رواية حين تقع في الحب الجزء الرابع الفصل السابع والعشرون 27 بقلم ندى علي
رواية حين تقع في الحب الجزء الرابع الجزء السابع والعشرون
رواية حين تقع في الحب الجزء الرابع البارت السابع والعشرون
رواية حين تقع في الحب الجزء الرابع الحلقة السابعة والعشرون
عاصي قام علي الساعه 4 الفجر ومش قادر يتنفس ولا قادر يتحرك قام راح الحمام غسل وشه وراح جاب زجاجة مايه وراح قعد علي الكرسي اللي موجود في الاوضه
ندي قامت علي عطس عاصي بصت ليه:حبيبي انت قومت ليه
عاصي وهو مرجع راسه لورا :مش قادر اتنفس ولا قادر ابلع ولا قادر اعمل اي حاجه
ندي بصت في الساعه وقامت راحت جنبه حطت ايدها علي راسه وقالت بقلق :حرارتك عاليه اووي وهدومك عرقانه راحت علي الدولاب طلعت ليه ترنج من قمشة الدفايه برقبه نعمه وراحت ليه عاصي حبيبي قوم البس دا علي ما اجيبك
عاصي اخده منها وهي راحت علي المطبخ طلعت ميه سقعه من الفريزر وحطيتها في طبق وجابت فوطه وراحت ليه كان عاصي نايم علي السرير وتقريبا خلصان
ندي مسك الفوطه وعصرتها وحطيتها علي دماغه :الحبايه معملتش حاجه ولا ايه ؟
عاصي هز راسه ب لاء :انا مش شايف فعلا مش قادر اتحرك خالص جسمي كله متكسر ووجعني
ندي شالت الفوطه وعصرتها وحطيتها تاني :معلش يا روحي بعيد الشر عنك دور برد وهيروح لحاله بس لازم ترتاح علي ما النهار يطلع هنروح عند الدكتور وفضلت جنبه لحد عاصي ما نام من التعب فضلت تعمل ليه كمدات لحد ما الحراره بدأت تنزل بتدريج
ندي بستغراب :هي دي انا دي ندي اللي كانت بتقول انا يوم ما هتجوز هموت جوزي وهعمل وهسوي فيه وبصت علي ملامح عاصي بإعجاب مين كان يتخيل ان اتجوزك لاء والمصيبه احبك وقربت من وشه وباسته من خده برقه وراحت علي المطبخ
ندي رنت علي مامتها لحد ما ردت عليها
ناديه بقلق :في ايه يا ندي رنه عليا دلوقتي ليه انتي كويسه ؟
ندي :اهدي يا مامتي انا كويسه والله بس عاصي تعبان واخد دور برد بسخنيه وكنت عوزه اسألك الفراخ اللي بتكون في بشوربه بتتعمل ازاي علشان مش عوزاه ياكل حاجه فيها زيت
ناديه :يا كبدي عليه جوزك ايه اللي حصله
ندي :كان مشغل التكيف وهو نايم اخد برد في عضمه ومبهدله خالص بس عوزه اعمل ليه حتجه يقوم بفطر بيها علشان الاكل اللي هنا مينفعش ليه خالص
ناديه :طيب هقولك بس لازم يروح لدكتور الصبح علشان السخنيه دي غلط يكتبله حقنه ولا اتنين يبقي كويس
ندي :ما هو انا هعمل كدا الصبح هنفطر ونروح لدكتور
ناديه :ماشي يا حبيبتي المهم طلعي الفراخ من الفريزر انا جايبه ليكي كتير واسمعي اللي اقوله بالظبط اعمليه
ندي :ماشي وبدأت تسمع كلام امها وتعمل الفراخ بالظبط
ناديه :غطي عليها بقا وسيبها تستوي علي مهلها
