رواية حكاية عائشة الفصل الثالث 3 بقلم خديجة رضا
رواية حكاية عائشة البارت الثالث
رواية حكاية عائشة الجزء الثالث
رواية حكاية عائشة الحلقة الثالثة
قامت عائشه بخضه من التليفون اللي بيرن في وقت زي ده
عائشه : ده رقم غريب انا مش هفتح بس مع استمرار الرن فتحت بخوف
عائشه: الو
المجهول: إسمها السلام عليكم
عائشه بنوم : الصوت ده مش غريب عليا
عائشه بنوم : مين
محمد بصدمه وضحك: انتي مش عارفه صوتي مش عارفه صوت جوزك 😳😂
عائشه بصدمه: محمد
محمد: اخيرا فوقتي
عائشه: وفي حد بيرن علي حد في وقت زي ده
محمد: رنيت عليكي علشان تلحقي تصلي القيام قبل الفجر
عائشه بفرحه : حاضر قايمه أهو
محمد: ماشي يا حبيبتي يلا سلام
عائشه بفرحه وخجل : سلام
قامت عائشه اتوضت ثم صلت القيام وقرأت قران ثم أذن أذان صلاة الفجر قامت صحت باباها ومامتها واختها يصلو الفجر وبالفعل قام الجميع توضأ وصلي بهم ابو عائشه ثم قرأت عائشه وردها والاذكار
عائشه: ماما انا هنام ساعتين وابقي صحيني سبعه ونص علشان الجامعه
والدتها عفاف: حاضر يا حبيبتي
ثم ذهب الجميع للنوم أما حبيبه فظلت تذاكر لأنها ثانويه عامه
نروح بقي عند محمد صحي برضوا والدته وأخواته لصلاه الفجر و نزل هو ووالده وأخوه الجامع أما نور وهاله فصلوا في المنزل وبعد انتهاء صلاه الفجر ذهب كل واحد للنوم مره اخري
في الصباح🌅
استيقظ محمد بنشاط ثم توضأ وادي صلاه الضحي
والدته : يلا يا حبايبي الفطار جهز
سعد: صباح الفل والياسمين يا يا حبيبتي
هاله بخجل: صباح النور يا حبيبي
سعد بضحك: متجوزين بقالنا تلاتين سنه ولسه بتتكسفي😂♥️
هاله بضحك: خلاص بقي يا سعد
عمرو : اي ده بتضحكوا علي اي ضحكوني معاكم
سعد: انت مالك أنت يلا واحد ومراته اي دخلك في الموضوع 😒
عمرو: بقي كده يا بابا 🙂
هاله بضحك: هتفضلوا كده ناقر ونقير لحد امتي 😂
عمرو : انا عملت حاجه يا ماما 🙂
سعد: انا اللي عملت يا كلب البحر 😂
هاله: خلااااص بطلو خناق ، عمرو ادخل صحي اختك علشان وراها جامعه
عمرو بضحكه خبيثه : بس كده يا ماما من عيوني 😉
دخل غرفته أخته وجدها مستغرقه في النوم جاب ازازه مياه وكبها عليها
نور : بغرق الحقوني
عمرو وهو ميت علي نفسه من الضحك : لأ مش بتعرفي يا بطه قومي يلا علشان وراكي جامعه
نور بعصبيه : أنت اي اللي عملته ده وطلعت تجري وراه
محمد: في اي يا نوري ، بتجري ورا عمرو لي ، واي اللي مغرق هدومك كده
نور بتمثيل الحزن : شوف يا أبيه عمرو غرقني ازاي
محمد: ينفع كده يا عمرو
عمرو : كنت بهزر معاها عادي
محمد: اعتزرلها
عمروا بغيظ : انا اسف يا نور
نور وهي بتطلع لسانها لعمرو : اسفك مش مقبول😝😝
والدتها هاله بصوت عالي : بطلو خناق بقي وتعالوا افطروا الفطار هيبرد
كلهم في صوت واحد : حاضر
ثم جلسو علي السفره وتناولوا فطارهم
سعد : محمد وصل اختك الجامعه في طريقك
محمد: حاضر يا بابا
محمد: يلا البسي بسرعه يا نور
نور : حاضر يا أبيه
وبعد وقت قصير ارتدت نور دريس اسود وعليه خمار نبيتي وكوتشي ابيض
محمد: اختي قمر يا ناس
نور : حبيبي
وذهبت مع أخيها ليوصلها الجامعه في طريقه
علي الجانب الاخر عند عائشه
والدتها عفاف: اصحي بقي يا عائشه الساعه بقت تمانيه ونص عائشه بخضه : حرام عليكي يا ماما مصحتنيش بدري لي
ثم قامت بسرعه توضات وأدت صلاه الضحي وارتدت جيبه دريس نبيتي وعليه خمار ابيض وكوتش ابيض
عائشه وهي تقبل يد ابيها : صباح الخير يا بابا
والدها أحمد برضا عنها : صباح الفل والياسمين يا حبيبتي
عائشه وهي تقبل جبهته والدتها: انا ماشيه بقي يا ماما
والدتها : طب افطري الاول يا حبيبتي
عائشه: مش هينفع يا ماما اتاخرت اوي هيبقي أفطر في الجامعه مع فاطمه( صديقتها المقربة)
والدتها: ماشي يا حبيبتي ، خلي بالك من نفسك
عائشه : حاضر يا ماما
ثم اخدت عائشه تاكسي وذهبت للجامعه وكانت متأخره علي المحاضره
عائشه وهي واقفة علي باب المحاضره: ادخل ولا لأ ، خلاص هدخل بقي
قامت عائشه بالدخول
