رواية حكاية كفيفة الفصل الأول 1 بقلم خوخة
رواية حكاية كفيفة الجزء الأول
رواية حكاية كفيفة البارت الأول
رواية حكاية كفيفة الحلقة الأولى
انا عشق , عندي ٢٣ سنة , كفيفة , وبحمد ربنا على كده , انا احسن من ناس كتير , وغير كده ربنا لما بياخد من حد حاجة بيبدلها بنعم لا تعد ولا تحصى , وانا ربنا اخد مني البصر لكنه اعطاني البصيرة , واجهت مشاكل كتيرة منها التنمر والشفقة , لدرجة اني كنت بحس اني اقل منهم , بالرغم ان مفيش حد اقل من حد كلنا متساوين في كل حاجة , كنت بسال نفسي دايما ليه ربنا خلقني كده , واجابتي انه رحمني انه مخلنيش اشوف بلاوي بتحصل دلوقتي , دخلت المدرسة وبقيت حسة بالسخرية من ناس هي دي مش بتشوف ازاي هتتعلم يعني , كانت الدموع هي البترد عليهم بالرغم اني كنت طفلة معرفش حاجة , كنت بتوجع اوي من الكلام , كان نفسي اقولهم انتو ليه كده , ليه بتفرقو بين كفيف ومبصر , هو احنا مش بشر زيكم ولا ايه , ولينا مشاعر بنحس بيها و بنتوجع من كلامكو فارحمونا , بس كنت بسكت , وبقول هيجي اليوم وهتعرفو الكفيفة دي هتعمل ايه وهتكون ايه في المستقبل , وبعدها اتوفى والدي مكنتش اعرف انه خلاص مش هيرجع تاني , مش هيخدني في حضنه , مش هيطمني ولا عاد هيهزر ويلعب معايا , مكنتش اعرف كل دا مكنتش اعرف معنى الموت كنت مفكراه يومين وهيرجع تاني , بدات ماما في مسيرتها معايا , واتحملت الكتير من الكلام الجارح لكنها صبرت على امل اني اخليها تفتخر بيا في المستقبل , وبدات مسيرتي مع القرآن في البداية مكنتش ملتزمة كنت احفظ شوية وانسى لحد مالحمد لله التزمت , دخلت مسابقات كتير منها كنت الاولى ومنها مستوايات تانية , بس كنت بحمد ربنا دايما , علشان في ناس كتير مبصرين مفكروش يحفظو مش بشمت والله , لاني حاولت اخليهم يحفظو لكنهم رفضو , اتممت حفظي القرآن واخدت اجازة وبدات احفظ القراآت وكنت باخد اجازات لحد مخلصت باقي القراآت , كنت بفتخر دايما بالانجازات دي وبحمد وبشكر ربنا وبشكر ماما على وجودها جنبي , اما في المدرسة فكنت في فصل كويس جدا , كنا بنعتبر بعض اخوات , في ناس حاولت تفرق بيننا بكل الطرق بس معرفوش , اتعرفت على بنات زمايلي منهم الخزلوني فبعدت وانا جوايا جرح جديد ومنهم البقو اغلى حاجة عندي بحبهم جدا , ومنهم الفضلت زميلة ليا , دخلت تلتة اعدادي , بدات نفسيتي تدهور والضغط بيزيد انتي لازم تجيبي مجموع عالي , زائد اشتياقي لوالدي ووجعي من عدم وجوده معايا , هو كان روحي وما زال, كانت سنة صعبة نفسيتي وصحتي اتدهورو جدا بالرغم ان السنة مكانتش صعبة للدرجة دي , معدتش السخرية اني كفيفة لا بقى الرفع معاها , دخلت الثانوي , وانا عندي لا مبالاة غريبة , مش بذاكر زي الاول , لدرجة ان تنية ثانوي مهتمتش اعرف الدرجات , دخلت تلتة ثانوي والضغط كان اكبر , وتعبت جدا وارهقت فيها جدا , والحمد لله خلصت الامتحانات على خير , stop , اتوقعو بقى مجموع عشق وهل هي هتجيب مجموع حلو ولا لا , كل دا هنعرفه في البارت الجاي باذن الله
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حكاية كفيفة)
