رواية حواديت من الواقع الفصل العاشر 10 بقلم ليل السيد
رواية حواديت من الواقع الجزء العاشر
رواية حواديت من الواقع البارت العاشر
رواية حواديت من الواقع الحلقة العاشرة
خرج زين وليلي كان الجميع يجلسون بالصالة
ليلي
– ايه ده طب لما كلكم هنا محدش جه من بدري يناديني ليه اقعد معاكم
هلال
– انتي كنت عايزاه زين يفرغ فينا كلنا رشاش واحد ولا ايه
زين
– والله فاهم يحج شكلي هفرغه فيها هي
ليلي
– والله ما اهون عليك
زين بضحك وهو يشدها تحت ذراعه
– ولا عمرك هتهوني والله انا بهزر
هلال
– هو احنا مش هنخلص أحضان
زين
– مضايقك في حاجه ولا ايه دي مراتي
هلال
– حد جه جنبك احنا بس تعبنا وعايزين نطلع ننام خلاص داخلين علي الفجر لليوم خلص
زين
– هو انا مسكتكم اطلعوا
حسين
– طيب يلا يا ليلي علشان عندنا سفر بكره
زين
– وهي ليلي هتسافر بكره ليه
حسين
– علشان شغلنا وحياتنا هناك مثلا
زين
– خلاص سافر انت ومرات عمي وأنا اسبوع كده او كام يوم وهجيب ليلي واجي وراكم
حسين
– اه وماله ده لما تتجوزها ان شاء الله
زين
– منا جوزها فعلا منت لسه مجوزهالي من كام ساعه يعمي ايه نسيت
حسين
– ايوه مكتوب كتابهم بعد الفرح ابقى خليها جنبك العمر كله دلوقتى هي لسه في بيت ابوها
وشوف ناوي تبدأ في شقتك الي هناك امتي علشان نعرف الفرح هيتحدد امتي
– والله انا شايف ان شقتي الي في الزمالك خلصانه اصلا
وملوش لازم الفرح احنا كده كده كتبنا الكتاب خلاص نسافر انا وليلي نقعد فيها لحد ما نخلص الشقه الي عندكم براحتنا
حسين
– ايوه وماله يلا يا ليلي ربنا يهديك يا زين
هلال بضحك
– اطلع لمراتك التانيه يا زين ربنا يهديك كفايه كده قعدت اليوم كله مع ليلي
زين
– خلاص كلكم قاعدين تعدوا عليا الساعات الي بقعدها معاها يباااى ادي عيبه ده عيبه القعده في بيت عيله
ليلي
– انا اصلا نعسانه وعايزه اطلع انام فعلا وسع كده بقا مش بحب التلزيق
زين
– شايفه بت يمرات عمي بتعاملني ازاي
ناهد
– مش دي اختياراتك وتربيتك اشرب بقا دلوقتى بقيت بتك يمرات عمي
زين
– انتي عندك حقك فعلا
هلال
– كفايه كده يلا علشان كل الي عنده مصلحه بكره يعرف يصحي يقضيها
حسين
– يلا يا جماعه تصبحوا علي خير
صعد حسين وليلي وناهد الي شقتهم وكذلك باقى أفراد العيله
دخل زين الشقه بهدوء فلم يلاحظ وجود مروة فنادى بصوت منخفض
– مروة أنا جيت
لم يسمع رد ذهب علي باب غرفتها المغلق وطرق تلات مرات بعد كام دقيقه فتحت مروة الباب
مروة
– معلش كنت نايمه
زين
– كنت عايز اطمن عليكي بس
مروة
– اليوم كان حلو ؟
زين
– جدا يا مروة ياريتك نزلتي حضرتيه معانا بس انا مكنتش عايز اضغط عليكي
مروة
– خوفت ليلي تضايق مني وده يومها مكنتش عايزاه اضايقها كانت حلوة
زين
– كانت جميلة زي كل يوم وزيادة عليهم شوية
مروة
– انا مراتك برضو راعي مشاعري شوية
زين
– ايه ده انتي بجد اتضايقي
مروة
– لا لا بهزر معاك محتاج حاجه طيب انا داخله انام
زين
– لا تصبحي علي خير
دخل زين غرفته رأى ليلي ارسلت اليه رساله
ليلي
– طمني علي مروة شوفتها عامله ايه
زين
– والله ربنا يشفيكي مروة كويسه ياستي عادي
ليلي
– مش عارفه ليه حاسه بالذنب تجهها اوي ينفع تعاملها كويس شوية انا مش هزعل
زين
– هو انا بعلمها حاجه منا سايبها في حالها وبعدين حاسه بالذنب ليه انا مش فاهم
ليلي
– طيب متشوفها لو حابه تطلق ومش قادره تكمل سيبها
زين
– هي الي طلبت مني مطلقهاش وتفضل علي ذمتي وهي مش هتعمل حاجه علشان مش عايزاه ترجع لأهلها ليلي ينفع متسبيش نفسك لدماغك كتير
ليلي
– دماغي هتقف والله يا زين بين نارين نار الغيره عليك ونار احساسي بالذنب تجاهها مكنش نفسي تتعقد وتبقى صعبه كده كان نفسي احبك وتتقدملي ونتجوز بس كده بهدوء من غير اي مشاكل أو احساس بالذنب معرفش ليه اتصعبت علينا اوي كده قلبي مش قادر يقولك اديها كل حقوقها هي مراتك وليها حقوقك عليك علشان عقلي هيرفض يستوعب انك مع واحده غيري والشخص التاني الي في دماغي بيقول لا لازم تخليه يعمل كده مروة ملهاش ذنب مش قادره والله يا زين دماغي هتقف
زين
– متهدي كده في ايه بقولك انتي غيرتي لبسك
ليلي
– اهو وكنت لسه بصلي اهو
زين
– طيب زي منتي بالاسدال اطلعيلي في مكانا
ليلي
– يازين نام مش هينفع
زين
– هتطلعي ولا انزلك انا ؟!! والله معنديش مشاكل عادي هخبط علي عمي اقوله عايز اقول لمراتي حاجه مهمه
ليلي
– عمك ومراته من التعب ناموا علطول يعني خلاص اطلع وانا هعمل شاي بلبن واجي وراك
زين
– ماشي متنسيش كوباتي
ليلي
– حاضر
بدل زين ملابسه وصلي فروضه وصعد علي السطح ينتظر ليلي بعد القليل
ليلي
– كوباية الشاي بلبن يا استاذ زين يالي مش بتحب اللبن وبتشربه علشان خاطري
زين
– طلع حلو والله المهم قولتلي بقا مالها دماغك
ليلي
– منا قولت كل حاجه انا فعلا دماغي تعباني والله انا اول مره احس بكل الهم ده
زين
– دي غلطتي انا ولو حد المفروض يحس بالذنب فهو انا مش انتي حرام عليكي دماغك والي بتعمليه فيها يا ست ليلي
ليلي
– علي فكره انا تفكيري ده طبيعي اي واحده مكاني هتفكر وهتحس بكده انا مضايقه فرحتي النهارده بكتب الكتاب ناقصه علشان انا حاسه بالذنب طول الوقت انا مش عارفه اعمل ايه بجد اقول طب يارتيني دوست علي قلبي وموافقتش نتجوز علشان مروة مظلمهاش وانت اكيد مع الوقت كنت هتحبها بس برجع واقول معرفش حياتي كانت هتمشي ازاي من غيره انا مش هعرف اتقبل حد تاني وهو لو مش نصيبي موضوعنا كان هيتعقد اكتر مش هيتفك
