رواية حكاية زهرة الفصل التاسع عشر 19 بقلم شيماء منير
رواية حكاية زهرة البارت التاسع عشر
رواية حكاية زهرة الجزء التاسع عشر
رواية حكاية زهرة الحلقة التاسعة عشر
مازن:خير ياماما في حاجه حصلت
جيهان :ايوه ..دلوقتي انا قبلت انك تجبها هنا وعديت كل حاجه حصلت لكن مش هسمح ليها تتعدى حدودها وتغير في نظام البيت كأنه بيتها
مازن بعدم فهم :مش فاهم في ايه يعني؟؟
جيهان بعصبيه الهانم مراتك اللي انت معرفش جايبها منين
قاطعها حسام بضيق ماما مينفعش كدا
مازن شاورله بايده انه يسكت
حسام :طيب انا هخود مريم وهنطلع على ما الغداء يجهز غن اذنكم
حسام ومشي هو ومريم
جيهان وكملت بضيق ايوه انا اعرفلها اصل من فصل
مازن بغضب مكبوت لو سمحتي ياماما قولي ايه اللي حصل من غير غلط
جيهان:مراتك لها علاقه بشغل التنضيف والكلام دا راحت جابت مكنسه من الشغالين وواقفه تنضف اوضتك والاوضه اللي بنتها بتنام فيها وتبدل الحاجه من اماكنها انت المفروض تكون معرفها ان البيت دا له نظام وانها متتعداش حدودها
مازن وفهم اخيرا
مازن:تمام فهمت يعني هي كانت بتتصف اوضتها هي وجنا ..
زهره كانت قاعده في الاوضه عيونها كانت وارمه من العياط تقريبا بقالها ٣ساعات بتعيط وبتفرق في ايدها من القلق خايفه مش عارفه مازن هيكون رد فعله ايه هو قايلها هنا غير الشقه احنا مش هنبقا لوحدنا مش عايز حورات وكلام
نزلت الدموع من عيونها بس والله ماكانش قصدي اعمل مشكله بصت في الساعه كانت خمسه وتلت اكيد كل دا تحت ياترى قالوا ايه
جيهان بغضب:هو ايه اللي عادي
مازن:ايوه عادي ايه المشكله انها انسانه منظمه ونضيفه وبتحب تقعد في مكان نضيف ومنظم
جيهان بضيق:وهو المكان هنا مش نضيف والا ايه
مازن:مش قصدي بس هي بتحب ترتب حاجتها بنفسها واكيد انتي لاحظتي وقت ماجينا محدش اصلا فض لينا الشنط لان هي حبت ترتب الدولاب بنفسها بس مش اكتر
جيهان بعضب اعمى:بس شغل الخادمين اللي هي بتعمله دا مش عندي مش تخصص مرات ابني
مازن بغضب:ماما لو سمحتي كفايه غلط انا مش هسمح باهانة مراتي اكتر من كدا انا ساكت عشان انتي امي والوضع اصلا مش مستحمل
جيهان :اهو انت شايف مريم نظام بيتهم كان ايه وبرغم كدا عارفه حدودها ومش بتعمل غير الصح
مازن:مريم مش غريبه عننا وعارفه النظام هنا ثانيا كل واحده ولها طبعا مراتي غير
جيهان :مراتك ايه ..هو انت اصلا عرفت تتختار يوم مااختارت معرفتش تختار واحده شبهنا ولا لايقه علينا
وفتها مصطفى ادخل بغضب جيهان كفايه بقا كدا مينفعش طريقتك دي متخليش غضبك يعميكي وتقولي كلاك مينفعش يتقال
مازن وعايز ينهي الحوار عشان مش عايز الامور تسوء اكتر:تمام عموما انا هعرفها وهي مش هتعمل كدا تاني
جيهان:وعارفها ان دا بيتي مش بيتها متفكرش انها ممكن تعمل هنا اللي هي عايزاه
وقتها مازن بص ل ابوه اللي قام من مكانه بغضب
مصطفى ووقف قصاد جيهان يعني ايه احنا ضيوف عندك؟؟
جيهان اتوترت شويه
مصطفى بغضب ماتردى ما انتي صوتك عالي من بدري كأنك الراجل هنا وانا سايبك براحتك ماتردي ها؟؟
وقتها مازن وقف بينهم ووشه لمصطفى وجيهان في طهره بابا خلاص لو سمحت مش كدا
مصطفى اللي بيبص ل جيهان وعيونه كلها غضب
مصطفى وقعد على كرسي بغضب وكا ن بيحرك رجليه بعصبيه
مازن :بوصي ياماما مراتي دي لو غلطت فيكي بس او فكرت اقسم بربي كنت هطلع انزلها جر من على السلم دا وتكون تحت رجليك هنا بتعتذرلك ..لكن انا بطلب منك قربي منها عشان خاطري والله هي انسانه مش عدوانيه خالص ولا بتاعة مشاكل بالعكس خالص مش بتحب المشاكل اقسم بالله انا لو شايفها واحشه مش هدخلها البيت دا ابدا
جيهان مازلت واقفه في صمت
مازن:عن اذنكم انا طالع
حسام كان واقف فوق وبيشاهد الموقف من الاول مرضش يفضل تحت عشان ميكونش اخوه في موقف محرج هو اتعود انهم حاجه واحده واللي يهين اخوه كأنه بيهينه ومش معقول كمان قدام مراته حتى لو كانت مش عدغريبه عنهم وعارفه كل حاجه..
