رواية حياتي في رواية الفصل السادس 6 بقلم نور محمد
رواية حياتي في رواية الجزء السادس
رواية حياتي في رواية البارت السادس
رواية حياتي في رواية الحلقة السادسة
فارس بخضه:نوور حاااسبي
انا سمعته بصيت فوقي لقيت الوزن ده نازل على رأسي مقدرتش اتحرك من الخضه
لحد ما حسيت حد بيسحبني بسرعه من عند الدولاب ده ثواني لقيت نفسي بين ايدين فارس او بمعني اصح في حضنه فضلنا كده فتره وانا من الخضه كونت بعيط وانا من حضنه ومش حاسه بالدنيا الى حوليا دي خالص
حسيت اول مره بالأمان عمري ماحسيته قبل كده وبحتواء ودفئ كاني طفله صغيره وبستخبى في حضن باباها علشان تحس بالأمان
بعدني عنه علشان يطمن عليا ويطمني كمان وكان بيبص في عنيا وقال
فارس بقلق:نور انتى كويسه متخفيش محصلكيش حاجه انا لحقتك بطلى عياط بقى
انا بصيت في عنيه بعنيا الى كلهم دموع وحسيت انو عنيه بطمني لحد ماهديت وفضلنا كده فتره محسناش بالوقت لحد ماسمعنا صوت الداده بتنادي
الداده:يافارس بيه العشاء جاهر تحت
فوقنا احنا الاتنين على صوتها وبعدنا عن بعض خالص وانا وجهي قلب احمر من الخجل
طلع فارس لداده وقالها
فارس:طيب ياداده جهزيه على السفره لحد ماجي
الداده:حاضر يابيه
انا طلعت وراه بعد ماداده مشت وكونت حنزل علطول بعد الى حصل لحد مالقيته بيقولى
فارس:نور انتى رايحه فين
لفيت ليه وقولتله..انا حنزل اساعد الداده تحت لو عاوزه حاجه
فارس بحنيه:لا الداده عندها شغالين كتير تحت يساعدوها وانتى شغلك هنا تساعديني انا في القصر بس
انا بخجل..زي ماتؤمر يافارس بيه
وبعدها نزلنا هو راح الجناح بتاعه ياخد شور وانا نزلت لاوضتي اخدت شور برضو واتوضيت وصليت الفرض الى عليا وقرأت وردي
دخل فارس اخذ شور وطلع راح لاوضه الملابس بتاعته ولبس بنطلون ازرق وعليه تيشرت موف اللون ونزل لغرفه السفره علشان العشاء
انا خلصت وردي ودق ناقوص معدتي تعلمنى انى لم اكل بعد
..اه انا جعانه اوي اتشغلت بالبيه طبعا ونسيت نفسي لا انا حقوم اشوف اي حاجه اكلها بسرعه قبل ما اتجنن
طلعت وروحت المطبخ علشان اكل ملقتش الداده هناك وانا مش عارفه حاجه في المطبخ الكبير ده والخدمين موجودين وانا اتكسفت اكلم حد منهم علشان معرفهمش ليسا
طلعت من المطبخ ومسكت بطني بوجع علشان بطني بتوجعني لما بجوع اوي
وكان فارس نازل من على السلم الكبير بتاع القصر ده بص لقاني كده خاف طبعا عليا اتجه نحوي بسرعه علشان يطمن
فارس بقلق عليا:نور مالك انتى كويسه حاجه بتوجعك
انا بصراحه استغربت قلقه الكبير ده عليا
واتكسفت اقوله كمان مالى ففضلت ساكته
فارس بقلق اكبر علشان مردتش عليه:نور انا بكلمك طيب اجيبلك دكتور لو تعبانه دلوقتي
رديت بكسوف وعنيا لمعت فيها الدموع ..انا بصراحه جعانه اوي وبطني بتوجعني لما اجوع كده
فارس بضحك:كل ده علشان جعانه يابنتي خضتيني عليكي طب تعالى معايا علشان ناكل
