رواية حين تقع في الحب الجزء الرابع الفصل الثالث والثلاثون 33 بقلم ندى علي
رواية حين تقع في الحب الجزء الرابع الجزء الثالث والثلاثون
رواية حين تقع في الحب الجزء الرابع البارت الثالث والثلاثون
رواية حين تقع في الحب الجزء الرابع الحلقة الثالثة والثلاثون
الدكتوره بصت لندي :مدام ندي النزيف دا بيجي ليكي من امتي بالظبط ؟
ندي :الوقع دي كانت من زمان والنزيف دا جيه ليا بعد الوقعه بشهر او شهرين فضل متواصل ايام في الاول افتكرته دورة شهريه لكن مطلعش وروحت لكام دكتوره ومعرفوش سببه كانو بيدوني دوا يوقفه فتره بس
الدكتوره :تمام والنزيف دا كان بيجي بوجع زي حاليا ؟
ندي :لاء خالص كان بيجي طبيعي ومش بحس لكن المره دي وجع رهيب
الدكتوره :طيب ما الغربب ان الاشاعه مش مبيه ان في اي خطر علي الرحم الاشاعه مبينه ان كل حاجه تمام يعني سبب النزيف دا مش معروف
عاصي بستغراب :ازاي مش معروف يا دكتوره ؟
الدكتوره :استاذ عاصي مرات حضرتك لسه في سن مبكر علي الزواج واكيد حضرتك عارف كدا والنزيف علي حسب كلامها زايد وبوجع المره دي
عاصي بعدم فهم :مش فاهم برضو وضحي اكتر ؟
الدكتوره :اعتقد ان لو حضرتك مقربتش من مدام ندي الفتره دي يبقي تمام ممكن نعرف سبب النزيف لو رجع مره تانيه
عاصي في نفسه : يا بنت ***** احم تمام يا دكتوره اي حاجه تانيه ؟
الدكتوره وهي بتكتب الروشته :مدام ندي اهتمي بأكلك شويه وهتمشي علي الكبسوله دي لمدة اسبوعين وزي ما اتفقنا يا استاذ عاصي وبعد اسبوعين تيجي نشوف النتيجه
عاصي وقف وندي كمان :تمام متشكر جدا يا دكتوره وشد ايد ندي وطلعو برا
ندي :في ايه يا عاصي ما تنيمني علي الارض واسحبني احسن براحه يا بابا براحه
عاصي بعصبيه :افهم حاجه وحده ايه دخل جوازنا بنزيف يعني ومسح وشه استغفر الله العظيم يارب
ندي بهدوء ومرح :يا عاصي متقول اللي تقوله واحنا نعمل اللي عوزينه فكك منها المهم اكلني يلاا
عاصي بص ليها :انا لسه دافع 500 جنيه مستشفي غير العلاج يا غاليه
ندي بدلع :تستخسر فيا الاكل يعني يا عاصي ماشي براحتك مش جعانه روحني اكل اندومي بقاا وخلاص
عاصي بضحك :طريقتك تنيم اجدعها ضمير في الدنيا ومسك ايدها ومشي يلا تعالي اركبي
ندي ربعت ايدها قدام صدرها :لاء مش عوزه اركب عربيه عوزه امشي في الشارع
عاصي قفل العربيه وراح ليها حطت ايده علي كتفها ومشي بيها :طلباتك اوامر ياست ندوش
ندي ببتسامه :اقولك حاجه انا نفسي اشوف ماما وعزه وحشوني اووي
عاصي ضمها لصدره بحنان :طب ايه انا مش غنيكي عنهم ؟
ندي :انت غنيني عن الكل بس دول اهلي مهما كان يعني بحب اشوفهم وبعدين لما نروح البلد هوريك حجات كتير هناك
عاصي :بإذن الله قريب اووي هوديكي وطلعو علي المطعم وقعدو
الجرسون ايجه :نورتو يا فندم طلبات حضرتكم ايه ؟
عاصي بص لندي :امممم انا عاوز سندوتش برجر فراخ ومعاه كاتشب وكوباية شاي وانتي
ندي ببتسامه :عوزه سندوتش وافل وعلشان هو صغير هات تلاته ااااه معاه بيبس بقا
عاصي ابتسم ليها وبص للجرسون وطلب الحجات وفضل قاعد هو وندي يتكلمو ويضحكو عاصي مستغرب ندي انها تعبانه وموجوعه ورغم كدا بتضحك وبتهزر وندي بتحاول تتحمل الالم علشان مش عوزه تشيل حد همها
…………………..
