رواية حين تقع في الحب الجزء الرابع الفصل الحادي والعشرون 21 بقلم ندى علي
رواية حين تقع في الحب الجزء الرابع الجزء الحادي والعشرون
رواية حين تقع في الحب الجزء الرابع البارت الحادي والعشرون
رواية حين تقع في الحب الجزء الرابع الحلقة الحادية والعشرون
غسان دخل مكتبه لاقي نور قعده علي الكرسي بتاعه ومرجعه ضهرها لورا ورفعه رجلها علي المكتب وحطه رجل علي رجل ومسكه قلم في بوقها بص ليها بحاجب مرفوع
غسان :بتعملي اي هنا ؟ لو جايا علشان تصلحيني اتفضلي يلاا علشان تروحي واستنيني في البيت لما ارجع يلااا
نور بجديه :مش جايا علشان اصالح حد انا جايا هنا علشان ارجع اكمل تدريبي واشتغل يا حضرت المقدم
غسان غمض عينه بغضب :انا هعتبر نفسي كل حاجه سمعتها كانت هبل منك وهعديها بس بمزاجي وحاليا يلا علي البيت علشان مش فاضي
نور قامت من علي الكرسي وراحت قدام المكتب وسندت عليه وربعت ايدها :لاء مش هبل مني خالص انا بتكلم بجد انا جايا علشان اكمل تدريبي واشتغل
غسان قرب منها بحذر :تكلمي تدريب وتشتغلي قولتلي ومن امتي الكلام دا ؟ لما ابنك بقا عنده 24 سنه ولا فوقتي فجأة لنفسك وضحي ليا بس علشان اكون فاهم بس؟
نور الخوف بدء يدخل قلبها من قرب غسان الخذر منها بس اتكلمت بقوه :تقدر تقول من دلوقتي دي حياتي وانا حره فيها ودا شغلي ودا حقي
غسان بغضب وصوت عالي :كسر حقك وكلمه زياده وديني لكون شقك نصين شغلللل اي اللي جايا تكلمي عنه وبص علي البنطلون اللي لبساه وجايا ليا بميتين ام بنطلون خارجه لياااا ببنطلون يا محترمه
نور بهدوء :اهدي انا بتكلم بصوت واطي لي بتعبي صوتك
غسان بص ليها ببتسامة غضب :لا يا قلبي تعالي خديلك قلمين والله مينفع انك توطي صوتك عالي عالي متخفيش هو احنا بقا في بين راجل وست ما هي ضاعت خلاص مجتش علي دي بليل عوزه ترجعي بنت والصبح ترجعي الشغل والله حاجه حلوه اووي لاء وجديده
نور بصت ليه ببرود : ياريت متدخلش حوارات البيت هنا انا مش هعلي صوتي علشان مهما كان انت جوزي وواجب عليا احترمك مع ان احنا في مكان شغل ومينفعش انك تكلمني كدا اصلا بس هعديها
غسان عند النقطه دي الغضب اتمكن منه مسك دراعها بقوه :لاء جوزك اي بقااا ياشيخه قولي كلام غير دا وتعديها لي والله ميحصل بسرعه اكتبي فيا مذكره ان متعرض ليكي يلااا
نور ببرود وهي بتبعد عنه : بلاش تمسكني المسكه دي تاني لو سمحت وانا حاليا مش هعمل ليك اي حاجه وهكتفي ان حضرتك تسجلني في التدريب وبس
غسان سقف ليها بغضب :لاء يا حبيبتي انا مش هسجلك في تدريب الفرقه الجديده علشان انتي بكل ادب واحترام هتخدي بعضك وتروحي عند امك لما تبقي تعلمك التعامل مع الزوج ازاي ابقي تعالي يلااااااااا قال اخر كلمه بصراخ
نور بصت ليه بصدمه هي كانت تقصد تغيظه وتحرق دمه وتشوف ردة فعله لكن متخيلتش انه يطردها : اروح عند امي بجد ؟
غسان بغضب مسك ايدها وشدها وراه وفتح باب المكتب بغضب وسط استغراب الكل ونزل علي العربيه بتاعته فتح الباب بغضب :اتزفتي اركبي اخلصي
نور بعتراض :غسان..
