رواية حورية في قلب الليل الفصل السابع والثلاثون 37 بقلم ميفو السلطان
رواية حورية في قلب الليل البارت السابع والثلاثون
رواية حورية في قلب الليل الجزء السابع والثلاثون
رواية حورية في قلب الليل الحلقة السابعة والثلاثون
اقترب ليل من حوريه. لتشهق عندما ركع علي قدميه لتنظر اليه بذهول ليهتف… اني اهه كيف ما جولتي راكع يا حوريه. ليل ساب عنفوانه ودنية الكبر ورماها تحت رجلك بس عشان ترضى. جلب الليل الحجر انكسر ميت حته وخرج منه عشج السنين. هفضل عمري كله اكفر عن عملتي. هفضل عيوني مابتروح منها اللعار اللي لبسته بيدي. كويه جلب الصعيدي لما مرته تتلمس من غيره. توب الرجوله اندعك بس بيدي. اهه بنذل ليكي عشان ترضي..اهوه بارك علي رجلي عشان ترضي. لو تجيبيلي العتامنه كلهم هبرك جدامهم واستسمح حوريه تتراضي. بت العتامنه هوطي جدامها واترجاها اني اصلا اطولها واطول ضفرها. شهور لا عارف اعيش ولا اتنفس ميت اتحولت لميت جاعد اتحسر علي العار اللي عملته في روحي. اهه بارك يا جلبي وببوس يدك اهه اعملي فيا مابدالك شالله اعيش عمري بارك علي رجلي عشان بس ترضى. اتربيت غلط وعشت غلط وطبعي غلط بس اني رايد اتغير. اني اتغيرت ورايد اتغير اكتر اهه ليل بيديكي حاله تغيريه. المستحيل اني اسيبك. المستحيل اني افرط في عشجي ده المستحيل . أرضي يا جلبي والله بعشجك.
لتنسال دموعها وتعود تلك الطفله تضم نفسها وترتعش . كانت مذهوله لتخاف بشده كيف يفعل ذلك. لم تتخيل فعلته ليرجف قلبها بعنف فهيا لم ولن تجعله يركع لاحد فهو ليل الرفاعي لتصرخ وتشده….. قوم قوم انت اتجننت انت ازاي تعمل كده.
ليهتف…. اعمل عشانك كل حاجه واي حاجه ليقوم ليشدها… اهه ركعت يبقي ترجعلي يا جلبي. هموت علي طرفك يمين بالله.
لتهمس… ابعد بقه انا بكرهك. اوعي اوعي بلا تركع بل زفت انت اتجننت باين في عقلك.
ليبتسم… لاه ماتجننتش اني عجلت وعملت كيف ما امرتي. ولو رايده اركع تاني هركع. ليهم ان ينزل.
لتصرخ باكيه منهاره وتشده … بس بس بطل اوعي تعمل كده انت اتجننت انا مش هقبل بكده.
ليشدها اليه لتنفجر في البكاء ليشدد عليها.. اشش خلاص يا جلبي خلاص والله اني اسف والله اسف حجك عليا. كان يمسد علي جسدها. طب خلاص والله حبيبي انت بطلي عياط والنبي كفايه انا جنبك اهوه كانت ترتعش وتنتفض كان يعتصرها..ليظل يحاوطها ليهمس… والله كت راضي انجتل عشانك ولا ان حد يمسك ويمس طرفك وانهريت ضرب لما شبعت اني استحج الحرج بس حبيبي مايمسوش حاجه.
كانت تبكي ليمسد عليها ويعتصرها وهيا تشعر انها كانت تجرى أميالا وارتاحت ليهتف.. هشيلك بعيوني وجلبي. هشيلك علي راسي تجعدي تتشرطي.
لتهمس.. مش عايزه ابعد انا بكرهك.
ليرفع وجهها وينظر اليها بعشق..
حوريتي مابتعرفش تكره حوريه ااني اول مره اجولها في حياتي. ليمسك وجهها بيديه….. اني بحبك اني بقيت احب واعرف احب اني بقيت بني آدم وبحس.
ليمسك يدها ويضعها علي قلبه.. فاكره لما جولتي عايزه ده..
اهو ده ربنا حياه ويتمني تعوزيه يحطك جواه. اني ربنا شفاني واتربيت صوح… مرتي كت هتتاخد وعرضي كان هيروح ودي عند الصعيدي جتله وموت. كت داخل اموت ولا هاممني ووصيت جاسر تجعدي ست دار الرفاعيه تامري وتتأمري مالك ومال جوزك. ليرفع وجهها كانت دموعها تسيل من كلامه فهيا تعشقه وطيبتها تكوي قلبها و ركوعه امامها هزها بشده.
