رواية حين تقع في الحب الجزء الرابع الفصل الثاني والثلاثون 32 بقلم ندى علي
رواية حين تقع في الحب الجزء الرابع الجزء الثاني والثلاثون
رواية حين تقع في الحب الجزء الرابع البارت الثاني والثلاثون
رواية حين تقع في الحب الجزء الرابع الحلقة الثانية والثلاثون
صباح يوم جديد في محافظة الدقهليه ب قارية ميت طريف في بيت عائلة ندي دقت الساعه 7 صباحا
صحي الجد علي المنبه اتعدل علي السرير وقام غسل وشه واتوضي لصلاة الصبح وطلع من اوضته علي الصالة ملقاش حد صحي في البيت
الجد بصرامه :اللهم ما صلي علي النبي كله نايم كأنهم مقتولين ومحدش بيهمه اي حاجه في الدنيا وبدء يزعق ويعلي صوته بحيث ان الكل يصحي
عزه بضيق وهي نايمه :يحرقك علي الصبح يا بعيد الناس بتقوم مبتقدرش تتكلم ودا قايم يزعق علي الصبح
الجد بزعيق :كل واحد مبهموش غير نفسه وحياته وبس……. الباقي يولع مفيش حد عامل حساب ان في ناس تعبانه وعندها علاج ولازم تقوم تطفح علي الصبح
ناديه قامت علي صوته : حسبي الله ونعم الوكيل علي الصبح الساااعه لسه 7 الصبح نايم الفجر وصاحي الوقتي خفاش يعالم
غسلت وشها ولبست عباية البيت وطرحتها ونزلت علي تحت
ناديه :صباح الخير يا حج
الجد بزعيق :خير ايه بقاااا هنفطر امتي وناخد علاجنا امتي يا ست ناديه
فريده مزلت ووقفت جنب ناديه وكريم نزل علي صوته والكل صحي
كريم :يا صباح النكد والعكننه
عزه بصت لاميره :ميرووو ازيك اومال فين العقربه نصك التاني
اميره بغضب :احترمي نفسك مفيش عقربه غيرك انتي واختك
عزه بكيد وهمس:غيري مننا وولعي يا دبه هتمووتي مش هعملك اللي في دماغك برضو يا صفره
كريم بص لعزه واميره بغضب :واي كمان قومو امسكو شعر بعض قطعوه يلااا
عزه راحت عند كريم بهمس :لو بقيت في صفها هتصل بخطيبتك اقولها اخليها تسود ايامك
كريم مسكها من قفاها :انتي يا بت مصدقنا خلصنا من لسان اختك طلعتي لياااا منين
الجد وهو قاعد علي الانتربه اللي في الصاله :كريم عوزين نكتب كتابك بقا علشان نشوف مصالحنا احنا اتفقنا نكتب الكتاب علطول ايه اللي مأخرك لحد دلوقتي
كريم قعد وناديه وفريده دخلو علي المطبخ يعملو الفطار
كريم :نيرا عندها امتحانات هتبدء من بكرا وهتخلص اخر الاسبوع هتخلص من هنا وهنتجوز من هنا انشالله
الجد :علي خير انشالله المهم عوزك تروح عند جدتك سعاده تزورها وتجيب منها ورق الارض وتيجي
كريم بعصبيه :مليش فيه خالتي سعاده انا مش رايح ليها خلي مصطفي يروح لكن انا مش رايح
الجد اتنهد :يا كريم مينفعش مصطفي يروح يابني الواد كان متجوز بنتها الله يرحمها ومصطفي لما بيروح بيفتكر المرحومه وبيجي تعبان حرام عليك روح انت
كريم : يا جدي افهم انا اروح عادي وكل حاجه لكن هي اصلا مش هتكون فكره ورق ارض دي فكراني بالعافيه
الجد :معلش كلمها براحه وهي هتفتكر وعلي صوته الفطااااار يا جمااااعه يلااا
عزه بتفكير :جدي انت يعني بصلاة علي النبي كدا كبير في السن الله يطول في عمرك سنه كمان بتاكل 4 بيضات ازاي يعني بتقدر تتنفس بعديها ازاي يعني انا باكل 2 والجيوب الانفيه بتكون مسدوده عندي وانت جبل الله اكبر
كريم علشان ينقذ عزه من كلام جده اخدها من ايدها شدها علي المطبخ :تعالي يا بطة اقولك حاجه مهمه وزقها علي المطبخ
الجد بحصره :حتي العيال مبقاش فيها بركة
اميره :ايوا والله يا جدي العيال ناقص تضربنا
الجد بص ليها :العيال اللي اقصدهم اللي هما انتو يا اميره ولا انتي عمله نفسك كبيره
اميره بحرج :مقصدش والله يا جدو انا بس بقول علشان طولة لسان عزه زيدة اليومين دول
الجد بتحذير:عزة تعبانه يا اميره تقول اللي تقوله وتعمل اللي تعمله محدش يتكلم معاها والكلام ليكي انتي واسماء اللي هي فين ؟
اميره بغيظ :اسماء نايمه لسه
الجد نزل راسه وطلع السبحه من جيبه وفضل يسبح
……………………….