غسان بتحذير :سمعتي قولت اي اركبي
نور ركبت وهو راح ركب وساق بسرعه علي بيت سكينه ومش سامع من نور ولا كلمه ولا حتي انها بتترجاه يهدي السرعه كل اللي سامعه وشايفه حركاتها وتصرفاتها الفتره الاخيره وبس ومستغرب هي بتعمل كدا لي هرمونات حمل مش معقول ؟ طيب في اي ؟ لي دلوقتي عوزه ترجع الشغل ؟الف سؤال عاوز يسألها عليه بس مش عارف ينطق اصلا
نور بدموع :يا غسااان اسفه بس هدي السرعه انا خايفه
غسان ولا هو هنا هو كل اللي شايفه نور وهي بتتكلم معاه ببرود وبتطلب منه انها ترجع شغلها
نور وهي حطه ايدها علي بوقها وبتضدربه في دراعه وبتصوت :غساااااااااان وقف العربيه بسرعههههه
غسان فاق علي خبطتها وصوتها ومنظرها المنهار وقف العربيه وهي نزلت بسرعه وبعدت شويه ورجعت كل اللي في بطنها اخد النديل من طبلون العربيه وراح ليها بسرعه ومسكها من وسطها
غسان بقلق :اهدي علي مهلك
نور صلبت طولها بالعافيه وغسان ماسك وسطها واخدت المنديل ومسحت بوقها بدموع :ابعد ايدك عني
غسان مسكها اكتر :انتي اللي بتنرفزيني وبتطلعيني عن شعوري بتخليني اقول دي تستاهل تكسير دماغها بجد والاخر تزعلي وبص ليها بعتاب شغل اي اللي عوزه ترجعي ليه يا نور انا اقصرت معاكي في اي ؟
نور بعياط :اقولك قصرت في اي حاضر لما امبارح بتكلم معاك بكل هدوء وبسألك عن حاجه خاصة بينا بدل ما تتكلم بهدوء معايا وتقولي لاء متعمليش دي علشان غلط وتتكلم براحه لاء اخدتها بصوت العالي وزعقت ونزلت معرفش عنك اي حاجه ومسحت دموعها وبصت ليه تاني لما جيت ليك النهارده في شغلك علشان عرفه ان حبيبي زعلان مني ولازم اصالحه علشان مقدرتش انام طول اليل وانا سيباه زعلان مني قولت انا هقوله ان هرجع الشغل واشوف ردة فعله والحمدالله صدمتني بإنك طردتني عند امي اكمل ولا اسكت يا غسان ؟
غسان بص ليها بلوم :كل افعالك بتدل علي غبائك اقولك ليه علشان مفيش راجل بيحب مراته يقبل انها تعمل عمليه زي اللي قولتي عليها دي وردة فعلي دا شعور غصب عني مش بيدي علشان اتحكم فيه علشان اختار يكون هادي ولا عصبي وان اروح سغلي الصبح الاقي مراتي بتقابلني تقولي انا رجعه الشغل وبتتكلم بكل برود وبجاحه دي مقدرش اسكت فيها عرفه لو كنتي اعتذرتي ليا بدل الحوار بتاعك دا كله كان زمانك دلوقتي في حضني وفي بيتنا وقضيت اليوم معاكي ويخرك ميتين كل حاجه في الدنيا لكن اخترتي الطريقة الغلط يا حياتي
نور بصت لي ولقت ان معاه حق في كل كلامه وان فعلا هي كانت تعتذر علي اللي قالته كان احسن وخلص الحوار حطت ايدها علي وشها كله وعيطت اكتر :انا اسفه ليك حقك عليا مكنتش فهمه وجهة نظرك سامحني
غسان مسك ايدها واخدها علي العربيه وركب وحضنها وباس راسها :وانا اسف لو زعلتك او اتعصبت عليكي يا حياتي اعذريني بس ياريت الحوارات دي بلاش تتكرر
نور بعدت عنه :طيب يلا وديني عند ماما
غسان بص ليها شويه :اشمعنا ؟
نور :مش انت اللي قولتلي روحي عند امك لما تبقي تعلمك ازاي تتعملي مع جوزك ابقي تعالي ؟
غسان بص ليها وهو بيهرش في دقنه :كلمه وقت غضب وراحت لحالها اكيد مش هنمسك فيها علشان لو عديت علي كلامك هتعتذري من هنا لبكرا
نور برجاء:خلاص ماشي بس انا عوزه اروح عند ماما بجد وديني اعد يومين وتعالي خدني اهر الاسبوع
غسان وهو بيدور العربيه وبيلف من الطريق :واحضن المخده وانا نايم ولا اعمل اي ؟
نور ربعت ايدها بغضب :رخم
غسان بص ليها بطرف عينه :قال تعالي خدني اخر الاسبوع قال نسوان اخر زمن
……………………..
