رواية حكاية زهرة الفصل الخامس عشر 15 بقلم شيماء منير
رواية حكاية زهرة البارت الخامس عشر
رواية حكاية زهرة الجزء الخامس عشر
رواية حكاية زهرة الحلقة الخامسة عشر
زهره:انت ايه اللي جابك هنا؟؟
عمار:انتي عارفه انا جاي ليه …وبعدين تدخلي جنا دواه ومتسلمش عليا اكده
زهره بضيق:هي تعرفك اصلا
عمار:ماهو انتي السبب مش انا اولى من البيه دوزك اللي شايلها طالع نازل
زهره حاست من جواها بخوف لما جاب سيرة مازن
زهره بعصبيه يلا خود بعضك وامشي
عمار:انا عايز بجيت الفلوس
زهره:مش معايا يلا هوينا بقا
عمار: ما انتي معاكي فلوس اهاه وشاريه حاجات
زهره :انت هتحاسبني والا ايه
زهره وفتحت حقيبتها اليديه واخرجت منها مبلغ من المال
زهره خود وغور بقا من هنا
عمار اخد الفلوس ومشي
زهره فتحت الباب ودخلت
ؤ
_________________
عند مازن
اشتروا حاجات كتير لحسام وخلاص تقريبا فاضل حاجات بسيطه
مازن بص في الساعه كانت واحد وعشره
مازن بقولك ايه ياعمر كمل مع حسام هعمل بس مكالمه وجاي
عمر:تمام ماشي
حسام استغرب جدا من طريقة مازن وعمر متوقعش كدت ابدا انهم تفهموا كدا بس انبسط من جواه
مازن خرج بره
مسك الموبيل رن على زهره
________
عند زهره دخلت ورزعت الباب
هاله:مشي؟؟
زهره :ايوه فين جنا؟؟
هاله :في الحمام
موبيل زهره رن
وكان مازن
زهره اخدت موبيل ودخلت ترد عليه في الاوضه
زهره:الو
مازن:ايوه يازوزه روحتي
زهره بصوت مخنوق ااه لسه واصلين
مازن:كويسين وجنا
زهره:الحمدلله
مازن:اشتريتي اللي كنتي عايزاه
زهره:اه اشتريت
مازن:مال صوتك؟؟
زهره وحاولت تبقا طبيعيه مفيش حاجه كله تمام
مازن:تمام …انا هقفل دلوقت واما اروح هبقا اكلمك
زهره:ماشي تمام
زهره قفلت مع مازن
وطلعت لهاله اللايفنج
كانت هي وجنا بيسمعوا التلفزيون
زهره :انا هعمل لنا حاجه ناكلها ونشرب حاجه بعدها
هاله وقامت من مكانها خوديني معاكي
زهره وهاله دخلوا المطبخ
زهره كان باين عليها التوتر
هاله:مالك يا زهره في ايه؟؟
زهره بدموع:مش عارفه اعمل ايه في الزفت اللي اسمه عمار دا
هاله:اوعي تكوني اديتله فلوس تاني
زهره:اديتله طبعا مكانش يمشي …كويس ان جوزي مش هنا الايام دي
زهره وجلست على احد الكراسي
هاله:يازهره انتي هتموتي نفسك كدا يابنتي انتي الاسبوع دا خسيتي النص
زهره ببدموع انا مازن لو عرف انه بيجي هنا مش بعيد يموتني فيها من وقت ما اتجوزنا مستحيل اي راجل يطلع عند باب الشقه البواب نفسه مبيطلعش بيبعت مراته او بنته الدليفري بينزل بنفسه يجيب الحاجه من تحت مبيرضش يخلني اوصل البنت تحت للباص عشان لمجرد مكلمش السواق
زهره ومسحت دموعها تخيلي لو عرف انه بيجي لحد باب الشقه هيقطعني حتت ياهاله انا مبنمش انا بحلم بكاوابيس انا بعمل كدا مع عمار خايفه ياخدوا بنتي مني جدها عايزاها ومش هيتنازل عن دا وانا اموت لو خدوها مني
هاله وحضنتها طيب اهدي ان شاء الله ربنا هيحلها
زهره ببكاء:يااارب
