رواية حياتي في رواية الفصل الخامس 5 بقلم نور محمد

رواية حياتي في رواية الجزء الخامس

رواية حياتي في رواية البارت الخامس

رواية حياتي في رواية الحلقة الخامسة

قرب منى كده وبص على شكلى المتبهدل صحيح متبهدل.. بس العسل عسل حتي لو قام من نومه قرب كمان مني لحد ماشعرت بانفاسه على خدي وكان خلاص حيبوسني في خدي لولا طبعا اني فتحت عنيا من الخوف
اتنفض بسرعه لما لقاني اتعدلت وقال
فارس بخضه:لا شغلك حلو يانور الجناح بيبرق من النظافه فعلا
انا بخجل ..شكرا يابيه عاوز حاجه تاني اعملهالك
فارس:لا شكرا بس بقولك ممكن لما نكون سوى ومحدش من الخدم موجود تقوليلى يافارس عادي كده حستريح اكتر
انا وخارجه من الجناح..زي ماتحب يافارس
خرجت وانا بحاول اداري كسوفي من الى حصل علشان محدش من الخدم يشك في حاجه بيني وبينه نزلت بعدها لاوضتي اخذت شور واتوضيت وغيرت هدوومي وصليت الى فاتني من فرض وقعدت اقرأ وردي
اماهو فدخل الحمام اخذ شور وطلع غير هدوومه لمنطلون قطن اصلى لونه اسود وتشيرت رمادي اللون نصف كم ونزل لغرفه السفره بتاعته ونادى على الداده امنيه
فارس بصوت عالى:ياداده امنيه ياداده امنيه
خضرت الداده فورا
داده امنيه:نعم يابيه
فارس:حضريلى الاكل ياداده علشان جعان اوي
داده امنيه:حاضر خمس دقايق والاكل يجهر وكانت خلاص حتمشي من قدامه نادي عليها تاني
فارس بقلق:ياداده هي نور اكلت من الصبح معاكم
الداده:والله يابيه من ساعه ما جت قالتلى عاوزه ادوات النظافه علشان تنضف الجناح بتاع حضرتك منزلتش منه غير من شويه كده وراحت على اوضتها علطول وليسا فيها مخرجتش تاني
فارس:طيب خلى حد يجيب الاكل ياداده وانتي روحي ناديلى عليها عاوزها
الداده:حاضر يابيه فورا وراحت علشان تنادي عليا
انا كونت خلصت وردي وروحت على سريري علشان ارتاح صحيح كونت جعانه موت بس تعبانه اكتر وجسمي كله واجعني كمان سمعت بعدها صوت الداده بتنادي عليا من خلف الباب
الداده:يانور يابنتي فارس بيه عاوزك حالا في غرفه السفره
انا سمعتها قومت بتعب وروحت فتحت الباب وقولتها..حاضر ياداده
ورحت اشوفه وانا في الطريق
..والله ماتعبني غير الموصلات الى في القصر ده بين كل اوضه والتانيه مشوار كده من اول
بلدنا لاخرها
وصلت عنده وهو بياكل ووقفت جنبه كده وقولت
..فارس انت ناديت عليا عاوز حاجه حضرتك وكان شكلى باين عليه التعب اوي
بصلى كده وبعدين قال
فارس:اه اقعدي كلى معايا
رديت بتعب..شكرا بس انا مش جعانه انا بس استأذن حضرتك اروح ارتاح شويه بس
فارس بضيق:انا قولت اقعدي كلى الاول وبعدين روحي ارتاحي
بعدها قعدت وامري لله مسكت الملعقه علشان اكل بعد اول معلقه من الاكل اتغير لوني لان الاكل مش ليه طعم والا ريحه اصلا كده كانك بتاكل الهواء
بص فيها واستغرب
فارس باستغراب من شكلى:مالك الاكل معجبكيش والا ايه
انا بصراحه اتكسفت اقوله
..لا بالعكس ده حلو اوي
فارس:طيب يالا خلصى الاكل كله مدام كده
انا فضلت ابلع في الاكل باغصب لحد ماخلصته كله مانا استاهل كان لازم اقول الحقيقه برضو
..الحمد لله انا شبعت انا حروح ارتاح ساعتين بس حضرتك عاوز حاجه قبل ماروح
فارس:لا روحي بس الساعه سبعه باليل كده الاقيكي قدامي ماشي
..حاضر بادقيقه سلام عليكم وروحت لاوضتي واترميت على سريري وكأني منمتش ليا سنه من التعب
عدا بعدها ساعه في اتنين والساعه 7الى عشره بس. وانا ليسا نايمه في احلامي الورديه واذ بالباب الاوضه بتاعتي يخبط وانا ليسا نايمه وفضل يخبط كده كتير لحد ماقومت في الاخر مفزوعه من صوته
..ايه في ايه حصل ايه القيامه حتقوم والا ايه
