رواية حور الفارس الفصل الثاني عشر 12 بقلم الكاتبة المجهولة
رواية حور الفارس الجزء الثاني عشر
رواية حور الفارس البارت الثاني عشر
رواية حور الفارس الحلقة الثانية عشر
بعد ماوصلو دخلو كل واحد غير ملابسه وخرج كان فاضل دقايق ع أدان العشاء
رامز وصل وفتحلو علي وسلم عليه بص رامز ل احمد وفارس
،، قالك تعيش هتشووف الندل و الخاينين وانا شوفت ناس يا زمن يتلبسو في الرجلين
الكل سلم عليه
،، بقى يا ندل منك ليه تطلعو ع شرم من غير ما عرف
أخص عليكو أخص
مرنا ،، انت عامل دوشه ليه من ساعة ما دخلت
،، اوفف ايه الكنافه بالقشطه اللي بتتكلم دي
بصتلو مرنا بقرف
،، اموت انا من البصه دي وغمزلها
،، طب ماتموت
فارس ضربة ع قفاه
،، احترم نفسك يلا
حور ،، ايه القاعده الناشفه دي انتو مش هتاكلونا ولا ايه
فارس ،، عارفه ياحور لو سمعتك بتتكلمي ع الاكل تاني
هرنك قلم
والكل موافق
محمد ،، بس يلا ملكش دعوه بحور تعمل اللي هيا عايزاه
،، الله عليك يا دودو انت اللي نصنفي
رامز بضحك ،، دودو
بقى محمد الصاوي يتقلو يا دودو
اين هبتك يادودووو
،، احرص يلا
رفيده ،، جدعان انا كدا هزقهق تعالو نعمل حاجه
حور ،، جاتلي فكره إنما ايييه عنب
فارس ،، ارحمينا من افكارك
،، والله فكره حلوه
الكل ،، اييه
،، ايه رايكم نفرش بره ونقعد ونجيب تسالي ونولع نار ونلعب
فارس ،، اشطى بس هنولع نار ليه في انوار بره
،، يابني عشان القاعده تبقى حلوه
وكدا كدا هتبقى الدنيا ساقعه
الكل وافق ع فكرتها
حنان ،، وانا هعمل صنيتين كيكه الشيكولاته نأكلها واحنا قاعدين
حور ،، صنيتين بس
ماشي بس خليهم كبار عشان انا مش هاخد خارطه ايه دا
انتو جايبين هنا تجوعوني
علي بصدمه
،، نجوعكي احنا من ساعة ما جينا هنا وانتي اللي مجوعانه وواكله اكل البيت كله
يلا يابت قدامي
حنان بدأت تجهز الكيكه مع مساعدة ساميه وحبيبه
ووفاء بتجيب تسالي
والباقي بيحضر كل حاجه بره بعد ما جهزو كل حاجه
قعدو ع شكل دائري
رفيده ،، ها هنلعب ايه
فارس ،، كوتشينه
حور ،، والله ابدا قسم بالله ما العب كوتشينه
رامز باستغراب ،، ليه معترضه اوي كدا ع الكوتشينه
مرنا ،، كنا بنلعب الشايب وهيا كل شويه تخسر ويتحكم عليها
احمد ،، طب هنلعب ايه
حور ،، اممم نلعب صراحه
ملف الازازه والاتنين اللي يجي عليهم الازازه واحد يسأل والتاني يجاوب ولو مش عايز يجاوب ع السؤال
يتأمر بحاجه
فارس ،، اشطى هتولنا ازازه في حبة مايه
حور ،، روحي انتي يا ريماس هتيها
راحت ريماس جابت ازازه وبدأو يلعبو
لف فارس الازازه وجت على رياض وحبيبه
فارس ،، طنط حبيبه تسأل عن رياض
رياض ،، المفروض انا اللي اسألها
حور ،، لا كدا صح
ماما اللي تسأل
حبيبه ،، حبيت حد غير حنان قبل كدا
فارس ،، اوباااااا جاوب يا باشا
حنان بصتلو بوعيد
رياض ،، ايه السؤال دا بس يا حبيبه متخليكي محضر خير
مسكت حنان السكينه اللي كانت بتقطع بيها الكيكه
،، جاوب
جاااوبب يا حبيبي
رياض ،، الصراحه راحه
كنت بحب واحده او مش بحبها اوي يعني
كنت في اولى جامعه وكلما ابويا ورفض وكنت مصمم عليها
وفي الاخر طلعت كدابه وهما ع فلوسي
بس والله محبيتها قدك وعرفت أن حبي ليها مش حب لما جربت حبك
حور ،، الله الللله ع الرومانسيه
رفيده ل احمد ،، شايف الحب اتعلم
لف فارس الازازه جت على محمد يسأل حور