اتحرك ومشى على غرفته لما لاقى مازن طالع
راح على اوضته
كانت مريم قاعده عل. احد الكراسي
حسام:انتي شوفتي الحوار دا
مريم وهزت دماغها بالايجاب ااه
حسام:ايه اللي حصل؟؟
مريم وحكت كل حاجه لحسام
مريم:والله البنت ما اتكلمت بجد خالتو مداتهاش فرصه
حسام بضيق:انا مش عارف ماما هتستفاد ايه من دا
مريم بتردد :عايزه تتطفشها
حسام وانتهد بضيق وسابها ودخل التوليت
___________________
مازن وطلع اوضته
فتح الاوضه ودخل
كانت زهره قاعده
اول ما شافته وقفت بتوتر
مازن ولاحظ عيونها اللي حمره وورامه من العياط
صحيح هو معرفش اللي حصل بالظبط بس عارفه ان جيهان معدتش الموقف مرور الكرام واكيد قالت كتير امه واكتر واحد عارف طبعها
مازن:مساء الخير
زهره وبصوت مخنوق من العياط مساء النور
مازن وقرب منها وعلى طول خدها في حضنه
زهره واتفجرت في العياط
مازن مسدت على طهرها بحنيه متكلمش نهائي لحد ماهي خلصت عياط في حضنه
كان عياط ودموعها اللي نزلت على قميصه وحاسس بسخونتها بيقطع في قلبه بس لازم لما الموج يكون عالى احنا نهدي شويه .
زهره خلصت عياط
فضلت سانده راسها على كتف مازن
مازن:خلاص الدموع خلصت
زهره ورفعت دماغها وبصلته
مازن وماسكها من مقدمه وشها ووضع قبله على جهتها حقك عليا انا
زهره:انا والله ما عمل..
مازن قاطعها عارف يازهره انك معملتيش حاجه بس نفسي افهم لما يكون في قدمك خيار انك تريحي نفسك مبتترتحيش ليه بتتعبي نقسك ليه كان ممكن تجيبي انتين من الشغالين وهما يعملوا دا وانتي بردوه جمبهم وعرفيهم اللي انتي عايزاه
زهره:يامازن انا زهقانه طوال الوقت قاعده هتتجنن مش متعوده على كدا انت عارف اني قبل ما اعرفك كنت بشتغل وهناك في الشقه كنت بعمل كل حاجه بنفسي حتى الاكل لكن هنا كله ممنوع مش معقول هفضل قاعده كدا
مازن:انزلي الجنيه مريم وماما طوال الوقت بيقعدوا فيها وفي كمان شاشه كبيره ممكن تسمعي عليها اللي انتي عايزه وكمان معاكي الموبيل
زهره بتردد:انا عارفه ان مامتك مش قابله وجودي بتحرج اروح اقعد معهم تتضايق
مازن: مع الوقت والله ياحبيبتي كل حاجه هتبقى احسن
…………………….
