رواية حورية في قلب الليل الفصل العاشر 10 بقلم ميفو السلطان
رواية حورية في قلب الليل البارت العاشر
رواية حورية في قلب الليل الجزء العاشر
رواية حورية في قلب الليل الحلقة العاشرة
كان ليل قد انفعل بعد كلام زكريا ليستدير ليشد حوريه ويحملها لتكلبش فيه وتشهق بشده ليقربها من صدره ويبتعد بها ليمر وقتا لينزلها و يشد حوريه الي الخارج ويخلع وشاحه ووضعه علي شعرها واخذها علي الفرس واحتضنها ووكز الفرس وانطلق بالفرس يعدو بسرعه ليشدها اليه ويركن راسه علي راسها ويظل يعدو بها الي ان ذهب بها الي المكان الذي قابلها فيه اول مره ليترجل من علي الفرس ويحملها من وسطها وينزلها برويه وهي خافضه راسها ليبتسم ويشدها الي قرب النهر لتبتعد هيا عنه وتظل تقف تنظر الي المنظر امامها فكانت تعشق الخضره والزرع ومنظر النيل اراح قلبها.
لتحس به يحتضننا من الخلف لتنكمش ليتنهد ويهمس… وبعدين معاكي هو انا هاكلك يا بت الناس بطلي اكده اني جولت ما تخافيش.. ليقبل راسها ليبعدها ويبتسم…. طب ايه اني عايز اسمع صوتك جولي رايده ايه واني هعمله..
لتهمس…. عايزه اروح.
ليرفع حاجبيه ويبتسم تروحي فين.
لتهمس وتخفض راسها… اروح بيتنا.
ليقترب ويرفع وجهها ليقول بحنان… طب ما اهنه بيتك.
لتقول. لا بيتنا انا ولؤلو بتاع ماما.
ليبتسم ليهتف… بس خلاص ماعتش بيتكو. بيتكو بقي اهنه.
لتهمس.. لا والنبي مش عايزه ده انا عايزه بيتنا اللي هناك.
ليقترب ويمسك يدها لترتعش.. مش عارف ليه حاسس اني بكلم بيبي اصغير انت ازاي اكده.
لتنظر اليه لاول مره ليري الحزن بعينها وتبدا الدموع تتجمع بعينها.
ليشدها اليه… طب ليه طيب الدموع دي انا جولتلك حاجه تزعل.
لتبتعد َتهمس… ممكن تروحني..
ليتنهد… ليه انا زعلتك في حاجه
لتنظر اليه… انت ازاي تقدر تقلب كده انت غريب اوي.
ليتنهد ويتذكر ضربه لها ليقترب ويقول… خابر اني خوفتك لاه رعبتك ووعيت انك بتخافي واللي حصل وهروبكو والتار واللي بين العيلتين خرجني عن شعوري.
لتهتف… يعني طب ماتسمعو كلام تيته وتسيبونا نروح. لتهتف… مش كنت هتتجوز الصبح ماتتجوز مش بتحبها اتجوزها والنبي وسيبونا نمشي.
ليتنهد ويلعن تلك الفكره ليهتف بلهفه.. مين جال اني بحبها ومين جال ان ينفع نسيبكو.
لتهتف… مابتحبهاش ازاي امال كت هتتجوزها ازاي وماتسيبوناش ليه.. بص هو جايز التار وكده طب اقلك قعدني شويه وانا مش هضايقك والله مش هتحس بيا انا مش بعرف اعمل حاجه لحد..
ليتنهد ويبتسم… انت بجد مالكيش حل.. ماشفت حد اكده واصل انت ازاي اكده.
لتهتف بحزن.. ايه مش عاجبك اهوه طب ماتسيبنا بقه والنبي.
ليضحك اكن مش عاحبني اهوه واسيبكو.. لاه ياستي ماهنسيبكوش. و بعدين اني مش جايبك عشان ترطي في الحديت تسيبنا وماتسيبناش اني جايبك عشان تروجي وتبطلي خوف واوريكي الجمال بتاع بلدنا. تعالي هوريكي حاجه حلوه.
