رواية حياة قلبي الفصل الخامس عشر 15 بقلم نورا فريد
رواية حياة قلبي الجزء الخامس عشر
رواية حياة قلبي البارت الخامس عشر
رواية حياة قلبي الحلقة الخامسة عشر
اسما حطة ايديها على رأسها و مركزة في اللى بتعملوا لكن رفعت راسها لقت محمد واقف قصادها و مسك الرسمة اتصدم لم لقها رسماه اسما اتحرجت و اتوترت محمد قفل الرسمة و راح حطها على جانب
محمد نظر لى البنات بغضب: هو مش قولت مفيش كلام ولا زفت في محاضرتي و من رغم كده اتكلمتو
دكتورا احنا م
محمد: حذرت مرة و اتنين و تلاته حصل ولا محصلش اتفضلو بره سمعتووو اللىى قولتو بررة
البنتين نظروا لى اسما بكره و غضب خرجوا البنتين
محمد نظر لى اسما بهدوء: و انتي ياريت اللي حصل مبتكررش ركزي ياما متحضريش المحاضرة دى
اسما بتوتر: انا والله مكنتش
محمد بهدوء: اول و اخر مرة تحصل تمام يا اسما
اسما: اول و اخر مرة
محمد رجع مكانه و نظر لى الطلاب كانوا بينظرو على اسما فيهم منهم اللى فرح ان محمد مطردهش و في منهم اللى كان نفسو محمد يحرجها و يطردها
محمد: ياريت نبص قدمنا و نركز شوية انتوا الاربعة كده اطلعوا بره و اتكلمو براحتكم يلااا
و طالعو البنتين و الشابين محمد نظر ليهم بغضب و رجع كمل المحاضرة و كل شوية ينظر لى اسما اللى لاول مرة تحس احساس وحش اوي
خلصت المحاضرة و اسما خارجة من الكلية
خلاص بقا يا بنتي ما هو من تصرفك و توترك ده بتقولي لى اللي ميعرفش يعرف و بعدين هو مش رجع ليكى الرسمة
اسما: انا مكنتش عايزة يحصل كده انا اتحرجت
في حد يقعد جانب نوال و هالة كويس جدا ان هو اللى سحب الكراسة منك هاله أو نوال لو كانوا خدوها كان ها يبقا شكلك اوفرر اوى و مش بعيد تكرهي تجي الكلية… على فكرة هو كمان بيحبك اووى
اسما: بتتريقي
والله ابدا باين من نظرته ليكى انو بيحبك حتي طريقته معاكي مميزة عن بقيت الطلاب واحد غيرو كان زعق و حرجك قدام الكل باينة اوى انا بيحبك
اسما: ما هىى المصيبة بيحبني و مش عايزني في نفس الوقت فاهمه حاجه
ابقا كدابة لو قولت فاهمه
اسما قعدت بحيرة و حطت ايديها على وشها: ولا انا فاهمه هو بيعمل معايا كده ليه لو بيحبني بجد ليه بيبعد و بيحط مسافات بينا
ريم : و حلو كده لم تقعدي في حيرة اسما يا حبيبتي الحزن مش ها يغير حاجة يمكن تعبان أو خايف عليكي خايف عليكي عشان كده بيهرب منك
اسما: مش مهم انا مش ها حرق دمي عليه يلا نمشي
ريم بابتسامة: يلا
ريم ركبت عربيتها و اسما اتصلت بى سامح بس اعتذر
محمد من غير ما ينظر ليها: اركبي مش عايز اسمع اعتراض الكل مشي مفيش غيرك يلا
اسما: انا حره هركب اؤبر
محمد: مش بكرر كلامي كتير اركبي
اسما نظرت ليه بغيظ و ركبت العربية و رزعت الباب محمد ركب هو كمان و اتحرك بالعربيه
اسما بدون ما تنظر ليه : اول مرة نكون لوحدنا غريب القدر ده
محمد: مع ان مش فاهم كلامك و مش عايز افهم بس انتي زى اختي يا انسه اسما