ندي :ماشي يا ماما عزه عمله ايه والعلاج بتاعها لقتيه ولا لسه
ناديه :ديخين عليه السبع دوخات مصطفي نازل شغله بكرا في القاهره قولتله لو لقيته يا مصطفي تجيبه وانت جاي
ندي :بإذن الله هيتلاقي والدكتور قالك ايه علي العمليه في تحسن بعدها ولا ازاي
ناديه :الدكتور بيقول في لسه دم علي المخ بس دا هينشف مع الوقت والمدرسه بتاعتها مطلعه رحله الدريم بارك وبتعيط عوزه تروح وانا خايفه عليها
ندي بعتراض :اوعي يا ماما دي دماغها والعمليه لسه طريه وبعدين هي بدوخ ولو داخت في لعبه عليها تموت فيها اوعي تفكري توديها
ناديه :كريم قالها خليكي وانا هخدك مع نيرا واوديكي رحله حلوه شتمته
ندي بمرح :ايوا ادخليلي بتقيل كدا شتمت مين وضربت مين وكسرت مين الحجات اللي تفتح النفس دي
ناديه بضحك :بتتت انتي كياده انتي مشيتي من هنا والكل قال الحمدالله خلصنا من لسان وحده ظهرت الست عزه
ندي بضحك :طيب والله وحشتوني اووي
ناديه :كنا جاين امبارح بس الشتي هنا مدمر الدنيا
ندي :لاء يا غاليه علي مهلكم لما الدنيا تنشف تعالو والنبي يا ماما هاتي العقارب وانتي جايا
ناديه بضحك :طيب يختي يلا تصبحي علي خير هتصل بيكي الصبح علشان اطمن علي عاصي
ندي :وانتي من اهل الخير يا حبيبتي وقفلت وشالت الغطي من علي الفرخه كانت استوت وخلصت ندي داقتها لقيتها حلوه دخلت لعاصي لقيته مستغرق في النوم غطيته كويس وراحت نامت جنبه بس زي العاده النوم ابعد ما يكون ليها ومش عرفه السبب فضلت صاحيه تتابع عاصي وهو نايم
…………………………..
في الفيوم الرجاله وصلو الفيوم وجاين بيعربيه غسان
غسان بص عليهم لقي محمد وقاسم وعمر نيمين ورا وابوه جنبه :رجاااااله …. انت يابني انت وهو اصحي وصلنا
محمد بغيظ:في اي يا عم بتصحينا ليه
غسان :احنا وصلنا يا غالي ودا بعيد خالص عن صوت شخيرك اللي انا بسمعه طول الطريق انزل يلا وصحي الميت اللي جنبك دا
عمر :دا صوت شخيره موصل لدائري يابني في مزامير مكان المناخير عنده
محمد ضربه في كتفه :اتكلم علي قدك يا ابو ودان شبه المقاطف انت
قاسم بنوم :احنا فين يا ناس وصلنا ولا حد مثبتنا علي الطريق ولا في اي
غسان نزل من العربيه :يلت يبا انت وهو علشان الواخد نفسه ينام ساعه يلا الكل نزل من العربيه ودخلو البيت بتاع المزرعه
غسان اول ما شاف الكنبه اترمي عليها بتعب :اللي راجل بجد يفكر يصحيني قبل 9 الصبح
محمد :ادخل نام علي السرير طيب
غسان :ابويا هينام علي السرير اللي في الاوضه التانيه ونامو انتو علي اللي جوا مش قادر اتحرك اروح هناك ان جيت للحق
منير راح علي الاوضه ونام بتعب
قاسم راح علي الاوضه نام واتغطي وراح عمر جنبه ونام واتغطي ومحمد راح علي الكنبه اللي قصاد غسان ونااااامو بتعب واضح
……………………..
