رواية حور الفارس الفصل الأول 1 بقلم الكاتبة المجهولة
رواية حور الفارس الجزء الأول
رواية حور الفارس البارت الأول
رواية حور الفارس الحلقة الأولى
قصتنا بتبدأ من عند بطلنا فارس محمد الصاوي
هوا وقاعد على السفره بيفطر مع والده محمد الصاوي ووالدته ساميه وأخوه الكبير علي محمد الصاوي وزوجته وفاء وابنهم فادي وأخوه المتوسط احمد محمد الصاوي
كانو قاعدين بيفطرو في جو من الصمت وقطع الصمت دا
محمد وهوا موجه كلامه لفارس ،، انت عليك شغل المستشفى كلها احنا رايحين كلنا نطلب ايد بنت الدكتور رياض الشربيني لاخوك احمد
حاله من الصدمه حلت على احمد ونظرات علي ووالدته له بكل حزن
فارس ،، بس شغل المستشفى كتير اوي خاصة أن مفيش غيرنا احنا ورامز والممرضين مش هقدر عليه لوحدي
محمد بجمود ،، اديك قولت ممرضين ورامز يعني مش لوحدك
فارس ،، بس
محمد بغضب ،، انا قولت اللي عندي مفيش بس
قام فارس من على السفره بكل غضب وخرج واستقل سيارته وذهب إلى مستشفى الصاوي
قال أحمد ،، جواز ايه يا بابا انا حتى معرفش البنت اللي بتقول عليها
محمد بغضب شديد ،، ايه هتكسر كلامي زي الكلب اخوك هيا كلمه وقولتها جهز نفسك الساعه ٦ونص هنتحرك
وقام من على السفره ووراه احمد بكل غضب ودخل غرفته وقام علي بكل حزن
وقال ،، مش عارف هيفضل يغصبنا ع كل حاجه لحد امتى ومشي
ساميه بحزن ،، تعبت من كتر الكلام معاه مبيجبش نتيجه
فادي بكل براءه ،، يعني كدا عمو احمد هيتجوز ويبقى عندنا فرح يس
وفاء ،، بس يا لمض روح اقعد معاه حاول تفكو عشان هوا متدايق على ما الم السفره
فادي ،، بشقاوه عيب عليكي سيبيلي انا المهمه دي
ضحكت عليه هيا وساميه
عند فارس بعد ما وصل المستشفى دخل مكتبه بكل غضب وقعد ع الكرسي ومسح على شعره بقوه وهوا بيجز على أسنانه
مش عارف هيفضل يغصبنا ع كل حاجه لحد امتى دخلنا الكليه غصب جوز علي لواحده مشفهاش غير بعد الفرح ماخلص مسابهمش ياخدوا ع بعض حتى وضغط عليهم في موضوع الخلفه حتى هيكرر نفس الموضوع مع احمد
والله اعلم بكره الدور يبقى عليه
خبط الباب ودخلت ياسمين بكل دلع وهيا بتقول
،، القهوه يا دكتور
فارس بقرف من طريقتها ،، عندنا كام حاله النهارده
ياسمين بنفس الطريقه ،، ٢٢ متابعه و ١٤ كشف و٣ عمليات
فارس ،، الله اكبر ٣٩ حاله عليا لوحدي
ياسمين بتساؤل ،، هوا حضرتك هتشتغل لوحدك النهارده
فارس ،، اه
فضلت واقفه بتبصلو بإعجاب
بص فارس عليها بطرف عنيه ،، هتفضلي واقفه كتير يلا شوفي شغلك واتصلي برامز خليه يجي بدري عشان لو سبنا مش هيجي
عند فريده (بنت الدكتور رياض الشربيني اللي محمد هيخطبها ل احمد)
رياض ،، فريده حضري نفسك عشان في عريس متقدملك النهارده
فريده،، عريس مين دا يا بابا انا لسه مخلصتش جامعتي
رياض ،، احمد بن محمد الصاوي صاحب عمري كلمني عليكي ومقدرتش اقولو انك رافضه لحد ما تخلصي
وبعدين شوفي عجبك عجبك ماعجبكيش مش هغصبك عليه