في الشركة عند عاصي
عاصي كان قالع الجاكت بتاع البدله وفاكك اول 3 زاير من القميص ومشمر كمامه وشكله جذاب اووي و كان هالك نفسه في الشغل المتأخر عليه وكان بيشتغل علي الاب وبيترجم الايميلات وبيراجع بنود العقود اللي هتتمضي
ندي دخلت الشركة وكانت لبسه بنطلون ابيض ضيق علي جاكت جلد اسود علي الوسط وهيلز اسود وشنطه بيضه ومرجعه شعرها لورا دخلت الشركة
ندي بذهول :اوباااا اي البنات الجمده دي بقاا يا عاصي يا منيل سايب كل البنات الجمده دي وجاي ليا عديم النظر صحيح
واحد وقف قدام ندي :اي خدمة يا استاذه
ندي :ايوا ممكن اعرف مكتب المدير فين لو سمحت
محمود مد ايده لندي :انا محمود
ندي سلمت ببتسامه :اتشرفت بيك يا استاذ محمود وانا ندي بس ممكن اعرف المكتب فين
محمود :الشرف الكبير ليا بس انتي علشان تدخلي للمدير لازم يكون معاكي معاد الاول
ندي بصت ليه :معاد من مين وعلشان اي ؟
محمود ضحك :ما هو دا مدير الشركه مستر عاصي لازم تخدي معاد قبلها علشان تدخلي ليه
ندي بكذب :ايواااا فهمت ما انا وخده معاد قبل ما اجي متقلقش انت قولي بس فين المكتب
محمود :شوفتي السكرتيره اللي لبسه احمر اللي هناك دي
ندي بصت عليها :الجمده دي مين
محمود بضحك :دي السكرتيره روحي وعرفيها ان معاكي معاد وهتدخلي علطول لمستر عاصي
ندي :متشكره ليك جدا يا استاذ محمود تترد في الافراح انشالله ومشيت وهو ضحك علي عفويتها
ندي رات وقفت قدام السكرتيره
السكرتيره :نعم في اي ؟!
ندي بهمس:مالها البت دي مركبه وش خشب لي احمم ممكن ادخل لمستر عاصي
السكرتيره :في معاد ؟
ندي بكذب :ايوا في دلوقتي
السكرتيره :اسم حضرتك اي ؟
ندي :اسمي ندي
السكرتيره :بس معنديش مواعيد بإسم ندي خااالص يا استاذه
ندي :طيب يا انسه ادخلي قوليلو ندي عوزه تدخلك وبس
السكرتيره بقرف :ومستر عاصي هيعرف ندي منين بقا يا حلوه
ندي برفع حاجب :مالك يابت بتتكلمي بقرف كدا لي ما تتعدلي كدا في الكلام وبراحه علي نفسك كدا احسن تولعي وانتي وقفه
السكرتيره بغضب :انتي بتتكلمي معايا كدا لي انتي مش عرفه انا مين
ندي :هو في اي في ام البلد دي كل ما اكلم حد كلمه يقولي انتي مش عرفه انا مين انتي مين يا غاليه محصليش القرف واتعرفت علي جنابك قبل كدا
السكرتيره بغضب : دا انتي لسانك طويل بقا
ندي بغيظ فيها :بكون في شارع وهو في الشارع التاني وحياتك وراحت خبطت علي باب مكتب عاصي بغضب
السكرتيره :انتي ازاي تخبطي كدا انتي هبله
عاصي بصوت عالي وهو جوا:اييي اللي بيحصل براااا انا مش فاضي لحورات النسوان دي حلوها بعيد عن هناااا يلااااا
ندي فتحت الباب :دا انا
عاصي رفع عينه بص ليها وغمض عينه لما شاف لبسها وقام وقف
السكرتيره وهي مسكه دراع ندي :اسفه يا مستر عاصي هي دخلت غصب عننا والله حالا والامن هيخدوها وهتكون برا الشركة
عاصي بغضب :لو خد لمسها هنسفه دي مراتي وانتي برااا يلااا
السكرتيره طلعت في حاله خوف وصدمه
ندي بخوف من منظره :طيب يا كبير هجيلك في وقت تاني بقااا س سلام ولسه هتمشي
عاصي بغضب :ادخلي
ندي دخلت بخوف :انت مالك كدا شادد اعصابك لي فك كدا الدنيا مش مستهله والله
