رواية حياة بقت حياتي الفصل الثاني 2 بقلم ساسو محمد
رواية حياة بقت حياتي الجزء الثاني
رواية حياة بقت حياتي البارت الثاني
رواية حياة بقت حياتي الحلقة الثانية
مراد : طب تعالوا انتوا الثلاثه علي مكتب العميد نشوف الموضوع ده هناك
حياه : انا موافقه
ندي : انا كمان موافقه
مراد : ها يا هاجر
هاجر : لا طبعا اروح للعميد عشان مشكله تافهه زي دي
مراد : ولما انتي شايفه انها مشكله تافهه بتعمليها
هاجر : انا معملتش حاجه
مراد : طب هاتي الكارنيه بتاعك واتفضلي بره
هاجر : لا مش هديك الكارنيه ومش طالعه
مراد : طب تمم
وخرج مراد راح جاب الدكتور المسؤول عن الماده وحكاله اللي حصل
الدكتور : فين البنت اللي عامله المشكله
هاجر : انا يا دكتور
الدكتور : طب هاتي الكارنيه وتعالي
هاجر : يا دكتور
قاطعها الدكتور : انا قولت هاتي الكارنيه وتعالي
هاجر قامت بعصبيه وراحت للدكتور
الدكتور : فين الكارنيه
هاجر : اهو
الدكتور : فين البنت التانيه
حياه : انا اهو يا دكتور
الدكتور : تمام تعالي
وراحت للدكتور
الدكتور : تعالوا ورايا وانت كمان يا بشمهندس مراد تعالي ورايا
مراد : حاضر يا دكتور
مراد : المحاضره منتهتش يا شباب هروح وارجع نكمل
وخرج مراد للدكتور بس قبل ما يخرج اخد ندي معاه
الدكتور : مين دي
مراد : دي البنت اللي شهدت مع حياه مغلطتش وان هاجر اللي غلطانه
الدكتور : طب تمام
واخدهم وراحوا لمكتب العميد
العميد : اي اللي حصل
هاجر : كانت هتتكلم
لكن العميد قاطعها : وقال انا عايز اسمع البنت دي الاول وشاور علي حياه
هاجر بعصبيه : اشمعنا بقي
العميد : احترمي نفسك وانتي بتتكلمي
حياه حكت اللي حصل كله لغايه ما مراد جاب الدكتور
العميد : احكي يا انسه
هاجر كدبت حياه في كل حاجه حتي اللي حصل قدام مراد
مراد بصلها بصدمه وكان لسه هيتكلم لكن قاطعه العميد
العميد : وانتي شاهده علي اللي حصل صح
ندي : اه
العميد: طب احكي اللي حصل
ندي حكت نفس اللي قالته حياه
العميد : اي رأيك في اللي اتقال ده
هاجر : كدب
العميد : لسه مصممه انهم بيكدبوا
هاجر : اه
العميد : طب تمام اي رأيك بقي انك هتاخدي اسبوعين رفد
هاجر : لي
العميد : اسبوع عشان بتكدبي زمايلك والمعيد والدكتور مع ان عارف من اول ما دخلتي انك شكلك كدابه والاسبوع التاني عشان محترتيش نفسك وانتي بتتكلمي معايا ومع زمايلك قدامي
هاجر : بس ده ظلم
العميد : لو اتكلمتي تاني هتاخدي فصل نهائي من الجامعه
وكتب الرفد وقالها : اتفضلي امشي ومتكمليش اليوم
وخرجوا كلهم
مراد : يلا يا حياه انتي وندي ع المحاضره عشان نلحق اخر نص ساعه فيها
حياه : شكرا
مراد : مفيش شكر يلا
وراحوا المدرج ومراد راح وراهم وشرح الباقي من المحاضره
وحياه علي قد ما هي زعلانه علي اللي حصل لهاجر لانها ماكنتش متوقعه يحصل علي قد ما هي فرحانه ان مراد وقف معاها
وبعد ما مراد خلص
روز : اي اللي حصل
حياه : اخدت اسبوعين رفد
روز : لي
حياه حكت اللي حصل عند العميد
روز : يا حرام صعبت عليا
حياه : وانا والله