رفيده ،، ماشي يا بابا انا رايحه الجامعه عايز حاجه
رياض ،، عايز سلامتك
رفيده ،، سلام يا ماما
حنان ،، سلام يا قلبي
رفيده بعد ما وصلت الكليه حد من وراها
،، بخخخ
رفيده،، هيييي خضتيني يا حور ربنا ياخدك
حور ،، يعني انا لما ربنا ياخدني مين هيقرفك ها ها
رفيده بضيق ،، بس والنبي عشان مش نقصاكي
حور برفعت حاجب ،، مش نقصاكي لااا دا الموضوع كبير يكونشي رياض زعلك ولا تكونشي حنان لا لا حنان اسم على مسمى مش هتزعلك رياض اللي زعلك يابت قوليلي قوليلي بس وانا اجبلك حقك
رفيده بضحك ،، لا ياستي مش رياض اللي مزعلني
حور ،، امال قوليلي يابت مين مين السحلابه الدحلابه اللي زعلتك وانا اقطعلها شعرها شعرايه شعرايه وتنتفلها جلدها جلدايه جلدايه
رفيده بضحك ،، ايه العبط اللي انتي بتقولي دا
حور ،، لا بجد يابت مالك
هييييه يكونشي قالك خلينا اخوات
رفيده بصدمه ،، هوا مين دا
حور ،، معرفش يمكن تكوني بتكراشي ع حد من ورايا
رفيده ،، بت متخلينيش اقوملك
حور ،، طب في ايه طيب
رفيده هبقى اقولك بعد المحاضره يلا عشان منتاخرش
استوب بقى نتعرف على حور
حور دي بقى بطلتنا
بنت جميله جدا جدا شعرها طويل الى بعد ظهرها لونو اسود زي سواد الليل الكاحل عينيها زيتوني فاتح جسمها متناسق عندها ٢٤ سنه عايشه هيا ووالدتها لوحدهم بعد وفاة والدها في كلية طب بشري
عند فارس
بعد ماخلص ال ٣ عمليات دخل مكتبه وترمى على الكنبه الموجوده في بكل تعب ونادى باعلى صوتو
،، ياسمييييين
دخلت ياسمين بخوف ،، اانعم نعم يادكتور في ايه
اتعدل فارس في قاعدته وبصلها
،، فين رامز
ياسمين ،، انا رنيت عليه وقالي هيجي
فارس ،، امتى
ياسمين ،، من ساعتين ونص
،، تمام اخروجي واعمليلي قهوه
،، بس حضرتك شربت واحده قبلها وبقالك ٤ ساعات والمفروض تتغدا
،، ملكيش في
بغيظ ،، تمام
فارس اتصل برامز
،، انت فين يا حيوان
رامز بنوم ،، ايوا انا جاي اهو
بصدمه،، انت نايم
رامز ،، لا لا اعوذ بالله يابني انا داخل عليك اهو
بغضب ،، اه يابن ال*وحيات امك يارامز لو ما لقيتك اودامي في ظرف ربع ساعه لكون قا*تلك انا اصلا مش ناقصك
رامز بفزع من صوتو ،، انا بلبس اصلا
فارس قفل وشو
رامز وهوا بيبص للفون بغيظ ،، ياسلام عليك عيل غتت
عند البنات في الكليه بعد ما خلصوا المحاضرتين اللي عليهم
حور ،، اااه يا عضمك يا لوزه يا صغيرة على المرمطه يا لوزه دكتور مفتري اقسم بالله
رفيده بضحك ،، يخربيتك موتينا من الضحك كل دا عشان فار
حور ،، الله يحرقو بهدلني انا تخصوصي طب بشري اشرح فران ليه انا
رفيده بضحك اكبر ،، فار كل دا عشان فار
،، طب مانتي اكيد فاكره الاسبوع اللي قعدتو عندك لما دخل عندنا واحد
رفيده ،، اه وسبتي امك قاعده لوحدها ههههه
جيتك نيله قال يعني انتي شرحتي اوي مهو جري منك
حور ،، يابنتي عضني في أيدي اقسم بالله