واخدني وروحنا على غرفه السفره وكان الاكل محطوط عليها
انا بصراحه بصيت للاكل كده نفسه الى اكلته المره الى فاتت ومعجبنيش قعدت وفضلت العب بالملعقه في الصحن قدامي بس
هو لاحظ ده فقال
فارس:في ايه مبتكليش ليه مش جعانه اوي
رديت عليه بملل..بصراحه الاكل ده طعمه مش حلو كأني باكل الهواء
فارس بضحك:ده اكل صحي علشان كده مفهوش بهارات وملهوش طعم قوي
انا بتزمر..بس انا عاوزه اكل فيه بهارات وليه طعم قوي كده علشان احس اني باكل
فارس:طب انتى عاوزه تاكلى ايه
..محشى وفراخ محمره
فارس نادى على الداده بعدها وقالها تجيب الاكل الى طلبته عشر دقايق والاكل وصل
انا من فرحتي بالاكل قعدت اغني زي الاطفال
..وصل وصل احلا واحد في الكون وصل وصل وانا عنيا على الاكل
وفارس كان بيضحك من قلبه على شكلى الى شبه الطفل الفرحان بالاكل الى قدامه
نزلت اكل لحد ماخلصت الى قدامي كله من الجوع وكان شكلى بريئ ومضحك في نفس والوقت
وفارس كان قاعد يتأملني كده بفرحه معرفش سببها ايه وانا بصيت عليه لقيته كده سرحت كمان في ابتسامته بصراحه هي مش تخطف القلب دي تسرقه منغير استئزان
قعدنا كده برضو فتره وحنا سارحين في بعض لحد ماحضرت الداده طبعا
(علفكره الداده دي قاتله الحظات الرومانسيه بتحضر علطول في الوقت الغلط 😂)
الداده:تأمر بحاجه تاني يافارس بيه
بعد مافقنا طبعا احنا الاتنين
فارس بتوهان:لا ياداده روحي ارتاحي الوقت اتاخر وانا حطلع ارتاح كمان
وبعدها بص عليا وانا وقال
فارس بحنيه:وانتى يانور ورحي ارتاحي كمان الوقت اتاخر علشان تصحي بدري
انا بصيت فيه كده بكسوف علشان كونت عاوزه اطلب منه طلب بس خايفه يكسفني
انا بكسوف وعيون بريئه ..هي انا عاوزه اطلب طلب بس وحيات ربنا ماتكسفني
فارس بتوهان من شكلى البريئ ده:اتفضلى
انا بعيون بريئه زي الاطفال ..انا كونت عاوزه يعني لو ينفع تاخدني معاك بكره اشوف الشركه بتاعتك وحكون مأدبه والله ماحعمل حاجه
هو سرح في شكلى ومقدرش يرفض طبعا فقال فارس بتوهان:ماشي بكره الساعه ٩الصبح تكوني جاهزه علطول
انا بعد ماسمعته فرحت اوي وقفت وفضلت اسقف ززي الاطفال وبعدها محستش بنفسي بعمل ايه قربت منه كده وبوسته في خده بوسه بريئه زي الاطفال
علشان انا متعوده بعمل كده لما بابا يوافق على طلبي علطول
بعد مافقت طبعا من الى انا عملته بقى وجهي زي الطماطم من الاحراج وجريت بعدها علطول لاوضتي جري علشان معرفتش حرد اقوله ايه 😳
فارس صدم طبعا من تصرفي ده ومكنش متوقع حعمل كده بس حس اني وقتها زي الطفله الفرحانه مع باباها وفرح اوي وقلبه فضل يدق اوي بعد مانا مشيت
فارس بتوهان وهو حاطط ايده على خده:انا اول مره احس بشعور كده وانا فرحان بيه اوي كده ليه
وبعدها قام وراح الجناح بتاعه علشان ينام واسلقى على سريره وفضل يحاول ينام بس قلبه فضل يفكره بتوهان بالى حصل من شويه لحد ماتعب تفكير ونام
