رواية حلم القاسم الفصل السادس 6 بقلم رحاب محمد

رواية حلم القاسم الجزء السادس

رواية حلم القاسم البارت السادس

رواية حلم القاسم الحلقة السادسة

قاسم بص لقي دارين وراه وبتبص ناحيه الباب تشوف ايه الخبط ده ومبتسمه بنتصار
دارين شافت حلم وهي بترمي القهوه من اديها اول ما شافتها حضناه وكمان سمعت رده عليها
قاسم وقف مصدوم وبيحاول يفهم ايه الي حصل وبيبص على القهوه الي واقعه على الارض
دقيقه وكل حاجه اترتبت ف دماغه وفهم مسك دماغه بغيظ وبيصرخ بغضب ااااااه ولف لدارين ومسكها من ايدها جامد وبيضغط عليها انتي ايه الي هببتيه ده وازاي تسمحي لنفسك انك تعملي الي عملتيه ده
وبزعيق ردي عليا ازاي تتجرائي
وتجي هنا اصلا ف وقت زي ده
دارين بتتالم من ضغطه على ايدها ف ايه يا قاسم مالك انتا مش لسه قايلي انك بتحبني ومن زمان نفسك تقولي كده ايه الي اتغير دلوقتي
قاسم بيزيد ضغطو على أيدها انا أقولك انتي بحبك انتي اتجننتي
وزقها بعنف بعيد عنه وبيخبط على المكتب بغل انا ولا كنت اعرف انه انتي هنا بس غبائي ولهفتي عليها هو الي خلوني سرحت بخيالي لشيئ عمره ما هيحصل وبنرفزه انا غبي غبي
دارين ماسكه ايدها وبتتتوجع وبتبص على علامه ايدو الي ظاهرة
مكانها في ايدها وبتضغط على سنانها بغل واستحلفت في نفسها انها مش هتعديهاله سمعت كلامه مفهمتش منه حاجه او حتي هو يقصد مين بس ما اهتمتش
دراين بتمثيل انها بتعيط كده
يا قاسم كل ده تعملو فيا علشان قلتلك اني بحبك
قاسم قرب عليها ومسكها من شعرها بغل بت انتي مش انا الي هيخيل عليا الجو الي انتي بتعمليه ده هاا انا كل الي بيني وبينك الشغل الي مع ابوكي هتعدي حدودك معايا هوريكي الي عمرك ما شفتيه فاهمه
دارين بصريخ اه سيب شعري يا همجي يا متوحش
قاسم زقها بقوه ناحيه الباب غوري من وشي احسنلك دلوقتي
وبزعيق غوري
دارين خافت من منظرو كده وجريت بسرعه
قاسم قعد ع الكرسي بتعب وحط وشه بين اديه وبيتكلم بحزن كنت فاكر انها هي الي بتقولك كده كنت فاكر ان الي ف دماغك
بقا واقع صوت تفكيرك بقا حقيقة وكمان بترد عليها حبك ليها جننك فوق يا قاسم فوق
وقام باصرار بس هي لازم تعرف اني مش بحب حد وتبقى متاكده من ده حتي لو شيفاني اخوها وبس
…………………………عند حلم
اول م سمعتو بيرد على دارين كده وهي حضناه اتصدمت ورمت الكبايه من ايدها واخدت تاكسي وروحت مستحملتش تفضل ف حته واحده معاهم
قاعده على سريرها بهدومها الي رجعت بيها من بره وضامه رجليها وباصه قدامها ودموعها بتنزل ف صمت وكل الي قدم عنيها
شكلهم وهي حضناه وصوت كلامه ليها
سمعت صوت كركبه جايه من البلكونه
مهتمتش وفضلت زي ما هي وحطت وشها بين اديها وبتحاول تنسي كل الي شافته حست بايد بتتحط عليها وبتبعد ايدها تشوف مين
حلم بصدمه قاسم
قاسم بمشاكسه ايوه يااختي قاسم الي سبتيه وزوغتي علشان متعمللهوش القهوه
حلم وقفت بعصبيه انتا ايه الي جابك هنا ودخلت اوضتي ازاي
قاسم بصلها بثقه دي طرقي الخاصه ومينفعش اكشف عنها
حلم بنرفزه قاسم انا مش بهزر
ومش عايزه اعرف دخلت ازاي
بس انت ايه الي جايبك هنا اصلا وسبت الي كانت معاك وجيت ليه انا مشيت محبتش اكون عزول لحد واقطع عليكم اللحظه الرومانسيه العظيمه دي واعترافك بحبك ليها
