رواية حي العشاق الفصل الرابع 4 بقلم سلمى تامر
رواية حي العشاق الجزء الرابع
رواية حي العشاق البارت الرابع
رواية حي العشاق الحلقة الرابعة
(احنا طالبين ايد بنتكم يارا لأبننا سمير)
سمير حس ان الدنيا بتلف بيه وهيغم عليه
ومن الصدمة مقدرش ينطق ولا كلمة
صلاح والد يارا بفرحة
_واحنا طبعا مش هنلاقي أحسن من سمير لبنتنا ،سمير راجل وابن اصول وميتعايبش
زينب كانت بتبص بخوف لسمير اللي ساكت ومش بينطق ولا كلمة
_نقرا الفاتحة بقا خير البر عاجله
نطقت بيها يارا بلهفة وفرحة غريبه وعمر هنا مقدرش يمسك نفسه وانفجر في الضحك
ووئام بصيت لأختها بتحذير وغضب
وزينب اتكلمت بسرعة علشان تلم الموقف
_زي ما العروسة قالت نقرا الفاتحة بقا
واخيرا اتكلم سمير بسخرية بعد ما خرج من صدمته
_طب ايه مش هنتفق على كل حاجه الأول ولا ايه
عمر بضحك
_لأ ما هو خلاص بابا اتفق مع انكل مدحت على كل حاجه وفرحكوا هيبقى بعد شهر بما ان شقتك اللي في الدور اللي فوقنا جاهزة من كل حاجة
سمير بنفس السخرية
_اه ف مش ناقص غير امضتي على الجوازة دي صح،ولا ملهاش لازمة هي كمان
زينب اتكلمت بسرعة علشان تمنع سمير من انه يوقف الجوازة دي
_يلا يجماعة نقرا الفاتحة
_آمييين
لولولولولويييييي
فجأه اتفتح الباب ودخلت كل الجيران اللي في العمارة والشارع وصوت اغاني عالية اشتغلت وزغاريط كتير جدا ومديحة وزينب طلعوا بعلب جاتوه من المطبخ علشان يفرقوها عالمعازيم بفرحة
ويارا قعدت عالكنبة جنب سمير وكانت ماسكة بوكية ورد معرفش جيه منين وبتبتسم بخجل لسمير
عمر قام رقص وشد رياض وزينب اللي كانوا فارحنين جدا
وبعدها مديحة وصلاح
_يارب يبقى ده حلم..ان شاء الله حلم..حد ييجي يقرصني
همس بيها سمير لنفسه وهو بيبص لكل اللي بيحصل حواليه ده بعدم استيعاب
سمير بصدمة :
يارا!
قراية فاتحة!
معازيم !
جاتوه!
واي الراجل اللي بيرقص هناك ده؟
ومين الست اللي بتحط الجاتوه ف كيسة سودا دي وطلعت من الشقة؟!
اي اللي بيحصلي ده
وقام وفف وصرخ فيهم كلهم
_انتوا مجاااانيننننن ولا ايييييي
ولكن مهلا!
محدش سمعه اصلا من صوت الاغاني العالية وكل اللي في البيت بيرقص بسعادة وفرحة
وبص لقى يارا بترقص برضه مع اختها
حاول يطلع من الشقة لكن لقى شباب الشارع منعوه وغالبا كانوا متفقين مع زينب على كده وحاولوا يرقصوه بالغصب
وعديت الليلة على…غالبا خير
~~~~~~~~
دخلوا البيت وهما ف قمة انبساطهم ماعدا طبعا سمير اللي كان بيبصلهم بنظرات نارية
_ايه بقا كل العك اللي حصل النهاردة ده يا أحلى عيلة؟
رياض اتاوب واتكلم بنعاس مصطنع
_طب تصبحوا على خير بقا يجماعة اما ادخل انام
ودخل أوضته بسرعة وهو كاتم ضحكته من منظر سمير
زينب فجأه صرخت لدرجة انها خضيت سمير وعمر
عمر بخضه
_في ايي ياما؟!
