رواية حين تقع في الحب الجزء الرابع الفصل التاسع والعشرون 29 بقلم ندى علي
رواية حين تقع في الحب الجزء الرابع الجزء التاسع والعشرون
رواية حين تقع في الحب الجزء الرابع البارت التاسع والعشرون
رواية حين تقع في الحب الجزء الرابع الحلقة التاسعة والعشرون
ندي وفرحه وحبيبه ونيرا وقفين في اوضت نيرا
ندي مقعده نيرا قدام المرايه ومسكة قلم وبترسم ليها ايلاينر بدقه :بترمشي ليه يا زفته مترمشيش الله يخربيتك
نيرا بتذمر :انا مش عوزه ميكب تقيل يا ندي علشان ميقولوش عليا حاجه وحشه
فرحه اللي بتشغل اغاني :حاجه وحشة ايه انتي مش شايفه العقارب بتحط ميكب قد ايه دي الدبه ناقص تشيل عينها وتحط مكانها عدسه يخربيتها وسمعو صوت عربيات
حبيبه من البلكونه :وصلووووو يا بنااااات
ندي شغلت اغنية احساسك ايه النهارده وغنت لنيرا وهي بتغمز ليها :احساسك ايه النهارده وانا جيلك في بيتك جي اقول لأهلك قد ايه انا حبيتك
نيرا وهي بتهز كتفها :الحق يتقال مفيش اي احساس خالص انا مش عرفه بقيت راجل كدا ليه انا كنت رقيقه والله
ندي بضحك :ازمة امتحانات بقا
حبيبه بغيظ من نيرا :شوفو جبل الجليد اللي واقف قدامي
ندي وهي بتظبط الروج :يلا تعالو نطلع ليهم برا
فرحه اخدت السماعه اللي هيشغلو عليها اغاني وشغلت اغنيه مسلم (جوب ) وطلعو
فرحه وهي بترقص علي الاغنيه :من غيري الدنيا دواره من غيري تحس بخساره احساس بإن حاجه نقصة وتتخيلها
ندي وهي عملة حركة السجاره قدام شفايفها ببلطجه :في سجااااره
اسر لعاصي بصدمه :مراتك مدربه مدربه يعني بوظت حبيبه ليا منك الله انت وهي يابعيد
عاصي بصدمه : انا عارف شويه وهتقولي عوزه احشش يا عاصي
كريم حضنه :عامل ايه يا ابو نسب
عاصي :حبيبي يا عريس بخير
كريم بغمزه :بنت العم مزعلاك ولا حاجه قولي بس ؟
عاصي ببتسامه :خير التربيه والله يا كريم وبعدين اقولك ايه يلا دي مراتي اللي يزعلها احرقه
كريم بضحك : انا كدا اطمنت انك مبسوط
الجد حضن عاصي :عريسنا اخباره ايه هو والعروسه ؟
عاصي باس ايده :الحمدالله بخير والله
الجد بتأكيد :ديما يارب كويسين يعني ؟
عاصي ببتسامه :الحمدالله ياجد اطمن كل حاجه تمام
الجد هز واسه :اخبارك يا حج منير
منير وهو قاعد :الحمدالله يا حج منورنا والله العظيم وقعدو كلهم
كان موجود ناديه والجد وكريم وفريده والعقارب طبعا بس نورا مجتش معاهم وغسان وقاسم وعمر ومحمد ومنير وولدت نيرا
ندي وهي في ايدها الصينيه :امسكي يابت اخلصي الصنيه
نيرا بتوتر :يا ندي ايدي بترعش دخليها انتي
فرحه :هو مين العروسه هي ولا انتي ادخلي اخلصي
نيرا مسكت الصينيه ودخلت الصالون
( في الصالون )