ليشدها وينزل بها عالضفه ويحملها من وسطها ليضعها في احد القوارب وينزل ويبدا في التجديف ليدخل في منطقه جانبيه ليصل الي احد الصخور ليرسو بجوارها لينزل ويحَملها ويدخل بها احد الاماكن كانت كلها محاطه بالاشجار ويتدلي منها ورود كثيفه كانت اشجار ورد ملونه بالوان كثيره. كانت تنظر للاعلي لتسحر بتلك الاشجار فكانت السماء لا تظهر الا من خلال تلك الاشجار لتبتسم كالطفله وترفع راسها للاعلي وتهيم بتلك الشجيرات كانت انوار السماء تسقط من خلالها لترفع يديها وتدور بالميه. لتسقط كوفيه ليل من علي شعرها لتدور وتدور لينسحر ليل بمنظرها كانت تخطف العين من جمالها كانت لاول مره لا تشعر بالرهبه لتنطلق وتدور و َتدور وتضحك. ليقف هو يراقبنا ويسند علي احد الشجيرات كان مسحورا وهيا تقفز هنا وهناك لتجد احد الفراشات لتصرخ كالطفله الصغيره وتظل تجري منها وتداعبها هنا لم يستطع ان يصمد اما تلك الجميله ليخرج تليفونه ويصورها وابتسامته تتسع.
ليهمس… ايه دي جنيه هيا عامله اكده ليه ليظل ينظر اليها بسحر ليجدها تمسك احد الورود وتضعها في شعرها وتظل تتنقل هنا وهناك ليشبك شعرها في احد جزوع الشجر لتصرخ ليقترب مسرعا… فيه ايه بتصرخي ليه..
لتهتف… الزفت ده مسك في جذع الشجر..
ليهتف… طب براحه اني هسلكه..ليمد يده ويبتدي يفكه لتتاوه وتقطب جبينها ليهتف معلش خلاص اهه.. ليحرر شعرها.
لتمسكه بتأفف لتهتف…. هيجي يوم واقصه دا حاجه صعبه..
ليسرع ويشدها لقربه… اياك تعمليها ولا يوم هيحصل..
لتنظر اليه باستغراب لاندفاعه.. لتهتف بيضايقني يعني لازمته ايه.
ليمسك شعرها.. لازمته انه ياخد العجل واستحاله تاج النور ده حد ياجي جاره.
لتتنهد… لا مانا لَما هنرجع عادي هقصه لتضحك اسكت بيبعوه كمان وهاخد عليه فلوس. حتي اهو اساعد البت لؤلؤ بحاجه بدل بهدلتها دي.
ليشدها بغضب… ترجعي فين انت وتجصي ايه دا بروحك. ال تبعيه ال دا لو الجيامه جامت ماحد هياجي جاره.
لتقطب جبينها لتهتف… طب انت زعلان ليه مش ده شعري انت مالك يا استاذ ليل.
ليضحك لتهتف… انت بتضحك علي ايه.
ليهتف… اني مش استاذ. اني ليل جوزك.. ومالي كيف انت بتاعتي يبقي ازاي ماليش دعوه.
لتقطب جبينها…. بتاعتك ازاي انت بتقول ايه عيب كده انا مش لعبه.
ليهتف… لاه مش لعبه بس بتاعتي برضك كلك وحالك.
لتهتف… انت غريب اوي..
ليتنهد ويهتف… ايوه غريب وحالي انجلب..
لتنظر اليه لتجده وجهه يلين لتحس بالراحه لتقترب.. انت زعلان عشان اتجوزتني صح.. عشان التار انا سمعتهم بيقولو انك بتكرهنا بس احنا مش من هنا ومش بنعرفكو والله هتكرهنا ليه.. بس هقلك حاجه حلوه انت تمثل انك متجوز شويه وبعدين تقولهم انك زهقت بقه وبتحب واحده تانيه واني طلعت شريره ولازم تطلقني.. ايه رايك في الفكره دي وترتاح بقه وتتجوز حبيبتك.
ليظل ينظر اليها ليهز راسه باستعجاب ويهتف.. هو انت اتعلمتي.
لتقطب… اتعلمت ايه انا خريجه فنون جميله.
ليهتف… اصلك شكلك وكلامك بيجول انك مسخوطه صغيره.
لتهتف… مسخوطه انا مسخوطه لتقوم وتبتعد. ليشدها…. راحه فين.
لتهتف…. عشان انت وحش انا بحللك حكايتك وانت بتتريق عليا.
ليهتف… وانت اكده بتحليها وهجولهم انك شريره ازاي. هيضحكو لما جلبهم يجف دانت مرار والله. انت جايه منين يا بت الناس.
