش دلوقتي
كريم / خلاص بلاش يزن قوليلي انا و انا اوعدك اني عمري ما هقوله علي الاقل علشان تلاقيني في ضهرك
..وبدات تحكي ميرا لكريم تقريبا عن كل حاجه وكريم كانت صعبانه عليه جدا .
ميرا بعياط / كده حضرتك عرفت عني كل حاجه وليك الحريه تخليني في بيتك او تمشيني
كريم قرب منها وطبطب عليها / ما تقوليش كده يا ميرا انا اعتبرتك جزء من البيت خلاص وصدقيني لو هما باعوكي فانا وياسمين ويزن في ظهرك
ميرا ابتسمت وقالت / طيب حضرتك وطنط ياسمين ماشي لكن يزن ده مش بيطيقني
كريم ضحك / يا عبيطة ده مش بيطيق نفسه اصلا
ضحكت ميرا علي كلامه و دخلت المطبخ مع ياسمين تساعدها
________________________________________________
في الفيلا
خالد احتلت عليه الصدمه وهو ماسك ورق بتاع المستشفى اللي بيثبت ان فهد واخد نسبه منشات عاليه وانها اكيد جرعه خارجيه .
خالد / ممكن يكون كلامك صح يا ادهم و اضحك عليه بس هرجع برده لنفس الفكره ان هو اللي سمح لنفسه يروح المكان زي ده هو والبنت اللي كانت معايا .
ادهم قاطعه في الكلام / خلاص روح وقابل البنت بنفسك واتكلم معاها على فكره هي دلوقتي بقت مرات فهد و عند همس في البيت قاعده مع نغم وكارمن تعالي نروحلها مش هنخسر حاجه .
…وده ايه اللي حصل خالد وادهم راحوا البيت عساف وقعد مع نسمه واتفاجئ انها بنوته في منتهى الجمال والرقه وانها مجتهده وللي حصل ده كان غصب عنهم هما الاثنين .
في الاوضة عند خالد و نسمة
خالد / حقك عليا اني ظنيت فيكي وحش … و حقك عليا علي اللي عمله فهد ، انتي دلوقتي بقيتي مراته يعني مافيش مخلوق يقدر يفتح بوقه
نسمه بعياط/ بس وقت اللي حصل ده ما كنتش مراته بيني وبين نفسي انا عارفه ان هو اغتص*بني حتي لو ضحكت علي العالم كله
..و حطت ايديها علي وشها و فضلت تعيط جامد
خالد / هو مش انتي عارفة ان هو مظلوم و انه مجني عليه زيك بالضبط
نسمة بوجع و خوف / اه عارفة . هو حالته كانت صعبة اوي .. او يمكن ..والله يا عمو انا ما فاهمة اي حاجة غير اني ضعت والبني ادم اللي كنت بحلم اتكلم معاه و بحب قربي منه دلوقتي مش بكره غيره و خايفة منه .
خالد بندهاش / هو انتي كنتي بتحبي فهد يا نسمه
نسمه بعياط/ للاسف اه بس دلوقتي انا مش قادرة انسي شكله و هو بيتهجم عليا .. مش ده فهد اللي حبيته و اتعلقت بيه .
..خالد قرب منها و اخدها في حضنه علشان يطمنها
خالد بحب / اوعدك ان كل حاجة هتتصلح يا بنتي ..ده انتي طول النجاه اللي كنت مستنيه من بدري
…و في نفس الوقت وصل معاذ و صقر و فهد و ابو نسمة و اخوها بيت عساف .
