رواية حكاية شمس الفصل الخامس 5 بقلم سلمى سمير
رواية حكاية شمس الجزء الخامس
رواية حكاية شمس البارت الخامس
رواية حكاية شمس الحلقة الخامسة
تاخد شمس الصينيه من عمتها وتطلع بها للسطوح وتخبط علي باب الاوضه التي تم استاجرها من شاب يريد خدمه كامله وتفتح الباب بشويش وتحط الصينيه علي الترابيزه وتبحث بعيونها عن الساكن الجديد لكنه غير موجود بالاوضه
ليدخل شاب من باب الاوضه بيمسح راسه بمنشفه من الواضح انه كان بالحمام تحت عند عمتها ولم تلاحظه
ويرفع وشه في وشها وترتسم علامات الغضب علي ملامحه
شمس:- تشوف وشه تتكلم وهي مصدومه انت هنا بتعمل ايه
يزن:- نعم هستعبطي فيها ولا ايه انت اللي هنا في اوضتي بتعملي ايه اوعي تكوني جايه تعرضي نفسك عليا انا مليش في النوع ده زي شوكت وانتي كمان مش نوعي المفضل بس لوكده انا ممكن اجرب واشوف ابن خالي عاجبه فيكي ايه ولا انتو متفقين علي جدتي تستغلوها وتستنزفو مالها ويمسك ايدها ويتلمس خاتم الخطوبه جميل بس انتي ارخص من انك تستاهليه وبعد ما جيتي ليا في اوضتي بالشكل ده انتي نزلتي من نظري اوووي واثبتيلي انك رخيصه جدا زيادة عن اللزوم وانا متعودتش المس حاجه رخيصه زيك
شمس:- بغضب اخرص يا وقح انت ازي تقول عني كده ان اشرف منك الف مره وترفع ايدها تضربه علشان يمسك ايدها ويزقها للحائط ويحبسها بين ذراعاه وينظر لها بغضب
يزن:- انتي هتمثلي عليا الشرف بعد قبولك لخاتم الماظ ميقلش تمنه عن ١٠٠الف جنيه من واحد متعرفهوش غير من اسبوع قوليلي ده تمن ايه وبتخططي لايه انتي وابن خالي ولا بينكم ايه عشيقته ولا وعدك بالجواز بعد ما اقام معاكي علاقه وطمعك بميراث كبير من جدتي لو خلتيه يكسب ثقتها زي ما قدرتي بألاعيبك القذرة تكسبي ثقتها تخدعيها وتتقربي ليها ولا يمكن هو اللي صلتك عليها إطلاق انطقي بينكم ايه
شمس:- تحاول تفك ايدها من ايده اللي كانت بتخنقها علشان تقدر ترد عليه بالطريقه اللي يستحقها وتحدق فيه بغضب وهو يركز في عيونه وللحظه ترتخي يده الممسكه بها وكانت اكبر غلطه لان شمس الغضب اعماها وتفلت يدها منه وتنزل علي وجه بالقلم وتري اصابعها علمت عليه من شدة الصفعه
ليزقها يزن وتتجسد في عيونه شياطين الغضب
يزن:- همجيه وسوقيه قذرة زيك تضرب يزن الجندي بالقلم انا هدفعك التمن غالي ويحبسها مره اخره بين ذراعيه وهعرف ابن خالي اتمادي معاكي لحد فين ويقرب منها ليقبلها لكنها تصرخ وتهرب بوشها منه ليترك يدها ويمسك وجهها بغل، ويضغط
عليه بغضب وحقد ناظرًا لها باحتقار وبسخرية:
انت متخيله اني عايز اقبلك انا مليش في القذاره دي لان مكانك القمامه اطلعي بره
ومش عايز اشوف وشك هنا تاني لولا انك غاليه علي جدتي كنت دفعتك ثمن القلم ده غالي اوي لدرجة مش هتقدري بعدها ترفعي عينك في مخلوق ويشخط فيها بره
شمس:- تاخد نفسها وتتنهد في ارتياح وتخرج تجري ودموعها تنزل من عيونها لكنها ترجع وتقف علي باب الاوضه وتقول في تحدي صارخ:
اطلع بره ليه انا في بيتي وانت اللي متطفل عليا وعلي حياتي لو عندك ذرة من الكرامه اطلع انت بره وشوف ليك حته تانيه تعيش فيها تخرج فيها غضبك وحقدك بعيد عننا
