رواية حياة بقت حياتي الفصل السابع 7 بقلم ساسو محمد
رواية حياة بقت حياتي الجزء السابع
رواية حياة بقت حياتي البارت السابع
رواية حياة بقت حياتي الحلقة السابعة
وقعدت تفكر كده لحد
ما سمعت صوت ناديه مامت مراد
صفاء : ليكي واحشه والله يا ناديه
ناديه : وانتي كمان والله يا صفاء
صفاء : تشربي شاي ولا قهوه زي عادتك
ناديه : قهوه طبعا
صفاء : طب هقوم اعملها واجي
ناديه : لا ياختي انا بحبها من ايد حياه
صفاء : للاسف حياه نايمه
ناديه : خلاص هشربها من ايدك بقي
صفاء : طيب ياختي
وقامت عملتها ورجعت
صفاء : القهوه
ناديه : تسلم ايدك
صفاء : قولي بقي اللي عندك
ناديه : دايما فهماني كده
صفاء : احنا عشرة عمر يا ناديه ف طبيعي اكون فهماكي
ناديه : طب بصي ياستي احنا كنا عند اختي من اسبوع زي ما انتي عارفه
صفاء : اه في حاجه حصلت
ناديه : الصراحه اه
صفاء : خير اي اللي حصل طمنيني
ناديه : مراد فاجأنا وطلب ايد ياقوت بنت اختي
صفاء بفرحه : الف الف مبروك يا حبيبتي ربنا يكمله علي خير
ناديه : والخطوبه كمان 3 اسابيع
صفاء : ربنا يتمله علي خير
ناديه : يارب ، عقبال ما تفرحي ب حياه وحازم يا حبيبتي
صفاء : يااارب
ملحوظه : ناديه متعرفش ان حياه مش بنت صفاء عشان لما سكنوا جنب ناديه كان مهدي لسه متجوز صفاء والكل فاهم ان حياه بنت صفاء
عند حياه
كانت منهاره لما سمعت كده وعماله تعيط ومش عارفه تعملها اي وعماله
تقول : انا محتجاكي اوي يا ماما ليه مشيتي وسيبتيني
وقامت اتوضت وصلت ركعتين ودعت ربها ان يريح قلبها ويشيله من قلبها طالما مش نصيبها ودعت لمامتها لحد ما غلبها النوم
تاني يوم
دخلت صفاء عشان تصحي حياه
لاقيتها نايمه علي سجاده الصلاه
صفاء بخضه : حياه يا حياه
حياه بفزع : اي في اي
صفاء : انتي اي اللي نيمك هنا
حياه : كنت بصلي ونمت
صفاء : طب قومي خضتيني عليكي
حياه : متتخضيش
صفاء : طب يلا قومي عشان تفطري قبل ما تنزلي
حياه : انا مش نازله اصلا
صفاء : مش رايحه الكليه
حياه : لا هقعد اذاكر هنا
صفاء : براحتك
وسبتها وخرجت
وقامت حياه اتوضت وصلت
وقعدت تذاكر
وفضلت في البيت ال 3 اسابيع واغلب الوقت في اوضتها بحجه المذاكره
لحد ما جه ميعاد خطوبة مراد
صفاء دخلت لحياه
صفاء : اعملي حسابك يا حياه
حياه : اعمل حسابي علي اي يا ماما
صفاء : خطوبة مراد بالليل وهنروح
حياه : لا روحوا انتوا انا عندي مذاكره
صفاء : لا هتيجي معانا عشان تريحي شويه من المذاكره انتي بقالك كتير قاعده في البيت عشان تذاكري
حياه : وفيها اي يعني انا بذاكر عشان اوصل لهدفي
صفاء : انا مقولتش حاجه بس مفيش مانع الواحد يفك عن نفسه شويه
حياه : مش عايزه
صفاء : سابتها وخرجت
وشويه ومهدي دخل لحياه
مهدي : يلا البسي يا حياه
حياه : لي
مهدي : عشان نروح خطوبة مراد
حياه : انا قولت لماما اني مش هروح
مهدي : مفيش الكلام ده قومي البسي وهتيجي معانا
حياه كانت هتتكلم قاطعها مهدي
مهدي : انا قولت قومي البسي مينفعش كلنا نمشي ونسيبك
وسابها وخرج
وهي قمت بعصبيه
وطلعت فستان اسود في سيلڤر لبسته
وحطت ميك اب خفيف وخرجت
حازم : واو اي الحلاوه دي
حياه بابتسامه : عيونك هي الحلوه
مهدي من وراها : انا دلوقتي عرفت انتي ماكنتيش عايزه تيجي معانا لي
حياه باستغراب : لي
مهدي : عشان متتحسديش يا قلب ابوكي
حياه ابتسمت وحضنته
حياه : ربنا ما يحرمني منك يا قلبي
مهدي : ولا يحرمني منكم كلكم يا حبيبتى
حازم : اومال فين ماما
صفاء : انا اهو
مهدي : طب يلا
وخرجوا ووصلوا مكان القاعه
واول ما دخلوا…..
يتبع…
لقراءة الفصل التالي : اضغط هنا
الرواية كاملة اضغط على : (رواية حياة بقت حياتي)
تعليق واحد