رواية حكاية شهد الفصل الثاني 2 بقلم سمية عبدالسلام
رواية حكاية شهد البارت الثاني
رواية حكاية شهد الجزء الثاني
رواية حكاية شهد الحلقة الثانية
عدا يومين وكنت عماله اصلي استخارة كنت برتاح وبحس احساس جميل اوي حسيت ان قلبي اتفتحله قلت هروح اقول رأي لماما
شهد=ماما ياماما ياحته سكرة
ماما_نعم خيير
شهد=أنا موافقة خلاص علي العريس
ماما _عريس مين؟
شهد بستغراب =عريس مين؟ عمر ياماما هوا فيه غيره
ماما _اااه…. لأ خلاص احنا رفضناه
شهد بعصبية =رفضتوه أنا مقلتش رايي ولما انتو مش عاوزينه بتخلوه ييجي يتقدم ليه من الاول
ماما _محمد ابن خالتك طلبك وأنا وافقت وبعتنا لعمر وقلنا ان كل شئ قسمه ونصيب
رديت وأنا خلاص فاضل تكة واعيط =وكان فين ابن خالتي ده وأنا كل شوية ييجيلي عريس وارفضه وهوا ولا هنا ولما خلاص قررت انساه ولاقيت الشخص ال يستاهلني وفتحتله قلبي ييجي هوا ويتقدم سكت شوية وبعدين كملت =اسفة ياماما أنا مش موافقة
ماما _شهد أنا عارفة كل حاجة انتي بتحبي محمد ابن خالتك وأنا كنت عايزاه ليك ومستنياه يتقدم واهو حصل نرجع احنا نقول لأ
شهد والدموع في عنيها =لأ ياماما انتي مش عارفة حاجة خالص ده كان مجرد اعجاب وراح لحاله عشان كنت عايزة احس بالاهتمام انا مش هتجوز حد غير عمر
ماما بعصبية_زي منتي مش موافقة علي محمد أنا كمان مش موافقة علي عمر
شهد=مش عمر ده ال كنتي بتقولي عليه محترم وفي نفس مجالي واهله ناس طيبين كلامك راح فين ياماما؟
ماما _شهددد خلاص مفيش كلام في الموضوع ده اتنهي
مشيت دخلت اوضتي وقعدت اعيط وبعدين اتوضيت وقعدت افضفض مع ربنا يشيل من عليا وادعي انه يجبر بخاطري واني خلاص نفسي افرح بقا أنا تقريباً مفرحتش من بعد موت بابا وأنا في رابعة ابتدائي وبقول ان كل ال بيحصل ده اكيد خير وربنا شيلي الاحسن
فضلت اسبوع مرحش المعهد كنت خايفة اشوفه واعيط لأن كلهم بيقولو كلام وفعل مفيش كملت بسخرية =هوا ده ال هيوقف قصاد الدنيا كلها عشان
_____يوم الاحد
رحت المعهد كان يوم عملي قلت عادي هنزل ولو شفته كأني معرفوش نزلت وبينت عكس ال جوايا وان مفيش حاجة خالص لما شفته
بس كنت شايفة نظرة حزن في عنيه استغفرت ربنا لأني مغضتش بصري وكنت لسه همشي اروح اركب محلول لحالة في القسم لاقيته بينده عليا
عمر _شهد
لفيت وشي واتكلمت بجدية =بعد اذنك مش فاضية عندي شغل
بس فجأني لما قال
عمر _انتي ليه رفضتيني
حسيت أن الدنيا وقفت واتجمدت مكاني معقولة هما قالوله ان أنا ال رفضته عشان كده محولش انه ييجي ويتقدم تاني!!
بصيتله وقلت=أنا مرفضتكش اهلي هما ال مش موافقين
حسيت انه فرح زي مايكون بقله أنا موافقة علي خطوبتنا ومسمعش اخر كلامي
عمر_بجدد يعني انتي موافقة
شهد=انا معنديش مشكلة بس اهلي…. ولسه هكمل رد وقال
عمر_أنا زي ما قلتلك قبل كده هقف قدام الدنيا كلها عشانك طالما انتي موافقة خلاص الباقي مش مهم
اتعصبت وقلت =مش مهم ازاي دول اهلي ولا انت فاكرني…..