يزن:- بسخرية اه فهمت يعني انت بنت اخو صاحبة البنسيون اللي جدتي قالتلي عنها انها هي اللي هتبقي مسئوله عن خدمتي لا كده كويس جدا جدا انا مش همشي وهتخدميني غصب عنك لانك خدامه فاهمه انتي خدامه ليا ولجدتي ولو مش عاجبك هاتيلي كل المبلغ اللي دفعتيه لعمتك يا انسه شمس
شمس:- انا هجبهولك وارميه في وشك وتغور من هنا
يزن:- يضحك موافق بس عايز اقولك ان عمتك دفعت نص المبلغ اللي أديتهولها لابنها يشتري بيه ادوية لجوزها والباقي اشترت بيه مستلزمات للبنسيون وبقهقهه قوليلي هتجبيلي فلوسي منين ويكشر بغضب ولا هتطلبيهم من خطيبك مقابل ليلة حمرا من لياليكم اللي بتقضوها سوا
شمس:- اخرس بقولك ودموعها تغلبها وتحس انها انكسرت قدامه انت سافل ووقح وبكره تندم علي سوء ظنك بيا واسمع انا مش هخدمك وعمتي حره تتصرف معاك زي ما هي عايزه لاني مش طايقه اشوف وشك بعد النهاردة
يزن:- يقرب عليها ويمسك ايدها بس انا هكون عملك الاسود وهتلاقيني في كل مكان بتكوني فيه لحد ما تعترفي بتخططي لايه انت وابن خالي فاهمه دي فرصتك الاخيرة علشان ارحمك من عقابي وغضبي انطقي
شمس:- ابن خالك برقبتك لانه انسان محترم مش مستفز ومتسلط زيك وانا مش بخطط لحاجه واوعي سيب ايدي واجب عليك تحترم اني خطيبة ابن خالك يا باشمهندس وتتكلم معايا بطريقه محترمه بدل ما ابلغ خطيبي
يزن:- يضحك بمرح قوليله وخليه يجي يوريني هيعمل ايه
شوكت ده صرصار افعصه تحت رجلي وانتي زيه صرصاره
شمس:- انا صرصاره يا حرامي البيض بكره الايام هتعرفك مين شمس وهتندم علي كل كلمه قولتهالي وانا مش هغفرلك
وتشد ايدها من ايده وتقفل الباب في وشه وتنزل تجري وتدخل اوضتها تعيط علي نفسها من كم الاهانات اللي وجهها ليها يزن وتاخد.نفس عميق وتمسح دموعها ماشي يا يزن هنشوف مين هيطفش التاني انا ولا انت والايام بيننا
****************$$$$
هناك في الاسكندرية في شقة رضوان العمري
يدخل شوكت من باب الشقه ويظهر علي ملامحه الضيق
ثريا:- حمدلله بالسلامه جيت بدري يعني النهاردة ايه جدتك ماتت وارتاحنا منها
شوكت:- بعصبيه لا فاقت واتنقلت لجناح استثماري بالمستشفي معرفش ايه لزمة صرف الفلوس علي المنظرة مالها الاوضه هتخف هي كده لما راحت الجناح منظره فارغه وكله بسبب ابن بنتها المهندس يزن اللي طالعه بيه السما
ثريا:- يزن هو رجع يادي النهار الاسود بقي احنا قولنا خلصنا منه وهي هتحصله تفوق هي من الغيبوبه وهو يرجع ممكن دلوقتي بعد ما يعرف بموت ابوك يطلب منها تتنازله عن كل املاكها وتطلع انت واختك من المولد بلا حمص
شوكت:-لا طبعا يزن بيحسب بسيطرته علي جدتي هيقدر ياخد كل ثروتها ويحرمنا منها انتقاما للي حصل ليه زمان
لكن انا هلعب علي شمس جدتي بتحبها فعلا وموضوع الخاتم اللي لبستهولها اثبت انها خطيبتي كانت عايزاني اعترف لجدتي بان موضوع الخطوبه مش حقيقي لكن طلبت مهله لحد ما جدتي تعمل العمليه ياريت تموت فيها ونخلص بس انا كده مسيطر وبالذات بسبب انها بتحسب الخاتم الماظ حقيقي
وتخرج شجن من اوضتها وتبص لاخوها باستغراب
شجن:- راح تعبك علي فاشوش وطبعا جدتك قلبت عليك بعد ما فاقت باين علي وشك انها حرقت دمك
