رواية حور الفارس الفصل الرابع والعشرون 24 بقلم الكاتبة المجهولة
رواية حور الفارس الجزء الرابع والعشرون
رواية حور الفارس البارت الرابع والعشرون
رواية حور الفارس الحلقة الرابعة والعشرون
بعد اللي حصل اتفقوا على معاد الفرح وهيبقى بعد شهر
حور ،، شهر ايه يا فارس مش هنلحق نجهز حاجه
فارس ،، كل حاجه جاهزه الڤيلا اللي هنقعد فيها كل حاجه فيها جاهزه ممكن تروحي تشوفيها بكره لو في حاجه مش عجباني هنظبطها يادوب في الشهر دا هنجهز باقي الحجات
محمد ،، فارس عندو حق مفيش لازمه للتتأخير
رياض ،، يعني كدا مفيش خطوبه
علي ،، هما مش لسه هيعرفو بعض ممكن نعمل قرآءة فاتحه بصيت مبينا كمان يومين يلبسو فيها الشبكه
فارس ،، ايه رايك يوم الخميس
حور بصت لحبيبه
حور ،، انا بسلمكم بنتي الي انتو بتعتبروها بنتكم مش خايفه عليها وبوصيكم عليها
ساميه ،، حور دي في عيوني ويشهد ربنا اني اول ما شوفتها اعتبرتها بنتي
فارس وحور بصو لبعض بكل حب واخيرا حلم عمرهم بيتحقق
مر شهر عملوا في الخطوبه وجابو كل النواقص وأخيرا جاه معاد الفرح
كانت حور في غاية الجمال كانت قمر بمعنى الكلمه كل اللي شافها انبهر من جمالها كانت جنب فارس كالاميره كانو الاتنين لا تسعهم الفرحه كان الكل مبسوط ليهم قد ايه مرو بظروف قاسيه ولاكن القدر جمعهم
فارس وحور وهما بيرقصو سلو
بصلها فارس بعيون مليئه بالعشق
،، مش مصدق انك خلاص بقيت بتاعتي وملكي طول عمري بتمنى اللحظة دي حاسس اني مش عايز حاجه تاني من الدنيا مش عارف اوصف اللي جوايا غير باني بجد مبسوط مبسوط اوي ومش مصدق
مش مصدق انك خلاص بقيتي معايا وجنبي
بصتلو حور بعشق اكبر
،، لا صدق
صدق يا عمري احنا خلاص بقينا مع بعض ولبعض ومفيش حاجه هتبعدنا عن بعض ابدا
شالها فارس ولف بيها والكل كان بيسقف بكل حب وفرحه
خلصوا الرقصه ومسك زياد المايك
،، احب ابارك للعروسين وبجد الكل فرحان ليهم جدا وكلنا عارفين قد ايه مرو بمشاكل وفي الاخر قدرة يتغلبوعليها والنهارده بقو مع بعض
واحب اقول حاجه للبنت اللي اختارها قلبي واللي خطفتني من اول نظره بجد بعشقها واتمنى انها توافق بحبي ليها واوعدها اني هخليها اسعد انسانه في الدنيا
وقرب من ريناد ونزل ع ركبته وطلع خاتم وقال بحب
،، تقبلي تتجوزيني
ريناد اتصدمت وبصت ع والدها ووالدتها اللي هزو رأسهم بالموافقه
زياد ،، قبل ماخد الخطوه دي دخلت البيت من بابه واهلك موافقين ودلوقتي دورك
وصدقيني مفيش اي حد يقدر يجبرك عليا والقرار قرارك انتي ولو مش موافقه صدقيني مش هحاول اتعرضلك
سكتت ريناد بصدمه
وفسر دا زياد بعد موافقتها ولسه هيقوم بحزن وقف ع صوت ريناد
،، موافقه
الكل يصلهم بسعاده وبقيت الفرحه فرحتين زياد لابسها الخاتم وحضنها بكل حب بعدت عنو بكسوف والكل كمل رقص وفرح
وبعد مرور ٩شهور
