رواية حياه صعبه الفصل العشرون 20 بقلم حور طه
رواية حياه صعبه الجزء العشرون
رواية حياه صعبه البارت العشرون
مدونة كامة
رواية حياه صعبه الحلقة العشرون
= عاكف مين اللي عمل فيك كده
علاء :ما تتكلموا ايه اللي حصل
=الحارس احنا ما نعرفش حاجه في عربيه وقفت قدام الفيلا نزلوا منها عاكف بيه ومشيوا على طول
حياه بخوف وعاكف شبه مغمى عليه في حضنها: عااااكف رد علياااا عاااااكف
هناء: حد يكلم الدكتور
جمال ينزل على اصواتهم ويشوف عاكف وهو في حاله لا يحسد عليها ابدا جمال و علاء سنده عاكف لحد ما طلعوه الاوضه والدكتور جاء
جمال :في ايه يا دكتور طمني هو كويس ولا محتاج ان احنا ننقل المستشفى
الدكتور: اطمن هو دلوقتي كويس الخدوش اللي على وشه سطحيه& في بس بعض الكدمات في ايده ورجله لكن الحمد لله ما فيش اي قصور وانا كتبت له هنا على شويه ادويه ياخدها وان شاء الله هيتحسن
جمال: متشكر قوي يا دكتور
علاء: اتفضل يا دكتور معايا& انا هروح اجيب العلاج واجي على طول
جمال :استنى يا علاء ما تخرجش انت& ادي الروجيتا لحد من الحرس يجيب العلاج وما فيش اي واحد فيكم يخرج من باب الفيلا
علاء :يعني ايه احنا هنتحبس هنا؟
جمال: لا يا ابني انا مش بحبسكم انا بس بحافظ عليكم لحد ما اخلص حسابي مع الك,لب اللي اسمه مراد
علاء: مراد مين؟
جمال :علاء اسمع اللي بقول لك عليه ما حدش فيكم يخرج من الفيلا لحد ما اقول لكم
جمال ينزل تحت وعلاء معاه
هناء: خلاص اهدي الدكتور طمني عليه ليه بتعيطي دلوقتي
حياه ببكاء: انا السبب &انا اللي وصلته للحاله دي ما كانش لازم اتجوز مصطفى
هناء :يا حبيبتي اللي حصل كان غصب عنك واكيد انت ما كانش قصدك & وبعدين انت ما لكيش دخل في الحسابات اللي هم بيصفوها مع بعضيهم دي
حياه: تفتكري هيسامحني بعد كل اللي حصل فيه بسببي
هناء: هيسامحك عشان هو كمان بيحبك واللي بيحب بيسامح واكيد هيجي اليوم اللي هيعرف فيه ان كل اللي بيحصل ده كان غصب عنك مش برضاك
حياه: هو انا ليه حلمي مستحيل مع انه بسيط جدا كل اللي انا بحلم بيه ومحتاجه هو اني اطمن ان اللي جاي من عمري بتاعي انا &وانا اللي اتحكم فيه مش حد ثاني واني اعيش الحياه اللي بحلم بيها مش المفروض عليا مش مضطره اقول اني استحملت حاجات كثيره حصلت في حياتي بس صدقيني خلاص حاسه ان طاقتي خلصت ما بقاش عندي القدره اني اتحمل اي حاجه تاني
صدقيني انا محتاجه اطمن اني بكره بتاعي انا
هنا :اللي جاي هيبقى بتاعك انت وهتعيشيه زي ما انت عايزه بس هي الدنيا كده لازم تختبرنا ولازم نكون قد الاختبار ونعديه وما نخليهاش مهما ضغطت علينا انها تضعفنا
حياه :انا تعبت من كتر الحرب من ساعه ما جيت الدنيا دي وانا بس بحارب فيها بس حسيت انها كسر,تني بجد لاول مره لما وقعت في فخ مصطفى ولما شفت الشخص الوحيد اللي قلبي دق له بيتوجع كل يوم وكل ساعه بسببي وبدل ما اكون سبب فرحه كنت السبب الاساسي لكل اوجاعه ومضطره اني ابعد عنه وهو قدام عيني
هناء تاخدها في حضنها وتحاول تهديها وبطمنها وهي محتاجه هي الاخرى من يطمنها ؟؟ !!