في شقة عاصي
ندي كانت نايمه حست بوجع رهيب في بطنها قامت قعدت علي السرير عرفت ان التعب اللي كان بيجي ليها بدء يرجع تاني خافت اووي وقامت دخلت الحمام براحه ونفس اللي اتوقعته نزيف رهيب
ندي بخوف :انا مصدقت وقف فتره وفكرت ان العلاج عمل مفعول رجع تاني ليه انا لازم اروح لدركتوره تاني بس من غير ما اقول لعاصي
بعد شويه طلعت من الحمام والوجع بتتحمله بالعافيه راحت فتحت شنطتها ملقتش فيها اي فلوس خالص
ندي بتعب :طيب والحل هجيب فلوس منين ومش عوزه اعرف عاصي ان انا راحه عند الدكتور وفجأة المنبه بتاع عاصي رن
عاصي بدء يتحرك في السرير فاق شويه ملقاش ندي قام بص لقاها وقفه قدام الدولاب بتاعه
عاصي ببتسامه :المزه بتاعتي بتعمل ايه في دولابي علي الصبح كدا
ندي بصت ليه بتمثيل الابتسامه بس التعب باين عليها :بجهز هدوم ليك علشان الشغل
عاصي قام ومسك ايدها لقاها متلجه :مالك يا ندي ايدك متلجة كدا ليه تعبانه ولا في ايه ؟
ندي بصت لعاصي بخوف :عندي نزيف !
عاصي بخضة :نزيف … نزيف اييه ؟ وعرفتي ازاي مش يمكن يكون عندك ظروف ؟
ندي دموعها بدأت تنزل :لاء دا نزيف قبل ما اتجوز كان بيجي علطول والدكتوره قالت فتره وهيروح مع العلاج لان هي ذات نفسها مش عرفه النزيف دا سببه ايه قولت ليها ان وقعت وانا صغيره بس الاشاعه مش مبينه اي حاجه وكان بيجي بس بسيط لكن دلوقتي جي بوجع وزياده اوووي وانا حاليا مش قادره اتحرك
عاصي مصدم ومش قادر يتكلم سندها وبص ليها :بصي اهدي ومتقلقيش مفيش حاجه وكل حاجه هتبقي تمام هنروح نعمل اشاعه وكل حاجه هتبقي زي الفل
مدي بعياط :يا عاصي ما انا عملت ومبنش حاجه وانا خايفه اووي
عاصي حضنها :لاء يا روحي متخفيش قومي دلوقتي البسي علشان نروح المستشفي يلا
ندي بصت ليها برجاء :مش هتسبني صح؟
عاصي مسك ايدها :محدش بيسيب قلبه يا ندوشتي يلا قومي
ندي قامت بمساعدة عاصي ودخلت لبست دريس ازرق علي كوتش ابيض وسرحت شعرها وعملته ديل حصان وميكب بسيط وطلعت كان عاصي لبس بنطلون جينز وتيشيرت ابيض وكوتش ابيض وجاكت جيلد
ندي قعدت علي السرير :عاصي خلص يلا انت بتتأخر في البس كدا ليه ؟ الا صحيح يا عاصي انا كنت بشوف في المسلسلات ان البطله لما تلبس قميص البطل بيكون معدي ركبها الا انا لما لبست قميصك كان مظبوط كأنه بتاعي ليه ؟
عاصي بص ليها في المرايه :وانتي لبستي قميصي فين ؟
ندي برفع حاجب :جري اييه يا عم عاصي البيت دا بيتنا والنون بتعيد عليك وعليا يعني الهدوم وكل حاجه ليا وليك البس برحتي بقا ليك شوق في حاجه ياااض ؟
عاصي بص ليها وفي ايده الحزام :ياااااض ؟
ندي بخوف :بهزر والله بهزر دا وعارف انا تعبانه وكملت بتمثيل العياط يعني هتضربني وانا تعبانه كمان موتني وخلاص بقا يا قاسي يا مفتري يا نسوانجي ؟ وبرقت عينها بصدمه عااااصي انت نسوانجي يا خاااين ؟ اعترف الانكار مش هيفيدك؟
عاصي بص ليها بصدمه واتفتح في الضحك :ندي بالله عليكي يلا نمشي علشان مش ضامن لو قعدت ربع ساعه معاكي كمان هنوصل لفين يعني 5 دقايق قعدتيهم معايا طلعت خاين ونسوانجي وبضربك شويه وهكون مخلف في السر يلا وشد ايده
