رواية حكاية شمس الفصل الرابع 4 بقلم سلمى سمير

رواية حكاية شمس الجزء الرابع

رواية حكاية شمس البارت الرابع

رواية حكاية شمس الحلقة الرابعة

تنتهي شمس من اعمالها في منزل السيده وصال و تستعد للمغادره من الباب ، ثم يتناهي علي مسمعها رنين الهاتف لتعود مره اخري وتجيب عليه قائله..من
المتصل.. نحن المشفي نريد ان نحيطك علما بان السيده وصال قد استردت وعيها وطلبت منا ان نتحدث اليكي لكي تجلبي لها بعض من الملابس النظيفه لتغير ملابسها لانها مفتقده اناقتها
شمس:- تصيح بفرح انت بتتكلم بجد مدام وصال فاقت ، طيب ممكن اكلمها لو سمحت عايز اطمن انها فاقت فعلا
المتصل:- حاضر سنطلب من السويتش ان يقوم بتحويل المكالمه الي غرفتها الخاصه حاليا وللعلم يوجد معها حفيدها يرافقتها وبعد قليل تسمع وش بسيط وصوت رجولي يقول
الحفيد:- الو من معي
شمس:- انا شمس طمني علي مدام وصال هي فعلا فاقت
رد عليه الحفيدبجفاء :-
ايوه الحمد لله فاقت ورجعت تنور حياتنا من جديد
يا انسه شمس، اظن تقدري ممكن ترتاحي انت
وانا هتولي رعايتها من دلوقتي
ردت عليه شمس بصوت مرح وسعيد:
ارتاح ايه لا انا لازم اجي اطمن عليها بنفسي، بلغها انت بس هاحضر لها طقم شيك وكل مستلزماتها الشخصية وحلويات من صنع ايدي اللي بتحبها،
رد الحفيد بنزق :
مفيش داعي لتعبك اكثر من كده، تقدري تروحي بيتك وانا هروح البيت اجيب ليها كل طلباتها
وشكرا لحد كده علي تعبك معاها ورعايتها وخدمتها طول الفترة اللي فاتت
لم تلاحظ نبرة السخرية في صوت المتكلم وردت عليه بعفوية:
هو ايه اللي قدمته وبتشكرني عليه، دا انا اخدمها بعيني وملكش دعوة خدمتها علي قلبي زي العسل اسمع مش علشان الخاتم الالماظ اللي خطبتني بيه هتتحكم فيا وتمنعني من خدمة المدام انا هفضل جمبها زي ما اتفقنا يلا سلام انا جيالك في الطريق
وتقفل معاه وتنزل تجري تلاقي رجب السواق بانتظارها تركب معاه وهي فرحانه ان المدام فاقت وبخير وبعد ساعه
تصل للمستشفي وتطلع جري علي اوضة المدام متلاقهاش
تروح للاستعلامات تسالهم بقلق
شمس:- لو سمحت مدام وصال فين وليه مش في اوضتها
موظف الاستعلامات:- اول ما فاقت حفيدها طلب يغير اوضتها وطلعت للجناح رقم ١٠ في الدور التاني اتفضلي هي بانتظارك
وهي تهم بالانصراف يقولها علي فكره حفيدها معاها
شمس:- احمدك يارب ياه استاذ شوكت ده دماغه حلوه لما فكر في موضوع الخطوبه وبسببها فاقت وكمان طلعها لجناح
ليها حق المدام بتحب تهتم بمظهرها وشيكاتها واناقتها واكيد
طلبت منه ينقلها لاوضة تليق بيها بس ازاي استاذ شوكت ملاحظش ده من اول ما نقلوها لاوضه بعد ما خرجت من الرعاية يمكن لانه بعيد عنها ميعرفش طبعها
وتصل للجناح رقم ١٠ وتخبط وترجع تفتكر ان مفيش حد معاها غير استاذ شوكت خطيبها هستاذن منه ليه وتفتح
وتدخل تشوف مدام وصال تلاقيها نايمه ومتلاحظش وجود الشاب اللي واقف في البلكونه واول ما تشوفها وصال تعتدل
وصال:- تعالي يا شمس وحشتيني اووي يا حبيبتي
تروح ليها شمس وتبكي من فرحتها لشفاءها وهي تحضنها بحب وعطف وحنان وترفع وشها تمسح دموعها
اهدي افتحي وريني جبتيلي ايه شوكت قالي انك كنتي دايما جمبي كنت بحس بيكي وبسمعك وانتي بتقرأي ليا وتفتح الشنطه تلاقي قميص قطني بيتي شيك وطرحه خفيفه