اسما: اختككك ازاي افهم بس كفااااية بقا حرام عليك يا محمد حرررام عليكك انت و انا عارفين إحساسنا تجاه بعض ف متعملش فيها اهبل لاني فاهمك كويس جدا ممكن اعرف اخرت اللى بتعملو ده ايه ( و تقول بحزن) لدرجة دى شايفني وحشة قولي ايه اللي فيا يخليك تعاملني بالطريقة دى كويس و كل حاجة بس بتبعد عني حتي في تصرفاتك تحاول تخليني اكرهك بس اللي متعرفوش انى مش عارفه انساك ولا ابعد عنك
محمد وقف العربية بعنف: فكرك ده ساهل عليا انى ابعد و اعمل ولا اكني شايفكك ساهل لاا يا اسما انا كمان بتعذب و يمكن اكتر منك و بيم اننا بنتكلم وش لوش و على المكشوف ااه يا اسما انا بحبك و من زمان بحبك لدرجة انتي مش متخيلها بس لازم ابعد عنك فكرك لم نتجوز هبقا نفس الشخص هبقا نفسي ما يمكن لم نتجوز تكرهي اليوم اللى حبتني فيه و تكرهي حياتك و تتمني انى اموت بسبب قسوتي عليكى و ظلمي ليكى انا مش عايزة اللى حصل مع اختي يحصلك انا مقدرش اشوفك خايفه مني ولا كرهني انا بعمل كده عشان خايف عليكي
اسما بذهول: خايف عليا من مين خايف عليا منك خايف عليا من نفسككك و مين قالك انك هتعذبني مين قالك اني ممكن اخاف منك محمد انا لو خوفت من الدنيا كلها مستحيل اخاف منك ولا اكرهك
محمد: حبي ليكي عد الحدود لكن مينفعش نكون مع بعض انا مش الشخص الصح ليكى انا هاذيكي يا اسما صدقيني
اسما نظرت ليه و نزلت من العربية بغضب محمد نزل وراها
اسما: هههههه حكمت على نفسك و حياتنا بمجرد ما شوفت معاملة ايان لي اختك طب ليه مبصتش على السبب الرئيسي ليه مبصتش على معاملة باباك لى مامتك ليه دايما عايز تصدر الوحش اللى من اصلو مش فيك ليه ليه عايز تحط مسافات بينا ليه يا محمد.. محمد انا تعبت والله العظيم تعبت تعبت منك و من تفكيرك الغلط دى مش طريقه شخص عاقل دى طريقه
محمد: شخص معقدة و مريض نفسي مش كده احسبيها زى ما انتي عايزة اللي اعرفو انى مش مستعد اكون سبب وجعككك و تعستك
اسما نظرت ليه : انا عايزة امشي
اسما ركبت العربية و محمد ركب و اتحرك بالعربيه و كان الصمت سكن بينهم بعد وقت اسما طالعت على بيت خالتها و محمد فضل ينظر عليها لحد ما اختفت رجع راسه لى وراء و غمض عيونه بحزن و هو بيتذكر شكل حياة و اثر الضرب و الحزن على وشها
محمد بحزن: نفسي اكمل عمري معاكي بس مينفعش مقدرش اوجعك ولا اذيكي اكتر من كده مش ها قدر اشوف نظرة كره في عينيك ليا ولا اقدر اشوف خوفك مني مقدرش اجرحك صعب يا اسما صعب يا حبيبتي
أما في منزل سلوى في غرفة اسما اسما مشغالة الاغاني و واقفة بترقص على السرير
سلوى دخلت على الصوت واقفة مصدومة: البت اتجننت بت يا اسما انتي يا بت
سلوى طفت الاغاني: هو مش انتي على وش امتحانات ولا انا غلطانة بدل ما بترقصي كده ذاكري كلمتين مالك شكلك متعصبة
اسما: مفيش يا خالتي بس المادة مش عايزة تتلم
سلوى: والله ما فى حد عايزة يتلم غيرك انزلي من على الزفت ده و كلمني زى الناس
اسما نطت: نعم يا سوسو يا قمر
سلوى: مالك يا حبيبتي اول مرة اشوفك كده انتي بنتي فكرك يعني بعد السنين اللي عشتيها معايا مش ها فهمك قوليلي ايه اللي بيكي ايه اللي مخليكي مش شايفة قدامك انا مش ها قول لحد حتي امك يا بنتى متوجعيش قلبي عليكى كفاية الأربعة اللى فوق