ليهتف… اني اه ماستحجكيش. اني اه سو وعملت العيبه. بس الغل يابت الناس ربنا يكفيك شره. انت ماتعرفيش اصلا يعني ايه غل ماشفتهوش ولا اتربيتي عليه. اني بقه ربنا ابتلاني بالغل وكت هخش جهنم ماربنا ماهندخلش جنته بالغل ده. لحد ماجيت دخلتي حياتي دوجتيني الحنيه ورحتي من حياتي. دوجت النضافه عن حج. نضافه الجلب الأبيض. ليرفع وجهها ليمسح دموعها.. عهد عليا لاخلي عنيكي دي تفرح فرح السنين عهد عليا لاكون ليكي امان عن حج بس ترضي. حوريه ساعديني طالب تساعديني بحلبك جوايا طبع الغشم والشدة جربك هيداوي ده كله هتسيبيني لمين.
لتنظر اليه ولا تفعل شئ. كانت طيبه مسامحه تعشقه بجنون عانت بعده الكثير ورجع لها الأمان كانت في احضانه تشعر ان هذا مكانها لتستكين بغلب فهيا ذاقت الويلات.
لتهمس بلين… مش عايزه ابعد.
ليتنهد ويقبلها علي وجنتيها ليهمس…. مش عايزه ليل. مش عايزه حبيبك حاسس بجلبك بيدج حاسس بجسمك بيترعش كيف ماكان حاسس بنفسك نار من جوفك. حبيبي واعي انه موجوع بس لسه عايزني.
لتسيل دموعها فهيا فعلا تريده لتهز راسها ليهمس.. لاه عايزاني وشايف عيونك نار جايده. والله اتربيت وهتربي اعملي مابدالك. داني كلت ضرب لما شبعت وكت هموت يا جلبي والله.
لتنظر اليه ببراء ويلين وجهها ليبتسم فهيا طيبه.. ليهتف.. حتي شوفي وشي بجي شوارع ازاي ليمسك يدها ليضعها علي موضع إصابته.. بتوجع ولا يهمني. لتتلمس إصابته بحنان وقلبه سيخرج من مكانه.. ليهمس واختك رزعتني بالكرسي ماعتش شايف وانت جيتي كملتي لو رايده اجبلك عصيان الدنيا تكسرها علي دماغي.. اجبلك يا جلبي.
لتهز راسها بحنان كانت تراه مصابا وقلبها يؤلمها فمهما كانت تتصنع القوه والوقاحه فهيا كما هيا لم يتغير قلبها بطيبته وحنانه.
ليهمس… كت هنجتل واريحك كتي هترتاحي يا جلبي. لتسيل دموعها بغلب فكلامه يعيد اليها حالميتها. وقربه يعيد الحوريه لتسكن لقلب الليل. كان قربه جعلها تنزع ماتوشحت به من قوه لتحس انها تريد أن تستكين لتدخل ضلوعه فهو امانها وعاد اليها وهو يحس بها ويعرفها
ليحاوطها ليهمس.. انت ستي وتاج راسي انت جلبي اللي عايش عشانه ليدفس راسه في شعرها ليهمس.. وحشتيني يا جلبي حاسس اني كت في نار اقسم بالله. ليشدها ويعتصرها لتستكين وتغمض عينها. وتنساب رويدا رويدا ليبتعد ليجدها مغمضه لينفلق قلبه من السعاده ليقترب يتلمس شفتيها بحنان ليهمس.. رايد اتوه فيكي وحشتيني جوي يا جلب ليل. والله جلبه وروحه.
لتهمس بلين لم تعد تعي من قوتها شئ من اساسه.. لتهمس… مش عايزه يا ليل خلاص بطل ابعد.
ليهتف.. مش عايزه ليو حبيبك مش انا ليو برضك.. ليلك حبيبك… لتنظر اليه بعشق ليلي…
ليهمس ليلك وهيفضل ليلك العمر كله يا واخده عجلي. جلبي هينخلع من عيونك وجمالهم اني ماستحجش الجمر الطيب ده يا جمالو وهو جمر اكده ليقترب بشفتيه يقبلها لتسمع صرخه عاليه لتنتفض وتبعده .(عيل بومه وفقر 😂😂).
كانت لؤلؤ بالخارج تقف منفعله وتصرخ هو بيشدها ليه ولا عشان انا تعبانه ومالناش حد يقفله لتتأوه.
ليمسك جاسر يدها… براحه يا عمري والنبي ماتنفعليش اكده شكلك صعب..
