رواية حورية في قلب الليل الفصل الرابع والأربعون 44 بقلم ميفو السلطان
رواية حورية في قلب الليل البارت الرابع والأربعون
رواية حورية في قلب الليل الجزء الرابع والأربعون
رواية حورية في قلب الليل الحلقة الرابعة والأربعون
استيقظت حوريه في الصباح لتجد نفسها بين احضانه لتظل هائمه فيه.
لتهمس…. بحبك قوي لتقترب بهدوء وتقبل خده وتهمس هتبقي حبيبي خلاص. حبيب حوريه ومش هتزعلها يا قلب حوريه انت بس حبني وانا هديك مشاعر نفسي ادهالك عشان بحبك.. لتداعب شعره كان قد استيقظ واحس بها ولم يتكلم ليسمعها تهمس. قلبي بيدق في قربك انا مش مصدقه ان حوريه هتفرح وتعيش بس علي اد ماهتفرحني هغرقك حب. ليلي حبيبي وروحي لتقترب اكثر وتهمس بالقرب منه والله روحي وبموت فيك يا لولي.
لتشهق عندما انتفض وقلبها وركن عليها لتهتف اخص عليك حد يخض حد كده.
ليهتف.. وحد يهبل حد عالصبح اكده. يا فرحي هو انا صباحي هيبقي نار اكده هبلتيني اقسم بالله.
لتهمس بخجل… ليه عشان بحبك.
ليهتف.. عشان اصحي علي صوت السحر ده وحبيبي بيلمسني ويحب فيا كت هفطس من كتمتي اقسم بالله.
لتتنهد…. انت خبيث يا ليو انت صعب قوي ماتقول انك صاحي.
ليهتف.. واحرم نفسي من متعه حبيبي يحب فيا وبيلمسني.
لتهتف… طب مانا هحب فيك وانت صاحي برضه.
ليبتسم.. صوح والنبي الجمر هيحب فيا طب ماتوريني اكده ليداعبها.
لتخجل وتهمس…. بطل بقلك هحب فيك انت بتعمل ايه.
ليضحك.. بعمل ايه دانا هعمل وحبيبى يسكت خالص ليا شهور مبحلج في السجف بعض في المرتبه وجلبي انهري بتخيل ممكن يكو ن جرالك ايه. علي اد مانا جامد علي اد ماجلبي كان بيتمزع ماكتش متخيل اني بعشجك اكده شفت مرار. كت بجعد في المرسم ابكي اني ليل الرفاعي كان بيبكي من حرجته علي بعدك لما جالولي انك هتتجوزي حسيت اني نفسي بيتاخد مني. لما وعيتلك لابسه اكده حسيت اني ماني راجل ولا فيا ريحه المرجله ودي لوحدها كاويه ليغمض عينه بوجع.
لتمسد علي كتفه ليهتف هفضل عمري كله محروج علي عملتي ولا عمري هنسي اني كشفت مرتي وعريتها للخلج لتنزل دمعه من عينه.
لتتلمسها بحنان لتهمس….. بطل ماتوجعليش قلبي انا مسامحه ونسيت والله
ليتنهد… اني مانسيتش ولا هنسي وهفضل اكفر عن ذنبي العمر كله لتحتضنه وتنام في حضنه ليسمعا خبطا لتسمع اختها قومي يا حور جدك طالبنا.
لتقوم هيا…. جدو عايزنا يا ليو انا هروم ماشي.
ليهتف.. تروحي فين اسمها نروح يا جلب ليو انت ماتتسابيش تاني جوزك معاكي منين ماتروحي. الناس تعرف ان ليل ماهيسيبش مرته تاني واصل يلزج فيها يعليها ولا حد يهوب ناحيتها.
لتبتسم…. والنبي يا ليو هتيجي بيت العتامنه انت مش بتحبهم
ليهتف.. لاجل خاطرك احب العفريت مش كفايه انت منيهم يلا جومي.
