رواية حورية في قلب الليل الفصل السادس والعشرون 26 بقلم ميفو السلطان
رواية حورية في قلب الليل البارت السادس والعشرون
رواية حورية في قلب الليل الجزء السادس والعشرون
رواية حورية في قلب الليل الحلقة السادسة والعشرون
نزل ليل الي زوجه عمه ليصرخ…. عملتي ايه في مرتي يا مرت عمي.
لتبهت من عنفوانه لتهتف…. هعمل ايه يا ليل ومالك نازل تصرخ اكده.
ليصرخ…. مش عايزاني اصرخ امال عايزاني اعمل ايه. مرت ليل الرفاعي انهبلت ليه. اتعمل فيها ايه. ورجاله ايه اللي هتجيبها يا مرت عمي لمرتي ليصرخ.. عملتي فيها ايه هبلتيها اكده دي يتعمل فيها اكده.
لتصرخ… مالك يتعمل والا مايتعملش مش هملتها امبارح مالك بيها تنحرج بجاز.
ليصرخ…عشان حيوان وزباله . بس لاه مرتي ماهتنحرجش بجاز َ. من اهنه ورايح مالكيش صالح بيها وبروح اي حد يجرب منيها. اني ماعرفش انت عملتي فيها ايه جلبتيها اكده. البت مرعوبه فوج بس هعرف وساعتها هتبقي خراب عالكل. اني ماهسكتش تاني عالجهر والمسخره دي. مرتي ست الدار دي ماحد يجربلها فاهمه يا مرت عمي.
لتصرخ هيا.. عملتها ست الدار يا حومتي علي آلرجاله اخرتها بجيت دلدول.
ليصرخ بغل .. تاني مره هتجوليلي اكده هنسي تربيه السنين واعرفك مجامك يا مرت عمي. ليل الرفاعي كفايه عليه حزن اكده لا عت اهبل ولا عبيط والا عاد جوايا غل يمشيني. ايه كت اشترتيني عبد عندك اياك واحول اعدي امي امي. بس لاه
يمين الله لانسي كل حاجه بس عشانها ليقترب منها.. لو حوريه في كفه والعالم في كفه هختار كفتها يا مرت عمي. الطور لجامه اتفك وسلسال انحل وربنا عتجه وتاب عليه من غل جلبه. مش هعيش عمري اجهرها واحهر حالي. ليل الرفاعي بيجولك اني مش دلدول واللي يجول اكده ادفنه موطرحه. اني كت دلدول ليكي تجلبيني كيف مابتريدي ما اللي مربي جرد عارف جراره. وكتي بتعرفي تجلبيني لاني غبي وغشيم وماكت واعي للي جواتي. بس لحد اهنه وكفايه. البت اللي فوج دي ست الناس وست الدار دي . مرتي رفاعيه ماحد يهوب ناحيتها بروحك تجربي منها.. تهبليلي مرتي بتاع ايه هاه. لولا العشره وتربيه السنين كان ليا صرفه ليكي تانيه توجع بالجوي.
لتهتف…. دي اخرتها وآخره تربيتي.
ليهتف.. اخره تربيتك شايلهالك وماحاسبتكيش عاللي عملتيه في مرتي ولو ان راجدتها فوج بالدنيا احرجلها دنيا بحالها. مرت عمي لآخر مره حوريه لو هوبتيلها انت حره ماهتبجيش في الدار دي من اساسه.
لتبهت و تتراجع… بتقول ايه يا واد.. هترميني بره.
ليصرخ.. أرمي روحي بذات نفسها بره لو حد جرب من مرتي. لأنها اغلي من روحي. حوريه ست الدار مافيش غيرها وتحكم وتتحكم في مال وبيت جوزها تجربي منيها يا مرت عمي ليل هينجلب عفريت ينهشك ويعرفك تربيتك ممكن تعمل ايه. وادعي
بس انها تجوم واعرف منيها ايه حوصل ساعتها لو انجلبت عليكي ماهتعرفيش توجفيني. خافي من ليل يا مرت عمي لانه تربيتك وانت عارفاه لما يغل علي اللي منه. خافي قوي لأنها لما تصحي واعرف هحرجلها دنيا عشان تتراضي خلصت اكده. لما الغل يخرب عيشتي اجطعه. واللي يجرب من مرتي بعد اكده يمين بالله لاخلي اللي مايشتري يتفرج واعرفهم مين هيا حوريه عند ليل. وساعتها هجيب الرفاعيه كلهم واخلي مرتي فوجيهم وفوجك يا مرت عمي وجزمتها علي راس الكل.. لمي بقه الدور عشان ساعتها هحرج جلبك انت ليستدير محروقا وزوجه عمه تقف والقهر تكلبش في صدرها فهيا فقدت سندها الذي كانت مسيطره عليه.