لتصرخ…. وانت مالك صعب والا زفت مالك بيا انا والله لاخرب بيته له عين.. لتصرخ فجأه..
ليهب…. ايه يا جلبي مالك والنبي ماتجهرنيش..
لتتصمت قليلا تحاول ان تهدي نفسها وتمسك في الكرسي وتغمض عينها لتهدا.
ليهتف…. جلبي والنبي ماتجلجنيش نجوم نروح لداكتور.
لتفتح عينها وتنظر اليه بعيونها التي تحولت الي رمادي لتهتف.. تودي مين.. انت مين اصلا عشان تودي وتجيب. انت مين عشان تتكلم وتقول..
ليهتف بوجع…. جوزك يا قلبي..
لتضحك.. لا بجد اهلا وسهلا حمدالله عالسلامه. و فقت لقيت نفسك كده والا شربت حاجه واتعالجت.جوز مين يابو جوز.. جوز الهم والندامه.
ليتنهد بوجع …. يا لؤلؤ انا عارف انك زعلانه.
لتضحك….. زعلانه… ليه دست علي رجلي فزعلتني. دا مسخره والله .. انت جاي ليه يا جاسر بس عشان يبقي عندي معلومه.
ليقترب ويجثو علي ركبتيه ويهتف.. عشان اجولك اسف والله اسف.
لتبعد عينها عنه فهو يجثو امامها راكعا يطلب رضاها وهذه عند الصعيدي كبيره.. لتسمعه يكمل..يا جلبي بالله ما رايد في دنيتي الا انتي . بجالنا شهور بندور عليكو واكمل لها ما حدث كله من وقوعهم في مكيده تلك الحقيره..
ليهتف.. والله يا جلبي انا كنت مبهوت وجلبي موتني عليكي وجولت هروح اجيبك تاني من عند اهلك وارضي واسامح حتي في عيبه اتعملت في حجي جبل ماعرف الحجيجه. والله كت هروح اجيبك تخيلي اكده لو مرت الصعيدي كت هتجتل ابوه ويعاود ليها بس عشان بيعشجك. كنت مش عايش الشهور دي انا جاي ابوس ايدك واوطي تحت رجلك تسامحيني اطلبي اي حاجه اعملها يا عمري انا اندبحت..
لتنظر اليه بغضب.. اندبحت.. من مين مين اللي دبحك امال انا ايه.
لتصرخ… امال انا ايه يا اخي يا ظالم منك لله تنيمني في حضنك وتوعدني واخرتها ترميني واترجاك تقوم مطلقني. قلتلك انت قلبي ودنيتي واماني ترميني كده ما اداتنيش حتي فرصه انطق. تسبب اخوك يمد ايده عليا ليه ليه مانتش راجل. اضربني انت مافيش نخوه خالص سايب اخوك يضرب ويشتم ماصعبناش عليكو يا كفره نترمي في انصاص اليالي.. وراجع تقول اسف.. اسف علي ذلنا ليكو اسف علي وجعي وقهري اسف علي ايه علي ذل اختي الغلبانه في الشوارع وانا نايمه متلقحه لا باكل
ولا بشرب َالدنيا ضيقه والبيه نايم وسايبنا نتهان.. احساسي اني لوحدي وشايفه اختي بيتاخد عرضها من زباله وبتبيع نفسها عشاني بعد ما كت هانم.. اختي كانت هتتجوز عرفي. اختي الغلبانه اللي بتخاف كانت هتبيع جسمها عشاني..اختي باعت نفسها عشان تربيلكو عيالك. لحم عيالك كان هيجي من الحرام يا سي جاسر. لتخبط علي بطنها… ابن الرفاعيه الرفاعيه ماصرفوش عليه مليم. ابن الرفاعيه كان هيتربي من لحم بت العتامنه. شهور اختي ده يحسس وده يبص وانا راقده مذلوله ومقهوره. عارف يعني ايه لؤلؤ تنذل. عارف دي ايه. لؤلؤ طول عمرها قويه بتتصرف ماحد يمسها لؤلؤ طول عمرها جبل مايهزه حد. انت دخلتك عليا حياتي ذلتني انت جاي اقول ايه. ايه القرف ده. اسف علي ايه قول. قول ياه دا سهله خالص امزع فيك وارجع اقلك اسفه لا بجد انا مش مصدقه
ليهتف… انا بحبك يا لؤلو.
لتصرخ…. انت كداب بطل تقول كده
ليقترب ويمسك يدها ويقبلها…. لا مش كداب انا بتنفسك وغلطت اه غلطت بس هطبطب علي جلبك لحد ما ترجعيلي..