شوكت:- خليكي انتي في مذاكرتك وملكيش دعوة بيا ما انا مش ناسي انك كنتي دايما بتحامي ليزن علي حساب اخوكي
شجن:- ايوه لانه كان دايما علي حق غيرك انت وماما
وبصراحه وسامته تجنن وحنانه آآي ياه يشعرك بالامان
شوكت:- ممتاز ايه رايك توصلي الود اللي اتقطع بينكم وهو كان بيعزك وبيفضلك علينا كلنا ايه رايك تزوري جدتي الصبح واكيد هو هيكون هناك وتستعيدوا الذكريات وتواصلو اللي انقطع ولو قدرتي تخليه يحبك يبقي كده هنرجع حقنا كامل
شجن:- موافقه بس قولي هو لسه وسيم زي زمان ولا شغله في الصحراء خلاه خشن في معاملته وضيع وسامته
شوكت:- نعم يا ست هانم وانا هعرف ده ازاي اهو راجل زي اي راجل وملامحه متغيرتش كتير عن زمان
شجن:- تعض علي شفايفاها بجد يبقي اكيد بقي اوسم مدام غيران منه ومش طايقه بالشكل ده
شوكت:- شجن اتلمي يزن مين ده اللي اغير منه كل الحكاية انه باستحواذه علي جدتي هيحرمنا من نصيبنا في الميراث
وممكن يخليها تكتب كل املاكها باسمه ونروح في ابو بلاش
ثريا:- اسمع يا شوكت انت تلعب علي شمس وشجن تاثر علي يزن وبنفس الوقت قربوا لجديتكم لحد ما تخلوها تكتب ليكم نصيب ابوكم في الميراث قبل ما يقاسمكم يزن في كل حاجه
رغم انه ليه الثلث نصيب امه وانتو الثلثين لكن لو اتوزع الورث علي الاحفاد هيتساوي شوكت مع يزن وكده هياخد اكثر من نصيبه الشرعي وهتتحرموا من ميراث ابوكم الاصلي
شجن:-ياريت يا ماما يزن راجل بجد واتمني يقبل بيا زوجه ليه ده يبقي حلم واتحقق حسبته مستحيل بعد اللي حصل
شوكت:- طيب روحي بكره زوري جدتي وهتلاقيه هناك وساعتها ورينا شطارتك وخليه يقع في حبك وتدبسه يتجوزك
شجن:- اوك وانا جاهزه للتحدي وهنشوف يزن هيقدر يهرب مني ازاي بعد ما يشوف جمالي وشياكتي وتحضنهم ثريا ثريا:- ولادي حبايبي ايوه كده اتعاونو مع بعض لحد من ترجعوا حقكم كامل ومكمل ونشوف انت ولا احنا يا ابن لبني
******************&&&&
قال تعالى:
﴿ أَلَمْ تَرَ أَنَّ اللَّهَ يُولِجُ اللَّيْلَ فِي النَّهَارِ وَيُولِجُ النَّهَارَ فِي اللَّيْلِ وَسَخَّرَ الشَّمْسَ وَالْقَمَرَ كُلٌّ يَجْرِي إِلَى أَجَلٍ مُسَمًّى وَأَنَّوَأَنَّ اللَّهَ بِمَا تَعْمَلُونَ خبير)
*****************&&&
في صباح اليوم التالي تصحي شمس وهي مصدعه من البكاء طول الليل صعبان عليها نفسها من اهانة يزن ليها وتاخد فوطتها وتخرج من اوضتها تروح الحمام وهي ماشية مغمضة
تخبط في حد في وشها تمسح عيونها وتفتحها وتحس الذعر
شمس:- نهار اسود انت هنا ليه ايه نزلك هنا يا اخ
يزن:- يضحك علي منظرها المبهدل وشعرها الغير مرتب وبيجامتها اللي مشمره كوم وكوم لأ وزرايرها مفتوحه من عند صدرها الابيض ينزل بنظره عليه وتشوف شمس نظرته ليها تصرخ فيه وتبدء في تعديل هيئتها وتجري من قدامه وهو بيضحك بصوت عالي فعلا همجيه بس لذيذة
لتلتفت شمس ليه وتروح تقف قدامه بعناد وغضب
شمس:- يعني همجيه وقلت ماشي كلمه من قاموس الاهانات اللي سمعتها منك بس يعني ايه بس لذيذة تقصد ايه
يزن:- يبصلها بنظرة ساخرة عارفه لما القط بيحبس الفار بيشعر بالزهو والمتعه واللذه ده نفس احساسي وانا شايفك زي الفار المبلول ومحتاسه من مظهرك الهمجي اللي اكيد لو شافه خطيبك هيكره اليوم اللي فكر فيه يخطبك