في شقة نور
نور نايمه علي السرير وبطنها وجعاها اووي فتحت الدرج اللي جنبها اخدت كيس العلاج منه واخدته
نور بألم :ما هو مش معقول دا وجع في ايه يا ناااس دا انا مش متحمله خااالص وقامت وفضلت تمشي شويه في الشقه
حبيبه دخلت عليها :ماما انتي صاحيه ليه لحد دلوقتي
نور :مش عرفه انام بطني وجعاني اووي
حبيبه دخلت ليها :طيب اخدتي العلاج يمكن ترتاحي
نور :اخدته يا حبيبه بس انا مش مرتاحه خالص حاسه فعلا بروحي بتطلع
حبيبه :طيب تعالي يا ماما ومسكت ايدها حولي تنامي علي السرير وانا جنبك اهو اعملك كوباية ينسون
نور :اعملي يا حبيبه بس بسرعه يمكن لما اشربها ارتاح شويه
حبيبه راحت علي المطبخ وعملت الينسون ووديته ليها :يلا قومي معايا اشربي الكوبايه دي وانا متأكده انك هترتاحي بعديها اووي
نور شربت من الينسون بحب :ربنا يخليكي ليا انتي واخوكي واشوفكم اسعد اتنين في الدنيا كلها
حبيبه نامت في حضنها :ماما لو اللي في بطنك دا واد هتسميه ايه
نور وهي بتحسس علي شعرها :تصدقي ان مفيش في دماغي اي اسم خالص
حبيبه :طيب ايه رأيك في ادهم
نور بإعجاب :ادم قديم بس انا بحبه جميل اووي طيب ولو بنت
حبيبه بتفكير :لو بنت هنسميها رحيق حسه ان الاسم دا حلو
نور :رحيق غسان الالفي لايق علي بعضه
حبيبه بعدت شويه :هسيبك ترتاحي انتي وهروح انام في اوضتي
نور :لاء خليكي نامي معايا النهارده
حبيبه حضنت نور بحب :ماشي يلا بقا ننام الساعه 6 الصبح اهي
نور اتغطت كويس وغطت حبيبه ونامو في ثبات عميق
…………………………
في الصباح لم تشرق الشمس بسبب الامطار الغزيره وبروده الجو
يمني صحيت من النوم علي صوت سيف اللي بيصرخ من العياط طلعت جري علي اوضته وراحت جنبه حضنته
يمني :بس يا روح ماما وعمرها في ايه بتصوت ليه
سيف بعياط وبرائه :الصوت بيخوف يا ماما هو في وحش برا هيجي يا خدني ويخليني اكل السمك غصب عني علشان مش بحبه ؟
يمني ببتسامه :لاء يا روح ماما مفيش حد هيجي يخدك مني مين الاهبل اللي يفكر يخدك دا وانا اموته وبعدين دا المطر واشتالته وراحت بصت من الشباك علي الشارع شوف المطر دا بيكون دليل ان ربنا هيجيب خير كبير اووي لينا وكمان بتكون ابواب السما مفتوحه يعني اي دعوه بتدعيها بتتقبل
سيف ببرائه :هي السما فيها ابواب يا ماما يعني بوابه زي بوابة بيتنا كدا
يمني :لاء الابواب دي بتكون كلمة احنا بنقولها لكن ربنا بيسمع دعائك وبيحققه واي دعوه بتقولها بس تقولها بقلبك من بشفايفك
سيف غمض عينه شويه وفتحها وابتسم :دعيت
يمني :قولت ايه بقا ؟
سيف :انتي قولتي اقولها بقلبي وقلبي مش بيتكلم
يمني :طيب تعالي يا لمض علشان نفطر
سيف :مش هنروح عند جدو منير النهارده
يمني :الجو ميسمحش لحد يخرج من البيت هنفضل هنا النهارده وبكرا يظبط انشالله
سيف :بابا لسه مجاش
يمني :هيجي بليل دلوقتي خد الفون بتاعي العب شويه بيه علي ما اروح اعمل الفطار واجي
سيف بفرحه :طيب هاتي علي اليوتيوب عمر وعبير
(بعيد بقا عن سيف ويمني انا كرهت عمر وعبير علشان اماندا وهاندا ولاد اختي اليوتيوب بتاعي عباره عن عبير اتعورت شوفو عمر عمل ايه 😶)
يمني جابت ليه عمر وعبير علي اليوتيوب وهو راح قعد قدام التلفزيون وهي دخلت تعمل الفطار
………………………..