لتقول…ارجعلك انت.. عارف يا جاسر ليل رغم اللي عمله ليه عذر. تخيل انا لؤلؤ بقول كده.. ليل اتربي لما مرات عمك خلته مريض بالتار والغل . ليل غلبان.. بتبصيلي ليه… اه غلبان ليل اتنقش جواه كره العتامنه اتنقش جواه الحنيه يعني يقلب دلدول. ليل اتصرف بناء علي تربيته الغلط من ست ماتعرفش ربنا لو جه ينطق نقدر نلتمسله العذر. انما انت فين عذرك. انت ماحدش جه جنبك. انت اتربيت بعيد عن الغل وانك تصدق فيا دي نهايه لحبنا ان كان حب من اساسه. انت مش جاحد ولا مغلول. لااا دانت جواك لين الدنيا عندك طبع الحنيه والعقل اللي مش موجوده عند ليل. اعذرك ازاي قلي قلي اعملها ازاي.
ليهتف… والله يا جلبي انشليت مافكرت رجدت ابويا وليل واللي عمله شلني. وكلامك انك هتحرجي جلبه علي كبيره خلاني مخبوط اني ماببررش والله ماببرر وعارف اني غلطت من ساسي لراسي سنه بموت في بعدك اتحولت ماعرفش حالي. بس اني هفضل تحت رجلك لحد ماتعاودي.
لتهتف ساخره… . ودي هتعملها ازاي وانا مش عايزه..
ليشدها لتقوم لتتأوه بوجع وتمسك فيه ليهتف انا هخليها تنفع وهعملها ازاي دي هحب في حبيبي لحد ما افطسه واطبطب علي جلبه. هكون سندك عن حج. ليستدير وياتي باحد المصاحف.. يمين بالله لاكون تحت رجلك امانك وسندك. لتدمع عيناها.
لتهتف انا بكرهك.
لينظر اليها ليجد عيونها زرقاء صافيه ليشدها ويقبلها بقوه وهيا تحاول بضعف ان تبعده لتستكين فهيا متعبه ليبتعد قليلا ويهمس وحشتيني والله وحشتيني كان محتضنا اياها.
لتدفعه.. ابعد بلا طين علي دماغك انت ايه بجاحتك دي..
ليهتف… يا لؤلؤ عشان ابننا.
لتصرخ مالك بيه.. تعرف عنه ايه صرفت عليه ايه.. مالك انت.. عايزني ارجع لتنظر اليه ارجع لمين انا مش شايفاك راجل اصلا.
ليصرخ.. بطلي حرام بقه اني غلطان ومتعاب من ساسي لراسي بس لأجل الله لأجل عيالنا بالله يا لؤلؤ ماتخربيش علينا.
لتضحك.. اخرب علينا.. لا والله ليه تكونش ماهياش مخروبه.. لا يا حبيبي دا مخروبه ومخروبه علي دماغك.. انت بجح كده ليه
ليصرخ…. بطلي بقه كفايه.
كان يحاول ان يسيطر علي نفسه وهيا تهينه بشده ويتحمل رغم كونه صعيدي ولا يقبل اهانه من حرمته.
لتهتف.. ابطل.. حاضر هبطل.. يلا خد اخوك و غورو من هنا خش هات الحلوف اللي جوا وامشو عشان ابطل..جاسر ابعد عشان انا ممكن اعيشك سواد ماحدش عاشه.. لؤلؤ هتطلع عليك حرقه السنه والذل والمرمطه
ليقترب ويشدها اليه…. اني موافج اعملي ما بدالك بس تبقي في حضني.
لتصرخ.. حضنك قطر لتدفعه وهيا تنهج لتنتابها وجع والالم فجاه لتصرخ ااااه..
ليرتعب….. مالك يا جلبي
لتصرخ اكثر.. انا بولااااد لتنطلق في الصراخ ليرتعب ويهتف…. طب ايه هنعمل ايه.
لتمسك فيه وتصرخ… انا بولد يا زفت وديني مستشفي.
لتتوالي الصرخات لتخرج حوريه مرتعبه لتقول مالك يا قلبي لتجدها تصرخ.. انا بولااااد.
لتسرع وتحضرحقيبتها ويسرعا الي المشفي كانت تمسك يد جاسر وتتالم وهو يملس علي وجهها وكل حين تصرخ ليقبلها.
ليهتف…. بس يا جلبي خلاص اتحملي هنوصل اهه
لتصرخ…. اتحمل ايه انت ماعندكش دم لتصرخ والله لاطين عيشتك انت السبب منك لله انا هموووت. كت جوازه طين انت السبب مش ده ابنك انت السبب اااااه اااه
ليهتف…. طب حجك عليا اهدي..