لتهتف ببراءه… انا جايه َمن اسكندريه.
لينفجر ضاحكا ليهتف… لاه اكده كتير.. ليهتف انت ماكتيش بتخرجي من داركو خالص.
لتتنهد بحزن…. لا خالص لؤلو ماكنتش بترضي ولو خرجت اعمل نصيبه وارجع بتقول عليا معاقه. بس ماعرفش ليه هيا هبله وبتخاف عليا.
ليهتف… لاه مش هبله دي واعيه لحالك يا غلبانه.
لتهتف بتزمر…. اسكت اسكت انت ايه ده انا قايمه العب.
وتركته مصدوما.. تلعبي.. يا مري مرتي بتلعب كيف المساخيط ليظل واقفا وهيا تطارد الفراشات وتضحك وهو ساهما فيها لتصرخ فجاه.
ليهتف… يادي المرار فيه ايه تاني.. ليذهب اليها ليجدها تبكي لينقبض قلبه ليهتف… مالك يا بت الناس.
لتنظر اليه بوجع خلع قلبه لتقول… شوف ايده مكسوره ازاي..
ليقطب جبينه ليهتف… هو ايه اللي ايده مكسوره.
لتشير الي احد العصافير الواقع وسط الزرع ليري جناحه لتمسك يده…… والنبي يا استاذ ليل والنبي نعالجه.
ليتنهد من رقتها ليهتف…. طب اني مش استاذ ليل واستدار.
لتمسكه…. لا والنبي خلاص يا…. يا…. يا ليل والنبي والنبي نعالجه وحياه اغلي حاجه عندك شوف كيوت ازاي.
ليسرح فيها ويهمس.. عالاخر والله عالاخر.. لتمسك يده لينبض قلبه لتضع العصفور بداخله.. ليلفه بمنديله لتقترب منه وتملس عليه.
لتهمس…. خلاص احنا جنبك مش هنسيبك لتمسد عليه بحنان وليل ساهما في حنانها تلبسته تماما لتمسك يده… شوف وحيد ازاي مالوش حد يا حرام قلبي واجعني عليه والنبي يا ليل خلي بالك منه دا مسكر قوي وطيب مش مسكر والنبي.
ليهتف وعيونه تاكلها.. مسكر بس.. دا حاجه تخبل هو فيه اكده.
لتهمس.. لا مفيش.. شوف جماله.
ليهمس…. شايف لما جلبي انهري.
لتهتف هتوديه وتعالجه صح.. ليسهم في جمالها كانت تتلمس يديه بحنان الذي به العصفور ليتنهد اه هعالجه.. اعالج ايه ده مايتعالجش.
لتخاف وتمسك يده ويقترب وتهمس بحنان.. مايتعالجش ليه… انت بس خليك جنبه وطبطب عليه وراعيه.. هيبقي كويس قوي وبعديها هيحبك موت والله.
ليبتلع ريقه.. اطبطب عليه ويحبني يا ريت دا يوم الهنا كله. هو فيه ايه.
لتهمس ببراءه.. فيه مكسور خالص عايز حد يقف جنبه ويهننه.
ليقترب ويمسك يدها ويشدها.. ماهيسوبنيش اهننه داني رايد اهننه لما افطسه.
لتنظر اليه باستغراب.. هتفطس العصفور.. ايه يا ليل انت وحش ليه كده.
ليهتف تائها.. حتي كلمه وحش طالعه تاخد العجل كان سارحا لا ينطق. لتقترب.. ليل.. ليل لينتفض لتتراجع فجاه ليختل توازنها ليسرع يشدها لاحضانه لتتلاقي عيونهم ليحس بمراجل داخله ليظلا فتره لتخجل هيا من نظراته لتحني راسها ليرفع وجهها ليهمس عايزاني اداوي العصفور.
لتهز راسها بخجل ووجهها اصبح يشع حمارا من نظراته ويدها علي قلبه تحس بصراخ نبضاته. ليهمس وهتسامحيني علي ليله عشيه.
لتندفع.. سامحتك خلاص انت مغصوب يا حرام.
ليتنهد.. دا غلب ايه ده.. هيا عامله ليه اكده اجمد ازاي دلوك.ليتنهد.. يعني خلاص ليل ماتخافش منه عمره ماهيمد يده وهيبقي طيب.
