رواية حياه صعبه الفصل العاشر 10 بقلم حور طه
رواية حياه صعبه الجزء العاشر
رواية حياه صعبه البارت العاشر
مدونة كامة
رواية حياه صعبه الحلقة العاشرة
=انت لو فكرت بس تقرب منهم انا ها,كلك باسناني
=قدامك اسبوع واحد بس وتخت,فوا من هنا الافضل لنا كلنا
هناء: انتم عايزين منا ايه ما تسيبونا في حالنا بقى دمرته مستقبلي وجايين دلوقتي عايزين تدمروا مستقبلهم
الهام :افهمي يا غبيه انا مش جاي اهد,دك ومش جاي علشان ااذ,يهم بالعكس انا عايزه احافظ عليهم وانت لازم تفهمي كلامي كويس قوي حياه لازم تبعد عن عاكف
هناء: هي اصلا بعيده عن عاكف الاثنين تقريبا ما بيطقوش بعض ومن اخر مشكله ما تقابلوش تاني
الهام تضحك بسخريه: عشان تعرفي انك نايمه على ودانك ولا دريانه باللي بيحصل حواليكي عاكف وحياه بيتقابله وتقربوا من بعض جدا مقدره حجم الخطر اللي احنا فيه بسبب اهمالك
هناء بصدمه: مستحيل حياه ما بتخبيش عليا اي حاجه اكيد ابنك هو اللي حاول يتقرب منها يبقى انت اللي لازم تبعديه
الهام: احنا مش جايين نشوف مين فينا المهمل احنا وقعنا في مشكله ولازم نحلها علشان البنزين لو اتحط جنب الكبريت هيعمل حريقه لا انا ولا انت هنعرف نطفيها
هناء: ولو افترضنا اني سمعت كلامك هقول لهم ايه علشان نمشي من هنا هم ما بقوش صغيرين كبروا عشان اقول لهم حاجه زي دي لازم يكون عندي رد مقنع والرد ده مش عندي
الهام بتفكير: انا هحاول اوفر لكم شغل في اسكندريه وانت اقنعيهم ان هم هنا حصل لهم مشاكل كثيره بسبب مصطفى وعاكف وانك خايفه عليهم تمام بس مش لازم اي حد يعرف انتوا هتروحوا فين فهماني طبعا
هناء: انت ليه بتساعدينا ايه مصلحتك انا مش فاهمه انت ليه بتعملي كل ده سبق وديتيني معلومات عن علاء وخليتيني اجمعهم مع بعض ليه بتعملي كل ده
الهام تلبس نظارتها وتتجه الى العربيه :استني مني تليفون عشان اقول لك هتمشي امتى
💫💫💫💫💫💫💫💫💫💫💫💫💫💫💫
مصطفى: لو تعرفي قد ايه وحشتيني
حياه: انت بتعمل ايه هنا
مصطفى :في حد يقول لحبيبه ايه اللي جابك هنا
حياه تشعر بان اليخت بيتحرك :خليهم يوقفوا اليخت حالا
مصطفى :انا مش عايزك تخافي مني انا مش هقرب لك غير برضاك
حياه: يبقى عمرك ما هتقرب لي
مصطفى: انا جاي لك بعرض جديد وانا واثق انك مش هترفضي هي المره دي
حياه :عروضك كلها مرفوضه بالنسبه لي ممكن توقف اليخت عشان انزل
مصطفى: انت ليه مش بتحبيني يا حياه عشان حاولت اقرب منك غصب عنك خلاص يا ستي انا عندي استعداد اعتذر لك واعمل اي حاجه ترضيكي وتخليكي تسامحيني
حياه استغراب من تحوله:ايه اللي بتحاول تعمله المره دي؟؟ لقيت العنفه مش هيجيب معايا قلت اخدها على الهادي
مصطفى: هو انا غلطت علشان بحبك انت ليه مش عايزه تصدقي اني فعلا بحبك وبجد عايز اعمل لك اي حاجه ترضيكي
حياه :تمام هقولها لك تاني انا مش عايزاك ومش بحبك ومش انا اللي اكون مع واحد متجوز