ليصعد مره اخري ليجد لؤلؤ محتضنه اختها ليهتف. عايز انام اتفضلي..
لتنظر اليه بذهول. بتقول ايه انت. انت مخبول ماتروح تنام والا تولع مالك بيها ايه البجاجه دي.
ليقترب ويشدها من يدها بعيدا….. جولت عايز ابقي جنب مرتي وتفضلي.
لتدفعه …. اتفضل فين روح روح ماهتقربش منها تاني انت عايز تموتها انت عايز منها ايه ماشبعتش شد وضرب وقله قيمه انتو ايه فاكرينا عبيد عندكو. ايه اللي وقعها كده انطق يا كافر.
ليمسكها من يدها ويشدها ويدفعها خارج الحجره.
لتصرخ وتخبط….. افتح والله اطين عيشتك افتح يا جاحد انت فاجر ليه كده.
لتسمع زوجه عمه لتهتف.. هو ايه الحزن ده هيا كل واحده بجصه مالك ياختي هايجه اكده.
لتصرخ فيها….. وانت مالك يا ست انت.
لتقترب منها وتمسكها من شعرها…. لا هتعلي صوتك هجطعلك لسانك.
لتجد جاسر يقترب ويشدها بعيد….. يدك يا مرت عمي عن مرتي لاجطعهالك .
لتنظر اليه المراه بغل ليهتف…. اصحك تجربي مَنيها واللا تفكري تمدي يدك عليها. اني مش ليل تضحكي عليه بكلمتين وتغليه تهبليه. ماشي يا مرت عمي. وبجولهالك في وشك مرتي اللي يمسها امسحه من عالارض. ومشي ايامك بقه عشان
اخرتها طين ليكي يا مرت عمي. اخرك معايا انهارده جاسر الطيب ماهيسكتش وهينجلب عفريت يجف لاي حد يفكر بس يلمس حرمته.
ليشدها ويدخل حجرتهم ليقترب منها ويمسد علي شعرها لتدفعه وتبتعد وتقف مقهوره.. ليتنهد…. ايه بس ماني ماسكتلهاش اهه وماهتجربش منك تاني.
لتنظر غاضبه.. لا تقرب من اختي وتموتوها انتو بتعملو فيها كده ليه عشان غلبانه وطيبه هما عملو فيها ايه خلوها تنهار كده.
ليتنهد…. مفيش ليل ماسكتش ليهم وسخمط عيشتهم وهيبعدو عنيها خلاص بقه بطلي زعلك ده.
لتتنهد. يا جاسر تعبت والله تعبت انا استحمل هيا مابتستحملش حاجه.
ليقترب ويمسك يدها…. واني هكلم ليل وهجف جدامه لو حاول ياذيها بس ليل ماهياذيهاش صدجيني.
لتهتف…. ليه ماهو جاحد منه لله.
ليضحك.. بتدعي علي اخوي جدامي اجول ايه لتنظر اليه ساخطه.
ليضحك…. اهوه ساكت وكاتم.
لتهتف….. اخوك دا جاحد مش زيك ليه طيب كده قبل كده تتخنق وانهارده يجبلها انهيار ايه لقاها في الشارع والله ماهسكتله. ويلا وديني له خليه يفتح اخش لاختي.
ليقترب ويشدها يحتضنها ليهتف. اكني طيب والنبي. والله طيب وعسليه وبيدوب في الجمر ابو عيون رمادي.
لتنظر اليه بدهشه.. احنا في ايه والا في ايه.
ليهتف.. لاه اني باخد اللي يلهب جلبي وجمري جال اني طيب ليلتصق بيها مش طيب والنبي.
لتتنهد وتهتف…. بس يا جاسر قلبي بيوجعني علي اختي.
ليقبل يدها….. سلامه جلبك والله هكلمه وماهسكتلمهش كلهم.