نيرا دخلت بالبيبسي ووزعت علي الكل وراحت عند كريم واديته
كريم بهمس :مزتي عمله ايه ؟
نيرا ابتسمت بخجل :بخير الحمدالله وراحت باست ايد الجد
الجد :ربنا يبارك فيكي يا بنتي ونيرا طلعت جري علي برا
الجد ساب البيبسي :نتكلم بقااا بسم الله اسمع يا حج منير احنا ابننا شاف بنتكم وعجبته اخلاقها وتربيتها وحاب يناسبكم واحنا تحت امركم في اي حاجه
منير بحكمه :شوف يا حج الامر لله وحده واحنا بنشتري راجل ميهمناش حاجه غير ان يصون بنتنا ويحترمها ويعملها بما يرضي الله ولا ايه يا غسان
غسان بحترام :كريم ابن ناس ومحترم وحياته تمام التمام وميترفضش ولكن الاختيار والقرار الاخير يجي لنيرا ومدام جيهان
جيهان بأدب :انا نيرا بنتي الوحيده ونور عيني اللي بشوف بيها ونيرا موافقه علي ابنكم وفرحانه وفرحتها تكون عندي بدنيا
الجد :يبقي خير البر عاجله احنا جهزين وعوزين كتب كتاب علطول ايه رايكم ؟
منير :استهدي بالله يا حج ونشوف رد ام نيرا
جيهان :انا بنتي صغيره يا حج ومعترضش علي جوازها ابدا بس نيرا تكمل تعليم دا شرطي الوحيد
كريم :علي عيني وراسي يا غاليه هتكمل تعليم واحسن الجامعات هتاخدها بس انا عاوزها تكون في بيتي ملهاش لازمة فترة خطوبة كبيره
قاسم :انت جاهز يا كريم ؟
كريم :ايوا شقتي جاهزه وعلي المفتاح وكل حاجه تمام
محمد :يبقي خير البر عاجله ونحدد معاد كتب الكتاب
الجد :لو يكون كمان اسبوعين يبقي تمام اووي
منير :يبقي الف مليون مبروك وقامو حضنو بعض وكريم باس ايد منير وجده وايد جيهان وجيهان زغرطت
ندي من برا :نرقص بقا احناااا فرحه شغلي بقاااا
فرحه كملت الاغنيه :عطلان علي سريرك ميت
حبيبه :موتور ومحتاج يتزيت
نيرا :دفع الرباعي مش موجود
ندي وهي بتشاور عليهم :انا اللي كسرت ليك هبتك
وقالو سوا بصوت عالي :انا اللي كسرت ليك هبتك
ناديه :ايه الاغنيه الزفت دي غيروها يا بنات
اميره :اكيد طنط ناديه عوزه فاطمه عيد
ندي ببرائه:بنات في اغنيه بتقول غيري مني ولعي صعب جدا تلمعي تعالو نشغلها ونرقص عليها
فرحه بتمثيل :لاء ندي مفيش رقص صعب ممكن تكوني حامل يا قلبي
اسماء بلويت بوق :حامل من اسبوع ؟
حبيبه :اصل احنا وجالة عيلتنا رجاله اوووي وغمزت ليها
فريده :ندي تعالي اعدي معانا شويه يا بنتي
ندي راحت قعدت جنبهم :زعلانه منكم مجبتوش عزه ليه معاكو ؟
ناديه :مردتش تيجي والله المهم طمنيني عنك عمله ايه ؟ وعاصي بيعاملك ازاي ؟ والعيله هناك عمله ازاي ؟
ندي :انا الحمدالله كويسه وعاصي كويس معايا اووي وبيعاملني بحب وحنيه وكل حاجه حلوه والعيله ناقص تشتلني علي دماغهم وناس محترمه جدا
ناديه بتركيز : اومال انتي تحت عينك اسود كدا ليه مبتكليش ؟