زين
– كنت هترفضي ايه جوازنا ومين دي الي كنت هحبها مع الوقت مين قالك ينفع متفكررريش تاني ابوس ايدك
ليلي
– طيب انا هطلب منك طلب من غير اي عصبيه او زعيق او عكننه
زين بهدوء
– اطلبي طلب من غير اي عصبيه او زعيق او عكننه
اخدت ليلي شهيق وزفير بصعوبه ونظرت في نقطه بعيد عن عينه وتنهدت وقالت
– انت لو دخلت علي مروة أنا مش هزعل بس اعمل ده علشان مينفعش هي ملهاش ذنب
زين بتمالك اعصاب
– ينقع تسكتي وملكيش دعوة انتي بالحوار ده
ليلي
– ازاي يعني اومال مين ليه
زين
– ده حاجه بيني وبين مراتي التانيه المفروض انتي اصلا متعرفهاش ولا تتدخلي فيها
ليلي ولمعة الدموع بعيناها
– حاضر انا اسفه ان أديت نفسي الحق اتكلم في حاجه زي كده مش هدخل تاني بينك وبين مراتك انا اسفه
زين
– مبلاش بقا النظره دي علشان مخربش الدنيا دلوقتى مالك بس انا مش بقولك كده علشان تزعلي انا بقولك كده علشان متتكلميش في الموضوع ده تاني بالعافيه وانتي اصلا مش قادره تقولي الجمله كامله علي بعض بتطلبي حاجه وقلبك وعقلك بيدعوا اني أرفض بس علشان ترضي ضميرك بتجي علي نفسك وتوجعي نفسك ليه
ليلي
– بس بس انا مش عايزاه اكون السبب في تعاسة حد
زين
– عمرك ما هتكوني كده
ليلي
– منا بقيت اهو السبب في تعاسة نورا مع بابا ومعاك وتعاسة مرات عمي مع بابا ومعاك وتعاسة مروة مع اهلها برضو ومعاك شايف بتعد علي صوابعها كل دول ناس انا السبب في تعاستهم شايف كام صابع مرفوع دول كتير يعني انا حد فعلا مش كويس طب اعمل ايه طيب كل ده علشان حبيتك طيب انا لما احبك هما كانوا هيخسروا ايه او وجودي كان هيضرهم في ايه
امسك زين كف يدها التي كانت تعد عليها الأشخاص بكل طفوله وقبل باطن يداها بحنان ثم ضمها الي صدره
زين
– شششششش انتي عمرك ما كنتي السبب في حاجه انتي احلي وأطيب حاجه في الدنيا والله اهدي بس اهدي متفكريش في حد اهدي شوية كده وفكري في أن اخيرا زين حبيبك جنبك افصلي دماغك عن باقى العالم ولو دقيقه واحده بس وريحيها اهدي يا ست ليلي علي كلا أنا عاشق ياستي ومش فارق معايا كل الي بتقوليه ده من فرحتي بيكي انا مش بفكر في اي حاجه تاني غيرك
ليلي شددت علي قميصه اكثر وارتفع صوت بكائها
– انا انا كل مره كنت بشوفك فيها وافتكر انك متجوز بحس قلبي بيتفتت يا زين ومش قادره حتي المه في جوايا وجع والله حاسه ان في حبل حديد حوالين رقبتي انا تعبت والله يا زين ومش عارفه هرتاح امتي وهنام امتي وبالي مرتاح من غير ما اقعد افكر في كل الناس دي لحد ما انام من كتير التفكير والصداع
زين بكل جرأة
– اليوم الي هتنامي فيه في حضني بإذن الله هنسيكي حتي اسمك ياستي وعد مني بالك مش هيكون مشغول باي حد ولا بعالم كله حتي ساعتها بس هو اليوم ده يجي يا ليلي وانا اخبيكي بين ضلوعي
ليلي ويه تمسح وجهها بقميصه من أثر البكاء
– زين انت مش محترم علي فكره وسع كده
زين
– هو انتي ايه الميزه في قمصاني انك تمسحي فيها كل بلاوكي دي كل مره تعيطي انتي اختراع المناديل ده منزلش عندك
ليلي
– يكداب يالي بتقول بتحبني وانت قرفان مني اهو
زين
– أمسحي ياستي براحتك أمسحي عايزاه ترجعي كمان علي القميص رجعي مجتش علي دي يعني
ليلي وهي تبعد وتنظر له بتفصيل
– وبعدين ايه جسمك ده انا مش فاهمه ضهرك ده عريض اوي كده ليه
زين
– وده هيفرق معاكي في حاجه
ليلي
– ايوه لما حضنتك بعد كتب الكتاب ودلوقتى مقدرتش اقفل ايدي علي بعض بعد ما لفيتها علي بطنك ايدي من ورا مش ماسكين بعض اعمل ايه انا دلوقتى
زين ضحك كثيرا حتي انه اغمض عينه ورجع براسه للخلف من شدة الضحك
– يعني مش دراعك انتي الي قصير ضهري انا الي عريض
ليلي
– بتضحك علي ايه علي فكره ده موضوع مهم
زين
– ياستي ابقي لفي ايدك علي رقبتي بعد كده هتلاقي ايدك اتقفلت علي بعض من ورا عادي او امسك دراع واحد بس من الاتنين بايدك الاتنين وهما هيقفلوا علي بعض ليلي دنا اشيلك بأيد واحده والله وبعدين ياستي انا الي المفروض احتويكي مش انتي
ليلي
– وريني دراعك كده
امسك دراعه ولفت يداها حوله
– لا لا العضل ده مش عاجبني خسسه
زين برفعة حاجب
– لا والله في بنت مش بتحب العضلات دلوقتى
ليلي
– اه انا علشان لما اعصب وتضربني بالبوكس متوجعنيش لكن بعضلاتك دي انا ممكن اموت
زين
– انا مستحيل أمد ايدي عليكي متخافيش
ليلي
– هاااا كلكم بتقولوا كده في الاول يحبيبييييي
زين
– كلنا الي هو مين يعنياااااا
ليلي
– تعبير مجازي عن كل الرجاله
زين
– اللهم طولك يا روح
ليلي
– بس بقا صدعتني انا رايحه انزل النور طلع علينا واحنا لسه واقفين بنرغي
زين
– اهو انا عايز العمر كله يعدي واحنا واقفين مع بعض عادي معنديش مشاكل
ليلي
– زين بطل تزيق انا مش بحب الكلام الحلو ده ومش بعرف ارد عليه اشتمني عادي كده زي الناس جر شكلي يعم وانا هعرف ارد
زين
– متجوز واحد صاحبي والله
ليلي
– انت تطووول علي العموم وقتك معايا خلص انت هتصاحبني انا نازله مع السلامه
وذهبت مسرعه الي الدرج
زين بضحك
– مع السلامه يمجنونه♡
ليلي من علي السلم
– سمعتك علي فكره بس هرد عليك بكره
انتهي اليوم اخيرا
ومع بداية يوم جديد كانت ليلي وناهد وحسين يجهزون المغادره
هلال
– خلي بالك من سواقتك يا حسين توصلوا بالسلامه يارب
حسين
