رواية حكاية الفصل الثاني 2 بقلم ريناد خالد
رواية حكاية الجزء الثاني
رواية حكاية البارت الثاني
رواية حكاية الحلقة الثانية
داده كريمه: معلش يا ريناد يبنتى ممكن بس تطلعى لفريده هانم تحاولى معاها ممكن تاكل حاجه غرفتها ع ايدك اليمين
ريناد:اكيد طبعا….
طلعت فوق وكان القصر ف غرف كتير سمعت صوت اغنيه لعبد الوهاب كانت ماما دايما بتشغلها
وكان الصوت طالع من غرفه فريده هانم
ادخل
فريده:انا قولت مش عايزه اكل…
ريناد: ……حضرتك ذوقك حلو اوى ف الاغانى
ماما كانت بتشغلها كل يوم من حبها فيها فكبر جوايا حبى للاغانى دى خصوصاً أن هى اللى بقت بتفكرنى بيها
نسيت اعرف حضرتك بنفسى انا ريناد الطباخه الخاصه بمستر نوح
فريده:معلش يبنتى انفعلت شويه وانتى داخله…
ممكن اعرف حضرتك مش عايزه تاكلى ليه..
فريده: زى ما انتى شايفه قاعده ع كرسى متحرك يومى كله ع الكرسى ده محدش فاهم بقى جوايا ايه والخنقه الرهيبه إللى بمر بيها بسبب انى قاعده ولا عارفه اعمل حاجه ف حياتى أو اقوم لوحدى حتى
ريناد: وعسى أن تكرهو شيئا وهو خيرا لكم وعسى ان تحبو شيئا و هو شرا لكم…. ربنا بس عايز يشوف مدى صبرك ده اختبار فيه بيعدى منه وفيه بييأس وبيفشل ماما كانت دايما تعلمنى وتقولى اوعى تشغلى بالك بأى حاجه دنياويه ولا تشغلى دماغك عيشى وافرحى واتبسطى وربنا فوق بيدبرلك جملتها دى دايما بعمل بيها ف كل حاجه ف حياتى تقدرى تعملى حاجات كتير اوى تخرجك من إللى انتى فيه املى يومك كله بحاجات مختلفه مجربتهاش قبل كده ممكن تبصى للحياه بنظره تانيه غير دى انتى هتعشيها مره واحده حتى لو ف المره دى كان عندنا صعوبات لازم نتغلب عليها مش هى إللى تتغلب علينا
الحياه لسه فيها حاجات اجمل
فريده: عندك حق يبنتى بشكرك جدا ع نصيحتك دى هو انتى لابسه الماسك ده ليه
ريناد: يعنى وشى مش لطيف اوى ف بلبسه
فريده: حتى لو …. كفايه انك جميله اوى من جوا ،♥️✨
*****
نوح:داده كريمه…. ي داده
كريمه: ايوا ي نوح ….