لتقوم هيا ويتصل هو بتليفونه ليهتف اني خارج تخشو تخلصو ساعتين تلاته زمن كلو يخلص فاهمين.. ليهتف بقوه ماشي خلاص هنقضي النهار بره تخلصو يمين بالله افلجكو نصين ماشي ليقف ويبتسم.. دا حبيبي بس يامر وانا انفذ مانسيتش طلبك يا جلبي.
ليقوم يعد حاله وياخذا جاسر ولؤلؤ ويذهبا لبيت العتامنه.
دخل ليل وجاسر والبنات ليقف عبدالرحمن.. منورين داركو يا ولادي. ليقترب ويحتضن الفتيات لتسعد الفتيات ليهتف.. بيتكو ده وبيت اجوازكو تاجو براحتكو نعملكو مجعد يتجفل لاجل خاطرك.
ليهتف… لليل.. منور دار العتامنه ياولدي
ليقترب ليل.. بنورك يا عم عبدالرحمن منور دار مرتي وعيلتها ونسبها االي افتخر بيه
ليسعد عبدالرحمن.. صوح يا ولدي خلاص ليل الرفاعي جواه صافي
ليقف ليل ينظر لزوجته ليقترب ويحتضنها ويهتف.. جلبي مسامح يا عمي من ساعه شوفتي لحوريه ودخولها حضني. جلب ليل الحجر داب وانشج وخرج منه حاجات ماكنش واعيلها. مرتي حوريتي بدلت ليل الجاحد اللي جلبه كان غل كان بيكويه بدلته ملست علي جلبي وبطيبتها عالجتني يا عمي حوريه. بت العتامنه فخر ليا اني ابقي راجلها واتمني رضاها ليل الرفاعي اللي يتهزله بلاد ليل الرفاعي اللي كان التار بينهش جواته يتمني العتمانيه ترضي عنه. ليقبل راسها كت اخجل لما يجولي ليل يلين لمؤه اني دلوك بجولها بعلو حسي في وسط دار العتمانيه ليل الرفاعي رايد حوريه ورايد رضاها واعمل اي حاجه لاجل تبصلي بس بعين الرضا.
لتدمع عين حوريه لتهمس….. بطل تقول كده انت مش قليل.
ليهتف بعلو حسه.. اني جدامك جليل عالاخر انت اللي نجمه في السما احمد ربنا عالنعمه انها دخلت حياتي اصونها ولا يوم ازعلها عشان حنيتها بالدنيا. اني محجوج يا حج عبدالرحمن وخزيان من عملتي وحوريه تتراضي العمر كله.
ليقترب الجد.. كلامك ده يدخل الجلب يا ليل ويطمن الجلب المجهور احنا جهرنا بناتنا وعذبناهم. بس ربنا رحيم ان يحط لين الجلب جواتكم لاجل تحبوهم لتقترب من حوريه هفضل عمري كله يا بناتي جلبي واجعني وحاسه بالذنب من عمايل ولدي االي رمح وبقي خارج طوعنا.. اتبرينا منه ومن جربه وماعاد له مطرح بيناتنا الجحود ماهنتحاسبش عليه بسببه احنا خلاص ولدنا مات من اساسه بس دخل دارنا نورين نورو الدار. لتقترب لؤلؤ وتحتضن جدها وكذلك حوريه.
ليعم الفرح ويبدا الولايم والفرح بداخل دار العتامنه بوجود رجاله الرفاعيه سعداء ليمر اليوم ليبداو في الانصراف.
ليقترب زكريا من حوريه ليشدها ليل الي احضانه فنظره زكريا لا تتغير لحوريه وليل غيور عليها لتملس علي يده ليقترب زكريا ويقف.. اني جاي والعار راكبني يا بت عمي وخابر اني السبب في العفاشه اللي جراتلكو.
لتقترب لؤلؤ.. ماكناش نستحق كده يا زكريا.