💫💫💫💫💫💫💫💫💫
جمال بصوت مرتفع :انت ازاي تفكر مجرد بس التفكير انك تسلط كلا,بك على ابن اخويا
مراد :وطي صوتك انت في بيتي& والتهمه اللي انت جاي ترميها في حجري دي مش بتاعتي روح شوف مين صاحبها
جمال: انت لعبة في عد,اد عمرك لما فكرت انك تقرب من ابن اخويا قابل بقى اللي جاي وحضر نفسك ليه قوي علشان جمال الهلالي اللي انتم مفكرين ان الزمن هدوا بعد ما فقد عيلته هيرجع لكم ثاني ويعرفكم كل واحد فيكم تمام فين
مراد: انت خلاص يا جمال انته,يت من زمان اللي انت فيه دلوقت مش اكتر من حلاوه روح ولو عاوز تحافظ على ابن اخوك تديني يونس وابنه وتخليك بره الموضوع ده
جمال يطلع مسد,س ويصو,ب بيه على الحارس اللي كان واقف جنبه: الط,لقه اللي اخذها الحارس بتاعك دي هي اول طل,قه هتخرج من المسد,سي والثانيه لما تيجي تخرج هيبقى مكانها في وسط دماغك لو ما بعدتش عن عيلتي انت فاهم
مراد: ما يغلاش عليك الحارس اللي انت صبته ده بس انا اول طل,قه هتخرج من مسد,سي مش هتكون في حارس هتكون في ابن اخوك ومش هتبقى في رجله هتبقى في دماغه
جمال :طيب خلي بالك من الطل,قه اللي هتخرج من المسد,سك ده لانها ممكن تعكس اتجاهها وتنهى عليك ف لحظه
💫💫💫💫💫 في صباح اليوم التالي 💫💫💫
حياه :على مهلك استنى هعدلك المخده ورا دماغك
عاكف :انت كويسه
حياه باستعراب :ليه بتسال سؤال زي ده
عاكف :اصل عينيك دبلانه اوي باين عليك تعبتيها من كتر العياط عليا
حياه ترفع حاجبها: ومين اللي قال لك ان انا كنت بعيط عليك
عاكف: انت عايزه تفهميني ان انت ما خفتيش عليا امبارح وما عيطتيش
حياه الارتباك: لا طبعا خفت عليك احنا مش اهل طبيعي نخاف عليك
عاكف: يعني انت خفت عليا بس علشان احنا اهل مش عشان بتحبيني مثلا
حياه: هنرجع تاني للموال ده تحب اكتبها لك فين علشان كل ما تقراها تفتكر ان انا قلت لك اني ما بحبكش
عاكف يتوجع بشده من الالم اللي في راسه
حياه بخوف: ايه مالك في ايه اكلم الدكتور
عاكف بابتسامه :واضح فعلا انك ما بتحبنيش
حياه بغيظ :على فكره انت عيل ايه تصرفات العيال دي
عاكف بضحك: والله انت شكلك كده هتجننيني هتخليني اعمل حاجات كتيره انا شخصيا بتفاجئ بيها
حياه ابتسامه :طب يلا علشان اديك علاجك
تدي له العلاج وتخرج لكن يمسك ايدها ويسالها :مين الراجل اللي كان مع مصطفى يوم ما اروح لك شقه اسكندريه
حياه بتوتر :راجل مين انت بتتكلم عن ايه
عاكف :ما فيش داعي انك تخافي مني لاني اكثر حد يخاف عليك انا عرفت ان مصطفى راح لك وكان معاه واحد وانه كان مصاب وانه في حاجه حصلت في الشقه بينكم احكي لي ايه اللي حصل
حياه تسيبه وتخرج من الاوضه بسرعه !!!
💫💫💫💫💫💫💫💫💫💫💫
الهام :انت بتعملي ايه هنا
هناء: ايه ده هو انت ما عرفتيش ان انا وعلاء هنعيش هنا
الهام : انت ازاي يا غبيه تعملي حاجه زي دي
هناء بهدوء: بلاش طوله لسانك دي وروحي اطمني على ابنك اللي من الواضح انك ما تعرفيش هو حصل له ايه امبارح
الهام :عاكف حصل له ايه انطقي
هناء:اهو عندك جوه روحي شوفيه& وبعدين لنا كلام مع بعض في وقت ثاني
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية حياه صعبه)