لتصرخ… ماتقليش اهدي انا عايزه افلقك نصين اااه
ليهتف…. حاضر جومي بالسلامه وافلجيني بس تجومي.
لتهتف صارخه… ماتقول للزفت التاني يسرع هموت منكو لله.
ليهتف ليل… يعني بتصرخي وتجلي ادبك ماتكتمي
لتخبطه حوريه…. كتمه لما تكتمك انت مالك بيها
ليمسك يدها ويقبلها…. لا يا كتكوت كده بتزود وانا مش هسكت يا قلب ليل ..
لتهتف لؤلؤ…. بت انت ردي عليه هخلص ولاده واقوم اطيح فيهم اااه.. ربنا ياخدكو.. ماتسكتيلوش لاقوم افطسك.
لتهتف حوريه… حاضر والله مش هسكتله بس اهدي.
ليضحك…. ليل والله انتو جوز بتنجان
لتخبطه حوريه… قل ادبك كمان
لتصرخ لؤلؤ…. انا هعرفكو انا هوريكو اديني هولد اهه واقوملكو. هيستفرد بيكي والله لاوريك يا ليل الزفت تشدها ازاي وانت يا جاسر انا هعرفك اااه لتمسكه انت السبب بتوجع اااه.
ليصرخ… طب اعمل ايه طيب يا جلبي جطعتي يدي وملتيها خربشه وساكت اهه.
لتصرخ وكمان ليك عين تنطق. ااااه يا رب بقه.. لتقوم وتخبط ليل من الخلف انت ماشي علي قشر بيض انت التاني..
ليمسكها جاسر…. اهدي..
ليهتف ليل…. اللهم طولك يا روح
لتصرخ لؤلو.. طلعت روحك يا بعيد.
ليهتف…. اكتمي بقه والله ادور اهبدك تسورجي لحد مانوصل دا ايه المرار ده..
لتهتف لؤلؤ…. تهبد مين يا حلوف.. انت يا زفته مش قاعده جنبه اهبديه بحاجه انت سكتاله ليه..
لينظر اليها ليل… تبجي تسمعي كلامها اكده. عشان اني جبت اخري معاها. شوفي اني هعمل ايه
لتنكمش بخوف ليهتف… ايو اكده ارجعي جطه. وانت يا طور لم حرمتك بقه.
لتنظر لؤلؤ لجاسر بغضب.. نعم نعم انت هتلمني والله لاطين عيشتك ومسكت فيه
ليصرخ.. اني نطجت اني مالي هوا اللي جال ماني كاتم اهه دا ايه المر ده.
لتصرخ… ولما هو مرار راكب معانا ليه.. لتدفعه تزقه… انزل يلا مش عايزاك انا مش عايزاك..
اااااه هموت منكو لله…
لتندفع وتمسك رقبه ليل من الخلف وتصرخ ليهتف ليل بعنف..لمها يا طين ماعرفش اتهبب اسوج علي ايامك السود.
لتصرخ وتشد في شعره… ااااه انت عايز تموتني انا عارفه عشان تستفرد بأختي…. ااااه انت ماشي براحه عشان تستفرد بيها.. ااااه والله اموتك.
ليصرخ ليل.. ماتحوش يدها ياحلوف خلصت علي شعري منك لله.
ليقترب جاسر… طب اهدي هنوصل اهه كان يفك يدها من شعر ليل لتصرخ وتمسك يده تغرز اظافرها… هموووت بتوجع ربنا ياخدك يا ليل اشوفك والع يا ليل.. ااااه.
ليصرخ ماتحترمي حالك بقه دا طين ايه ده. ..
لتصرخ.. لا هقول… يا رب خده… دعوه الولاده مستجابه.. يا رب خده.. يا رب ياخدك يا ليل.
ليستدير ليقرصها من يدها..
لتندفع حوريه وتعض يده…. سببها يا متوحش.
ليقف بالعربيه مره واحده لتندفع لؤلؤ وتخبط في الكرسي.
ليصرخ ليل.. هتتلمو والا يمين بالله انزل اطيح فيكو هو ايه ماتتلمو هنوصل نتزفت ايه حرمه صعرانه..
لتصرخ…. ااااه اااه انت عايز تموتني انا عارفه.
لتهتف ماتغور ربنا ياخدك
ليهتف.. أما تنخرسي وانت التانيه تجعدي زي الجطه هو فيه ايه ماحنا متهببين هنروح..
لتصرخ…. ااااه اااه..
ليقفل ليل العربه ويربع يده.
لتنظر اليه حوريه بلين .. لتهتف بوجع.. ليل بطل والنبي عشان خاطري يلا .