اتجوز زياد من ريناد ودلوقتي حامل في الشهر السابع وحور حامل في التاسع
في يوم كان الكل متجمع ع الغداء عند رياض
فارس ،، براحه ع نفسك يا حبيبتي انا مش عايز البيبي يطلع مفجوعه زي امو
حور ،، قصدك ايه
بس يا محمد بيقولي ايه بيبصلي في اللقمه
محمد بضحك ،، بس يالا سبها تاكلها انا عايز احفادي يجو متغذيين
قامت حور بغضب وركتلو في رجلو
،، جاتك القرف سديتي نفسي
حنان ،، رايحه فين يا حور كملي أكلك
،، لا خلاص شبعت
فجأه حست بوجع شديد في بطنها
،، اععععععععع
الحقوني
الكل قام بفزع
فارس ،، في ايه
،، اااه الحقوني بولد
حبيبه ،، متاكده أن دي ولاده
،، اه اقسم بالله بطني بتتقطع ااااه
وبصت لفارس بغل
،، وحيات امي ما هسيبك يا فارس الكلب اععععععع
فارس ،، الاه وانا مالي دلوقتي
،، اعععععع طلقنيييييييع
،، حاضر اول ماتولدي هطلق ع طول بس والنبي خففي نفسك كدا مش قادر اشيلك
،، اعععع هطلقني يا ابن المبقعه
صحيح الرجاله دول صنف ملهوش امان
اخدوها ع المستشفى ودخلت اوضت العمليات
ريناد كانت خايفه اوي من صوت حور وكانت ماسكه في ايد زياد جامد
زياد ،، مالك يا حبيبتي
ريناد بدموع ،، انا خايفه اوي يا زياد
حضنها ،، متخفيش ياروحي أن شاء الله ربنا يديكي ساعه ساهله
ريناد وهيا في حضنه بصت قدامها بصدمه وبعدها صرخت
الكل جرى عليها
زياد ،، في ايه
،، الحقوني انا شكلي بولد
،، بتولدي ايه صلي ع النبي بس انتي لسه في السابع
بصتلو بغل ،، ااااع وحيات امي ل اوريك يا زياد الكلب ااااه
جرو عليها الممرضين
علي ،، دي ولاده مبكره للاسف هتولد قيصري
وكانو الاتنين في العمليات ولدت حور الاول وجابت بنت وولد
اللهم فارس بكل حب وهوا مش مصدق نفسو عيونه بدمع لوحدها احاسيس مش عارفه معناها ايه الكل قرب منو وكان بيباركله
حبيبه ،، مبروك ياحبيبي يتربى في عزك
ساميه ،، الف مبروك ياضي عيني تتهنا بيهم
بعدها بربع ساعه ولدت ريناد وجابت بنوت
علي واللي ولد ريناد
،، الف مبروك يا زيزو بنوته زي القمر
شالها زياد واللي كان حاله لايفرق عن فارس والاتنين بصو لبعض وضحكو
فارس ،، ايه الحال عندك
زياد واللي كانت عينه بتدمع
،، مش عارف احدد مشاعري بس انا مبسوط اوي
بعد وقت البنات انتقلت لغرفه عاديه وكانو في غرفه واحده
فريده (والدت ريناد) ،، هتسموه الولاد ايه بقى
حور ،، انا هسمي الولد يونس
والبنت ،، انا محتاره بين حياء ومسك
ريناد ،، انا كنت هسمي مسك
فارس ،، خلاص احنا هنسمو يونس وحياء
قرب فارس من حور اللي كانت ماسك الولاد بكل عشق
وباس راسها
،، بقينا اربعه ياروحي
كل مره بيزيد حبك في قلبي اضعاف مليتي حياتي وعوضتيني عن اللي فات وكل اللي انا عايزه تبقي معايا انتي وولدنا ونبقو عايشين في سعاده وربنا يقدرني واسعدهم
تمت بحمد الله 🥹
لقراءة الرواية كاملة اضغط على : (رواية حور الفارس)