عائشه وهي تتفاجأ بأن الدكتور هو محمد: ممكن ادخل يا دكتور
محمد: اتفضلي يا دكتوره بس آخره مره تتاخري
عائشه: حاضر يا دكتور
دخلت عائشه المحاضره وجلست في البنش الاخير لانه مكنش في مكان ، ثم بدأ الدكتور بشرح المحاضره وأثناء ما عائشه مركزه في المحاضره سمعت بنات بيعاكسوا في محمد
بنت بدلع : شايفه الدكتور قمر ازاي
البنت الأخري : مش عارفه اركز في المحاضره ولا في حلاوتوا
كانت عائشة هترد عليهم بس لقت محمد
محمد: اخر طالبتن في البنش (قصدتوا علي البنتين اللي كانوا بيتكلموا ) يتفضلوا يقولو انا كنت بقول اي
البنتين بتوتر : سوري يا دكتور مكناش مركزين
محمد: اتفضلوا بره ولما تبقو تركزوا ابقوا أحضروا محاضراتي
البنتين قاموا بغيظ واطلعوا من المحاضره
الدكتور محمد: ياريت لما اكون بشرح يكون الكل مركز لأن الطب مش لعب عيال لأن بعد كده هتكونو مسؤولين عن أرواح ناس فلازم تكونوا مركزين مع كل كلمه بتتقلكم أو بتتشرحلكم
الطلاب بإعجاب: حاضر يا دكتور
ثم أكمل شرح المحاضره وفي آخر المحاضره
محمد: وبكده نكون خلصنا محاضرتنا اتمنوا اكون فيدتكم ولو بمعلومه واللي في معلومه مش فاهمها انا موجود في المكتب ثم غادر
بدأ الطلاب والانصراف من قاعه المحاضره
لقت عائشه تليفونها بيرن لقته محمد
عائشه: السلام عليكم ورحمه الله وبركاته
محمد بابتسامة: وعليكم السلام ورحمه الله وبركاته
انا مستنيكي بره في العربيه تعالي يلا وياريت مسمعش جدال
عائشه بضحك : حاضر 😅
طلعت عائشه بره الجامعة لقت محمد مستنيها في العربيه
ركبت عائشه جنب محمد قدام
محمد بحب : عامله اي يا قلبي
عائشه بخجل : الحمد لله
محمد: انتي هبطانه كده لي شكلك مفطرتيش
عائشه: كنت متاخره علشان كده مفطرتش
محمد: طب يلا بينا هروح افطرك
عائشه: بس انا عليا محاضرات لسه مش هينفع
محمد: المحاضره التانيه لسه قدامها نص ساعه وكده كده الدكتور رؤوف هيتاخر كمان نص ساعه يعني معانا ساعه هفطرك واجيبك تاني
عائشه: اشطا
لأن عائشه فعلا كانت حاسه بهبوط فمجادلتش معاه
محمد وهو يحاول بفتح معاها كلام : اي رأيك في محاضرة النهارده
عائشه وقد تذكرت البنات اللي كانوا بيعاكسوه
عائشه: كانت جميله بس إللي ضايقني البنات اللي انت طردتهم كانوا عاملين يعاكسوا فيك كان فاضل تكه وأقوم اجيبهم من شعرهم 😠
محمد بفرحه أنها بتغير عليه : قطتي اللي بتخربش 😄
ثم شغل العربيه واتجه للمطعم بينما محمد سايق العربيه لقي عائشه سرحانه فيه
محمد: احم احم عارف أن انا موز وحليوه و…….
عائشه: حيلك حيلك يا باشا انا بس كنت سرحانه في انك جميل
و أحلي حاجه فيك انك بتراعي ربنا في شغلك وبتكون حريص عليه
محمد بفخر: دي شهاده اعتز بيها دكتوره عائشه 😎 وبعدين ده اقل حاجه عندي
عائشه: تبا لتواضعك😅
وبعد وقت قصير وصلوا للمطعم ونزل محمد جاب لها سندوتشات
محمد: اتفضلي يا ست البنات افطري يلا
عائشه: حبيب قلبي تسلم 😍
عائشه: مش هتفطر معايا
محمد: فطرت الصبح مع الجماعه
عائشه: ومالوا أفطر تاني عادي انا بفطر اكتر من مره عادي 😀
محمد: اومال مش باين عليكي لي يا رفيعه 😂
عائشه: تؤ تؤ إسمها عود فرنساوي 😉
محمد: طب كلي يختي علشان متتاخريش علي المحاضره
وبالفعل فطرت عائشه ووصلها محمد للجامعه وعرفها أنه هو اللي هيصولها لما تخلص محاضرتها
عند عمرو: دخل المكتب مداعه
عمرو للراجل اللي بيعمل قهوه : ممكن كوبايه قهوه اظبط بيها دماغي يا عمي سيد
عمي سيد : حاضر يا باشا
عمرو بزعل : كده يا عمي سيد مش قولتك معنتش تقولي باشا مش انت بتعتبرني ابنك
عمي سيد : أيون يا ابني والله انت زي ابني بالظبط نفس المعزه
عمرو : خلاص تقولي يا ابني
عمي سيد : حاضر يا حبيبي
وبعد شويه دق الباب ودخل الأمين
الأمين: في ولد وبنت بره يا باشا مسكنهم والولد عامل محضر في البنت
عمرو : طب دخلهم
دخل الولد والبنت
عمرو بصدمه لما شاف البنت : أنتي………. 😳😳
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حكاية عائشة)
