رواية حور وتامر الفصل العشرون 20 بقلم جاسمين
رواية حور وتامر الجزء العشرون
رواية حور وتامر البارت العشرون
رواية حور وتامر الحلقة العشرون
تامر روح بيته وهو تعبان من شغل النهارده
خبط كذا مره لحد ما يارا فتحت
دخل بتعب وهو بيقول: اومال بابا فين
يارا: عمو لسه فى الشغل مجاش
يارا: عملت ايه!
ابتسم لما تخيل شكلها وهى نايمه
تامر: ملاك
يارا: ايه!
تامر: بتكون شبه الملاك وهى نايمه .. بس لما بتصحى بتكون اجارك الله. لو حد زعلها
يارا ضحكت
_____________________
نامت ٤ ساعات ونزلت تانى شافت تامر واقف مع عم كمال وبيضحك
قربت منهم بخفوت بتحاول تتصنت عليهم علشان تعرف بيتكلموا فى ايه وهى ماشيه بحذر مخدتش بالها من الطوبه اللى قدامها خبطت فيها. و وقعت على الارض بس وهى بتقع مسكت فى جاكت تامر كان لبسه وخليته يقع هو كمان
حور بوجع:ااااه … دراعى
عم كمال كان واقف بص لحور بخضه و صدمه قري منها وهو بيقول:انتى بخير يا بنتى
ومسك ايد تامر قومه .. وحور كانت لسه واقعه
حور بصت على ايدها كانت متعوره من احتكاك الارض ودراعها كذلك
تامر بصلها وهو بيقول: دراعك اتكسر طيب !!
حور : بعد الشر فال الله ولا فالك
تامر مد لها ايده السليمه علشان تقوم. .. بصتله وهى بتسند على ايده التانيه وقامت وهى بتنفض هدومها
حركت دراعها كذا مره وقالت: الحمد لله .. متكسرش
بصت ل تامر بغيظ وهو رفع حاجبه وقال: بتبصيلى كدا ليه!!
حور بهمس: انسان رخم
تامر بغيظ منها: سمعتك علفكره
حور:نينينينينينى
عم كمال ضحك على طريقتها وهو بيقول: الاسطى عطيه بيقول نينينينني ..
حور بحرج: معلش يا عم كمال .. الاخ ده مستفز
عم كمال بضحك: ده جدع طيب.. امسكى يا بنتى ادالها فلوس فى ايدها
تامر: فيه حد يقول على دكتوره فى الجامعه مستفز
حور: ايه دول يا عم كمال
عم كمال: الاستاذ دفع جزء من تصليح العربيه وبما انك انتى الل. ماسكه العربيه من اولها لاخرها .. يبقى الفلوس ديه من حقك
حور بصتله وبصت للفلوس وهى بتمدله الغلوس تانى: لما عربيتك تخلص وتيجى تستلمها وتلاقيها كويست ابقى ادفع يا دكتور .. غير كدا لا .. مش هاخد .. اتفضل
تامر: خليهم .. ممكن العربيه تحتاج حاجات كتير
حور بعند: قولت لا .. اتفضل
عم كمال: كمل يا بنى
تامر بص لحور وكمل : انتفضت وهى بتقول منك لله يا كارما .. انا مش عايزه اروح الجامعه النهارده
عم كمال ضحك: انا فاكر ابوها الله يرحمه مكنش بيعرف يصحيها .. كان عالطول يفضل يشتكى من نومها التقيل
حور بصت ل تامر بغيظ وقالت: انت بتتريق عليا !! .. مين اداك الحق انك تتريق عليا ..
عم كمال: اهدى يا بنتى .. ده الكلام جاب بعضه لما عرفت ان دكتورك فى الجامعه
حور. : ولو يا عم كمال …. ميتريقش
عم كمال همس: خلاص يا بنتى .. الراجل اتحرج ..
حور سكتت وبصت ل تامر بغيظ وراحت الورشه وهى بتدبدب على الارض بغيظ وبتبرطم بكلام مش مفهوم .. دخلت غسلت ايدها من الواقعه وطلعت مسكت العده وبدات تانى فى عربية تامر
تامر كان قاعد مع عم كمال ومتابع الموقف ومتابعها وهى بتشتغل
عم كمال: معلش يا بنى .. هى كدا من ساعة والدها ما توفى مش بتحب حد يتنمر او يتريق عليها ..