ندي بصت ليه :انت مخلف في السر بجد اصل انت مش هتقول كدا من نفسك فاهم صح ؟
عاصي :اوماااال دا انا فاهم ونص كمان بس يلااا وطلعو من الشقه وقفل الباب ونزل علي تحت
ندي :عارف كان نفسي تمون حماتي حربايه اووي ؟
عاصي بضحك :اشمعنا ؟
ندي بغرور :علشان اقويك عليها وكدا ؟
عاصي دخل علي شقة نڤين :نيڤو يا امااااا
نڤين طلعت من اوضتها :تعالي يا حبيبي ادخلي با ندي تعالي لبسين كدا وريحين فين
عاصي :هتخد ندي كدا معايا مشوار ورجعين محدش نزل ولا ايه
نڤين :لاء قاسم نزل وراح الشغل هو ومحمد وباين ابوك السهره كانت صباحي مرحش الشغل وضحكت
عاصي بضحك :نمس وديني نمس المهم لما ينزلو دا ان نزلو يعني عرفيهم ان انا مش موجود عوزه حاجه اجيبهالك وانا راجع
نڤين :لاء يا حبيبي ترجعو بسلامه
ندي :ماما نڤين انا عوزه من الكرمله اللي ادتيني منها امبارح لسه عندك
نڤين :عندي يا قلبي استني اجيبلك ودخلت الاوضه جابت ليها نوع كرمله بالبندق والكافيه خدي
ندي باستها ببتسامه :احبك احبك واخدتهن ونزلت مع عاصي
عاصي :هاتي وحده
ندي بصت ليه :لاء اطلع هات ليك لكن انا مش هديك من بتوعي اقولك استني اطلع اجيبلك وحده
عاصي مسكها بضحك :مش عااااااايز اركبي اركبي دا انا لو واخد بنت اختي مش هتعمل فيا كدا وركبت جنبه وهو ركب مكانه
ندي بصت عليه وفي بوقها الكرمله:شغل اغاني بقا
عاصي وهو بيسوق :اشغلك ايه يا قلبي ؟
ندي :شغل اغنية واتنسيت واخدت فونه وشغلتها ورجعت الكرسي بتاعها ورا ونامت كل شيئ الا الفراااق ف متسبنيش وانا مشتاااااق دا ووو
عاصي قفل التسجيل بإنزعاج :بس اسكتي هنسمع الاغنيه ولا صوتك حددي
ندي بشراسه قامت مسكت لياقة الجاكت :انت بتقفل الاغنيه وانا خلاص كنت اندمجت فيها عليا الطلاق اشرحك فيها يا عاصي شغل الاغنيه
عاصي مسك ايدها :ايدك يمااا الجاكت هيتكسر ادهي اهددددي انا بدأت اخاااااف انا متجوز بلطجي يخربيتك هنموووت
ندي : انت كدا كدا هتموت يا عاصي لو مشغلتش الاغنية شغل بحترامك بقا
عاصي شغل الاغنيه تاني :صوتك لو علي هزعلك
ندي :طيب هوطي صوتي بس انت هتخرجني بعد ما نطلع من المستشفي
عاصي :وبنسبه لشغل مش هروح ؟
ندي برجاء :يا عاصي انا مروحتش شهر عسل في المالديف زي الروايات انا قضيت شهر العسل بتاعي في البلكونه ونشير الهدوم
عاصي بصلها :الدمعه هتفر من عيني علي المعامله الزفت اللي انا بعملك بيها يابنتي
ندي نامت مكانها وفي بوقهاا الكرمله ومنظر شفايفها مثير :ربنا يعوض عليا بقا
عاصي بصلها :بقولك ايه هاتي بوسه علي السريع كدا
ندي بخجل :يخربيتك انت جايب السفاله دي منين يا واد يا عاصي دا انا وابوك محترمنين
عاصي :هاخد البوسه يعني هاخدها متلفيش ودوري احسن اذود علي البوسه كام حركة سفله كدا
ندي بغضب وخجل بصت ليه :انت ناسي اني تعبانه ولا ايه يا عاصي ؟
عاصي بغمزه :دي ملهاش دعوه بتعب دي بوسه بريئه
ندي راحت مدت خدها ليه :بوس يلا اللهي تتمسك بوضع مخل في الطريق