ندي :مش عرفه انام خالص ولا عرفه اغمض عيني نهائي نادر لما تلاقيني نمت
فريده :يمكن علشان المكان غريب وكدا
ندي :ايوا بكرا اتعود المهم انتو عملين ايه
فريده :احنا الحمدالله بألف خير المهم خدي بالك من مفسك ومن جوزك وخلاص
حبيبه شدت ندي وفضلو يتصورو كتير
ندي :بنات استنو وراحت علي الصالون سلمت علي الكل
الجد :مشاء الله ربنا يبارك فيكي يابنتي
ندي :ربنا يخليك يا جدي يارب وراحت علي كريم حضنته مبروووك يا كيمو حركتها بعفاويه جدا خلت عاصي قاعد علي نار ونفسه يجبها من شعرها ولكن تحلي بالصبر
غسان :اللي واكل عقلك ياعم عاصي ركز معانا هي معاك علطول وغمز ليه
قاسم بضحك :ابنك بضيع يا غسان
غسان بضحك :واخد بالي العشق يا غالي بيعمل اكتر من كدا
عاصي بغضب :اقوم اسيبكم واروح يعني ولا هتسكتو
عمر حط ايده علي كتفه :لاء يا كبير عليا الطلاق انت اللي في العيله دي كلها سالك لنفسه
اسر خبطة علي كتفه :بمعني يا عمر ؟
عمر بص ليه :وانت كمان يا باشا دا انت الحته الشمال ياااض
الكل ضحك عليهم
الجد ببتسامه :ربنا يخليكم عزوة وسند لبعض العمر كله
ندي شدت كريم لبرا :تعالي يابني انت خايف ليه هنصورك مع العروسه شويه
كريم راح عند نيرا ببتسامه :انتو لو سبتونا ربع ساعه مع بعض لوحدنا هيجرالكم حاجه ؟
فرحه :نسيب مين ؟ انت وهي والشيطان ثالثكم لاء يباااا مفيش كلام من دا
ندي :يلا اقف يا كريم جنب نيرا وفعلا كريم وقف وحط ايده علي وسطها ونيرا اتوترت اووي واتصورو وكريم بص ليها وهي رفعت عينها ليه وندي صورت الصوره دي ليهم
ندي :يخربيت الحب والجمدان اللي في الصوره
كريم بهمس :عاوز اعد معاكي شويه لوحدنا
نيرا :دلوقتي يمشو ونعد مع بعض
عاصي طلع وكانت ندي بتتصور مع كريم وحطه ايدها علي كتفه
عاصي سلم علي ام ندي وندي اخدت بالها انه طلعت راحت عليه وشدتيته
ندي ببتسامه :تعالي نتصور
عاصي بص ليها بجمود :لاء مش هتصور ويلا اخلصي علشان هنروح
ندي بستغراب :مش عاوز تتصورليه ؟ و هنروح ليه خلينا قعدين شويه الكل موجود هنا وفرحانين
عاصي مسح وشه بيحاول يمتص غضبه وبهمس :انتي فرحانه انا لاء مش فرحان هنا هتيجي معايا ولا امشي وتبقي تيجي مع العيله ؟
ندي استغربت معاملته اووي :عاصي انت بتتكلم كدا ليه ؟ وبعدين ايه تبقي تيجي مع العيله دي ؟ انت جوزي وانا متجوزاك مش متجوزه العيله علشان اروح معاهم
عاصي بهمس :كويس انك لسه فكره اني جوزك ويلا لينا بيت نتكلم فيه اخلصي
ندي اضايقت واستئذنت وسلمت علي الكل ومشيت مع عاصي اللي قضي الطريق شرب سجاير وهي خافت تتكلم من شكله وبعد ما عاصي مشي غسان قام وبارك للكل ومشي هو والرجاله
…………………..
