رواية حياة رحمة الفصل الثامن 8 بقلم مارلي إيهاب
رواية حياة رحمة الجزء الثامن
رواية حياة رحمة البارت الثامن
رواية حياة رحمة الحلقة الثامنة
مديحة و يوسف راحوا المستشفى يوسف بسبب الضرب و مديحة بسبب الصدمة اللي خدتها
يوسف كان كله كدمات ووقف بره مستني الدكتور يخرج من عند مامته
وبعد ساعة خرج الدكتور وقال…. مع الاسف الصدمه سببتلها شلل كلي
يوسف وسعاد بصدمه…. ايه
الدكتور….. ربنا يمد ايده و يشفيها بعد اذنكم
ومشي الدكتور
يوسف سكت وسعاد بكت… يا حبيبتي يا ماما
اما جني بكل جحود قلب قالت…. انا عايزة الفلوس والدهب اللي اتسرق مني
يوسف بعصبية… ده وقته ما كلنا اتسرقنا ولا مش واخدة بالك
جني بعصبية و ردح…. لا يا حبيبي انا مليش فيه اتسرقتوا متسرقتوش لو الفلوس مجتش انا هروح ابلغ عنها
يوسف بصدمة… انتي عايزة تحبسيني
جني بعصبية… انا مالي يا بابا انا عايزة مالي و حاجتي انا مليش فيه
يوسف مسح وجهه بغيظ وقال….. خلاص انا هجبلك حق الحاجه بس انتي اصبري فترة يا جني
جني بضيق… اما نشوف اخرة القرف دي اية
انا مروحة
يوسف بعصبية… مش هتقعدي تطمني علي امي
جني بضيق…. وهي امي ولا امك انا ماشية مش ناقصة امك كمان
مشيت وهو اتصدم من كلامها
اما في قطر كان يتحرك الي الاسكندرية
كانت تجلس رحمه وهي تتذكر ما حدث وما اتفقت عليه مع حمو
فلاش باك
بعد ما نزلت سوق راحت ندهت علي واحد اسمه حمو
حمو… يانعم
رحمة بهدوء….. عايزك في مصلحة
حمو بسخرية…. مصلحة ايه اللي تجي من واحدة ست
رحمة بهدوء…. هديك عشر تلاف جنية بس تعمل اللي اقولك عليه
حمو… ها قولي
رحمة… تخلي واحد من رجلتك يحدف بكره الصبح الساعة تسعة طوب علي ازاز البلكونها اللي انا هبقي فتحها ويشتم ويهين يوسف ويخليه ينزل الشارع ويمسك فيه هو وكذا راجل معه وتضربوه واكيد امه ومراته. واخته هينزلوا وره ومتخلهوش يطلع اي حد غير لما ارن عليك او عليه تسبوه
حمو بسخرية… ليه ياست رحمة
رحمة بهدوء….. لية دي بتاعتي انا بس مش بتاعة حد تاني
حمو… ماشي بس الفلوس فين
رحمة بهدوء…. بكره هديهملك
حمو بضحك…. بس بتحبي جوزك اوي بتعزية
رحمه….. جدا
حمو بخبث…. طب لو قولتلك حاجة تانية توديه في ستنين دهية
رحمةبهدوء…. ايه هي
حمو… جوزك لما كان شغال معانا هنا وسابنا احنا مصورينه وهو لمواخذه بيبع المخدرات علشان وقت ما نحتاجه ما يقدرش يرفض هتجيبي خمس تلاف جنية وهجبلك الفلاشة
رحمة بهدوء….. موافقة اعملي بقي نسختين منها
حمو…. وماله يا ابلة انتي تؤمري بس ليه انا لا انا ممكن اروقهلك
رحمة بهدوء… انت ممكن مينزلش علشان هيخاف م
منك ومن شكلك لكن انا عايزة هو واهله ينزلوا
حمو… خلاص يا ابلة اللي انتي عايزة
رحمة… هات رقمك في ورقة علشان امشي
حمو.. كتب رقمه علي التلفون وادهلها
وهي مشيت والابتسامة ملت وجهها