حور ،، احم
محمد ،، حابه تبدلي حياتك مع حد من الموجودين
لو اجابتك اه ف ليه ولو لا ف ليه
حور ،، اجابتي لا
فارس ،، ليه
،، عشان محدش حياته مثاليه كلنا بنمر بمشاكل ولو انا حبيت أبدل حياتي مع حد عشان حاجه معاه مش معايا
فانا مش هبقى عايشه حياه مثاليه
غير اني لو اخترت أبدل حياتي ف مش هبقى عايشه مع الناس اللي بحبها
يعني ولا ماما ولا ريماس هيبقو معايا
وهما دول الحاجه الحلوه اللي في حياتي واللي انا عايشه عشانهم
بصلها فارس بإعجاب
وماماها بعتتلها بوسه ع الهوا
لف فارس الازازه جت على رامز يسأل رفيده
،، في حد بتكرهي في اللي قاعدين ولو اه ف مين
،، اجابتي اه
ومين الاجابه كله عارفها
مين يا حور
،، مين غير السحلابه الدحلابه
مرنا بغضب ،، ما تحترمي نفسك
وانتي من قالك اصلا اني بطيقك
حور ،، اولا متزعليش صوتك
ثانيا مين قالك انك المقصوده والله اللي على راسو باطحه بيسلم عليها
فادي ،، عليا النعمه الراجل دا بيتكلم صح الصح
رامز بصلهم ،، انتو حاطين عليها كدا ليه هيا بتبلع البني ادمين
ولا ايه
حور ،، افظع يابني
مرنا بصتلها بقرف
وبدلتها حور نفس البصه
فارس طب يلا
ولف الازازه جت على رامز يسأل حور
،، ايه اسوأ فتره مريتي بيها في حياتك وكنتي بتحسي ب ايه
،، وفاة بابا
كانت كل امنيتي انو ياخدني معاه
بس اكتشفت ان الحياه بتاخد مننا اعز حاجه عندنا عشان نحس بقيمتهم اكتر ونتعلم نعتمد ع نفسنا
الكل بصلها بحزن مكتوم
بعدها الازازه جت ع فارس يسأل حور
،، وزنك قد ايه
،، ايه الاحراج دا
دا سؤال يتسأل لانثى كيوت شبهي
،، جاوبي
،، لا اديني أمر
،، هوا انا ينفع اامرها تجاوب ع السؤال
همووووت واعرف
،، بس يلا
لا مينفعش
،، طب اامرها ب ايه
رفيده ،، تعالى اقولك
ووشوشتوه
فارس ،، اممم
حور ،، قولتيلو ايه يابت بتبعيني يا كلبه يالي مطمرتش فيكي تربيتي
،، غني
،، لا صوتي وحش
ريماس ،، لا كدابه والله صوتها جميل
رفيده ،، صوتها تحفه
رامز ،، طب ثواني اجيب الجيتار
جابو وجاه
،، يلا هتغني ايه
،، اممم مش عارفه انت ايه اكتر لحن اغنيه انت حافظوا
،، اغنية اللي هيا اولها
خليني في حضنك يا حبيبي
،، طب يلا
وبدأ رامز يعزف
ومع اول كلمات ل حور الكل يصلها بصدمه من جمال صوتها
وخاصة فارس
الا رفيده وحبيبه وريماس عشان عارفين صوتها
وكلهم بدأو يسقفو وهيا بتغني
كلمات الاغنيه
……………………………………………….
خليني ف حضنك يا حبيبي
ده في حضنك بهدى وبرتاح
أنا كل مشاعري معاك راحوا
وكمان قلبي لقلبك راح
ولا بضحك وأفرح من قلبي
غير لو جنبي أنا كانوا عينيك
لو تبعد عني ولو ثانية
بتجنن يا حبيبي عليك
وبتحلى الدنيا في عيني
وأنا جنبك ف متبعدنيش
حُبك فعلًا بيخليني
أتمسك بالدنيا وأعيش
وفي قربك بيروح خوفي
وده وعد ومُلزم أنا بيه
مهما تكون يا حبيبي ظروفي
قلبك عمري ما هاجي عليه
أنا مكسب عمري إني قابلتك
غيرت ف عيني الأيام
طمنتني ع الباقي في عمري
حققتلي كل الأحلام
أول ما عيونك دي بشوفها
مش بعرف أشوف غيرها خلاص
إنت هدية ربنا ليا
إنت حبيبي وأغلى الناس
وبتحلى الدنيا في عيني
وأنا جنبك ف متبعدنيش
حُبك فعلًا بيخليني
أتمسك بالدنيا وأعيش
وفي قربك بيروح خوفي
وده وعد ومُلزم أنا بيه
مهما تكون يا حبيبي ظروفي
قلبك عمري ما هاجي عليه
…………………………………………..