عاصي بغمزه :لاء يما انا مش عاوز من دي انا عاوز من التانيه السفله دي
ندي بخجل :طب انا كان ايه اللي مخليني اتجوز دلوقتي لواحد كل شويه يبوس فيا طب دا كلام يولاد
عاصي بضحك وهو بيقرصها من جنبها :اصل انا لو مأخدتش البوسه هركن ناخد راحتنا وراح عندها باسها بوسه عنيفه وبعد
ندي بغضب :يا خسارة تربيتي فيك يا عاصي سافل وقليل الادب
عاصي بتحذير :لو سمعت صوتك من هنا لحد ما نوصل مش هبوس بس هقف علي جنب وهقل ادبي للأخر انا قولتلك اهو
ندي برقت وحركت شفايفها انها عوزه الفون
عاصي :امسكي لما نشوف اخرتها
ندي اخدت الفون وشغلت اغنيه سمكه علي بلطيه وفضلت ترقص بإيدها وعاصي مبتسم عليها وعلي جنانها
عاصي بص قدامه لطريق :هبله اقسم بالله
………………………
في شقة نور
غسان قام بص علي نور المستغرقه في النوم في حضنه ورجع بص لساعه :نور حبيبي قومي
نور بكسل :اممم في ايه عوزه انام
غسان :احنا اتاخرنا في النوم اووي قومي والشغل راح عليا النهارده
نور ببتسامه وهي بتحضنه اووي :احسن حاجه انه راح خليك معايا النهارده بقا ليا وبس
غسان باس دماغها :ما انا ليكي علطول بس في شوية حجات لازم اعملها النهارده ولازم انزل
نور بزعل :يعني هتنزل هتنزل مفيش مفر مع ان نفسي تكوني معايا النهارده
غسان :هخرجك بليل قومي بقا
نور بصت ليه: بتضحك عليا علشان اسيبك تقوم صح
غسان شالها من علي صدره وبقت هي تحته :مش محتاج اكدب علشان اقوم يا قلبي هخرجك بجد قومي يلا غسلي وشك علشان نروح نفطر في اي مطعم
نور قربت من خده وباسته بفرحه :انا اخاف اتعود علي الدلع دا بقا
غسان :اهو انتي اللي بضيعي الوقت انا عاوز اخرجك وانتي نايمه ومش راضيه تقومي اغير رأيي بقا
نور :ثواني واكون جاهزه وقامت تجهز نفسها وغسان مسك الفون وفضل يشوف الرسايل اللي بتجيله
نور للست بنطلون وفوقيه جاكت طويل لبعد الركبه وجابت الطرحه علي رقابتها تلبسها قدام المرايه
غسان بص ليها ورجع بص للفون : روحي البسي دريس او حاجه طويله يا نور
نور بصت ليه :طيب ما الجاكت طويل اهو يا غسان
غسان وهو باصص للفون :بصي انا مبحبش الخروج معاكي بسبب كدا انتي لو اتنططي ليا علشان تلبسي بنطالون انا مش هرضي وانتي عرفه ان مفيش نقاش في الحوار دا يبقي غاويه نكد ليه
نور بصت علي شكلها في المرايه :ما هو كل الدريسات اللي عندي بطني باينه فيهم دا الوحيد اللي مخليني حلوه
غسان :مفيش حاجه اسمها مخليني حلوه ومخليني وحشه الهدوم احنا اللي بنحليها روحي البسي دريس ومش مشكله بطنك تبان يا اما تقلعي خالص وتيجي نعد وانتهي الحوار
نور بغضب :كل دا علشان مش عاوز تخرج معايا بتدور علي اي حاجه تبوظ الخروجه بيها
غسان بص ليها نظره خلت نور راحت طلعت دريس من الدولاب ولبسته وكملت لبسها في صمت
غسان دخل الحنام غسل وشة وراح علي الدولاب وجاب هدوم ولبسها وقف ورا نور قدام المرايه سرحت شعره ورش برفان خلي نور اول ما شميته غمضت عنيها
غسان قرب من ودنها بهمس :مغمضة ليه
نور وهي علي وضعها :رحتك ادمان