وطلعت عملت الاكل وخلصت وبليل بعد ما ناموا كتبت الجواب بهدوء وحطته في الشنطة لغاية الصبح تطلعه ومنمتش ابدا طول اليوم
والصبح اول ما الشكلة بدات دخلت اوضتها اللي جني اخدتها وقلبت الدولاب وطلعت الفلوس اللي فيه والفلوس اللي جوزها عاينهم وفتحت شنطتها طلعت منه الدهب بعد ما لقتهمش في الدولاب
ودخلت اوضة حماتها اللي عارفة انها بتشيل طول عمرها الفلوس وعيناهم تحت البلاطة كيس مليان فلوس وطلعت بردوه الدهب واخدته
اما سعاد مكنش معها غير دهب بتاع 100000 جنية خدته
وحطتهم في شنطة سفر صغيرة واخدت شنطة هدومها ونزلت من باب العمارة التاني واتصلت علي حمو اللي جهزت فلوسة في شنطة لوحدها
وهو كلم الشاب و خلاه ساب يوسف
ورح حمو قابل رحمة اللي ادتله الفلوس وقالت… عدهم يلا بسرعه علشان امشي
حمو… مفيش دعي. للعد انا واثق انهم مظبوطين
رحمة…. تمام انا همشي
واخدت نفسها والشنط. ومشيت وراحت علي المحطة وركبت اول قطر قبلها وكان طالع اسكندرية
باك
رحمة بابتسامة…… حقي وحق عذابي الخمس سنين وحق كل دمعة وقهر نزل مني وحق حرماني من ابسط حقوقي الاكل معاهم انا هقهرهم بالفلوس لانهم ميستهلوش غير المعاملة دي
وانا اللي اتأخرت علي ما اخدت موقف
التنسان كرامه وانا اللي خلتهم يمرمغوا كرامتي في الارض قصاد عيني ومن غير ما اتكلم انا فعلا استاهل اللي حصل لان ابويا يما قالي بلاش يا بنتي وانا الحب اللي خدني ياما قالي هتضربي نفسك بالجزمة وانا مسمعتش غير عقلي
يارب سامحني واغفرلي علي اني في يوم كنت هموت كافرة واغضبك بسبب شخص يارب سامحني
ربنا يرحمك يابا انت وامي
بعد ساعة وصلت اسكندرية ونزلت بهدوء ومشيت في شاورعها وركبت تاكسي وقالت سان ستيفانو لو سمحت يا سطي
الاسطي… حاضر يا ابلة
وبعد نص ساعة وصلت ارقي المناطق في الاسكندرية سان ستيفانو ومشيت وكل عمارة تسأل علي سكن
لو سمحت في شقة مفروشة للأ يجار
لا يا استاذة.
طب ما تعرفش القي فين هنا
في عمارة اخر الشارع عليها رقم 112 دي. بتآجر شقق مفروشة
… اه شكرا وفضلت ماشية لاخر الشارع لغاية ما شوفت الرقم 112 وسالت البواب وهو قالي
ايوه فعلا بس يعني حضرتك هتقعدي. فيها لوحدك
رحمة بهدوء… ايوه حضرتك شايف معايا حد
البواب…. ايوه بس يعني حد من اهلك جوزك اي حد يبقي معاكي في الشقة
رحمة بهدوء… اولا انا مطلقة وثانيا معنديش اهل هنخلص ولا هتفضل ترغي معايا كتير
البواب…. اه طيب هكلم صاحب العمارة والكلمة الناهية ليه
رحمة… طيب بس بسرعه
البواب طلع تلفونه واتصل علي صاحب العمارة
وهو قاله خليها تطلع
البواب… اتفضلي معايا يا مدام
واخدها علي الاسانسير وطلعوا للدور السابع
ودخل وكان مكتب كبير
دخلت معه وهو خبط علي باب المكتب
وسمعت الاذن وبعدين دخلت ورا البواب وشافت راجل في اواخر التلاتينات
وسيم جدا عيونه بني فاتح وشعره ناعم وجسم رياضي وبشرته بيضاء وطويل القامة
نظر ليها بهدوء وقال… روح. انت يا يا فهمي.