ليهتف بقهر… ماكتش خابر والله كت رايد ليكو الخير كت شايف ازاي بتتعاملو وكن نفسي ومني عيني تنحطو جوا نن العين والله ماكت عايز الا الخير ليكو ولا كت اعرف العار اللي هلبسه
لتهتف لؤلؤ.. خلاص يا زكريا الله يسامح الكل.
ليقترب من حوريه ليبهت الكل عندما انحني تحت قدميها.
لينفعل ليل ويهتف.. بعد بتعمل ايه انت.
لتلمس يده حوريه وتهتف.. عشان خاطري.. ليتجلد ليل ويصمت وقلبه يحرقه فزكريا عاشق لحوريه لتقترب حوريه ليشدها ليل راحه في انهي نصيبه.
لتهز راسها بغلب.. بطل والنبي. لتقترب من زكريا كانت تحس بوجعه وتعلم انه يحبها وهيا طيبه لا تحتمل ان يتألم احد بسببها ليهتف زكريا.. سامحيني يا ست البنات سامحيني يا غاليه هفضل طول عمري باكل روحي اني اذيتك يمين بالله حاسس بعار راكبني من ساسي لراسي. سامحيني لو تعلمي اني بيا ايه هصعب عليكي سامحيني ولو رايده حج تاخديه تموتيني ماهجولش لاه انت حاجه تانيه وفي حته تانيه لتنزل دمعه من عينه لتدمع حوريه وتقترب لتمد يدها علي كتفه لينفعل.
ليل ليهتف حوريه.
لتهمس… قوم يا زكريا يابن عمي قوم ماتوطيش راسك كده.
ليرفع عيونه ينظر اليها بعشق ليهتف يعني سامحتيني بالله ماعايز حاجه تانيه بس تسامحي وهبقي ابن عمك تحت رجلك بس تجولي يا زكريا زكريا يجري سنه يبيع عمره عشانك.
ليسمع ليل.. استغفر الله يا رب هو فيه ايه.
لتهتف حوريه… وانا مسامحه يا زكريا انت ابن عمي وعارفه انك ماكنتش عايز تاذيني وحاسه بيك
لينفعل زكريا ويقترب…. بالله حاسه بيا وباللي جرالي.
ليندفع ليل ويشدها لاحضانه.. لاه بقه كفايه اكده وخلصنا ياسي زكريا جالتلك مسامحه بلا حاسه بلا مجطرنه ليشدها ويهتف يللا نغور من اهنه.
لتتنهد علي غضبه فهو غيور ولا تعرف معالجه ذلك الامر ..
ليقترب جاسر.. اهدي هاه طبعك ده هديه.
ليكبت حاله ويسكت لاجل حبيبته ولكنه مكوي من نظرات زكريا. ليسلما علي الكل لينادي زكريا حوريه مره اخري.
ليمسكها ليل كفايه اكده عشان انا علي اخري.
لتنظر اليه.. كده يا ليل امال ايه الي اتغيرت. اخص عليك. ليشعر بالغلب لتتركه وتذهب ليهتف زكريا… اني ماكتش باركت جوازك يا غاليه ليخرج من جيبه كردان كبير ليعطيه لها ليهتف ده من زكريا تفتكريني بيه.
لتفرح هيا.. ده ليا يا زكريا دا كبير قوي
ليهتف بقهر.. الله في سماه لو اجدر ابيع حالي كله ليكي.
ليقترب ليل ويشدها ويخرج من دون كلمه ليعودا الي البيت ليدخلا ليجلس الكل وليل صامت ياكل حاله وحوريه تلبس الكردان اراد ان يهجم عليها يمزقه ويرميه ولكنه كبت حاله لاجلها لتقترب لؤلؤ.. بت يا حوريه ليل بيطلع دخان.
لتهتف حوريه.. بطلي انا حاسه انه هيموتني فوق انا خايفه
لتخبطها.. بت انت حياتك هتعيشها خايفه.. اتلمي الحب قوه انت بتحبيه وهو بيحبك حبك هيسيطر علي غضبه وعنفوانه ابداي حياتك صح عشان ليل مش سهل وانت هبله فاهمه. لتهتف حوريه.. يعني ايه اخاصمه.