اسما مسحت دموعها: مفيش حاجه يا خالتي انا كويسة بس مخنوقه شوية
سلوى: طب عيني في عينك كده
اسما بدموع: انا كدابة انا مش كويسة يا خالتي مش كويسة
و حكت اسما لى سلوى أما في منزل اهل حياة في غرفة محمد محمد نايم على قدم ايمان
محمد بحزن: مش عارف اللى عملتو صح ولا غلط بس انا عملت بالصوت الصح قولتي لى مصطفى يا تتجوزها ياما تبعد عنها انا بعدت يا امي بعدت و انا قلبي وجعني في الحالتين هاندم انا اموت ولا دامعة تنزل من عيونها بسببي هى تعبت كتير مش ها بقا و الزمن عليها
ايمان: و انت فكرك كده حميتها انت كده دمرتها اكتر و دمرت نفسك و برضو بتعيد نفس حكاية اختك ليه عملت كده محمد انت مش وحش ولا زى ايان كل لم ابص في وشك اقول انك احن عيالي و اعقلهم قولت كده لى مصطفى عشان عارفه دماغو هو كمان خوفو مسيطر عليه بس انت و اسما غير سلمي و مصطفى
محمد: ربنا يسعدها و يوفقها مع حد احسن
ايمان: انت فعلا اتجننت يا محمد بصراحة هى معاها حق في دى ازاي تتخلي عنها بالسرعة دى
محمد: انا متخلتش يا امي انا حميتها مني و من قسوتي عليها انا مش ها ستحمل اشوف نظرة كره في عينيها ولا نظرة خوفها مني
أما عند اسما فهي بتعيط بحضن سلوى
اسما: عارفه انو بيقول الكلام ده من وراء قلبو بيحبني بس مش عايزني مش عايزني اكون حياة اتنين انا بس اللي وجعني انى مش عارفه اكره لان مفيش اي حاجه تتكره فيه
سلوى: مش مصدقه نفسي البت اللي كانت تجرني وراها عشان تاكل و تستخبة دلوقتي بتحب بس اقولك الصراحة عرفتي تختاري و برضو اللى حصل لى اختو مش ساهل
اسما قامت بعصبية: بس محمد مش بيتخلي عن حد زى يحيى ولا بيوجع و بيدوس على اللى بيحبهم زى ايان ولا خلي من المشاعر و همو نفسو و بس زى اخو محمد مشش زيهم يا خالتي مش زيهم و قولي لي اختك ان بنتها تموت ولا تتجوز مش ها تجوز غير اللى بحبو غير كده تنسي مش ها تجوز غير محمد زى ما انا متأكدة انو مش ها يحب ولا ها يكون لى غيري
سلوى: بلاش الثقة الزيادة دى ل تقعي على وشك مش كل اللى بنحبو لازم يكون لينا كلامي صعب لكن لازم افوقك من حلمك عشان متتوجعيش هو معاه حق
اسما سكتت و نامت و في المساء فى غرفة اسما واقفة قدام المرايا
اسما بتنظر لي سنسلة مكتوب عليها اسمها: اموت و اعرف مين اللي بيجبلي هدايا كده دى رابعة هديه تجيلي النهاردة ميكونش معجب و مكتوب عليها اسمي ده شكلو عارف تفاصيل كتير انا مش عارفها عن نفسي بس شكلها يجنن ممكن يكون ايان أو مامي اللى جيبنها… و ايان ها يجبلي ليه و امى اصلا شوية و تتجن بسببي اومال مين ممكن يكون عفريت ممكن مم ممكن
اسما حطت السنسلة في العلبة و حطيتها في الدولاب و نامت و بعد شوية
اسما بصرخ: اااااه
يا تري مين الغلط فيهم محمد ولا اسما
بارت خاص بى محمد و اسما رايكم بصراحة في شخصيات الاتنين
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حياة قلبي)
