رواية حور وتامر الفصل السادس والعشرون 26 بقلم جاسمين
رواية حور وتامر الجزء السادس والعشرون
رواية حور وتامر البارت السادس والعشرون
رواية حور وتامر الحلقة السادسة والعشرون
مع اخر اسم اتنده تامر وقف قدام الميكروفان وقال: اولاً احب اهنى الكل بالنجاح وربنا. يوفقكم فى باقى حياتكم
بص. ل حور وبعد كدا بص للناس وقال
عطيه
حور بصتله باستغراب
فكمل وقال: عطيه. او الاسطى عطيه .. هو الاسم الثانى لحور .. .. هو الاسم الثانى بس انا مش بحب اقولها عطيه عالطول بقولها يا حور
اول مره شوفتها كنت مستغرب طريقتها فى الكلام ولبسها .. تقريباُ كل حاجه فيها كانت مميزه عن الكل .. علمتنى ان الدنيا مش بالشكل ومش بالمظاهر ويمكن هى متكونش عارفه انى اتعلمت ده منها بس من غير ما هى تاخد بالها خلتنى احبها
كانت دبش ماشاء الله عليها ومش بتسيب حقها وده اللى خلانى متمسك بيها اكتر
من موقعى هذا بقولها ان هى أجمل من انها تتقارن بحد اصلاً .. ربنا حبب فيها خلقه وخلانى احبها ..
وعايزه اعرف رايها دلوقتى قدامكم لو سالتها وقلتلها: تقبلى تتجوزينى على سنة الله ورسوله
حور بصت للكل وبصت لكارما اللى مسكت ايدها جامد وهى بتهز راسها ب اه .. الكل عمال يقول وافقى .. وافقى
بصت ل تامر اللى مستنى الرد وقالت: لا
الكل سكت فجاءه مصدوم من كلمتها
كملت وقالت بضحك: لا يا جماعه متفطوش عليا كدا … اكيد هوافق
الكل قعد يضحك وتامر بعد ما كان مصدوم ضحك معاها وابتدى يضحك بصوت عالى اكتر.. والكل كذلك
تامر وقف قدامها وابتسم وهو بيديها الخاتم وقال: عارف انك مش هتخلينى البسك الخاتم.. البسيه انتى
حور: تؤ
تامر باستغراب: تؤ ايه!!
حور: مش هلبس الخاتم الا فى الخطوبه مثلاً
تامر ضحك وقال: مثلاً
خور ضحكت وهى ماشيه من قدامه مع كارما ونزلت من على المسرح ومشيت مع العمال وهى بتضحك بفرح
نادى عليها تامر والكل بصله وهى مستنياه يكلم قال: هاجى النهارده اتقدم رسمى
ابتسمت حور بفرحه و مشيت مع كارما وباقى المنطقه
________________
بالليل كان تامر جيه ومعاه والده
عم كمال كان قاعد فوق مع حور ومعاها كارما وام كارما
كارما: وافقتى عليه يعنى
حور: ايوا .. ما انا مش هلاقى زيه
كارما بضحك: ده انتى كنتى مش طيقاه
حور مسكت خدود كارما وقالت: ما محبة الا بعد عداوه يا كوكو
كارما: هو صح.. الباب بيخبط
حور بفرحه: تقريباً اه
بصت من ورا الستاره بس لقت ان اللى دخل عميد الجامعه
حور بصت لكارما باستغراب وقالت: هو دكتور. توفيق بيعمل ايه هنا!!
كارما بصت تانى وشافت تامر داخل
كارما شاورت برأسها لحور ان تامر دخل ورا العميد
لمحها تامر وهو داخل فبصلها وضحك .. وهى اديته ظهرها وابتسمت ل كارما
وهى بتقول:جيه
فضلوا يتكلموا شويه وكانت حور قاعده معاهم وبعد كدا كلهم قاموا
حور بتساؤل: دكتور توفيق هنا ليه!!
