رواية حكاية رنا الفصل السابع 7 بقلم سارة
رواية حكاية رنا الجزء السابع
رواية حكاية رنا البارت السابع
رواية حكاية رنا الحلقة السابعة
موبايله رن
وكان طارق
_ايوا ياطارق
_اي ياعلي
_اي قولي عرفت حاجه عن الرقم؟
_بص ياعلي.. الشخص دة حويط بشكل.. ومأمن نفسه من الكل الطرق، لا تلاقيله اكونت ولا صور، ولا حتى اسم
وكل حاجة عنه مخفية
_طارق انت بتهزر، اية من الانس والجن هو
_وحياتك ياحبيبي الانس والجن بيظهرو
_متستظرفش مش وقتو.. طب اية كدة افقد الامل؟
_مش عارف بس حالياً اة
_امشي ياطارق اقفل عشان متعصبش عليك
_طيب والله انا غلطان
_سلام
_سلام
____
{بليل.. جيت انام ف امان الله..
بس ازاي مزاجي ميتعكرش
لقيت مكالمة من الاستاذ…
_ازيك ياحبيبتي
_كويسة
_عاملة اية
_كويسة
_اخب….
_لا اله الا الله ماقولنا كويسة في اية ياكريم
_بطمن عليكي
_انا تمام متقلقش
_ماشي سلام..
__
اقسم بالله حافظ مش فاهم وعيل كدة اوف عليه
ارف ع المسا
ونمت ف سلام…
________________________
_صباح الخير
_صباح النور..
_هتنزلي بدري كدة…
_لا هاكل.. كدة كدة هتهزق ف مش هتفرق كتير الاستاذ سليم اساساً بيتلككلي… يلا مش مهم
_اي مفجوعة ولا اية
_يبنتي بقا.. المهم لو الواد كريم كلمك قوليلو نايمة وتعبانة وانا هقفل موبايلي مش ناقصة تلزيق النهاردة
_وفرداً مثلا قفشك
_يابنتي دة حافظ مش فاهم يعني ريم هتقولو عدي الدنيا عشان يعرفو يخططولي ف هيرن عليا زي العبيط
_انتي ازاي عارفة كدة
_مش مهم.. انا همشي بقا يلا سلام
…………
_اهدى ازاي ياطارق بقولك الرسايل جننتني.. انا خلاص هتجنن.. عايز اعرف مين حواليا خاين كدة
_طب متجرب ترن
_رنيت.. بس الرقم بيبعت الرسايل ويعمل بلوك وانت مش عارف توصلو ي خبرة النت
_اعمل اية.. قولي قولتلك دة واد ذكي اوي وعارف ان هندور وراه
_والمفروض.. اسيبو
_سيبو لحد ميبعت تاني ونشوف اية اللي هيحصل
_ياه.. طيب لما نشوف كلامك يا طارق بية
_________
_بقولك اية هو مديرك جي
رد سليم: هو وراكي حرفياً
_على فكرة انت متاخر جدا.. نور انا جاية من امتا بالله عليكي تقوليلو
نور: طب اهدي
رنا: لا بالله عليكي لا تقوليلو.
بقالي من ساعتين
بصلي بأبتسامة ساذجة: السلسلة دي وقعت منك وانتي لسا داخلة
بصيتلو بصدمة: اة.. منا كنت بجيب حاجة من برة
_منا عارف عشان كدة كنتي بتجري
اوعي من وشي يارنا والله انتي زهقتيني
….
رنا: هو كدة هيعمل اية
نور: اساليه.. دة انتي غريبة اوي
اخرت الكدب
_انا.. طب سلام
{روحت قعدت على مكتبي وفضلت افحص ف موبايلي الجميل والحياة وردي والدنيا جميلة.. وفجأة
ببص جمبي لقيت سليم قاعد جمبي
_يانهار.. سلام قولا من رب رحيم
_بالله عليكي لا تكملي
بضحك: والله العظيم انت فاهم غلط.
_يعني جاية متأخر وبتكدبي.. وبتحوري وماسكة الموبايل ومبتشتغليش. وحاطة رجل علي رجل كمان
_طب ما كلهم مبيشتغلوش حضرتك مركز معايا انا بس
_ماهو م اللي بشوفه منك ياشيخة
بضحك: المدير اللذيذ فين
_بس بدل مالبسك الورق دة فوشك
_خلاص انا….