لتنظر اليه بحب.. بجد يا جاسر دا اخوك صعب اوي.
ليهتف.. عشان بسمه الجمر اجف للعفريت.. ليهتف خلاص بقه.. لتتنهد ليحتضنها لتهتف طب وديني لاختي انام جنبها والنبي.
ليهتف…. طب اهدي اكده عشان ليل جايد نار يهدي بس وهوديكي.
لتهتف…. قايد نار ليه هو ايه اللي حصل..عملو فيها ايه مقهوره.
ليهتف…. هحكيلك بس تهدي ماشي وتعرفي ان ليل ماساكتش وخد حجها تالت ومتلت.. ليحتضنها وياخذها ليحكي لها ما حدث وما فعله ليل.
عند ليل ظل يجلس مقهورا ليقوم وياتي لها بملابس ويلبسها اياها ويتجلد فمنظرها مهلك واحضر طبقا وفوطه وظل ينظف وجهها وجسدها عند صدرها وبدا ينظفه ليلاحظ جرحها وعلامه خاتم عمته علي صدرها.
ليشعر بالقهر…. عملو فيكي ايه طيب هموت اكده ليظل ينظفها حتي اصبحت نظيفه واخذها في احضانه.
ليهمس… جابولك العصبي يا جلب ليل والله حته من جلبه. منك لله يا ليل انت السبب. انت اللي الكلام دخل جواتك طلع الطور اللي نايم جوا. كان نايم وبقي كويس ليه يا مرت عمي تحرجيني بكلامك انجلب اكده. تجهريها اكده. عملتي فيها ايه طيب مش متخيل الجهر اللي شافته كفايه نومتها في الزريبه. وكفايه ابن الكلاب اللي حصرني بمنظره اه جلبي هيتمزع من مكانه انت ايه جرالك. ليل جواتك حوريه لبستك. ابن الرفاعي وجع لما انهري. يمين بالله مافيك ريحه الرجوله يا زباله لما تسيبها اكده منك لله. دي تتساب يا كافر . ليظل يتلمسها ليمر الوقت وهو لا يفارقها ليطلب صينيه طعام ليدخل بها ليلاحظ تحرك حوريه.
ليندفع ويحتضنها ليهمس…. جلب ليل بتفوجي يا جلبي..
لتتململ في احضانه وتتاوه ليهمس…. بخت كت اني اللي انجهر اكده لتفتح عيونها بهدوء ليبتسم لها لتظل فتره تنظر اليه لتعود لنفسها لتنكمش وتان وتبتعد.
ليهتف….. لاه لاه بالله ماتبعدي ولا تخافي. والله مافيه حاجه هتضرك ليستدير ويجلب المصحف.. وعهد الله ماحد هيلمسك ليحتضنها يمسد عليها ودموعها تسيل لتبتعد.
ليتنهد…. طب اهدي بالله اهدي جوليلي ايه اللي حوصل.
لتنفجر في البكاء ليتنهد ويهتف…. طب خلاص خلاص مش مهم المهم انك بامان دلوك اهدي طيب.. كانت منزويه بعيدا كان يريد ان يحتضنها ليقترب ويشدها ليشدد عليها.
لتهمس برعشه…. ابعد والنبي ابعد.
ليهتف.. حاضر هبعد بس اما تهدي اهدي خلاص احنا اهه في مجعدنا ماحدش معانا وراجلك معاكي اهه لترتعش وتنتحب. طب ايه طيب اعمل ايه.
لتهمس…. ممكن تبعد والنبي انا خايفه.
ليتنهد….. خايفه من ايه بالله جولي ايه اللي حوصل..
لتنسل من جواره وتنزل وتبتعد….. من فضلك كفايه بقه انا غلبانه بتعملو فيا كده ليه عملتلكو ايه.
ليقوم ويقترب لتصرخ…. ماتقربش.
ليهتف بقهر…. . طب ايه المرار ده جولي فيه ايه.
لتنظر اليه بوجع…. فيه ايه.. لا مفيش يابن الناس هيبقي فيه ايه. الله يرحمك يا امي بخت بنتك من بختك.
ليقترب ويمسك يدها…. لاه اني ماعتش جادر جولي فيه ايه.
لتهتف غاضبه.. انت ازاي وحش قوي كده عملتلك ايه بتكرهني ليه كده. كل ده عشان التار انت راجل ازاي انا مش مصدقه.