تامر: نسيت اقولك انه ابويا
حور باستغراب:ازاى وانت اسمك دكتور تامر وبعدين بصتله وقالت .. انت اسمك دكتور تامر ايه صحيح!!
تامر بضحك: ماشاء الله خريجه خريجه يعنى .. اسمى تامر توفيق يا ستى .. فتحى مخك معايا الله يباركلك
حور: الاسطى عطيه يتقالها فتحى مخك .. طيب .. هسكلتك المرادى
تامر:لا الله يباركلك .. بصى انا عارف انك متعرفيش عنى حاجه وانا مكنتش بقول فى الجامعه انه والدى ..وهما عارفنى ب دكتور تامر بس
حور: طيب
تامر: وعارف انك ممكن تكونى متردده شويه بس .. سكت شويه وكمل.. حور انا اسف لو فى مره ضايقتك غصبن عنى .. انتى علمتينى حاجات كتير اوى انا
حور: شششش .. كل ده ميهمنيش .. انا يهمنى انت دلوقتى ايه!
تامر: انا دلوقتى .. دلوقتى
حور: دلوقتى .. دلوقتى
تامر:انا دلوقتى عايز اكتب الكتاب .. وعايز اقول كلام كتير لو قولته دلوقتى هاخد بالقلم بجد مش هزار
حور ضحكت وهى بتقوم وقالت: ان شاء الله بعد الخطوبه تكتب الكتاب وتعلى الجواب كمان
______________________
كارما قعدت قصاد حور وربعت رجلها وقالت: ها بئا وفقتى عليه ليه مع انك مكنتيش طيقاه
حور بضحك: ما قولتلك ما محبة الا بعد عداوه
كارما: لا .. انا عايزه الحقيقه يا حور.. انا عرفاكى كويس
حور ضحكت وهى بتقوم وقالت: الحقيقه .. ينفع اسم فيلم علفكره
___________________
عدى اسبوع وكانت حور خطيبة تامر رسمى وبموافقتها وكانوا مبسوطين جداً
كانت بتنزل تشتغل فى الورشه وهو اوقات كان بيجى يقف معاها يشجعها على شغلها
فرح كارما قرب وكانت حور بتساعدها وهى مبسوطه من قلبها .. يمكن لاول مره من ساعة وفاة والدها مفرحتش كدا
حضروا فرح كارما وعلى وكانوا مبسوطين جداً وحور لبست فستان وكان يوم رائع بمعنى الكلمه
بعدها بشهر كان فرح ياسين ابن عم كمال
وحضره تامر بردو وكانوا فرحانين جداً خصوصاً حور اللى اتطمنت انه اخد البنت اللى بيحبها فعلاً
تامر وهو بيهس ل حور بضحك فى الفرح:، هو احنا مش هنعمل فرح ولا ايه.. انا زهقت
حور بصتله وضحكت وهى بتقول: ان شاء الله قريب
تامر: شهر كويس
حور بصدمه: نعم .. شهر
تامر: هششش .. مش عايز اسمع صوتك
.. هو بعد شهر
قام من مكانه وطلع مسك الميك وهو بيقول:احب اهنى العروسين واقولهم الف مبروك .. وعايز اقولكم انكم كلكم معزومين على فرحى انا وحور او الاسطى عطيه … الشهر الجاى ان شاء الله
الناس كانت بتهلل من الفرحه وبتصفر وتسقف وهو بص على حور لقاها مبتسمه
نزل قعد مع شوية من العمال اللى شاغلين مع حور اللى بيبركوله بجوازه من حور
فجاءه سمع صوت حد بيصوت
اغلب اللى فى القاعه اتخض .. جريوا لقوا حور قاعده على الارض بتضرب مى فى وشها
تامر شدها بسرعه وهو بيقول: فيه ايه بتضربيها ليه!!