نوح:اخبار ماما ايه اكلت ولا لسه برضو
كريمه:بعتلها الطباخه الخاصه بحضرتك تحاول معاها يمكن لما تشوف وشوش جديده اهو تغير حاجه
نوح: تعالى أما نطلعلها … زمانها مضايقه مبتحبش حد يشوفها وهى كده
******
داده كريمه:هى دى اللى مضايقه انا اول مره بشوفها بتضحك كده
من قلبها
نوح: صباح الخير ي ماما
عامله ايه يحببتى وشك منور اهو الحمدلله
فريده : صباح النور يحبيبى…. هى القمر دى روحها حلوه اوى
بتفكرنى ب ببنت خالتك وحشونى ووحشنى القعده معاهم
نوح: انتى …… ريناد… مش كده
ريناد: ايوا…
…
فريده:نووح… ي نوح يبنى متنح ليه
نوح : ابدا ي ماما ولا حاجه بشكرك جدا ي ريناد انك خليتى ماما ترضى تاكل والله ممتن ليكى جدا
ريناد: ابدا والله انا معملتش حاجه ….. فطار حضرتك هيكون جاهز بعد شويه عن اذنكو
فريده:يبنى سرحان ف ايه
نوح:لا ابدا ي امى مشغول بشويه حاجات بس
عن اذنك هنزل افطر بقى
********
ريناد:فطار حضرتك يمستر نوح
تحب حاجه كمان جمب الفطار
نوح:لا ابدا شكرا
*******
روحت الشركه وانا دماغى مشغوله
ازاى ريناد دى شبها اوى كده بس اكيد لا
نوح:بقولك اى ي جو البنت إللى انت عينتها دى انت كشفت ع ال cv بتاعها
جو:طبعا ي مستر نوح
دى شيف من درجه ٤ نجوم انا جايبها بالعافيه هتطلع اختبارات بعد شهر و وبعدها هتفتح المطعم الخاص بيها
نوح:اه
*********
داده كريمه:حرام عليك يبنى خضتنى
مالك: المفروض تكونى اتعودتى ي داده بقى
ريناد: داده كريمه عايزه الطلبات إللى ف الورقه دى
حاضر
مالك: انتى جديده هنا…
ريناد:ايوه…..
مالك: اسمك ايه
ريناد…
عن اذنكو
**********
الوقت هنا ف القصر ممل جدا
الليل جه وكده خلصت شغلى
خلصت ونزلت الجنينه
ودماغى مبتبطلش تفكير ازاى اسمها نفس اسم خالتى واسمى نفس اسم بنت اختها اكيد مفيش صدفه كده اكيدد لا إحساسى مش صح
قاطع تفكيرى صوت مالك
وحطيت الماسك بسرعه
نوح:ع فكره شكلك احلى من غير ماسك
ريناد: معلش مبرتاحش الا كده
زى متحبى
مالك:هو انا ممكن اسألك سؤال
ريناد: اتفضل
هو ليه الإنسان ممكن ميتحبش ودايما بيحب من طرف واحد
ريناد: ف اختلافين
الاول لو كان شكلك زيي كده ف اكيد مش هتتحب هتحب من طرف واحد
التانى بقى أن الانسان مش هو إللى بيتحكم ف مشاعره
مهما حاولت تخفى مشاعرك عن إللى بتحبه مش هتعرف ومهما عافرت تنسى مش هتعرف لانه مكنش بايدك من الاول اصلا انك تحبه ف مش هتعرف تتحكم بعد متحبه
القلب بيغلب العقل ف حاجات كتير وده بيخلى الإنسان يتأذى اوى
لان الانسان مبيفكرش بيمشى ورا قلبه قلبه وبس
من وجهه نظرى ميمشيش ورا قلبه الا لو إللى قدامه بيحبه
لكن لو محبوش يحاول يخلى عقله هو إللى يغلب وطبعا ده صعب اوى عمرك مهتعرف تتحكم في شعورك نحيه إللى بتحبه مهما كنت بارد
مالك:ليه قولتى ع شكلك وبتاع
القلب عمر محب بشكل الاعجاب بس هو إللى بشكل لكن الحب
معناها انك هتحبى كل تفصيله ف الشخص إللى قدامك
ريناد:بس شكلك إللى هيخلى الحد ينجذب ليك
وبعد كده يحبك
مالك:ده نوع ف نوع تانى انك تحبى طريقه حد وافعاله حركاته
ضحكته شخصيته وده النوع الاحلى والاحسن الشكل كده كده هيتغير مع الوقت