اول مخلصت كلو سقف لها بقوه
فارس ،، بحب صوتك حلو اوي بجد
غني اغنيه تانيه
احمد ،، طب ماتغني انت يا شبح وسمعهم صوتك
على فكره صوتك جامد
حور ،، سمعنا كدا
،، بس بشرط لما اغنيها نغني اغنيه انا وانتي
رفيده ،، وانا موفقه يلا بقى سمعنا ياعم
كلمات الاغنيه
…………………………………
لييييييه انا بفكر فيك كده لييييه
آه لو تعرف اللي انا فيييه
تعالى قولي عملتلي اييه
فين حبيبي تهرب مني لفين
ومين قدي يحبك مين
تعالى هنا مفيناش بعدين
فين حبيبي تهرب مني لفين
ومين قدي يحبك مين
تعالى هنا مفيناش بعدين
………………………………………
رفيده ،، بجد صوتك جامد جموده
رامز ،، دا صوتو حلو ودي صوتها حلو
وانا ايه ع فكره من غير عزفي صوتك هيبقى معفن
حور ،، طب بس يا معفن انت
ساميه بضحك ،، عزفك جميل والله يا ميزو
،، قلب ميزو بقلك ايه انتي مرتبطه
حور ،، انت بتعاكس امي يلا والله اقتلكم قتيل هنا
،، الله هوا الواحد لما يقول الحق في الزمن دا يبقى غلطان
فارس ،، اسكت اصل دي مجنونه انت مش قدها
محمد ،، طب يلا هتغنولنا ايه
حور ،، حافظ اغنية الحب الابدي
احمد ،، ايوه بقااا وغمز
كلمات الاغنيه
………………………………
إنت الحب الأبدي وروح الروح
بنظرة وحدة بيّ تردي الروح، الروح
إيدي بإيديك وين نروح، نروح
إنت أماني وعوضي من الأيام
بس بحضنك أقدر أغفى وأنام، أنام
حبك جنة وأحلى من الأحلام
هو هذا حب حياتي اللي أتمناه
يا طعم الغرام وعطره ومعناه
أدفع عمري كله، أدفع عمري كله حتى أعيش وياه
هو هذا حب حياتي اللي أتمناه
يا طعم الغرام وعطره ومعناه
أدفع عمري كله، أدفع عمري كله حتى أعيش وياه
(أول مرة أعيشه ها الإحساس (عاشق
عاشق من أطرافي لحد الراس
مثل الهوى أحتاجه إنت الأنفاس
(إنت جناحي وبيك أتمنى أطير، أطير (أطير
بدونك والله ما حس إني بخير، إني بخير
أني بحضنك واللي يصير، يصير
هو هذا حب حياتي اللي أتمناه
يا طعم الغرام وعطره ومعناه، معناه
أدفع عمري كله، أدفع عمري كله حتى أعيش وياه
هو هذا حب حياتي اللي أتمناه
يا طعم الغرام وعطره ومعناه
أدفع عمري كله، أدفع عمري كله حتى أعيش وياه
آه
آه
آه
آه، آه
…………………………….
بصو بقى مش معنى اني حاطلكم كلمات الاغنيه واول مره تسمعوها فتعجبكم وتروحو تبحثو عليها وتبقو مبتسمعوش غيرها
واشيل انا ذنوبكم بقى
انا ذنوبي ع قدي وبريئه من ذنوبكم انا مالي يالمبي الله 😂
نرجع لقصتنا
قعدو يغنو ويفرحو ويقضو السهره
بعد ما خلصوا لمو كل حاجه ودخلوا ينامو
تاني يوم
الكل صحى وفطر
محمد ،، هنروح فين النهارده
فارس ،، نروح ع البحر العام ونركب كل اتنين مركب ونعمل سباق
ونركب البرشوت
حور ،، الله انا نفسي اركبو من زمان مركبتهوش قبل كدا
فارس ،، واحنا هنا عشان نحقق الاحلام
يلا بيناااا
والكل خرج بحماس
الاول حور ركب الكوره الكبيره اللي بيدخلو جواها ويفضلون يمشون بيها في البحر
وكانت كل شويه تقع
والكل فطسان عليها من الضحك
فارس ،، يلا ياحور تعالي نركب البراشوت
،، يلا
ركبت حور وفارس البراشوت كان عباره عن بارشوت كبير وفي كرسيين
بعد ما البراشوت طار بيهم حور قعدة تصوت ومكلبشه في وبتضرب فيه كل ميت عليهم من الضحك تحت
،، نزلوني من هناااااااع
نزلوني من هنا يا ولاد الفرنتوشه انا غلطان اني سمعت كلامك يا فارس يابن ال
اععععععععع هنقع والله قلبي حاسس ان إحنا هنقع
فارس وهوا مسخسخ من الضحك
،، الفرنتوشه
،، والله ضغطي وطي نزلونيييييييع
،، خلاص كلها دقايق وهننزل انتي مفكراهم سامعينك وانتي هنا يعني
،، اقسم بالله أنا شايفه شرم الشيخ كلها من عندي هنا
بعد مانزلو راحوا زورق
حور وفارس ركبوا لوحدهم
وأحمد ورفيده
ورامز ومرنا
وعلي ووفاء
وبدأو يعملو سباق وكانو في نص البحر
وكان فارس وحور سابقين وبعدو عنهم بمسافه
حور بضحك ،، سبقناهم سبقناهم يييس
فارس ،، مين ورانا بصي كدا
حور ،، ايه دا احنا بعدنا اوي انا مش شايفه حد
فارس ،، ازاي
بيبص ملقاش حد خالص
حور ،، حاسب يا فااااااارس اععععععع
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حور الفارس)
