رواية حكاية نسب الفصل الثاني عشر 12 بقلم بسنت حسين

رواية حكاية نسب الجزء الثاني عشر

رواية حكاية نسب البارت الثاني عشر

رواية حكاية نسب الحلقة الثانية عشر

موبايل اسمهان رن واستأذنت منهم وخرجت تتكلم بعيد
اسمهان: ايوا خير وصلت للتحفة اللي عايزاها ولا لا
…..: الاخبار مش كو يسة احنا عرفنا مكان التحفة بس صاحبها كان مس جون واترمي في المستشفي بحراسة ودخل غيبوبة
اسمهان: ميلزمنيش انا صاحبها صور التحفة تكون عندي النهاردة
….: زي ماتحبي
قفلت اسمهان الخط ورجعت تاني جوا
سامح: في حاجة يا اسمهان؟
اسمهان: لا ده شغل عادي متشغلش بالك، انا هطلع اوضتنا عايزة ارتاح، هتيجي ولا؟
سامح: لا شوية كده، تعالي يا سحر عايزك
سحر بصتله بحزن وهزت راسها وسكتت
……
في البيت المهجور بتاع محسن
شوية عيال سكر انين بيتفسحوا بعربيتهم وواخدين معاهم بنت غصب عنها، لقوا البيت في طريقهم وقرروا يدخلوه، البنت فضلت تصر خ تصر خ ومحدش سامعها
ولد من الولاد قالها صر خي براحتك دي منطقة مافيهاش صر يخ ابن يومين
البنت فضلت تب كي وتصر خ وتقول ماليش غيرك يارب انجدني، يارب بحق لا اله إلا انت سبحانك اني كنت من الظالمين
فجأة نور جامد طلع من البيت الم هجور، وطلع كان في عسا كر في البيت رايحين يفت شوا البيت بأمر من ممدوح وشافوا اللي بيحصل وهجموا علي الولاد كل بشوهم واخدوا البنت ع القسم
……
في قصر النويري
جواد: امو ت واعرف بيرغوا في ايه ده كله انا بقالي كام يوم مش عارف اتلم علي البت ولا اشوف وشها
داليدا: خلي عندك د م يا روميو الراجل بقاله سنين ما شافش بنته عايزه يقولها ازيك ويمشي يعني، اترزع استني هنا من سكات
..
عند سامح وسحر في جنينة القصر
سحر: انت خفيت دلوقت خلاص؟
سامح: اه الجمد لله بقيت بخير، والخير كله اني قاعد معاكي دلوقت
سحر: هو انت متخيل اني هتقبل انك ابويا واعاملك كويس ازاي وانا بنت غير شر عية، انت حطيت عليا و صمة عا ر مش هتختفي ابدا
سامح: ده بيتهيألك يا بنتي، ده اللي الكل يعرفه بس مش دي الحقيقة، انا اتجوزت امك وطل قتها بعد ما ولدتك من غير ماحد يعرف عشان ابرأ ذمتي، بس انا قولت انك بنت غير شر عية عشان مراتي متأذ كيش وتفكر انك جاية تزاحمي ابنها في ممتلكاتي، كونك بنت غير شر عية في نظرها دي يخليكي متمثليش تهد يد عشان انا مش عينفع اعترف بيكي وانزل سم عة العيلة في الارض، لكن دلوقت الحال اتغير وهي مش هتقدر تمنعني عنك ابدا
سحر: يعني انا مش بنت حر ام!!!! انت مش عارف ريحتني ازاي شكرا ليك
سامح: متشكرنيش علي الصح يا بابا وعلي فكرة انتي ورقك اللي بأسمي جاهز من زمان وشايله مع ممدوح عشان لو حصلي اي حاجة
سحر: بعد الش ر عليك ربنا يطول في عمرك
سامح: من قلبك يا بنتي؟
سحر: انا مبعرفش اكر ه حد مهما اذ اني فمش معقول هك ره ابويا، هو انا بس هاخد وقت اتقبلك فيه ياريت تعذر ني وتديني مساحتي ومتز علش لو معاملتي معاك باردة او ناشفة
سامح: ربنا يقدرني يابنتي واعوضك عن اللي فات واقرب ليكي بالدرجة الكافية اللي تخليكي تعتبريني سندك في الدنيا دي
سحر: إن شاء الله، عن اذنك هدخل جوا
سامح: اتفضلي يا حبيبتي اشوفك بعدين
سحر وهي داخلة من باب الصالون لقت اللي بيسحبها علي جوا
……
عند اسمهان، كانت بتستعد تنام قبل ما تسمع صوت رسايل جاية علي موبايلها، قالت دي اكيد الصور، وجريت تفتحها ولما شافتها ايدها اترعشت والموبايل وقع علي الارض اتك سر
…..
في القسم
ممدوح رجع لمكتبه عشان يشوف القض ية الجديدة واول ما دخل شاف الولاد مترصصين جنب بعض في المكتب والبنت واقفة علي جنب منزلة راسها
ممدوح: ايه يا حلو منك ليه فوقتوا ولا اظبطكوا التظبيطة التمام اللي تخلي عينيكوا تفنجل؟
الولاد: لا يا باشا فايقين، البت دي شغالة خد امة عندنا يا باشا وسر قتنا وهر بت مننا للمكان المهجور ده لما اكتشفناها، بس العسا كر فهموا غ لط
ممدوح القي نظرة علي البنت ولقاها لابسة محترم وواسع وبتترعش وبتبكي في صمت وقالها ارفعي راسك يا انسة انتي ولا مدام
البنت رفعت راسها وممدوح عينه اتثبتت عليها
ممدوح: انتي ازااااي! انتي ايه اللي جابك هنا
البنت: الحقني يا ممدوح