حور قامت من عليها وهى بتنهج وقالت: والله العظيم لو شوفت وشك تانى هشلفطك .. انتى اصلاً ايه اللى جابك هنا .. مين عزمك!!
مى:وانتى مالك يا بارده يا رخمه
حور بغضب: بت غورى من وشي انتى متعرفنيش .. ده انا اخلى كرامتك ارباع وارميهم فى البلاعات
عم كمال: اهدى يا بنتى
مي: ايه القرف ده
حور: القرف ده مقامك .. ابعدى عن خلقتى علشان نفسي اعمل فى وشك خريطه
الامن جيه واخد مى من قدام حور تامر كان ماسكها بالعافيه علشان متهجمش على مى تانى
حور قعدت بعد ما مى طلعت من القاعه
تامر جابلها مايه وبعد كدا سالها
تامر: ايه اللى حصل للخناق ده كله
تامر: بعدين يا تامر لو سمحت علشان تعبانه وعايزه اروح
تامر: خلاص .. تعالى نسلم عليهم وناخد كارما وجوزها ونمشي يالا
سلموا عليهم واعتذروا عن اللى حصل ومشيوا .. وكارما روحت مع حور وطلعت مع مامتها هى وعلى وباتوا اليوم ده هناك
____________العصر_________
حور كانت واقفه بتشتغل فى الورشه لما عربية تامر وقفت قصادها
ونزل منها بص عليها شويه لحد ما خدت بالها منه بصتله وكان بيبتسملها وهو واقف وساند على عربيته سابت شغلها وبصتله وراحت قعدت على القهوه وهو قعد قدامها وقال:احكى انا سامعك
بعد ١٠ دقايق كلام وتامر هو المستمع بس
تامر باستغراب:هى ديه الحكايه
حور برفعة حاجب: انت كنت عايزاها تتمادى اكتر من كدا .. يعنى انا سكت لما قالت انى لازقه فيك وانك خطبتنى شفقه وانها كلها يومين اصلا وهتفركش الخطوبه وقولتلها تبعد وهى عامله فيها بتنصحنى علشان ابعد عنك لكن فى الاخر تقولى انتى معندكيش كرامه وعايزه تكملى فى العلاقه ديه!!
تامر: ديه متغاظه منك مش اكتر سيبك منها .. وبعدين قولت قدام الناس كلها ان الفرح بعد شهر .. وانا مصدقت خطبتك اقوم اسيبك …
حور بانفعال:اعملها بس .. اعملها
تامر بضحك:اهدى .. انتى بتقلبى مره واحده ليه .. كوباية ليمون للاسطى يا محمود
حور فضلت قاعده بتهز فى رجلها وتبص ل تامر شويه .. وللورشه شويه
الليمون نزل وهى بدات تشربه
بعد ما خلصت الكوبايه
تامر: هديتى!!
حور بعصبيه: اهدى .. اهدى بتقولى اهدى ..
تامر وهو بيشاور بايده الاتنين قدامها:خلاص.. خلاص .. خليكى متعصبه
فضلوا قاعدين ١٠ دقايق وتامر بيراقب صمتها وهى بتبص للعمال وهما بيشتغلوا
بصت عليه مره واحده وقالت: اسفه
تامر بحنان: ولا يهمك .. انا عارف انك كنتى متضايقه
سكتوا وتامر تابع فى الكلام وقال: اياد يعرف انك اتخطبتى
حور بحزن: لا .. ميعرفش
تامر: طب هستأذن انا … خلى بالك من نفسك متقليش على نفسك فى الشغل ..