_متقوليش.. متعتزريش
انتي الغياب ليكي حلال
متجيش الشغل احسن انتي مبتعمليش حاجة
_لا والله بقا لو اتظلمت تاني هزعل.. في اية يامديري
انا بشتغل ومجتهدة ف شغلي
_لا برافو.. مهو واضح يارنا والله
_طب بعد اذنك بقا محتاجة اشتغل اية؟ اديني مساحتي
_هديكي حاضر
يارب صبرني
{هو دة غريب الاطوار اللي بحب استفزة.. وموتي وسمي اشوفه مبسوط لازم اعككنه وادايقه
هو كدة دة قاموسي، وكملت شغل ب لا مبالاة وكانت الدنيا هادية بشكل ما
وكان بيجي كل شوية يبص عليا بشتغل ولا لا.. وانا كنت بعمل نفسي مسحولة عشان ميكلمنيش
وانتهى اليوم.. وفضلت واقفة مستنية تاكسي
ها يا مسهل
_بتعملي اية
_الشغل خلص يعني مروحة.. مفيش سبب تزعقلي عليه
_بقولك اية
_اتفضل
_ما تيجي نمشي شوية
_والله انا كنت ناوية امشي شكلها مافيهاش تكاسي يلا عن اذن…
_استنيي ياغبية.. قصدي نتمشى سوا فهمتي؟
_اةة.. طب تعالى اخدك فطريقي اوصلك لو خايف تمشي لوحدك
_امشي من قدامي يارنا سلام
_طب خلاص خلاص بهزر.. متبقاش قفوش
يلا طيب امشي
_عملتي اي فموضوعك
_موضوعي مبيخلصش.. وجبت اخري بس مكملة.. ولسا مصممة اني قبل ما امشي هاخد حقي
_هممم.. طيب كويس
_الطريق دة مش احسن حاجة
_مش مهم
_انت وديت شخصيه المدير وطلعت شخصية سليم؟
_انا مش قادر احدد انتي مضحكة ولامكتئبة ولا وراكي مشاكل ولا باردة ومستفزة
مش فاهمك حقيقي انا مش فاهمك
_مع للوقت تفهمني.. والله انا كنت لسا بخيري قبل ماتنيل اتجوز
_ياعيني عليكي يابنتي
_شوفت هموت
_بس خلاص الدمعة هتفر من عيني
[فضلنا ماشيين.. مش حاسين ان فات وقت طويل.. وان سرحنا ف الكلام وقطعنا مسافة طويلة
ويعني الحمدلله مكنش الوقت متأخر اوي.. وكان في ناس قليلة…
ولوهلة اني ابص قدامي
والاقي اكتر حد معككن جاي فوشي
لمحتني ريم
_يادي المصيبة ادينا اهو مش هنخلص
فقالت: ماشاء الله انتي بتعملي اية هنا؟
_حببتي!! انتي بتعملي اي فالوقت دة لوحدك
_انتي تعرفي حد غير كريم.. كويس والله
وياترى هو عارف
_وانتي شاغلك ف اية ياحبي
_مش زميلي.. اية رايك لو اقولو!! او مثلا نتصل عليه فيديو يشوف المنظر الجميل دة
_طيب بصي ياحبي لو مامشيتيش من قدامي فخلال خمس ثواني هلعبك لعبة مش هتعجبك وهتخسري
_والله بجد.. طب متوريني.. ولا نجيب كريم يلعبها معانا
{الحمدلله لقيت مرادي بما ان الطريق كان في حجر عادي
فخدت حجرين
ومديتلها ايدي بحجر
_امسكي دة
_انتي عبيطة ولا اية
_امسكي بس
_اهو.. ورينا بقا
{لما بصيت حواليا وملقتش غير شخصين بس واقفين بعيد شوية ومش مركزين
بالحجر ال ف ايدي.. خبطت نفسي خطبة جامدة
للدرجة دماغي اتفتحت، وسليم وريم مستغربين.. اة اتألمت جدا بس رميت الحجر بسرعة من ايدي وكل دة حصل بسرعة البرق
وابتديت اصوت جامد
_لية كدة… حرام عليكي عملتلك اي
قرب سليم بخوف: انتي بجد… في ايى
_شوفت خبطتني ازاي
اة مش قادرة حرام عليكي
_رمت الحجر من ايديها..
انا معملتلكيش حاجة انتي كدابة
{بعد الجملة دي كان فات الاوان.. علشان كان هدفي وصل.. الشخصين اتجمعو على صوتي
_انتي كويسة
_كويسة ازاي بس انت مش شايف راسي بتنزف.. لا انا حقي
_حرام عليكي عملتي فيها كدة لية
ريم: انا عملت.. دي كدابة والله معملتش حاجة
سليم بهمس: هو انتي بتستهبلي ولا موجوعة بجد
بنفس النبرة: الاتنين كمل معايا يلا
… لية والله مش هسكت
_ After 5 minutes
_يرضي حضرتك كدة يا استاذ تخبطني عشان بقولها انا ليا عندك 100جنية عايزاها عشان معييش فلوس اروح.. قامت ضارباني فراسي وقالتلي ملكيش حاجة
ولو بكدب اهو.. تلاتة شاهدين
ردت بدموع: والله انا.. والله معملتش حاجه
فقال الرائد: اصبري انتي
.. وجهه كلامه لشخص من الاتنين..
_انتو شوفتو ال حصل
_ايوا… دي اول ما شافتنا رمت الحجر من ايديها
رنا: اهو شوفت!! حتى راسي اتفتحت مش قادرة وجعاني والله.. مين يعوضني بقا راسي اللي اتفتحت
_اهدي حضرتك
ريم: انا والله معملت حاجة.. دي هي اللي خبطت نفسها
_بطلي كدب ي انسة انا واخويا شوفناكي
ريم: كدابة
رنا: كدابة؟؟ طب سليم.. حصل ولا محصلش
سليم: حصل
رنا: ضربتني ولا لا
سليم: ضربتك
رنا: مش كفاية كدة؟
_طيب اتفضلي واحنا هنتصرف معاها
[فقومت من مكاني اتحركت ناحيت الباب لكن رجعت تاني..