عاصي ساب الشغل وراح قفل الباب برجله وقفله بالمفتاح ووقف قدام ندي وقرب منها اووي ومشي ايده علي جسمها بجراءة
ندي بخجل بعدت بسرعه :عاصي اي اللي بتعمله دا ابعد
عاصي بص ليها بغضب :ولما هو انتي مكسوفه من نظرتي ولمستي ليكي وانا جوزك لبسه البس الزفت دا ليه بنطلون مفصل معالم جسمك وماشيه عادي الدنيا بتتفرج عليكي مش مكسوفه منهم
ندي بصت للأرض :اناااا انااا
عاصي بص ليها :مش انا قولت بلاش البس اللي مفصل الجسم دا يا ندي ليه مراتي حد غيري يشوف تفصيلة جسمها لي يا ندي طيب انا عارف انك صغيره بس انا بغير يا ندي والصغيره دي مش بتكون في كل حاجه الصغر والكبر ملهمش دعوه بأدب والاحترام واللي انتي عملاه دا غلط
ندي بدموع :انا اسفه
عاصي :مش بطلب اعتذار ليا انا بعرفك ان دا غلط انا جوزك يعني جسمك دا ملكي كله بس زي نا وعدتك مستحيل هلمسك غير وانتي اسعد مخلوقة في الدنيا ولبسه فستان ابيض بس لو شوفتك بمنظرك دا مره تاني مش عاوزك تلومي غير نفسك علشان ردة فعلي مش هتعجبك ودا تاني مره بحذر
ندي بعياط اترمت في حضنه :اياك تسيبني مهما تعبتك وضايقتك انا طفلتك يا عصبي بيه
عاصي ببتسامه وهو بيبادلها الحضن :وطول ما انتي طفلتي مش هكون عصبي ابدا علشان انتي تتحبي حتي وانتي معيطه وكئيبه كدا بس انا مش بحبك وانتي بتعيطي
ندي بعدت وبصت ليه ببرائه :يعني بتحب ضحكتي
عاصي بحب :ضحكتك دي كفيله تنسيني هم الدنيا كلها يا ندوشة قلبي
ندي :انت بتعنل اي بقا انا جيت عطلتك
عاصي :بالعكس جيتي في وقتك كنت هاخد راحه ربع ساعه ارتاح وارجع اكمل شغل تاني
ندي :مفيش راحه تعالي علمني اعمل حاجه معاك وانا اعملها
عاصي بضحك :حجات كلها انجليزي رمش هتفهمي فيها حاجه
ندي :بعشق الانجليزي وبعرف اقرأه يلا تعالي قولي اعمل اي وراحت قعدت علي المرسي بتاعه عاصي راح وقف جنبه
عاصي :بصي يا ستي مدام شطره انجليزي خدي الاب دا وخدي الملف دا وترجمي الايميلات وكل ما تخلصي واحد وريني علشان متغلطيش يلا
ندي قامت وقلعت الجاكت وكانت ببدي نص كم ابيض وقلعت الهيلز
عاصي بضحك :مش مطمن ليكي بتقلعي لي
ندي بضحك :علشان اخد رحتي يا حبيبي بس متنساش اخر اليوم ليا مرتب مليش فيه
عاصي باس خدها وهي قايمه :حياتي كلها ليكي
ندي بخجل وومزوج بمرح :انا مش عوزه حياتك انا عوزه عشين جنيه
عاصي :عشرين بس ؟
ندي هزت راسها :ايوا علشان اجيت 4 اندومي واحنا مروحين
عاصي بحب :امتي هنبقي في بيتنا ومفيش فرق بينا ننام براحتنا ونصحي براحتنا نشارك بعض جنونا انا فعلا بحلم باليوم دا
ندي بحب :قريب انشالله المهم يلا علشان نخلص بدري علشان تعشيني في مطعم بقا
عاصي بضحك :جايا بخساره يعني
ندي :عندك مانع ولا اي
عاصي رفع ايده علي انه مستسلم :وانا اقدر امانه يا بطل
ندي ضحكت وركزت علي الشغل وفضلت تترجم وتوري لعاصي وكان مبهور من سرعة تعليمها وتركيزها وكمل شغل وفعلا خلصو شغل كتير اووي عاصي كان متخيل هيخلص في يومين
عاصي بص عليها وهي قعده علي الكنبه مربعه رجليها ولاب قدامها وعلي رجليها الملف ومركزه بجديه قال بحب :فعلا تتحب في كل تفاصيلها
………………..