– الله يسلمك يابو زين اشوفكم علي خير كلكم يجماعه
هلال
– مع السلامه يحبيبي ومع السلامه يام ليلي وانتي يعروسه مع السلامه هتوحشك
ليلي بعد أن حضنته وقبلة خده
– وانت اكتر يا بابا يا حبيبي
زين وهو يقف يربع يداه وينظر إليهم
– ايوه يعني مش هتسلمي علي جوزك هو كمان ولا هتمشي كده
ليلي وهي تمد يداها اليه بطريقه طريفه كأنها صاحبه
– وانت مع السلامه يابو الصحاب اشوفك علي خير
زين
– ابو الصحاب يعني انتي تبوسي ابويا وانا تضربني علي كتفي
ليلي
– انت هتصاحبني ولا ايه يلا مع السلامه
زين
– هعديها معديها توصلي بالسلامه ياست ليلي
ليلي نظرة له بحب وقالت بصوت عالي
– يلا سلام كلكم باااى
وخرجت ركبت السيارة وغادروا وامسكت هاتفها بعد أن تحركت السيارة وأرسلت لزين
– اسفه اني محضنتكش كنت محرجه اوي منهم كلهم وهما واقفين ومروة كمان كانت واقفه خوفت تزعل هتوحشني يا زين يبقالك عندي حضن ياسيدي ولا تزعل
زين بحب
– اتمني تبطلي كلمة مكسوفه دي لأنك مراتي دلوقتى انا مارضيتش احرجك كنت هحضنك انا اصلا بس قولت هتتكسف انا عارفه فمشيتها سلام الصحاب الي عملتيه ده واتمني متقعديش تفكري في مروة كل شوية عمال علي بطال وانا هكتب الحضن ده في النوته علشان لونسيتي افكرك هتوحشيني اكتر يا قلب زين
ليلي
– مش هنسي لا تقلق
وصلوا اخيرا بعد عدد ساعات
ومر الكثير من الايام وزين يراسل ليلي ال٢٤ ساعه ويتصل عليها فيديو وصوت وطول الوقت معاها علي الهاتف وليلي مشغوله بتجهيزات خاصه بشقتهم وجعل حسين العمال يبدوا شغل بالشقه يتابع زين معهم بالهاتف فلا يستطيع أن يسافر ويترك مروة حاليا وهناك ضغط شغل يمرون به في الوجه القبلي
في ذلك الوقت علي الوجهه الاخري
اهتمت مروة بدراستها اكثر عادت اليها مره اخري ولكن من المنزل سوف تذهب علي موعد الامتحانات فقط جعل زين من يساعدها في العودة وان تنتهي من كل أوراقها اللازمه عمر لكنه طول الوقت كان مشغول بأشياء آخري وأولهم ليلي
كانت مروة معجبه باهتمام عمر بامورها
فهي طوال حياتها لما يهتم احد من قبل باي أمور تتعلق بها
كان بيخلص ليها كل الاوراق وبيجبلها كل الحاجات الي المفروض هتذاكر منها ويعرفوا هتذاكر منين وازاي ففرق السن بين عمر ومروة كان كبير أيضا مروة كانت ١٦ سنه وعمر في أواخر العشرين
زين
– عمر خلصت كل الأوراق بتاعة مروة مش كده
عمر
– ايوه من زمان دي امتحاناتها قربت دنت دماغك مسوحاك
زين
– انا متسوح فعلا ومسحول في ١٠٠ حاجه الشغل هنا مش راضي يخلص والشقه هناك طول الوقت عمك وليلي معايا علي التلفون علشان بتخلص وانا مش عارف اروح اعمل فيها أي حاجه هلال رامي عليا الدنيا كلها هنا معرفش ليه وأهم حاجه ليلي وحشتني ونفسي اشوفها
عمر
– طيب متقلقش انا هشيل معاك هنا علشان تعرف تسافر
زين
– والله يعمر مش عارف من غيرك انت ومحمود كنت هعمل ايه في حياتي كلها محمود شايل معايا كتير اوي الفتره دي وانت شايل كل حاجه وبتخلص كل حاجه المفروض انا الي اعملها
عمر
– انا اخويا يابني وبعدين مروة دي غلبانه مش متعبه في اي حاجه معرفش أهلها جوزها ازاي وهي لسه صغيره كده
زين
– يعم دول كل الي هم الفلوس وبس دول ناس مرضيه
عمر
– هي دلوقتى مهتميه بدراستها جدا ماشاء الله تحسها ما صدقت لقيت حاجه تشغلها
زين
– الحمد لله انها وافقت تكمل تعليم علشان محسش اني معيشها معايا حابسها بس العمر كله
عمر
– انت لسه مش عارف تتقبلها
زين
– ولا هيحصل انا مش شايف غير ليلي دلوقتى لما يابني والله مروة دي شوف بقالنا قد ايه متجوزين ومشوفتهاش بشعرها مره حتي ولا مهتم اني اعرف ده يعني والله مش بركز في ملامحها
عارف ان الي بعمله ده حرام وهتحاسب عليه بس انا مش قادر كل ما بشوفها بفتكر انها دخلت حياتي بسبب سحر كان مسحورلي بفتكر امي ونورا الي الله يهديهم
عمر
– الا صحيح بمناسبه مرات عمي مش ناوي تتكلم معاه قبل فرحك علشان يحضروا
زين
– انا مش عايزاهم يحضروا ومش عايزاهم يكونوا في مكان وليلي فيهم علشان هما عمرهم ما هيحبوها
عمر
– مهما كان دول اهلك مينفعش تعمل فرحك من غيرهم
زين
– حضروا فرحي الاولاني كفايه عليهم هو ده الفرح الي هما كانوا عايزين يحضروا
عمر
– الي يريحك اعمله اهم حاجه تتجوز انت وليلي وتخلصونا موضوعكم زاد عن حده وانا زهقت بصراحه
زين
– الله يكرم اصلك والله يعمر غور من وشي
عمر
– دنا كنت لسه هقولك هلال كان هيبعتني مصر بكره اخلص شغل هناك هتحججله باي حاجه واشيل عنك انا هنا واخليك تسافر انت تسلميلي علي ليلي بس خلاص رجعت في كلامي هروح انا اسلملك عليها بنفسي
زين
– قول اقسم بالله هلال كان باعتك بكره
عمر
– اقسم بالله ايوه
زين
– والله انا ماليش غيرك يعمر هروح اجهز شنطتي هسلملك علي ليلي وعمي حاضر متقلقش
عمر
– انا لسه موافقتش
زين
– اشوفك علي خير يحبيبي هسوق براحه حاضر
عمر
– يابني دنا لسه مقولتش لابوك حد ما ممكن ميواففش
زين
– انا مشيت خلاص همسك الطريق النهارده باليل محدش ضامن علشان اوصل الشغل بكره بدري
عمر
– شغل برضو شغل
طب والله لهقول لابوك برضو
عمر
– عمي هلال زين الي مسافر مكاني
هلال
– ومش انا قولتلك انت
عمر
– والله ما لحقت اجادل معاه قالي همسك الطريق باليل واروح انا عايز يشوف شقته الي هناك
هلال
– شقته برضو انا مكنتش عايز اسفره دلوقتى
عمر
– ليه في حاجه معينه في دماغك
هلال