تامر بصلها وهى بتشتغل تانى وقال: ولا يهمك يا عم كمال .. عادى متعودين على كدا منها
عم كمال ضحك : تسلم يا بنى .. خطوبة ياسين ابنى كمان اسبوع .. ابقى تعالى احضرها وبالمره نشوفك تانى
تامر: تسلم يا عم كمال منقدرش نرفض طلبك
حور كانت شغاله وكل شويه تبص على تامر اللى قاعد ومش راضي يقوم .. سابت عربيته ومسكت عربية تانيه اشتغلت فيها
شويه تركز مع تامر وشويه مع شغلها ..
كانت ماسكه اداه حاده بتشتغل بيها وهى مركزه مع تامر اللى بيضحك وعم كمال .. مخدتش بالها واتعورت جامد
حور بالم: ااااه ..
تامر قام بسرعه هو وعم كمال وجريوا عليها .. مسكت ايدها بالم وهى بتحاول تسيطر على نفسها
تامر مسك ايدها بسرعه وقال: مش تخلى بالك .. الجرح كبير لازم نطلع على المستشفى
عم كمال : طيب .. .. هات عربية يا بنى بسرعه ..
حور:انا هقدر امشي
تامر: طب بسرعه يالا .. مشي معاهم لحد المستشفى وهى وجعها كل شويه يزيد
دخلوا المستشفى وراحوا قسم الاستقبال
___________________
حور بوجع: مش عايزه اخيطه .. مش هخيطها
تامر:مينفعش لازم تتخيط .. الجرح عميق
حور:، لا ..
عم كمال:معلش يا بنتى .. كلها ٥ دقايق وخلاص
حور بتذمر: لا .. مش عايزه
دموعها نزلت وهى لسه رافضه انها تتخيط
الدكتور: مش هينفع .. لازم تتخيط .. كان ممكن اقولك نحط لزق لكن لو الجرح مش كدا ..
حور: لا
الدكتور شاور ل تامر وعم كمال انهم يمسكوها جامد
تامر:طب خلاص استريحى وهو هيطهر الجرح ونمشي
دخلوا ممرضات بأذن من الدكتور وقفوا بعيد .. لما حور مددت على السرير .. الدكتور مسك ايدها وتامر بايده السليمه تبت ايدها جامد وممرضتين مسكوها من رجلها علشان متتحركش وعم كمال ايدها التانيه
الدكتور اداها البنج وهى كانت بتعيط بالم وبدا يخيط الجرح وهى بتقاوم بس كان قوتهم اكبر منها
الدكتور خلص وقام وهو بيقول: محدش تعبنى فى خياطة جرح قدك
حور قامت قعدت ولسه بتعيط وهى بتقول: منكم لله .. مش مسامحكم
الممرضات ضحكوا على طريقتها واحده منهم قربت منها وهى بتقول: ممكن نلف الجرح طيب ..
تامر بعد وهى ابتدت تلف الجرح وحور مستسلمه
بعد ما خلصت خرجت من الاوضه وفضل تامر وحور وعم كمال
حور كانت عينها حمرا من كثر العياط
تامر بصلها بشفقة وحزن على حالها وقال: حاسه. بايه دلوقتى !!
حور بضعف: حاسه انى عايزه اضربك
تامر بصلها بصدمه وبص ل عم كمال.
عم كمال. حاول يدارى ابتسامته بس معرفش
تامر ابتسم وهو بيقول:طب قومى اضربينى
حور : مش قادره .. لو قادره كنت قومت ضربتك
تامر: انتى واخده البنج فى ايدك .. ايه علاقة مخك بالموضوع
حور عيطت تانى وقالت:عايزه اروح
تامر: اهدى .. اهدى خلاص هروحك .. هناخد الدوا من الدكتور وتروحى
دخل ممرض ادا ل تامر الروشته وخرج
تامر خرج جاب الدوا من الصيدليه
ودخل تانى
تامر: يالا يا حور .. يالا يا عم كمال
حور قامت وكانت هتقع بس عم كمال سندها …
ركبوا تاكسي و وصلها لحد البيت
طلعت البيت ودخلت قعدت على السرير
عم كمال قال ل كارما علشان تخلى بالها منها ونزل تانى يطمن عليها تانى وكانت كارما نازله معاه
كارما باستغراب: دكتور تامر .. حضرتك هنا
تامر:ايوا .. مد ايده بشنطة الادويه وقال: اديها الادويه ديه والمواعيد مكتوبه عليها .. خلى بالك منها يا كارما .. وانا هبقى اجبلكم المحاضرات واشرحلكم هنا
كارما: تمام يا دكتور .. شكراً لحضرتك .. مش عارفه اقولك ايه!!