لتضحك لؤلؤ.. والتبي اتلهي تخاصمي مين دانتي اللي يبسبسلك تجري عليه مهزاه اقسم بالله
لتهتف.. امال اعمل ايه دا غيار موت وزكريا صعب عليا قوي.
لتهتف.. لازم يعملك حساب ويخاف علي زعلك قدام الناس وشكلك. ليل بيحبك اه بس عنده هبه مابيعرفش يسيطر علي نفسه.
ليقترب جاسر….. بتوزيها علي ايه يا اخره صبري اخوي جاعد ياكل حاله كبده انهري وانت بتعصيها عليه.
لتخبطه لؤلؤ.. اعصي ايه دي هبله اخر حاجه.. بس مايشدهاش كده لازم يخلي باله علي شكلها زكريا اه بيحبها بس هيا بتحب مين.
ليهتف.. اه صوح بس اخوي صعب واحده واحده عليه باللين هيجي.
لتهتف حوريه. طب ايه اروح اقله انت وحش ومزعلني يقوم يصالحني هو هيصالحني انا عارفه.
لتزغدها لؤلؤ… انت واحده مهزاه.
ليهتف كاسر.. لا ماتروحيش تجولي حاجه ولا تنطجي اسكتي يا حوريه ليل ماهيجيش بالمناهده عارفه سكوتك هيوجعه بس تجمدي عليه يا بت الناس الا انت هبله ماعرفش اختك ماهياش زيك ليه مسوده عيشتي.
لتخبطه لؤلؤ… بقي انا شرير ه ومسوده عيشتك.
ليضمها. يا لهوي دا احلي سواد سود يا جمر وانا اصالح لما انهري تعالي هصالحك فوج وبالمره نروح نفتح العلبه
لتهتف هيا… علبه ايه تاني.
ليهتف.. علبه الأبيض يابيض اللي هيخلص عليا.
لتهمس انت مجنون مش كانت احمر.
ليهمس… لاه ماهو كل يوم علبه شكل تعالي بس ليشدها ويصعد بها.
لتقف حوريه تنظر لزوجها الذي كان في ملكوت بمفرده كان يكبت حاله مكوي من نظرات زكريا و ذلك الكردان الذي يحاوط رقبتها احس بخنقه لتتنهد….. ايه هيفضل موطي كده امال ايه اتغيرت اتغيرت.. جاسر قالي ماتناطحيش تسكتي اه هسكت وهعمل تقيله انا هبطل هبل ليل لازم يتعود ان ليا قيمه قدام الناس. لتتركه وتخرج الي الحديقه وتجلس بالقرب من النهر ليمر الوقت.
ليلحقها ليل ليقترب ويمد يده بهدوء يفك الكردان لتشهق وتمسكه.. ايه فيه ايه.
ليهتف بغلب وهو يكبت نفسه.. هاخده اعينه فيها ايه مالك جافشه فيه اكده دا حتي شكله وحش.
لتبتعد وتجلس بعيدا ليتنهد… طب اعمل ايه ما جدرتش روح اتهبب صالح لما تورم انت يابني طبعك ده ماينفعش للجمر اهدي بقه.. ليقترب ويحاوطها ليهمس طب كت محروج والله حجك عليا اني شديتك بس كتمت حالي اموته عشانك.
لتبتعد عنه ولا تكلمه… ليحس بوجع ليندفع ويحتضنها.. طب خلاص بقه حبيبي طيب مش اكده.
لتدفع يده وتتشجع وتتذكر كلام اختها لتهتف بقوه… لا يا ليل مش هتصالح ومن فضلك احترم زعلي لتتخطاه.