في الصالون
كريم قاعد ونيرا قعده بعدين عنه ضحك عليها :انتي بعيده كدا ليه يابنتي تعالي جنبي كدا
نيرا بتوتر :انا مش بعيده بس دي اول مره اعد معاك لوحدي
كريم راحت جنبها ومسك ايدها :بصي يا نيرو انا عارف انك مفكره ان طلبت اتجوزك علشان عاصي وندي يتجوزو والحوارات بتاعت افلام زمان دي لكن انا فعلا عاوز اتجوزك علشان شايف فيكي روجة ليكي وام لولادي في المستقبل شايف فيكي انك هتكون شريكة حياتي واختياري الصح وجوايا مشاعر ليكي معجب بيكي وبجمالك ورقتك حتي كلامك هل انتي شيفاني زي ما انا شيفك ؟
نيرا بصت ليه :بص يعتبر انت اول واحد اتكلم معاه واعرفه او انا بمعني اصح اول مره اعد مع راجل اصلا علشان كدا متزعلش مني لو شوفت تصرف مش كويس لان بتصرف بعفويه
كريم :عمري ما ازعل منك ابدا وبعدين مفيش راحل يزعل لما يكون اول راجل في حياة مراته يا حبيبي وانا عوزك تخدي عليا كدا وتتكلمي معايا انتي مش بتتكلمي عن نفسك ليا خالص
نيرا ببتسامه :احكيلك عني شويه انا نيرا ؟
كريم :ايه دا بجد ؟ ما انا عارف انك نيرا ؟
نيرا بغيظ :مش هكمل وربعت ايده بغيظ
كريم بضحك مسك ايدها وقربها من شفايفه وباسها :خلاص هسكت كملي ياستي
نيرا شالت ايدها : انت بطل تبوس ايدي
كريم بخبث :خلاص يا قلبي مش هقرب من ايدك اقرب من مكان تاني
نيرا بعدم فهم :مكان ….. مكان ايه ؟
كريم قرب من خدها وباسها بسرعه وقام وقف :جي يا جدي يلا وطلع بسرعه
نيرا قعدة علي الكنبه شبه المتكهربه وحطه ايدها علي خدها : ابن الدايخه باسني من خدي والله لوريك يا كريم يا سافل
……………………….
في كافيه علي البحر
اسر قاعد وحبيبه قعدة قدامه وبتحكي ليه هتعمل ايه يوم فرحهم بحماس شديد
حبيبه بفرحه :هفضل ارقص وارقص وارقص لحد ما اهبط اليوم دا مستحيل اضيعه في اي حاجه غير ان اتبسط انت كمان هتكون مبسوط صح
اسر مسك ايدها :انا كل حلمي حاليا اغمض عيني افتحها تكوني في حضني دا فعلا هتكون كل فرحتي يا حبيبه
حبيبه ببتسامه :خلاص قربنا لنهايه صح قربنا نكون مع بعض وسوا لأخر لحظه هنكون قصة حب احلي من بابا وماما هما بيحكو لينا قد ايه بيحبو بعضهم واحنا اتعودنا علي نور وغسان العشاق مش اهلنا تحنا كمان هنخمي لولادنا قد ايه تعبنا علشان نكون سوا ومع بعض
اسر ببتسامه :الجمبري وصل
حبيبه :يسلااام بقااا علي دا جمبري والشيف حط الاكل قدامهم وفضلو يكلو ويضحكو
……………………
في شقة غسان
غسان غير هدومه ودخل قعد جنب نور علي السرير وهي بتقرء كتاب مش بتكلم معاه خالص ومن هنا فهم انها بدأت تمردها عليه
غسان شد الكتاب من ايدها :مالك في ايه ؟ مجتبش حضنتيني ليه لما رجعت من برا ؟ مقولتيش ليا اعملك تاكل ولا لاء ليه ؟
نور ربعت ايدها وهصلت تهز رجلها علي السرير :مفيش …. مقدرتش اقوم …… هبطانه
غسان بص علي رجلها :انتي عرفه ان الحركة دي بتضايقني بتعمليها ليه ؟
نور بصت ليه :يعني انا كنت هضيق العربيه لما تاخدني معاك
غسان :طيب كنتي هتيجي في اتفاقيه تعملي ايه الاتفاق دا بيكون الرجاله بس الموجوده الفرح الخميس الجي اللي بعده ابقي روحي برحتك يا قلبي
