رواية حكاية حب الفصل الرابع 4 بقلم رنا سليمان
رواية حكاية حب الجزء الرابع
رواية حكاية حب البارت الرابع
رواية حكاية حب الحلقة الرابعة
_اياد طلقني يا جدو…….طلقني وفاكر اني بخونه
_انا عارف انه غلطان يا رنا…….كان لازم يسمع منك الاول
_وهو حفيدك دا من امتي بيسمع لحد يا جدو…….وبعدين انا معملتش حاجة غلط…….يونس ابن خالتي واخويا في الرضاعة كمان…….بس بردو الغلط جاي مني انا علشان وافقت اني اتجوزه من الاول وسمعت كلامك
_بس اياد حبك يا رنا
_مهو واضح من اللي بيعمله……..دا اول ما شاف اسم يونس علي التلفون اتجنن وقال اني كدابة واني زيي زيها……..انا مش فاهمه هو اية اللي حصله اول ما شاف اسم يونس علي التليفون ………دا حتي مصدقنيش لما قولتله انه ابن خالتي
_انا اسف يا بنتي…….انا اللي حطيتك في الموقف دا……..لو مكنتش جيت لحد عندك في المستشفى وطلبت منك توافقي عليه مكنش كل دا حصل
_الغلط مش من عندك……..الغلط عندي انا لاني استحملت علشان بحبه……..لكن انا تعبت و مبقتش قادرة اكمل معاه…….انا مش هرجع ليه مهما حصل…….عن اذنك
قومت من مكاني واخدت شنطة هدومي……..قربت من الباب وفتحته……..خرجت من البيت……..روحت عند بيت بابا ودخلت اوضتي من غير ما اتكلم معاه……..قعدت علي السرير وبدات اعيط وانا بفتكر اللي حصل
_دكتورة رنا……..في مريض مستني حضرتك وعايزك تكشفي عليه بنفسك
_عايزني انا اللي اكشف عليه بنفسي……اشمعني انا يعني
_هو مصمم علي حضرتك
_ماشي…….تعالي معايا
روحنا للمريض ولقيته جمال بيه
_جمال بيه……اهلا وسهلا بحضرتك…….روحي انتي يا فريدة خلاص
مشيت وسابتنا…….بدات اتكلم وانا بقرب منه
_بتشتكي من اية يا جمال بيه
_انا بصراحة مش جاي علشان اكشف يا بنتي…….انا عايزك في موضوع مهم ومكنش ينفع حد يعرف بيه ولا يخرج برا عننا احنا الاتنين
قعدت جمبه وانا مش فاهمة ……..بدات اتكلم بعدم فهم
_خير يا جمال بيه…….اية الموضوع المهم دا
_انا جاي اكلمك بخصوص اياد يا رنا
_ماله اياد
_انتي طبعا عارفة اني انا وهو هنيجي نطلب ايدك من والدك يوم الخميس
_ايوة اكيد طبعا عارفة……هو في مشكلة
_بصراحة انا جاي اطلب منك طلب ومُحرج اني اطلبه منك……..بس انا عارف انك مش هترفضي طلبي دا
_انا مش فاهمه اي حاجة
_هفهمك……..بصي يا رنا……..اياد دا الحاجة الوحيدة اللي بقية ليا من ابني سمير الله يرحمه……..بخاف عليه وبحبه اكتر من اي حاجة في الدنيا دي……..فلوسي وكل حاجة انا بملكها انا مستعد اتنازل عنها علشان يكون هو سعيد في حياته ومبسوط……..انا مش عايز حاجة من الدنيا دي غير اني اطمن عليه من بعدي وانا ابقي واثق انه هيعيش حياة سعيدة فعلا
_بعد الشر علي حضرتك ……..بس انا بردو مش فاهمة اية المطلوب مني
_بصي يا رنا…….اياد اتدمر من بعد اللي حصله من خطيبته الاولي ومبقاش عايز يدخل في علاقة جديده…….بالعكس دا شايف ان البنات كلها شبه خطيبته ومفيش واحدة قادر يأمنلها من تاني…….انا عارف اياد كويس……..هيحاول يقولك كلام يكرهك فيه او يخليكي ترفضي يوم الخميس……..هيحاول بكل الطرق يثبتلك انه مش عايز يتجوز وهيكون عايز يخلي الرفض جاي منك انتي علشان يبان قدامي انه كان موافق علي الجواز بس الرفض جاه منك انتي………انا بس طالب منك انك توافقي عليه وتكوني جمبه………انا اتعاملت مع والدك كتير وعارف كويس انه شخص محترم واكيد انتي زيه لانك تربيته ………علشان كدة انا جاي ليكي وطالب منك الطلب دا
_هو……..هو حضرتك فاهم انت بتطلب مني اية………حضرتك بتطلب مني اني ادوس علي كرامتي واقبل اتجوز شخص هو مش عايزني اصلا ولا بيحبني ……..انا مقدرة حُب حضرتك ليه وانك عايز تطمن عليه وكل دا بس……..بس انا مقدرش اوافق علي حاجة زي كدة
_انا مستعد اني اعملك اي حاجة انتي عايزاها بس توافقي
_وانا مش عايزه حاجة…….حضرتك انا عُمري ما فكرت اني اتجوز واحد مش بحبه ولما وافقت اني اقعد مع اياد لاني عرفت انه مُعجب بيا وانا كمان معجبة بيه……..بس بعد اللي حضرتك قولته دا مستحيل اني اوفق عليه
_انا عارف انه صعب عليكي انك تقبلي……..بس بردو انا حاسس انك لو وافقتي هتقدري تخلي اياد يحبك وتغيريه لاحسن
_وانا هفضل عايشة علي امل انه يحبني!……..هفضل عايشة مع واحد مش مُتقبل فكرة الحب ولا الجواز و زي ما حضرتك بتقول كدة هيحاول يبوظ الجوازة ب اي شكل علشان امل بسيط انه يتغير!
