رواية حكم القدر الفصل الثاني 2 بقلم الكاتبة المجهولة

رواية حكم القدر الجزء الثاني

رواية حكم القدر البارت الثاني

رواية حكم القدر الحلقة الثانية

رفعت قدر رأسها واتصدمت لانها شافت راجل مسن يدوب في كام شعره سوداء والباقي ابيض
ولكن صمتت واخفضت راسها وجلست بجانب نادر
رياض وهوا عمال يبص ع جسمها بكل وقاحه
،، ليك طلبات تانيه يا نادر
،، احنا كدا اتفقنا ع كل حاجه
رفع رزمه من الفلوس ورماها قدامه ع الترابيه
،، وادي نص المبلغ اللي اتفقنا عليه والباقي هتاخدو اول ما نكتب الكتاب
برقت قدر عينيه وبصت لنادر بصدمه عارمه
اللي يصلها بوعيد بمعنى أنها لو اتكلمت هيا عارفه هيحصل فيها ايه
رياض ،، هوا انتو مش هتسبونا شويه لوحدنا ولا ايه
فتحيه وعينيها لامعه من الجشع وهيا ماسكه الفلوس في ايديها
،، اه طبعا طبعا يلا يا نادر
وسابوهم لوحدهم رياض قام وجلس جنب قدر وكان بيقرب منها وهيا بتبعد بخوف
،، في ايه يا عروسه مالك خايفه كدا ليه لا لا لأ لازم تاخدي عليا مش كدا دا احنا كتب كتابنا بكره
بصتلو بصدمه وهيا مبرقه
،، ب..بك…بكره
قرب منها وحط ايدو ع رجلها بوقاحه
،، اه انتي متعرفيش ولا ايه
نظرت ايدو بقرف وقامت
بصوت عالي ،، انت راجل قليل ياخي احترم سنك وشنبك الابيض
انت عبيط انت تقريبا اكبر من جدي كتب كتاب ايه وجواز ايه ونيلة سوده ايه
احيه
،، انتي هتستعبطي يابت دا انا دافع فيكي ٢٠٠ الف وهياخدو زيهم بعد كتب الكتاب فوقي ياماما ابوكي بيعك يا حبيبتي
بصت قدر لنادر بصدمه ودموعها نزلت لوحدها كانت نظراتها كلها كره وقرف
ضحكت بسخريه ،، يااااه يا نادر مكنتش اعرف انك بتكرهني اويي كدا
قالت اخر كلمه بدموع انهيار
،، اه ما انا مش هقول بابا لأن الكلمه دي من قبل ماما ما تموت وانا محستهاش معاك
بس انا نفسي اعرف انا عملت ايه للكره دههه
ليه بتكرهني كدا
دا برغم قسوتك عليا بس بقول لنفسي معلش مينفعش تكرهيه دا مهما كان والدك وهوا اللحن عليكي من الدنيا
بس احنننن ايه
احن ايه
دا انا الناس الغريبه اللي بره بتحن عليا من معاملتك انا معايا
فتحيه ببرود ،، مخلاص ياختي انتي هتفتحلنا الصعبنيات بتاعت كل يوم لمي غسيلك الوسخ قدام الراجل
رياض ببرود ،، اسبكم تكملوا الفيلم الهندي بتاعكم دا وهاجي بكره بعد المغرب بالمأذون والشهود
وبص لقدر بوقاعه وهوا بيبص ع جسمها
،، سلام يا عروسه
قدر ،، عارف انا توقعت منك اي اي حاجه ولا انك تعمل معايا كدا
انا قولت ممكن توصل بيك انك ترميني من البلكونه أو تطردني في الشارع
الا انك تجوزني لواحد
لواحد اكبر منك بعمر عشان شهواته والقرف دا
واكملت بصوت مخنوق من البكاء
،، دا عايز يتمتع بجسمي يومين ويرميني
انت مستوعب دا
نادر كلامها قصر في بس فتحيه كانت عماله تغريه بالفلوس