– يابني مروة الغلبانه دي الي رامي حتي كل أمورها عليك انت أمورها الطبيعيه الي هي اقل حقوقها البت ولا حتي بتتكلم مع حد ولا بتنزل اليوم كله في شقتها لوحدها وده مش معبرها من قبل ما يتجوز ليلي اومال بعد ما يتجوزها والله ما هتشوف وشه بالصدفه حتي
عمر
– هو مش عارف يحبها يعمي خلاص مش بالعافيه
هلال
– مهو مش كل حاجه الحب معيشنا سنين كتير من غير لا حب ولا نيله اهو
عمر
– معلش يعمي هو دلوقتى مش شايف غير ليلي من فرحته بيها يمكن بعد ما يتجوز ليلي قلبه يلين شوية علي مروة وبعدين هي اصلا تحس مش فارق معاها حاسس انها عايزاه تتعلم وتعيش لوحدها مبسوطه وبس
يعني مش بحسها بتضايق من زين ولا من تصرفاته اصلا
هلال
– علشان غلبانه والله طيب هو فين الحمار ده يعني دلوقتى
عمر
– قالي اقولك انه مشي بس هو لسه بيحهز شنطته
هلال خليه يعدي عليا قبل ما يمشي
وصح نسيت اقولك محمود عايز يتجوز قمر لو موافقين نخلي كتب كتابهم مع فرح زين وليلي محمود موافق وقمر موافقه فاضل رايك انت وليلي امك بس انا مش مهتم بيه قوي يعني احسن تفتكر انك هترفض عادي
عمر بضحك
– طيب بتقولي ليه دلوقتى لما انت مرتب كل حاجه
هلال
– زيبعضوا زي اخوها برضو
عمر
– بيقولوا اخوها علي العموم يعمي انا مش هلاقي احسن من محمود لو قمر وامي مش معارضين انا معنديش مانع الوقت المناسب ليهم
هلال
– علي بركة الله
عمر
– هروح انا اشوفلك زين فين
مروة
– هو انا مسافر
زين
– اه عندي شغل هناك هروح اخلصه
مروة
– طيب هستاذنك وانت مش موجود ابقى انزل احضر امتحاناتي
زين
– لو ملقتيش عمو محمد السواق تحت متروحيش لوحدكي كلميني وانا هخلي اي حد من الشباب يوصلك لحد هناك
مروة
– حاضر هتجيب كام يوم
زين
– يمكن تلات ايام كده مش كتير يعني في شغل هنا برضو بخلصه
مروة
– تروح وترجع بالسلامه
زين
– الله يسلمك يا مروة مع السلامه
ترك زين الشقه وغادر
هلال
– طب قولي شغل ايه للي عايزني اخلصه هناك يحج ولا انا هتسافر وهتحس بنفسك لما توصل هناك
زين
– كنت هسالك لما اوصل
هلال
– طيب روح بس لا تزهق عمك ولا مرات عمك وتحترم نفسك قدامهم ومن ورااااهم برضو
زين
– هو انا صغير يعني
هلال
– لا وحياتك ياخويا انت عاشق ومشتاق الاتنين
زين
– والله انت اكتر واحد فاهمني وحاسس بيا طب ايه مش نقدم معاد الفرح شوية
هلال
– اخليهولك بعد بكره يعني ولا ايه مش فاهم ده بعد اسبوعين
زين
– والله ياريت انا موافق
هلال
– امشي يا زين من قدامي بدل ما اجله سنه
زين
– الطيب احسن مع السلامه سلامه
غادر زين وكان يقود سيارته بسعاده ولم يخبر ليلي انه قادم
عند قمر ومحمود
محمود
– عمي قالي انك موافقه وعمر كمان موافق
قمر
– اه الي فيه الخير يقدمه ربنا
محمود
– نكتب بعد اسبوعين مع زين وليلي عندك مشكله وبعدين جهزي نفسك براحتك ونحدد معاد الفرح سوا
قمر
– ماشي موافقه يبشمهندس محمود
محمود
– والله طيب بعد اسبوعين نشوف حوار بشمهندس الي مسكالنا فيه ده يقمر
قمر
– لو لينا عمر بقاااااا
بعد عدت ساعات كان قد وصل زين
امسك هاتفه وارسل رساله ليلي
زين
– ايه فينك وبتعملي ايه دلوقتى
ليلي
– فوق في شقتنا كنت بشوف الشغل الي خلصوا العمال النهارده علشان رجعت من الجامعه متأخر
زين
– تاعبك معايا انا عارف رامي كل حاجه عليكي وانتي بتجهز نفسك وبتبابعي مع عمي والعمال تراجعي وراهم وعندك دراسه وامتحانات والله انتي تستحقي جايزه
ليلي
– يعني اعمل ايه في الي دبسني ده وقال عدولي مشوفناش وشه تاني
زين
– والله بحاول اخلص كل الشغل الي في البلد علشان بعد الفرح اجي اقعد معاكي هما ولشغل هنا وبس مش عايز حاجه تقولي ارجع البلد بسرعه مثلا فيه شغل
ليلي
– كله يهون يعم لاجل عيونك
كتن يراسلها زين وهو يفتح البوابة برفق حتي لا يشعر به احد ويصعد الي الدور الثاني وهو شقتهم
زين من خلف ليلي التي تمسك الهاتف وتقف بمنامتها البسيطه التي علي شكل الباندا واضعه الظنط علي شعرها وترتدي شبشب علي نفس شكل المنامه وتضع يداها بوسطها واليد الاخري تمسك بها الهاتف ترسل الي زين
– انا موت ولا ايه شوفت الرساله ومردتش يعني يقلب امك مش مصدق اني قولتلك كلمه حلوة
زين من الخلف بصوته المحبب لقلبها
– انا مش مصدق انك واقفه قدامي بس
ليلي بفزع صوتت
– يخرااااابي يخربيتك انت طلعت ازاي يلهوي لمسته بيدها سريعا وابعدت يداها بسرعه ده بجد مش تهيوات يخربيتك يا زين التلفون وقع اتكسر اهو انت طلعت من التلفون ازاي
زين كان يضحك بشده عليها وعلي رد فعلها وعلي شكلها الطفوليه وهي بشعرها والضافير تنزل علي اكتافها الاتنين
زين
– هطلع من التلفون ازاي يعني هو انا عفريت انا دخلت من الباب
ليلي وهو تنظر الي الباب بدهشه
– والله العظيم بجد انت مش لسه كنت بتكلمني مقولتليش ليه طيب كنت حتي يخرابي كنت لبست طيب ولا سرحت حتي شعري المنعكش ده حرام عليك
اقترب منها زين وضدمها بين ضلوعه بشده
– ششششش وحشتني
ليلي بعد أن استوعبت ما يحدث رفعت يداها تربت علي ظهره
– وانت كمان حمدلله علي سلامتك
ظلوا هكذا بضع دقائق حتي ابتعدت ليلي عنه
ليلي
– اكيد جاي تعبان يلا ننزل ناكل
بس قولي بسرعه اي رايك في الشقه جميلة صح هي جميلة فعلا تعالي اوريك الاوض
شده من يداها كالطفل وظلت تسير به سريعا وتشرح له خطتها بكل شغف وسرعه