___________________
عدى اسبوع
وكل التجهيز ات عل قدما وساق في الفيلا
مازن كان مشغول مع حسام طوال الوقت
بالليل كان بيرن على زهره وجنا ويطمن عليهم
عمار كل يومين كان يروح لزهره وياخد منها فلوس
هاله مكنتش بتسيب زهره لوحدها وطوال الوقت جمبها
جيه يوم فرح حسام ومريم
الفرح كان في الفيلا عندهم في جنينة الفيلا ودا كانت رغبة حسام ومريم
الفيلا كانت بتجهز قبل الفرح ب3ايام
مريم كانت بتجهز فوق في اوضه جيهان كانت مجهزاها لكده
الكل كان بيجهز في الاوضه وكمان ساره اللي عملت صحوبيه مع مريم
مريم جهزت
وطلع نبيل جابها ونزل على سلم الفيلا الطويل في جو من الفرحه وسلمها لحسام اللي مكنش مصدق ان حلم عمره خلاص هتبقا معه العمر كله
الليله ابتدات في جو من الفرحه
الكل كان موجود
فتون جاءت وكمان شهيره
عمر اول ماشاف فتون ابتسامه ظهرت على وشه
فتون شافته بس عملت نفسها مش شايفاه اخر مره اتكلم معها بسخافه ومن وقتها وهي بتبعت شغلها مع اي حد …رغم اعتراضه اكتر من مره لكن مكنتش بتطلع
فاقت على صوت والدتها وهي بتارك لجيها ومصطفى
باركت لهم هي كمان
قعدت على احد الطاولات الموجوده وكانت بتحاول تغتلس النظر وتبص عليه
ولاحظت انه فاضل قعد مكانه حتى مقامش ثوان وقف جمب اخته اللي هي العروسه
ابتسم بخفه لما لاقها بتبص عليه وديرت وشها
عمل نفسه ما اخدتش باله منها
لكن هو كان مبسوط انها لابسه فستان قد ايه بيضايق من جو البناطيل الجينز اللي طوال اليوم لابساه دي لدرجة انه في يوم كانت لابسه بنطلون تقريبا عنده زيه
فتون ل شهيره:شايفه اللي قاعد هناك دا عمر اخو العروسه
شهيره وبصت ايوه ما انا شوفته قبل كدا..
مازن كان فرحان جدا وطوال الفرح بيرقص مع حسام
ساره وجيهان وسوزي وكمان عبير الكل كان واقف مع مريم
اخر الفرح مازن قعد على تربيزه
ساره وقعدت جمبه
مازن شافها بس متكلمش
ساره :عقبالك
مازن:ميرسي عقبالك انتي كمان
ساره:لا طبعا انت الاول انت مرتبط وبتحب
ابتسم مازن بخفه وسكت
ساره:مش هتعرفني عليها نفسي اشوفها
مازن:قريب ان شاء الله
ساره:بجد انا نفسي اشوف اللي خطفت قلبك يامازن وخليتك مش شايف غيرها
مازن:ساره متفتحيش في حورات ملهاش لازمه
ساره:انا مبفتحش في حاجه بس غريبه معزمتهاش ليه
مازن:هي تعرف حد هنا عشان اعزمها
ساره بصتله بصمت وسكتت وقالت في نفسها للدراجه دي بتخاف على كرامتها
على تربيزه اخرى
كانت جيهان وعبير قاعدين
الاتنين بيبصوا ناحية ساره ومازن في صمت
قطع الصمت
عبير:عقبال ماتفرحي بمازن ياجيجي
جيهان:في حياتك ياحبيبتي وعقبال ماتفرحي بساره
عبير بهزار:ما احنا مش عاجبين ابنك يا ختي
جيهان بحرج والله ياعبير ربنا العالم انا بحب ساره قد ايه بس ابني دماغه لوحده انتي عارفه مازن
عبير: انا عارفه والله ساره حكتلي كل حاجه ربنا يوفقه في حياته مع الانسانه اللي يختارها
جيهان:والله مجنني انا نفسي يتجوز وارتاح بقا