ليقف امامها. اهون علي حبيبي انا لحجت ترضي عني
لتهتف… طول مانت كده هنفضل كده يا ليل انا مش هعيش حياتي عشان ضعيفه وبسامح اتشد واتاخد واتجاب وماليش قدام الناس تمسك نفسك مهما كت غضبان انا ليا قيمه تعملي حساب انا اه ضعيفه بس حياتنا لازم تبتدي صح الضعيف يتراعي يا ليل من الطرف التاني ومن فضلك لو مش قادر علي نفسك قولي امشي من سكات.
ليندفع ويشدها.. بتجولي ايه عايزه تموتيني.
لتدفع يده وتهتف.. ليل من فضلك احترم زعلي. لتتركه وتصعد الي الاعلي ليقف هو.. منك لله يا زكريا اشوفك والع هيا جرالها ايه كت بتتصالح اه هيا اختها العجربه هم يا طور حبيبك طيب ماتسيبوش يرمح بعيد لو جمدت عليك هتعض في حالك
صعدت حوريه.. اجمدي اوعي تنخي لتتنهد وحشني اعمل ايه هموت واتصالح كده يا ليو مزعلني كده ربنا يهديك دانا غلبانه لتفتح الباب لتدخل لتشهق عندما وجدت الحجره تغيرت تماما لتدخل مذهوله فهناك جدار كامل قد ازيل وضمت الحجر الاخري وبها انتريه صغير ومطبخ جانبي لتدخل وتدور غير مصدقه انه في يوم فعل لها كل ذلك ليرجف قلبها من السعاده انه تذكر ماكانت طلبته منه قبل ان ترحل عنه لتقف سعيده لتهمس يا حبيبي يا ليو.
ليحتضنها ليهمس ويضع راسه في شعرها عجبتك.
لتقفز وتحتضنه وتهتف حلوه قوي يا ليو دا عشاني.
ليحتضنها ويدور بها.. عشان حبيبي وبس.
كانت سعيده وقلبها يخفق وهيا ممسكه به ليهتف….. انا عمري مانسي حبيبي قالي ايه وعايز ايه وانا تحت ايده. لينزلها
لترتجف وتتجلد وتبتعد صامته.
ليتنهد بغلب حوريتي بتبعدي ليه ماجادرش اني عملت ده افرحك فاكره طلبتيه عملته مانسيتش لتظل صامته.
ليتنهد طب اعمل ايه طيب جولي وانا اعمل هتفضلي ساكته اكده مش انا حبيبك برضك ليقترب طب بصيلي مش حبيبي كان رايج في حضني ومبسوط.
لتبتعد ليتنهد طب اعمل ايه دا غلب ايه ده.. ليقترب.. دادي لحد ماتتربي انت لازم تتربي. ليمسك يدها لتشدها لتجلس ليجلس بجوارها ينظر اليها ليهمس…. طب وحشتيني طيب من الصبح ماخدتك في حضني. ليقترب منها ويملس علي ضهرها.. خلاص طيب اسف ماعت هتنيل اتعصب انا اتحرجت يا حوريه الواد عينيه باظه هتاكلك كت هموت ما متحملش دا هيموت عليكي اني راجل حامي ماتحملت.
لتنظر اليه غاضبه وتهتف… وانا بحب مين.
ليتنهد عارف بتحبي زفت ليل بس ليل ماتحملش والله ماتحمل.
لتهتف.. ليل من فضلك احترم زعلي
ليهتف.. يا حوريه هيا غنيوه احترم زعلي ماتتراضي بقه الله يرضي عنك اني ماجادرش.
لتقوم.. اه عشان هبله واسامح صح وتشدني قدام الناس لا مش هتراضي يا ليل. جاسر قالي اسكت ولؤلؤ قالت اجمد عشان ابدا حياتي صح.
ليهتف.. منك لله يا اخوي اجول ايه والله اسخمط عيشته هو والعحربه مراته. ليقترب طب خلاص بقه حجك عليا انت مالك جرالك ايه كتي بتتراضي ليحتضنها ماكتي بتتحملي ابعد جلبي وجعني والله.