قاسم ابتسم باستفزاز خلصتي كده انا جاي وانا متاكد اني هسمع كده كويس وعلشان كده انا مش هتكلم بس هخليكي تشوفي كل حاجه بنفسك
حلم بستغراب اشوف ايه
قاسم مسك اللاب توب بتاعها الي كان على الكرسي وطلع فلاشه من جيبه
وشغلها
حلم متابعه كل الي بيعمله بستغراب
قرب منها ب اللاب اتفرجي بقا وبعدين احكمي ماشي
قاسم كان جايبلها كل الي هو عملو مع دارين بعد ماهي مشيت من الكاميرات الي في المكتب بس طبعا حذف منها كل الكلام الي كان بيقولو عليها
حلم بتتفرج بفرحه وابتسامتها على وشها وساعه ما شافت قاسم وهو بيشتمها وبيطردها ضحكت بصوت عالي وكانها بتتفرج على فيلم كوميدي
قاسم ابتسم والله العظيم مجنونه انا مكدبتش هو انا بفرجك على مسرحيه يبنتي ايه الضحك ده
حلم قفلت اللاب ده احلي من احلي مسرحيه شفتها في حياتي
بجد انت مش متخيل انا فرحانه في البت الحربايه دي ازاي
انت علمتها الادب
قاسم بصلها بحب وانا اني اشوفك مبسوطه كده عندي ب الدنيا وما فيها مش كنتي قولتي طيب وانا كنت عملت كده من بدري
حلم ضحكت لا هو كده كويس جت فى وقتها وبتقرب عليه وبتبص في عنيه بحب بس انت ليه عملت كل ده يا قاسم وسبتها وجيت ورايا ودخلت هنا ازاي بجد انتا دخلت من البلكونه صح
قاسم اه دخلت من البلكونه
حلم بصدمه يا مجنون انتا ازاي تعمل كده دي المسافه بعيده بين
البلكونتين انتا كان ممكن تقع
قاسم ضحك بثقه عيب عليكي احنا ميفرقش معانا الكلام ده عيب
حلم بطل بقا انا بتكلم بجد علفكره انتا ازاي تعمل حاجه مجنونه زي دي
قاسم بحب حلم انا لو لازم اعدي في النار علشان اوصلك فا عمري ما هتردد لحظه اني اعمل كده
تاكدي اني مفيش حاجه ممكن تبعدني عنك مهما كانت
حلم فرحانه بكل كلمه بيقولها ابتسمت انتا احلي اخ في الدنيا كلها ي قاسم
قاسم بيمسح على وشه بايده بغيظ استغفر الله العظيم يارب هو انا مفيش مره اتكلم معاكي فيها غير لما تحرقي دمي
حلم ضحكت ف ايه يا ابني هو انا كلمتك دلوقتي ده انا بشكر فيك
قاسم انا غلطان اصلا اني عبرتك وماشي ناحيه البلكونه جاتك داهيه انتي واخوكي
حلم ضحكت بصوت عالي وماشيه وراه انتا يا مجنون انتا رايح فين
قاسم واقف على سور البلكونه هنتحر واخلص منك
حلم بتضحك طيب يالا بالسلامه
قاسم غوري يا حلم من وشي لاقع بجد ورقبتي تتكسر
حلم بخوف بعد الشر عليك طيب ركز والنبي ومتبقاش تعمل الحركه دي تاني مهما حصل ي قاسم لو سمحت
قاسم وهي بتتكلم معاه بقا في الناحيه التانيه بخفه ومن غير ما هي تاخد بالها
قاسم بقولك ايه انا وصلت وانتي لسه بترغي تصبحي على خير بقا ودخل من غير م يسمع منها رد
حلم ضحكت بقله حيله بحبك بحبك ونفسي تفهمني يا قاسم
تاني يوم الصبح قاسم كان مستنيها زي العادي
حلم خرجت واول ما شافته ابتسمت
قاسم ايه الهانم كانت مش ناويه تنزل ولا ايه
حلم ما تهدي شويه بقا اتاخرت ايه حصل يعني مش انت كنت مسهرني امبارح ارحمني شويه
قاسم متضايق منها ومن عندها في انها تعترف بحبها ليه طيب اخلصي بقا خلينا نمشي
حلم طيب وركبو عربيته
ف العربيه
حلم اووف
قاسم مالك ف ايه
حلم زهقانه ممشسنا كده سكيتي ما تشغلنا الزفت ده نشوف ف ايه اغاني
قاسم اهو عندك م تشغلي انا مسكتك
حلم شغلت الكاست واول اغني اشتغلت (انطق ل تامر عاشور)
حلم بفرحه الله انا بحب الاغنيه دي اوي
قاسم اه انا كمان وبيبصلها ياريت بس واحنا بنسمع نفهم الكلام