وتقول ،، ولسه هناخد زيهم تاني بكره دا احنا هنعيييش
ببرود ،، يلا خلصتي
خلصتي روتانا كلاسيك بتاعت كل يوم يلا خدي بعضك وادخلي نامي عشان تغوري بكره
فتحيه
،، لا تنام ايه البيت دا تمسكيه كلو من اول لاخرو تنضيف وتغسلي الاشاني والسجاجيد عايزه كل حاجه تلمع
واكملت بسخريه ،، ما عقبال عندك الخدامه بتاعتنا ماشيه مش عارفين امتى نجيب غيرها ههه
صرخت قدر باعلى صوتها
،، انتو ايه انتو ايييييه عايزين مني ايه
انت اب انا عايزه افهم انت ايه بجد دا قلبك ايه دا لو حجر كان زمانو حن
مسكها من شعرها بقوه
،، انتي بتصوتي
بتصوتي لابوكي يا بنت ال ****ه
برغم الوجع بس قالت بقوه
،، اياك تجيب سيرت امي ع لسانك
امي اشرف منك ومن اي حد خلقو ربنا
،، اه يا بنت ال ****
مسك قدر نزل فيها ضرب كان بيضربها بقوه اوي نزفت من أنفها وبوقها
كانت قاعده ياسمين شايفه كل دا حست بحزن ع حور
ماهيا ميقبلش يتعمل فيها كل دا وتفضل ساكته
راحت قربت من نادر وبدأت تبعد قدر عنه
،، خلاص خلاص يا عمو نادر هتموت في ايدك
،، خليها تموت الكلبه
،، يانهار اسود البنت قطعت النفس
فتحيه ،، مالك يا ختي زعلانه عليها كدا ليه دي بنت قليلة الادب سيبي ابوها يربيها
بصت ياسمين لفتحيه وبتحاول تفهم علامات وشها من اللي هتقوله
،، هوا انتي بعد الشر لو متي وكان بابا اتجوز عليكي وجابلي مرات اب
ترضي تعمل فيا كدا
شهقت فتحيه
،، عايزه تموتي يابت أخص عليكي
قالت كدا بدموع مصطنعه لأنها لاحظت ان ياسمين بدأت تحنلها
،، لا يا ماما مش قصدي
بس بجد اللي بيحصل مع قدر صعب ان حد يتحملون
،، طب فوقيها ياختي شكلها اغمى عليها
انا رايحه اكمل عد في الفلوس
وسابتها وخرجت
بصت ياسمين مكانها بتعجب وبدأ تركز في أن اللي بيعملوا دا ظلم كبير لقدر
جابت ماسه وبرفان وبدأت تفوقها
لحد ما فاقت
ياسمين بقلق واضح ،، انتي كويسه
، اه
اه دماغي
بسخريه ،، فارق معاكي اوي يعني
،، تصدقي انا غلطانه
وسابتها وقامت
قدر قعدت في المطبخ وسندت ضهرها للرخامه وحطت راسها بين ركبتها وكانت بتعيط بحرقه
بعد شويه رجعت ياسمين وفي ايديها علبة اسعافات اوليه
بصت لها قدر باستغراب
ياسمين وهيا بتمسحلها الدم اللي نازل من أنفها
،، متبصليش كدا انتي بس صعبتي عليا عشان ضربك جامد اوي
بضحكة سخريه ،، ميصعبش عليكي غالي
بضيق ،، ع فكره انا مش وحشه اوي كدا
،، انا معرفش انتي بتكرهيني ليه
رغم اني مش فاكره أن ولا مره عملت حاجه تاذيكي
ربنا شاهد اني كنت فرحانه اوي أن هيبقى ليه اخت ولو اكبر مني بسنتين بس كنت بحبك وانتي قدمتيلي كره
بصت لها بضيق كبير وخلصتلها مسح الدم وسألتها ودخلت اوضتها
كنت بتفكر اد ايه هما فعلا هانوها كتير وهيا مكنتش بتعملهم حاجه
بعد وقت من كتر التفكير نامت