– دي اوضتنا بص السرير هيكون هنا خليته يعمل فيها حمام داخلي زي ما قولتلك ودي الدريسينج روم فيها برضو زي ما اتفقنا انت كنت رافض حوار الدريسينج ده بس انا عملته برضو علشان عايزاه مش بحب الدواليب الي قدام السرير دي انا بخاف منها لو ضلفه اتفتحت فنخلي كل الدولايب بعيد عني اصلا
وتعالي تعالي بسرعه دي اوضة الأطفال ان شاء الله مش هنخليك يلونها دلوقتي ولا هنفرشها حتي هيعملها كلها ابيض بس مؤقتا لحد ما ربنا يكرمنا ونعرف هنجيب ايه وساعتها نبقا نظبطها احنا دي الفكره الي قولتلك عليها برضو ورفضت واصريت انها تتفرش بس انا برضو عملت الي عايزاه مهي شقتي بقا
ودي بقا يا سيدي اليفينج هنا هيكون في ركنه والشاشه والسفره والصالون هيكونوا في الصاله في شايف بقا البلكونه دي هنشيل الصور وهنعمله للاخر قزاز كده وهعملها ركن صلاة يلهوي هيبقى جميل بشكل مبهر
وبس كده ياسيدي
انت مش بتتكلم ليه ايه مش عاجبك تقسيمتي
زين بحب
– كل حاجه جميلة ولهفتك وانتي بتشرحي اجمل انا بقول يلا ننزل احسن فعلا علشان الدنيا تبقى تمام
ليلي بابتسامه
– يلا بابا وماما هيفرحوا اوي يلا
وشدته من يداه ونزلت سريعا
زين
– هستني انا هنا علشان لو مرات عمي في الصاله ادخلي انتي يلا عرفيهم اني بره
ليلي
– اوكي لحظه
– جدعه يا ماما انك باسدال الصلاه علشان عملالكم مفاجاة
حسين
– مفاجأة ايه دي الي دلوقتى
ليلي بصوت عالي
– ادخلي يمفاجااااااه
دخل زين بهدوء لا يناسب العرض المسرحي بتاع ليلي اصلا
ليلي بصوت اعلي
– زييين جههههه شوفتواااا
حسين اقترب منه وحضنه
– حمدلله علي السلامه يابني نورت
زين
– الله يسلمك يعمي بنورك
ناهد
– حمدلله علي السلامه يازين ايه الغيبه الطويله دي
زين
– والله كنت مضغوط في الشغل يمرات عمي حقكم عليا
ليلي
– مش مهم مش مهم ده كله دلوقتى زين جعان عايزين اكل
ناهد
– طب ما تتشطري وتدخلي تعمليه انتي
ليلي
– حرام عليكي يا ماما بقولك جعان اعمله انا
زين
– ياستي انا راضي
ناهد
– لا والله ابدا انا بهزر دقايق والاكل يكون جاهز كفايه عليك الي هتشوفه باقى عمرك وانا عايش معاها رينا يعينك
زين
– بتعمل مكرونه حلو والله
حسين
– ابقى عيش عليها بقا علشان هي مش بتعرف تعمل غيرها
ليلي
– انا بعرف اعمل حاجات كتير علي فكره بس شيلاها لجوزي بكره تشوفوا
زين
– طبعا طبعا هيشوفوا
حسين
– طيب ادخل ارتاح انت في اوضتك وغير لحد ما حماتك تخلص الاكل وانتي يا استاذه ادخلي ساعديها يلا
ليلي
– مش اشوف زين ممكن يحتاج ايه
حسين
– علي المطبخ يحيوانه
ليلي
– يووووه مش قولته حماتك يبقا انا مراته معروفه يعني
حسين
– بتبرطمي تقولي ايه سامعك
ليلي بدبده علي الارض مبقولللش
ضحك زين عليهم ثم توجهه لغرفته ابدل ملابسه وصلي وخرج يجلس مع عمه يتشاورون بأمور العمل وباحوالهم بالبلد
ليلي بسعاده
– يلا يا جوزي الاكل جاهز
حسين
– اللهم طولك يا روح يابت مالك
زين
– متسيبها منا جوزها فعلا قولي الي عايزاه بقلب جوزك وهي بيضحك
ناهد
– والله ما ربيتها ربع ساعه حتي بتك اتجننت
ليلي
– الله يخليكم والله يلا بس علشان زين جعان
زين
– هو انا حاي من مجاعه الصومال زين جعان جعان انا قولتلك اني جعان اصلا فضحتني
ليلي
– معروفه جاي من سفر يعني جعان كل يلا كل
انتهوا من الاكل ثم نظر حسين لليلي
– طيب مش تدخلي تغيري لبسك ده وتلبسي حاجه عدله يعني حتي علشان جوزك جوزك الي انتي ماسكه فيه ده يشوفك بشكل احسن بدل ما هو شايفك وانتي منعكشه كده
ليلي
– هو الي جه علي غفله اعمله ايه يعني
زين
– ياستي والله حلوة خليكي زي منتي وبعدين فين منعكشه يعمي ما شعرها زي القمر اهو
ناهد
– هستني اشوفكم بعد شهر من الجواز والله واشوف اسعاركم الجميلة دي هتروح فين قال فين النكشه قال دي لو النور قطع هتتخض من ضلها
ليلي
– والله انتوا معرفش اهلي ازاي
زبن
– والله زي القمر وضفايرها حلوين بقالي سنين مشوفتهاش بيهم
ليلي
– هممم كنت بعملهم وانا صغيره فعلا يا اروب
زين
– شوفتي انا فاكر ازاي
يلا قومي اعملي شاي
حسين
– هستاذنك انا يابني علشان والله مش قادر افتح عيني خد راحتك البيت بيتك
زين
– اتفضل يعمي طبعا تصبح علي خير يحبيبي
حسين
– وانت من اهل الخير دخلت ليلي المطبخ تعد الشاي ودخل حسين وناهد خلفها
حسين
– هتقعدوا انتي وزين لوحدكم يا في البلكونه او البراندا او الجنينه تحت أو الصاله انم يدخل اوضتك ابدا يا ليلي او انتي متدخليش اوضته مفهوم
ليلي
– مفهوم يا حسين بيه
ناهد
– وادخلي غير يهدومك والبسي حاجه عدله بدل البتاعه الي مخلياكي شبه البطريق دي
ليلي
– مفهوم يا ناهد هانم اي اؤامر تاني
حسين
– لا خلصنا احنا داخلين ننام ومتسهروش كتير ابن عمك جاي من السفر وتعبان
ليلي
– حاااضر اروح اوديله الشاي بقا
ناهد
– روحي
ذهبت ناهد وحسين الي غرفتهم ووضعت ليلي الشاي أمام زين وجلست بجواره ولكن ليس علي مقربه
ليلي
– منور يا زييين
زين
– بنورك يحجه
ليلي
– مقولتليش ليه بقا انك جاي
زين
– علشان اشوف شكلك ده كده زي منتي
ليلي
– فكرتني ماما قالتلي ادخل اغير ثواني وجيالك
شدها زين من معصمها
– والله شكلك حلو خليكي زي منتي كده ياستي انا مشتكتش
ليلي
– ماما بتقولي شبه البطريق
زين
– احلي باندا والله المهم عامله ايه في تجهيزاتك انتي والفلوس الي معاكي خلصت ولا لسه علشان انا عارف عمي لو خلص الفلوس وهي بيعمل الشثه مش هيطلب تاني
ليلي
– والله ابدا انت اديته مبلغ كبير اوي ولسه باقي منه كتير اما بكتب وبحسب كل حاجه علشان امل تجي اوريهالك ثواني هروح اجيب النوت علشان تعرف فلوسك بتتصرف فين
