رواية الحب الخالد الفصل الثاني 2 بقلم هايدي أحمد

رواية الحب الخالد الجزء الثاني

رواية الحب الخالد البارت الثاني

رواية الحب الخالد الحلقة الثانية

لا لسه برضه محستش انه بيغير عليا حاسه كأنى بنته وده أمر مقاليش متلبسيش ده عشان انا بغير عليكى يا ملك او انا مش عايز حد يشوفك غيرى يا ملك مقالش حاجه خالص
انتى هتقعدى تكلمى نفسك طول النهار يلا قومى ساعديني فى الغدا وانزلى هاتى الطلبات من تحت
حاضر حاضر اووف
ذهبت لغرفتها لتغير ملابسها وتلبس ملابس مريحه وترتب حجابها جيدا ولكن قاطعها صوت الطرق على الباب فذهبت لتفتحه وكان هو معذب قلبها
اتفضلي دى الطلبات إلى خالتى عايزاها
اخذتهم بتردد
ع..عرفت منين الطلبات
عارفك لما بتتعصبى بتنسي نفسك ورقة الطلبات وقعت منك على السلم
اخذت منه الأكياس بحرج
احم..شكرا
العفو..شوفتى بقيتي احلى كده ازاى خليكى كده علطول الجنه تستاهل تتعبي عشانها
علفكره انا بخاف من ربنا وبخاف اغضبه منى وعارفه ان الجنه تستاهل
طب الحمد الله ..بعد كده متنزليش اى حاجه عايزاها من تحت قوليلى واقعد انتى ذاكرى كويس
ح.حاضر
مين يا ملك
ده خالد يا ماما
تعالى يا حبيبي..انت جبت الطلبات كتر خيرك كنت عايزاهم ضرورى كنت عارفه ان الموكوسه دى مش هتجبهم ادخل
ماما الله
بعد كده لو احتاجت حاجه اندهى عليا وسيبى ملك تذاكر
هى بتذاكر ولا بتفتح كتاب مهى طول اليوم قاعده على الزفت التليفون والله ابوها لو عرف هيطين عيشتها
يا ماما بس بقى الله
رمقها بابتسامه على عصبيتها الطفوليه
لا ملك شاطره وقدها وبكره تجيب مجموع حلو ويفرحنا
يسمع من بوقك ربنا يا ابنى المهم انت هتتغدى معانا النهارده مش عايزه لا
هو انا كنت ناوي اصلا اصل الطلبات دى بتقول ان فيه محشى هه
ايوه هعملك حلة محشى تستاهل بوقك
لا كده انا جاى هخلص شوية شغل فى المحل تحت وهاجى
تنور يا حبيبي
نزل خالد وعيون ملك تتابعه ونظرت لوالدتها بغضب
يلا يا بت يا ملك عشان تساعديني على اما ابن خالتك يخلص ويطلع
يا ماما كان لازم تعزميه النهارده كنتى اعزميه وانا فى الدرس هيقعد بقى ينظر عليا فى المذاكره وفى الاكل والشرب اووف
ابن خالتك وخايف عليكى وعايزك تذاكري
كان لازم تقوليله على التليفون هيجى يا خده منى
احسن عشان تركزي فى مذاكرتك
اووف بقى انتى وهو عليا ..انا راحه لخالتي ها واتغدى انتى وهو لو حدكم
بت يا ملك انتى يا بنت
همت بالنزول إلى منزل خالتها التى تسكن اسفلهم وقامت خالتها بفتح الباب لها
مالك يا بت يا ملك متضايقه ليه
مش عارفه الاقيها من اختك ولا من خالد ابنك
مالهم عاملين فيكى ايه بس
عمالين يضغطوا عليا وانا زهقت وهنفجر
ههه طب اهدى بس وروقى كده انا عامله كيكه بالبرتقال اجبلك
لا خليها بعد الغدا خالد هيتغدى عندنا تعالى اتغدى معاه
يبقى امك طابخه محشى طالما خالد هيتغدى
ايوه عامله محشى
انا صايمه النهارده الاتنين ها احكيلي بقى مزعلينك فى ايه
انا زهقت من التلميح لابنك وهو زى الحيط مفيش احساس
يا بت يا مفعوصه لما تخلصي ثانوى الأول وبعدين قولتلك ميت مره متدلقيش خليكى تقيله
مش قادره مش قادره اتقل هو رغم انه بارد بس مز يا سوسو قمر
شوف البت بتعاكس الواد قدامى ازاى اتلمى يا بت
مهو قمر فعلا اكذب يعنى
هو مين ده إلى قمر يا ست ملك
اتخضت ملك واتمنت لو الأرض تتشق وتبلعها
لا ده النونو ابن جارتنا إلى تحت مهى ولدت قريب
اااه عقبالك بعد ما تنجحي كده وتخشى كليه
احم ان شاء الله..انا هطلع انا بقى يا سوسو ..