وتتغير نظرته للغضب المخيف ولا يمكن في ليالي كان بيبات معاكي فيها وشافك بمظهرك المخجل ده واتعود علي همجيتك
شمس:- ترتعش من اهانته ليها وتبصله وتنزل عيونها وترجع ترفعها في وشه بتحدي انا معرفش ايه مشكلتك معايا وليه مصر تهيني وتنزل من قدري وثقتي في نفسي اسمع مشكلتك مع ابن خالك مش معايا ياريت تحترم وضعك بانك ضيف هنا لفترة وبناءا علي الوضع الحالي ده هنتقابل كتير فياريت تغير اسلوبك معايا ويبقي في احترام علشان متبقاش ضيف ثقيل وغير مرغوب فيك ثم انت ليك اوضتك نازل هنا ليه
يزن:- واو انتي بتعرفي تتكلمي كويس بس انا اسلوبي كده ومش هغيره وهتتقبلي وجودي واسلوبي غصب عنك بفلوسي اللي دفعتها لعمتك لاما مش عاجبك الوضع امشي انتي لكن احترمك مستحيل لان مشكلتي معاكي زي ابن خالي بالظبط
شمس:- تجز علي سنانها من الغيظ براحتك يبقي تتحمل اللي هيحصلك يا هندسه انسان مستفز ووقح وثقيل الدم
يزن:- يمسكها من ذراعها بعنف لمي لسانك واحفظي مركزك واعرفي انا مين وانتي مين يا انسه شمس ولعلمك انا مكنتش هنزل هنا لكن عمتك اصرت اني انزل افطر معاكم لانها بتعمل الفطار مره واحده وصعب تعملي فطار مخصوص يعني نزولي هنا كرم اخلاق مني بما اني دفعت فلوس زيادة علشان راحتي
ويسيب دراعها ويمسح ايده بالفوطه بتاعتها كانه ايده اتسخت من مسكته ليها يلا اتفضلي غيري وروحي لجدتي زمانها بانتظارك وبلغيها واشكريها لانها وصيتني اسكن هنا
شمس:- تبرق بذهول مدام وصال هي اللي وصتك تسكن هنا
يانهار مطين بطين ليه تعمل فيا كده هو ده مكافاتي علي رعايتها طول فترة معرفتي بيها تبليني بيك الصبر يا ربي
يزن:- نفسي اعرف انتي لسانك طويل ليه ما تحترمي نفسك بدل ما اقطعلك لسانك ده وارتاح من الفاظك البيئه دي
شمس:- بغضب طفولي تطلعله لسانها مش هتقدر تقطعه ولو مش عاجبك امشي وريح نفسك من طولة لساني عليك
يزن:- يضحك اه هي طريقتك دي اللي هطفشيني بيها كان غيرك اشطر يا ناصحه انا هفضل هنا لحد ما اكشفك وافضح خطتك
شمس:- هو انت بقيت مهندس ازاي لا حول ولا قوة الا بالله مفيش دماغ تفكر بيها خالص غير المؤامرة علي جدتك انا هتآمر عليها ليه وهي احسنت ليا ياريت تفكر بعقلانيه اكتر وانت هتعرف انك بتتهمني ظلم انا ابسط من كده
يزن:- المشكله اني حاسس بحاجه غير اللي شايفها ومش هغير رأيي فيكي غير لما اشوف اللي يثبتلي برائتك
شمس:- تشد فوطتها من ايده اللي كان بيمسح فيها براحتك بقي في مثل بيقول اللي مايشوفش من الغربال يبقي اعمي
انا هدخل اجهز علشان اروح لجدتك الانسانه الوحيدة اللي مخلياني اتحمل سماجتك وفظاظتك واستفزازك يا هندسه
وتسيبه وتدخل الحمام وهو ينظر ليها بغضب مش عارف ليه ساخط عليها وبنفس الوقت حاسس انها صادقه
****************&&
وبعد قليل تخرج شمس من المنزل لتذهب لمدام وصال ومتلاقيش العربية في انتظارها كالمعتاد او عم رجب وتبص شمال ويمين وتستغرب هو راح فين
شمس:- هو اليوم باين من اوله اصطبحت بوش مستفز زي الزفت يزن هتوقع ايه اهو عم رجب مجاش اخدها هامشي للبيت ومن هناك هتصرف واخد اي مواصله لاسكندرية