مصطفى: انا عندي استعداد اطلقها دلوقتي لو وافقت تتجوزيني رسمي قدام كل الناس قلت ايه
حياه: قلت وقف اليخت عشان انزل
مصطفى يقترب منها ويحاول ان يلمس شعرها :صدقيني معايا هحقق لك كل اللي بتحلمي بيه
حياه ترجع خطوتين الى الخلف: حلمي الوحيد اللي نفسي احققه انك تحل عن دماغي بقى وتفهم اني مش ليك ولا انت متجوز ولا انت مطلق
مصطفى: انا عايزك برضاك يا حياه فما تضطرنيش اني اخدك بالغصب
حياه :انا اهون عليا ارمي نفسي من هنا واموت ولا انك تلمس مني شعره واحده
مصطفى يحاول يقرب منها تاني ولكن يتفاجئ بعاكف امامه ولا يعرف من اين اتى وهو في عرض البحر
عاكف يمسك ايدو وبتحذير: لو حاولت تقرب من حياه مره ثانيه انا اللي هقفلق
ينهي كلامه ويمسك ايد حياه وينزلوا من اليخت الى زودياك ويتحركوا
مصطفى يا جن جنانه وي,كسر كل شيء من حوله :كل حاجه بتبقى معايا بتاخدها شغلي اخذته وابويا اخذته حتى اول بنت حبيتها خدتها ودلوقتي جاي تاخد الثانيه بس المره دي مش هسيبك تتهنى بيها ولا تاخدها مني تاني
💫💫💫💫💫💫في عربيه عاكف💫💫💫💫💫
حياه بسرعه :انا والله ما كنت اعرف ان هو هناك او حتى ان اليخت بتاعه انا جيت علشان انظم حفله
عاكف يقاطعها: ما تكمليش انا ما طلبتش منك تفسير لاني واثق فيك انا مش ممكن اشك فيك ابدا اطمني
حياه :طيب انت عرفت مكاننا منين
عاكف :لما قلتي لي انهم كلموكي عشان يرجعوك الشغل ثاني انا شكيت في الموضوع ده كنت حاسس ان مصطفى اللي وراه ولما رحت سالت عليك في الشركه قالوا انك رحتي تنظمي حفله في يخت ولما عملت تحرياتي بسرعه عرفت اني شكي كان في محله وان مصطفى هو اللي وراه الموضوع ده كله من البدايه
حياه: انا بجد مش قادره افهم هو ليه مش عايز يسيبني في حالي
عاكف بطمئنان : ما تخافيش طول ما انا جنبك مش هسمح لاي حد يقرب منك او يضايقك ثاني كوني مطمنه
حياه تنظر له براحه: انت فعلا انقذتني في الوقت المناسب شكرا
عاكف ابتسامه: لا كلمه شكرا مش كفايه عايزه مقابل
حياه :مش فاهمه مقابل ايه اللي عايزه مني
عاكف يوقف العربيه ويقترب منها قليل ويظهر لها بعيون تمتلئ بالحب
حياه كانت تحاول ان تضبط انفاسها من قربه: عاكف انت بتعمل ايه
عاكف يضحك بصوت مرتفع :ما تخافيش قوي كده المقابل اللي انا عايزه اني عازمك على الغداء انت وليان ومش عايز اي اعتراض
حياه باطمئنان: تمام علشان خاطر ليان بس
عاكف يتكلم وطفوله :بقى كده عشان خاطر ليان بس طيب وانا ده انا حتى غلبان
حياه تعلى صوت ضحكتها من شكله الطفولي
اما عاكف فكان غرقان في سحر ضحكتها
💫💫💫💫💫💫في المطعم💫💫💫💫💫💫
ليان: انا عايزه ايس كريم
عاكف :وانت يا حياه اجيب لك ايس كريم ولا عايزه حاجه تاني
حياه تقرص خدود ليان بابتسامه :انا هاخد زي حبيبه قلبي
عاكف يطلب من الجرسون الايس كريم
ليان ببراءه :انا بحبك قوي يا بابا عشان خلتني اقابل الحياه