في المركز
محمد وقاسم واحمد والكل اتجمع
اللواء دخل : ازيكم يا ابطال وبص فين بتركيز فين غسان
غسان دخل بسرعه :معلش والله علي التأخير بس غصب عني اتكلمتو في اي
اللواء:لسه حالا كنت هبدء اتفضل يا حضرت المقدم
محمد :احنا حاليا مش عرفين حوار ادهم دا في اي ولا حتي عرفين القضية بتاعته متأجله لي لحد دلوقتي بس التأجيل دا مش طبيعي
غسان بتركيز :انا مع كلام محمد بالظبط بس اللي المفروض نستنتجه من الحوار ان ادهم مش فقير ومش صعب ان حد في دماغه يهرب دا لو عايز يطلع من السجن لكن هو موجود لحد دلوقتي
احمد :غامض بطريقه جامده تحسه متأكد انه مش هيتحاكم ولا شايل هم انه في قضية تخليه مؤبد في السجن
اللواء ببتسامه :ببساطه علشان ادهم ظابط في القوات الخاصه الايطاليه واللي اختار يترحل علي مصر مخصوص علشان يخلصنا من المافيا اللي خاربه الدنيا اليومين دول
قاسم ببتسامه :وهو دا اللي انا كنت متأكد منه دي الحاجه اللي اخدت بالي منها واحد عارف انه في قضية ممكن توصله لحبل المشنقه ورغم كدا عنده كمية برود رهيبه ودا اللي خلاني ابحث عن الموضوع
غسان :لما بحثنا مفيش اي سوابق عليه ولا اي دليل واحد يثبت عليه اي حاجه ودا اللي اكد لينا انه جنسيه غير مصريه
اللواء:غير كدا وغير كدا وزير الدفاع بنفسه بيأمورني بإفراج عنه ومدام الامر جاي من الدخليه يبقي ادهم مفروج عنه
غسان ومحمد وقاسم واحمد بصو لبعض وابتسمو
اللواء للعسكري :السجين ادهم هاتو هنا لينا في خلال دقايق يلاااا وفعلا العسكري نزل وخلال دقايق ادهم كان موجود في مكتب اللواء بس مستغرب هما بيبتسمو لي
قاسم بضحك قام حضنه :جوز اختي الاجنبي يا بشررر
ادهم بستغراب :جوز اختك واجنبي؟
غسان ببتسامه:العقرب الايطالي من اكفئ الظباط الايطاليه واللي اختار ينزل مصر بذات علشان يقدر يخلصنا من جرايم المافيا
محمد :واللي يقدر يخلي مقدم في القوات المسلحه ميشكش انك ظابط ويكون متأكد انك مجرم في المافيا ميبقاش حد عادي
ادهم بص ليهم ببتسامه :غسان ليا عندك بوكس
غسان بضحك :قلب ابيض بقااا
ادهم :انا قلبي ابيض والله بس كانت تيجي علي البوكس بس انت مسحت بيا البلاط قدام المدام الهيبه راحت خلاص
غسان راح عنده وحضنه :حقك عليا يا بطل بس انت اللي كنت راسم الدور صح اووي اللي فات مات وبيتي مفتوح ليك في اي وقت
ادهم بتعب من قلة النوم : تسلم يا كبير انا البيت بتاعي موجود بس ناقص مراتي وبص لقاسم
قاسم رفع ايده بستسلام :القرار قرار ياسمين مليش فيه انا لو عليا اجيبها ليك لحد البيت بس ترجع ليك او لاء دي بتاعتها هي
ادهم ابتسم :هترجع ليا انشالله بس انا بقولك خليها عندك الفتره دي علشان اللي جي انا مش مطمن منه
قاسم :انت بتوصيني علي اختي ولا اي
ادهم :انا عارف انك مش محتاج بس بلاش تعرفها ان طلعت وبلاش تعرفها الحوار خالص ممكن
محمد :متقلقش هي كمان عندها مفجأة ليك
غسان وقاسم بصو لمحمد انو يسكت :ياسمين هتعجنك لو اتكلمت
محمد بتصنع الخوف :انا كدا كدا معجون من مراتي مش هتفرق مين اللي عاجن بقاا
اللواء بفخر بيهم :انتو مش مجرد ظباط مرو علي تاريخ القوات المسلحه انتو معني كلمة قوه بجد تمسك غسان وقاسم ومحمد ببعض خلاني احسن ان في الدنيا لسه خير تدريب غسان للفريق بتاعه وانه مستعد يخسر حياته علشانهم عرفني معني كلمة قائد الفريق المفروض تتعلمو مننا بس الحقيقه ان احنا اللي بنتعلم يا ابطال
غسان ومحمد وقاسم وادهم واحمد بصو لبعض بفخر :احنا قدها ومش هنرجع غير لما كل مواطن مصري ينام مرتاح من غير خوف ولا قلق بإذن الله
محمد بضحك :اسمحلولي اروح لمراتي بقا علشان انا مش ناوي ادفن الصبح وطلع يجري
الكل ضحك عليه
……………………….