عند غسان ونور
غسان ماسك ايد نور ومشين في شوارع الرحاب اللي رحيتها فول وطعميه وبطاطس وكلهت رحيتها جميله اووي
نور ببتسامه :بحب اجي هنا معاك بس تعرف كدا ؟
غسان بغمزه :علي اساس بخرجك مع حد غيري ولا ايه يابت انتي
نور :متغمزش احنا مشين في الشارع يا حضرت المقدم
غسان :هو انا بغمز لحد غريب دا لمراتي وبعدين تعالي نجيب حاجه ناكلها بقالنا اكتر من ساعه مشين مش جعانه ولا ايه ؟
نور :جعانه تعالي يلا نعد في مكان وناكل بقا
غسان راح قعدها في المطعم وراح جاب الفول والطعميه والمخلل ورجع ليها وفعد ياكل معاها ويأكلها
نور وهي بتاكل :غسان هي السعاده بتتبني علي ايه ؟ يعني انا السعاده بنسبه ليا لما بعد معاك انت وعاصي وحبيبه لما بحس انكم معايا خلاص مبقدرش اكون نفسي في حاجه تانيه دي سعادة بجد عندك زيي كدا ولا غير ؟
غسان :امم بصي السعاده عند الاشخاص تختلف يعني انا سعادتي زيك لما بشوف ولادي وعيلتي بتكبر وبتكون بخير وكمان لما بكون جدير بشغلي وشايف ان الكل بيقول عليا ان ممتاز وشاذر في شغلي دي سعاده تانيه خااالص وكلي بقا علشان انا شايف انك بتتهربي من الاكل ؟
نور بقرف :مش عوزه اكل انا عاوزه شاي
غسان :الانميا يا روحي والشاي غلط عليكي هجيب ليكي عصير
نور بضيق : بس انا عوزه شاي يا غسان
غسان بص ليها :الشاي غلط عليكي في الاساس شاي ومن غير اكل كمان عوزاه يكون اي يا نور
نور اكلت حته من السندوتش :في مخلل خيار جوا الطعميه مخلي طعمها وحش اوي
غسانواخد السندوتش منها وفتحه وطلع كل قطع الخيار ولفه تاني وقطعه قطع وبدء يأكلها :اهو كدا حلو وهيتاكل اجباري برضاكي المهم هيتاكل علشان البيبي انتي مش بتظلمي نفسك بس انتي بتطلمي ابنك كمان يا نور علشان كدا كلي من غير كلام يلا
نور فضلت تاكل وبعد ما خلصت غسان طلب شاي ليهم وشربوه
نور :حبيبي يلا بقا نجيب طلبات البيت ونروح علشان عندي علاج
غسان هز رايه طلع محفظته وطلع منها فلوس وحاسب ومسك ايدها ومشي
نور وهي مربعه ايدها :غسان الجو برد
غسان بص ليها :تصدقي برد بجد انا كمان بردان يعني لو انتي حطة عينك من ام الجاكت انا كمان متلج والله
نور بصت ليه :بس انا مراتك وكمان حامل يعني افضل متلجه يعني ولا ايه
غسان بغيظ :وانتي مش بتلسي حاجه تقيله ليه لازمتها ايه الشياكة الكدابه دي وقلع الجاكت ولبسه ليها
نور بدفئ :ايوا شوفت بقا الجاكت بتاعك حلو ازاي دافي
غسان حط ايده علي كتفها ومشي جنبها :ادفي يا روحي ادفي انا لو كنت اعرف ان انا في يوم هخلي حد يلبس هدومي كنت عملت اضراب علي الجواز
نور بضحكة مايعه :اعمل اي مكنتش اعرف ان الجو هيبرد وخصوصا اننا لسه الصبح
غسان بص ليها بتحذير :لو شوفتك ضحكتي الضحكه دي تاني هوقع صف سنانك يا قلبي
نور بصت ليه :عنيف اووي
غسان :مش عنف انا لو ماشي ولقيت وحدة ماشيه مع جوزها وبتضحك بدلع كدا هقول عليه لا مؤخدة *** والبت اللي معاه مش محترمه وانا راجل شرقي محبش حد يبص لمراتي ولو حتي ايه
نور بتفهم :خلاص يا حبيبي حصل خير مش هضحك كدا تاني بس انا مش قادره امشي اكتر من كدا
غسان :لاء متقوليش طمعانه في رجلي المرادي بقاا
نور :شوفت انت اللي بضحكني اهو وترجع تزعق ليا وبعدين انا فعلا هبطت انا اتنين انت واحد فين العربيه
غسان :خلاص العربيه هناك اهي تعالي يلا واخدها من ايدها وراح علي العربيه وركبها وركب ومشي علي المول
……………………..