عند نورهان
فرحه قامت لبست جيبه سودا وهيكول اسود برقبه وجاكت فرو اسود وهاڤ بوت ابيض والحجاب ابيض وميكب بسيط واخدت مذكراتها في شنطة الضهر بتاعتها وطلعت برا
نورهان بستغراب وهي بتفرك في عينها :ريحه فين في الجو دا يا فرحه
فرحه بغيظ :النهارده اول امتحان ميدترم بتوعي ولازم اكون موجوده
نورهان :دا جو ميسمحش لحد يفكر يطلع بلكونه يابنتي هتروحي ازاي
فرحه :هعمل ايه يعني يا ماما لازم اروح هروح علي موقف الباص اركب وعلي الجامعه هخلص وارجع علطول بس لازم اكون موجوده هناك
نورهان :وابوكي مش هنا يجي يوصلك وولاد عمك زمانهم نيمين وانا مش هسيبك تمشي لوحدك في الجو دا ورنت علي اسر
اسر بنوم :الو صباحو يا نورهان في حاجه ولا ايه
نورهان :صباح الفل يا قلب نورهان بقولك ايه فرحه اختك راحه الكليه علشان عندها امتحان ميدترم والجو زفت النهارده وصلها بس يا حبيبي
اسر بص في الساعه :حاضر خليها تجهز وانا نازل ليها اهو وقفل
نورهان ركزت عليها :اسر هيجي يوصلك يا فرحه ؟
فرحه بعدم اهتمام :ماشي بس اياك ميتأخرش بس ونزلت وقفت تحت علي بوابة البيت لحد ما اسر نزل
اسر وهو بيركب بسرعه :يلا يا فرحه احسن تطيري انجزي
فرحه ركبت واسر مشي علي جامعة عين شمس بالقاهره .
وبعد ساعه في الطريق فرحه نزلت :تشكر ياعم اسر علي التوصيله دي
اسر :لما تطلعي يا بلطجي رني عليا وانا اجي اخدك
فرحه دخلت جري علي الكليه بتاعتها لحد نا وصلت علي المحاضره بتاعتها خبطت ودخلت
الدكتور من غير ما يبص ليها :متأخره ربع ساعه برا معنديش طالب يدخل بعدي
فرحه بصوت علي وشك البكاء :والله العظيم عندنا في بلدنا المطر مش مخلي حد عارف يطلع والطريق كان قافل اسفه والله يا دكتور
الدكتور لف ليها وبصلها :فرحه
فرحه بصت ليه وحولت تفتكر اسمه :ايواا انا فرحه بس مش فكره اسم حضرتك
مصطفي :احم انا دكتور مصطفي اتفضلي وياريت التأخير دا ميتكررش
فرحه اخدت الورقه بتاعتها ودخلت جري :مش هتتكرر والله وقعدت وفضلت تحل ومصطفي مراقب كل الموجودين
………………………
في الفيوم
منير واقف قدام الارض :بص ياحج صالح الوقتي الارض دي 4 فدادين وزي ما انت شايف لو بور كانت بقت احسن وانت المزارع بتاعها ايه المشكله فيها
صالح :بص يبا الحج الارض دي فيها ديدان بتاكل التقاوي اللي بحطها في الارض وغلبت علاج فيها مفيش فايده انا بقولك لو بورتها يبقي احسن لان مفيش منها فايده انت كدا بترمي فلوسك في الطين وفي الفاضي
غسان وهو بيهرش في دقنه :ولو الارض دي بارت يتعمل فيها ايه اكيد محدش يقدر يبني بيت وسط الاراضي كدا
صالح :لاء يانفع يا باشا انا بيتي وسط الاراضي والدنيا حلوه وامان دي لو بارت وبقت ارض مباني هتكون زي الفل
قاسم اللي حاطط ايده في جيبه :واللي هيبني هيبني علي 4 فدادين
محمد :عليا الطلاق لانت ساكت يا قاسم علشان متجلطش يا حبيبي انت هتبني كذا بيت او بتين كبار مع بعض وكمان هيبقي في ياخد كمان بتين 6 قراط تبني بيت يرمح فيه الخيل
عمر :انا شايف نسأل عاصي او اسر اللي عاوز يبني يجي هنا الفيوم زي الفل وبلد نضيفه
منير :لاء يا عمر اسر وعاصي خليهم جنبنا هناك والارض محطوطه اهي وقت ما نحتاجها موجوده