روز :ماكنش داعي انك تعملي يا حياه
حياه : انا عملت اي
روز : اشتكيتي للبشمهندس مراد وبسببك كل ده حصل
حياه : بسببي انا مش بسبب اسلوبها يعني
روز : اه فيها اي لو كنتي سكتي ومتكلمتيش من الاول
حياه : انا همشي بس عشان منغلطش في بعض وانا باقيه عليكي
روز : مش هتحضري المحاضره التانيه
حياه : لا
وسابتها حياه ومشيت
في البيت
صفاء : خير يا بنتي اي رجعك بدري كده
حياه : مفيش حاجه
صفاء : تعبانه طيب
حياه : لا والله مفيش حاجه
صفاء : احكيلي اللي حصل بدل ما اخلي ابوكي هو يعرف بطريقته
حياه : لا بلاش بابا
صفاء : يبقي احكيلي
حياه : بس متقوليش لحد
صفاء : متخافيش
حكت حياه اللي حصل
صفاء : ياعيني حرام والله اللي عملته في نفسها ده
حياه : وانا حاسه بالذنب
صفاء : لي
حياه : عشان انا اللي قولت لمراد عليها
صفاء : انتي غلطتي لما قولتي لمراد وهي غلطت انها محترمتش حد
حياه : يعني مليش دعوه
صفاء : لا ملكيش دعوه هي غلطها اكبر لانها اتعاملت باسلوب مش كويس
حياه : طب انا هقوم اطبخ
صفاء : ابوكي اتصل وقال عايز ياكل مكرونه بالبشاميل وفراخ
حياه : مش كنا متفقين علي كوسه
صفاء : اهو اللي حصل ، لو مش هتقدري اقوم انا اعمل
حياه : لا انا هعمل عشان اعمل بالمره كيكه
صفاء : كيكه
حياه : اه فيها اي
صفاء : وهتعمليها باي
حياه : بالشوكليت
صفاء : اشمعنا
حياه : عشان هبعت لطنط ام مراد
صفاء بخبث : وده لي ان شاء الله
حياه : كا نوع من الشكر لمراد
صفاء : طيب
وقامت حياه طبخت وعملت الكيكه
حازم من خلفها : الله الله ع الروايح الجميله
حياه بخضه : انت جيت امتا
حازم : لسه جاي
حياه : حمد لله على السلامه
حازم : الله يسلمك
حياه : ادخل غير بقي عقبال ما بابا يجي عشان ناكل
حازم : بابا جه معايا
حياه : بجد
حازم : اه
وخرجت سلمت علي ابوها
حياه : حمدلله ع السلامه يا بابا
مهدي : الله يسلمك يا حياه
حياه : ادخل يلا غير هدومك انت وحازم عقبال ما احضر الاكل
مهدي : ماشي يا ستي يلا يا حازم
ودخلوا غيروا وخرجوا
مهدي : الله شكل الاكل يفتح النفس
صفاء : الف هنا
مهدي : ولحقتي تعملي مكرونه بالبشاميل زي ما قولت
صفاء : والله ما عملت حاجه
مهدي باستغراب : اومال مين اللي عمل
صفاء : حياه
مهدي : بجد برافو عليكي يا حياه
حياه : تسلم
صفاء : لا ومش كده وبس
مهدي : اي تاني
حياه بضحك : ده بوشكاش محفوظ بيضحي النهارده
مهدي : بتضحي بأيه بقي
صفاء : عامله كيكه شوكلت
مهدي : اوبا اي الجمال ده
حياه بضحك : اي خدمه
وخلصوا اكل وشربوا شاي
حازم : اومال فين الكيكه اللي انتوا بتقولوا عليها دي
حياه : حاضر
وقامت جابتلهم الكيكه وقاعده عايزه تقولهم انها هتطلع كيكه لام مراد ومش عارفه تجيبها ازاي لحد ما صفاء لاحظت وقالتلها : بقولك اي يا حياه
حياه : نعم يا ماما
صفاء : ما تقومي تطلعي طبق ل ام مراد
حياه بابتسامه : حاضر يا ماما
وطلعت خبطت الباب
والباب اتفتح
حياه بدهشه : ……
يتبع…
لقراءة الفصل التالي : اضغط هنا
الرواية كاملة اضغط على : (رواية حياة بقت حياتي)