في الفيلا عند اسر
اسر اخد حبيبه وفي شريط علي عيونها وهو اللي بيحركها
حبيبه بضيق :اسر عيني وجعتني بجد شيل الشريط دا بقاا
اسر وهو ماشي بيها :يا بت اصبري انتي مستعجله لييه اتقلي تخدي شغل نضيف
حبيبه فضلت ماشيه معاه وفجأة وقف وشال الشريط من علي عيونها كان كل الدور الارضي من الفيلا انشطب وناقص العفش بس
حبيبه بنبهار :واو الالواااااان تهبل رقيقه اوووي خلصت كل دا امتي يا اسر
اسر بفرحه :بجد عجبتك
حبيبه نطت في حضنه بفرحه :انت بتسأل عجبتني ولا لاء دي فوق الجمال حلوه اووي بجد يعني بص هنا هنحط سفره كبيره وحوليها الكراسي وهنا هنحط البار والنيش مع بعض وفي الجنب دا هنحط اي
اسر ببتسامه وهو حاطط ايده علي كتفها :هنا يا ستي هنحط الصالون والركنه مع بعض
حبيبه :ايوااا والدور اللي فوق لسه مخلصش في حاجه اكيد وطلعت علي السلم واسر وراها دخلة اوضة من ضمن الاوض دي اوضة اي
اسر بحب :دي هتكون الاوضة بتاعتنا هنحط هنا السرير وفي الجنب الشمال دا هسيبه فاضي علشان لما يجي لينا بيبي نحط ليه دولاب صغير وسريره يكون معانا في نفس الاوضه علشان لما يعيط بليل نسمعه ونقوم نشوفه
حبيبه بحب :والجنب اليمين دا هحط فيه الدرسنج اللي طول عمري بحلم بيها هنتشارك فيها الهدوم البدل بتاعت الشغل بتاعك هعلقها مع هدوم الخروج بتاعتي وهدوم البيت بتاعتك مع بتاعتي ونجيب هدوم للبيت زي بعض ونلبس كل يوم جمعه ونسهر قدام التلفزيون علي فيلم رعب
اسر قرب منها ومسك ايدها بحب :بس انتي بتخافي من الرعب يا بيبو
حبيبه ببتسامه :لما بكون معاك مش بخاف من اي حاجه في الحياه بس بكون مركزه معاك ومع كلامك وبنسي الدنيا كلها بنسي حتي بابا والمذاكره بنسي العالم كله يا اسر
اسر حضنها بحب :انتي حبيبة القلب ورفيقت الروح يا حبيبة
حبيبه :نفسي افضل احلم في حياتنا كدا حتي الحلم معاك حلو يا اسر امتي بجد اليوم اللي هنكون فيه مع بعض وقتها كل همومي في الدنيا هتكون خلصت
اسر :لو ابوكي مفكر انه يقدر يمنعني وميجوزكيش ليا وقتها هخطفك ونبعد عن الدنيا كلها هنكون في دنيا فيها اسر وحبيبه وبس
حبيبه ضحكت ليه:طيب يلا نروح قبل ما بابا يوصل البيت
اسر بص في عيونها وباسهم و مسك ايدها ونزل بيها لتحت :يلااا
………………….
في بيت محمد
محمد فتح الباب براحه ودخل بهدوء :فين البت مراتي مش سامع ليها صوت لي لتكون راحت عند امها متخلفه وتعملها ودخلت علي اوضة النوم واتصدم من شكل يمني
يمني كانت شورت حرير لونه نبيتي وعليه بلوزه كت قصيره مبينه بطنها وسايبه شعرها وريحيتها تجنن
محمد بإعجاب :هو البطل دا في شقتي وكمان في اوضة نومي بيعمل اي لوحده ؟
يمني راحت نامت علي السرير بإغراء :لو سمحت اطفي النور علشان عوزه انام واااه طلعت ليك هدوم وجهزت الحمام لو عاوز تاخد شور او حاجه مهما كان انت برا البيت من امبارح برضو
محمد عرف انها بدأت تتمرد عليه قال بمكر :ايوا قولتلي بايت برا اااه يعني انتي زعلانه مني ؟
يمني بلا مبالاه :انا خااالص هزعل لي اساسا انت حر يا بيبي بس المختلف بقاا عندي ان لكل حاجه تمن وتقدير يعني انت تخرج تبات برا وتسهر براحتك وانت حر علي الاخر
محمد :والمقابل ؟
يمني بصت ليه :مش هتلمسني لمده اسبوع يا قلبي
محمد بضحك :وهو انتي مفكره ان الموضوع دا هيلوي دراعي يا يمنتي ولا اي ؟ وقال بتملك انا في الوقت اللي انا عوزك فيه هخدك فيه يا قلبي يعني مفيش داعي انك ترفضي او تقبلي بس انا سيبك برحتك مش اكتر
يمني بغضب :يعني اي في الوقت اللي عوزني فيه هتخدني فيه غضب عني يعني ولا اي ؟
محمد قلع التيشيرت بتاعه :لاء يا حبيبي بمزاجك وبرضاكي نجرب عملي بقاااا محمد قرب منها اووي ومسك ايدها وباسها بطول ايدها ومع كل بوسه بيعضها في دراعها
يمني بعدم سيطره :علي فكره دا مش عض ابعد وبتزقه
محمد قرب من رقابتها وباسها بطريقة رومانسيه ومختلفه اووي وهي حطة ايدها علي رقابته غصب عنها ومحند ايده بتتحرك علي جسمها بجراءة وايده علي التيشيرت بتاعتها وبيشيله عنها ويمني مستسلمه جدا لي وبعدين …
…………………….