أما قدر كانت عماله تعيط بانهيار ومش عارفه تعمل ايه وكل اللي بتفكر فيه انها تموت نفسها وترتاح
خلاص حزمت امرها وقامت جابت سكينه عشان تقطع شرايينه بدإت تقرب السكينه واحده واحده من ايديها شيطانها غلبها
وهيا بتقول
،، يارب سامحني انا مش هينفع اتجوز الراجل دا لا حرام حرام كفايه اللي هما بيعملوا فيا هتجوز الراجل دا يومين وهيرميني
ومش هيرضو يدخلوني البيت
مسحت دموعها وقربت السكينه من ايديها وغمضت عينيها
وفجأه لقت ايد بتشد منها السكينه بقوه ومسكتها بعنف
لؤي ،، انتي اتجننتي يا قدر خلاص
عايزه تموتي نفسك وتموتي كافره انتي عبيطه
بقالك ٣سنين عايشه ومستحمله مش قادره تستني خلاص دماغك راحت فين اتجنيتي
بانهيار ،، غصب عني يا لؤي غصب عني والله انا تعبت انا فاض بيا
انت عارف عايزين يعملوا معايا ايه ابويا اللي انا من لحمه ودمه عايز يعمل فيا اييه
،، ايه يا قدر طول عمره بيعمل معاكي اللي ميتعملش وانتي مستحمله
ايه اللي جد
انا عارف انو اللي بيعملوا معاكي دا اكبر غلط بس متفكريش في الموت كدا حراام
بصتلو ودموعها بس اللي بتنزل وبدون اي انفعالات
،، عايز يجوزني واحد عنده حاجه وستين سنه مقابل ٤٠٠الف جنيه
واحد رجلو والقبر عايز يمتع نفسو يومين ابويا هيرمني بكره هيبعني بالفلوس يا لؤي
بصلها بصدمه شلته
وبعدها اتحولت ملامحه للغضب بطريقه مرعبه وجرى ع اوضة نادر وفتحيه اللي كانت مقفوله
وخبط بكل قوته لدرجة أن الباب كان هيكسر ف ايدو
نادر وفتحيه قامو بفزع وياسمين كمان
نادر بغضب
،، ايه اللي انت عامله دا
نادر كانت عينه حمره وعروق جسمه باينه بطريقة ترعب
،، انا عايز اعرف بس انت بني ادم زيك زينا
بني آدم عندك قلب شبهنا
انت ايه ياخي قلبك دا اييه انت ملكش حق تشيل لقب اب ملكش حق يتقلك يا بابا انا بقيت اتكسف اقولهالك
حرك نادر عينيه بملل
،، متقولهاش
،، انا بستعر منك عارف انا بكرهك
بكرهك كره عمري مكرهت حد كدا قبل كدا
ذنبها ايه دي
وشاور ع قدر
ذنبها ايه تعمل معاها كدا عمرها ما اذتك في حاجه بتعمل معاها كدا ليييه
ببرود ،، خلصت
يلا بقى هش نام عشان كتب كتاب اختك بكره
،، كتب كتاب ها
كتب كتاب اختي بنت ٢٤ سنه ع رجل معدي ال٦٠ سنه صح
عايز تجوز بنتك لراجل
يومين ويموت مفكر نفسو لسه شباب عايز يتسلى ببنتك يومين ويرميها
،، اه
وعطيته الراجل كلمة رجاله مش هرجع فيها
بسخريه ،، رجاله
ها
دا فين الراجل اللي بيدي كلمه مبيرجعش فيها دا مش شايفه
قصدك عليك
انت يالي عايز ترمي بنتك
صمت ساد المكان بمجرد أن سمعو صوت كف نزل ع وجه لؤي
،، لما تتكلم مع ابوك اتعلم حدودك
بغضب ،، انا عمري ما شوفتك اب
وقدر مش هتتجوز الراجل
بتحدي ،، هتتجوزو عايز تحضر احضر مش عايز عنك