لتهمس وانا اعملك ايه مش هتصالح انا خلاص اتعلم بقه.
ليتنهد يعني جلبي محروج ولابسه المرار ده علي صدرك وحاسس اني هنجلط وبرضك مش راضيه.. طب اخلعيه بالله عليكي اخدك في حضني وننام اني ما متحملش.
لتنظر اليه غاضبه.. طب ايه قولك هنام بيه يا ليل هاه يلا.
لتندفع الي دولابها تاخذ ملابسها وتدخل الحمام ليقف محصور هتنام بيه هتكمل عليا حصره منك لله يا زكريا الكلب الاهي تفطس وعينك تتخلع. ليتنهد ليجدها تخرج تلبس قميصا رائعا يبرز جمالها وعليه وشاح رقيق من الشيفون ليتنهد دا مرار هتنام جاري بده زعلانه كيف بس لتتجه الي الفراش وتنام من سكات ليتنهد ويقف محصورا ليقترب من دولابه ويخرج شيئا كان يعده لها ليقترب ويهمس حوريتي طب جايبلك حاجه حلوه يا جلبي افرحك.
لتقطب جبينها لتغطي وجهها ليبتسم ليقترب ويضع بجوارها بوكسا كبيرا ليهتف طب شيلي الغطا وشوفي جايبلك ايه. لتمد يدها من تحت الغطا تتلمس العلبه لياخذ يدها ويضعها في العلبه لتفتش فيها لتخرج قالب شيكولاته كبير لتشده تحت الغطا ولا تنطق ليضحك ويهتف لسه يا جلبي لتمد يدها مره اخري لتخرج ادوات زينه كانت كلما وجدت شيئا تاخذه تحت الغطا وهو يضحك علي طفوليتها لتمد يدها اخيرا لتجد شيئا حديديا لتمسكه لتشده تحت الغطا لتظل فتره لتشهق وتكشف الغطا وتهتف.. دا ليا يا ليو.
ليبتسم ليكي يا نور عين ليو. لتقفز وتذهب الي المراه تتامله كان غطاء للراس من الدهب به دلايات تنزل علي شعرها لتلبسه وتفرد شعرها كان رائعا ياخذ العقل.
ليقترب منها وينظر اليها كان ساحرا ليهمس ياخد العقل لتظل تنظر لنفسها لتستدير وتحتضنه بشده ليحاوطها ليهمس دانا اجبلك الدنيا يا جلب ليل.
لتهمس انا فرحانه قوي ليهمس.. هعيش عمري بس عشان اسعدك حجك عليا والله كت غيران.
لتنظر اليه وتهمس عايزه اخاصمك شويه ينفع.
ليبتسم اهون علي جلبي يتخاصم وهو جمر اكده.
لتحتضنه.. طب شويه صغننه والنبي اخاصمك حبه عشان تحرم تخاف علي زعلي
ليهتف… لاه ماني حرمت وهخاف اخاف يجي يوم تجمدي عليا يا جلبي كتر الاسيه بيعلم الجفا اخاف اعلمك تجسي عليا انا وعيت لحبيبي انت ماكتيش بتجدري تجسي عارفه ثانيه دلوك جمدتي عليا ساعتين بكره تجمدي يوم بعده تتعلمي واني ماهتحملش هموت ساعتها يبقي لازمن اتلم بطيحتي دي لاجل حبيبي يفضل جلبه ابيض كيف الجشطه.دانا الساعتين دول هموت والله.
لتتنهد وتحتضنه… انا بحبك قوي يا ليو
ليهتف بعشق… وانا بعشجك يا جلب ليو لتحاوطه.. هتبطل كل الحاجات اللي بتزعلني ليبتسم ويهز راسه عيوني هتربي اقسم بالله انا ماهتحملش تتغيري انا حبيتك اكده
لتضحك.. حبيتني هبله صح
ليهتف… لاه حبيتك صافيه مسامحه تاخدي العجل. لتظل في احضانه لتهمس بس برضه هخاصمك حبه صغننه ماشي.
