رواية حورية في عالم الوحوش الفصل الثالث والأربعون 43 بقلم يوستينا سامي
رواية حورية في عالم الوحوش البارت الثالث والأربعون
رواية حورية في عالم الوحوش الجزء الثالث والأربعون
رواية حورية في عالم الوحوش الحلقة الثالثة والأربعون
في التليفون
مراد بصدمه / مالك يا نسمه انت بتعيطي ليه في حاجه حصلت ولا ايه
نسمه /انا باحاول اتواصل مع بابا بقالي فوق نصف ساعه بس مش عارفه و خالتي تعبت اوي و انا مش عارفة اتصرف .. الحقني و تعالي بسرعة
مراد بخوف / طب اهدي يا حبيبتي وانا هاجيب دكتور وهاجيء حالا بس ابعتيلي العنوان في رساله
وفعلا نسمه قفل التليفون مع مراد وبعتتله العنوان ومراد اتصل بدكتور و بعتله العنوان .
_____________________________________________
في اوضة اسد و حور
حور كانت نايمة في حضن اسد و كانت بتبصله و هو كان بيشرب س.جارة .
حور / نفسي تبطل الزفت ده .. هو انت بتشرب من زمان السجاير دي يا اسدي
اسد / وقت اما ابقي خا*يف بشرب ، او مش مطمن
بس باقي الوقت لا مش بحب اشرب
حور ضر*بته بايديها / وقت ما تبقي خايف و مش مطمن
و انا في حضنك .. شكرا جدا علي التلقيح يا استاذ
اسد مسك ايديها و ضمها لحضنه بحب / يا بت انتي بالذات في مكانة تانية عن اي حد .. حور انا متعودتش علي التلزيق في حياتي علفكرة ، لكن انا بجد حسيت معاكي مشاعر عمري ما كنت اتخيل انها عندي
حور باسته من خده / بحبك والله برغم انك مش بتعرف تقول كلام رومانسي كدة و حب بس بمووت فيك و عايزة اعرف حالا ايه اللي حصل تحت خلاك قاعد قلقان و خايف
اسد / حور اقولك علي سر .. انا ما فيش حاجه في حياتي تقريبا تطمن يمكن قدام الناس انا اسد العقاد ابن الملياردير
اللي ماسك الشركات اللي شخصية قويه بس الحقيقة بقي ان محدش يعرفني بجد
انا ابويا كان راجل شديد قوي ولان انا ابنه الوحيد كان هدفه بس في الحياه ان هو يطلعني راجل ناشف و شديد بس للاسف طلعت شديد بزياده زيه
ويوم ماقلت يا صحوبيه ما لقتش قدامي غير حسام وبعد كل اللخبطه دي قلت خلاص انا و حسام هنرجع صحاب واخوات حتى لو الموضوع كان هياخذ وقت كنت هاستحمل لكن هو استسهلها قوي على نفسه وسافر النهارده
حور قربت منه وحضنته وقالتله / وحياتي انا عندك ما تزعل اسد انا بزعل اوي لما اشوفك مضايق .. طب عارف اني بحسك انك بابا بجد
اسد رفع حاجبه بغيظ / نعم يا اختي بعد كل اللي حصل بينا و تقوليلي ابوكي .. لا اظبطي كده
حور بكسوف / انت فعلا سا*فل و انا غلطانة انا بحاول اهديك و قوم بقي من علي السرير بتاعي و اطلع برا الاوضة كمان
اسد / اه ما انا عارف الاحلام دي كتييير .
بقولك ايه احنا مش هنخرج من الاوضة دي غير بعد مانجيب ولي العهد ..
حور بحرج/ طيب انا بقي اللي هخرج برا الاوضة كلها …
يا مت*حرش ..
اسد شدها و ضحك و لسه هيكمل كلامه سمع الباب بيخبط جامد …
اسد / علشان تعرفي بس انك فقر . اوعي اشوف مين علي الباب ..اوعي
وفعلا قام اسد ولبس هدومه بسرعه فتح الباب وتفاجئ بجاسر واقف قدامه وبينهج وواضح عليه جدا تعب
اسد بخضة / في ايه يا جاسر ..مراتك حصلها حاجه ولا ايه .. ما تتكلم يا ابني اعصابي سابت
جاسر / حياه عرفت ان الجنين توفى وانهارت في المستشفى وحالفه انها ما تكملش معايا و مصره انها تتطلق والدكتور قالي اسيب المستشفى و انا مكنتش عارف اعمل ايه ..