وتسمع صوت من وراها مفيش فايدة لسانك ده هيجي عليه يوم واقطعهولك اتفضلي اركبي يا انسه اتاخرنا علي جدتي
شمس:- يا نهارك مهبب هو انت هتنطلي في كل حته زي العفريت لأ مش هركب معاك واتفضل روح لجدتك لوحدك انا لسه هروح للبيت اجيب ليها شوية طلبات واشوف مزرعة الفراخ والمنحل علشان اطمنها علي املاكها يلا مع السلامه
يزن:- طيب اركبي عم رجب اعتذر النهاردة لان ابنه مريض وجدتي لما عرفت واصيتني اجيبك مش حبآ فيكي هتحملك ساعة لحد ما نوصل لكن علشان خاطر جدتي اتفضلي اركبي
شمس:- هركب علشان خاطر وصال هانم وتفتح الباب الخلفي وتركب وهو يرجع يفتحه ويشاور ليها بالنزول
يزن:- مش سواق سيادتك انا انزلي واتلقحي اقعدي قدام لو مش عاجبك شوفي مين هيوصلك انا كده عملت اللي عليا
شمس:- يوه ايه العنصرية دي وتنزل تركب جمبه امري لله
يزن:- يركب العربية ويسوق ويفضل طول السكه يتفرس في ملامحها لحد ما وصلوا للبيت تفتح الباب وتنزل
شمس:- مش هتاخر هجيب ليها ملابس نضيفه وهرجعلك
وتدخل البيت ويزن عينه عليها ويسرح ليه حاسس اني اعرفها ليه بشوف فيها امي مع ان ملامحها غيرها خالص غريب امرك يا شمس معقول هو ده سبب انجذاب جدتي ليها
وهو سرحان يسمع الباب يتفتح ينتفض بخضه
يلاقيها شمس تقعد جمبه تضحك بمرح طفولي
يزن:- بتضحكي ليه شايفاني اراجوز قدامك
شمس:- لأ بس كنت باصص لقدام زي ما تكون شايف حد واول ما شفتني اتخضيت ايه شفت عفريت ولا انت خواف وعارف ان ربنا هينتقم منك لاتهاماتك الباطله في حقي
يزن:- لا يا لمضه بس كنت سرحان في امي رحمه الله عليها
شمس:- انا اسفه جدتك اول مره شافتني قالت اني شبهها ولما شفت الصورة حسيت اني شبهها لكن مالاقتش اي شبه بينا حاجه غريبة انك تشوف حد شبه حد.عزيز عليك رغم انه ميشبهوش خالص هو ده طبيعي
يزن:- طيب بطلي هبل ورغي علي الفاضي وقوليلي جيبتي طلبات جدتي وتاخرتي ليه
شمس:- انا اتاخرت ازاي دول خمس دقايق شكلك سرحت كتير علشان كده بتحسبني اتاخرت
يزن:- ينطلق بالعربية اوف انتي رغاية اوي اسكتي
وتصمت شمس وهي محتارة هو ليه بيعاملها كده مش معقول ده يكون جزاء خدمتها لجدتها وانقاذ حياته اكيد في سبب تاني يمكن كاره انها انقذتها علشان طمعان فيها وطمعان في انه يورثها بس ازاي وهو اللي نقلها لجناح فخم بالمستشفي
ومش بيستخسر فيها اي حاجه وبالعكس صاحي من بدري يروح ليه صحيح الواجب يبات معاها زي شوكت ما كان بيعمل لكن جدته اللي طلبت منه يروح بس ليه وصته
يسكن عند عمتها معقول عايزه تساعدنا بالطريقه دي
بس هو ميستاهلش اننا نخدمه عنده القصر ما يسكن فيه
ولا هي فقدت ثقتها فيه بعد ما اتخلي وسابها شهور طويله من غير ما يسأل عنها لحد ما كانت هتموت من الحزن عليه وتبصله بتفحص نفسها تعرف ليه اتخلي عن جدته اللي بتحبه وفضلته علي ابنها وعاشت حياتها كلها ليه
يزن:- يلاحظ نظرتها الحادة ليه يوقف العربية بقوة لتهتز علي اثر وقفتها المفاجئة وينزل من العربية ويقفل الباب بعنف ويستدير لها ويفتح ليها.الباب ويقول لها بحدة
انزلي ويجز علي سنانه بقولك انزلي ……!!
************************&&
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حكاية شمس)