_______________________________________________
في الشقة عند كريم
ميرا كانت واقفة مع ياسمين في المطبخ بتساعدها
ياسمين بضحك / لا ده انتي خايبة خالص يا ميرا شكلي هبدا معاكي من الصفر اوي
ميرا ضحكت / اعمل اي بس .. مكنتش بعمل حاجة خالص هناك كان عندي دادة غالية هي اللي بتعملي كل الاكل
ياسمين/ طيب روحي لمي الغسيل و طبقيه . اعتقد ده سهل صح يا حاجة ميرا
ميرا ضحكت اوي/ طبعااا ده انا هبرهك يا سوسو والله
ياسمين بهزار / ياخوفي يا ميرا.. ياريت تاخدي بالك ان الحاجات دي بتاعة يزن و هو يا قلب امه روحه في مناخيره طول الوقت
ميرا / حاضر.. بس انا عندي سؤال هو انتي ليه بتعملي كل حاجة بنفسك ..ليه مافيش هنا خدامة برغم ان ماشاءالله تقدروا تعملوا كدة صح ولا انا غلطانة
ياسمين رجعت بذكرياتها و ابتسمت و قالتلها / علشان الشقة دي فيها احلي ذكرياتي انا و كريم علشان كدة عمرنا ما فكرنا نسيبها برغم اننا ممكن نجيب شقة اكبر او حتي فيلا
و لاني اخدت عهد علي نفسي اني ابقي ام بكل الكلمة
واشوف طلبات كريم و يزن بنفسي منغير شغالين ابدا
ها عرفتي يا لمضة انتي
ميرا قربت حضنتها/ انا اسفة اني عيطك بس انا هفرحك و هطبق الغسيل حلو والله .
______________________________________________
. شقة عساف في الصالون برا 😲
والد نسمه بعصبيه/ بقولك هتطلقها يعني هتطلقها ولا انت فاكرني هسيبها لواحد زيك
فهد بعصبية مماثلة / نسمة خلاص بقت مراتي و طلاق انا مش هطلق
نغم اول ما شافت فهد جريت حضنته و هو كمان حضنها و بدات تزعق لابو نسمة / ملكش دعوة بابني انت سامع ولا لاء .. متزعقلوش ده لسه تعبان
فهد بحرج / ايه اللي بتقوليه ده يا ماما بس . اسكتي دلوقتي يا حبيبتي
اخو نسمة / ابنك اللي انتي خايفة عليه ده بعون الله هتخدي جثته تدفينيها النهاردة
صقر كان قاعد على الكرسي تعبان و حاول يتكلم
بهدوء/ مش كدة يا جماعة .. خلينا نتفاهم بالعقل
خرج خالد من الاوضه وهو بيزعق وقال / لا خليك انت بقى علي جنب يا صقر سيبني انا هعرف اتصرف معاهم
اسمع ياض انت اوعى تعلي صوتك تاني في البيت هنا و الكبار لما يتكلموا العيال تخرص
ابو نسمه / والحريم كمان تسكت ولا انت ايه رايك يا ابو فهد .. احنا بينا كلام كتير اوي و اللي حايشني عن ابنك هي فضيحة بنتي
خالد / ما بقاش فيه فضيحه خلاص والموضوع باذن الله هيتلم وبنتك بقت مرات ابني .. و لو علي الكلام نتكلم بس انا و انت و الصقر و العيال يمشوا
خالد بص لفهد اللي عينيك كانت كلها دموع ونفسه يجري عليه ياخدوا بالحضن وقاله / خش اطمن على مراتك وانتي يا نغم خدي كارمن وخشي معاه
معاذ خد اخو نسمة و اقعدوا برا في الجنينة و متطلعوش دلوقتي.
وفعلا نفذوا الكلام وبعدها خالد بس لابو نسمه وقال له/ كده بقى نقدر نتكلم براحتنا ونتفاهم
________________________________________________
في العربية ☺️ كان عساف مستني يزن يجي .
يزن ركب جنبه في العربيه وقاله بضحك / طب ايه لازمتها جو المخابرات ده ما كنت استنيتني في المكتب وانا كنت هاجيلك
عساف ابتسم / والله .. يا واد نموسيتك كحلي ولا ايه مين البت اللي ابوك قفشها في اوضتك دي يا نمس .