غسان ضحك عليها وباس خدها :طيب يلا خلصي يا قلبي ومش عاوز شكل عروسة المولد في وشك
نور بصت ليه بغيظ وهو طالع من الاوضة :هيخليني اولد في الخامس من بروده وكملت لبس واخدت شنطتها وفونها الجديد وطلعت علي برا
غسان كان بيشرب اول ما شافها ابتسم :شوفي الرقة والاحترام حلو ازاي لكن تمشي اخضر في ازرق تبقي شبة اشارة المرور زفت بصراحه ومسك ايدها ونزلو علي تحت
نڤين كانت في الصاله بتقطع السلطه :الاه ريحين فين انتو كمان
غسان باس دماغها وهكذا نور :احنا كمان ليه هو مين اللي خرج
نڤين :عاصي اخد ندي وخرجو من الصبح مش عرفه مشوار ايه اللي راحوه
غسان بص لنور ببتسامه :انا و نور هنفطر برا النهارده كدا مش هنتأخر
نڤين ببتسامه :يعيني علي الرومانسيه يعيني
نور بضحك :بقوله اخاف انا اتعود علي الدلع دا اوي
نڤين بحب :ربنا يسعد ايامكم كلكم يا قادر يا كريم
غسان :اللهم ما امين يارب ومسك ايد نور ونزل علي تحت راح العربية بتاعته ومشي
نور :غسان فكرني واحنا رجعين نجيب لبن من السربر ماركت
غسان :حاضر انتي بقا عوزه تروحي فين
نور ببتسامه :عوزه اروح الرحاب في السوق الشرقي القعدة هناك وحشتني اووي
غسان بص ليها ومسك ايدها ببتسامه :هوديكي وناكل هناك سندوتشات فول وطعميه
نور ببتسامه :ونختم بشاي من الخشبه بس كدا
غسان مشي علي طريقه لرحاب ونور فضلت طول الطريق تبص ليه
……………………
اسر طلع من اوضته والفوطه علي رقابته وبيتاوب :نڤين المايه قطعه عند الكل ولا اوضتي بس اللي عليها الحظر
نڤين بضحك :لاء المايه قطعه في البيت كله
اسر بصدمه :يعني مش هستحمي النهارده ولا ايه ؟
حبيبة طلعت وراحه علي الحمام بنوم
اسر شدها بضحك :تعالي يا غاليه مفيش مايه في البيت كله راحه فين
حبيبه بنوم وعدم فهم :انا مالي بالميه انا هغسل وشي بس
اسر بضحك :ابهرتيني بردك بصراحه ما هو غسيل الوش دا محتاج مايه مش جاز يا بيبو
حبيبه بستوعاب وهي بتهرش في راسها :ايوا صحيح اومال انا هغسل فين بقا
اسر بضحك :ودا اللي انا بقول ان احنا هنغسل فين
نڤين :وامك وابوكي وعاصي وندي خرجو يفطرو برا
اسر باس دماغ نڤين :الغاليه اللي ليا في البيت دا هتسيب البت حبيبه نخرج نفطر برا مش هتيجي عليا يعني
حبيبه بصت ليه ببتسامه :طيب والشغل بتاعك
اسر ضغط علي ايدها علي اساس تسكت
نڤين :روحي بس يا اسر مش هوصيك متتأخروش
اسر : انا كدا كدا كنت رايح عند بتاع الموبليا علشان اجيب باقي الفرش هاخدها معايا
نڤين ببتسامه :عقبال ما اشوفكم احلي واجمل عروسين يا اسر يابن قلبي
اسر بص لحبيبه بضحك :علي ما اجي اتجوز هكون خلاص مبقاش فيا حيل اشيل طاسه من مكانها
حبيبه :اطلع البس بقا
اسر :اطلعي بس لبس كويس ومحتشم ودخل هو كمان يلبس وحبيبه طلعت بيتهم ودخلت علي اوضتها تلبس بس لفت انتباها كرتونة الفون بتاع نور طلعت ليها تاني بصدمه ومسكتها
حبيبه :ايفون 14 في بيتنا ومش معااايا دا انتو يومكم اسود النهارده بس اكل كدا مع الواد حبيبي واجيلكم بقا ودخلت لبست ونزلت علي تحت
اسر كان قاعد علي الكنبه اللي في الصاله وماسك الفون سمعها وهي نزله بصلها :ها خلصتي نمشي