____________________
عدى اسبوع وتامر كان خلص الشقه دهان على ذوق حور والاسبوعين اللى بعدهم كانوا بيختاروا العفش بتاع الشقه وفى الاغلب كانت كارما بتنزل مع حور وتامر
مبقاش فاضل غير اسبوع على ميعاد الفرح .. تامر حجز قاعه كبيره علشان عارف ان حور هتعزم ناس كتير
جيه يوم الفرح وكل المعازيم قاعده مستنين ان حور يتكتب كتابها
حور:انت مأخر كتب الكتاب ليه لحد دلوقتى يا تامر؟؟
تامر: ٥دقايق كمان معلش .. مستنى حد مهم
حور نفخت وهى قاعده بالفستان بضيق. مش فاهمه تامر بيأخر كل ده ليه
المعازيم زهقوا من الانتظار
والمأذون كذلك
حور : تامر .. الناس هتمشي .. عدى ربع ساعه .. كفايه كدا ..
تامر بقلة حيلة:طيب .. فين عم كمال علشان يكون الوكيل بتاعك
حور :قاعد جنب المأذون
تامر:طيب يالا
قعد تامر ومسك ايد المأذون
_قول ورايا يا بنى
جيه صوت من اول القاعه وهو بيقول: استنوا
كلهم بصوا على مصدر الصوت وكان اياد .. دخل القاعه وهو بينهج وكان معاه خاله قاعد على كرسي متحرك
مشي لحد ما وصل للمأذون وقال: انا وكيلها
حور اول ما شافته عينها دمعت وقامت حضنته وهى بتقول فى ودنه: كنت حاسه انك جاي
باس راسها وهو بيقول: مقدرش اعرف ان فرحك النهارده ومجيش .. انا مليش غيرك
حور كانت ماسكه ايده بفرحه .. قالت لعم كمال: معلش يا عم كمال .. ممكن تخلى اياد وكيلى
عم كمال:، انا مكنتش هخلى غيره وكيلك يا بنتى
قربت حور ل خالها فحط ايده على وشها وهو بيقول: مبارك يا بنتى .. كان نفسي اشوفك عروسه من وانتى صغيره
حور بصتله ودمعت وقالت: وحشتنى اوى
_ انتى اكتر .. يالا ..عريسك مستنى
قعدت على الكرسي واياد مسك ايد تامر وقال مع المأذون
لحد ما وصلوا لاخر جمله واياد قام حضن حور وهو بيقول فى ودنها:مبروك يا حبيبتى
حور : الله يبارك فيك
جالهم صوت تامر من ورا وهو بيقول: احم.. اياد
اياد نزل حور وقال بضحك:اتفضل يا عريس ..
يارا وقتها ظهرت هى ومصطفى
يارا: مبروك يا تمر .. اديك اتجوزها اهو يا عم
مصطفى: مبروك يا تامر ..
تامر: الله يبارك فيك يا درش . . .. اخبارك يا يويو ..
يارا بضحك: احسن منك يا تمر .. يالا اقعد معاها على الكوشه علشان اصوركوا
حور كانت واقفه هى واياد
تامر مسك ايدها وقعدوا مع بعض
اياد قرب منهم ومد ايده وهو بيقول:ديه تذكرة دعوه لامريكا لمدة شهرين .. لانى خلاص هتجوز
حور بفرحه: بحد .. مين!
اياد: بنت اميريكيه من اصول مصريه واسمها هايدى .. صبرت كتير اوى معايا وخلاص .. اطمنت عليكى ..اكمل نص دينى بئا
حور وتامر ضحكوا وقاموا حضنوا اياد بفرحه
وهما خارجين حور مسكت فى دراع تامر وهما خارجين
تامر بهمس: قولتيلى قبل كدا لو مسكت ايدى هكسرهالك فاكره
حور ضحكت وهى بتشب وهمست فى ودنه بارد
________________
بعد خمس سنين
حور: بتكتب ايه على الشط يا تامر
قربت منها وبصتله وضحكت وهى بتقول:الاسطى حور
تامر قام ضحك وهو بيبص عليها وقال:واسطى قلبى كمان ..
حور: الموجه شالتها
تامر: بس مقدرتش تشيل حبك من قلبى
تمت
لقراءة الرواية كاملة اضغط على : (رواية حور وتامر)