غسان :ايوا قولي بقا يا حج صالح ضرايب ايه اللي علي الارض دي
صالح :الارض دي لو هتبقي زراعيه علطول هتدفع عليها ضرايب كل سنه 70 الف
عمر :يادي الهنا يولاد
قاسم بضحك :دي مبطلعش 20 الف علي بعضها
غسان :ما هو دا من ضمن الهم اللي اخوك فيه كمل يا حج صالح
صالح :لكن لو هتبقي مباني خلاص هتدفع ليه بقا
منير :يعني كدا الحوار خلص بور الارض يا حج صالح
صالح:ماشي يا حج تعالو بقا نشرب شويه شاي في البيت مش بعيد
غسان :تسلم ياراجل يا طيب نجيلك في الافراح يارب
صالح :يا راجل والله مش بعزم بتكلم جد
منير :تسلم يا حج صالح طول عمرك امير يلا يا رجاله نمسك الطريق في النهار كدا
غسان :قاسم امسك يبا الطريق علشان مفيش فيا حيل
قاسم وكب مكان غسان ومنير جنبه وغسان رجل ورا ومشو علي القاهره
غسان :الواحد كان جاي وحالف يتخانق
منير :الموضوع كان قرف با راجل ارض ملهاش ريحة الازمه بس صعبان عليا ابيعها او افرط فيها
عمر :ايوا اشمعنا بقا يا خال
منير :الارض دي من ايام جدي وابويا ةنت وانا قدكم كدا باجي هنا وكانت احسن ايامي واتعرف علي نڤين من هنا
محمد :اهدو بس هي امي نڤين من الفيوم ؟
غسان :انت اول مره تعرف دا امي الارض دي ليها ربعها علشان جد ابويا وجد امي كانو ولاد عم علطول واشترو الارض دي سوا وامي وحيدة ابوها ف ورثت الحته اللي جدها اشتراها علشان ابوها كان وحيد برضو لكن ابويا ورثها هو وعمتي انتصار
محمد :يعني امك وابوك قرايب اصلا
غسان :اومال ايه يا راجل انت بس قرايب من الاجداد بقا
……………………..
في شقة ندي
عاصي صحي ملكاش ندي في الاوضه لسه هيقوم من علي السرير ندي دخلت ومعاها صنيه فيها شوربه ورز وفراخ
عاصي :صباح الخير يا قلبي
ندي:صباح الهنا علي قلبك يا روحي يلا قوم غسل وتعالي علشان تاكل
عاصي :ايه البرد اللي في الاوضه دا
ندي :لاء دا البرد برا الدنيا من الساعه 6 الصبح وهي بتشتي ومش مبطله شتي والبرد عامل عمايله المهم قوم غسل يلا
عاصي دخل الحمام غسل وشه وطلع قعد علي السرير :انت هاكل فراخ علي الصبح يا ندي وبعدين مش متعود اسلم نفسي لتعب لازم امشي
ندي وهي بتفصص الفراخ :اولا انت مش مسلم لتعب انت تعبان بجد يا حبيبي ثانيا تمشي تروح فين الجو ميسمحش لحد انه ينزل الشارع اصلا يلا افتح بوقك
عاصي :فيكي اقناع رهيب بصراحه واكل من الفراخ وخلص ودخل غسل ايده وطلع فضل يدور في الادراج تؤ ندي فين السجاير اللي كانت جنبي
ندي دخلت ليه تاني وهي حطه ايدها في وسطها :سجاير ايه يا راجل انت دا انت من الكحه مش قادر تقف وعاوز سجاير كمان لاء يبا انا اروح بيت ابويا بقا اهلي اولي بيا استحملت منك كتير بس خلاص لحد هنا والعيال تشرد مش مشكله
عاصي مربع ايده واقف قدامها :عيال مين يا غاليه اللي هتشرد علي علبة سجاير دول ؟
ندي ببرائة :عيلنا ؟
عاصي :هما فين يا غاليه العيال دي ما انا خلاص بودع اهو مفيش فيا حيل اخد بوسه حتي
ندي بكسوف :عاصي انت سافل ومش محترم ومش متربي
عاصي بضحك :يبقي تجيبي علبة السجاير بكل احترام علشان مش فايق ليكي
ندي قربت من بدلع وحوطت رقابته :اومال فاضي لمين يا عاصي ؟ لعلبة السجاير !