فهمي… امرك يا يا بيه
وخرج فهمي
هو… اتفضلي يا استاذة
رحمة… شكراً وقعدت بهدوء وقالت… متاح شقق للايجار
هو…. طيب الاول انا هنا مش. بسكن واحدة ست لوحدها
رحمة لسه هتقطعه لقيته بيقول…. ولا حتي شاب ولا راجل لوحده ممكن اعرف حضرتك بقي عايزة تقعدي لوحدك ليه
رحمة بهدوء… انا مطلقة او علي وشك الطلاق واهلي متوفين وسبت اصلا المحافظة بتاعتي وجيت هنا علشان ابعد شوية
هو بهدوء….. طيب انا هكتب العقد بس بشروط معينه يعني. اي حاجه تصدر منك غلط تسئ للعمارة ولا ليا
لسه هتعترض هو كمل كلامه…. او حد من العمارة اشتكي منك في حاجه او عدم سداد الايجار اللي هيكون 3000 جنية شهري
رحمه بهدوء…. انا مش بتعامل مع حد علشان حد يشتكي واكيد مش. هسئ للعمارة لان قبلها هكون بسئ لنفسي اولا وبنسبة للايجار هدفعه كل اخر شهر
هو… يبقي اتفقنا
انا اسمي كرم السيوفي محامي
رحمه بهدوء…. رحمة رفعت ولسة مش. بشتغل
كرم بهدوء… وهل ناوية تشتغلي
رحمة بهدوء….. اكيد امال هدفع الايجار منين
كرم… انتي معاكي كلية
رحمة بهدوء…. لا
كرم باستغراب…. معهد
رحمة بهدوء…. لا اعدادية
كرم بهدوء…. بس دي حتي لو اشتغلتي اي حاجه مش هتغطي علي مصاريف الايجار ولا حتي اكلك وشربك
رحمة بهدوء….. انا هفتح مشروع هنا وهشتغل في ملكي مش ملك حد
كرم بهدوء ومحبش يطفل اكتر من كده…. تمام
وطلع العقد وابتداء يمليه وفي النهاية مضوا الاتنين عليها وهو خد نسخة وهي كذلك
وطلع مفتاح الشقة وقال… لو حبه تغيري الكالون براحتك
رحمة بهدوء… تمام
رحمة قالت.. اي شقة
كرم بهدوء…. اتفضلي معايا
اخدها ووطلعوا الدور التامن وفتح الشقة اللي هتقعد فيها وكانت جميلة جدا جدا وهي انبهرت بيها وفرحت انها هتعيش في مكان زي ده
كرم… عجبتك
رحمة بهدوء… جميلة جدا
كرم… طيب لو لقيتي اي حاجه في الشقة مش شغاله ياريت تعرفيني
رحمة ابتسمت…. تمام وشكرا
كرم…. العفو بعد اذنك
رحمة بهدوء…. اتفضل
خرج كرم ورحمة كانت تقف تنظر الي الشقة بفرح
ودخلت الاوضة اللي قبلتها وكانت اكبر اوضة في الاوض وشافت الدولاب جرار وكان شكله جميل جدا
مسكت شنطة الهدوم ورصت فيها الهدوم اما شنطة الدهب عانتهم كويس في الدولاب بمفتح. كان في الدرج اللي في الدولاب وخدت فلوس كافية واطمنت علي الشقه علشان لو فيها اي شئ محتاج تصليح ونزلت تحت وسالت البواب… متعرفش حد بيبيع كالون باب 🚪
البواب….. لا يا باشا مش موجود. هنا تركبي تاكسي يودكي السوق تجيبي اللي انتي عايزة من هناك
رحمة بهدوء…. طيب متعرفش حد سمسار محلات
البواب… انا يا ابلة اؤمري
رحمة بهدوء…. الامر لله شوف انا عايزة محل يكون كويس وفي منطقة في شغل هفتح مكل ميكب اب ويكون المحل ايجار ولو لقيت الشغل فيه كويس هخده تمليك تعرف تجبلي واحد بس يكون كويس وفي نفس الوقت بسرعة
البواب… من العين دي قبل العين دي انا قدامي واحد جميل اوي وقريب من البيت والمناطق دي. شغالة يعني والرجل عليها بسبب انها في محلات كتير والناس شغالة هنا في محل ورا البيت علي طول فاضي وصاحبة عرضه للبيع علشان مسافر بس مش هيأجر لانه عايز يسافر بس اضمنلك ان المحل ده قدامه سعد وهو كان شغال عليه والناس رايحة جاية وبعدين مشروع حضرتك هينجح لان الستات هنا بيحطوا مشاء الله علي طول مفيش واحدة بتمشي من غير سنفرة علي خلقتها