ومعاها البرفيوم والكريمات بتاعتها وتبصلها شمس بحب
شمس:- قومي معايا اسندك تغيري هدومك انا كنت بغيرلك يوم ويوم لو مش هتقدري اغيرلك هنا
وصال:- لا شويا وهدخل اغير بالحمام وتمسك ايدها حلو الخاتم مكنتش اعرف ان ذوق شوكت اتغير وبقي يعرف يقيم الانسان اللي قدامه ويجيب اللي يليق بيه بس ليه الخطوبة
لتسمع صوت من خلفها سبيها يا تيته هي حره في حياتها بس بعيد عننا اتفضلي يا انسه تيته مستغنيه عن خدماتك
شمس:- تنتفض وتبص وراها وتقف مذهوله
شمس:- انت ايه جابك هنا يا حرامي البيض اتفضل اطلع بره
وصال:- شمس اهدي ده مش حرامي البيض ده حفيدي ونور عيني يزن السبب في اني رجعت ليكم تاني
شمس:- تقوم تقف وتمد ايديها تسلم عليه وتتاسف ليه لكنه ينظر لها بغضب ويرفض يسلم عليها ويروح يقعد جمب جدته
وصال:- سلم علي شمس يا يزن لولا هي كنت مت انقذتني مرتين من الموت مره في القطار بسبب غيبوبة سكر ومره لما جت ليا جلطه وهي لحقتني وجابتني المستشفي
يزن:- بتكبر بس هي خدت مقابل خدماتها تتفضل تخرج مع السلامه لان لا انا ولا انتي محتاجين ليها بعد النهاردة
وصال:- يزن اهدي ومتزعلنيش منك انا لسه محتاجه شمس وهي اللي بتراعي البيت وبتشرف علي كل صغيرة وكبيرة فيه وانت ملكش في الحاجات دي وانا بثق فيها زيك بالظبط
شمس:- تحاول تتكلم وتسيطر علي دموعها من النزول بعد جفاءه معاها الواضح وطريقتة الفظه اللي بيكلمها بيها وتقولها يا مدام وصال انا كان اتفاقي معاكي هستمر في خدمتك لحد ما يرجع حفيدك والحمد لله رجعلك بالسلامه وانا دوري انتهي
وصال:- شمس اسمعي انا لسه مريضه وهعمل عمليه جراحيه خطيرة ومحتاجالك جمبي زي يزن بالظبط هو بس مضايق لما رجع ولقاني تعبانه ولولا هو مكنتش فقت من الغيبوبه بعد ما عرفت ان ابني رضوان مات مستحملتش اتحرم من يزن كمان
وحصل اللي حصل لكن لما رجع يزن رد فيا الروح
اسمعي انتي هتفضلي مسئوله عن ادارة البيت والمزرعة والمنحل لحد ما ربنا يشفيني وارجع لبيتي اما يزن مش هينفع يقعد في البيت لوحده ده يخرب الدنيا اساليني انا
يزن:- تيته انا البني ادمه دي مش عايزها في حياتك تاني معرفش ازاي كسبت ثقتك وايه اللعبه اللي مارستها عليكي لكن خلاص انا عارف الناس الوصوليين اللي زيها اتعامل معاهم ازاي واول حاجه انها تخرج من حياتك
وصال:- باعياء يزن مش هسمحلك تهين شمس لان غلاوتها من غلاوتك وانا عايزاها جمبي الفترة الجاية اتفضل انت
روح ارتاح وشمس هتفضل معايا
يزن:- انا مش مأمن اسيبك ليها ويفتح الباب ويدخل شوكت
شوكت:- حمدلله بالسلامه يا جدتي واسف اني بعدت عنك الفترة اللي فاتت من حياتي بس اوعدك من النهاردة مش هفارقك او ابعد عنك انت اللي فاضله ليا بعد موت بابا
صال:- اقعد يا شوكت وقولي ابوك مات ازاي وليه محدش منكم خبرني ازاي ابني يموت ويندفن وانا معرفش ولا هو مكتوب عليا انحرم من اولادي الاتنين من غير ما اودعهم
شوكت:- للاسف عمتي لبني ماتت قبل ما اعرفها وحتي ابنها بعيد عنا مش بردك انت يزن ابنها
يزن:- وانا ميشرفنيش اني اعرفك اسمع يا شوكت انت تنسي جدتك وكفاية اللي حصل زمان مش هنعيده
شمس:- تشوف مدام وصال بتاخد نفسها بالعافيه تقوم تمنع بينهم وتبعد شوكت عنه اهدوا شوفوا جدتكم هتموت بسببكم
