رواية حكم القدر الفصل الأول 1 بقلم الكاتبة المجهولة

رواية حكم القدر الجزء الأول

رواية حكم القدر البارت الأول

رواية حكم القدر الحلقة الأولى

في احد البيوت التي تقع في أحد الحواري البسيطه خاصة داخل المطبخ
كانت بطلتنا نايمه ع مرتبه بسيطه في ارض المطبخ وكانت بتحلم حلم جميل زي كل يوم بتتخيل نفسها مكان سندريلا
لما دخلت عليها زوجة أبيها امرأه حقوده شريرة إلى حد كبير امرأه مسنه
،، انتي يا زفته هتفضلي نايمه لي كدا كتيير
قالت كدا وهيا بتخبطها برجلها
قامت قدر بكل ضيق هيا دي الطريقه اللي بتصحى بيها كل يوم
،، خلاص قمت يامرات ابويا
استوب
نتعرف ع بطلتنا
قدر بنت تبلغ من العمر ٢٤ عام جابت مجموع يدخلها طب بس فتحيه (مرات باباها) مرضتش تخليها تكمل تعليمها
بنت بالمعنى الحرفي ايه في الجمال شعرها نحاسي وجهها ابيض كبياض الثلج يميزه نمش خفيف من نفس لون شعرها لون عينيها ازرق غامق وعدست عينيها واسعه
،، قومي يازفته الساعه بقت ٧وجنابك لسه مصحتيش حضري الفطار ونضفي البيت كلو في ضيوف مهمه جيالنا بالليل
من وراهم بنت
(ياسمين بنت فتحيه شعرها بني فاتح قصير لبعد كتفها شويه عينيها عسلي فاتح بشرتها بيضاء نوعا ما جميله بس مفيش وجه مقارنه بينها وبين قدر
فتحيه ربت جواها حقد ناحية حور )
،، ثواني يامامي خليها تكويلي ال ٣دريسات دول عشان اختار انهي واحد انزل بيه الجامعه
ورمت في وشها الفساتين ومشيت خطوتين ورجعت تاني
،، واه وانتي بتحضري الفطار ياريت تلملنا شعرك اللي فرحانه لينا بيه دا عشان انا لو لقيت شعر في الاكل تاني هزعلك
انتي سامعه
قدر ببرود
،، قولي انك غيرانه منه بقى
بصتلها بسخريه
،، هغير من مين ههههه منك انتي فوقي ياماما انتي متجيش لجزمتي
ببرود اكبر ،، عشان انا فوق راسك
قربت منها وشدتها من شعرها بقوه
،، اقسم بالله لو اتكلمتي تاني معايا لكون معرفاكي انتي مين عشان بعد كدا تعرفي تتكلمي كويس مع اسيادك
وشدة ع شعرها اقوى
،، انتي فاهمه
بوجع
،، اه فاهمه
زقتها جامد وبصتلها بكبرياء
،، لو حاولتي تتعدي حدودك تاني معايا الحلو اللي فرحنالي بيه دا هتصحي تلاقي مقصوص
واخلصي اكويلي دول بسرعه عشان اختار بينهم
بصت لها فتحيه بتكبر
،، هوا دا اللي لازم نتعامل بيه مع اشكالك
وخرجت
قدر اول ماخرجو سمحت لدموعها تنزل بقهر
،، يارب انا تعبت
تعبت منهم اوي والله العظيم يارب ارحمني يارب
استغفر الله العظيم
قامت قدر دخلت غرفة ياسمين عشان تكويلها الهدوم كانت واقفه بتبكي وهيا بتكوين فجأة حست بحد بيحضنها من ضهرها
صرخت قدر
لؤي ،، اهدي يا قدر دا انا
قدر براحه ،، خضتني يا لؤي