زين
– لا لا متجبيش حاجه دلوقتي مفيش دماغ وانا مش عايز اعرف تفاصيل اهم حاجه بس لو الفلوس خلصت تعرفيني عمي مينفعش يدفع حاجه دي شقتنا احنا
ليلي
– حاضر لا تقلق وراك رجاله
زين
– ربنا يخليكي ليا والله خلصتي لبسك انتي ولا لسه في حاجات نقصاكي
ليلي
– لسه باقى لبس البيت خلصت كل لبس الخروج في أسبوع كده انا وماما هو والرفايع الي مش رافيع ابدا
زين
– حلو ده انزل اختاره انا معاكي لبس البيت
ليلي
– بس يا سكر بس يابابا
زين
– والله بتكلم بجد الكام يوم الي هقعدهم عايزين ننزل كل يوم تكملي كل الي ناقص ونجيب العفش كفايه تعب علي مرات عمي وعمي لحد كده اكيد هرياهم مشاوير
ليلي
– لا لا لبس البيت ماما لازم تكون معايا فيه انا مش هعرف اجيب حاجه لوحدي
زين
– ياستي منا هكون معاكي
ليلي
– والله ابدا ماما لازم تكون معايا برضو انسي
زين
– خلاص الي يريحك بس انا الي هوصلكم
ليلي
– انت نسيت اني بعرف اسوق يعني ولا ايه
زين
– منستش بس انا الي هوصلكم برضو وهكون معاكم
ليلي
– براحتك بقا انا خلقي ضيق
زين
– لا وسعي خلقك شوية
ليلي
– طب يلا علشان تدخل ترتاح اليوم كان طويل
زين
– انا نعسان فعلا وعندي شغل الصبح اتأكد اني الساعه ٧ صاحي اخر ي٧ ونص
ليلي
– عيوني يلا تصبح علي خير
زين
– وانتي من اهلي يارب
باليوم التالي
استيقظ حسين وناهد وليلي
ليلي
– انا ينفع ادخل اصحي زين
حسين
– لا مينفعش هدخل اصحيه انا
ليلي بتزمر
– ماشي ماااشي
دخل حسين غرفة زين راه مستيقظا اصلا
حسين
– اومال عامله دراما بره علشان تدخل تصحيك ليه
زين
– ليلي هي صحيت
حسين
– اول مره والله بس علشان كمان نازله الكليه النهارده
زين
– كويس هوصلها في طريقي
حسين
– متتعبش نفسك بوصلها انا
زين
– لا لا يعمي والله مفيش اي تعب وهي كده كده في طريقي انت الي هتضطر تروح وترجع هقوم اخد دش وبعدين البس
حسين
– خلاص ماشي هروح البس انا كمان واقولها تلبس الفطار جاهز بره خلص واطلع علطول
زين
– ماشي يعمي
خرج حسين
– البسي بسرعه علشان متعطليش ابن عمك هيوصلك في طريقه
ليلي
– فوريره
بعد القليل من الوقت ليلي مع زين في العربيه
ليلي
– مبدأيا كده معنديش جامعه عايزاه اجي معاك الشغل
زين
– هي بسم الله كده كذب علطول
ليلي
– بابا لو كنت قعدت ازن عليه الف ساعه مكنش هيوافق
زين
– هتجي الشغل تعملي معايا ايه
ليلي
– اونسك
زين
– ده لما اكون رايح دريم بارك حضرتك مش عقارات وموقع وبهدله
ليلي
– عادي عادي متقلقش هقعد في العربيه لحد ما تخلص
زين
– اللهم طولك يا روح لما نشوف اخرتها ياست ليلي
ليلي
طول بالك كده خليك فريش هشغلك اغنيه حلوة استني
زين
– كمان صداع اغاني علي الصبح
ليلي
– في ايه والله انزل
زين
– براحتك ياستي براحتك اقلبيها مولد حتي
وصلت ليلي هاتفها بالعربيه وبدأت لستت الاغاني الخاصه بها
ليلي
– اسمع اسمع الاغنيه دي لازم تحفظها علي دي الي هنرقص عليها في فرحنا
زين
– سمعيني ياستي
شغلت ليلي ورفعت الصوت
على كلن أنا عاشق ومين سمعك أنا عشقاك
كان قلبي أنا البادئ ما دام بنحب مش فارقة
وتغني ليلي مع الاغنيه وتنظر ااي زين بكل حب وترفع صوتها وهي تردد بنبره اعلي
وإيه يعني لو العشاق في دنيتنا يزيدوا أتنين
وإيه يعني لو الدنيا دي تسعدنا ولو ساعتين
– ليلي ولو ساعتين بس حرفيا انا راضيه
امسك زين كلها برفق وقبل باطنه وقال بكل حنيه العمر كله بإذن الله
نظرة ليلي لزين وأكملت بكل مشاعرها
عينيك الحلوة شغلني لوحدك بس في النني
تعالي في حضني يا عمرى تعالى يا روحى طمني
مع حب الحياة هنعيش (ونتدارى من الفرقة)
ليلي
– بجد.بجد يا زين انا مجهزه كمية اغاني بقالي من تالته اعدادي حرفيا مستنيا اليوم الي هنكون فيه سوا علشان اسمعهم ليك كلهم واقولك انا كل الاغاني دي كنت بقعد اغنيها ليك انت في خيالي والله واهو انت جنبي وبسمعهملك بصوتي المقرف انا عارفه بس مضطر تستحمل بقا
زين
– الاغنيه جميلة وياستي صوتك مش مضايقني
بس لا بجد الاغنيه حلوة اوي
ليلي
– عارفه عارفه
زين
– هاتي التلفون بقا اشغلك انا الاغنيه الي كانت بتفكرني بيكي
ليلي بلهفه
– بجد خد هاتها بسرعه يارب اطلع عارفها
امسك زين الهاتف وبحث عنها وضغط عليها
اسمعي يا ستي
نفسى أقولك علي اللي بيّا نفسى أقولك كلمة واحدة انت داري بشوق عينيّا؟
ما تجاوبش ثانية واحدة سيبني أقولك من الكلام حاجة توصف اللي بيّا ولما أخلص فيك غرام إبقى رد إنت عليّا
إنت مهما تقولي إيه مش هصدق غير عينيّا ده أنا بشوف أحلام عمري جوة عينيك لما عيني تنام برضه بحلم بيك
زين وهو يشد علي يد ليلي
حبيبي دبت خلاص بعد تاني محال عشت بيك إحساس ابعد من الخيال
أيوة أنا محتاج لحضنك ضمني حس اللي بيّا نفسى أعيش العمر جمبك بس عمري عليك شوية “والله”
عايز أقولك علي الحقيقة إنت أجمل حاجة فيّا
ليلي
– واو واو واو لا لا ذوقك جامد فرحنا هيبقى تحفه يا زييين بجد انا مبسووووطه
زين
– بإذن الله كل حاجه تتم علي خير
يلا بقا علشان وصلنا خليكي في العربيه لو اتحريتي انزلي انا هسيبلك الشباك بتاعها مفتوح والمفاتيح فيها اهي علشان لو شغلت التكيف وهي واقفه ممكن يخرج غاز يضرك ماشي متبعديش في اي مكان غير لما تمسكي تلفونك وتعرفيني عايزاه تعملي ايه
ليلي
– اي اؤامر تانيه يباشا
زين
– لا خلاص يلا سلام
ليلي
– باي