لتبتسم بسحر خلع قلبه..وتتلمس يده بحنان… اللي يعالج العصفور عمره مايبقي وحش.. دانت حلو قوي انا شايفاك كده.
.
ليخفق قلبه… ليهمس.. اني حلو.. جلبي يا بت الناس اروح فين بنظراتك دي اخدها افطسها دلوك يا رب ووجعتلي منين دي ليتنهد ويذهب ليضعه في الفرس.
لتهمس استني والنبي اودعه. لتذهب اليه وتخفض وجهها وتقبل العصفور قبلات متفرقه ووجهها يلامس يد ليل ليبتلع ريقه.. دا غلب اقسم بالله. ليهتف.. كفايه هريتي جلبه.
لترفع نظراتها.. ايه ببوسه بلاش.
ليهتف بغلب.. لاه بوسي.. لما حاسس اني هنشل.
لتقطب جبينها… ليل انت فيه ايه بتخوفني عايز تفطس العصفور ومش عايزني ابوس فيه ايه.
ليضحك… لا والله عايزك تبوسي دا هتبقي مردغه بس نطولها. لتنظر اليه ببلاهه ليضحك بطلي تبصيلي اكده ماعتش جادر. كان يضحك.
لتهتف… انا مش فاهمه حاجه.
ليضحك… احلي حاجه عليا النعمه انك علي الله عشان من كتمتي هنجلط.
لتقترب مسرعه وتضع يدها علي قلبه… مالك سلامتك حاسس بايه كانت تملس علي صدره.
ليهتف.. حاسس بغلب.. كتير والله اكده اروح فين.. ليتنهد ويستدير
لتهمس بحنان… متشكره اوي دا جميل هشيله العمر كله وتركته وذهبت تدور وسط الزرع وهو متلبسه حاله من السعاده غير عاديه كان قلبه يدق بعنف وعيونه تلتهم تفاصيلها ليهمس سحر.. والله سحر لينهره عقله (ايوه هننطح اهوه 😂) انت اتخبلت دي بنت اللي جتلو عمك انت ايه بتريل علي اي مره والسلام ايه بقيت خرع زي اخوك. ليل الرفاعي هينسي تاره ويقعد يسبسب ويدلع بنت الجتله انت خلاص زي ما عمتك جالت خبت وواجف تتمرجع مع البت زي الاهبل ليثور داخله الصعيدى.
ليجدها تأتي مبتسمه وتقول بلهفه… المكان حلو اوي ايه الجمال ده لتمسك يده وتهتف بطفوليه تعالي اوريك حاجه بسرعه.
ليحس بلسعه ويشد يده وينهرها… ماتمديش يدك.. لتبهت من نبرته فقد كان حنونا ليتحول مره اخري ليكمل ويلا كفايه اكده.
لتهمس… طب نقعد شويه والتفتت لتذهب ليمسكها ويضغط علي يدها بغضب ليل لما يجول كلمه تنسمع فاهمه..
لتحس برجفه في قلبها وتخاف مره اخري وتكش منه وتهز راسها بسرعه خوفا وتنتفض مره اخري ليغمض عينيه يتحكم في نفسه حتي لا يحتضنها وشدها وذهب بها لتتلبسها حاله الخوف مره اخري لتركب المركب وتنكمش اكثر وتخفض راسها وينسدل شعرها علي وجهها يخفي معظمه وهو ينظر اليها ويحترق فنظره الخوف عادت اليها مره اخري وقد كانت عيونها مشعه بالسعاده والراحه لتتحول مره اخري للانكماش والخوف ليصل الي الضفه ويشدها من غضبه من نفسه ويضعها علي الفرس ويركب ويحتضنها ويضع كوفيته علي راسها وينطلق بها من سكات.
لتنسال دموعها في صمت فهي قد شعرت بعدم الخوف لبرهه من الزمن.
لتهمس لنفسها…. انت اللي هبله وفاكره ان اي حد هيحن عليكي انت صعبتي عليه عشان كلام اختك انت فعلا غلبانه وتصعبي عالناس بس اهوه دي حقيقته وده نفسه.
ليصل الي البيت وينزلها ويري دموعها ليتركها ويهرب من امامها.
لتقف هيا وحيده لا تعرف ماذا تفعل لتستدير وتدخل تبحث عن اختها لتجد زوجه عم ليل لتخاف منها وتهم ان تنصرف.