رفيده ،، بس كان شكلك مسخره لما الدكتور خلاكي تدوري عليه وانتي عماله تجري وراه شويه وتجري منو شويه الدفعه كلها ماتت ضحك
حور ،، خلاص ياختي انتي هتعملي الحفله عليا وتاخديني في دوكه اري واعترفي ايه اللي حصل
رفيده ،، مفيش يابنتي جالي عريس
حور ،، وحيات امك يابت كل دا عشان جالك عريس
رفيده ،، مانتي عارفه اني عايزه اخلص تعليمي وبعدها اشتغل وأثبت نفسي
حور بصت للفراغ وقالت بصوت مسموع ،، جتك نيله هوا حد لاقي لما مافي كلب بلدي معبرنا من ساعت ما دخلنا المخروبه دي
كليه طب ايه دي يا شيخه اللي بقالنا فيها ست سنين لما قربنا نعفن
رفيده بضحك ،، تعالي بس تعالي نروح عندنا
حور ،، عندكو اكل ايه
رفيده ،، انتي همك دايما على بطنك كدا
حور ،، ايوا طبعا المثل بيقولك املي التنك عشان تعيش
رفيده ،، هههههههه المثل بيقول كدا بردو
حور ،، بس ابت استني اتصل على حبيبه اقولها عشان متستنانيش
رفيده ،، ماشي وسلميلي عليها
حور ،، الو
حبيبه (والدتها ) ،، اي يا لولو
حور ،، ايه يا قلبي يا ست الحبايب يا حبيبه يا روح القلب يا نن العين
حبيبه ،، خشي ع الموضوع ياروح امك عايزه ايه
،، احم جرى ايه يا بيبه في ايه انتي دايما قفشاني كدا
،، عايزه ايه يابت بطني
،، انا هروح عند رفيده
،، ليه
،، عشان اكل
وكزتها رفيده في ايديها
،، ااقصدي عشان جايلها عريس ف هيا متوتر وكدا فاهمه
،، يعني هتيجي امتى
،، على ١٠ كدا
،، طب متتاخريش عن كدا وسلميلي على فوفا
،، ماشي يا قلبي كلي انتي وخدي علاجك اوعي تنسي
وركبوا سيارة رفيده وانطلقو نحو ڤيلت رياض الشربيني
عند فارس
رامز دخل بدون ما يخبط ،، جرى ايه ياعم يا هادم اللذات يا مفرقني عن الاحلام والن*سوان
بصلو فارس ببرود ،، لو دخلت تاني الدخله دي من غير ما تخبط صدقني هتزعل
،، خلاص ياعم متبقاش قفش
،، ها عايزني ليه
،، هكون عايزك ليه يا خويا هتكون واحشني مثلا عندنا شغل كتير النهارده انا وانت بس في المستشفى خلصت ٣ عمليات فضلنا ٢٢ متابعه و ١٤ كشف
خد انت الكشف انا هاخد المتابعات
رامز وهوا فاتح بقو من الصدمه
،، لييييع يعني فين اخوك واخوك وابوك
،، أنجز يلا بدل ما اقوملك خلينا نخلص اليوم دا ع خير اخلص
عند البنات ……
حور وهيا داخله
،، احم احم حد خالع راسو أنا هنا
حنان بحب ،، تعالي يا حور مفيش حد غيري
،، حنون وحشتيني موز ومنجا
حنان ،، وحشتك ايه يا بكاشه مانتي كنتي لسه عندنا امبارح الصبح
،، احم ايه الاحراج دا
حنان ،، مانتي كدا عايزه مصلحه اري
،، ههاهأ كلها عرفاني عند المصلحه
بقولك ايه انتي عامله اكل ايه اصل انا حمير بطني بتنهق
حنان ،، هههه ماشي يا لولو هجبلكم تاكلو اطلع استريحو انتو
على ما الاكل يجهز
حور ،، تعيش حنون تعيش
رفيده بضحك ،، هوا اللي مأكلنا
،، هوا
،، هوا اللي مشربنا
،، هوا
حنان ،، يلا يا بكشين من هنا
في تمام الساعة السادسه والنصف
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حور الفارس)