ليضحك صغننه ماشي يا ستي. لتضحك وتشده طب تعالي بقه واحنا متخاصمين نشرب حاجه لتذهب الي المطبخ وتفتح
التلاجه.. امم البتاعه دي مليانه والنبي عسليه يا ليو لتخرج بعض الاشياء لتهتف هعملك اوريو باللبن بحبه لتبدا في اعداده ليركن يتاملها كانت تاخذ العقل ليقترب بهدوء ليحاوطها وهيا تثرثر ليمد يده بهدوء يفك كردان زكريا وهيا في احضانه تضحك وتتكلم ليبتعد مره اخري ويرمي الكردان بعيدا ويقف يتاملها ليحس انه ملك الدنيا كانت تتكلم بعفويه وماتلبسه جعله مسحورا لتنتهي وتهتف.. اممم شوب عصير بقه ياخد العقل لتقترب خد اشرب. ليمسك يدها ويشرب لينظر اليها بعشق.. مش بس ياخد العجل دا ياخد الجلب كمان لتخجل من نظراته وتبتعد وتهتف.. اشرب بقه عشان احنا قلنا متخاصمين وبطل تبصلي كده بتكسف
ليضحك… طب هنخلص خصام امتي عايز انام.
لتقظب جبينها. لا شويه كده ازعل بقه شويه مش متخاصمين ليه انت مالك مبسوط كده اننا متخاصمين
ليضحك.. حاضر هجعد مجهور اهه ليذهب الي الفراش ويتصنع الزعل لتتنهد وتذهب لجواره ليستدير وينظر اليها لتهتف ليل قلتلك ازعل ماتبصليش الله.
ليضحك ويشدها لتصرخ ليقول والله ماعت جادر وانت جمر اكده تاخدي العجل.
لتهتف. بطل قلتلك عايزه اتخاصم شويه.
ليداعب وجهها طب وعشان خاطر ليو حبيبك..
لتتنهد طب هنام في حضنك وهنتخاصم انهارده وهحبك بكره لتكلبش فيه وتحتضنه وتنام علي صدره ليحس بصدره سيتفجر من قربها ليهمس.. دا غلب ايه ده ليل انت هتنهبل اقسم بالله ماكت تتلم من الاول ايه المرار ده.. ليتنهد ويحاوطها ويظل يملس عليها ليهمس جلبي ههون عليه
لتهمس.. بطل بقه عشان هقوم والله
ليشدد عليها ويهمس والله ماعت جادر لتندس اكتر في احضانه وتبدا في الارتخاء ليهمس حوريه انت هتنامي. ليداعبها ويهمس لها بكلمات حبه لتنساب وتنام في احضانه ليتنهد بغلب البت نامت يا دي المرار احسن تستاهل انت اللي هتعلمها تجسي وترمح بعيد انت اللي تختار عيشتك يا تطينها علي دامغك يا تنعدل البت ما كت بتتحمل ثانيه دلوك اهي نامت وهيا جاسيه عليك واحده واحده هتخليها ترمح بعيد وتقسي يوم اتنين عشره وساعتها هتعض في روحك حوريه روحك في ايدها لو بعدت انت تموت. نايمه جمر هرت جلبي مامتحملش الا انها تكون راضيه وحابه اتلم يابن الرفاعي مرتك انت اللي هتغيرها انت حبيتها وعشجتها صافيه طيبه هتدخل الجسوه جلبها انت اللي هتتعب. الست الزعل بيجسي جلبها وبتنوجع والوجع بيغيرها من جوا ومره في مره هتنجلب وتعيشك مرار خصوصا ان حوريه عجلها مش زي بجيت الخلج اتلم بقه ليتنهد ويتلمسها طب نامت هيا تصحي اصالحها والله حرمت هنام ازاي اني دلوك وهيا مكلبشه اكده. حبيبي حجك عليا ماعادتش هتحصل هغير اه وهفطس بس هكتم حالي ماحبيبي بيحبني اني منك لله يا زكريا ربنا يولع فيك زي ولعتي دلوك. طب اصحيها والا اعمل ايه. ليظل يمسد عليها حتي صار الوقت ليلا وهو يتاملها ويتلمسها بحنان لينام اخيرا من غلبه علي عهد ان لا تتكرر تلك الليله مهما حصل.