لتقف لها غاضبه.. راحه فين ياختي اكده لتكونو فاكرين انكو هتجعدو هوانم. لاه ياختي انتو اهنه خدم. يلا ابت همي شوفي هتعملي ايه.
لتنظر اليها حوريه بخوف…. اعمل ايه يا طنط انا طالعه لاختي.
لتهتف… اختك هتنزل تخدم هيا كمان يلا يا شاطره واقتربت منها وشدتها من يدها واتجهت بها الي وسط البيت كان مكان الطيور والعلف لتهتف يا فوزيه… دبحتي الطير.
لتهتف فوزيه… اه يا حاجه اهوه فرختين وبطتين..
لتهتف… طب يلا همي يا بت نضفي الحاجه دي. نضفي الحوان.
لتنظر اليها حوريه.. انضف ايه مابعرفش
والله ما بعرف.
لتصرخ السيده… انت هتعصيني يا بت انت عارفه اللي بيعصي ست البيت يجراله ايه لاه دانتي تنضربي لما تتعدمي العافيه.
لتتشنج حوريا خوفا لتهتف…. والله مابعرف يا طنط.
لتهتف…. اني مش طنط ياختي اني الحاجه ست الدار دي وتعملي بلجمتك ما هنوكلكوش صدجه احنا. لاه تشتغلي تاكلي انت واختك لهتنضربو وتموتو من الجوع.
لتدمع حوريه… طب اديني حاجه تانيه والنبي والله مابعرف.
لتهتف… بقي اكده طب يا بت البندر طلبتيها ونولتيها لتاخذها لمكان علف الحيوانات لتصرخ في الكلاف واد يا بكري.
لياتي… نعم يا ست الناس.
لتهتف.. اجف اهنه البت دي هتنضف تحت البهايم ليبهت العامل وتنتحب حوريه.
لتصرخ…. الله في سماه لو مانضفت لكون عدماكي العافيه اهنه لتدفعها لتقع علي روث الحيوانات.
ليهتف العامل…. اني لسه منضفها يا حاجه فاضل حاجات بسيطه.
لتهتف….. هيا هتنضف وبعد التنضيف تسقي وتحط علف فاهم يا مسخمط.
لتنادي علي فوزيه…. انت يا هبابه تجفي اهنه البت دي تنضف الزريبه لو مانضفتهاش تعدميها العافيه وتجيبي النسوان يهروها ضرب لتنكمش حوريه برعب.
لتهتف فوزيه…. حاضر يا حاجه امرك لتنصرف لتهتف يلا همي
لتقوم حوريه خوفا لتهتف… اعمل ايه.
لتهتف فوزيه… خدي الجردل ده اجعدي عالارض لمي الواغش وارميه عالعربيه يلاهمي والا ماهتشوفيش خير..
ليهتف العامل.. ايه يا فوزيه ماهتعرفش مايصوحش اكده اني هعمل.
لتهتف… بطل دي اوامر الست ويلا همي الا اجيب النسوان يجطعوكي لتزغدها لتنتحب حوريه لتتجه حوريه بغلب وتنذل عالارض وتضع يدها في روث الحيوانات لتنفجر في البكاء وتبدا في النحيب ولكنها كانت تبكي وتعمل في نفس الوقت.
كانت تشهق وتكتم شهقاتها وتشعر بالغثيان مما تفعله لتظل تعمل والعامل يقف يتاملها وقلبه يتمزق وتلك الفوزيه تقف جاحده كلما توقفت تنهرها وتزغدها لتقع علي الارض اكثر من مره وتتسخ ملابسها عن اخرها لتحس بانها من كتمتها ستصاب بالجلطه فعروقها تلسعها من القهر وكتم شهقاتها جعلتها تنتفض من سكات لتنجبر ان تكمل ذلك العمل المؤرف علي يد تلك الحاقده..
لتدخل صابحه وتضحك… ايوه اكده اعرفي مجامك وانك اهنه عمرك ما هتبقي مرت ليل اني اللي هبقي مرته وانت اهنه رميكي عشان تنذلي.
لتخرج تليفونها وتصورها كذا صوره وتضحك وتنصرف.
لتنهار حوريه اكتر وتبكي.
