رواية حكاية نسب الفصل الحادي عشر 11 بقلم بسنت حسين
رواية حكاية نسب الجزء الحادي عشر
رواية حكاية نسب البارت الحادي عشر
رواية حكاية نسب الحلقة الحادية عشر
انا هاجي معاكوا
حاتم: تروح معاهم ليه يا جسور!!
ممدوح: هتعمل ايه يا جسور
جسور: عايز اشوف الست اللي اسمها امي دي عايز احط عيني في عينها واسئلها ازاي قدرت تعمل كده
حاتم: امك جنبك اهي يابني في ايه مالك
ممدوح: ده موضوع كبير يا عمي تبقي ست مرجانة تحكي لحضرتك، يستحسن يا جسور تخليك هنا هما كده كده جايين علي هنا ومش هتتكلموا في الطريق يعني
جسور: لا انا مش هستني لازم اشوفها
ممدوح: زي ماتحب، تعالي معايا
سحر: نسيتوني ولا ايه انا كمان جاية، مش استقبل ابويا العيان ولا ايه
ممدوح: طب وبالنسبة لرد فعل امي هنعمل فيه ايه
جسور: طب خليها تقرب منها كده وتشوف هيحصلها ايه
ممدوح: اهدي يا جسور ومتخب طش في الكلام دي امي وامك برضو
جسور: سحر براحتها وهتيجي معانا
ممدوح: يلا ياخواتي يلا رايحين دريم بارك احنا ولا رايحين نستقبلهم من الحج مش عارف
…….
في مطار القاهرة
طيارة سامح واسمهان وصلت وكانوا في طريقهم للخروج من المطار
اسمهان: انت عرفت حد اننا جايين؟
سامح: اه عرفت حاتم وقال هيبعت داليدا تاخدنا قولتله ميعرفش ممدو….. ايه ده
اسمهان: لا واضح انه معرفش حضرة الظابط هناك اهو، ومين اللي معاه دول كمان
سامح: دي.. دي بنتي، بنتي يا اسمهان
وطلع بخطوات ممدودة ناحية بنته وخدها في حضنه وهو عينيه مدمعة
سحر: انت… انت با… بابا
سامح: الله بابا طالعه من بوقك زي السكر، حبيبة ابوكي وحشتيني قوي
سحر: بس انت موحشتنيش انا معرفكش اصلا
سامح: انا اسف والله العظيم اسف حقك عليا انا قصرت معاكي غص ب عني كنت طا يش ومش قادر اواجه افعالي
سحر: ده مش مبرر يشفعلك عندي عذر أق بح من ذ نب
ممدوح: سحر اهدي عليه لو سمحتي مش ده المكان اللي نتكلم فيه، ازي حضرتك يا بابا، ازيك يا امي
اسمهان: بخير يا حبيبي، ازيك انت، مين الشاب اللي معاكوا ده
سحر وممدوح وجسور في صوت واحد: نعممممممممم؟
……..
مرجانة: دي كل الحكاية يا حاتم بيه
حاتم: انا مش قادر اصدق ده كله، يعني انا العمر ده كله بربي بنت اخويا في بيتي ومعنديش خبر، لا وكمان ابن مراته
جواد: انا فرحان قوي يا جدعان، اخيرا هعرف اتجوز البت، هطلبها من عمي سامح ومحدش هيقف في وشي بقي لا مرعي ولا برعي، ياااااااه
حاتم: اتنيل انت دلوقت علي اساس البت اللي لسه مقابلة ابوها هيسيبهالك تتجوزها ويبعدها عنه بعد ما كل حاجة اتعرفت
جواد: لا بقي لا انا حد باصصلي في حياتي، مانا هتجوزها يعني هتجوزها دلوقت ولا بعدين هتجوزها
داليدا: انا صعبان عليا جسور قوي، كل حاجة اته دت فوق راسه في لحظة
جواد: اشمعني جسور بس يعني ما سحر في نفس الوضع
داليدا: مشش قصصدي حاجة يعني انا بس ضا يقتني الد موع اللي في عينيه، د موع الراجل صعبة
جواد: اها قولتيلي يا حنينة اه
داليدا: بس يا بتاع سحر ياللي هتتجوز ان شالله صورتها، لو هتمسكلي علي الواحدة همسكلك ع العشرة ا تكتم
جواد: انا م ضطهد في البيت ده بجد 🥺.
…..
سحر: جرا ايه يا هانم بقي مش عارفة اللي واقف قدامك ده يبقي مين ازاي يعني
اسمهان: هو واجب عليا اعرفه ولا ايه مش فاهمة، انتي ازاي تكلميني بالطريقة دي
ممدوح: اااااا، يا ماما متقصدش هي مستغربة بس انك متعرفيش صديقي
اسمهان: مانا مش عارفة كل اصدقائك يا ممدوح يعني، وبعدين هنفضل واقفين هنا كتير مش هنمشي ولا ايه
سامح: تعالي يا سحر يا حبيبتي اقعدي جنبي في العربيه عايز املي عيني منك
سحر: لا انا هركب مع صاحب اخويا انتوا اتفضلوا بعربيتكوا عشان مش هتقضي ، ومش عايزين نز عج الهانم مرات حضرتك
سامح: خلاص يا بنتي نتقابل في بيت عمك عندي كلام كتير عايز اقولهولك
سحر: ان شاء الله
اتجه كل منهم لسيارته
ممدوح ساق العربية وابوه وامه ورا
اسمهان كان عندها شعور غريب لما شافت جسور
اسمهان: سامح الولد جسور ده فيه حاجة غريبة نظراته ليا مكانتش مريحاني ابدا، هو يعرفني منين
سامح: مش عارف يا اسمهان يمكن من الجرايد والمجلات ولا اي يا ممدوح
ممدوح: اه صح يا بابا هو كده
……
عند جسور في العربية
سحر: جسور انت ماتكلمتش ليه وقولت انك ابنها
جسور: اتكلم اقول ايه هي اللي تر مي ابنها هتهتم تعرف عنه حاجة، انا الغلطان اني استنيت اي حاجة من ست زي دي غير كده، عديمة الا حساس
سحر: انا مش قادرة الاقي مبرر لعجر فتها فعلا، حاجة غريبة مش لدرجة انها متسألش عليك من بعيد لبعيد حتي
جسور: خلاص يا سحر ارجوكي مش عايز اسمع حاجة
سحر: خلاص انا اسفة سوق بالراحة طيب
…..
وصلوا العربيتين القصر وكان حاتم وولاده واقفين في استقبالهم
حاتم: حمد الله علي سلامتك ياخويا نورت البلد سامح: ده بنورك يا حبيبي
جواد: عمي المفضل حبيب قلبي
سامح: يا بكا ش هو انت عندك عم غيري اصلا
داليدا: ازيك يا عمي وحشتني
سامح: وانتي كمان يا روحي
مش هتسلموا علي اسمهان ولا ايه
كلهم بصولها وسكتوا لحد ما حاتم قطع الصمت ورحب بيها ودخلوا كلهم جوا ووراهم رأفت وسحر
حاتم: في كلام كتير لازم يتقال يا سامح مينفعش يتأجل
سامح: كل حاجة تتأجل لحد ما اقعد مع بنتي ارجوك يا حاتم
طلعت الست مرجانة عليهم واتجهت ناحية جسور
مرجانة: ها يا حبيبي قابلت الست مامتك واتكلمتوا
اسمهان: !!!!!!!!!!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حكاية نسب)