_لو كُنتي مكاني وشايفه حفيدك او حفيدتك بتضيع قدام عينك كُنتي هتعملي كدة ويمكن اكتر من كدة كمان…….انا مش عايز اعرف ردك دلوقتي…….انا هسيبك تفكري براحتك لحد يوم الخميس……بس حاولي تفكري صح لو كُنتي فعلا بتحبيه زي ما قولتي ……..اتمني محدش يعرف حاجة عن كلامنا دا…….بعد اذنك
سابتني وخرج من المستشفى……….فضلت قاعدة مكاني ومش عارفة افكر ولا اخد قرار
كُنت غلطانه لما وافقت جدو علي طلبه دا……..بس انا لما وافقت وافقت علشان بحبه وكُنت بحاول اخليه يحبني…….بس انا بقالي ٦ شهور بحاول معاه وهو مش بيتغير بالعكس……..دا دايما بيحاول يكرهني فيه وبيأديني اكتر وانا تعبت……..المرة دي انا اللي هبعد ولو عمل اية علشان يرجعلي مش هوافق ابدا………يا ريتني ما كُنت حبيته ولا كُنت عرفته من الاول
“اياد”
_طلقتها وارتحت
_لو سمحت يا جدو انا مش عايز اتكلم في الموضوع دا نهائي…….كانت غلطة واتصلحت خلاص…….يا ريت نقفل الموضوع دا ويا ريت منتكلمش فيه تاني لو سمحت
_مش مكسوف من نفسك من اللي عملته دا
_هو انا كُنت عملت اية يا جدو……..كُنت عايزني اعمل اية لما اشوفها بتخوني
_خيانة اللي بتتكلم عنها…….قالتلك انه ابن خالتها وبيتصل علشان يقولها كل سنة وهي طيبة
_وحضرتك صدقتها بقي مش كدة……..دي واحدة كذابة زيها زي نور وزي كل البنات
_انت اية اللي حصلك……..عمرك ما كُنت كدة……..بقيت دايما بتفكر بطريقة غلط وشايف ان الكل غلط وانت بس اللي صح …….فوق لنفسك بقي
_افوق لنفسي لية…….هو حضرتك شايفني مجنون قدامك……..كل اللي انا فيه دا بسبب اللي حصل من نور وامي وتيتة……..حتي انت ليك يد في دا……..لو كُنت حاولت تحل المشكلة اللي بينك وبين تيتة ومتوافقش علي الطلاق كان يمكن يبقي عندي امل في اي علاقة ادخلها…….كلكم كُنتم سبب في اني اكون كدة……..بقيت شايف ان كل البنات متستحقش الحُب وان كلهم خاينين
_متحاولش تعلق غلطك علي غيرك
_انا مبحاولش اعمل كدة يا جدو…….انتو السبب في اللي انا فيه دا………مفيش حد فيكم انا اقدر اخده قدوة ولا حد قادر انه يقنعني ب ان في علاقات بتنجح……..وحقيقي انا تعبت…….تعبت وانا بحاول ارضيك ازاي واعمل اللي انت عايزه …….طول الوقت بحاول اني اعمل اللي يريحك انت وبس وبردو شايفني وحش ……..بس خلاص من انهارده اللي انا عايزه وبس هو اللي هعمله……..لو عايزني امشي ومش عايز تشوف وشي تاني ف انا موافق…….محدش بعد كدة هيفرق معايا لا حضرتك ولا اي حد تاني……..انا هعيش حياتي زي ما انا عايز مش زي ما انت عايز يا جدو
سيبته ومشيت………حقيقي انا مش عارف انا صح ولا غلط………يمكن فعلا رنا عندها حق واني غلطت و اتسرعت في اللي عملته دا يمكن……..يمكن فعلا رنا كويسة و بتحبني بجد وانا اللي وحش……..يمكن اكون حبيتها فعلا ……..بس مبقاش ينفع……..انا بقيت شخص صعب وبقيت بشك في كل حاجة حواليا ولازم……..لازم اني ابعد عن الكل يمكن حياتي تتحسن وحياتهم هما كمان
كُنت ماشي في الشارع ومش مركز……..خبطت في واحدة…….اعتذرت ليها وكملت مشي…….صوتها وقفني
_اياد
وقفت في مكاني بصدمة وانا مش مصدق نفسي……..لفيت نفسي بالراحة…….لقيتها قدامي واقفه وعلي وشها إبتسامه
_وحشتني اوي يا اياد
فضلت واقف وباصص عليها بصدمة…….مكنتش قادر اتحرك ومش مصدق انها واقفه قدامي ورجعت بعد كل اللي حصل دا……..تلفوني رن…….بصيت فيه لقيتها بترن عليا…….فضلت ابص في التلفون وابصلها وانا واقف مكاني ومش عارف اعمل اية
يتبع…
لقراءة الفصل التالي : اضغط هنا
لفراءة الرواية كاملة اضغط على : (رواية حكاية حب)