قربت منها بهمس
ابقى هاتى المز وتعالى
أمشى يا جزمه
ضحكت ملك ومشيت تحت نظرات خالد المتفحصه
كانت بتتكلم عن مين بقى
الله ما قولتلك النونو إلى تحت انت بتغير ولا ايه
اغير ليه إن شاءالله انا بتطمن بس عشان تركز فى مذكراتها
امم ما انا واخده بالى
بس بقى يا امى مفيش حاجه من إلى فى بالك
وافرض فيه هو انا اكره دى بنت اختى مش هلاقي احسن منها
يا امى ملك لسه صغيرة وبينى وبينها فرق سن
كام يعنى ١٠ سنين ان شاء الله ٢٠ ايه يعنى والنبى لايقين على بعض
يا امى بطلى كلام فى الموضوع ده دلوقتى تمام
سابها ودخل اوضته وهى بتبصله بضحكه ماكره
والنبى انت ابنى وعرفاك وعارفه انك بتحبها
دخل غرفته وهو يبتسم من كلام والدته فهى معها حق هو حقا يبحبها بل يعشقها منذ نعومة اظافرها منذ كان يحملها وهى صغيرة على كتفه ويلاعبها كى تضحك ويحضر لها الحلوى والشوكولاته وها هى الان أصبحت انسه كبيره وظهرت عليها معالم الانوثه ، فتح درج مكتبه واخرج منه علبة قطيفه وفتحها كان بها خاتم صغير يلائم حجم اصابعها الصغيرة وها هو منتظر انتهاء امتحاناتها لكى يفاتحها فى الزواج وتصبح زوجته على سنة الله ورسوله ملكه وحده ولكن متى تنتهى هذه السنه فهو ينتظر بفارغ الصبر
………
بت يا ملك هتفضلى واقفة قدام المرايه طول النهار تعالى ساعديني ابن خالتك زمانه جاى
امال انا واقفه قدام المرايه ليه بس مهو عشان المز جاى
انتى يا بت
يووووه حاضر حاضر جايه اهو
أسرعت إلى المطبخ لمساعدة والدتها ولكن قاطعها الطرق على الباب فهرعت بلهفة إلى الباب فهذه طرقته فتحت الباب بسرعة وابتسمت بهيام حين رأته بطلته السوداء التى تعطيه كاريزما قاتله
احم هفضل واقف كتير ولا ايه
ها لا اتفضل ادخل …ماما خالد جه
تعالى يا حبيبي امال امك فين
لا النهارده الاتنين ما انتى عارفه بتصومه
هبقى انا اخدلها طبق محشى واروح افطر معاها يا ماما
طب تعالى اقعد يا حبيبي.. جهزى السفره وهاتى الاكل يا ملك
هرعت للمطبخ تحضر الاطباق وتضعها على الطاولة وذهبت لإحضار الطعام اما خالد فكان يجلس مع خالته يتبادلون أطراف الحديث ولكن قاطعهم صوت ملك الصارخ هرع خالد بسرعه للمطبخ ليرى ماذا حل بها
ملك فى ايه
اه ..لا مفيش اتلسعت بس من الحله وانا بقلبها
طب ورينى ايدك
مفيش حاجه بسيطه
بسيطة ايه تعالى
أخذها من يدها بلهفة للصالون واجلسها وهو يبحث عن الاسعافات بلهفة وخوف عليها
علبة الإسعافات جمب التليفزيون
هرع بسرعه واحضرها وبدأ بمعالجة يدها بقلق اما ملك فكانت فى عالم آخر وهى هائمة تنظر لملامحه بدقة ترى الخوف بعينيه عليها
يا خرابى على القمر يارب امسك نفسي ومااقومش افقعه بوسه دلوقتى ومحدش هيحله منى ايه ده استغفر الله العظيم ايه إلى بقوله ده بس ..بس هو قمر اوى اعمل ايه
اما خالد انتهى من يدها وهو ينظر لها ويحاول ان يهدأ نبضات قلبه من قربه لها هز رأسه بتركيز
ملك ..ملككك
ها فى ايه
انا خلصت ..بتوجعك
ها لا معدتش فيه وجع خالص
احم انا حطيتلك عليها مرهم ابقى حطى منه لو وجعتك تانى
متقلقش مش هتوجعنى تانى خلاص
تحمحم خالد بتوتر من نظراتها له وصوتها الرقيق
يلا عشان الاكل
فاقت ملك على صوت والدتها وهى تحضر الطعام
والله كنت عارفه انك مش نافعه حتى حلة الممشى مش عارفه تقلبيها يا وكستى
