رواية حلوة زماني الفصل الثاني 2 بقلم زهرة عصام
رواية حلوة زماني البارت الثاني
رواية حلوة زماني الجزء الثاني
رواية حلوة زماني الحلقة الثانية
اقفيلي يا حلوة زمانك وريني طولك كدا
شذي وقفت و أثر النوم على وشها قالت و هي بتشاور على نفسها :-
أنا يا دكتور
الدكتور بعصبية :-
لا أمي
شذي بصت وراها و قالت:-
أمك اية إللي هيجيبها هنا
الدكتور برق و قال :-
اييية ؟
شذي بسرعة:-
أقصد يعني والدت حضرتك
الدكتور بغضب:-
إنتي جاية من بيتكم تنامي في المحاضرة ؟
شذي بتهور و سرعة:-
امال أنا جاية ليه
بص يا دكتور خلينا نكون متقفين تلت تربع الدفعة بيجو هنا عشان يناموا ، فحضرتك سبني أنام بقي عشان أنا تعبانة و منمتش طول الليل
الدكتور بغضب :-
اية البجاحة دي إنتي ازي كدا
شذي بضحك :-
زي السكر في الشاي سيبني و حيات أمك عاوز أنام انتوا اية معندكوش أي سينس خالص ؟ بقول منمتش من امبارح
– جني ضر.بتها في رجليها و هي بتقول:-
يخربيت لسانك اسكتي بقي
شذي بهمس :-
اسكتي انتي يا جني و اتفرجي للاخر يعني هي أول مرة
– و اية اللي كان مصحي السفيرة عزيزة طول الليل بقي
شذي يتأثر مصطنع:-
أمي كانت عيانة طول الليل امبارح و كنت سهرانه جنبها ، و مش بس كدا اختي جالها حالة صرع و بصت تكسر عفش البيت مسابتش كوباية إلا لما كسرتها أبويا أول ما شاف منظر الشقة جالة أزمة قلبية و أخويا لما عرف الأخبار طب ساكت و اتحجز في المستشفى
أنا بقي مكنتش ملاحقة اروح مع دي وإلا مع دي روحت استنيت لحد الصبح و أنا قاعدة بعيط طول الليل و جيت أنام هنا نوم هادي عشان اصحي اعرف أفكر هعمل اية في كمية المصايب دي
الدكتور بسخرية:-
تصدقي صعبت عليا
شذي بإستعطاف:-
شوف بقي يا دكتور إن كان عندي حق أنام
دا انتوا المفروض تعملولي تمثال و تدوني جائزة نوبل على اللي أنا مستحملاه دا
الدكتور رفع حاجبه و قال:-
يا سلام
شذي بضحك :-
و حيات عبد السلام
شاور على الباب و قال:- اتفضلي اطلعي بره
شذي في نفسها:-
بتكرشني قدام الدفعة كلها ماشي يا عمرو الكلب
جني بصت ليها بأسف و قالت بهمس :-
يعني مش لاقية حجة على دي ، انتي يا بت هبلة
شذي بثقة :-
متقلقيش عليا طلما محضرتش المحاضرة يبقي محدش هيحضر
خرجت من الديسك و راحت عند عمرو و هي بتقول:-
إيدك على حق القهوة اللي وقعتها في الحلم
عمرو بصلها بغضب و قال:-
بره يا شذي قولت
شذي خرجت و قفلت الباب وراها و عمرو لسه هيبدا شرح من تاني لقي الباب بيفتح و شذي دخلت رأسها و قالت:-
يعني مش هتجيب حق القهوة
المدرج كله ضحك و عمرو بصلها بغضب و قال:-
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حلوة زماني)