نور :لاء والنبي قعدني منه كمان مش شرط اروح
غسان حضنها بضحك :لالا ميصحش ازاي يعني متجيش دا انتي الاهم يا نوري
نورهان ضربته في ضهره بخفه :اضحك عليا بكلمتين يلااا
غسان قرب من رقبتها وشمها :انتي جبتي برفان جديد ؟
نور ببتسامه :ايوا ايه رأيك رحته حلوه ؟
غسان :بتقكرني بحاجه بس مش فاكرها خالص
نور بشراسه مسكت من رقابته :بتفكرك بحاجة ايه دي برفان خاص يعني بيفكرك بوحده ؟
غسان بضحك :يا هبله مش القصد هو بيفكرني بيكي بس عرفه امتي فكره لما وقعتي في الارض لما كنا في الكتيبه وقتها اشتالتك وكانت نفس الريحه دي
نور بتفكير :ايوااااا لما خليتني اقف في البرد والشتي في نص الطابور يا جاحد
غسان بضحك :قلبك ابيض بقا
نور :دا انت عملت فيا عمايل محدش عملها ولا حد كان ممكن يعملها يا شيخ
غسان قرب وباسها من شفايفها برقه :فكره اول مره بوستك فيها ؟
نور بخجل :فكره لما عورت شفايفي
غسان دفن وشه في رقابتها :وقتها لو مكنتش بوستك كنت ممكن اموت
نور بحنان وهي بتحط ايدها في شعره :بعيد الشر عنك
غسان ببتسامه :طيب فكره ايام ولادة عاصي
نور :الحاجات دي مش بيتقال فيها فكره او لاء لان دي محفوره في قلبي كل وجع وكل دمعه نزلت في وجعهم بنسبه ليها كانت فرحه اول ما شوفت عاصي في ايدي نسيت تعب 9 شهور نسيت كل الم وكل الطلق كل حاجه نسيتها وكل دا علشان بحبهم وبحب ابوهم
غسان :وانا بقا مش بحب امهم انا بعشق امهم وباسها بحب
……………………..
في شقة عاصي
عاصي واقف في البلكونه وبيشرب سجاير بغضب ومدي قعدة علي السرير وقدامها الكتب وبتذاكر بس خايفه من شكله وفي نفس الوقت عوزه تعرف ايه اللي مغيره كدا
عاصي دخل الاوضة ورزع باب البلكونه بغضب وغيره : مبدائياً كدا انتي غلطانه ولا لاء ؟
ندي بصت ليه :غلطانه في ايه يا عاصي انا عملت ايه خلاك زعلان اووي كدا ؟
عاصي بغضب وصوت عالي :لاء ما هو لو انا اتكلمت هتزعلي فا بشوف لو انتي وخدة بالك من غلطاتك خير يبقي حقي ازعل انما لو مش عرفه عملتي ايه فا دي حسبه تانيه خالص بقا علشان من الاخر انا راجل دوغري واللي شوفته النهارده مش قادر افوته ولو فوته هبقي كداب
ندي بخوف :يا عاصي بطل تعلي صوتك عاشان بخاف بعدين قولي انا غلط في ايه لان والله معرف
عاصي بص ليها بغيره :تيجي تسلمي علي كريم وتحضنيه قدامي وانا قاعد ولا كأن ليا احترام تخديه وتطلعي تتصوري معاه ويحط ايده علي وسطك ولا فيه اي احترام ليا اسمي دا ايه ….. انطقيييي ومشي اخر الاوضه ورجع تاني علي فكره كان ممكن احرجه قدامك علشان هو معملش ليا احترام ف هحترمه ليه بس انا شايف ان الراجل قاعد ومراتي اللي راحه تحضنه هتكلم واقول ايه انا
ندي بصدمه :انت غيران من كريم وبعدين كريم زي اخويا يا عاصي ؟