لؤي اخو قدر من باباها عندو ٢١ سنه يمتلك نفس عيون قدر هما ورثنها من (نادر الحويجي) باباهم شعرو اسود وجسمو رياضي واد مز من الاخر
بيحب قدر جدا هوا احن واحد عليها
،، حقك عليا انا والله مش عارف اعمل معاهم ايه كل يوم بنزل متخانق معاهم ومفيش اي حاجه نافعه
ابتسمت بحزن
،، عادي يا حبيبي انا اتعودت ع كدا ٣سنين كفيله تخلي أن دا روتين عادي
روح ياحبيبي استناني ع مااحضر الفطار هكوي الفساتين دا لياسمين وهحضر ع طول
بصلها لؤي بحزن وخرج مش عارف يعمل ايه تاني مع أهله
خلصت قدر كوي الفساتين وعطتهم لياسمين اللي اخدتهم منها بقرف
وحضرت الفطار ونضفت البيت اللي ماخدش معاها وقت
فتحيه ،، لؤي روح صحي ابوك خلي يقوم يفطر
الكل قعد ع السفره مستني نادر
خرج نادر وهوا بينشف وشو
،، اللللله ايه الريحه الحلوه دي مين عامل الفطار
قبل ماقدر تتكلم سبقتها فتحيه
،، مين غير ياسمين حبيبت قلب مامي كل يوم تصحى من الساعه ٧ تنضف البيت وتعملنا الفطار ونشوف طلبتنا قبل ما تنزل الكليه
بص نادر لقدر نظرات ناريه
،، وجنابكم بتعملي ايه
بصتلو حور بدموع
،، مانا لو قولتلك أنها بتكدب مش هتصدقني
،، بص قليلت التربيه بتقول عليا ايه انا غلطانه اني بعاملها زي لؤي وياسمين هيا دي جزاتي يا نيدو
نادر نزل بكف قوي اوي ع وش قدر من قوته وقعت ع الأرض وبقها نزف دم من الجنب
،، أدبا ليكي وتتعلمي تتكلمي باحترام بعد كدا انتي محرومه من الفطار والغدا والعشاء كمان
ايه رايك بقى
بصتلو بوجع
،، عادي اتعودت ع كدا ما انت عملت معايا كدا امبارح وبتعمل معايا كدا كل يوم
ابقى اختار عقاب اصعب بقى بعد كدا
عشان عايزه اكرهك ومش عايزه اقعد اقول لنفسي دا ابوكي ومهما كان مينفعش تكرهي
قالت كدا وقامت من قدامه دخلت المطبخ
حس نادر بالم في قلبو من اللي قالته وحزن
فتحيه ،، انت هتحن لها ولا ايه دي بنت قليلة الادب متربتش وتستاهل اكتر من كدا
قام لؤي من ع السفره بكل انفعال وخبط ع السفره بكل قوته لدرجت أن في طباق وقعت وبص لفتحيه بكل غضب وعينيه تكاد تنفجر من الاحمرار
،، انتي ايه يا شيخه قلبك دا ايييه انا عايز افهم قلبك مات خلاص
دي بنت يتيمة الام حرام عليكي بدل ماتعوضيها بتيجي عليها انتي والدنيا عليها
وانت (وبص لنادر)
انت اب من انهي نوع انهي اتجاه انت اب انت عارف عمايل مراتك الوسخه
انت عارف ان ياسمين طول الوقت قاعده لتليفونها كليتها اللي بتروحها عشان صاحبها ومبتدخلش محاضرات وعايزه سنه تانيه ل تالت مره السنه دي بذمتك ياشيخ واحده كل ماتقولها تعملك كوباية شاي بتسألك ع الطريقه هتعرف تعمل كل دا
ما تبطلو افترى بقى ياخي حرام عليك خليك حنين ع بنتك ياسمين دي من راجل تاني غيرك رغم كدا انت حنين عليها وبتدلعها وبعديها فلوس وكل اللي هيا عايزاه