بعد كدا اليوم كمل عادي الكل نزل على الكل ماعدا مازن وزهره
مازن طلب من الشغالين يطلعولهم اكل فوق
دا ضايق جيهان نوعا ما بس متكلمتش
تاني يوم الصبح
مازن نزل على السلم هو وزهره وجنا
القوا التحيه على الجميع
وقعدوا بهدوء
الجميع بيفطر في صمت
بيقطعه جيهان
جيهان :مريم متنسيش بعد الفطار هنخرج انا وانتي نجيب شوية حاجات
مريم:لا ياخالتو مش ناسيه بعد الفطار هطلع اجهز
جيهان :عشان حابه اغير شوية حاجات في الفيلا وحابه اخد رائيك فيها
مريم وهي بتبص لحسام اللي عوج بقه وفهم طريقة امه تمام ..حاضر
مصطفى بص لجيهان بضيق هو عارف عارف وفاهم طريقتها. وخصوصا انهم من بعد موقف امبارح مش بيتكلموا ..بص على مازن وزهره اللي كانوا بيفطروا في هدوء تام ووجه خالي من اي تعبير
مصطفى وقام وقف بضيق انا رايح على الشركه خلص وحصلني ياحسام
حسام:حاضر يابابا
مازن هو كمان قام وقف يلا ياجوجو الباص على وصول
جنا وقامت ماشي يابابا يلا
مازن اللي ظاهر عكس الضيق اللي جواه وحاسس انه خلاص صبره قرب ينفذ من تصرفات جيهان وانها طول الوقت بتوصل لزهره انا وجودها غير مقبول
زهره وساعدت جنا تلبس شنطتها
ومازن اخدها ومشي
بعدها زهره اخدت نفسها وطلعت على فوق من غير كلام
بعدها بساعه مريم وجيهان خرجوا
زهره لاقتها فرصه انها تنزل الجنينه
وبالفعل نزلت فضلت قاعده لحد ما جنا رجعتةمن الروضه
وطلعوا
اخدتها وراحوا على اوضتها هي ومازن
كتبت معها واجبتها وبعد كدا نمت وزهره نامت جمبها
—————–
في الشركه
فتون كانت عند عمر في المكتب
عمر:تمام الشغل كله كويس
فتون:تمام ماشي عن اذن حضرتك
فتون كانت هتخرج
عمر:فتون
فتون دورت وشها ليه
عمر:لو انا معجب وحبيت ادخل الباب من بابه هينفع
فتون واندهشت من صراحته وفتحت عيونها
ابتسمت بخفه افكر واقولك
ـــــــــــــــــــــــــ
مازن رجع اخر النهار
الكل كان موجود ماعدا زهره وجنا
مازن القى السلام
واتكلم معاهم شويه
ومسألش عن زهره لانه عارف هي فين
طلع وزي ماتوقع انها في الاوضه
كانت نايمه هي وجنا
بداء يغير ملابسه ودخل الحمام
زهره فاقت على صوت قفل باب الحمام
فتحت عيونها وبصت حوليها
فعرفت ان مازن رجع
فوقت جنا
مازن خرج من الحمام
مازن:ايه صحيتوا
زهره:انت رجعت امتى
مازن:من شويه …يلا عشان الغداء والا ايه
زهره:حاضر ثواني هدخل الحمام واجهز بس
مازن:طيب هنزل وانا وجوجو وانتي تعالي ورانا
زهره:تمام ماشي
مازن اخد جنا ونزل
الكل كان متجمع تحت
جنا وقربت على مصطفى وسلمت عليه
مصطفى:شكلك كنت نايمه
جنا وهي بتهز رأسها اممم
مصطفى ومسح على رأسها بحب
مصطفى:فين مراتك يابني؟؟
مازن:ثواني بس ونازله
زهره نزلت
والكل قعد على السفره بيأكل
جو من السكون الكل بياكل في صمت
مازن وحس انه مصطفى وجيهان مش بيتكلموا ودا ضايقه نوعا ما لانه حاسس انه السبب هو وزهره
الغداء خلص وكالعاده كل واحد طلع على اوضته
ماعدا مازن اللي خبط ودخل على مصطفى اللي كان قاعد في مكتبه
مصطفى:تعالى يامازن
مازن وقعد قدامه عامل ايه يابابا