عاصي بغضب :انا مش غيران انا مضايق ان مليش احترام عندك يا ندي وهو مش اخوكي علشان تحضنيه كدا وبطلي استفزاز علشان مكسرش دماغك …… وكمل بتملك انا غيرتي غير اي حاجه ومش حابب اوريها ليكي يعني مثلا انا مبحبش اخرج مع حريم لكن لو انتي بتهوي الخروج انا هحبه اووي وهخرج معاكي بس لازم تكوني وخده بالك من كام حاجه بقا لو انتي ماشيه معايا هفضل ماشي ابص في عيون الناس علشان اللي هلاقيه بيبص عليكي هفتح نفوخه وقرب من ندي بقوه انا بغير وغيرتي وحشه ولما بغير علي حد بحبه مبهمنيش حاجه وانتي لازم تعرفي دا وتخدي بالك من تصرفاتك يا مدام وسابها وخرج برا الاوضة ورزع الباب
ندي مش قدره تستوعب الموقف :بيغير عليا من كريم ابن عمي وهيفتح نفوخ اللي يبص عليا ؟ وهيكسر دماغي لاء كله الا كدا عاااصي وقامت راحت وراه جري لقيته قاعد علي الكنبه قدام التلفزيون بيشرب سجاير راحت قعدت جنبه وشالت السجاره من ايده وطفتهاا في الطفايه وربعت ايدها
ندي بصت عليه بندم : احم انا اسفه مش هكرر اللي بعمله تاني بس بجد مقصدش عدم احترامك الموضوع بنسبه ليا عادي مكنتش اعرف انه غلط
عاصي مردش عليها وقاعد غضبان جدا
ندي مسكت ايده بحنان ممزوج بمرح :خلاص بقا عيله وغلطت يا سي عاصي
عاصي بيحاول انه ميبتسمش وساكت
ندي بضحك :والله هتموت وتضحك بس مكسوف اضحك اضحك محدش واخد منها حاجه والله
عاصي بجديه :في حجات بنتكلم فيها ونضحك ونهزر ونفوت لكن في حجات المفروض منتهونش بيها فرحه وزهره ولاد عمي عمرك شوفتيني بحضن حد منهم ورغم انهم اخواتي بس عمري ما اقبل ان احضن وحده فيهم قدام او من وراكي انت بقا لو شوفتيني بحضنهم وبتصور معاهم وحاطط ايدي علي وسطهم ايه ردة فعلك ؟
ندي بغيره :هولع فيك يا عاصي ازاي يعني تحضنهم انا قدامك اهو احضني براحتك
عاصي بلوم :اومال انا مولعتش فيكي ليه يا ندي لما شوفتك بتحضني ابن عمك قدامي ؟
ندي بصت للأرض بأسف :عندك حق بس والله انا محسبتهاش كدا خالص وقالت ببرائه يعني انا كنت قصدي شريف والله يا عاصي
عاصي مسح علي وجنتها :مفيش حاجه اسمها قصدي شريف وقصدي مش شريف انا في قانوني مفيش عندي ان اشوفك في حضن حد غيري ولو كان اخوكي
ندي قربت منه بدلع وحسيت علي رقابته :طيب وانا مين مسوح ليا احضنه غيرك بقا
عاصي : انتي مفكره انك كدا بتغريني بس اللي انتي متعرفهوش ان انا من النوع اللي مش بتأثر بالحركات دي ورغم كدا هرد عليكي جدك وامك بس غير كدا هنكد عليكي وهخليها يوم اسود عليكي
ندي راحت وقعدت في حضنه :عرفه انك مش بتتأثر بس انا غلطانه ومش عرفه اعتذرلك ازاي بس انا جعانه بقا انت مخلتنيش اكل عند نيرا
عاصي وهو حاطط ايده علي وسطها :والبطل بتاعي عاوز ياكل ايه بقا ؟
ندي :اممممم في اندومي هموووت واكله بجد بس انت مش بتحبه وانا مش عرفه اكل مع مين ومش بحب اكله لوحدي بص انا بعمله بطريقه هتحبها والله
عاصي :خلاص قومي اعملي وهاكل معاكي معلقتين
ندي بفرحه :احلف كدا بص هي ربعايه ويكون جاهز وجريت علي المطبخ
عاصي ببتسامه : ربعايه …. مجنونه والله العظيم …. بس حتي الهبل والجنون معاها ليه شكل تاني
ندي من المطبخ :حبيبي عوزه اصدمك واقولك ان بعد ما نخلص اكل هتذاكرلي علشان اول يوم امتحان يوم الحد
عاصي قام راح ليها :امتحان ايه هو الجدول نزل ولا ايه
ندي :ايوا اول يوم رياضيات وانجليزي وانا مش عوزه اقولك بنقص في الرياضه 18 درجه علطول