لينفعل…. بتجولي ايه انت فيه ايه.
لتنهار وتهتف….. مفيش مفيش سيبني بحالي انا تعبانه. يا رب اموت وارتاح هعيش عمري كده بتعذب ليه. عملت ايه انتو متوحشين ليه كده.
ليقترب ويشدها يحتضنها ويملس علي شعرها طب عملو فيكي ايه بالله جولي..
لتدفعه ماتلمسنيش ابعد بقه لتنظر لنفسها لتجد نفسها تلبس قميصا مكشوفا لترتعب لتندفع الي الدولاب وتشد وشاحا وتلبسه.
ليبهت من فعلتها لتغطي نفسها وجسدها وتذهب تجلس وتنكمش علي روحها.
ليتنهد…. يا رب ايه المرار ده البت اتلبست ربنا يحرج جلبك يا مرت عمي .. ليذهب ويجلس بجوارها يراقبها لا يعلم ماذا يدور في خاطرها كانت مرتعبه ان تقترب منه وتحذيرات عمته تنهش قلبها ان تقترب منه كانت طيبه وضعيفه. ليمد يده ويلمس جرحها ليهتف… هو اللي عمل ده
لتسيل دموعها وتهز راسها.. ليتنهد مين طيب عمتي.
لتحني راسها.. ليستغفر ربه.
ليهتف…. طب ايه اللي وداكي معاه رحتي ازاي الزراعيه.
لتهتف بقهر…. كان مغمي عليا ماحسيتش وما كتش اعرف مين ده و َمين بعته.
لتستدير بقهر…. والله يا ليل ماعت هقرب منك والله ولا هلمسك. انا اصلا مش عايزه المسك. والله ماهاجي جنبك. وخلاص لبسي هلبس مقفل ماهلبس حاجه مكشوفه بس ماتجبليش حد والنبي يا ليل دانا مراتك.. لتبهت.. لا مش مراتك انا يعني واحده بنت. والنبي ماتجبلي حد يا ليل.. كانت تهذي وتنتحب وهو لا يفهم شئ.
ليهتف بقهر…. انت مالك مرعوبه اكده وماهتجربيش ليه.
لتهتف بغلب ودموعها تسيل…. .. بص من بعد انهارده وانا هبقي في حالي. ومش هخرج من المقعد ده وهبقي في حالي والله هبقي في حالي خالص لتنتحب.. ماتسيبهاش تجبلي حد انا مش رخيصه.
ليغمض عنيه ويتحكم في نفسه ليهتف بهدوء.. هتجبلك ايه طيب ومين اللي هتجبلك ممكن تجولي بالله عليكي يا شيخه اني تعبت.
لتنظر اليه بقهر…. طب هتبعد لما اقلك وماتأذنيش.
ليتنهد…. جولي وهنشوف اني كده كده ماهأذكيش.
لتهتف ودموعها تنهمر….. اصل…. اصل….. طنط اللي تحت لقتني واقفه بالروب زعلت وقعدت تشتمني وقلعتني الروب ولقتني لابسه قميص البيت وشافته بس والله ماكت لابساه عشانك والله دا لبسي ماعنديش حاجه تانيه..
ليمسك يدها ويملس عليها بحنان….. اهدي وكملي..
لتتنهد وتهتف…. وقالتلي اني لابسه كده عشان.. عشان.. عشان عايزه منك قله ادب. وانا والله ماعايزه ورحَمه ماما مش بفكر فيك كده ولا عايزه.
ليتنهد.. كملي كملي وريني الغلب كله وعيشتي الطين ..
لتتنهد وتكمل… وقالتلي لو قربت منك هتسخمط عيشتي واني رخيصه. ولو فكرت اقرب منك هتجبلي راجل عشان انا رخيصه. لتنهار…. والله يا ليل ما رخيصه والله ماهقرب منك ماتخليهاش تجبلي راجل والنبي يا ليل.
ليظل ينظر اليها محصورا ليشدها اليه لتصرخ ليهتف.. اسكتي شويه بس ابلع الجهر اللي انحدف عليا ونكمل لتتململ خوفا.
ليهتف…. جولت اهمدي اني والع وهموت محصور .. لتستكين بقهر ليظل و يمسد عليها ويحتضنها.
