رواية حلم الفصل الثامن 8 بقلم إيمان شرقاوي
رواية حلم الجزء الثامن
رواية حلم البارت الثامن
رواية حلم الحلقة الثامنة
ادهم بمرح : السلام عليكم يا زءردة .
حلم بخبث : وعليكم السلام ورحمة الله وبركاته يا عريس .
ادهم : عرريس!!!
حلم بضحك : ادخل .. ادخل فيه مؤامرة جامدة عليك جواا .
ادهم بمرح : استرها علينا يارب .
ادهم وهو يقبل كل من يد والده ووالدته : السلام عليكم ورحمة الله وبركاته .
احلام بحب : حمد لله علي السلامة يا حبيبي اجهزلك العشا .
ادهم بحب : الله يسلمك يا ماما ..مش دلوقتي .
عبد الرحمن بحنان : طيب شوف بقي يا ادهم انا عاوزك في موضوع مهم .
ادهم بتركيز : اتفضل يابابا انا تحت أمرك .
عبد الرحمن بحنان وهو يربت علي كتفه : الامر لله يا حبيبي … النبي صلي الله عليه وسلم قال ” مَن استطاع منكم الباءةَ فلْيتزوَّجْ فإنَّه أغضُّ للبصرِ وأحصَنُ للفَرْجِ ومَن لم يستطِعْ منكم الباءةَ فلْيصُمْ فإنَّه له وجاءٌ “. صدق رسول الله صلي الله عليه وسلم .
وانت دلوقتي يا ادهم اللهم بارك خلصت الكلية واشتغلت وبقيت مهندس قد الدنيا مش ناقصك دلوقتي يا حبيبي غير انك تكمل نص دينك وانا وامك قررنا انك نخطبلك وبمرح :.. انت عاوزة حد معين ولا نختار احنا .
ادهم بتفهم : انت عارف يا بابا اني مقدرش ارفضلك طلب وانا راضي باللي تقول عليه وبالمناسبة مفيش حد معين في دماغي انت عارفني كويس من البيت للشغل ومن الشغل للبيت .
عبد الرحمن بحنان : ربنا يرضي عنك يا بني .
حلم بسعادة : ايه رأيك يا دومي في سلمي .
احلام بتعجب : سلمي مين ؟
حلم بفرحة : سلمي يا ماما سلمي جارتنا بنت عم حسين .
ادهم بانتفاضة : مستحيل دي بالذات لأ .
احلام بضحك : طب والله يا ادهم هيا دي الوحيدة اللي هتنفعك ادب واخلاق وجمال وفي الاول والاخر عارفين أصلها وفصلها .
ادهم : اسف يا ماما لكن سلمي لاااا .
عبد الرحمن بضحك : انسي بقي يا ادهم كنتوا اطفال زمان البنت شخصيتها اتغيرت دلوقتي .
ادهم : اسف يا بابا شوفوا حد تاني غيرها .
عبد الرحمن بتفهم : طيب ادخل اوضتك غير هدومك وفكر كده وان شاء الله اللي فيه الخير يقدمه ربنا .
ادهم باستسلام : حاضر يا بابا بعد أذنكم .
بعد فترة في غرفة ادهم يتذكر المواقف التي جمعته بسلمي .
” سلمي هيا فتاة في الرابعة والعشرين من عمرها تخرجت من كلية الاداب قسم اللغة العربية فتاة ذات شخصية قوية لا تأبه بأحد من يراها يظن انها قاسية متبلدة الاحساس ليس لديها مشاعر ولا أحاسيس طريقة تعاملها تشبه الراجل اصبحت كذلك منذ وفاة والدها وهيا في سن صغيرة مضطرة الي تغيير شكلها واسلوبها لتلائم المجتمع والناس التي تتعامل معهم “
فلاش باك :. سلمي في المرحلة الاعدادية وادهم في المرحلة الثانوية
ينزل ادهم السلم ليلحق بدروسه ويقابل سلمي وهي عائدة من المدرسة .
سلمي بفرحة : ازيك يا ادهم .
ادهم باستياء : اهلا بالهانم المسترجلة .
سلمي بغضب وحزن : ادهم كذا مرة اقولك متقوليش كده تاني .
ادهم بغضب :انتي مش شايفة شكلك عامل ازاي كذا مرة اقولك عيشي حياتك وطبيعتك .
سلمي بحزن : انت متعرفش انا عايشة ازاي وايه السبب اللي بيخليني البس كده يبقي متحكمش عليا ماشي .
ادهم بسخرية : مهما كان السبب مفيش حاجة تخليكي تروحي مدرستك بالشكل ده وتخلي اصحابك كلها تسخر منك .
سلمي بحزن : بعد أذنك .
عودة من الفلاش باك :.
ادهم لنفسه : انا اسف يا سلمي انا لغايه دلوقتي نفسي اعتذرلك علي سخريتي منك ياريتني كنت عرفت السبب بدري شوية … ويتذكر اليوم الذي غير فكرته نهائي عن سلمي .
فلاش باك :.
خرج ادهم واصحابه من الدرس .
احمد : انا جعان تعالوا ناكل أي حاجة قبل الحصة التانية .
مازن : بصوا هناك ولد معاه شبسيات وبسكوت تعالوا نشوفه .
احمد بقرف : هناكل من الشارع يا مازن لا طبعا هنروح سوبر ماركت ولا حاجة .
ادهم بحب : علي فكرة يا احمد الناس دول بتبقي حاجتهم كويسة جدااا وبصراحة هم دول اللي لازم تشتري منهم وتمد يد المساعدة ليهم يلا هنشتري من عند الولد ده .
احمد باستسلام : طيب يلا بينا .
وىذهبوا للولد :.
ادهم : عاوزين 3 شيبسي من ده و 3 بسكويت من ده لو سمحت .
الولد : اتفضل يا فندم .
يرفع ادهم عيونه وبصدمة : سلمي ..!!!.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حلم)