حبيبه :يلا تعالي علشان جعانه اووي اسر قام واخد المحفظة بتاعته والفون ومزل جنبها حبيبه حطت ايدها علي كتفه
حبيبه :البيت بتاعنا فيه تلفون جديد بس القهر ان الفون مش ليا يعني ممكن يكون لأمي او ابويا
اسر بص ليها :بعيد عن المسكة وبعيد عن ابوكي وامي مش بابا وماما فون ايه وفون مين وفهميني براحه
حبيبه : يا اسر انت سبت الموضوع الاساسي ومسكت في الكلام ياض بقولك ايفون 14 في بيتنا وجديد
اسر فتح ليها الباب :اركبي وقفل الباب منك لله يا عاصي انت ومراتك بوظت ليا حتة البت وراح ركب جنبها
حبيبه :احنا هنروح فين بقا يا ابو الصحاب
اسر بصلها :هنروح اي مكان نطفح فيه يا زعلمة وبعدين نروح نشوف اللي ناقص في البيت نجيبه
حبيبه :اممم يوم فرهدة يعني طيب ايدك بقا وروح عند ضاحي كابر
اسر :ضحي كابر ايه يا حبيبه احنا هنفطر فطار بسيط مش لحوم وسمين
حبيبه :خلاص وديني مكان علي ذوقك
اسر :هنروح كيرو فيستيفال جناح الاكل نجيب وجبتين ناكل ونشرب بيبسي ونروح نشوف شغلنا ولما نتغدي هوديكي ضاحي كابر
حبيبه :ايوا علشان هموووت واكل ملوخيه من هناك
……………………
عند نيرا
نيرا :يا ماما لازم اشوف الشقه الاول علشان اشوف اللي ناقص فيها اي واجيبه لو سمحتي خليني اروح مع كريم انا قولت ليه تمام هاجي يبقي بلاش تصغري كلمتي قدامه
جيهان :غلطتك انك مقولتيش ليا انك هتروحي معاه بيتهم والله اعلم هتيجي امتي معرفش اسيلك تروحي لوحدك ومعرفش اكون معاكي
نيرا :انا مش صغيره يا ماما والفتره اللي شوفت كريم فيها عرفت ان يقدر يحميني من نفسه ف لو سمحتي وبعد اذنك انا هروح والجرس رن وكان كريم
نيرا راحت فتحت وكانت لبسه وجاهزه :تعالي اتفضل
كريم ببتسامه :لاء متأخرين ف اتفضلي انتي معايا
جيهان طلعت لكريم :كريم نيرا امانه معاك خلي بالك منها وبلاش تتأخرو
كريم ببتسامه :كل مره هقولك في عنيا ونتقلقيش عليها واخد نيرا ونزل ركب العربيه بتاعته ومشي
كريم بص عليها :نيرا هي ولدتك خايفه عليكي مني ؟
نيرا :اي ام بتخاف علي بنتها من الهوي يا كريم مش منك بذات
كريم :بس علي ما اظن كلها اسبوع وهكاب كتابي عليكي يبقي ايه لازم الحصار دا
نيرا :لما يبقي الاسبوع يجي ونكتب الكتاب لو حد ادخل فيا اتكلم
كريم :طيب فطرتي ولا ننزل نفطر ؟
نيرا :لاء فطرت الحمدالله والامتحانات هتبدء من بكرا وجوايا مرعوووب
كريم بضحك :انا جايبك النهارده مخصوص علشان مروحش عن خالتي سعاده
نيرا :مين خالتك سعاده دي ومش عاوز تروح ليه
كريم بضحك :خالتي سعاده دي تبقي حمات مصطفي ومن يوم ما بنتها ماتت اللي هي مرات مصطفي وهي فقدت جزء كبير من الذاكره وبتنسي في لحظه وجدي كان عاوزني اروح اجيب منها شويه اوراق وانا متأكد ان لما اروح مش هخاد منها اي ايجابه قولت انك تيجي بقا تشوفي الشقه والناقص علشان يجي وفرصه اخلص من المشوار
نيرا بضحك : يعني انت جايبني فرصه بالله لفضحك لما نروح هناك يا كريم
كريم بص ليها برفع حاجب :تعرفي ان انا مستغرب نفسي اووي
نيرا :ازاي ؟