عند كريم
اخيراااا ولعد وقت كبير في الطريق وصل كريم ونيرا البلد
نيرا بصت لكريم :ريف اووي بس حلوه تحسها مكان طبيعي كدا يعني البقر ماشيه مش محبوسه واللي قعدين علي المصاطب حاجه حلوه وجديده عليا
كريم مد ايده ليها :ولسه لما تخدي علي البلد هتشوفي اكتر فيها
نيرا مسكت ايده ببتسامه :مدام حجات هتعجبني معنديش مانع فيها خالص
كريم اخدها ودخل البيت الكل رحب بيها جدا
اميره راحت لنيرا بضيق :نورتي يا نيرا
نيرا :بنورك يا دبدوب.. سوري اميره
اميره بصت ليها بغيظ ومشيت والكل سلم علي نيرا
عزه جت عليها وحضنتها :نيروووو وحشتيني خااالص عمله اي
نيرا حضنتها :انا بخير الحمدالله انتي عمله ايه يا وزه
ناديه حضنت نيرا :ازيك يا نيرا عمله ايه وازاي صحتك
نيرا : بخير الحمدالله ازيك حضرتك يا طنط
الجد :عروستنا نورتي البيت والبلد كلها
نيرا راحت باست ايد جده :منوره بأهلها يا جدو ربنا يخليك
الجد :تغالي يا خطيبة الغالي اعدي هاتو الحلو لوردتنا يا جماعه
نيرا ببتسامه :مفيش داعي والله يا جدو كريم جاب ليا حجات من الطريف
الجد :انا مالي بكريم انا بقدم الحاو بتاعي بقاا
كريم :انا شايف انك اخدتها وبتتغزل فيها ولا كأنها بنتك
الجد برفع حاجب :ما هي بنتي يا كريم ولا انت عندك اعتراض
نيرا بصت لكريم :جري ايه يا كريم جدي يعمل اللي هو عوزه
كريم بتوعد :ماشي ماشي مصيرك يا ملوخيه ايجي تحت المخرطه
اسماء راحت عندها :ازيك يا نيرا احلويتي كدا وادورتي
عزه :طبيعي بنتنا طبيعي يا اسماء وقالت بخبث في ناس يا نيرو بتنفخ وتشفط ولو فيه لزق كانت لزقت كمان
اسماء بغضب :تقصدي مين بناس دي يا عزه
عزه ببرائه :مفيش يا اسماء انا بقصد ناس مش كويسه بس انتي اخدتي الكلام عليكي ليه لتكوني بتلزقي وتشفطي وتنفخي
نيرا :معلش يا اسماء عزه متقصدش انتي زي القمر مفيش منك هي بتتكلم بصفه عمه كرييييييم وريني الشقه يلااا
كريم بضحك :تعااالي
الجد :عزه معاهم متسبهومش لحظه
كريم بصدمه :دي كانت شغلانة ندي مش عزه كانت هي المحرم مش عزه
الجد :ما هي ندي مش هنا ف عزه تمشي يلااا
نيرا طلعت مع عزه وكريم وراحو علي الشقه بتاعت كريم
كريم فتح باب الشقه :يااااارب بقا تدخليها وانتي بالأبيض يا نيرو
عزه :وانا معاكم برضو
كريم بص ليها بطرف عينه :هو دا اللي ناقص بقا
نيرا فضلت تتفرج علي الشقه كانت كبيره اووي وواسعه دخلت اوضة النوم
نيرا بصت علي الستاره اللي علي الشباك اللي في وش الباب :يماما دا ايه ياربي القرف دا دا ذوقك يا كريم ؟
عزه بضحك :قولي حد دخل الشقة وقالك عليها حلوه العقربه اختك والدبه وندي مفيييش حد عجبته خااالص
نيرا بصت علي الستاره تاني :ايوا بجد هي مش حلوه خالص يعني تخوف وفي نفس الوقت وحشه
كريم :لااااء يما انتي وهي انتي غيري اي حاجه في الشقة الا دي الستاره دي انا بحبها وشاريها من الامارات لما كنت هناك مستحيل اغيرها
نيرا برفع حاجب :طب بالله العظيم لتتغير ايه القرف دا الناس بتنام تتأمل في منظر المكان مش اول ما اتقلب الاقي في وشي نمر