ليتنهد وينظر اليها ليمسك يدها يقبلها بحنان.. ليهمس.. عايزاني امشي يا جلب ليل.
لتخجل من نظراته.. لتهز راسها.
ليقترب ويقبل يدها بحب… دانت بس تامري يا جلبي. ليتلمس يدها بشفتيه بحنان.
لتصرخ لؤلؤ..انت هتسبل وانا بولد يا بجاحتك يا اخي. وجع في قلبك دانت بجح. ليستدير وينظر لاخيه بغضب.
لتنظر لجاسر… نعم بتبصله ليه هاه عايز يعمل فيا ايه قول.
ليتنهد جاسر…. يا جلبي مانطجتش يادي الطين.
لتصرخ… ااااه
ليتنهد بغلب… طب بس اهدي بقه خلاص
لتهتف…. انت بتاخدني علي اد عقلي..
ليصرخ…. ماتهمدي به مانطجتش
لتنظر اليه بغضب وتصمت مرغمه..
ليكمل ليل.. ليتوقف ليل علي المشفي وينزلو مسرعين ليحملها جاسر وهيا تصرخ ليتلقفها الاطباء لتمسك فيه وتصرخ بخوف ماتسيبنيش.
ليحتضنها…. لا يا عمري اسيبك ازاي ليدخل معها الي الداخل.
لتقف حوريه تبكي منكمشه ليحتضنها ليل لتدفعه في صدره ليشدد عليها…. وبعدين اهدي بقه انت بتترعشي ما هسيبكش اني..كانت تنتحب في صمت ليهمس خلاص والله هتبقي كويسه اهدي..
لتهمس بوجع… انا ماليش غيرها انا خايفه اوي..
ليشدد عليها…. ماتخافيش يا جلبي هتبقي كويسه… ولا ليكي انا والله انا اهه معاكي..
لتهمس… اوعي والنبي ابعد انا تعبانه كانت ضعيفه مهزوزه مرتعبه من فقدان اختها. وعاد لها الخوف والرعب عادت حوريه الحالمه التي لا تعرف الا اللين والحب من خوفها بفقدان اختها ..
ليهمس…. لا يا حوريتي انا عمري ما هبعد واصل.. ارتاحي دلوك وبعدين اعملي كيف ما بدك ليقبل راسها ويظل معها
لتظل هيا بين يديه مستكينه.
ليمرالوقت لتخرج لؤلؤ اخيرا وجاسر معها كانت مخدره لتقترب حوريه وتعلم انها انجبت توأم ولا اروع لتقفز فرحا وتحتضن ليل ليتلقفها وقلبه ينبض بقوه لتهتف.. بقت انتي بقيت انتي يا ليو.
ليبتسم بسعاده علي عفويتها..
لتهتف.. بسرعه تعالي لتشده وتذهب لتراهم ومعها ليل. لتحس لاول مره بفرحه شديده وحنان فهيا كالطفله لتحملهم.
ليقترب منها ليل.. لتهمس بسعاده شوف… حلوين ازاي يا قلبي انا مبسوطه قوي ليحتضنها كان سعيدا وكانت تكلمه بعفويه وانخرطت تكلمه كيف ستتعامل معهم وهو محتضنها ويضع راسه في شعرها يشعر انه اصبح حيا والسعاده تغزو قلبه .
لتجلس وهو بقربها ومحتضنا اياها لتهتف.. عارف يا ليل دول شكل لؤلؤ بس الولد شكل جاسر شويه. حلوين قوي شوف ايديهم .امورين ازاي وكيوت.
ليهمس بحب بكره تجيبي وتفرحي..
لتهتف بالميه…. هيبقو حلوين كده انا قلبي هيقف.
ليشدها اليه ويقبل راسها… دانا اللي جلبي هيوجف والله..
لتهتف… بس بص بقه احنا مش هنتحكم فيهم ماشي مش هيبقو مكبتوين عشان جاسر صعيدي ولؤلؤ عصبيه لا انا اللي هربيهم دول زي القطط وقمرات.
كان سارحا في جمالها وعفويتها ليهتف اه والله جط وجمر ياخد العجل يا جلبك يا ليل.
لتهتف… نفسي يكبرو ويفرحو ومايشوفوش يوم وحش. انا حبتهم اوي يا ليو بص عسليه ازاي.
ليقبل يدها كانت عيونه لا تحيد عنها ليهمس بعشق .. ليو.. مامصدجش اني بسمعها… ليهتف.. احلي عسليه.