في شقة عمر
عمر بتحذير :والله العظيم السلاح بيطول اهدي وحطي ميتين ام المسدس علي التربيزه
نورهان وهي مسكه المسدس في ايدها وبتشاور انه يرفع ايده :ارفع ايدك بس علي الطلقه تيجي تجيب النهايه الاول يا غالي
عمر رفع ايده :طيب انا عملت اي للعمايل بتاعتك دي يا نوري
نورهان :نوري انت فاكرني بتثبت يلاااا دا انا سوابق
عمر بستغراب :يلااا وسوابق؟
نورهان :لخص كنت فين يا زوجي يا قرة عيني قرة عيني اي دا انا هصفي عينك النهارده
عمر :والله كنت بايت في الفيلا عند غسان
نورهان :ايوا اللي هو ليه بقاا بايت عند غسان ليه مطلق ؟ مراتك زعلانه منك ؟ طرداك من البيت ؟تبات برا ماااشي وفرت مكان في السرير والبطانيه تقفل فوونك ليه بقاااا
عمر بستغراب ركز علي المسدس :مسدس ؟ انتي جيباه منين وراح شده بص ليها بغضب لعبه ؟يعني انا واقف شويه وهيغمي عليا من الخوف لطلقه تطلع تموتني والمسدس لعبه اصلا
نورهان بخوف وهي بترجع ورا :اهدي ياباشا دا انا كنت بهزر معاك انت فاكرني ممكن اعملك حاجه ولا اي يا راجل دا انت جوزي رجلي سندي وشيله اسمه وبدلع علي حسه وطلعت جري علي الاوضة
عمر مسكها من قفاها قبل ما تدخل الاوضه :وعليا النعمه هدبحبك االنسوان بتكبر تعقل وتربي اسره انتي حتي الاسره اللي عملتيها شتتي نصها
نورهان :انا شتت مين يا جدع متقولش كدا دا انا بحامي عنكو زي الارنبه اللي بتعافر في الثعلب المكار
عمر :اخفي اعمليلي اكل يا نورهان بدل ما اولع فيكي
نورهان بتلقيح :مكلتش عند غسان ليه يا حبيبي ولا ملحقتش
عمر بغيظ:انا بقول اقتلك واخلص منك
نورهان :يا روحي ما انت هتقتلني بعدين انت تدخل السجن وتتعدم وتموت وتيجي تحارب فيا في الاخره يعني هتكون دنيا واخره حرااام وجريت علي المطبخ
عمر بضحك :عوض عليا يارب انا كنت متجوزها اعقل من كدا والله ودخل ياخد شور
………………..
ياسمين مسكه دفتر كتابه وبتكتب اللي حساه
ياسمين ببتسامه :اول ما شوفتك في شاشة التلفزيون النهارده كنت نقطة جوايا صغيره هتكبر يوم بعد يوم لحد ما تكمل 9 شهور وتيجي تنور حياتي هحبك الحب اللي محدش حبه لحد في يوم هتكون كل حياتي الحاضر والمستقبل وكمان لما بابا يعرف ان حامل فيك انا متأكده انه هيفرح اووي وهنرجع نعيش في سعاده لاخر يوم في عمرنا انا متأكدة من دا قفلت الدفتر وحطيته تحت المهده وفضلت تتفرج علي صور ادهم وهو معاه علي الفون
………………
في قوضة نيرا
نيرا قعدة بتذاكر وفونها مبطلش رن :مبدهااش بقاا الووو
كريم بغضب :انتي مبترديش لييي ؟
نيرا :ايه البجاحه دي وارد عليك لي يا استاذ بصفت حضرتك ايه
كريم :اسمعي علشان شكلك من النوع اللي مش بيجي غير غصب انا جي مع جدي بكرا عند بيتكم ونقرء فتحه اتمني الكل يكون موافق علشان مش عارز اغصب علي حد وقفل الفون
نيرا بصدمه :الووو انت يا حماااار الزفت قفل في وشي طيب اعمل اي في المصيبه دي اقنع ماما ازاي طيب هو هيجي يقرء فتحه بكرا وامي مش موافقه ازاي الله يخربيتك يا كريم الزفت وقفلت الفون خالص وكملت مذاكره
…………………
في الشركة الساعه بقت 7 المغرب
عاصي قفل الملف اللي كان قدامه ورجع راسه لورا:ااااااه مش قااادر اتحرك يابت يا ندوش
ندي قفلت الاب ووقفت تميل جسمها يمين وشمال كانوع من التمرين :ولا انا بقيت قادره لحاجه في الدنيا واشتالت الاب والملف وراحت عنده خد كل الايميلات خلصت مبقاش حاجه