كريم بعتراض :هنام انا علي الجنب اللي فيه الستاره المهم مش هغيرها وانتهي الحوار
نيرا بإصرار :والله مش هنام في الاوضه كلها طول ما الستاره دي فيها انا ناقصه رعب
عزه :بسسس اسكتو الستاره دي تتشال وانتهي الحوار
كريم :لاااااء
نيرا : وانا قولت ااااه
(وبعد 10 دقايق )
كريم كان واقف علي السلم المتحرك بيفك الستاره بغضب وغيظ شديد
نيرا :فك بضمير يا كريم قال مش هتنزل قال
كريم بغضب :وديني لو نزلت ليكي لخلي وشك والارض واحد ف تجنبي الكلام معايا خااالص بقا لحد منسي
نيرا بهمس لعزه :حاطت ليا نمر في الاوضه ويقولي منظرها تحفه
عزه بضحك :الفلاح فلاح لو راح باريس يا اختي بعيد عنك
………………………
عند اسر
اسر اخد حبيبه وراح علي مول KFS للموبليا اول ما دخلو المكان حبيبه راحت علي اوضة الاطفال
حبيبه :اسر تعالي شوف دي كدا
اسر :الاوضه لونها احمر وانا مبحبش اللون الاحمر غير كدا شكلها زحمه اووي احنا عوزين حاجه هاديه ورقيقه سيبك من الشكل وبعدين خلينا في اوضتنا الاول يا بيبو
حبيبه :طيب ما دي شكلها جميل
اسر :انا معاكي شكلها تحفه كمان لكن دي مش هتستحمل حد ينام عليها واحنا عوزين حاجه تعيش واخدها من ايدها وراح عن قسم الاوض
حبيبه لقت انتباها دولاب علي شكل درسنج روم :طيب شوف الدولاب دا كدا بدل ما نجيب اوضة كامله للهدوم نجيب دا اي رأيك
اسر راح وفضلت يفتح فيه وادراجه بإعجاب :حلو دا بس عوزين الاوضة بتاعته كامله بقا بدل ما نجيب الدولاب شكل والسرير شكل ونعمل شبه بيض شم النسيم كدا
حبيبه بصت لأسر :انا فرحاااانه اووي ومش مصدقه يعني احنا بنجهز لبيتنا انا وانت يا اسر انت متخيل كنا فين وبقينا فين
اسر :ربنا يقدرني وافرحك ديما يا فرحتي في الدنيا وفضلو يجيبو كل حاجه نقصاهم
حبيبه راحت مسكت فازا شكلها رهيب وتحفه بصدمه :اسر انت عارف دي بكام 6000 جنيه لسه بتحطها مكانها وقعت علي الارض اتكسر منها حته
اسر بصلها وبيحاول يستوعب الموقف :تعالي جنبي ولا كأنك شوفتيها الله يرضي عليكي
حبيبه :دي اتكسرت 6000 جنيه راحو
اسر شدها من ايدها واخدها وراحو عن الحساب يحاسبو
حبيبه : احنا هنحاسب عليها
اسر :انتي لو سكتي هنروح بسلامه بس لسانك يسكت وحياة ابوكي انتي علي كدا هتخربي بيتي
حبيبه بتحذير :كلمة كدا كلمة كدا مش عجباني هقول في ثانيه وسمعو كسر حاجه الاتنين غمضو عينهم
الراجل :يخربيتك دي ب6000 جنيه دا انا كنت جاي اجيب طربيزة 2000 جنيه اجي ادفع فوق الفلوس عليا الطلاق بتلاته ما انا دافع
صاحب المحل :انا ذنبي ايه يا باشا ما زوجة حضرتك اللي كسرتها
الراجل :بووز فقر بعيد عنك عليا الطلاق ما دافع
الست :جري ايه يا رجب ادفع يا اخويا ما انت معاك مش فقير ولا حاجه فدايااا
حبيبه بهمس لأسر :الراجل طلقها 6 مرات
اسر بضحك :اشالله 12 مره يلا خلينا نروح بقولك ايه يا ريس الحجات دي هتوصل البيت امتي عندي
الراجل :خلال ساعه يا باشا
اسر :تمام متشكر واخد حبيبه ومشي من جنب الراجل وهو بيدفع الفلوس