رد بسرعة وقال _انتي دماغك راحت فين؟ قصدي هحاول اقنع اهلك أنا كنت خايف تكوني انتي فعلاً ال رفضتيني وأنا مستحيل افرض نفسي علي حد
شهد =طب بعد اذنك بقا عشان مينفعش نقف كده وسبته ومشيت
فضل شهرين كاملين يتكلم مع امي وعمامي ويبعت ناس عشان يوافقو ومملش أبدا من رفضهم ليه بالرغم انه محصلش تواصل بينا لانه عايز يحافظ عليا وأنا كنت زعلانة ومش برضا اكال قدام امي عشان اضغط عليها وتوافق.
______________________________
بنسبة99.9٪ كل الاعذار كاذبة من يريد يستطيع من يريد التواصل سيتواصل من يريد الاهتمام سيهتم من يريد ان يمنح الوقت سيجد الوقت من يريد اظهار الحب سيجد الطريقة والوسيلة ومن يريد الهروب يجد الف باب ونافذة وحيلة هناك اشياء لا تقررها الظروف بقدر ما نقررها نحن… نحن من نتمسك ونحن من نفلت ونحن من نبني ونحن من نهدم”💙
~~~~~~
في يوم صحيت لاقيت صحبتي ريهام بعتالي تسجيل علي الواتس بصوت محمد ابن خالتي وهوا بيقول
محمد_هيا عبيطة هيا فاكرة نفسها مين عشان ترفضني
رد عليه حسن (اخو ريهام)_انت بتحبها يامحمد؟
محمد_بحب مين ياعم أنا كنت هتجوزها عشان ورثها من ابوها وبعدين اطلقها
حسن_وانت ليه متقدمتش من زمان اشمعنا دلوقتي يعني؟
محمد_ما أنا كنت هخطب واحدة صحبتي في الكليه ابوها غني جداً وهيا وحيدة بس ابوها كشفني وهددني اني لو مبعدتش هياذيني فقلت بنت خالتي وأنا اولا بفلوسها……. بقلك ياحسن سلام دلوقتي
حسن_سلام
سمعت التسجيل لأمي واتصدمت في ابن خالتي ال كانت او ال كنا فكرينه ملاك طلع طماع
ماما _أنا مصدومة فيه الحمدلله ان ربنا كشف نيته الو.. س.. خ.. ة انا كنت هدمرك بأيدي سمحيني يابنتي
شهد =لأ احنا لازم نروح برنامج المسامح كريم وتصالحيني هناك
ماما _مخلاص ياختي انتي هتعيشي الدور قومي جهزي الأكل عشان ناكل
شهد =طب ايه؟
ماما_ايه؟
شهد =هوا ايه ال ايه وافقي علي عمر بقا
ماما _حضري الاكل وبعدين نشوف الموضوع ده
شهد=احلي اكل لاحلي ماما في الدنيا الواحد كانت نفسه مقفوله الفترة ال فاتت
ماما _ وانتي لما تتسحبي باليل وتفتحي التلاجة وتاكلي مش هعرف
شهد ببرأة=انااا محصلش
__________________________
عمر_شهد فين القميص الابيض بتاعي
شهد بخوف =هوا ده؟
عمر _ده لونه وردي أنا بقلك ابي…ض سكت شوية وقال بنرفزة_انتي حطتيه في الغسالة مع الهدوم المللونة
عمر وهوا بيقرب مني
شهد=استهدي بالله مش قميص هيخسرنا بعض
___________________________________
“سرت في الطريق إليك لما اكن اعلم أنه ملئ بكل هذا الشوك سرت وأنا حافي القدمين تألمت كثيراً ولكن في النهاية وصلت اليك” 💙
تمت
لقراءة الرواية كاملة اضغط على : (رواية حكاية شهد)