لتذغدها فوزيه… همي يلا مافيش وجت لتنخرط في العمل وهيا منهاره مما وضعت فيه.
*********
في مكان اخر كان جاسر قد اخذ لؤلؤ رغم اعتراضها الي اسطبل الفرس ليهتف… تعالي اوريكي احسن فرس في الناحيه لتنساق وراءه لتلمح فرسا ذهبي اللون ذو شعر ذهبي لتنبهر بها لياخذها اليها ليهتف… دي جوهره فرسه مالهاش زيي عربي اصيل
لتنظر اليه بسعاده…. ينفع اركبها..
ليبتسم… بس اكده دا الجمر يؤمر..
لتقطب ويرجف قلبها.. لو سمحت بطل كلامك ده..
ليضحك… ابطل ايه انك جمر وبعيون جطط ابطلها كيف انحشر جوايا لاه ماهبطلش وهجول الحلو كله لاجل عيون الجمر.
لترتبك وتشيح بوجهها ليهتف… طب يلا تعالي وبدا في وضع السرج وانخرط يعلمها كيف تعد الخيل وهيا انخرطت معه لتحس لاول مره بالسعاده وهو بين الحين والاخر يتلمسها لتشعر بحرج واحمرار وجهها ليبتسم عليها.
ليهتف…. اكده خلصت يلا ووضعها علي الفرس وركب خلفها واحتضنها ووكز الفرس وبدا في العدو بها.
لتحس لؤلؤ انها تطير لتفرد ذراعيها وتتنفس بحالميه كانت متعبه وتريد ان تخطف من زمنها لحظه من السعاده وهو متلبسه حاله في الهيام غير عاديه فتلك الجَميله قد مست قلبه.
ليتروي بعد مده ليصل بها الي احد الاشجار والنيل بالقرب ليذهب اليها وينزل ويرفعها من وسطها لينزلها وعيونه تلتهمها.
لتنزل بحرج لتذهب وتجلس وتمد يدها تلمس المياه وتلعب بها كانت رائعه جميله حالمه هادئه طفله َنفضت عنها تعب السنين ليحس انها تحتاح الي الحنان فهيا لم تاخذ من الدنيا شيئا ليقترب ويجلس بجوارها صامتا يتاملها ليمسك يدها ويقبلها لتنظر اليه ليشدها ليهتف… ممكن اطلب منك طلب..
لتنظر اليه باستغراب
ليهتف.. احنا بدايتنا كت غلط يا بت الناس اني مش طبعي والله الضرب ولا عمري مديت يدي علي مره بس هروبكو وكلامك وكلام الوليه جريبتكو دي خلاني انجلب.
لتهتف بوجع… وانت اي حد يقولك كلام بتتقلب كده.
ليتنهد….. عندك حج اني محجوج ليكي
لتهتف بقهر… محجوج ليا انت كنت هتدبحني انت بتقول ايه.
ليهتف… وماحوصولش اهوه انت زينه وكامله مكمله وجمر اهه.
لتهتف بقهر زينه.. اه اوي زينه..
ليهتف…. طب اني اسف يا بت الناس حجك عليا اهه بعتذر وطالب منك نبقي اصحاب ايه رايك.
لتقطب جبينها… اصحاب..
ليهتف… ايوه اني سمعتك و َسمعت اللي عملتيه ورايد اجف جارك ونبقي اصحاب انت محتاجه حد جارك.
لتهتف…. انا عمري ماحتجت حد كانت عيونها تدمع وتحولت للزرقه الصافيه.
ليهمس… وبتدمعي ليه طيب لما انت مش محتاجه حد هو عيب انك تحتاجي حد.
لتقول… هحتاج ليه عشان لما احتاجه يسيبني تاني ويبعدني.
ليهتف…. لاه….. الله في سماه ماهبعدكيش واصل والله ماهيبيعك بس جربي اديني فرصه نبقي اصحاب طيب هنستفاد ايه واحنا بننطح في بعض اكده.
لتتنهد…. ليه عايز كده ليه احنا كده كده في يوم هنسيب هنا.
ليغمض عينيه يسيطر علي نفسه ولا يصرخ فيها ويعلمها انها لن ترحل ابدا ليهتف…. طب من اهنه لحد ماتهملو الدار مش عايزه حد جارك يسندك مرت عَمي صعبه هتاكولكو.
لتنظر اليه… مين دي دانا اطين عيشتها.