اسر بضحك :بشفااااا يا حج رجب
……………………
في المطعم عند عاصي
عاصي خلص اكل وندي خلصت
عاصي :حبيبي نحاسب ونمشي بقا
ندي :ايوا يلا بجد يا عاصي الوافل جميل لووي وطعمه خطير
عاصي ببتسامه :بشفا يا قلبي وطلب الحساب
الجرسون :800يا باشا
عاصي بص لراجل بستغراب :800جنيه بتوع اي دلول يا زعامه
الجرسون : 4 وافل الواحد ب 150 و وبرجر مع واحد شاي 140 وجدمات المكان 60 جنيه
عاصي بص لندي بصدمه :الوافل الواحد ب 150 احيييه ليييه يا باشا
الجرسون بضحك :هو الوافل اصلا غالي هي مطاعم تانيه اغلي من دا كمان
عاصي طلع الفيزا من محفظته :هات المكنه يا غالي هاات وكتب البسورد ودفع وبص لندي يلا
ندي راحت معاه ومشيت بعيد عنه شويه
عاصي حاطط ايده في جيبه :بعيده ليه يا زوجة الهنا والسعاده
ندي :مكنتش اعرف انه غالي كدا في دكرنس في البلد هناك 50 جنيه
عاصي :بقالنا شهر متجوزين وخربتي بيتي شويه وهتبيعيني اللي ورايا واللي قدامي
ندي بصت ليه :تاخد الخاتم تبيعه وتسكت
عاصي :خاااتم جدت ابووويا هيتباع علي ايدك انا عارف والله
ندي :جري ايه يا عاااصي خساره فيا يعني
عاصي بغيظ شدها عليه :لاء خساره ليا انا
ندي :اهدي اهدي احنا في الشارع الناس هتقول بيتحرش بيا سبني
عاصي بضحك :هتموتيني ناقص عمر انا اصرف علي وحده ولا اعرفها ولا تقرب ليا حاجه 1000 ونص النهارده
ندي :ما هي الوحده دي مراااتك مش شاقطها والله بتنام جنبها كل يوم وبتغسل وتطبخ وتنضيف ليك
عاصي :و ب أي يما بتطبخ ياااااه علي السعاده اللي انا فيها دي انا من يوم ما اتجوزت بااكل اندومي فراخ اندمي لحمه انا بااااكل اطعمه بس لكن اللحم مفيش
ندي :وااااطي وناكر الجميل فاكر لما كنت تعبان مش طبخت ليك فراخ وامبارح مش لسه عمله ليك مكرونه بالفراخ عرفت بقي انكم صنف واااطي
عاصي بغيظ :انا حتة بت في تانيه ثانوي لسه تقولي واااطي اناااا حتة بت في تانيه ثانوي اضرب في راسي واحبها
ندي :ما انا كمان بحبك والله بس انت مبهدلني شوف ماسكني ازاي كأنك ماسك فار وخايف يعضك يعني انت ترضي ليا كدا يا قاااااسي
عاصي سابها وفتح باب العربيه :اركبي لينا بيت نتحاسب فيه
ندي ركبت براحه :الحمدالله الحساب هيكون محترم
عاصي :وانتي ايه اللي مأكد ليكي كدا يا جميل
ندي بغرور :الدكتوره
عاصي :ما انا مراتي قالت تقول اللي تقوله ونعمل اللي عيزينه
ندي بضحك :دي مراتك بقا
………………………
في بيت نورهان
نورهان جابت الكوسه تحشيها في الصاله قدام المسلسل طلعت فرحه من قوضتها وقعدت جنبها
فرحه :صباح الخير يا ماما
نورهان :صباح النور يا قلبي ايه النوم دا كله كنتي سهرانه ولا ايه
فرحه بكدب :ايوا كنت بذاكر
نورهان :ربنا معاكي وينجحك يارب يا فرحه يابنتي
فرحه :يارب احم كنت عوزه اتكلم معاكي في موضوع كدا
نورهان بصت ليها :اتكلمي يا حبيبتي سمعاكي
فرحه بخجل :انا موافقه اتجوز مصطفي يا ماما
عمر دخل من باب الشقه :بس انا رافض الجوازه والنسب دا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حين تقع في الحب)