كريم :قبل ما اخطبك بشهر كانو عوزين يخطبو اميره بنت عمي ليا وانا كنت موافق وقولت اهي جوازه الغريب بقا ان جدي قالي كريم يتجوز من عيلة الالفي انتي فهمه متلخبط من يومها
نيرا بصت قدامها وسكتت بس جواها حاجه بتوجعها ومضيقاها غيره ؟ معقول بقيت بغير ؟ بس انا جوايا مرتاح لكريم لكن مش بحبه : لدرجة دي الحوار في بالك وعاوز تخطب اميره ؟
كريم بصلها بصدمه وضحك :دي غيره ولا كرامه ؟
نيرا بلخبطه :غيره … اقصد كرامه اكيد انك لما تقولي كدا افهم ايه انا
كريم ببتسامه :انا قولت كدا علشان افهم انك بتغيري ولا انا لزمتي ايه في حياتك علشان مش عاوز احس ان في علاقتنا فتور يا نيرو
نيرا بصت ليه :انا برتاح وانت معايا ومش بشيل هم بحب اتكلم معاد اتعودت علي وجودك في حياتي ويومي انت مليت فراغ جوايا مش عرفه دا ايه بس اكيد هنعرف مع الوقت
كريم ببتسامه :وانا مش مستعجل انا عوزك تتقبليني في حياتك علشان فكرة انك مش مرتاحه في فترة الخطوبه يبقي مفيش حاجه ليها لازمة بنعملها وبنجهزها للفرح ولا ايه ؟
نيرا :دا اكيد والنهارده هحاول اتعرف علي العيله كلها علشان اكون دخله العيله وانا عرفها مش احس ان غريبه فيها
كريم بصلها :بإذن الله تنوري حياتي وكمل طريقه للبلد
………………………….
في الكليه بتاعت فرحه
فرحه دخلت المدرج بتاعها علي امل انها تلاقي مصطفي وتتكلم معاه بس فقدت الامل لما لقت اللي الموجود دكتور غير مصطفي ودخلت قعدت مكانها وبدأت تتابع الدكتور بحزن
بعد فتره
الدكتور :ولحد هنا اكون خلصت جزء من الماده هنكمل المره الجايه وحاليا معاكو دكتور مصطفي علشان مش عوزين ناخد من وقته اكتر من كدا ولم حجاته وطلع ودخل مصطفي ولكن مبصش لاي حد من الموجودين
فرحه من السعاده اللي جواها ان الدكتور كان احتياطي نفسها تصوت قعدت وعدلت نفسها وبدأت تركز مع مصطفي بس لقت في ايده دبله
فرحه بصدمه في نفسها :معقول خطب ؟ مصدقش بس في دبله في ايده معني كدا انه خطب ؟
مصطفي بصرامه :اللي مش مركز في المحاضره ومش عاوز يحضر يتفضل يطلع برا احنا مش كل واحد جي من محافظة شكل علشان نسرح في المحاضره يا دكاتره
فرحه عرفت ان الكلام ليه وركزت في المحاضره معاه وهو بدء يشرح بتركيز
بعد وقت كبير اووي
مصطفي :وكدا يبقي الماده بتاعتي خلصت وباقي علي امتحانات الفينل اسبوع اتمني ليكم التوفيق في الترم دا ولم حجاته وطلع
فرحه اخدت شنطتها وحجاتها وطلعت وراه جري عرفت انه راح علي مكتبه راحت وراه وخبطت ودخلت
مصطفي من غير ما يبص ليها :مين ؟
فرحه :انا يا مصطفي
مصطفي رزع المكتب بنرفزه وقال بغضب :اسمي دكتور مصطفي وانتي طالبه عندي وكل اللي حصل انا نهيته وخلاص فكري في مستقبلك وحقك عليا ان دخلت حياتك في وقت غلط
فرحه بدموع :انت خطبت ؟
مصطفي بص علي الدبله :مخطبتش بس لبست دبلت مراتي الله يرحمها الظاهر مفيش في امل ان اي ست تدخل حياتي يبقي ملهاش لازمه المظاهر الكدابه انتي انسه حقك يكون اول راجل في حياتك انتي اول ست في حياته ووو