لاكن بنتك اللي من لحمك ودمك واسمها جنب اسمك وامها ميته يعني المفروض تعوضها
بتخليها تتمنى تموت نفسها كل يوم خلتها كرهتك
اتقي الله بنتك دي هيا اللي قادره تدخلك الجنه وقادره تدخلك النار
وبموعاملتك معاها
وضحك ضحكت سخريه
،، مش هطول الجنه
واخد الجاكيت بتاعه ونزل
بص نادر حواليه بتوهان
،، هوا انا فعلا ظالمها انا جاي عليها اوي كدا
فتحيه ،، بص بنت ال خلت ابني يعمل ايه يقف قدام امو وأبو ازاي
وراحت جريت ع قدر مسكتها من شعرها
،، عملالو ايه عملالو اييييه سحراله انا ابني مبيطقنيش يابنت الجزمه
قدر بعياط ووجع
،، اياكي تجيبي سيرت امي تاني ع لسانك امي اشرف من اي حد
فتحيه اتغاظت ونزلت فيها ضرب
نادر بحزم ،، فتحييييييه
سيبيها وتعالي هنا
فتحيه راحت له
،، هوا انت هتسبها عادي كدا
،، هيا مالها هيا متكلمتش ابنك اللي اتكلم
،، ياراجل متعصبنيش
بزعيق ،، خلصنا متجيش جنبها ولا ليكي دعوه بيها انتي سامعه
ياسمين واللي كانت قاعده ع الكرسي بتبرد ضوافرها ببرود
،، خلصتو بقى المسلسل بتاع كل يوم دا
انا عايزه فلوس
نادر مد أيده في جيبه
،، عايزه كام
،، عايزه ٢٠٠٠ جنيه
عطاها نادر الفلوس ونزل ونزلت وراه ياسمين
سمعت قدر الكلام وضحكت بوجع وسخريه
،، هيا كل يوم قبل ما تنزل بتاخد اولوفات وانا منزلني اشتغل غصب عني والفلوس اللي بجيبها بياخدوها مني
بعد وقت وكانت الساعه ١١ دخلت فتحيه المطبخ ع قدر اللي كانت قاعده ع الارض وسانده ضهرها للرخامه وباصه للسقف وساكته
،، بجانبك بقى مفيش شغله تعمليها ع مايجي معاد شغلك
ببرود ،، انتي شايفه في ايه عايز يتعمل معملتهوش
فتحيه قعدت تبص حواليها بغيظ
،، الطباق اللي ع الرخاميه دي ايه
ببرود اكبر ،، غسلتهم مستنياهم يتصفو عشان اشلهم
بصت لها بغيظ وسبتها وخرجت وهيا بتقول
،، بعد ما تنزلي من الشغل تيجي قبل المغرب الضيوف جايه الساعه سته
في سرها
بخبث ،، اخيرا هخلص من قرفك
الساعه جت ١٢ قدر نزلت وراحت الشغل كانت شغاله في مطعم
،، صباح الخير يا عم برعي (مدير المطعم راجل مسن بيحب قدر زي بنتو)
،، صباح النور مين مزعل القمر ع الصبح بس
،، مين غيرها
،، بردو ام اربعه وأربعين اللي مورناش غيرها دي ربنا ياخدها
قدر وهيا بتلبس المريله
،، ربنا يهديها
يصلها برعي باستغراب ،، يوه
شوف البنت رغم اللي بتعملوا فيها بس قلبها ابيض
بعد وقت قدر خلصت
،، انا خلصت ياعم برعي عايز حاجه
،، استني يابنتي النهارده معاد قبضك انتي نسيتي ولا ايه
،، عادي مش فارقه اعد ولا لا هيا اللي هتلاقيها بتعد ومستنيه القبض
،، بصي يا قدر دول فلوس الشهر ٧٥٠ج ودول ٢٥٠ انا زودتلك مرتبك بس دول بقى خبيهم متقوليلهاش عليهم خليهم معاكي هينفعوكي