شوكت:- لان الندل اللي وهبت حياتها ليه سابها بالشهور وجاي يدور عليها لما كانت بتموت طبعا جاي تاخد ورثك
يزن:- يرفع ايده يضربه ويمسك شوكت ايده ورغم الفارق الجسماني لصالح يزن الا ان شوكت كان هو المسيطر وتصرخ وصال بس انتو الاتنين يزن اخرج وروح زي ما قولتلك
وانت يا شوكت روح انت كمان انا محتاجه ارتاح
شوكت:- وخطيبتي هتروح مع مين هسيبها لوحدها
يزن:- خدها وغور من هنا انتو الاتنين شكل بعض الطمع مالي قلوبكم وبيسير افعالكم القذرة
شمس:- كفاية كده يا ياشمهندس يزن انا استحملت كل تصرفاتك واهاناتك ليا قلت يمكن متوتر من خوفك علي جدتك لكن توصفني بالطمع والقذارة مش هسمحلك
شوكت:- هو ده طبعه شايف كل الناس طماعين زيه لانه طماع
تسمح تقولي سبت جدتك طول الفترة اللي فاتت ليه وكنت فين ياتري في مغامرة من مغامراتك النسائيه
يزن:- انت تخرص وشكلي هعلمك الادب زي ما علمتك زمان
وصال:- بس بس بس ويغمي عليها تروح شمس تفوقها
يزن:- يبوس ايدها اسف يا تيته سامحيني ارجوكي
شوكت:- كالعادة تقتل القتيل وتمشي في جنازته ويروح يقعد جمبها اسف يا جدتي انا غلطت بس اوعدك مش هيتكرر تاني
وصال:- تفتح عينها وتمسح دموع يزن وتحضنه يلا روح زي ما طلبت منك وهستناك بكره يلا اسمع الكلام متتعبنيش
يزن:- حاضر يا تيته ويقبل يداها ويخرج
شوكت:- وانا كمان يا جدتي مضطر امشي وهجيلك بكره
وصال:- ماشي يا شوكت وسلامي لاختك وقول لامك ربنا ينتقم لي منك عن قريب
شوكت:- ليه كده يا تيته كفايه عليها موت بابا وجعها وكسر قلبها صدقيني يا جدتي ماما اتغيرت كتير عن زمان
وصال:- ربنا يهديها يلا روح وسيب شمس هتقعد معايا شويا
بس قولي هو انت لحقت تعرف شمس علشان تخطبها
شمس:- تحس الارتباك وتحس انها كشفت خداعها ليه بس لازم تصارحها ان دي فكرة ابن ابنها علشان تطمن ان وصية جوزها هتتحقق وهيتجوز واحد من احفاده
وتأنب نفسها كان ايه دخلها في الدوامه دي وهي مالها ومال الوصية يتجوزوا او ميتجوزوش بس تهدي لما تراجع نفسها وتفهم ان هدفها كان نبيل وهو ادخل السعادة لقلب وصال هانم وانها تحس بحبهم ليها وتضحيتهم في سبيل صحتها
شوكت:- انا عرفتها وحبيتها من خوفها عليكي حسيت انها الانسانه المناسبه ليا واكيد رايك من رأيي تتمني زوجه احسن منها يا جدتي اكيد مفيش احسن من شمس
صال::- اه فعلا مفيش زي شمس بس انت اتاخرت علي شغلك تقدر تمشي دلوقتي ومبروك الخطوبة يا شوكت
شوكت :- يوطي يبوس ايد جدته وتلاحظ شمس جفاءها معاه عكس حنانها مع يزن وتستغرب تصرفه
وتتسال ليه بتعامل شوكت كده وهو اللي كان واقف جمبها طول مرضها عكس يزن اللي جه بعد ما كادت ان تموت
ويخرج شوكت وهو خارج يناديها ويكلمها خارج الجناح
شوكت:- اسمعي جدتي لسه تعبانه اوعي تعرفيها اننا كذبنا في موضوع الخطوبه قلبها مش هيتحمل حتي لو عرفت اننا عملناها لمصلحتها خليها لحد ما تعمل العمليه وتقوم لينا بالسلامه ساعتها انا هصارحها بنفسي
شمس:- خلاص اللي تشوفه بس يارب الموضوع ما يطول لاني بتعب نفسيا من الكذب والخداع وهي متستهالش منا كده
شوكت:- ممتاز ممكن طلب تاني بلاش كلمة استاذ مفيش واحده بتقول لخطيبها يا استاذ خليها شوكت وبس
علشان جدتي متشكش اننا بنخدعها او بنمثل عليها