_حضرتك انا ممكن اكون رحيمة واتنازل عن القضة
بس بشرط.. تعملي محضر عدم تعرض
_هتتنازلي عنها.. مش عاوزة تعويض
_عند الله تجتمع الخصوم حضرتك.. انا هتنازل وامري لله ومنها لله بقا ربنا يسامحها
{فتنازلت عن المحضر وفعلا وصلت للي انا عاوزاه…
وعديت من جمبها وبهمس قولتلها: جيم اوفر
ومشيت مع سليم برا واول ما خرجت
…_استني هنا يامجنونة انتي.. انتي عملتي اية
_راسي واجعاني اوي
_وانتي عملتي كدة لية.. رنا انتي عبيطة؟ انتي عارفة كان ممكن تعملي فنفسك اية
_مش مهم.. بس هي مكانتش هتسكت غير كدة
_لا يارنا انتي عارفة كان ممكن يحصل اية
{فصلني كلامه لما لقيت ريم لما بعد لما خرجت لقت علي فجريت عليه وحضنته وقعدت تعيط
_سليم يلا نمشي من هنا وبعدين نتكلم
“فعديت من جمبه وبصتلهم بصة اخيرة.. مكانتش بصت انتصار،، لان لسا الانتصار، متحققش”
_انجري قدامي نشوف اي مستشفى لراسك دي يامجنونة انتي
_اي انجري دي عاملني احسن من كدة
_رنا انا مش طايقك بجد.. امشي قدامي يلا
[وداني فعلاً.. وخيطت الجرح.. منكرش اني اتألمت.. بس هداري وجعي، ودي مش اول مرة اتألم منا ياما اتألمت، بس المرة دي انا فهمت
_طب اتكلم.. انا حتى متعورة
_انتي عارفة انتي لو كان حصلك حاجة…
_اية.. خلاص انا كويسة اهو
[قعد ساكت خمس ثواني وبعدها ضحك: والله انا خايف امشي معاكي تلبسيني جريمة وانا قاعد مكاني
_لا مش للدرجادي
_لا للدرجادي واكتر، انتي مجنونة والله العظيم انا ابتديت اخاف منك
_خاف مني بقا وملاقكش بتعدل عليا ف الشغل تاني
_لا. انتي فهمتي غلط الشغل حاجة وهبلك حاجة
انتي مجنونة ملناش دعوة بيكي الشغل ذنبه اية
_مش عارفه
_هو. انا نفسي افهم انتي استفدتي اي لما اذيتي نفسك وعملتي كدة
_انا معملتش كدة عشان وحشة.. بالعكس دة طفح الكيل وزهقت منها وهي من زمان بتخربلي فحياتي، ف دي قرصة ودن صغنونة من رنرونة..
وهي هتفكر الف مرة قبل ما تأذيني تاني
_ربنا يشيفيكي يارنا…
يلا يلا خليني اوصلك
________________________________
_يخربيتك يارنا.. انتي اية اللي عملتيه دة
_بقولك اية.. انا زهقت منها، والله مكنتش ناوية اعمل كدة بس هي اضطرتني
_انتي عارفة لو كنتي اتقفشي
_لا منا رتبت..
بس برضو انا لسا مخدتش حقي منها
_رنا!! سيبي البت فحالها بقا
_على اساس انها سايباني فحالي
دي بتحرب ورايا، عايزة تخرب حياتي وكل حاجة
والله المعاملة بالمثل متزهقنيش
_انتي يارنا والله هتودي نفسك فمصيبة
_متقلقيش انتي بس عليا واهمدي..
خليني اعرف اركز هعمل اية بعد كدة
_انتي لسا هتعملي كمان
_طبعاً
_لأ دة انتي ربنا معاكي اوي
ربنا يهديكي انا قايمة انام
_______
_انا هنا ياعلي..
_اي ياطارق.. عرفت حاجه
_انت عبيط ياعلي.. منا قولتلك لأ
_طب وبعدين..
بقولك اية، تفتكر مين حواليا هيأذيني او هيخوني
مهو مش معقول يكون ريم
_انت ادرى
_بطل رخامه.. فكر معايا
_ولية مش ممكن…
_طارق!!!. في رسالة تاني
_اية هي…
“تحب اساعدك ف رحلة البحث عن الخاينين”
_رد قبل ما يقفل..
“اة.. وانت مين”
“انت مالك.. المهم انا هعرفك دلوقتي مين حواليك بيأذيك استنى مني ماسدج”
_دة معناة انو بيتكلم بجد
_مش عارف.. استنى بس يبعت الاول وبعدها نشوف
_طيب، انا مش فاهم حاجة
_اصبر هنفهم دلوقت
بعت”جاهز”
“فين”
وبعتله ماسدج كانت………..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حكاية رنا)