ليتنهد بحرقه تكوي قلبه… كملي لتحاول ان تبتعد ليهتف…. جولي وانت اكده انت ماهتخرجيش من حضني لو الجيامه جامت..
لتستكين بقهر وتهمس…. وبعدين شدتني من شعري وضربتني في صدري لتبكي وجعتني اوي وجبت دم كتير وخدتني حبستني مع الحيوانات وقفلت عليا. لقيت العربيه طلعت عليها كنت مرعوبه. ولقيت الشوالات حطيتهم عليا. البقره كانت هتاكلني خبيت نفسي بالشوالات وماحسيتش بحاجه الا والولد ده عايز قله ادب..
لتنتحب…… كان قليل الادب قوي وبيقول كلام قله ادب. وبيقلي يا رقاصه انا مش رقاصه مارقصتش لحد انا. طب ليه يا ليل تسيبهم يعملو كده ماتطلقني وترميني زي مابابا عمل في ماما طلقني وحياه النبي .. عيب يا ليل تجيبلي رجاله.
ليصرخ…. بطلي بقه… رجاله ايه اللي هجبهم يادي المرار ليشدد عليها.
لتجهش بالبكاء لتهمس…. ابعد والنبي انا خايفه من طنط.
ليصرخ….. بطلي بطلي اكتمي ابلع الجهر اللي اتجال. ده انت محسساني اني جرني وديوث. يا مري اجيب لمرتي رجاله. مرت عمي تعمل فيا ليه اكده.. لتنتحب.. ليهتف ابكي ابكي علي الحزن الاسود اللي ليل اتنجع فيه اني ماهشوفش فرح عمري . اني اتعاصت طين لما وشي اندعك في الارض. ابكي وهاتي حد يعدد عليا وعلي عيشتي الطين. جوازه من اولها جهر في جهر..
ليزيد نحيبها وتحاول ان تبتعد.
ليصرخ…. بطلي بقه واهمدي.. لتصمت خوفا ليتنهد…. دا مرار وشك اتعك طين يا ليل.. ليه اكده ليه يحصل فيا اكده. ماكنوش كلمتين يا طين خلوك تجلب حلوف وتهملها ليهم. يعملو فيها اكده ويبهدلوها اكده. رجاله ايه يا مري حاسس اني محصور هفطس ليظل يحاول ان يهدا وهيا تبكي وترتعش خوفا..
ليبعدها قليلا ويهتف ممكن تهدي وتبصيلي.. لتنظر اليه ليتنهد ممكن تبطلي نظرتك دي حاسس اني هنجلط. انت خايفه ليه ماهعملش حاجه ماحدش هيجدر يمسك بسوء والله ماحد هيمسك.
لتمسك يده مندفعه….. يعني ماهتجيبوش ليا رجاله..
ليحس باحشاوه تمزقه ليضع يده علي وجهه وينظر في السقف يتجلد ويحاول ان يهدا ليهتف بقهر .. يا حوريه ماطلعتش جرون لسه ليل لسه راسه ماركبلهاش جرون.
ليهتف حانقا….. رجاله ايه يا حوريه ما تسكتي بقه وبطلي حزن اسود انت متخلفه ليه اكده.
لتنظر اليه بغضب. ليتنهد. عايزاني اجول ايه واحده بتجول لراجلها ماتجبليش رجاله عايزاه يعمل ايه دا مرار طافح.
ليقترب لتنكمش ليهتف بغضب…. بطلي بقه عشان والله اني والع وهخبطك بحاجه اجيب أجلك. .
لتهمس…. طب قول وانت بعيد انا خايفه طنط تيجي.
ليندفع ويشدها لاحضانه….. انت بتحربي على جتلكك انهارده صوح ماتسكتي بقه جولتلك ماحدش هيمسك انت مرتي المسك براحتي وتجعدي في حضني وسريري وماحدش له حاجه.
لتهتف…. لا طنط هتزعل وانت سيبتني ليها امبارح وطنط قالتلي انت قولتلها هيا عندك اعملي فيها مابالك.
ليشعر بالقهر فهو قال ذلك فعلا.
لتهمس….. مش قولت كده.
ليتنهد ليهتف.. ايو جولت بس.. لم يجد مايبرره.
لترتعب وتبتعد ليمسكها مره اخري اهدى طيب هفهمك.