فرحه بمقاطعه ودموع :والله العظيم ما كنت اعرف انك متقدم ليا محدش قالي اسمك حتي والله كل اللي قالوه ليا شخص محترم وكويس وانا علشان رفضه قولت لاء مش عوزاه ولا سألت علي اسمه ولا حاجه عنه مكنتش اعرف انك انت والله وحياة ربنا مكنت اعرف
مصطفي بص ليها :واشمعنا موافقه بعد ما عرفتي انه انا يا فرحه ؟
فرحه بصت ليه بصدق :علشان انا معجبه بيك اووي يا دكتور مصطفي وبصت للأرض
مصطفي :دكتور ومعجبه في جمله وحده تيجي ازاي دي ؟
فرحه بصت ليه :انا بررت موقفي قدامك وقولت ان مكنتش اعرف ان انت اللي متقدم ليا وقولت ليك ان معجبه بيك وانت كل كلام شوف عامل ازاي ؟
مصطفي بضحك :يعني اتقدم الصبح اترفض بليل من اكتر بنت شغلت بالي وتفكيري مش سهله عليا ولا ايه يا فرحتي ؟
فرحه بصت ليه ببتسامه وهمس : صح يا صاصتي
مصطفي بضحك :صاصتك ايه بقا دا انا مكنتش طايقك في المحاضره ودلوقتي صاصتك اضعف انا كدا
فرحه بكسوف :مش عرفه طلعت مني ازاي بصراحه
مصطفي :عرفي ابوكي انك موافقه علشان عاوز اتجوز بقا وادخل دنيا وغمز
فرحه بصت ليه بخجل :انت قليل الادب
مصطفي برفع حاجب بصدمه :انا قليل الادب يابت دا انا اخلفك وتقوليلي انا قليل الادب
فرحه :تخلفني ليه انت عندك كام سنه بقا
مصطفي :اممممم عندي 34 سنه
فرحه بصدمه :تصدق اههه
مصطفي بص ليها وقرب من ايدها ومسكها :عارف ان كبير في السن عنك بس فكك من الكلام دا انا مش هحرمك من حاجه وكل حاجه عوزاها هتكون عندك هديكي حب واهتمام وكل حاجه لو موافقه بيا هشيلك في قلبي وعيوني مش موافقه هحترم رغبتك
فرحه بكسوف :ميفرقش معايا سن انا موافقه علي الجواز منك
مصطفي ابتسم :لولا الحرمانيه كنت اخدتك بالحضن
فرحه بضحك وخجل :هتروحني ولا اخدها جري
مصطفي :هروحك يا باشا وطلع وهي وراه اخدها من ايدها ومشي بيها في وسط الجامعه كلها
…………………
في المستشفي
ندي طلعت من الاشاعه وعاصي كان قاعد برا مستنيها اول ما طلعت قام وقف وراح ليها
عاصي بقلق :اتأخرتي كدا ليه في الاشاعه يا ندي هموت من القلق ايه عملتي ايه ؟
ندي حسه بتعب بس بتتحمل علشان عاصي ميقلقش فقالت بتمثيل :اسندني اسندني حاسه ان هقع من طولي
عاصي :مش وقت هزار بجد قوليلي ايه اللي حصل علشان قلقان
ندي بصت ليه بغيظ :يا عاصي انا لو اعرف والله هقولك بص هما عملو الاشاعه والدكتوره قالت خلاص كدا اتفضلي علي مكتبي وانا جيالك فضلت ادور علي مكتبها معرفش هو فين قولت لما اطلع لزوجي بقا
الممرضه طلعت ببتسامه :تعالو اتفضلو علي المكتب بتاع الدكتوره مستنياكم اخر الطرقه هناك
ندي بهمس لعاصي :الدكتوره تحسها طلعه من فيلم رعب بتتكلم عادي بس تحسها بتشتمك كدا
عاصي بضحك :هتفضحينا يا غاليه اسكتي ودخلو عند الدكتوره
عاصي :السلام عليكم ازيك حضرتك يا دكتوره بصي انا قلقان جدا ف لو سمحتي طمنيني
الدكتوره بتنهيده :بإذن الله مفيش اي قلق
ندي :ايوا الحمدالله ان مفيش قلق عندي ايه بقا
عاصي خبطها في رجلها من تحت الكرسي انها تسكت وهي بصت ليه بغيظ
الدكتوره :……….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حين تقع في الحب)