عبير:ههههههههه هو طول عمره مجننك
__________الفرح انتهى بسلام
حسام ومريم طلعوا جناحهم
_____________________
عند زهره
كانت قاعده ومسك الموبيل وبتتكلم على الواتساب مع هاله
كان مازن حط حالات عليه
فتحت الصور وبداءت تتفرج عليها
اول صوره كانت كان هو وحسام حطت ايدها على الصوره وفضلت تتفرج عليها كتير كان واحشها اووي اسبوعين مش شافته
فضلت تغير في الصور كانت صوره كمان هو وحسام وكانت مريم بفستان الفرح اللي كان شكله يجنن
وكمان صور هو وجيهان ومصطفى
والصوره الاخيره كانت هو بنتين
حست بالغيره للحظه
زهره لنفسها ياترى دوول مين فضلت تتفرج شويه واتمنت لو كانت موجوده معه
زهره لنفسها انت فين من كل دول يازهره دوول فوق اووي
فضلت تتفرج لحد ماراحت في النوم
________________
عند حسام ومريم
حسام بابتسامه نورتي جناحك ياشابه
مريم ابتسمت بخجل دا نورك
حسام:انا يامريم والله مش مصدق نفسي ان انا وانتي هنا
مريم:لا صدقك احنا فعلا مع بعض والعمر كله ياحبيبي
حسام:نعم حبيبي!!اخيرا قولتيها دا انا بتحيل عليك بقالك شهر تقوليها
مريم :خلاص بقا ياحسام متكسفنيش
حسام وقرب منها انا بموت فيكي ياعمري
مريم ابتسمت بخجل من قربه
حسام كاد ان يضع بصمته على شفاتيها
مريم لا نصلي الاول
حسام:تمام يلا بينا…
__________
زهره كانت نايمه في الايفنج
حست بحركه على وشها
زهره فتحت ببطئ وغمضت تاني
سمعت ضحكه
فتحت عيونها تاني بسرعه
لاقت مازن قاعد جمبها وماسكه ورده لونها احمر في ايده
زهره وقعدت
مازن بابتسامه:صباح الخير بالليل
زهره بابتسامه وحضنت مازن وحشتني
مازن وبادلها الحضن وانتي كمان ياروحي
ما زن وادها الورده
زهره اخدتها بفرح جميله اووي
مازن:انا جايبها من البوكيه بتاع العروسه غصب عنها كمان
زهره:ههههههههههه بس متوقعتش انك تيجي الليله
مازن:بيني وبينك انا اصلا هربان من الفيلا في ناس كتير وان اصلا مش بحب الزحمه وعمي ومراته وابنه من اسكندريه والجو زحمه كدا
زهره :حلوه الصور اللي انت منزلها على الواتساب
مازن:بجد
زهره:اممم ..مين بقا البنتين اللي انت كنت واقف في نصهم دوول
مازن بمكر :ايه رايك حلوووين؟؟
زهره بهدوء عكس اللي جواها اه حلووين
مازن وشدها عليها وقعدها على رجله ايه غيرانه
زهره بتوتر:وانا هغير ليه انا بسأل عادي يعني عشان مش عارفهم
مازن ومسك وشها بين ايده وقربها ليه يعني مستحقش غيرتك عليا
زهره وضغط على شفايفها بصراحه غيرت واحده حاطه ايدها على كتفك والتانيه لافه ايدها حلوين وسطك دا ايه بقا إن شاء الله
ضحك مازن بقوه
مازن:اللى ايدها حلوين وسطي دي فتون بنت عمي واختي في الرضاعه واختي اووي يعني واللي ايدها على كتفي دي ساره بنت عمتي
زهره:واختك في ايه؟؟
مازن:هههههههههههههه لا دي بنت عمتي وزي اختي بردوه
زهره :اممم ماشي
مازن وقربها ليه اكتر بكره الايام تثبتلك انك عشقي الاول والاخير
زهره:واناوبموت فيك ياعشقي انا………..