لتهتف…. مش عايزه افهم ابعد بقه انتو عايزين ايه لتقف.. بس اعمل حسابك انا مش عشان طيبه هسيبكو تعملو فيا كده. انا هموت نفسي لو سيبتني لحد يلمسني انا هدافع عن شرفي يا ليل بيه.
ليتنهد. طب اروح فين اجيب عجل منين. بكلم واحده مخبوله ليصرخ…. شرف ايه اللي هتدافعي عنه انت فاكراني ايه ههمل حد يمسك.
لتصرخ…. مانت سيبتني. مش انت اللي قولتلها عندك اهيه اعملي فيها مابدالك وتجبلي رجاله يا قليل الادب يا بتاع صابحه.
ليبهت.. بتاع صابحه.
لتصرخ…. اه الهانم اللي مكتوبالك زعلت لما لقتني لابسه كده وتقلي بتتنحنحي لراجلي. انا مالي بيك انا. لتقترب وتخبطه.. انا اتنحنحتلك انا وعملت قله ادب. اسمع بقه من هنا ورايح مالكش دعوه بيا. وشفلي اي مخروبه تانيه اعيش فيها بدل مايتقالي رخيصه ورقاصه انتو اللي وحشين كت شفتوني رقصت فين بقله ادبكو دانا اشرف منكو كلو هاه بس.
ليقف ينظر اليها محصورا.. طب اروح فين عايزه تروحي فين بعيد وتجهريني انا لحجت اساسا اجرب لما ابعد يا مري ورجاله وطين.
ليقترب ويشدها لترتعش.
ليهتف منفعلا…. بطلي تترعشي اكده يا حوريه ماعندكيش عجل. شيفاني اريل وجرني عشان اعمل اكده حجي انجهر.
لتهمس…. انتو وحشين وقلالات الادب.
ليتنهد.. اه والله وحشين وجلالات الادب عشان نزعل الجمر ده.
لتهتف… ايوه مش عيب تجبلي واحد يحسس عليا ويقطعلي هدومي ويقلي يا رقاصه ويمد ايده وي..
ليهتف بحسره… وي ايه جولي اجهريني اكتر ماني مجهور. تصدجي اني استاهل جهر الدنيا يمزع فيا. ليتنهد…. بطلي والله ماكت اعرف بالجهر ده.. ليحتضنها ويهمس حجك عليا والله ماجصد لتهز راسها بغلب
ليهتف.. طب عشان خاطر جلبك الابيض عارف انه ماهيردنيش. اني وحش اهه ومحجوجلك ليرفع وجهها ويقترب.
لتهمس… ماتقربش بطل
ليهتف.. لاه ماجربش ازاي دانا انجهر العمر كله ليلمس شفتيها باطراف اصابعه.. حجك عليا دانت الغاليه اشيلك بعيوني رجاله ايه بس داني جتتي انهرت وكت هرتكب جنايه.. ليقترب يقبل خدها ليهتف اني محجوجلك ليقبلها قبلات حانيه.
لتتنهد بغلب فهيا طيبه بزياده ليقبل عيونها ليهتف…. طب خلاص بقه حجك عليا وخدي حجك زي ماتحبي..
لتنظر اليه ليهتف… اهه جلبه الابيض وعيونه بجت صافيه مش اكده صافيه.
لتهز كتفها بطفوليه.
ليهتف.. داني حرجت الدنيا عشانك ومسكت مرت عمي بهدلتها ولسه اما انزلها هعرفها تعمل اكده ازاي. كت هايج وكت محصور حتي شوفي يدي..
لتتنهد ويرق قلبها وتلمس يده.. ايه ده.
ليهتف.. كت بصرخ من حرجه جلبي واخبط في الحيط كت هرتكب جنايه عشانك يا جلبي. . لتتنهد.اني نزلت دلوك وبهدلت مرت عمي عشانك وسخمطت عيشتهم ومسكت صابحه هريتها ضرب.
لتشهق.. ضربتها جامد كتير.
ليهتف خلصت عليها عشانك.
لتفكر وتظل تفكر.. يعني مش راجلها اه مش ضربها مافيش راجل بيضرب حبيبته. لتبتسم يعني مش هيتجوزها مابيحبهاش.
كان يتاملها وهيا تفكر ليتنهد.. بتفكري في ايه هرتيلي جلبي.