يزن بفخر / واحدة من معجباتي ما انت عارفني يا عساف
عساف / تعرف ياض يا يزن انك بجح زي خالد بالضبط
يزن ضحك / طب والنبي سيبك من البنت اللي كانت في اوضتي .. و قولي ايه الكلام المنتشر في الصحافه و الاعلام ده قال فهد متجوزها قال .. ده انت يا ساتر من مخك و تخطيطك
عساف / طيب نتكلم جد بقى انا عايز اسامه
هو هرب من المراقبه اللي كانت عليه وعايزه في خلال ساعتين يا يزن قبل ما يعمل اي حركه وينشر باقي الفيديو وساعتها هتبقى مصيبة بجد
يزن بتفكير / بص هو حوار انهم متجوزين عجبني بس ما كنتش مفروض تعمل كده قبل ما تطمن ان الفيديو معاك يا عساف
عساف / ما كانش في ايدي اي حل تاني كان لازم اتصرف وما كنتش هعرض فهد انه يدخل الحبس دقيقه واحده .. المهم هتعرف تجيبه ليا يا يزن و في هدوء
يزن بثقه / عيب وحياتك عندي قبل الساعتين هيبقى قدامك ومتكتف كمان .انت مش بتكلم مش اي حد برده ده انا يزن .. سلام يا عساف
عساف مسك دراعه / اه بس عايزه عايش وحياه امك
يزن ضحك بعلو صوته / هو ورزقه بقه يا عساف
ومشي يزن من العربيه ومسك تليفونه وكلم عز
وقاله / عز في خلال دقيقتين الاقيك قدامي دلوقتي عايزك معايا في حوار .
..وبدا يزن خطته وهو وعز اللي يعتبر ذراعه اليمين واعز صاحب ليه وقدر يوصل لمكان اسامه اقل من ساعه .
_______________________________________________
في مكان مهجور وضلمه دخل اسامة و قفل الباب براحة و قلع الجاكت و بيولع النور و بيصدم من يزن اللي قاعد علي الكرسي و رافع رجله علي تربيزة متهالكة و ماسك ولاعة في ايده و بيضحك
يزن بهزار و هو بيلعب في الولاعة / تصدق وتؤمن بالله كنت هموت واعرف فين المكان اللمبه بس ما كنتش لاقي الزرار .. بس كويس انك جيت بدري اصلي بخاف من الضلمة
و قام يزن بهبتو من على الكرسي وده رعب اسامه وبدا يرجع لورا ويتكلم بس بتهتهه / على فكره انا …انا مشيت بامر من عساف باشا هو اللي سابني امشي لما يعني … يعني عرف ان انا ما ليش دعوه باي حاجه خالص والله
يزن بضحكه / ايوه ما انا عارف وانا جيتلك بنفسي عشان اطمن عليك ، اصل عساف فيه عيب صغير قد كده .. انه طيب وبيحب يطمن على الناس اللي بيعزها اه والله اللي بيعزها دايما .
اسامه بخوف / ماشي ماشي وانا كويس انا بس سبت البيت اللي كنت عايش فيه وجيت هنا يومين وراجع ثاني ..يزن باشا اناااا
و ما لحقش يكمل كلامه لقه بوكس من يزن في وشه وقعه على الارض ويزن قرب منه شده من قميصه
وقاله بتريقه / يا عيون يازن باشا .. انت عارف ياض اني ممكن اموتك هنا و محدش هيحس بيك و اللي ماجرينك علشان تفضح عيلة الحديدي هيرموك زي الكلب و لا حد هيعبرك .. فانت بقي المفروض تبقي ناصح
و كمل كلامه بعصبية و بصوت عالي / المفروض تبقي ايييه
اسامة بخوف / ناصح .. ناصح والله
يزن بتسامه / ايوه كده احبك انا .. يلا بقى هات ايدك عشان تقوم من على الارض احسن هدومك كلها اتطربت … يا عز الواد ده يروح لمكتب عساف باشا في شوال بس بعد ما يعرف ان الله حق
….وبالفعل عز قام بالواجب مع اسامه وبعدها راح وداه لحد باب مكتب عساف علشان يعترف بكل حاجه حصلت وكان فيه مفاجاه جامدة اوي .
هنعرفها بعدين 🤣🤪
_____________________________________________
تحت بيت عساف في الجنينه بتاعه الكومباوند .
معاذ عمال يصفر واخو نسمه واقف متوتر ومتغاظ
اخو نسمه/ ما كفايه بقى تصفير انت خنقتني على فكره
معاذ ابتسم / في يا عم براحة على نفسك ده انت رخم قوي .. وبعدين متوتر ليه كده الفضيحه و خلصت و الراي العام كله متعاطف معانا وابوك وابويا و عمي بتناقشوا فوق و اكيد هيوصلوا لحل
اخو نسمه بغيظ وعصبيه / يعني انت اختك لما يحصل فيها كده هاجي اقولك ما توترش نفسك دي الفضيحه اتحلت
طب واختي شرفي اللي اتداس برجلين هحله ازاي
معاذ اتوجع جدا من كلام اخو نسمه وتخيل جميله في نفس الموقف ورفض الفكره وغضب وقاله / ايوه بس فهد معملش كدة بارادته و انت سمعت الدكتور قال ان المنشطات دي كانت ممكن اساسا تموته و قفل علي الحوار ده .