عاصي بخبث :لاء عادي يا قلب عاصي افضالك برضو مش مشكله
ندي قربت من ودنه وقالت : يبقي مفيش سجاير يا حياتي
عاصي حط ايده علي وسطها :ودا في حكم مين يا حياتي ؟
ندي :احكيلك حاجه هتموتك ضحك ماشي
عاصي :احكي
ندي :كنت في امتحانات 3 اعدادي المهم جالي في التعبير ان اكتب موضوع عن التدخين وبين قوسين ممنوع الكتابه عن المخدرات انا بقا مشوفتش الكلمه دي روحت كتبه بقا ( يعني لو ابنك شافك وانت بتحشش مش هيحشش زيك يا راجل يا محترم ) وما عليك غير التخيل اللي حصل بعد كدا
عاصي بضحك شديد :ايه اللي حصل بعد كدا ؟
ندي :ولا حاجه روحت بكل ادب واحترام سلمت ورقتي اول وحده للمراقب الاستاذ اول ما شافها بقو بقيت المدرسين بيشتالوه من علي الارض من كتر الضحك
عاصي حضنها بضحك :يخربيتك علي بيت تفكيرك يا ندوش
ندي :الناس لما تضحك بتقع علي الارض وانت بتحضن العب بقااا
عاصي وهو بيكح :ايوا السجاير فين بقا
ندي :اسمع بقا يا انا يا السجاير يا عاصي اختار ؟
عاصي :هاتي السجاير يا ندي اخلصي
ندي :بالله مش هتاخدها انت تعبان وغير كدا وكدا انت حريقه فيها حرام عليك صحتك بجد
عاصي حط ايده علي دماغه :هاتي يا ندي العلبه بعدين هنشوف الحوار دا
ندي بعدت شويه :كسرتها في الزباله وطلعت علي الصاله جري
عاصي جري وراها ومسكها من ايدها:اهدي بس وفهميني لان سمعت حاجه لو صح هكسرك زيها بالظبط
ندي ببرائه :حرام عليك يا عاصي دا انا مراتك يرضيك تكسرني حتت حتت وميلقاش فيا اي حتة سليمه كدا اهو
عاصي سابها بغضب :طيب ليه كسرتيها بجد ؟
ندي :يا روحي اولا انت تعبان وغلط تدخن ثانيا هي في العادي غلط اصلا ولو انت مستغني عن حياتك انا مش هستغني عنها علشان بعشقك يا عاصي ؟
عاصي ببتسامه :وانا بمووت فيكي يا ندوشة قلبي وحياتي وانا هموت وابوسك بس هعديكي
ندي بضحك :لاء مليش فيه بقا انا عوزاك تبوسني
عاصي :اووي اووي انا اطول
ندي بعدت :هتعديني بجد وانا بلقط البرد بسرعه
عاصي :طيب هنزل مشوار علي السريع كدا واجي
ندي بصت ليه :هتجيب سجاير
عاصي بص ليها :لو اقدر اعد من غيرها الفتره دي هعد والله وانا هبطلها بس كل حاجه في وقتها
ندي بصت ليه ودخلت علي المطبخ :ربنا يهديك يا عاصيبس اسمع هات ليا اندومي وانت جي علشان قولتلك امبارح ومجبتش اياك تنسي
عاصي :حاضر ونزل علي السوبر ماركت يجيب الطلبات اللي محتاجها
…………………….