رحمة كتمت ضحكتها… وقالت… وعايزة بكام بقي
البواب… ميه وخمسين الف
رحمة بهدوء…. بس ده كتير
البواب… اصل ماشاء الله. المحل كبير يا ابله
رحمة بهدوء… طيب هروح اجيب كالون للباب وانت شوف حد يركبه وهبقي اجي معاك انهارده توريني المحل
البواب… امرك يا ست هانم
رحمة مشت ووقفت تاكسي وركبت وقالته عايزة اروح السوق لو سمحت
التاكسي… اي واحد يا استاذه
رحمة بهدوء…. اللي بيتباع فيه كاولين الباب
التاكسي… تمام يا استاذة
واخدها فعلا علي السوق وفضلت تسأل لغاية ما وصلت للراجل واشترت كالون للباب وركبت مع نفس التاكسي اللي رجعها تاني المنطقة بتاعتها
وقال البواب… نروح نشوف المحل علي ما الراجل اللي هيركب الكالون يجي انا كلمت صاحب المحل وقالي في اي وقت تحبي حضرتك تروحي تشوفيه
اصل سايب معايا مفتاح المحل
رحمه… طيب تمام تعالي نشوفه
البواب… حاضر يا ابلة… ولا ياسيد خد بالك. من المكان علي ما اجي يا ولا
سيد…. حاضر يابا
البواب…. اتفضلي يا ست الكل
اخدها البواب علي المحل وشافته وكان كبير جدا وجميل وكان عليه الارفف بتاعته ومكتب صغير موجود
رحمة… الحاجة اللي فيه دي هتفضل فيه
البواب… لو مش عايزها ابعها يا ابلة
رحمه بهدوء… لا بسال علشان عايزها
البواب… لا هو بايع المحل بالي فيه
رحمة بهدوء… خلاص قوله اشتريت بس بميه وتلاتين مش هدفع جنية زيادة يا كده. يا تشوف محل تاني
البواب… حاضر يا ابله هكلمة
رحمه بهدوء… تمام
البواب… خرج كلمه عشر دقايق بره وبعدين دخل وقال…. مبروك عليكي المحل يا ابلةو
رحمة.. شكرا تعالي شوف الراجل ده جه ولا لاء
البواب… وماله يا ابلة اتفضلي معايا وففل المحل
ورجعوا علي الشقة كان الراجل واقف مستنية وطلع معاهم ومسك الكالون ركبه واخد 100 جنية ورحمه طلعت 200 جنية ادتهم للبواب ودخلت بهدوء الشقة وهي حاسة براحة ودخلت تتطمن علي الفلوس
وكانوا موجودين طلعت 130000 الف للمحل واخدت دهب سعاد علشان تبيعه وتجيب حاجات المحل
وسابت الحاجة جنبها ونامت من التعب
♥♥♥♥♥♥♥♥♥♥♥♥♥♥
اما عند يوسف اخد امه روحها البيت كانت تبكي بشدة وهي علي كرسي متحرك ولم تقدر ان تحرك انش بجسدها
يوسف نايمها علي السرير وكان الليل قد حال وجني معملتش حاجه
يوسف بهدوء…. روحي يا سعاد جيبي اي حاجه امك تاكلها
سعاد… طيب يا اخويا
خرجت وهي مفكره ان جني عملت اكل ولكن مفيش حاجه خرجت متعصبة وقالت….. انتي معملتيش اكل ليه يا بت انتي قاعدة زي قلتك قومي انجر اعملي اكل لامي
جني ببرود قامت وصفعتها علي وجهها قلم رن وصرخت سعاد من الصدمه
وجني قالت ببرود… انا مش رحمه يا حبيبتي لا فوقي كده. واقفي عوج اتكلمي عدل انا يا حبيبتي قادرة اخليكي تنزلي تبوسي رجلي علشان ارحمك ما تخليش جناني يطلع عليكي ها انتي اللي هتخدميني وابقي اعترضي بقي علشان ارميكي انتي وامك في الشارع
سعاد بصدمة… مستحيل يوسف يقبل بكده.