عاصي :انتي بتنقصي 18 درجه وعلي ما اعتقد الدرجة من 20 بتجيبي كام ؟
ندي بفخر :بجيب 2 وبحمد ربنا انهم بمجهودي مبغشش من حد
عاصي :الله اكبر عليكي شاطره يا قلبي ومسك الفوطه وحدفها فيها بتجيبي 2 من 20 يا ندي والباقي بيروحو فين
ندي ببرائه :الباقي علمي علمك والله
عاصي :دا انا لما كنت قدك ولا كنت بجيب 2 ولا 20
ندي بستغراب :الاه اومال بتجيب ايه ؟ درجات مخفيه
عاصي بفخر :مكنتش بروح الامتحان
ندي بضحك :انت فاشل وانا فشله وبإذن الله عيلنا هتطلع فشله وسلمت عليه اتمني ليك وليا حياه فشله سعيده
عاصي سلم عليها :لاء بجد كنت شاطر بس مكنتش برضي اروح اي دروس ورغم كدا كنت بجيب درجات كويسه المهم يلا اعملي البتاع اللي هتعمليه ناكل وتعمليلنا كوبيتين سحلب ونعد علي سريرنا نداكر يا بطه
ندي شورت علي عيونها :من عيوني وبدأت تحط الاندومي في الميه المغليه وتعمله وعاصي راح مسك كتاب الرياضه بتاعتها وفضل يراجع المنهج لحد ما هي تيجي
………………………
عند ادهم وياسمين
ادهم قاعد علي السرير وياسمين في حضنه وبيتابعو فيلم ومطفين نور الاوضة وبيشربو نسكافيه
ادهم بتركيز :هيعترف ليها بحبه
ياسمين بحزن :معتقدش شايف قصتهم كلها تعب وحزن ازاي
ادهم :مكنش فيه طريق مسدود اكتر من طريقنا يا ياسمين
ياسمين بصت ليه بحنان :بس احنا قدرنا نعمل قصة حب جديده وقصة حب تعبر عن كل اللي مرينا بيه في اول جوازنا فكرت ان انا زي اي زوجة معنفه بس دلوقتي حسه ان اسعد زوجة في العالم كله ونفسي افضل فرحانه زي دلوقتي
ادهم باس راسها ونزل علي خدها :كل مره وجعتك فيها كنت بتوجع وكل مره تعبتك فيها كنت بتعب اسف وحقك عليا يا قلبي بس خلاص انتهي الوجع وانتهي الحزن وكل اللي جي سعاده وبس ومن بكرا هبدء اعمل اوراق علشان هنرجع ايطاليا
ياسمين بعدت وبصت ليه بفرحه :بجد هنرجع ايطاليا تاني …… وكملت بحزن بس قاسم هسيبه لمين
ادهم بحنان :قاسم عنده حياته وعيلته وانا بجمع عيلتي اللي المفروض كانت تتجمع من زمان يا ياسمين
ياسمين حضنته :المهم ان اكون معاك كدا كفايه عليا اوي
ادهم وهو بيتاوب :ننام بقا لأن فصلت خااالص وقفل التلفزيون واخد ياسمين في حضنه وبدؤ ينامو في ثبات
……………….
في بيت نيرا
نيرا قعدة هي وامها علي السفره بياكلو
جيهان :اكيد كريم قالك ان الفرح الخميس اللي بعد الجي
نيرا بتوتر :ماما انا مش عوزه كريم …….
في نفس الوقت عند كريم
مصطفي :اسف والله ان معرفتش اجي بجد اسف
كريم :عيب عليك ياض الكلام دا عقبالك يارب
مصطفي :المهم حددتو الفرح ولا عملتو ايه
كريم بفرحه :الخميس اللي بعد الجاي
مصطفي حضنه بفرحه :الف مبروك يا حبيب اخوك
كريم بفرحه :اخيراااا ياجدع هودع العزوبيه بقاااا جوايا فرحان فرحه كبيره اووي
مصطفي :ربنا يهنيك يارب يا غالي
كريم بص ليه :اعملها بقا علشان نفرح بجد
مصطفي :سيبك مني وتعالي نسهر شويه في اي مكان يعجبك
كريم :لا يبااااا انا هكلم خطيبتي وانت معاك القمر والنجوم
مصطفي بضحك :ندل واااطي بس اشطااا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حين تقع في الحب)