زينب لرياض بغضب مصطنع
_عايز تنام من غيري يا رياض اخص عليك ياواطي
وجريت وراه وقفلوا الباب على نفسهم
سمير هنا فقد كل اعصابه واتكلم بصراخ وغضب
_لأ بقا يجدعان مهو مينفعش كده حد يقف يكلمني..يعني ايه ابقى عندي ٢٧ سنة وتتضحكوا عليا بالشكل ده
وبعدين ده جواز مش لعب عيال
زينب من ورا الباب
_الحق علينا يعني ياسمير اننا عايزين نفرح بيك
سمير بعصبية
_ماما اتطلعي كلميني بلاش شغل العيال ده،وبعدين يستي منا كمان عايز افرح بيا بس مش مع يارا!
يارا اكتر بنت مبحبهاش في حياتي
دي سمجة سماجة مش طبيعية وملزقة ومدلوقه عليا وانا بكره البنات من النوع ده
زينب اتصدمت وطلعت لسمير واتكلمت بذهول
_يعني انت اعتراضك مش على فكرة الجواز لكن على يارا نفسها
سمير هز راسه بإيجاب ونفاذ صبر
زينب بصدمة
_يوه يقطعني!
طب معلش ياضنايا كام اسبوع كده وتفركش علشان الناس متاكلش وشنا ونوقف حال البت وبعد كده تبقى اختار انت العروسة لكن ف اسرع وقت قبل ما شريف يتجوز ويسبقك
_جرى ايه يازينب!
هي بنات الناس لعبة في ايدك انتِ وابنك ولا ايه
_هوب هوب استنوا ابوس رجليكم محدش ينطلق انا عارف ان بعد جملتك دي يابابا هيبقى فيه خناقه
بصوا لعمر بإستغراب وهو جرى على أوضته بسرعة وجاب ورقة وقلم وقعد عالكنبة واتنهد براحة
_يلا كملوا..من أول جرى ايه يازينب
رياض وزينب تجاهلوا وكملوا خناقتهم
_لأ مش لعبة في ايدي يارياض بس انا لا يمكن اجبر ابني على حاجة ابدا
_لا ياشيخة!
اومال مين اللي لبسني في الجوازة دي غصب عني ها؟
ما انتِ اللي عملتي الليلة دي كلها
زينب بتلعثم
_ماهو..ماهو..
وكملت بغضب مصطنع
_ولد!
ايه شيخة دي ياقليل الادب انت اتجننت حد يكلم مامته كده
سمير اتنهد واتكلم بنفاذ صبر
_طب بصوا بقا..زي ما انتوا لبستوني في يارا غصب عني بطريقتكم..انا هطفشها غصب عن الكل بطريقتي
ودخل أوضته بغضب
عمر بتساؤل
_بابا هي آخر جملة قالها كريم كانت ايه
(انا هطفشها غصب عنكم..ولا غصب عن الكل) ؟
زينب بصتله بنظرات ناريه وجريت عليه تعضه بشر
_بقا يا ابن الك** وصلت بيك لدرجة انك تكتب اللي احنا بنقوله علشان توصله لستك وعمتك بالحرف اعمل فيك ايه منك لله
_اه يابابا الحقني وداني ودااني الحقوني كريييم سمييير
رياض سابهم بتجاهل ودخل أوضته وزينب ضربت عمر بالشلوط ودخلت وراه
وعمر اتنهد براحه لما سابته ودخل أوضة كريم وسمير يشوف هما بيعملوا ايه
~~~~~
راح عمر ناحية أوضة اخواته لقى سمير واقف برا وبيتسنط على كريم وكاتم ضحكته بالعافيه
اول ما شافه شاوله يسكت وعمر هز راسه بإيجاب ووقف جنبه علشان يسمعوا كريم بيقول ايه
_طب انتِ ايه اللي يرضيكي يانن عين كيمو..حاضر والله أول ما اصحى الصبح هجيبلك طاجن البامية وطاجن الكوارع اللي انتِ بتحبيهم علشان اصالحك…خلاص بقا ياموحا قولتلك أروى كانت زميلتي في الكلية وسلمت عليا عادي مفيهاش حاجة
يابت ده انتِ اللي في القلب
عمر من بره وهو هيموت من الضحك