لتقول بحب وعيونها تشع سعاده.. دول نعمه من ربنا انا مبسوطه اوي هفرحهم وابقي ليهم امهم التانيه. انا قلبي ماليان حنيه وحب هديه ليهم وماخليش حد يوجعهم ابدا
ليهمس بحب.. عارف ان جلبك دهب يا جلبي وهيجيلك اللي يسعد جلبك.
لتهتف.. البنوته قمر وشوف شعرها شكل شعري هعملها برنسيسه واطلعها اميره… بس لتتنهد بوجع…. بس ماتبقاش زيي نفسي ماتبقاش زيي تبقي زي لؤلؤ.. تعرف تاخد دنيتها وتنسعد بيها تبقي قويه مش عبيطه بتتاخد وتتجاب.
لتنظر الي الطفله وتسرح بحنان وتشكو همها.. هتبقي احلي بنوته هتبقي قويه وجميله مش هتتوجعي ولا هخليكي تتوجعي.. اياكي تبقي زيي ضعيفه وغلبانه الدنيا توديكي وتجيبك لا انت بنت لؤلؤ مش بنت حوريه.. حوريه هتفضل وحدها ماينفعش حد يبقي زيها.. كان ليل قلبه يتمزع من كلامها لتدمع عيناه بوجع.
لتهتف… طب بص انت تقل لجاسر مالوش دعوه بيهم اه. انا اللي هاخدهم يباتو معايا واياك يقرب منهم يخلي باله من مراته وانا بقه دول بقو بتوعي..
ليهمس بحنان…. طب وانا..
لتهتف… انت ايه..
ليقول يعني جاسر هيخلي باله من مرته وانا هخلي بالي من مين..
لتقطب جبينها.. وتقوم من فضلك بقه بطل.. وابتعدت بالطفله وظلت تهدهدها وهويقف قلبه يؤلمه عليها..ويتاملها وهيا تحنو عالاطفال ليهتف.. منك لله دي يتعمل فيها اكده.. دا جلبي طيب وحنين كت هتروح منك يا طور دا حبيبي هشيله بعيوني العمر كله.
عند جاسر كانت لؤلو تستفيق ولكن اثار البنج مازالت ليقترب منها جاسر فكانت تتأوه ليهمس…. جلبي انت كويسه.. لتنادي عليه ليهمس…. انا اهوه يا عمري.
لتهتف…. انت رجعت يا قلبي..
ليقول بحب…. ايوه يا عمري..
لتهتف…. طب ماتمشيش تاني انا محتجالك اوي.
ليقبل يدها…. وانا عمري ما هسيبك ابدا..
لتتأوه وتتوه لتهمس…. جاسر جاسر حبيبي. ليهمس… حبيبك جنبك يا جلبي والله.
كانت تنادي عليه ولا تفعل شيئا وتهمس له بحبها ليحس بوجع انه لا يستحق ذلك الحب ليقترب ويحتضنها.
لتهمس.. هونت عليك يا قلب لؤلؤ.
ليقبلها.. حجك عليا والله محجوجلك يا عمري.
لتهمس…. ماتسبنيش انا عايزه اموتك بس ماتسبنيش
ليقبلها… عارف اني هشوف سواد بس ولابروحي اسيبك.
لتبدا هيا في الافاقه لتتأوه ليقترب منها ويحتضنها لتفتح عيونها لتجده ملتصق بها لتحاول ان تتحرك لتصاب بالألم.
ليهتف.. حبيبي اهدي انت تعبانه
لتهمس… انا جبت نونو خلاص.
ليهتف… احلي نونو واتنين كمان..
لتبتسم وتقول… انا جبت اتنين بجد يا جاسر
ليهتف بسعاده…. بجد يا روح جاسر.
لتهتف… عايزه اشوفهم.
ليقوم ويستدعي الممرضه لتحضر الاولاد لياتي ليل وحوريه.
لتندفع حوريه تحضن اختها. تقبلها لتهمس قلبي انت فوقتي ربنا يخليكي ليا كنت خايفه اوي يا عمري..
لتحتضنها لؤلؤ وتمسد عليها فمهما اظهرت حوريه قوتها تظل تلك الطفله التي تحتاح حاميها.
لتهمس لؤلؤ…. انا معاكي يا قلبي ولا عمري هسيبك.
لتهتف حوريه بوجع.. كنت يتيمه من غيرك قلبي كان بيوجعني .
ليدخل الكلام لقلب ليل يهلكه وينغز داخله.. ليذهب اليها ويشدها لتنتحب من رعبها علي اختها
لتقطب لؤلؤ وتشد اختها… اوعي ماتقربش منها لتتأوه
ليهتف ليل غاضبا… ماتخليكي في حالك الله دا ايه ده.