حلم وهي بتقصده بكلامها اه فعلا واسكت بقا علشان تسمع بتقول ايه كويس
وإنت لسه بتتكسف مني
وعيونك بتقول لي عايزني
إنطق بقى ده المستخبي أهو بان
وإنت لسه بتكسف مني
كل ده ولسه البعيد حيران
وعيونك بتقول لي عايزني
طب إنطق بقى ده المستخبي أهو بان
وإنت لسه بتكسف مني
كل ده ولسه البعيد حيران
وعيونك بتقول لي عايزني
قاسم مركز ف السواقه
حلم بصالو بحب وساكته وعنيها بتقوله نفسي تنطق بقا وتريح قلبي
عنيك فضحاك بحبك ليا بس نفسي اسمعها منك يا قاسم
حيرتي دي اللي مجتش يوم ع البال
سبحانه مغير الأحوال
بالشكل ده وعلى ده الحال
تشغلني بيك غصب عني
وإنت اللي جوى عينيك معروف
ما تقولها بقى وأعمل معروف
وكفاية تعمل فيها مكسوف
بتكسف مني
قاسم عامل نفسه مش شايفها وهي بتبصله بس هو مركز معاها هي مش مع حاجه تانيه وحاله ميقلش عنها
إنطق بقى ده المستخبي أهو بان
وإنت لسه بتكسف مني
كل ده ولسه البعيد حيران
وعيونك بتقول لي عايزني
قاسم بص عليها وهي لفت وشها الناحية التانيه بسرعه وكانها مش باصه عليه من الاول
ابتسم بيائس نفس تنطقي بقا كلمه وحده منك هي دي الي موقفاني ليه علشان كلمه بتعذبيني بيها كده يا حلم
هفضل كده بالذمة ده إسمه كلام
معقول عشان كلمة مستني
لاء كده هزعل ويبقى حرام
وإن زعلت أنا يتزعل مني
أنا هفضل كده بالذمة ده إسمه كلام
معقول عشان كلمة مستني
لاء كده هزعل ويبقى حرام
وإن زعلت أنا يتزعل مني
وصلو الشركه وهما كل واحد سرحان في دنيا تانيه مفيهاش غيرهم هما لاتنين وبس
قاسم حلم احنا وصلنا ايه عجبتك قاعدت العربيه ولا ايه
حلم ركزت هاا لا لا بس ماخدتش بالي ونزلت وهو وراها
وفي الشركه
قاسم بيكلم حلم وهو بيفتح باب مكتبه حلم ابعتيلي مها بالتصميمات الي عندها بسرعه
وفتح واتفاجاء بمصطفي جوه قاعد وحاطط ايده ع خده وشكله حزين
قاسم ايه ده بسم الله الرحمن الرحيم ايه يبني الي جاييك من صباح ربنا كده ومالك قاعد زي المطلقه كده ليه
مصطفي حزين على خيبتي يا قاسم معرفتش اقولها حاجه وبرضو جيت قدامها واتكسفت اتكلم وقولت اي هبل البنت اتخنقت مني اصلا وقالتلي روحني
ريان حصل ايه طيب فهمني
مصطفي حكى كل حاجه
قاسم بيضحك بصوت عالي يلهوووي مش قادر بجد انتا عيل خيبه وربنا دي كويس انها ملبستكش ب العصير ده ف وشك اخرتها تقولها بحب شغلي
مصطفي بنرفزه قاسم والله هتفضل تستظرف هسيبك وامشي انا جايلك تشوفلي حل مش تضايقني اكتر
قاسم بيحاول بيطل ضحك انا اسف بجد يا مصطفي مش قصدي بس انا مش عارف اعمل معاك ايه احنا مش كنا متفقين انك هتقولها كل حاجه يبني
مصطفي بغيظ منا مش عارف ايه الي حصلي بشوفها ومش بعرف انطق
هما لسه بيتكلمو ومها بتخبط على الباب
قاسم عارف انها هي وقصد يدخلها قدامه ادخل
مها اول ما شافت مصطفي كشرت وحطت الورق الي معاها قدام قاسم وتجاهلت وجودو خالص
وبجديه ده الورق الي انتا عايزه يا قاسم وانا هجيلك وقت تاني واتناقش معاك فيه وخرجت بسرعه
مصطفي بص عليها بحزن
قاسم يبني انتا لسه هتفضل تبص قوم اتلحلح وأخرج وراها وقولها كل حاجه
مصطفي بحماس انتا عندك حق وخرج جري وراها وبينادي عليها بصوت عالي مها مها استني لو سمحتي
مها وقفت وببرود نعم ف حاجه حابب تحيكلي تفاصيل شغلك ولا حاجه
مصطفي مها تتجوزيني 😯