ومسك معاه تليفونه لقه لارا بتكلمه فرد عليها واتصدم اول ما سمع كلامها وقالها / هاجيلك خلاص اهدي انا جايلك دلوقتي حالا …سلام يا لارا
اخو نسمه /ايه يا ابني مالك في ايه هي دي اختك ولا ايه شكل الدعوه استجابت بسرعه .
معاذ خبطه في كتفه بغشوميه وقاله / ما تتلم يلا بقى شويه .. بقولك ايه انا لازم اروح مشوار مهم
خليك هنا اوعي تطلع فوق بلاش مشاكل .. سلام
____________________________________________
اما يزن فروح بيته متاخر قوي بعد ما خلص حوار اسامه مع عساف و اول ما دخل الشقة اتفاجاه بميرا قاعدة بتتفرج علي التليفزيون علي كرتون .
قرب منها وقعد على الكنبه جنبها وهي ما كانتش مهتمية بيه تماما مشدوده جدا لفيلم ربانزل .
يزن بتريقه / شايفك واخده راحتك قوي ولا كان البيت بيتك ولابسه من هدوم امي و بتتفرجي على التلفزيون …ايه يا عسل حد قالك ان ده بيتك وانا ما اعرفش
ميرا بصتله باستفزاز وقالتله ببرود / اه كيمو قالي البيت ده بيتك واللي انت عايزاه اعمليه ومن النهارده هنام مع ياسمين في الاوضه او هنام في اوضتك وانت هتنام في الصالون .
يزن واستفز جدا من طريقتها ومسكها من ايديها بعصبيه وقالها بغيظ /بلاش تتكلمي معايا بالطريقه دي تاني عشان ما تندميش يا قطه وبعدين انت تنامي في اوضتي انا ليه فاكره نفسك مين
ميرا بوجع بتحاول تشد ايديها منه / سيب ايدي انا بقولك اللي كيمو قاله انا مش بكدب حتي ابقي اساله اوعي سيبني
يزن بعصبية/ ايه كيمو دي كمان ما تحترمي نفسك بدل ما اعدلك انا بطريقتي
كريم خرج من الاوضة / طيب وريني هتعدلها ازاي يا سي يزن .. اما اشوف ابني المحترم بيمد ايده ازاي علي البنات
يزن بعد عن ميرا و بص لكريم بغيظ / علفكره اللي بتعمله ده مش فير .. انا جايبها هنا عطف و المفروض تمشي النهاردة
كريم / انا اللي اقول مين يمشي و مين يقعد يا حبيبي ..و انا مش عايزك في البيت
ميرا بفرحة جريت ناحية كريم / حبيبي يا كيمو يعني هبات في اوضته صح و هاخد سريره الكبيره كمان
يزن بحده / كريم بلاش غلاسة انت بتنصرها عليااا كدة و ربنا اسيب ام البيت ده و اروح في داهية
كريم / طب ما في داهية هو انا همسك فيك ياض
يزن رفع حاجبه بدهشة/ يا عم انت ركز في كلامك وربنا عيب كدة ميصحش ابدا
ياسمين خرجت من الاوضة/ لا بعد الشر عليه يا كريم . خلاص سيبه يبات في الصالون النهاردة علشان خاطري انا
يزن بعصبية / حتي انتي يا ياسمين .. ماشي يا ماما
طب بالعند فيك يا كريم والله لابات النهاردة مع ياسمين في الاوضة و ابقي عد انت بقي النجوم
..و جري يزن علي الاوضة و كريم جري وراه
كريم / وحياه امك ما هيحصل ياض… تعالي هنا يا يزن.
وفضلت ميرا تضحك عليهم بفرحة و كان نفسها تعيش في الجو ده و اتمنت من قلبها انها تفضل موجودة علطول معاهم
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خادمة الصقر)