طلعت اشوف مين الى بيخبط وانا كونت فاكرها الداده امنيه علشان هي علطول بتجي تنادي عليا طلعت علطول منغير مالاحظ اساسا انا لابسه ايه بس حطيت الطرحه على رأسي حط كده وفتحت الباب وانا النوم على عنيا
..ايوه ياداده فارس بيه عاوز حاجه دلوقتي والا ايه
وانا مش واخده بالى مين الى كان واقف على الباب وسارح فيا اوي من شكلى كده
فارس بتوهان:لا المره دي فارس بيه بنفسه جاي يصحيكي ياهانم
انا بعد ماسمعت صوته قدامي فتحت عنيا اوي من الصدمه وفضلت كده مصدومه انو قاعد قدامي كده على الباب
فارس بضيق:ايه حتفضلى قاعده بالشكل ده كتير والباب مفتوح
انا بعدها فقت من صدمتى دي وافتكرت انا كونت لابسه ايه اصلى كونت لابسه بجامه قطن نص كم بالون الاسود فكونت طالعه فرسه فيها بصراحه وبعدها من الكسوفي قفلت الباب في وشه علطول ودخلت لبست سدال من بتوعي وجريت افتحله تاني علطول علشان بصراحه مش زوق الى انا عملته ده
فتحت الباب ببص ملقتوش قولت
..ايه الى هببتيه ده يانور ده باين حيطلع عينك من الى عملتيه ده
طلعت روح في المطبخ لقيت الداده ومعاها باقيه الخدم بيجهزو العشاء روح عندها وسئلتها
..ياداده متعرفيش فارس بيه دلوقتي فين اصله كان قايلى عاوزني دلوقتي
ردت عليا الداده وقالت:تلاقيه يابنتي دلوقتي راح اوضه التمرين بتاعه علشان شوفته من شويه كان متعصب وهو لما بيتعصب بيروح هناك
انا بلعت ريقى بصعوبه بعد ماقالت متعصب وقولت في بالى
.. دا انتى حتتنفخي يانور النهاردا ربنا يستر بقى
رديت بعدها وقولت
..طب ياداده ممكن تقوليلى هي اوضه التدريب دي فين هنا
قالت لوحده من الخدم الى موجودين معاها
الداده:روحي ياهبه خذيها لاوضه تدريب البيه
راحت معايا هبه الله يسترها وورتني مكانها ومشت علطول
..طب استني ادخلى معايا الاول حتسبيني لوحدي بس ملحقتش تسمعني حتي طارت علطول
دخلت انا الاوضه دي لقيتها مركز تدريب مش اوضه ياجماعه فيها كل ادوات الجيم الى ممكن تتخيلوها فضلت امشي في المكان بدور عليه لحد مالقيته كان قدامه كيس كبير كده متعلق وهو نازل فيه ضرب
انا بصراحه سرحت واتخيلت انى انا الى مكان الكيس ده وبيضرب فيا انا كده
لحد ماصرخت بصوتي كله من خيالى ده وقولت
..لااااااااا
اتخض هو من صوتي وبص شافني بالحاله دي خاف طبعا عليا جه جري عليا واخذ يفوق فيا ويقول
فارس بخوف:نور مالك في ايه حصلك حاجه
انا بعد مافقت بصيت عليه قدامي وكان باين انه خايف عليا اوي
انا بكسوف ..لا مفيش حاجه
فارس بطمئنان:طيب انتى ايه الى جابك هنا
..انا بصراحه جايه اعتزر ليك من الى حصل تحت عند اوضتي
فارس بضيق:محصلش حاجه طيب مدام انتى هنا تعالى ساعديني في تدريبي
انا هزيت راسي معني حاضر ومشي هو انا مشيت وراه لحد ماوصل عند آله كده وتسطح عليها وشال الحديد الى على الآله دي وقال
فارس:نور ممكن تجيبي من الاوزان الى هناك دي وشاورلى على دولاب كده من حديد عليه اوزان كتير كل الاحجام..هاتي من الاوزان الى تحت دي الاول وحطيهم في الاوزان الى برفعها
انا هزيت رأسي معني حاضر وجريت جبته الوزن ده وحطتهوله زي ماأمر وفضلت كده فتره وانا اجيبله في الاوزان لحد مانفسي اتقطع
روحت عنده بعدين وقولت
..اجيب تاني ليك يافارس بيه
فارس بتعب:اه هاتلى ده وشاور على وزن اكبر شويه في نفس المكان
روحت اجيبه بس بصراحه كان تقيل عليا فضلت احاول اشيله وكان الدلاب ده الى فوقي بيتهز وانا مكنتش واخده بالى منه
لحد ماكان في وزن كبير فوقي حيقع عليا
عند فارس كان مستني لحد ماطولت شويه انا عليه ساب الى في ايده وراح عندي يشوف اتأخرت ليه لحد ماشاف الوزن ده كان خلاص يقع على رأسي جرى بسرعه علشان يلحقني
فارس بخضه:نوور حاااسبي
انا سمعته بصيت فوقي لقيت الوزن ده نازل على رأسي مقدرتش اتحرك من الخضه