_________________________
تاني يوم مازن صحي على صوت موبيله
فتح عيونه كان نايم وزهره كانت نايمه جمبه
مسك الموبيل وكانت جيهان
بص في ساعته كانت الساعه١١الصبح
مازن اخد الموبيل وخرج بره
مازن:ايوه ياماما
جيهان:صوتك نايم انت فين؟؟
مازن:في ايه؟؟انتوا كويسين
جيهان :والله ؟؟انت مبتش في الفيلا ليه؟؟
مازن:الجو كان زحمه فمشيت
جيهان: ليه مفيش اوض في الفيلا؟؟
مازن:مش بالظبط
جيهان :طيب يلا تعالى عشان هتوصل اخوك ومراته المطار
مازن:ايوه بس لسه بدري هيمشواوفي طيارة ٩بااليل
جيهان بعصبيه:ايوه يعني انت مش جاي؟؟
مازن:لا جاي حاضر نص ساعه بس
جيهان:ماشي منتأخرش
مازن وقفل مع جيهان
دخل الاوضه كانت زهره لسه نايمه
مازن فتح الدولاب وبداء يخرج لبس منه
زهره فاقت على الصوت
زهره :صباح الخير
مازن وهو بياخد اللبس صباح النور
زهره:ايه دا انت هتمشي
مازن:اه راجع الفيلا
زهره وقامت طيب ليه مصحتنيش اجبلك لبس
مازن:خلاص انا جبت
زهره:طيب على ماتاخد شاور هكون حضرت الفطار
زهره كانت هتتحرك مازن ماسكها من ايدها لا ياحبيبتي انا هفطر هناك
زهره بفتور:تمام
مازن:معلش بقا مره تانيه هفطر معاكي
مازن دخل اخد شاور وخرج كانت زهره لسه مكانها
بداء يلبس وهي كانت بتساعده
مازن خرج من الاوضه زهره خرجت وراه واتفأجاء بجنا قاعده في الايفنج بترسم
جنا اول ما شافته جريت عليه وحضنته
جنا :بابا واحشتني
مازن:وانتي كمان ياقلب بابا وحشتني اوووي..ليه صاحيه وقاعده لوحدك كدا
جنا :صحيت من شويه عرفت انك هنا من المفاتيح بتاعتك بس ماما قايللي عيب اخبط واصحيك وانت نايم فاستنيت هنا لحد ما تصحى
مازن حضنها قلبي المؤدب اللي بتسمع الكلام وحشتني اصلا
جنا:شكلك هتمشي
مازن:اه بس اوعدك هاجي اقعد معاكي يوم كامل
جنا:بجد
مازن:اه بجد
__________________
مازن اخد عربيته ورجع على الفيلا
مكانش حد غريب موجود غير عمته وساره بنتها
كانوا قاعدين على الفطار
قعد معاهم وفطر وبعد كدا خرج على الجيم قاعد هناك ساعتين
ورجع تاني
الساعه ٦ اخد حسام ومريم عشان يوصلهم المطار
هيقضوا اسبوعين في مرسى علم
مازن وصلهم واتاكد انهم وركبوا الطياره ورجع على البيت
كلم زهره وجنا واطمن عليهم ونام
عدى اسبوع
عبير وساره رجعوا بيتهم في المنصوره
الصبح على الفطار
كان مازن وجيهان ومصطفى
مازن لاقها فرصه طالما محدش غريب موجود
مازن وحب يمهد للموضوع انا قررت اني اتجوز
وقتها جيهان ومصطفى بصوا لبعض
جيهان: يعني خلاص هتعرفنا على البنت اللي انت بتحبها
مازن:اممم ..بس قبل ما اعرفكم عليها لازم تعرفوا انها عندها ظروف معينه كدا
مصطفى:ظروف ازاي يعني مريضه مثلا او في مشكله في حاجه تانيه
مازن بتردد وجيهان ومصطفى بيبصوله بتركيز هي ارمله وعندها بنوته
جيهان وقامت وقفت نعم؟؟؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حكاية زهرة)