انا بحب حد وعايز اعترف بس خايف متكونش بتحبنى انا مش ناوى العب بيها أو اهزر
ريناد: قولها قبل مالوقت يفوت وتبعد بس لازم تكون حاسس بأى حاجه من نحيتها عشان ميحصلكش زى محصلى
مالك :ايه اللى حصلك
نوح: ي مااالك عايزك لو سمحت اطلعلى
مالك:عن اذنك
نوح:انت مش وراك شغل الصبح يبنى قاعد ليه
مالك: عادى ينوح يعنى كده كده هروح ع المعاد بالظبط
متقلقش
**********
الوقت اتاخر وروحت انام
قبل منام حبيت اقرأ قران كالعاده
وعمرى مقرأت سوره الا ولقيت حل لمشكلتى اكن ربنا بيكلمنى
*****
نوح: اعملى حسابك اننا هنسافر بكره ورانا شغل
ريناد:تمام هنعقد قد ايه
نوح:اسبوع
تمام
ريناد: صباح الخير ي فريده هانم
فريده:صباح النور يحببتى بلاش فريده هانم دى
قولى فريده بس
ريناد:لا ازاى ميصحش
فريده:لا يستى اللى بقولك قولى انتى زى بنتى
كان نفسى دايما يبقى عندى بنت بس ربنا مرزقش الحمدلله ع كل حال
ريناد: ايه ده هو حضرتك بتحبى تعزفى ع العود
فريده:اه تعالى اقعدى
مالك: الله عليكى ي فريده يعسل ايوا كده رجعتلنا ووشك نور اهو
ورجعنا نسمع عزفك الجميل ده
فريده: يواد بطل طريقتك دى
ريناد:عن اذنكو
مالك:ايه ي ديده فيه ايه الحق عليا
مالك: صحيح ي نوح هاجى معاكو بكره ☺️
نوح:تيجى فين
مالك: مش انت مسافر لشغللك
انا خلصت البروجيكت بتاعى و اخدت اجازه وهاجى معاكو
نوح: زى متحب اهو الحمدلله فكرت تغير جو اهو
شكلك متغير
مالك: الفضل كله لريناد من غيرها مكنتش هعرف اخد القرار ده
يلا سلام هروح النادى
نوح:ايه القصه كل مسأل حد فيكو يقولى الفضل كله لريناد
مش فاهم انا
فريده: روحها هى إللى مخليا كل حاجه حلوه
نوح:ماما هى مبتفكركيش بحاجه
فريده:لا …. اسمها يعنى
نوح:وغير اسمها جوايا احساس غريب جدا اكيد مش هتبقى فاكرانا
احنا مشينا من زمان وكل حاجه اتقطعت بعد ما باباها ده عمل إللى عمله واخدهم
فريده: مش عارفه ي ابنى والله
بس ممكن نسألها
نوح:لا …. مش الوقتى عايز اتاكد بنفسى يلا عايزه حاجه
********
نوح:جو جهزلى ال CV بتاعها ع ما ارجع من السفر و احجزلى تذكره لمالك معانا
جو:تمام ي مستر
*****
ريناد: هروح اشترى شويه حاجات ي داده كريمه
ماشى ي حببتى
وانا راحه حبيت انى اخد فريده معايا تغير جو
ريناد: فريده هانم…. قصدى فريده
ايه رأيك لو تحبى نكلم مستر نوح يبعتلنا السياره ونروح نعمل شوبينج ونعقد ع النيل
فريده: تصدقى فكره حلوه
يلا انا جهزت
تمام يلا بينا مستر نوح هيخلص شغله بعد شويه وهيجلنا
كويس اهو بقالنا كتير مخرجناش سوا
*********
فريده:الجو هنا حلو جدا
ريناد: تحبى نروح نشترى ايس كريم
يلا
ريناد: انا هطلب مانجا انتى هتطلبى ايه
فريده:مانجا برضو
شكرا
فريده: مبتاكليش ليه
ريناد:مبحبش المانجا
فريده:طب وطلبتيها ليه
ريناد: ماما كانت بتحبها كنا كل منخرج لازم تشتريها قولت اشتريها بداما هى مش موجوده
فريده:طب مبداما هى وحشتك كده متروحى تزوريها انت بقالك اسبوعين معانا تقريبا عادى خدى اجازه وروحى
ريناد: هى لو موجوده مكنتش اشتغلت ربنا يرحمها
فريده بحزن: انا اسفه بجد ….. تعالى
نوح باستغراب وهو واقف بعيد مش فاهم حاجة
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حكاية)