استيقظت حوريه في الصباح لتجده نائما لتبتسم وتهمس بحبه يا ناس لو بس يهدي شويه.. لتتنهد ليله مخصماك مش قادره هموت عليك يا ليو والله لتقترب وتقبل خده وتهمس وحشتني اصحي بقه عشان تصالحني هتصالح والله. لتشهق عندما شدها واراحها لتهتف كده تخضني.
ليهتف بعشق.. يعني حبيبي يصحي يجولي هموت عليك واصحي صالحني واسكت.
لتهمس ايه ده انت صحي بسرعه كده
ليهتف.. اني مانمتش من اساسه يا جلب ليل من الجهر
لتلين وجهها وتحزن ليه بس
ليهتف عشان حبيبي نايم زعلان مني واني طول الليل باكل حالي.
لتهمس.. صحيح زعلت يا ليو طب ماعتش تعمل كده بقه عشان احبك موت
ليبتسم.. زعلت بس. داني انجهرت اقسم بالله حجك عليا والله عهد عليا لاكتم حالي عشانك اني خايف لتتغيري من ليله امبارح كت هموت
لتهمس وانت هتفضل حبيبي وهحبك طول مانت بتحبني
ليهتف.. دانا عاشج للركب دانا شفت ليله وانت في حضني هرت جلبي يمين بالله.
لتننهد وتهمس.. ليو انت بقيت حلو قوي انا بموت فيك.
ليشدها ويهتف.. انا خلاص جلبي مش متحمل يمين بالله.
لتهتف بسعاده طب صالحني كتير بقه عشان احبك موت لتحتضنه وتهمس ويلا فوق نروح عند المرسم لتقبله وتقوم.
ليشدها حوريه اهمدي مرسم ايه مش هنتصالح.
لتهتف اه خلاص اتصالحنا يا قلبي يلا.
ليحتضنها.. حوريه انا صاحي زي الغفير من امبارح مستني الجمر يتصالح.
لتهمس بحب.. هتصالحني كتير.
ليشدها لتقع في احضانه يا لهوي دا جاي صلح هيخلص علينا دلوك.
لتهمس وتحبني كتير
ليهتف بعشق اكتر من اكده اموت والله لتحاوطه وتهمس بعشق وهتدلعني كتير كتير كتير.
ليهتف .. حوريه كفايه هفطس اقسم بالله من دلعك ده جلبي انت دلوك خدتي جلب ليل وعجله وماعتش جادر يبعد وتسكتي الله يرضي عنك
لتهمس… اسكت لو سكت هفضل برضه احبك و اعشقك مانت ليلي وحبيبي وانا قلبك وعارفه اني بقيت في قلبك ولا عمري اخرج منه ليهمس.. انت حوريتي اللي طلعت من الميه دخلت جلب الليل. حوريه اللي لمست جلبي الحجر وخطت جواه عملته براح ليها تجعد فيه ولا يكونش غير ليها. جلب الليل الجامد جلب الليل اللي ماكان ليه في الحس ولا المشاعر. جلب الليل اللي كان مليان غل ودمار. حوريه خطته وبقت في جلبه حوريه بقت وهتفضل العمر كله حوريه في قلب الليل العاشق.
لتنظر اليه بعشق وتقترب تقبل عيونه ليحس بقلبه سينشق ليهمس.. لا مابتتعملش اكده ليشدها اليه ويغوص معها في بحور العشق عشق اتي بعد عناء عشق اتي من العذاب عشق اتي بتلك الجميله التي ما ان قربها الليل انساب وصدحت بداخله اجمل المشاعر.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حورية في قلب الليل)