ليضحك… طب مانطينها سوا ايه رايك. انت تطيني وان اداري عليكي.
لتضحك رغما عنها
ليهتف… اللهم صلي عالنبي الجمر ضحك يبقي موافح يا جمر
لتتنهد… مش عارفه هتستفاد ايه
ليهتف هستفاد مالكيش صالح ليقول ايه خلاص اصحاب وحبايب لتهز راسها ليهتف لاه جولي بالله عليكي.
لتهمس بخجل….. خلاص اصحاب.
ليمسك يدها ويهتف وحبايب اصحاب وحبايب وشدها وهتف تعالي اجبلك جصب بتحبيه لتهز راسها.
ليهتف طب تعالي نجيبه من الارض وشدها وذهب بها يمرحان وسط الغيطان وهو يشاكسها وهيا تضحك لاول مره منذ ان خطت تلك البلده..
*******
كان ليل بعد ان انصرف وترك حوريه بمفردها اندفع الي احد الاماكن الخاصه به ليقف غاضبا فهيا عادت تنظر اليه بخوف مره اخري لينهر نفسه.. بطل بقه ماتخاف والا تتهبب مالك محروج اكده انت ايه هتنسي نفسك انت ليل الرفاعي اللي جلبه حجر. حتة بت هتخليك تنخ.. ليتنهد ويغمض عينه ويحس بنغزه في قلبه ليضع يده عليها.. بس هيا كت فرحانه اول مره تفرح من ساعه ماوعيتلها ماشفتهاش الا خايفه َمرعوبه ليفتح تليفونه يتاملها وهيا تدور سعيده وتضحك وشعرها يدور هيا كت فرحانه جوي بحاجه بسيطه شوف واجفه جمر بيشع نور ازاي واتراضت في ثانيه هيا عامله ليه اكده نازله من السما اياك ليظل يتأملها وهيا تدور وقلبه يرجف.. وتذكر نظره الخوف التي عاودتها ليهتف. طب ليه تتهبب تخاف تاني ماكت مبسوطه اهيه وفرحانه.. مانت يا زفت اللي خوفتها وجلبت عفريت تاني انت ايه مجنون والا ملبوس. ماعملتش حاجه وانت زعيت كيف الطور خوفتها.
ليهب.. لاه اني صوح اني ما هبجاش مايع واتلهف عالنسوان كيف الاهبل وهيا من بيت اللي جهرونا بموته عمي .. لاه اصحي لحالك اياك تنخ اه البت حلوه ماهتنكرش بس انت راجل واعر مالكش في شغل النسوان واياك تحن انت اهبل اياك. (مثلا😂) عايزهم يجولو ليل بيسبسب لبت الجتله لاه ماهيوحصلش دا عار ماهلبسوش هيا ليها مجام تجف عنديه وانت نشف جلبك(ايوه نشفه وابقي قابلني 😜) ..
ليتهد قليلا… بس انت سيبتها واجفه كيف الغلبانه ماهتعرفش حد روح اطمن عليها وهملها بعد اكده مالكش صالح بيها وبعد عنها بالمشوار البت دي خطر عليك اني هطمن بس دي روح برضك (يا وله 😂انت) ..ليمسك العصفور ويطلب من العامل ان يذهب به الي احد مربين الطيور ليتفقده ويعيده ليستدير ويعود الي البيت ليدخل ويصعد فلم يجدها ليسال فين حور يا فضيله..
لتهتف.. بتنضف الحوان يا ليل بيه.
ليقطب… جبينه بتنضف ايه ياختي..
لتهتف… ايوه يا بيه الست عمتك خدتها تنضف الحوان عشان الغدا.
ليهب…. نهاركو اسود تنضف ايه انتو اتجنيت دي تعرف تنضف حاجه منكو لله.
ليذهب مسرعا الي وسط الدار ليجد احد الخادمات تنضف الطيور ليرتاح قلبه ليسالها حوريه فين..
لتهتف…. في الزريبه يا بيه.
ليقطب جبينه…. في الزريبه ودي بتعمل ايه في الزريبه ليندفع ويذهب الي الزريبه ليدخل عليهم لينشل مكانه ويحس ان قلبه سينخلع وتتلبسه الشياطين و…(ليل علي اخر الروايه هينجلط بس اصبر عليا 😂😂😂
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حورية في قلب الليل)