جني بتشفي… هيقبل اقولك ليه لانه كاتب مؤخر بنص مليون واكيد مش هيكسب كرهي علشان خاطركم يا حبيبتي اعقلي الكلام كدة في دماغك هتلقي ان معايا حق يلا غوري من وشي
سعاد دخلت بصدمه وقالت لاخوها…. انت كاتب مؤاخر نص مليون
يوسف بضيق… ايوه ليه
سعاد حكت ليوسف علي كل حاجه وهو مسح وشه بضيق… ده حقيقة لان انا اصلا مش معايا المبلغ ده دا غير الفلوس والحاجة اللي اتسرقت
سعاد بغيظ…. دي عايزة تشغلني خدامة عندها يا يوسف
يوسف بضيق…. هو انتي هتعملي الاكل وتنضفي الشقة فين الخدمه في كدة
عرفت ان اخوها مهما تقول مش هيفرق معه خرجت راحت المطبخ وعملت سندوتش جبنه لانها وجبته وقالت… اكلها دي اللي موجود دلوقتي
يوسف اكل والدته السندوتش
وهي خرجت ودخلت اوضتها وكلمت سعد بصوت واطي وقالت… ده كل اللي حصل
سعد بانبهار…. يابت اللعيبة عملت كل ده فيكوا ومحدش كان يتوقع انها يطلع منها حاجه زي دي لا بجد انبهارت
سعاد بغيظ… في ايه يا سعد انت التاني انت بتجنني ولا بتوسيني
سعد بخبث… ما انتي لو كنتي جبتيه عندي مكنتيش اتسرقتي يا سوسو
سعاد بغيظ….. انت عايز تجنني
سعد بخبث…. قومي تعالي وانا هنسيكي كل شئ تعالي كده كده محدش هيركز معاكي او قوليلهم اي حاجه
سعاد… ماشي
وخرجت وشافت يوسف خارج من اوضة مديحة
رسمت الحزن علي ملامحها وقالت… انا هنزل اتمشي شويه يا يوسف
يوسف بهدوء…. طيب
سعاد…. واحتمال لو زهقت من المشي اقعد علي البحر او اروح لوحدة من صحابي
يوسف…. تمام
خرجت سعاد ومشيت بهدوء لغاية بيت. سعد وفتحت الباب ودخلت كان هو في الغرفة النوم وكان يلبس بنطلون فقط اسود
دخلت وحطت الشنطة وجريت عليه وحضنته علي السرير وهي تبكي وبتقول الدهب راح يا سعد. ده. 100000 الف لما اشتريته شوف في الغلي ده. يوصل لكام
سعد بخبث… معلش يا حبيبتي تتعوض وبعدين. احنا هنقضيها حزن احنا عايزن نفرفش كده.
وقبلها بهدوء وهي قبلته وابتداء يمسح دموعها بشفتيه وهي. مستسلمة تماما قرب اكتر منها وقبلها مره اخره علي شفتيها
وفعلوا ما حرمه الله
😢😢😢😢😢😢😢😢😢😢😢😢😢😢
في البيت صحيت رحمة علي صوت خبط. الباب ونظرت لنفسها ولقت نفسها نامت بالهدوم اللي عليها
قامت تفتح الباب وشافت البواب
رحمة بنعاس… نعم
البواب… صاحب المحل جهز العقود واقف الامضة والفلوس
رحمة بنعاس… طيب هجهز وهنزلك
البواب.. براحتك. يا ست هانم بعد اذنك
رحمة… اتفضل
ونزل وهي قفلت الباب ودخلت اخدت شاور ولبست هدومها وجهزت الفلوس ونزلت للبواب واخدها وراحوا المحل
وصاحب المحل قال…. اتفضلي يا فندم المحل نور
رحمة بهدوء… شكرا
اتفضل ده. 130000 الف زي ما اتفقنا
صاحب المحل…. انا لولا اني مسافر وعايز اخلص بسرعة مكنتش رديت انزل عشرين الف مرة واحدة
رحمة بهدوء….. المحل لسة محتاج تبيض ومحتاج شغل حضرتك وكدة كويس اوي علية
صاحب المحل….. علي العموم مبروك عليكي. اتفضلي امضي علي العقد
رحمة قرات العقد ووبعدين مضت وهو مضي
وقال… الف مبروك بكره تروحي تسجلية في الشهر العقاري
رحمة ابتسمت… مبروك عليك
صاحب المحل…. يارب يكون قدمه سعد عليكي بعد اذنك
رحمة… اتفضل
رحمة وقفت في المحل بفرح وقالت للبواب… هات انت المفتاح اللي معاك
البواب طلع المفتاح
رحمة…. بكرة هجيب اقفال تانية للمحل بكاولين جديدة
البواب… اللي انتي عاوزه يا ابلة
رحمة نظرت بفرح. للمحل…. احمدك واشكرك يارب.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حياة رحمة)