(خلص اليوم على كده كفايه علشان بصراحه طولت اوي انا فيه 😂)
وحل يوم جديد ياحداث جديده في حياتي
استيقظت مبكرا من فرحتي فأخيرا سوف اذهب لرؤيت شركه في الحقيقه
دخلت الحمام اخدت شور سريع واتوضيت وطلعت لبست سدال من عندي كان ضيق من فوق وواسع من تحت بالون البنفسجي الفاتح وكان حلو اوي عليا ولبست عليه طرحه بالون البنفسجي الغامق علشان طبعا انا محجبه اديت فرضي طبعا وقريت وردي
وروحت على غرفه السفره علشان اشوف فارس نزل والا ليسا
فالقيته قاعد بيفطر بكل هدووء على السفره
روحت عنده وقولت
..صباح الخير يافارس بيه
رفع نظره ليا باندهاش من شكلى الى كان زي الحوريه من جمالى
فارس بتوهان:صباح العسل 😉
انا بخجل..انا جهزت زي مانت قولتلى بدري اهو
فارس:طب انتى فطرتي الاول
هزيت رأسي بمعني لا
فارس:طيب اقعدي افطري الاول وبعدين نروح
قعدت بعدها وفطرنا وبعدين طلعنا من القصر ركبنا عربيته وانطلقنا بيها لشركته
وصلنا الشركه ياجماعه انا وفي العربيه وببص عليها لقتها شركه كبيره اوي والا ناطحه سحاب كده
نزل فارس الاول وبعدين انا دخلنا الشركه انا ادهشه من الى شفته لقيتها حاجه في منتهي الجمال والشياكه عمري ماشوف زيها قبل كده
فضلت امشي وراه وانا ببص يمين وشمال ومستمتعه بالى شايفاه اوي لحد ماوصلنا عند
اسانسير كبير اوي عمري ماشوفت زيه في حياتي وجنبه كان في اسانسير تاني بس صغير عليه
وقف فارس عند الكبير ده وانا وقفت جنبه علشان معرفش حاجه هنا طبعا لحد مافتح باب الاسانسير ده وانا فضلت واقفه كده ومتحركتش خالص
وبعدها بصلى فارس كده وقال
فارس بحنيه:يالا يانور ادخلى.
انا فضلت كده اوقفه بخوف وقولته
.. بصراحه انا عمري ماركبت اسانسير قبل كده فخايفه شويه يعني ممكن نطلع على السلالم احسن
فارس بضحك:سلالم ايه الى نطلع عليها يابتي انا مكتبي في الدور العشرين
انا عنيا وسعت من كلامه وبلعت ريقلى وانا بتخيل انى بطلع لهناك بسلالم
فارس بحنيه:متخافيش يانور مدام انا معاكي
واخد بايدي وطلعنا في الاسانسير ضعط على مفتاح الاسانسير على رقم العشرين وقفل بعدها باب الاسانسير وطلع بينا
انا بعدها من خوفي فضلت اضغط على ايد فارس بقوه شويه وقفلت عنيا وهو كان بيبص عليا ويبتسم
علشان انا كان شكلى زي الطفله الى طالعه لعبه اول مره مع باباها وخايفه اوي
وهو كان فارحان بالشعور ده معايا لحد ماقرب مني كده وطبق بوسه خفيفه على خدي خلاني فتحت عنيا اوي من تصرفه ده ووشى بقى احمر من الخجل
وصلنا وفتح باب الاسانسير طلعنا روحنا لمكتبه دخلنا كده . شوفت مكتبه كان كبير وحلو اوي فيه مكتب كبير وانتريه جميل خالص وفيه صوره كبيره فوق مكتب فارس ليه كان مز فيها جنتل مان اوي
قعد فارس على مكتبه وبعدين نادي عليا وشاورلى على الكرسي الى قدام مكتبه انا روحت وقعدت عليه وانا عنيا بتتفحص المكان من جمال
لحد مادخل السكرتيره انجي دي