_ده بيصالحها بطاجن كوارع
سمير بسخريه وضحك
_طب بالنسبة للبامية عادي
_ها يا عمري الصغنن لسه زحلان
_لأ خلاص ياقيمو مش زحلانه
وكملت بإجرام وصوت عالي لدرجة ان عمر وسمير سمعوه
_بس وعزت وجلالة الله لو نتاية قربت منك تاني هبلعها انت فاهم
كريم بحب وهو بينام على بطنه وعنيه بتطلع قلوب
_بعشق غيرتك عليا
فجأة سمع صريخ ضحك من اخواته وقفل مع سماح وقربلهم بغضب
_جرى ايه ياروح امك انت وهو
عمر وهو واقع عالأرض بضحك
_مش قادر اقسم بالله
سمير بسخرية
_انتن علاقة شوفتها وهشوفها في حياتي
كريم لسمير بشماتة
_الف مبروك يا سام على قراية الفاتحة صح
بس مش كنت بتقولي انك مش بتحب يارا وتقيلة على قلبك..اي اللي حصل بقا
سمير بصله بغضب من سيرة يارا اللي بيكرها و فتح دولابه بعنف وابتدى يغير هدومه
و كريم ضحك عليه قعد على سريره واتكلم برومانسية عن سماح
_ انتوا معندكمش قلب ومشاعر
موحا دي أرق انسانه عرفتها..بيعجبني فيها انها مرهفة المشاعر وحساسة جدا
عمر بصدمة
_انت بتتكلم على سماح؟!
سماح اللي من شهر دب..حت واحد علشان مجبلهاش فلوس الجمعية بقيت مرهفة المشاعر وحساسه!
كريم بنفس الرومانسية
_ما هي روح قلبي كده..بتبان شرسة من برا بس هي من جواها طيبة جدا والله وكيوتة
سمير اتجه ناحية سريره بملل واتكلم بسخرية
_اه انت شكلك طالعلي من عالم سمسم وهتتعبني معاك..جماعه ركزوا معايا كده شوية لأن انا واقع ف مشكلة وعايزكم تحلوهالي
كريم تعمر بصوله بإهتمام علشان يكمل
_تفتكروا ايه اللي ممكن يطفش اي بنت
عمر بتفكير
_الخيانة
كريم بنفي
_لأ لأ فاكس الحوار ده..البخل اكتر
البنت مستحيل تكمل مع واحد بخيل خاصة لو ف أول العلاقة
سمير فكر شوية وبعدين ابتسم بخبث
_حلو ده..نبدأ أول خطوة ، عمر هو النهاردة آخر الشهر ف معنى كده ان الباقة بتاعتي خلصت والمفروض اجددها صح
عمر هز راسه بتأكيد
سمير طلع تليفونه وجاب رقم يارا
عمر بتساؤل
_بتعمل ايه؟
سمير بخبث
_هبعتلها رسايل كلمني شكرا علشان تعرف ان انا بخيل ومش بشحن وتبعد عني
بعد شوية يارا اتصلت بيه وهو ابتسم بخبث لأنه توقع انها تتقفل منه وتنهي العلاقة بسبب الحركة دي
كريم بحماس
_افتح الأسبيكر
_خطيبي وروح قلبي.. وصلتك الخمسين جنيه رصيد اللي بعتهملك
سمير اتصدم وعمر وكريم بصوا لبعض وانفجروا في الضحك
سمير ف سره
_شكلي داخل على مهمة صعبة،والنعمة لكرهك فيا يايارا علشان تبعدي عندي نهائي
~~~~~~~
تاني يوم كريم كان نازل من بيتهم وهو نازل شاف فاطمه اخت يارا وبصلها بنظرات غامضة وهي بصتله بعتاب وحزن
_ احم اذايك يا فاطمة
فاطمة بحزن وسخرية
_يهمك اوي تعرف ياكريم
بصلها كتير وسرح ف عيونها وحزنها وقلبه وجعه جدا من نظراها ليه
_كرييييييييممممممم
بص كريم بصدمة ولقى سماح واقفه بتبصله بشر ونظرات اجرام وعنيها مبرقه وماسكه في ايديها سكن..تين ووراها رجالتها كلهم بيبصوا لكريم بتوعد
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حي العشاق)