لحد.ما أقولها الحقيقه بنفسي بعد ما تقوملنا بالسلامه
شمس:- مش عارفه اقولك ايه انا مش هقدر بس هحاول
شوكت:- برافو عليكي انا معتمد عليكي في انجاح خطيتي
شمس:- خطة ايه انا بعمل كل ده علشان صحتها تتحسن اما خططك خليها لنفسك يلا مع السلامه انتي كده انتي
وتسيبه وتدخل وتفضل تحكي للمدام كل اللي حصل في اثاء غيبوبتها وتحكيلها علي موقفها مع يزن وتتاسف منه للي صدر منها في حقه لكنها حزينه علي موقفه معاها
واسلوبه الغريب في استفزازها وكرهه ليها
وصال:- معلش انتي لسه متعرفيش يزن ده قلبه ابيض زي الحليب بس هو بينه وبين شوكت عداوة قديمه وكره وجوده هنا واعتبر خطوبتك منه اتفاق عليه علشان كده كان غضبان
شمس:- بس هو مقدرش احتياجك ليه واتخلي عنك اشمعني لما بعتله التليغراف وبلغته بمرضك وانك علي فراش الموت جه جري اكيد كان جاي علشان نصيبه في الورث علي اساس انك موتي الف بعد الشر عليكي
وصال :- لاه يزن مش كده خالص اسمعي انا تعبانه ومحتاجه ارتاح قومي روحي انتي وهستناكي بكره واوعي تحرميني من ورودك اللي بتضيف بهجه في المكان
شمس:- توطي تبوسها اكيد واتصلي بيا لو احتاجتي لاي حاجه
وتسيبها وتخرج بعد ما تطمن عليها وتشوفها راحت في النوم
وتخرج بره المستشفي تلاقي الاسطي رجب بانتظارها
تركب معاه ويسالها عن مدام وصال ويطمن انها بخير
ويوصلوا للبيت وتطلع مرهقة من كم الاحداث اللي حصلت
وتدخل الشقه تنادي علي عمتها يا عمتو انتي فين
نهال:- تعالي يا قلب عمتك عندي ليكي خبر هيفرحك
شمس:- قولي قولي نفسي افرح بدل الغم اللي كنت فيه طول اليوم ها قوليلي يا عمتو واشجيني
نهال:- تعالي بس خلصي معايا الغدا وانا هقولك
شمس:- استغليني كمان وكمان حاضر يا انشطه ها احكي
نهال:- الاوضة اللي فوق السطوح جالها ساكن ودفع اسبوعين مقدم ومش كده وبس طلب نكون مسؤولين عنه مسئوليه كامله اكل وغسيل ومكوي ودفع الضعف وزيادة
شمس:- يوه يا عمتو انا كنت بهرب من وشكم لفوق يلا مش مهم بدل فيها ربح ليكم اسيبك انا وادخل انام لاني مرهقه
نهال:، استني هنا رايحه فين عايزاكي في خدمه
شمس:- خير يا نهول عايزه ايه والله تعبانه ونفسي انام موت
نهال:- خدي ده غدا مخصوص طلعيه للزبون انت عارفه اولادي صغيرين مش هيقدروا يشيلوا الصنيه ويطلعوله
شمس:- وليه نطلع ليه الغدا ما ينزل ياكل معانا هنا زي اي زبون ولا هو علشان فوق هيدوس علينا خلي الاكل هنا وانا هطلعله اخليه ينزل ويتعلم سياستنا احنا مش خدامين عنده احنا بنساعده ولو مصر ياكل في اوصته يجي يشيل الصنيه
نهال:- بس هو دافع بزيادة مقابل اننا نطلع ليه الاكل فوق استهدي بالله واطلعي بلاش تخسرينا زبون زيه
شمس:- تنفخ بتنهيدة حاضر يا عمتو هطلعله بس متخلهوش يتعود علي كده وتشيل الصنيه وتطلع للسطح وتبص ليه بالم
الف خسارة كنت بحب اطلع ارتاح هنا بعيد عنهم يلا بقي
مش مهم مدام فيها قرشين زيادة لعمتو هينفعوها
وتروح تخبط علي الباب مره واتنين محدش يرد
تزق الباب بشويش متلاقيش حد في الاوضه تحط الاكل علي الترابيزة وتقعد تلف في الاوضه تلاقي الباب بيتفتح
ويدخل منه شاب ذو جسم رياضي وعضلات مفتوله
يبصلها ويبرق فيها بانزعاج وشمس تبصله بغضب
شمس:- انت ايه اللي جابك هنا …..!!