عاكف بتلقائيه: والله انا واضح كده ان كوبري وسطيكم هي تقول لي هاجي علشان خاطر ليان بس وانت تقولي لي بحبك علشان بتخليني اقابل حياه هو ما فيش حاجه عشاني
ليان: كل حاجه علشانك يا بابا يا حبيبي المهم ان انت بتخليني اقابلحياه
يجي الايس كريم وياكلوه وبعدين يخرجوا من المطعم وعند عربيه عاكف تشعر حياه بدوخه وتسقط مغمي عليها
وبعد مرور الوقت قليل
عاكف بخوف: حمد لله على سلامتك انت كويسه دلوقتي
حياه تفتح عيونها ببطء وتحاول ان يخرج صوتها: الحمد لله
الدكتور :حمد لله على سلامتك يا انسه حياه
حياه :هو ايه اللي حصل
الدكتور :ما تقلقيش يا انسه ممكن بس اسالك كم سؤال
انت بتشتكي من اعراض السكر من امتى
حياه باستغراب : سكر انا ما عنديش سكر
الدكتور :لا انت ما عندكيش المرض نفسه انت بتجيلك اعراضه لما بتاكلي او تشربي سكريات فعندك في العيله حد عنده سكر
حياه لا تعرف اجابه هذا السؤال فهي لا تعرف اهلها ولكن اجابه الدكتور :ما اعرفش
الدكتور :شوفي يا انسه حياه كل الامراض اللي في الدنيا دي جزء منها كبير جدا بيكون استعداد وراثي وانت عندك استعداد وراثي لمرض السكر عشان كده الحلويات الكتير والسكريات ممكن تخليه السكر عندك يعلى بشكل ملحوظ ويؤدي للي حصل ده
عاكف بقلق :طيب يا دكتور تنصحنا بايه
دكتور: لازم الانسه حياه تبعد تماما عن السكريات الكثيره وتنتبه اكتر على اكلها وشربها
عاكف: شكرا يا دكتور ممكن نمشي دلوقتي
الدكتور :اه طبعا تقدروا تتفضلوا هي بقت كويسه دلوقتي
ليان: حياه انت كويسه انا خفت عليك قوي
حياه: ما تخافيش يا حبيبتي انا كويسه
عاكف يسندها ويركبها العربيه ويوصلها البيت
💫💫💫💫💫💫💫💫💫💫💫💫💫
هناء بانفعال: من امتى وانت بتقابلي بني ادم ده
حياه بتعب: تقصدي مين عاكف
هناء:ايوه عاكف بيه ايه العلاقه بينك وبينه
حياه :ما فيش علاقه ولا حاجه مجرد صديق
هناء بانفعال :ومن امتى واحنا بنصاحب الناس دي
حياه: في ايه يا هناء ليه كل الانفعال ده
هناء :علشان النوع ده من الناس مش بيصاحبك كده وخلاص بيكون عايز منك حاجه ولما ياخدها هيرميكي
حياه: عاكف مش زي مصطفى عاكف انسان محترم
هناء :وعرفت بقى منين ان هو محترم دول كلهم زي بعض بس طريقتهم اللي تختلف ومش بعيد يكونوا مترهنين عليك مين اللي هيوقعك الاول
حياه بعدم تصديق: انت بتقولي ايه عاكف مستحيل يبقى كده انا حسيت معاه بالامان
هناء تشد,ها من ذر,اعها بغضب: وحسيتي بايه ثاني يا حياه حبيتيه
حياه بتوتر: قلت لك حسيت معاه بالامان مش بحبه
هناء: اعملي حسابك ان احنا هنسافر وهنسيب المكان هنا وانا اتكلمت مع علاء وهو موافق
حياه :لا طبعا انا مش هسافر ومش هروح في اي حته
هناء: انا خلصت كلامي وانا وعلاء مسافرين ودلوقتي انت هتختاري يا اخواتك &يعاكف بيه
✍️✍️✍️✍️✍️بقلمي حور طه✍️✍️✍️✍️✍️✍️
تفتكروا حكايه حياه وعاكف هتنتهي قبل ما تبدا ولا القدر مخبلهم شيء ثاني 🤔
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية حياه صعبه)