انشغل زين بعمله وظلت ليلي تسمع فيلم كان معاها علي الهاتف وبعدين شغلت الراديو بعد ذلك بدا تفتش محتويات العربيه لكي تشغل الملل
وجدت في مكان الرخص بجانب الرخص صوره لها وهي تضحك لا تذكر متي التقطها زين وكيف
ووجودت في التابلو مسدس فاغلقته تاني سريعا بخوف
– يلهوي عايز يقتلني ولا ايه يخرابي
ظلت تفكر كثيرا حتي آتي زين اخيرا
زين
– اتاخرت عليكي
ليلي بخوف
– لا عادي براحتك
زين
– انتي مالك عامله كده ليه
ليلي
– عامله ازاي يعني
زين
– عامله خايفه مثلا في حد ضايقك ولا ايه
ليلي
– لا لا بعدين اقتربت منه وهمست بجانب اذنه
هو انت معاك مسدس في العربيه ليه عايز تموتني
زين
– يارب علي بت اختي الي هتجوزها دي ياربي انتي كل سنه بتكبري ايه أرقام بس ولا ايه انل مش فاهم بجد
ليلي
– والله لما هو مش عاجبك اتجوزتني ليه
زين
– متجنيينش امييي وبعدين ما لازم يكون معايا حاجه في الشنطه سلاح او اي حاجه اضرب بيها انا بكون علي طريق ليل نهار وانت عارفه قطاع الطرق في الصعيد عاملين ازاي وبعدين ياستي ده مترخص يعني عادي
ليلي
– وانا هعرف منين ده كله انا بس قلقت لما شوفته
زين
– وانت بتفتشي في العربيه ليه
ليلي
– علشان اشوف الصورة دي صورتهالي امتي وبعدين دي بشعري يعني من زمان اوي كمان
زبن
– ده يوم كنتوا قاعدين كلكم وبالصدفه انتي كنتي قاعده قدامي بتهزري معاهم وانا كنت ماسك الموبيل اصلا شكلك وقتها وصحتك عجبوني فلقتطها كده بسرعه من غير ما حد ياخد باله ومن غير ما ارجع ابص فيها تاني قولت يا هتكون ظبطت يخلاص بقا بعدين طلعت وبفتح التلفون اشوفها لقيتها جميلة كده فطبعت منها وخليتهم معايا
ليلي
– الله يكرمك والله علي ايه ده كله كنت قولتلي وكنت بعتلك صوري ارحم
زين
– ياستي كنت بمثل ساعتها اني بكرهك مكنش في ما بينا كلام
ليلي
– هممم متفكرنييييش
زين
– المهم بس تحب تتغدي ايه
ليلي
– اي حاجه غير الأكلات البحريه واللحوم الحمراء
زين
– هتحبي السمك امتي وتقتنعي انه مفيد وضروري
خرجت منها سريعا بدون تفكير وبعبط
– لما تحب انت مروة وتعرف تتقبلها
زين بحده
– تعرفي طول محنا مع بعض متجبيش سيرتها تعرفي تطلعيها من دماااغك ولا لا
ليلي
– مكنش قصدي هي خرجت كده
زبن
– لا تاخدي بالك من كلامك بعد كده وتفكري فيه الاول انتي مش صغيره
ليلي
– ان شاء الله انا مش عايزاه اكل دلوقتى عايزاه اروح
زين
– لا هو مش لعب عيال هنروح ناكل الاول وبعدين ننزل نشوف ناقصك ايه
ليلي بجز علي اسنانه ونبرة صوت عاليه درجه
– وانا قولتلك مش عايزاه اكل وعايزاه اروح روحني
زين وهو يضرب الدريكسون
– نبرة صوتك متعلاش تاني يا ليلي لأي سبب كان حتي لو مضايقه انتي عارفه انا اكتر حلجه بكرهها الصوت العالي
ليلي
– طب منت بتزعق وانا الي عليت صوتك عليا الاول
زين
– انا ازعق علشان انتي عصبتني وبعدين مزعق انا عادي فيها ايه
ليلي
– ااااه شغل انا الراجل وانتي الست والكلام الفاضي ده
زين
– ده مش كلام فاضي دي حقيقه
ليلي بنفاذ صبر
– طب بدون عصبيه او زعيق او عكننه
انا عايزاه اروح
زين
– يلا بس انزلي وصلنا
ليلي بعند
– طب مش نازله يا زين وريني هتنزلني ازاي
نزل زين بهدوء واتجه ناحيه بابها وفتحه وانحني لكي يرفعها
ليلي بسرعه
– يخربيتك لا لا استني استني والله هنزل لوحدي
زين
– ايوه كده ناس مش بتجي غير بالعين الزرقا
ليلي
– هي مش كانت حمرا
زين
– تفاصيل ملناش دعوة بيها
تاكلي ايه واي حلجه غير مكرونه وبانيه ارجوكي
ليلي
– ولا تزعل بانيه ومكرونة
زين
– مش بتزهقى منهم
ليلي
-بكسل اجرب والله أصناف جديده
زين
– هطلبلك اما ساندوتش كمبو روعة مش هتعرفي تمسكيه
ليلي
– وليه البهدلة دي مالها المكرونه
زين
– لا لا هيعجبك
-دبعد وقت قليل كان طلب زين استيك ومكرونة إيطالي
وساندوتش فرايد اتشكن لي ليلي
ليلي من الناس الس بتقرف توسخ ايديها او اي حاجه في جسمها لبست الجلافز وقعدت وقعت كبير تقسم الساندوتش بطرق عبيطه علشان تعرف تمسكه
زين
– أنا خلصت آكل وانتي لسه بتشوفي هتبداي باي جزء
ليلي
– اعمل ايه مكنت طلبتي مكرونه زيك وخلاص انا مش عارفه امسكه
امسكه زين وقسمه لها اجزاء صغيره
زين
– كلي براحتك اهو
ليلي
– كده هخلص بكره وبعدين كل معايا ده كبير اوي
زين
– هتخلصيه كله لوحدك يلا انجزي
بدأت ليلي تاكل ولكن لا تسطيع إنهاء الساندوتش وبدأت تاكل الباقى بمملل وتعب بتمثيل حتي يوافق زين ان تترك الباقى
زين
– والله لو نمتي عليه مش هنمشي غير لما تخلصيه
ليلي
– بخلص اهووو بخلص
– بعد وقت كانوا قد خرجوا من المطعم ومتجهين الي الإمكان التي حددتها ليلي
زين
– يعني هتروحي كارينا الاول
ليلي
– اه هشتري منه كام بيجامة والله انت اخرك معايا البيجامات بس النهارده اي حاجه تاني في دماغك دي انساها
زين
– انا مفيش حاجه في دماغي انتي فاكراه دماغي فيها ايه دنا غلبان
ليلي
– طبعا طبعا انا عارفه انت هتقولي
وصلوا المول ودخلت المحل وزين معاها
ليلي بتساؤل
– انت ممكن تلبس بيجامة ستان او حرير
زين
– مليش في الكلام المايع ده انا
ليلي
– حلو هجبلك واحده سوده ستان معايا
زين
– مش هلبسها انا
ليلي
– هتلبسها المهم اجيب بتاعتي احمر ولا اوف وايت ولا اسود زيك
زين
– اوف وايت واحم هاتي الاتنين
ليلي
– هو فرح
زين
– هو فرح فعلا
ليلي
– طيب بس البيجامات القطن الكاروهات دي ايه رايك
زين
– حلوة ومريحه
ليلي
– تمام هجيب برضو ليا وليك