انجي بمياعه:صباح الخير يافارس بيه
ووبعدها بصتلى كده بغيظ وغيره معرفش ليه
فارس بهدووء:صباح النور يانجي
انا بعدها بصيت لفارس باستغراب
وقولتله بصوت واطي..هي مين البت المسلوعه المفعوصه دي
فارس بضحك على كلامي:دي تبقى السكرتيره بتاعتي انجي
انا رجعت بصتلها باندهاش من منظرها علشان ياجماعه كانت لابسه فستان ضيق كده وقصير كمان كان كاشف اكتر ماهو ساتر في جسمها
بعدها قومت بعصبيه لحد عندها وفضلت الف حوليها كده شويه
هي طبعا استغربت من تصرفي ده وفارس كان بيضحك عليا ومتكلمش ومتابع بس
انجي باستغراب:في ايه حضرتك بتلفي حوليا كده ليه
فارس بضحك:سبيها دي بتستكشفك بس متخفيش 😂
وبعدين وقفت قدامها كده وبايت عليا الغضب وقولتلها..هي انا ممكن اسئل حضرتك سؤال
انجي ببرود:اتفضلى
..هو الخياط الى حضرتك عملتى عنده الفستان الحلو ده خلص من عنده القماش قبل مايخلصولك
هي اتقلب لونها من الاحراج من سؤالى ده وفارس انفجر ضحك على كلامي
انجي بغيظ:خياط لا ياحبيبتي مخلصش بس دي الموضه والا انتى مسمعتيش عنها قبل كده
انا ببرود..لا مسمعتش عن الموضه التوفير في الهدووم دي سمعت عن موضه الهددوم الكامله المحتشمه بس 😂
هي كانت حتفرقع مني خلاص فقالت
انجي بغيظ وغضب:فارس بيه انت معاك اجتماع دلوقتي كمان عشر دقايق حضرتك
فارس بضحك ليسا:ماشي ياانجي روحي انتى حضريه وانا جاي
خرجت وهي غضبانه اوي وراحت على مكتبها
وانا رجعت بكل هدووء على مقعدي وبعدين قولتله..انت ازاي مستحمل المرقعه دي عندك هنا
فارس:مالها يعني هي بتشوف شغلها كويس هنا وانا ميخصنيش حاجه تاني غير كده
انا بصيتله بغيظ وغيره معرفش ليه وقعدت بعدها ساكته
هو قام علشان يحضر اجتماعه وقالى
فارس بجديه:انا حروح احضر الاجتماع دلوقتي وانتى اقعدي هنا لحد مااخلص انا مش حطول واوعى تطلعى فاهمه
انا بعيون بريئه..حاضر بس متطولش
هز رأسه وهو خارج بمعني ماشي
انا فضلت في الكتب بملل اروح واجي اروح واجي وهو ماجاش ليسا وانا الفضول كان بيكولني عاوزه اروح استكشف الشركه بقى
انا ودبدب في الارض برجلى زي الاطفال..هو ليه طول كده في اجتماعه ده عدي ساعه ومجاش وانا حموت وانزل اشوف الشركه بقى انا حنزل بس مش حبعد عن هنا حشوف بسرعه وارجع قبل مايجي
ونزلت فعلا بس على السلالم علشان ليسا خايفه اركب الاسانسير ده فضلت انزل لحد مانفسي اتقطع
وبعدها كده وصلت في دور كبير كان فيه مكاتب كده كتير صغيره قسم الحسابات مكتوب عليه وانا عجبني شكله اوي وكان فيه موظفين كتير اوي فضلت امشي وسط المكاتب دي ومكنش حد فاضي حتي يلاحظني
لحد ماوصلت لاخر الدور ده وليسا حلف ارجع بسرعه علشان فارس ميزعلش اني مشيت لوحدي
لقيت حد كده كان ضخم اوي وبيخوف ولابس بدله بالون الاسود انا اتخضيت منه اوي لما سمعته بيقولى
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حياتي في رواية)