لتهتف وتنظر لجاسر بغضب.. انت قوله يحترم نفسه انا مش هسكتله ويسيب البت مش عشان هبله يسوق فيها.
ليهتف ليل… انت مالك بيها يا بومه ماتسيبيها دانت لسه فايجه ايه ده وابور حرج..
لتبتعد حوريه… بس بس بتتخانقو علي ايه.
ليشتم ليل في سره… منك لله البت بعدت
ليذهب الي اخيه ويخبطه… انت يا طور حوش البت دي عن مرتي. مرتي طيبه وهتتصالح بسرعه انت مرتك عجربه.
ليهتف… ماتتهب تسيبني في حالي انا هشوف طين ماحدش شافه اكتم بقه وسبني بغلبي..
ليظلا واقفين ولؤلؤ تنظر اليهَ بغضب.
لتهتف… حوريه تعالي اقعدي جنبي واياك تتحركي فاهمه لتمتثل لها حوريه وليل ينظر اليها بغضب وقهر لتدخل الممرضه بالاطفال ليسود جو من الراحه وتحتضنهم لؤلؤ وحوريه وينخرطا يتحدثان بطفوليه وسعاده فالاطفال ايه من الجمال..
لتهتف حوريه… هتسميهم ايه يا لؤلؤ..
لتهتف لؤلؤ… هسمي البنت حور والولد ايه رايك مازن..
لتهتف حوريه… حور حلو لا مازن مش اد كده.
ليهتف ليل متهكما… هتسمي واد صعيدي مازن دا ايه المرار ده.
لتغضب لؤلؤ لتهتف حوريه.. وانت مالك كان ابنك دا ايه ده.
لينظر اليها ويرفع حاجبيه وليقترب لتنكمش وتلتصق باختها وتهمس… حوشيه والنبي..
لتنظر لؤلؤ بغضب.. نعم افندم كان من بطنك والا من بطني.. كت صرفت عليه مليم والا شفته والا ليك حاجه عندنا.
ليتنهد ويشده جاسر وهو يشعر بوجع من كلامها.
ليهتف… اللي تحبيه يا جلبي براحتك
لتتنهد لؤلؤ من ليونته وتهتف بعفويه… انا مش هسميه كده اصلا بفكر بس هو مالوش يقول.
ليقترب جاسر ويحمل طفله…. انت اللي تجولي يا جلبي وليك كل الحريه دانت بس تامري والله تامري ..تجولي مابدالك..
لتبتسم رغما عنها فهو مراعيا لأبعد حد. هنا احست حوريه بقهر من معامله جاسر لاختها وانه يداديها و رغم ان ليل يتمني ان تعود اليه الا ان بداخله بعض العصبيه لم تذهب وتحسها. فليل يتصلب في راسه ويقهرها لو تجاوزت٠٠ لتكتم نفسها وتحس انها ستنفجر.
لتهتف لؤلؤ… انا هسميه ادهم اسم كده حلو. لببتسم هو…. اه جوي والله لتنظر لاختها لتجد وجهها احمر لتقول مالك يا قلبي ايه مش عاجبك.
لتقول حوريه.. لا يا حبيبتي حلو اوي..
لتقول… طب اسيبكو دقيقه وتقوم مسرعه وتخرج لا تدري اين تذهب.
لتندفع الي احد الحجرات التي حجزها ليل وجاسر لهما لتنفجر في البكاء…
ايه القهر ده دانا حاسه اني ماليش قيمه خالص كده كبت في كبت وتحكم واعمل كده َماتعمليش كده عمره ما يداديني ولا يحاول يمشي ورا كلامي كلو نطح. ماتزوديش ماتعمليش ايه ده قلبي بيوجعني لتنتحب لتحس بيده تحاوطها.
لتشهق وتبتعد بعنف عنه
ليهتف… بتعيطي ليه يا جلبي ايه اللي حوصل
لتنظر اليه بغضب صارخه بعلو صوتها ليبهت … وانت مالك اعيط والا اولع.. انا حره يا اخي ابعد انا بكرهك انت ايه مابتحسش
ليحاول ان يتجلد ويقترب منها ويشدها ويهتف فهو يكبت حاله من أجل أن يراضيها ولكن بداخله جزء من عنفوانه الصعيدي …. انا مالي. ومابحسش .. اكده يا حوريه اني صابر وساكت اهه عشان اراضيكي. بس لاه هتعلي صوتك هزعل ..
لتدفعه وتنفجر فلم تعد تحتمل تحكمه وضعفها ينهشها لتنهار وتصرخ مما جعله ينصدم عندما قالت… …
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حورية في قلب الليل)