الله ما هى إلى تقيله
طب قومى يا ختى هاتى باقى الاكل
لالا خليكى انتى انا هساعدك يا خالتو
ابتسمت له وهى تضع يدها على خدها بهيام وتتأمله
وكمان بيساعد فى البيت لا مش قادرة جوزهولى يا نااس
بعد دقائق التفوا حول الطاولة ليبدأو تناول الطعام
تسلم ايدك يا خالتو
قولى بقى الممشى بتاعى ولا المحشى بتاع امك
والله ما فى فرق الاتنين مبقدرش امسك نفسي قدامهم
اه يا واد يا بلاش انت
انا عن نفسي ممكن احدد فى يوم طبق منك وطبق من خالتى واقعد افصل
قصدك تقعدي تكلى بطنك ده إلى انتى فالحه فيه إنما تمدى ايدك فى الطبخ استحاله
اعذريها يا خالتو السنه دى أصعب سنه فى الدراسه وبعدين انا متأكد ان ملك نفسها حلو فى الطبخ اكيد هتطلعلك
ابتسمت ملك بإتساع من كلماته ومدافعته عنها
انا بس اخلص السنه الهباب دى وهتشوفوا مواهبى كلها
طب كملى اكل ياختى وبعدين تقومى تذاكري
مش دلوقتى بقى لسه بدرى
ها ملوكه احنا قولنا ايه قولنا هنوفر مجهودنا للدراسه وبس
ابتسمت بسماجه حين ذكر اسمها بهذه الطريقه
بس لو مكنتش تحلف
وبعد دقائق كانوا يجلسون فى الصالون ويحتسون الشاى
ها اكلنا وشربنا الشاى قومى يلا ذاكرى شويه
لااا مش عايزه اذاكر دلوقتى خلينى قاعده شويه
الله ما تبطلي دلع يا بت وقومي يلا ذاكرى
اووف حاضر
وقفت لتذهب لغرفتها تحت نظرات خالد المبتسم ولكن توقفت حين خط،ت ببالها فكرا فعاودت لهم
ها خير راجعه ليه
ااا..إن واقف معايا كام مسألة فى الفيزيا عايزاك تحلهم معايا
ان كان كدا ماشى تحت امرك هاتى كوبايتين شاى وتعالى نقعد فى البلاكونه عن اذنك يا خالتو
تبعته وهى فى قمة سعادتها ثم أحضرت الشاى وكتبها
اخذ خالد الكتاب منها وهو ينظر له بتمعن
طب بصى بقى يا ستى هشرحلك دى وهديك واحده تحليها لوحدك تمام
وضعت يدها على خدها وهى تمئ له بسعاده وهو يشرح لها بتركيز ولكن هى بعالم آخر به هى وهو فقط لا ترى أحدا غيره
وبعدين هنعوض هنا ونطلع الناتج و…….ملك…ملككك
ها ايه فى ايه
لا ده انتى نايمه خالص ركزى معايا يا ملك ده مسأله واحده
حاضر هركز اهو
متأكده
ايوه
طيب نقول تانى
ظلت جالسه قليلا تتأمله والأخرى تركز فيما يشرحه وهى تفكر ماذا سيحدث ان تركت كل هذا وتزوجته سيكون حلا لكل هذا فقد السعاده ستحاوطهم بعيدا عن الدراسه والامتحانات والمذاكره والمجموع اااه دائما القول سهل
بسس يا ستى كده خلصنا دول هسيب دول تخليهم كده مع نفسك وابقى اشوفهم بعدين
بجد انت شاطر اوى فى الشرح ليه متزعلش مدرس فيزيا هتلم فلوس قد كده و…لا لا أنسى الفكره دى
محت تلك الفكره فورا فبالتأكيد الفتيان سيتهافتن عليه لكى يشرح لهم ولن يتسنى لها رويته بعد الآن
اشتغل مدرس بعد ٥ سنين دراسه و٥ خبره ده تبقى مهانه بجد
اه صح انت ليه مشتغلتش فى مجالك ده انت خريج هندسه
عشان ملقتش مكان فى مجالى مثلا وبعدين مين كان هيمسك محلاتنا اكيد مكنتش هبيع تراث أبويا إلى تعب فيه واضيع كل ده ف ده كان ده انسب حل عشان اقعد مع والدته واراعيها ولا انتى ايه رايك
فعلا ده كان انسب حل لينا كلنا
نظر لها مستغربا
قصدى يعنى عشان تاخد بالك من ماما وانا عشان بابا يعنى مسافر
صح انتم فى امانتى حتى من قبل ما باباكى يسافر
ابتسمت بحب وهى تتمنى ان تظل دائما فى أمانته فهو خير أمين عليها