في منزل نيرا
كريم رن عليها كذا مره بس نيرا نايمه ومش سامعه الفون رن تاني كانت نيرا صحيت
كريم بغضب :مبترديش ليه يا نيرا رنيت 4 تلاف مره
نيرا :معلش والله كنت نايمه ومسمعتش الفون
كريم بغيظ :بتحبي ميتين ام الشكولاته ولا الكريمه
نيرا بضحك :بحب الاندومي يا باشا
كريم :اخلصي يابت انا واقف في المحل
نيرا :انا بحب الكريمه يا كيمو
كريم :هات كريمه يا باشا الو بقولك اجهزو احنا جين النهارده
نيرا :تنورونا بإذن الله وقفلت
جيهان دخلت عليها :هنعزم عمك محمد ولا هنعمل ايه
نيرا بمقاطعه :لاء اخوالي وبس مش عوزه حد من اعمامي
جيهان :بس دول مهما كان اعمامك يا نيرا
نيرا بغضب :بجد اعمامي وكانو فين اعمامي لما بابا مات يا ماما كانو فين اعملمي لما طلبو مننا نسيب البيت يا ماما هااا كانو فين اعمامي لما مسألوس علي بنت اخوهم الوحيده بالله خليني ساكته علشان لو اتكلمت مش هعمل حساب لاي حد
جيهان بحزن :متزعليش نفسك خلاص انا كلمت اخوالك وخالك علي والكل
نيرا:ماشي هكلم اصحابي بقا واعرفهم ورنت علي ندي وحبيبه مكالمه مجمعه
ندي :نيروو وحشاني قد البحر عمله ايه يا روحي
نيرا :وانتي كمان يا عروسه طمنيني عنك
ندي :بخير الحمدالله
حبيبه :بترني ليه يابت عوزه انام
نيرا :طيب بصي هلخص الحوار كريم جاي يتقدم النهارده واكيد كلكم هتيجو
ندي :ايوا عرفت من ماما واكيد هنيجي ونخربها بقااا
حبيبه :ايوا هاجي مع بابا وعاصي واسر خالك علي رن علي اسر وقاله ومتقلقيش هنيجي
نيرا :فرحه مبتردش ليه
حبيبه :عندها امتحان وفونها صامت اكيد بس هنيجي لا تخافي
عاصي بصوت :ندي
ندي :ماشي يا نيرو هاجي هروح لعاصي وارجع تكلمكم وقفلت
ندي راحت ليه :جبت الاندومي
عاصي قعد علي الكنبه قدام التلفزيون وشاور علي الكيس علي السفره :جبت ليكي شيبسي واندومي وبيبسي ومروق عليكي
ندي جريت عليه وحضنته من رقابته وباست خده بفرحه :بحبك بحبك بحبك بحبك قد البحر
عاصي باس خدها :وانا كمان يا حبيبي
ندي :هتاكل معايا بقا اندومي
عاصي :تؤتؤ مبكولش اندومي خالص
ندي بحزن :يعني ايه هاكل لوحدي
عاصي :سبيه وابقي هاتي البنات وكلو سوا
ندي بتفكير :فكره برضو خلاص هسيبهم لحد ما نتجمع ايوا نسيت بقولك النهارده هنروح عند نيرا علشان كريم وجدي ريحين يتفقو في الجواز وكدا
عاصي :ايوا انا ريح بس انتي هتيجي ليه ؟
ندي :يا حبيبي نيرا كانت معايا في كل حاجه لازم اكون معاها النهارده
عاصي :ماشي يا ندي هاخدك واحنا ريحين
ندي راحت تاني لعاصي وباست خده :انت اجدع جوز في الحياه عليا الطلاق بجد
عاصي بضحك :بعيد عن ان بضعف قدام البوسه بس عادي انما ايه عليا الطلاق دي يا باشا
ندي بمرح :دي الشعار بتاعي
عاصي حط ايده علي وسطها :اعرغك انا بقا بشعاري وشالها
ندي :مش انت تعبان ؟
عاصي بخبث وهو بيبوسها من شفايفها :بقيت كويس فجأة وبعدين …..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حين تقع في الحب)