عاصي مسك ايدها وباسها :اسلم ايدك يا قمري تعبتك معايا النهارده اسف
ندي مدت ايدها ليه :العشين جنيه بقااا ؟
عاصي بضحك :انتي لسه مصممه علي العشين جنيه
ندي :شغلك قطم ضهري وكسر رقابتي ومش قادره اقف هو يستاهل اكتر من كدا بس انا علشان متواضعه بطلب عشين بس
عاصي بص ليها :انتي عرفه شغلك دا في وحده هنا بتاخد عليه 4 الاف جنيه علشان تترجم بس
ندي برقت :خدني مكانها وهاخد الفين بس والله ومنها اونسك كمان
عاصي باس ايدها الاتنين :لو اطول اخليكي قدام عيوني 24 ساعه هعملها بس انا محبش مراتي تتبهدل انا عاوزها ملكه عاوز ارجع من الشغل تعبان وهبطان وقرفان اترمي في حضنها وانسي كل التعب مش اروح انا وهي هنموت من التعب محتاجين حضن يلمنا
ندي بكسوف :طيب يلا قوم اكلني بقااا يعني مش هتديني العشين وقولنا ماشي لكن مش هتعشيني كمان هموتك يا عاصي
عاصي قام وقف ولبس الجاكت بتاع البدله :لاء يا قلبي هأكلك روحي البسي ام الجاكت علي ام البنطلون وانا عاوزها تتكرر تاني وقرب وشه منها وحياتك عندي يا ندوش لو لبستي بنطلون ملزق علي جسمك كدا لتتم جوازنا وفي اي وقت ومش هيهمني
ندي بصدمه وكسوف من كلامه :ت ت توبه مش هتكرر وراحت لبست وعدلت نفسها انا جاهزه يلا
عاصي وهو بيعدل هدومه :امشي يا غاليه قدامي كدا
ندي مشيت ببرائه :في اي ؟
عاصي بغضب :ميتينك بنطلون ابن**** عليا النعمه لو لقيتك لبسه امه تاني لتشوفي يا ندي
ندي بخوف من صوته العالي:خلاص يا عاصي قولتلك ماشي بس متعليش صوتك علشان بخاف من الصوت العالي
عاصي مسح وشه ومسك ايدها :يلااا يا هانم يلااا ونزلو علي العربيه بتاعته
عاصي :عوزه تكلي فين ؟
ندي :انا مش عرفه اماكن حلوه في مصر بس عوزه اكل في مكان يكون حلو وهادي كدا علي ذوقك
عاصي ابتسم ومسك ايدها :هوديكي مكان ولا في الخيال وشغل عربيته وراح علي مطعم ضاحي كابر
بعد وقت وصلو
عاصي نزل ونزل ندي ومسك ايدها ودخلو المل هناك كان بيحترم عاصي وبيرحبو بيه اووي
مشرف المطعم :منور يا عاصي باشا طربيزة حضرتك جاهزه
عاصي :متشكر جدا وراح قعد عليها وهو وندي
ندي بنبهار :المكان جميل اووي بس زحمه موووت بس انت دخلت علطول ازاي كدا
عاصي بغرور :انتي مفكره جوزك اي حد يابت ولا اي
ندي بضحك :براحه ياعم المتواضع مش كدا المهم هنا بناكل اي بيتزا وكدا ولا ازاي
عاصي :لا لا بيتزا اي بقااا انتي هنا تكلي اجمل شوربة كوارع وكفته ولحم خروف ومنبار فيكي يا مصر
ندي بقرف :يععع اي القرف دا يا عاصي انا بقولك جعانه مش بقولك اقلبلي بطني
عاصي :طيب اهدي بس عليا ونده الجرسون واخد طلباته وبعد شويه الحجات ايجة
ندي بقرف :انا مستحيل احط الاكل دا في بوقي انا عوزه اكل اكل من اللي اعرفه مش الحجات المقرفه دي
عاصي قام وقلع الجاكت بتاعه وشمر كمام القميص وقعد يقطع في الحمه :افتحي بوقك يلاا
ندي حطت ايدها علي بوقها :متحولش مش هاكل
عاصي :ولو قولت وحياتي
ندي فتحت بوقها بقرف وعاصي اكلها وهي بدأت تمدغ ومع كام لقمه عجبها الاكل اووي
عاصي :هااا اي رايك
ندي :جامد اووي الحجات دي حلوه اووي
عاصي :بالهنا علي قلبك يا قلبي وبدؤ يكلو وعاصي يفصفص اللحمه ويأكل ندي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حين تقع في الحب الجزء الرابع)