زين
– مش بلبس بيجامات انا اقسم بالله
ليلي
– هتلبس
اختارت كام توب وبيجامات مختلفه ليها ووضعتهم بالسله مع زين
زين
– اكتر حاجه مبسوط بيها البيجامه الهوت شورت دي
ليلي
– يخربيتك انت شوفتها دنا مخبيها جوا التانيه
زين
– عيب عليكي والله
ليلي
– هات طيب كده انا رايحه أحاسب خلاص خلصت
زين
– انتي عبيطه رايحه تحاسبي ايه منا موجود
ليلي
– اللبس دي من فلوسنا احنا بتاعة بابا ده لبسي انا
زين
– والله عندنا يا سكر كسوة العروسة علي العريس اوعي بس كده متعصبنيش
ليلي
– طب استني استني هات الفيزا أحاسب انا علشان انا عارفه انا جايبه ايه
زين
– مش علشان مشوفش إلى انتي مخبياه يعني
ليلي
– والله يا زين اسيب كل حاجه وامشي
زين
– خلاص خلاص والله خدي الفيزا اهي تاريخ ميلادك هطلع استناكي بره انا لحدما تخلصي هكلم عمر
ليلي
– ماشي
خرج زين وعادت ليلي للمحل مره اخري لكي تحضر ما كانت محرجه من احضاره في البداية امام زين
وحاسبه وخرجت لهو
ليلي
– صفرتهالك
زين
– تعيشي وتصفريها ياستي ايوه يعمر معاك
ليلي
– سلميلي عليه
زين
– حاضر بتسلم عليك يعمر
-ببقولك الله يسلمك خلينا نخلص الي رانين عشانه بقا مش عايزاه تشوفي حاجه تاني هنا
ليلي
– اه وانت بتكلم عمر هدخل اشوف حاجه في المحل ده واجي بسرعه مش هتاخر
زين
– براحتك هاتي بس الأكياس دي احطها في العربيه وارجعلك
ليلي
– تمام خد
زين اخذ منها الأكياس
زين
– ايوه يعمر معاك كمل
دخلت ليلي محل واحضرت المتبقي من اغراضها بكل سهوله لعدم وجود زين معاها واخرجت الفيزا دفعت الحساب وخرجت لزين
زين
– ها خلصتي كده
ليلي
– اه خلصت انت مش هتشتري حاجه
زين
– ياستي انا هنزل قبل الفرح بيومين اجيب كل الي عايزه في يوم واحد وخلصنا
ليلي
– طب منجيبهم دلوقتى
زين
– لا لا دلوقتى هنروح نشوف اوضة النوم وباقى العفش انا رنيت علي عمي هيحصولنا هو مرات عمي علي المعرض يلا
ليلي
– واو اوكي ماشي يلا
وصلوا جميعهم في اوقات متقاربه
حسين
– كنت ارتاح النهارده يا زين وخليه في يوم تاني
زين
– لا لا انا كويس يعمي بس علشان نلحق نخلص كل حاجه مفيش وقت
ظلوا كثير في المعرض محتارين بين الكثير الي ان استقروا علي غرفه نوم معينه وركنه وصالون والسفره
وبعض الاساسات الفرعيه والمطبخ
حسين
– ماشاء الله ربنا يحميكم كل حاجه اختارتوها جميلة تتهنوا بعفشك يارب
زين
– آمين يعمي
يلا بس اسبقني بالعربيه علي مطعم …. علشان نتعشي كلنا قبل ما نروح
حسين
– ملوش داعي عشا بره
زين
– لا لا لفينا كتير محدش هيكون في حيل بروح يعمل اكل يلا وبعدين دي اول مره اعزمكم هتكوني
حسين
– هكسفك ليه وانت غريب منتي ابني يلا
ذهبوا الي المطعم وطلبوا العشاء
بعد قليل من الوقت كانوا قد انتهوا وعادوا الي المنزل والموبيليا التي اختاروها ستصل في الموعد المحدد بعد انتهاء كل ديكورات الشقه
ناهد مع ليلي بالغرفه ترييها ليلي الملابس
ناهد
– ازاي اشتريت الحاجات دي وهو معاكي
ليلي
– يا ماما كان قاعد يعمل تلفونات شغل بره اصلا وانا الي كنت بلف لوحدي
ناهد
– همممم طيب حلو متقوليليش بقا هو الي حاسب علي ده كله
ليلي
– طبعا هو شتمني واداني الفيزا وقالي مخرجش فلوس ابدا وانا معاه وانا بسمع كلام جوزي
ناهد
– اللبس مش عليه اللبس علينا
ليلي
– قالي عندهم في الصعيد عليه فخلاص اتس اوكي😂
ناهد
– هتخربي بيته من قبل ما يفتحه انتي
ليلي
– ياستي اعيش واخرب
يلا بقا غنا هلكانه وهنام
ناهد
– ماشي ياستي تصبحي علي خير
مرت الايام سريعا وانتهت ترتيبات الشقه واستلم زين العفش اخيرا
وبعد يومين كانت الشقه جاهزه بالكامل بدايتا من الدريسينج روم الي السفرة والنيش الرقيق الذي اختارته ليلي بعنايه وكأنه بلورة
زين
– كده لك حاجه خلصت انا هسافر النهارده باليل
وبالله عليك يا عمي متتاخروش ليلي تخلص الي هتعملوا وتيجوا يعني متنساش دي العروسه اكيد مش هتيجوا قبل الفرح بيومين
حسين
– حاضر والله يومين كده ليلي تخلص كل أمورها وهننزل علطول
زين
– يلا اشوفكم علي خير مع السلامه ياستي ليلي
ليلي
– سلام يا زين توصل بالسلامه ابقى طمني
زين
– عيوني حاضر
هنجري بالأحداث شوية شوية كتير
هنوصل ليوم فرح ليلي وزين الصبح
بسكده كفايه عليكم ده النهارده كتير اوي اهو لو عرفت اظبط الدنيا هنزلكم واحد تاني بسرعه
المهم ملحوظه صغيره او كبيره مش عارفه
لحد كتب الكتاب كانت اغلب الرواية احداث حقيقه حصلت بالفعل
من بعد المشهد ده وكنت مضطره اغير حاجات كتير اوي عن الحقيقه وابدا اكتب مشاهد من وحي خيالي علشان الرواية تكمل
الناس الي صعبانه عليهم مروة
مروة في الحقيقه مش كويسه زي منتوا متخيلين بس انا الي حبيت اخليها في الرواية كويسه وغيرت حاجات كتير عن الحقيقه الخاصه بيها وعلشان اكمل الرواية زي ما قلبي عايز مفيش حد عبيط في كل الحدوته قد ليلي بجد
تاني حاجه مكملتش ليه الحقيقه علشان في تفاصيل كتير اوي مش هعرف احكيها مع الاسف او مش هينفع بس هحاول مبعدش اوي عن الحقيقه في الاخر ومصير كل واحد هتعرفوا
زين وليلي اتجوزا بجد ولا في الرواية بس
لا هما اتجوزا فعلا في الحقيقه بس طبعا مش من غير مشاكل
مش فاكراه باقى الاسئله الي شوفتها في الكومنتات دول بس الي فاكراهم
اي حد عنده سؤال يكتبه وهرد عليكم كلكم البارت الي بعده
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حواديت من الواقع)