فما لقيتش غيرك اجيله لاني عارف علاقه حور بحياه
اسد / يا خبر اسوود هو ايه يا ابني اللي بيحصلنا ده …
هو احنا مش عارفين نفرح يوم واحد بس عمتا استنا تحت لحد ما اغير هدومي انا و حور
و فعلا نزل جاسر تحت ..
حور واقفة جمب اسد و هي بتعيط / هي حياه مالها يا اسد
اسد اخدها في حضنه / و حياتي عندك اهدي يا حبيبتي.. هي محتجاكي جمبها دلوقتي و لازم تبقي قوية علشان هي هتقوي بيكي ..
حور / اسد خليك معايا انا حقيقي خايفة اوي
اسد / انا علطوول في ضهرك يا حور اوعي تخافي و خليكي دايما فاكرة انك حور العقاد
و فعلا حور و اسد جهزوا و راحوا مع جاسر المستشفي ..
_____________________________________________
في بيت خالة نسمة ..
الدكتور / اطمني يا انسة نسمة .. و بعدين هو مش انتي برضو دكتورة يعني المفروض تبقي اقوي من كدة و تعرفي
ان السكر عندها كان عالي
مراد كان بيبص علي نسمة و متحسر علي شكلها اللي كان دبلان و ضعيف و مكنش متخيل ان دي البنت اللي هو حبها بضحكها و شقوتها .. معقول الوردة المفتحة .. دبلت بالمنظر ده و فاق مراد من صراعه الداخلي علي صوت نسمة اللي وجع قلبه اكتر ..
نسمة / انا حقيقي مقدرتش اتحكم في تصرفاتي و خوفي سيطر عليا يا دكتور .. المهم بس ان خالتي تبقي كويسة
الدكتور /لا انتي بس سيبيها ترتاح شوية. و بعد كدة خليها تواظب علي ادويتها علشان السكر ما يعلاش كدة عندها
مراد / احم .. تمام يا دكتور احمد احنا متشكرين اوي
و اسفين علي تعب حضرتك
و فعلا مراد وصل الدكتور و مشي ..
في الصالة…
نسمة / انا مش عارفة اشكرك ازاي يا مراد بجد.
مراد/ تشكريني ايه و قرف ايه .انتي ازاي بقيتي بالمنظر ده ، انتي ليه ضعفتي اوي كدة انا عايز افهم ايه اللي حصل ؟؟
نسمة / ليه كل الاسئلة دي ، هو انا فارقة معاك اصلا
مراد / هو انتي بتعتبيني علي ايه ؟
ده انتي اللي طلبتي مني اني ابعد عنك .. وانا حاولت اوصلك بكل الطرق .. انتي السبب وانتي اللي اتخليتي عني برغم اني كنت شاريكي
نسمة بعياط / انا بحبك اوي يا مراد .. بس مكنتش قادرة اقف قدام ابويا ، انا قبل ما اعرفك كنت تقريبا مش عايشة .. و بعد ما حبيتك و اتعلقت بيك و قولت اخيرا لقيت البني ادم اللي حبني بس ابويا صمم اني ابعد عنك وانا كنت بمو”ت
مراد شدها لحضنه / اهدي يا نسمة ..انا جمبك و عمري ماهسيبك و بصراحة كدة انتي لو ابوكي رفض انا هخط*فك وش
نسمة ضحكت / بطل هزار بقي … مراد انت عارف انت داخل علي ايه ، انت صعب اوي تقنع بابا بجوازنا
مراد / بقولك ايه ثقي فياا .. انا مش مستحيل استغني عنك انا اصلا اتكلم مع جدتي و هاجي و هطلبك ..صدقيني
و فاجاه لقوا الباب خبططططط
مراد / هو مين اللي بيخبط ده لامؤخدة
نسمة / يا نهار اسوووود ده بابا
مراد / نععععععم
~~~~~~~~~~~~~~~~~~~~~~~~~~~~~~
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حورية في عالم الوحوش)