ويلا غور من وشي مش عايز اشوفك قدامي لبكره ي قبل كتب الكتاب تشهد يا بعد ما يكتب وتكون غارت
لؤي اخد الجاكيت بتاعه وبص لقدر بحزن اللي بصتله بابتسامه موجوعه بتقولوا فيها متشيلش نفسك هم يا حبيبي أنا خلاص مش فارق معايا حاجه
وسابهم ونزل
ياسمين اتنهدت بحزن ودخلت غرفتها بعد ما نادر دخل
فتحيه مسكت شعر قدر بقوه
،، انتي ايه
ماشيه تبخي سم
دا احنا هنرتاح منك جتك القرف
وزقتها بقوه لدرجة أن قدر وقعت في الأرض وفضلت قدر تعيط كتير
تاني يوم
فتحيه صحت ودخلت لقدر لقتها قاعده القاعده المعتادة سانده ضهرها للرخامه وباصه للسقف بشرود
،، وهيا الحلوه مفيش حاجه تعملها ولا صدقت أنها عروسه
قدر مبصتلهاش وسكته
بصت لها بغيظ
،، قومي يازفته الفستان جه روحي حضري نفسك وفوري بقى انا زهقت منك
بعد وقت قامت قدر واخدت الفستان ودخلت غرفة لؤي اللي مرجعش من امبارح رمت الفستان ع السرير بقهر وقعدت في الأرض بانهيار
،، يارب
يارب نجيني
انا مش عايزه اتجوز الراجل دا والله هموت يارب يارب انا عندي امل فيك انك تخلصني منو يارب ياحي يا قيوم برحمتك استغيث اصلح لي شاني كله ولا تكلني الى نفسي طرفه عين
يارب اسيبك بكل اسم هو لك سميت به نفسك أو علمت به أحد من خلقك أن تجيني
يارب يا منجي يوسف من الظلام يارب يا منجي يونس من بطن الحوت يارب يا منجي ابراهيم من النار نجني من الظلم نجيني من اللي ابويا عايز يعملو فيا يااارب ياارب متخذلنيش
كانت بتعيط بانهيار وهيا في الأرض دخلت عليها فتحيه
،، نهارك اسود انتي لسه ملبستيش
ومسكتها من شعرها
،، بقلك ايه يا بت متخنقناش في الكام الساعه اللي فضلالك هنا قومي واتزفتي البسي وعدي ليلتك وحطي اي هباب ع وشك داري بيها الكدمات دي يلا غوري
وسابتها وخرجت
قمت قدر مستسلمه بقدرها ورمت حمولها ع ربنا هيا مفيش في ايديها تعمل حاجه
لبست فستان زفاف كلو ستان شفاف من الدرعات والكم كله متزين بخرز فضي والحزام في خرز بنفس الشكل لبست حلق وسلسله متزين بفصوص لولي عملت فورمه لشعرها بسيطه ونزلت خصلتين من الجنب ولبست تاج رقيق وهيلز شفاف متزينه ببعض فصووص اللولي من قدام كان شكلها قمر اوي اوي تحسها كدا من اميرات ديزني بصت لنفسها حست انها مش محتاجه تحط حاجه ع وشها كان في كدمتين في وشها واحده في خدها والتانيه في جنب أسفل ذقنها حطت لمسات بسيطه جدا من الميك اب كان الكدمات باينه بس تحس ان الكدمات زادتها جمال
بصت لنفسها بابتسامة وجع
،، مين يصدق أن النهارده فرحي شكلي حلو اه بس انا مش من حق الراجل المكحكح دا
يلا اللهم اني سلمت امري اليك اللهم اختر لي ولا تخيرني
وفجأه صرخت بس في حد حط ايدو ع بقها
ياترى ايه اللي حصل مع قدر مين حط ايدو ع بقها
ويترى فعلا قدر هتتجوز الراجل العجوز دا ام للقدر راي آخر