تامر: خلى بالك منها بس .. علشان الجرح كان كبير واخدت ٥ غرز
كارما كانت مصدومه ودخلت تطمن عليها .. هى عارفه انها بتخاف من الابر ومن أى معدات طبيه
دخلت تشوفها لقتها نايمه
حطت الادويه جمبها وسابتها وطلعت قعدت فى الصاله
____________________
تامر كان تعبان وايده وجعته من كثر الحركه بتاعت النهارده
دخل البيت وكانت يارا وابوه قاعدين مستنينه
يارا:اتاخرت ليه كدا .. وقافل تليفونك ليه
تامر قعد جمب ابوه وقال بتعب:كنت مع حور فى المستشغى
ابوه:ليه!!
تامر حكالهم على اللى حصل كله ..
يارا بشفقه: وهى عامله ايه دلوقتى
تامر: كارما صحبتها قاعده معاها .. انا داخل انام علشام تعبت اوى النهارده ودراعى وجعنى
ابوتامر: ربنا يستر .. ادخل ارتاح وهناديك لما الاكل يجهز
تامر هز راسه. ودخل الاوضه يرتاح شويه
دخلت يارا وراه وهى بتقول : شكلك مش عجبنى .. فيه حاجه حصلت تانى
تامر بشرود:كانت تعبانه اوى كانت خايفه وانا ماسكها .. بعد ما الدكتور خلص كانت عايزه تضربنى .. بس قالت انها تعبانه
يارا ضحكت وهى بتقول: الاسطى حور ديه هتغلبك. يا بنى
_______________________
الفجر اذن وكانت كارما نعست فى الصاله .. صحيت على صوت حور وهى. بتتاوه بالم
دخلتلها بسرعه وقالتلها: حاسه بايه
حور: ايدى وجعانى اوى
كارما: اكيد مفعول البنح راح .. استنى هجبلك مسكن ومضاد للتورم
_____________________
عدى. اسبوع وحور حالتها اتحسنت تامر زارها مره وكان معاه يارا
وهى مكنتش بتنزل الشغل بسبب ايدها وتامر قالها لو على العربيه لما تخفى خلصيها
نزلت تشوف الشغل من غير ما تشتغل وعم كمال كان قاعد مع العمال
عم كمال:نزلتى ليه يا بنتى
حور: تعبت من قعدة البيت يا عم كمال .. هقعد مع العمال شويه بس
عم كمال: انا اجلت خطوبة ياسين علشانك .. ولازم اول ما تخفى تحضريها
حور بابتسامه:من عنيا يا عم كمال
عم كمال: ربنا يباركله دكتور تامر .. لو مكنش معانا مكناش عرفنا نخيطك من عِندك .. ودفع فلوس الادويه كمان ومرداش يخدها
حور:ايه .. دفع ثمن الدوا !!
سمعت صوت تامر بينده عليها لفت ورا باستغراب. وقامت وهى رايحاله
تامر: انا عارف انك بقالك فتره فتره مرحتيش الجامعه بسبب ايدك وانك تعبانه .. هشرحلك المحاضره بتاعت المراجعه علشان الامتحان الشفوى كمان يومين
حور : طيب .. احم .. وكارما
تامر:انتى وكارما ..شوفى عايزين المحاضره فين
شرحلهم المحاضره اللى فاتتهم وقبل ما يمشي
حور:دكتور تامر
تامر : نعم يا حور
حور مدت ايدها بفلوس وقالت: فلوس الادويه اللى حضرتك جبتها .. حضرتك مش ملزم تصرف عليا وحضرتك عارف كدا كويس
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حور وتامر)