مصطفى:تمام في حاجه؟؟
مازن بتردد : بابا انا مش بدخل بس انت وماما مش بتتكلموا ودا تقريبا بسببي انا ومراتي
مصطفى:مين قال كدا؟؟
مازن:بابا انا مش عيل صغير بس بجد انا مش عايز اعمل مشكله هنا بسببي انا بحاول اصلح الامور بس لو وجود هنا انا ومراتي هيعمل مشكله انا ممكن اخدها وامشي والشقه موجوده
مصطفى:عايز تسيبنا وتمشي يامازن
مازن:مش مقصود كدا بس اهم حاجه عندي انت وماما انتوا طوول عمركم متفاهمين ومتفقين في كل حاجه مش هاجي النهارده اكون السبب في مشكله بينكم انا اصلا مبقدرش اشوف ماما زعلانه ويمكن عشان كدا جاي على مراتي ومستحمل
مصطفى:ملكش دعوه بينا احنا هنبقا كويسين شوف انت بس مراتك وعيش حياتك وملكش دعوه بامك
مازن طلع اوضته
مصطفى كمان طلع اوضته
كانت جيهان لسه صاحيه
متكلمش ودخل على السرير على طوول
جيهان وقربت منه ايه هتفضل مخاصمني كدا
مصطفى مردش عليها
جيهان:يامصطفى احنا كبرنا على كدا
مصطفى بضيق:لما انتي تتصرفي تصرفات عيال يبقا انا لازم ابقا كدا
جيهان:هو انا عملت ايه لكل دا
مصطفى وابتسم بسخريه بجد تبقا مصيبه لو انتي مش عارفه انك بتخربي البيت دا وانتي مش حاسه
جيهان بدهشه انا ؟؟!
مصطفى:ايوه انتي وهتكرهي عيالك في بعض وانتي مش حاسه وانتي بتفرقي بين مرات كل واحد فيهم
جيهان:لان الاتنين مش متساوين
مصطفى:عندك انت بس دا لكن انا بالنسبه ليا هما زي بعض ..صحيح ابني عمل كل دا بدون معرفتي ورضايا ولو كان عندي فرصه ولو واحد في الميه اني انهي الجوازه دي كنت نهيتها بس خلاص هو حطنا في الامر الواقع اتجوزها ٦ شهور من غير ما يقولنا وبيحبها ومتمسك بيها خلاص ووافقنا تدخل بيتنا يبقا طالما دخلت بيتنا يبقا اتحسبت علينا واهانتها من اهانة ابنك حرام اننا نظلم بنات الناس وبصراحه البنت هاديه ومؤدبه ومبنسمعش صوتها ومتقوليش بتمثل ..
مصطفى واتنهدت بتعب اقولك حاجه هو انا كنت اكره ان مازن يتجوز ساره بنت اختي واعتقد انك حاولتي وفشل بس عارفه بنت اختي مكنتش تنفعه وبكره الايام تثبتلك ان دا هي اللي تنفع مع شخصية ابنك. انا بنصحك قبل ابنك ما ياخدها ويمشي ومش هتشوفي ابنك تاني
جيهان:قصدك ايه؟؟
مصطفى:ابنك كان لسه قاعد معايا وحاسس ان وجود مراته عامل مشاكل بينا فقال لو وجوده عامل مشاكل هياخدها ويمشي على شقته انا قولتله لا
جيهان ودموعها نزلت
مصطفى:ياجيهان انتي طوول عمرك تصرفاتك عاقله وحنينه على الناس كلها متقسيش على ابنك وخصوصا مازن لانه بيحبك وانتي عارفه كدا كوويس…
_______________
تاني يوم الكل اتجمع على الفطار
مازن ولاحظ ان جيهان ومصطفى بقوا احسن
ودا ريحه شويه
ركب جنا الباص
وبعد كدا اخد عربيته ومشي على الجيم
زهره بعد ما مشي
قررت انها هتطلع على اوضتها
كانت هتتحرك
بس سمعت صوت
جيهان :استنى عايزاكي
زهره ووقفت وبصلتها بتعجب
جيهان:عايزه اتكلم معاكي شويه
زهره تحت امر حضرتك
جيهان لزهره تعالي هنطلع في الجنينه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حكاية زهرة)