بصتلو بحب ،، شكرا اوي ياعم برعي والله مش عارفه اودي جميلك دي فين
،، بس يابت ياهبله متقوليش كدا انتي زي بنتي يلا روحي شوفي الحربايه بدل ما تطينها عليكي
،، ماشي يلا سلام
قدر وهيا ماشيه
سامح (الجزار)،، هوا الحلو مش ناوي ياحن ولا ايه
بصتلو بقرف ومشيت
مشي وراها وهوا ماسك سكنتسن في أيده وعمال يسنهم
،، ومالو من حق الجميل يدلع
لفت له بضيق
،، عم سامح
فكك مني بقى عشان مش نقصاك يلا اتكل ع الله
،، يوه جرى ايه يابت هوا لا مسايسه عجباكي ولا قوه عجباكي
ومسك ايديها
شهقت قدر بغضب
،، ورحمة امي يا سامح ياقرع ياللي بتبيع للناس لحم كلاب
يا كلب يابن الكلب
لو مسلمين نفسك معايا لكون فتحالك دماغك جرى ايه ياعم محترم سنك دانت قد ابويا ومتجوز تلاته واصغر واحد في عيالك اكبر مني ياخي احترم شنبك دا ولاانت كل يوم لازم تخلي الحاره كلها تتفرج عليك
،، جرى ايه يابت انتي هتعمللنا فيها شريفه
عند الكلمه دي ومسكتو حور ونزلت في ضرب
،، شريفه
شريفه اه يابن ضريه القرمه ورحمه امي لاخلي اللي ما يشتري يتفرج عليك
انت لا محترم سنك ولا كرشك ولا عيالك ايه القرف اللي انت في دا اتفو عليك
الكل بدأ يحوش
واحده من اللي واقفين
،، خلاص ياقدر يابنتي هوا راجل معفن متقلليش من نفسك يا حبيبتي
قدر تفت عليه وسابته وطلعت
فتحيه استقبلتها من ع الباب
،، انتي كل يوم تعمليلنا مشكله مع سامح خره دا
،، هوا اللي راجل عايز يتربى
،، طب يلا ياختي قبي
قبي بالمعلوم
بصت لها بقرف وخرجت الفلوس وعطتهالها
فتحيه وهيا بتعد
،، مش عارفه انا الشغلانه الهم اللي في الشهر ٧٥٠ج دي
وبصتلها بشك
،، اوعي يابت يكون بيديك اكتر وبتخبيه
ببرود ،، روحي اسئليه ياحبيبتي وبعدين مانتي منزلاني وعارفه اني هقبض ٧٥٠ ايه اللي جد
،، طب يلا غوري روحي البسي حاجه عدله في عريس متقدملك
حركت عنيه بملل
،، دا مين دا كمان مش كان لسه في واحد الاسبوع اللي فات
شهقت بردح
،، هوا في حد يقول للعرسان لا جتك نيله غوري يابت الناس زمانها ع وصول بدل ما اخلي ابوكي يطلع يرنك
،، اااف
دخلت حور لبست بنطلون جينز واسع وتيشرت كم بينك
بعد وقت جا العريس وقدر كانت واقفه بتحضر العصير
رياض (العريس)،، امال فين العروسه
نادر شاور لفتحيه
،، حالا دلوقتي هروح اجبها
دخلت فتحيه المطبخ
،، يلا ياختي خلصي
،، كام واحد بره عشان أصب
،، هوا مفيش غير العريس بس وصبي واحده لابوكي
استغربت قدر أنو جاي من غير أهل بس سكتت وصبت كوبايتين وخرجت وهيا حاطه راسها في الأرض
رياض ،، انا سمعت انها حلوه بس مكنتش اعرف انها حلوه اوي كدا
رفعت قدر رأسها باستغراب واتصدمت 😳😳😳
ياترى قدر شافت ايه اللي يعرف يخمم في الكمنتات