لتبتعد وتفرك في يدها…. . انت قدرت تنام وانا تحت طول الليل وانا جنب الجواميس وانت قاعد هنا كانو هيا كلوني. كت هتاكل وانعض وانت نايم وحش لوحدك .
ليتنهد.. لاه مش وحش كت بهري لما اتشليت عشيه من بعدك. ماجولت بهيمه واتربيت والله انرعبت جهر.
لتنظر اليه… خفت عليا يعني يا كداب يا وحش.
ليقترب ويشدها.. خفت بس.. داني كت هتجنن كت هجتله حسيت بنار جواتي يلمس حالي اكده.
لتهمس.. حالك..
ليتنهد.. حالي وكل ماليا يا حوريه والله.
لتهمس…. يعني يعني… بتقول كده وترجع تبقي وحش وتسيبني ليهم انا مش هثق فيك ويلا روح نتخاصم بقه. لتبتعد.
لينظر بغلب.. اني تعبت. والله تعبت دا مرار ايه ده .. دادي منك لله دادي وانجهر انت تستحج الجهره تكلبش في جتتك.
ليهتف.. طب اهون عليكي تخاصميني.
لتنظر اليه.. واصالحك ليه انا هاتلي حاجه حلوه اصالحك عليها.. كل عمايلك وحشه.
لتقترب قاطبه.. ليل انت زوج وحش بس يلا لتبتعد
ليضحك.. كني زوج وحش. طب مانعدل علي يدك جولي رايداني ازاي واني هعمل.
لتهتف. لا مش بتعرف انت وحش وبتقلب شرير… ايه ده.. مش بتعرف تبقي طيب كتير وانا غلبانه وعايزه حد طيب انت مش تنفع وبطل بقه تصالحني مش عايزه صلح.
ليشدها لتحاول ان تبتعد ليهتف…. لاه هصالح لما تفطسي ليقبلها قبلات متفرقه ويداعبها لتهتف.. اوعي مش عايزه اتصالح بطل والنبي.
ليضحك.. لاه هتتصالحي اني عارف.
لتهمس.. اوعي اتصالح ليه عايز مني ايه انت.
ليقترب.. عايز.. يا مري عاللي عايزه عايز كتير. عايز افرح واتهني.
لتهمس تتهني ازاي.
ليحاوطها.. اتهني بالجمر ده اتهني بجربه.
لتهمس.. بطل تكدب… قرب ايه انا ماتفرقش معاك.
ليقترب ويلمس شفتيها بحنان….. اني برضك داني كت هموت.. لتسهم في لمساته ليحس بها استكانت. ليهمس ولا عاد حد هيمسك.
لتهمس.. يعني مش هتسيبهم يؤذوني تاني يا ليل.
ليهتف.. اللي يجرب منك هجتله.. حوريتي ماحد يوعالها خلاص ست الدار دي.
لتهمس.. صح يا ليو والنبي.
ليهتف.. صح يا جلب ليو ياللي خدتي عجله خلاص ورايد يتاخد الف مره.
لتسهم في نظراته العاشقه. لتهمس يتاخد فين.
ليهتف…. يتاخد في جنه حوريه اللي تاخد العجل ليقترب بوجهه ويتلمسها بحنان كانت نظراته تدخل قلبها تؤجج مشاعر لا تستطيع السيطره عليها لتصرخ نظراتها بمشاعر لمست قلبه ليهتف.. بتبصيلي اكده هفطس. هتهني امتي. رايد اتهني بالجمر ده خلاص مارايدش حاجه تاني ليظل ينظر اليها لتبتسم بحالميه وتتوه في نظراته ليشعر ان بداخله مراجل تطحنه لينهال عليها يقبلها بحنان وشغف ليتوه معها وتنساب في حنانه ليحس بجمال دنيته الجديده دنيا لفظ فيها الغل بدخول تلك الجميله حياته ليختبر مشاعر لم يعهدها من قبل لتخرج من داخله وتنساب وما جعله يتوه مسحورا استجاباتها البريئه ليتوها معا في مشاعر حالمه لينتفض فجاه ويتلبسه الغضب عندما…..
… سخماط…. زفتون 😂😂😂😂😂ديل كلب.. اه والله..الواد ده ماسك ديل كلب.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حورية في قلب الليل)
