رواية حمل غير منتظر الفصل الخامس 5 بقلم منصور سيد
رواية حمل غير منتظر الجزء الخامس
رواية حمل غير منتظر البارت الخامس
رواية حمل غير منتظر الحلقة الخامسة
شريف:انا هنزل ياعم انت الكلام معاك بقى يحرق الدم الحمدلله انك كويس وانى اتطمنت عليك سلام
صديقه:اسمع منى ياشريف والله هبلغ عنك
شريف:اهدى انت بس واستريح
ورجع شريف على الشقه
وقبل ما يطلع فضل يتمشى فى الشارع وهو بيكلم نفسه معقوله كلام صاحبى حقيقى وانا مريض نفسي ومحتاج اروح لدكتور نفسى بس دا اللى بيروح لدكتور نفسي ده بيبقى مجنون معقوله انا مجنون وكل اللى بفكر فيه ده عقلى هو اللى بيهيأه لى بالشكل البشع ده معقوله شروق هتقدر تعامل اولادى وبنتها نفس المعامله وتعدل بينهم ومش هتنحاز لابنتها وتفضل تضرب فى اولادى عشانها وتكره اولادى وتبهدلهم وتعذب فيهم لا كل زوجات الاب زى بعض اكيد هتعمل فيهم زى ما زوجة ابويا كانت بتعذبني وتبهدلنى وتضربنى عشانهم وتخليني اخدمهم
ورجع قال لنفسه بس معاملة شروق مختلفه وشروق شكلها انسانه طيبه ومحترمه
ورجع لا كلهم طينه واحده وفضل باله يودى ويجيب لحد ما سياره فرملت عليه وكانت هتصدمه وفضل السائق يهزق فيه ويقول بطلوا اللى بتشربوه ده والناس تقول له حصل خير اتكل على الله وانت يا استاذ مش تركز وانت ماشي كنت هتروح فيها لولا ستر ربنا شريف مشي وسابهم من غير ما يرد على حد لحد ما وصل وطلع على الشقه
فتح الباب ودخل شاف شروق وهى مقعده طفل على رجليها والتانى على الكرسي اللى جنبها وبتحايل فيهم وبتأكلهم
سبهم ودخل غرفته وقفل الباب على نفسه وهو بيكلم نفسه هو انا فعلا مريض ومحتاج اروح لدكتور
كل تصرفات شروق عكس تفكيري اكيد انا غلط ورجع وقف وقال لنفسه لا بس هتتغير لما تخلف بنتها وتبدأ تنحاز ليها على اولادى
ورجع قال لنفسه ما بنتها دى بنتى بردو ازاى انا خايف على دول من شيء لسه فى الغيب الله واعلم بيه وبأذي بنتى اللى ماشفتش الدنيا بأيدى ومش عاوزها تيجى الدنيا
فجأه طلع لشروق وقال انا اسف ياشروق انا عاوزك تسامحيني و تساعديني انا هروح لدكتور نفسي ودلوقتى انا نازل
شروق نزلت الطفل من على رجلها وقامت وقالت انت بتتكلم بجد ياشريف
شريف:ايوه بتكلم بجد
شروق :طب تحب اجى معاك
شريف :لا خليكى اننى مع الاولاد كده كده الدخول عند الدكتور النفسي بيبقى المريض لوحده وبعدين انت حامل وتعبانه ارتاحي افضل يالا سلام
شروق:، بقت مش مصدقه انها سامعه الكلام ده منه وخصوصا اخر جزء فى كلامه اللى حست فيه انه خايف عليها وعلى الحمل
قعدت وضمت الطفلين لحضنها وهى بتدعى يارب اشفيه يارب ويارب تم لى على خير وقومنى بالسلامه واحفظ طفلتي يارب
وفعلا بداء شريف يتابع مع الدكتور النفسي وياخد العلاج وكان صديقه واقف معاه وبيشجعه ديما على الاستمرار وبدأ شريف فى التحسن وبدأت طريقة تفكيره تتغير وبدأ يتابع مع شروق حملها مع الدكتور
ومرت الايام حتى حان موعد ولادت شروق ودخلت شروق غرفة الولاده القيصريه وهى تدعى انه يحفظ بنتها ويخرها الدنيا بخير
ووقف شريف بالخارج فى الانتظار وهو يملكه الرعب على ابنته التى ستنجبها له شروق وبجانبه صديقه الذى لم يتركوا بعض فى اى موقف
وظل شريف يسير فى ساحة الانتظار رايح جى وهو قلق وخائف وكلما يتذكر ما فعله فى شروق فى اول شهور حملها وانه قد يؤثر على عقل ابنته يضرب بيده فى الحائط ويصرخ ويقول انا انسان جبان ازاى عملت كده ازاى
صديقه:فى ايه مالك ياشريف ما تهدى شويه ان شاء الله تقوم بالسلامه
شريف؛مش قادر اسامح نفسي فى اللى ممكن اكون اتسببت فيه لابنتى
صديقه:ياشريف متلومش نفسك انت كنت وقتها تحت حاله نفسيه مريضه يعنى مش بايدك الانسان مالوش فى مرضه حاجه
ان شاء الله ربنا هيقومها بالسلامه والبنت هتبقى زى الفل
ولسه بيكلم كلامه وسمعه صوت بكاء طفله
صديقه:مبروك ياشريف القمر الصغير نور الدنيا
شريف:تفتكر هتكون صحتها كويسه
صديقه:ان شاء الله دكتور الأطفال اكيد هيشوفها ويطمنه بأذن الله بس ادعى انت
شريف:يارب يارب
الدكتور بعد شويه خرج جرى عليه شريف
وهو بيقول ايه الاخبار يا دكتور ارجوك طمنا
الدكتور:
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حمل غير منتظر)
